• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥር 7፣ 2012 / በአሜሪካ፣ በታላቁ የህዳሴ ግድብ ላይ ሲካሄድ የነበረው ውይይት ወደ ስምምነት ሊያደርሱ የሚችሉ ማዕቀፎችን በማውጣት መጠናቀቁ ተሰማ

የኢትዮጵያ፣ የግብፅና የሱዳን የውጭ ጉዳይ እና የውሀ ሀብት ሚኒስትሮች የአሜሪካ የገንዘብ ሚኒስትርና የዓለም ባንክ ፕሬዝዳንት በተገኙበት ያደረጉትን ውይይት ተከትሎ የጋራ መግለጫ አውጥተዋል፡፡በወጣው መግለጫ ላይ እንደተመለከተው፣ የሶስቱ አገራት ሚኒስትሮች፣ ወደ አጠቃላይ ስምምነት ሊያደርሱ የሚችሉ የስምምነት ማዕቀፎችን አስቀምጠዋል፡፡

የስምምነት ማዕቀፎቹም፣

  • የታላቁ የህዳሴ ግድብ ውሃ ሙሌት፣ የወንዙ ተፋሰስ ሀገሮችን እና የወንዙን ፍሰት ከግምት ውስጥ ባስገባ መልኩ በየደረጃ እንዲሞላ፤ የግድቡ ሙሌት በእርጥበታማ (ክረምት ወራት) በአጠቃላይ በሀምሌና በነሐሴ ሁኔታው እየታየም በመስከረም እንዲቀጥል፡፡
  • ግድቡ የመጀመሪያ ደረጃ ኤሌክትሪክ ሊያመነጭ በሚያስችለው ከባህር ጠለል በላይ 595 ሜትር ከፍታ ድረስ ውሃ መያዝ እንዲችል፣ በዚህ ወቅት ግን አስከፊ ድርቅ ካጋጠመ ግብፅና ሱዳንን ታሳቢ ያደረገ እርምጃ እንዲወሰድ፤ ከዚህ በተጨማሪ የግድቡ ሙሌት ስራ የታችኛውን የወንዙ ተፋሰስ ሀገሮች በማይጎዳ መልኩ እንዲሆን የሚሉት የስምምነት ማዕቀፎቹ አንኳር ነጥቦች መሆናቸውን የወጣው መግለጫ ያስረዳል፡፡

የሶስቱ አገራት ሚኒስትሮች የድርቅ ሁኔታዎች ሲያጋጥሙ የጋራ ሀላፊነት እንዳለባቸውም ተስማምተዋል ተብሏል፡፡የሶስቱ አገራት የውጪ ጉዳይ እና የውሃ ሀብት ሚኒስትሮች ያወጧቸው የስምምነት ማዕቀፎች ላይ የመጨረሻ ሁሉን አቀፍ ስምምነት ለማድረግ ከ12 ቀናት በኋላ በዋሽንግተን ዲሲ ለመገናኘት ቀጠሮ መያዛቸው የወጣው መግለጫው ያስረዳል፡፡

ሸገር የወጣውን የስምምነት ማዕቀፍ በተመለከተ በአዲስ አበባ ዩኒቨርስቲ ሕግ ትምህርት ቤት የዓለም አቀፍ የውሃ ህግ ተመራማሪው ዶ/ር ደረጄ ዘለቀን አነጋግሯቸዋል፡፡ በአሜሪካ የኢትዮጵያ አምባሳደር ፍፁም አረጋ የሶስቱን አገራት የስምምነት ማዕቀፎች አስመልክቶ በማህበራዊ ገፃቸው ባሰፈሩት መልዕክት ለ3 ቀናት ሲካሄድ የነበረው ወይይት በጥሩ መግባባት ተጠናቅቋል ብለዋል፡፡



ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers