• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጠቅላይ ሚኒስትር ኃይለማርያም ደሣለኝ ያቀረቧቸው የህዝብና ቤት ቆጠራ ኮሚሽን አባላት

ጠቅላይ ሚኒስትር ኃይለማርያም ደሣለኝ ያቀረቧቸው የህዝብና ቤት ቆጠራ ኮሚሽን አባላት ሹመት በአንድ ተቃውሞ በዘጠኝ ድምፀ ተአቅቦና በአብላጫ ድምፅ ፀደቀ… የጠቅላይ ሚኒስትሩ የሹመት ጥያቄ በመንግሥት ረዳት ተጠሪ በኩል ዛሬ ለህዝብ እንደራሴዎች ምክር ቤት ቀርቦ ነው የፀደቀው፡፡ በቀረበው የውሣኔ ኃሣብ መሠረትም ምክትል ጠቅላይ ሚኒስትሩ አቶ ደመቀ መኮንን የኮሚሽኑ ሰብሣቢ ሆነው ተሹመዋል፡፡የገንዘብ እና ኢኮኖሚ ልማት ትብብር ሚኒስትሩ አቶ አብዱላዚዝ መሀመድ፣ የትምህርት ሚኒስትሩ አቶ ሽፈራው ሽጉጤና የጤና ጥበቃ ሚኒስትር ዶክተር ከሰተብርሃን አድማሱን ጨምሮ 23 ከፍተኛ የመንግሥት የሥራ ኃላፊዎች የኮሚሽኑ አባል ሆነው ተሹመዋል፡፡

ሹመታቸው ከፀደቀላቸው የኮሚሽኑ አባላት መካከል የሶማሌ ክልል ምክትል ርዕሰ መስተዳደር የሆኑት ወ/ሮ ሱአድ አህመድ ብቸኛዋ ሴት ተሿሚ ናቸው፡፡ አንዳንድ ሴት የምክር ቤቱ አባላትም ኮሚሽኑን ለመምራት ከተሾሙት መካከል የሴቶች ቁጥር አንሷል ሲሉ ተቃውመዋል፡፡ ተሿሚዎቹ በፌዴራል ጠቅላይ ፍርድ ቤት ምክትል ፕሬዝዳንት በሆኑት አቶ መድህን ኪሮስ አማካኝነት ቃለ መሀላ ፈፅመዋል፡፡
የህዝብ እና ቤት ቆጠራ ኮሚሽኑ ለአስተዳደራዊ ጉዳዮች፣ ለምርጫ፣ ለእቅድ ዝግጅትና አፈፃፀም የሚሆኑ ለህዝብ የሚጠቅሙ መረጃዎችን በቆጠራ መሰብሰብና ማደራጀት እንዲሁም ማሰራጨት ዋናው አላማው ነው ተብሏል፡፡ የህዝብ እንደራሴዎች ምክር ቤት ዛሬ ባካሄደው 37ኛ መደበኛ ስብሰባ የፌዴራል ዋና ኦዲተር መሥሪያ ቤትን ማቋቋሚያ አዋጅ ለማሻሻል የሚያስችል ረቂቅ አዋጅም ቀርቦለት ተመልክቷል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers