• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የምግብ ንጥረ ነገር ማነስ ዛሬም ያልተፈታ የብዙ ኢትዮጵያዊያን ችግር ነው ተባለ

የምግብ ንጥረ ነገር ማነስ ዛሬም ያልተፈታ የብዙ ኢትዮጵያዊያን ችግር ነው ተባለ… ከተጀመረ ብዙ ዓመታት የሆነው በአዬዲን የበለፀገ ጨውን የማቅረብ ሂደት እንኳን በተደረገ ፍተሻ በቂ የአዬዲን ይዘት ያለው የጨው መጠን 26 በመቶ እንኳን እንደማይሞላ በጥናት ተረጋግጧል ተብሏል፡፡

ይህ የተሰማው ዛሬ በደሣለኝ ሆቴል በተጀመረውና በስንዴ የምግብ ማቀናበር ሥራ ላይ የተሰማሩ ኢንዱስትሪዎች በንጥረ ነገር የበለፀገ ምግብን እንዲያቀርቡ  ለማድረግ በጉዳዩ ላይ በተሰናዳ ስልጠና ላይ ነው፡፡ የአዲስ አበባ ዩኒቨርስቲና ሌሎችም ተቋሞች በትብብር ባሰናዱት ሥልጠና ላይ በቀረቡ የጥናት ፅሁፎች አብዛኛው የኢትዮጵያ ህዝብ አሁንም እንደ ቫይታሚንና ሚኒራል ያሉ ንጥረ ነገሮች ድብቅ ርሃብ አለበት፡፡ በአገር አቀፍ ደረጃም የነዚህ ንጥረ ነገሮች በምግብ ውስጥ መኖርና ማጠርን የተመለከተ ጥናት መደረጉ በዝግጅቱ ላይ ተነስቷል፡፡
በፋብሪካ ውስጥ የሚቀናበሩ ምግቦች ንጥረ ነገራቸው ካልተተካ በስተቀር የሚበዛው በማቀናበር ሂደት ውስጥ ይባክናል አልያም ይመናመናል ተብሏል፡፡ እንደ ዚንክ፣ አዬዲን ያሉና ሌሎችም ንጥረ ነገሮች ከምግብ ውስጥ ማነስና መጥፋት አካላዊና አዕምሮአዊ የጤና እክልን የሚያስከትል ስለሆነ ያለው ችግር አሳሳቢ ነው ተብሏል፡፡

ለምሣሌም ባለፉት ሁለት ዓመታት በዘርፉ የተሰራ ጥናት ሲቀርብ እንደሰማነው በ3 ሺህ 805 አባወራዎች ላይ በተሰራ ጥናት በአገር አቀፍ ደረጃ ከአጠቃላይ የኢትዮጵያ ህዝብ 10 ነጥብ 9 በመቶ የቫይታሚን A እጥረት አለበት፡፡ ከእንስሣት ተዋፅኦ በቀላሉ ሊተካ በሚችል የዚንክ እጥረት የሚጠቁ ከ6 እስከ 59 ወር ያሉ ህፃናት ቁጥር 35 በመቶ ፣ ከ5 እስከ 14 በመቶ ያሉትም 35 በመቶ የዚንክ እጥረት አለባቸው ተብሏል፡፡ የሌሎች ንጥረ ነገሮችም እጥረት ከዚህ የበለጠ እንጂ ያነሰ እንዳልሆነም ተነግሯል፡፡
በዚህም ቢያንስ የእንስሣት ተዋፅኦ፣ አትክልት፣ ፍራፍሬና ጥራጥሬን በምግብ ሥርዓት ውስጥ በመቀላቀል ችግሩን መቀነስ ይቻላል ተብሏል፡፡

ቴዎድሮስ ወርቁ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers