• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥር 6፣ 2012/ ከአጎራባች ክልሎች እና ከኬንያ ወደ ደቡብ ክልል እየገባ ያለው የአንበጣ መንጋን ለመቆጣጠር እየተሰራ ነው ተባለ

ከኦሮሚያ አጎራባች ዞኖች ወደ ደቡብ ክልል ቡርጂ ዞን 10 ቀበሌዎች ተዛምቶ የነበረውን የአንበጣ መንጋ መቆጣጠር እንደተቻለ ከክልሉ የእርሻና ተፈጥሮ ሀብት ልማት ቢሮ ሰምተናል፡፡የአንበጣ መንጋው የንፋስ አቅጣጫን ተከትሎ የሚሄድ በመሆኑ አሁን ላይ ወደ አማሮ ኮሌ 3 ቀበሌዎች መሰራጨቱን በቢሮው የኮሚዩኒኬሽን ጉዳዮች ዳይሬክተር የሆኑት አቶ መንግስቱ ሀይለ ማርያም ለሸገር ነግረዋል፡፡ተጨማሪ የአንበጣ መንጋ ከሶማሌ ክልል እና ከኬኒያ ሊገባ ይችላል የሚል ስጋት በመኖሩም ህብረተሰቡን የማንቃት ስራ እየሰራን ነው ብለዋል ዳይሬክተሩ፡፡

የአንበጣ መንጋው መሬት ላይ አልፎ እንቁላል እንዳይጥልና እንዳይራባ ለማድረግ የተለያዩ የመከላከል ስራዎች ይሰራሉም ብለዋል አቶ መንግስቱ፡፡ይሁንና የአንበጣ መንጋው ከታሰበው በተቃራኒ መሬት ላይ አርፎ የሚራባ ከሆነ በአውሮፕላን የኬሚካል ርጭት ለማድረግ ዝግጅት ተደርጓል ተብሏል፡፡ዘግይተው ከሚሰበሰቡ የደጋ እህሎች በስተቀር አብዛኛው ሰብል መሰብሰቡን አቶ መንግስቱ ነግረውናል፡፡የአንበጣ መንጋው አረንጓዴ የሆኑ ነገሮችን ሁሉ የሚመገብ መሆኑ ግን በክልሉ የደን ሀብት እና ጥምር ደን ላይ ጉዳት ሊያደርስ ይችላል የሚል ስጋት አለን ብለዋል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers