• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የጤና ጥበቃ ሚኒስቴር የነርሶችን አለባበስ የሚወስን መመሪያ አውጥቷል

በጤና ተቋማት ህሙማንን የሚንከባከቡ ነርሶችን የአለባበስ ስርዓት የሚወስን ደንብ በሥራ ላይ መዋል ጀመረ…
ነርሶች ብዙ ጊዜያቸውን በጤና ተቋማት ውስጥ ከህሙማን ጋር ያሳልፋሉ፡፡ በዚህ ግንኙነታቸው ራሳቸውን ለህሙማኑ እና ሌሎች ተገልጋዮች ግልፅ አድርገው ማቅረብ እንዳለባቸው የሙያው ስነ-ምግባር ይጠይቃል፡፡
ለዚህ እንዲረዳ የራሳቸው የአለባበስ ደንብ እንደሚኖራቸውም ይጠቅሳል፡፡

ነርሶች ነጭ የደንብ ልብስ እና ቆብ እንደሚያደርጉ በመመሪያ ደረጃ ሰፍሯል፡፡

ትኩረት ባለመስጠት ግን አንዳንድ ነርሶች የደንብ ልብሱን አይጠቀሙም፣ በአለባበሳቸው ምክንያት ክህክምና ዶክተሮች ጋር የሚመሳሰሉበት አጋጣሚ እንዳለ ይነገራል፡፡

እንዲህ ዓይነቱን ችግር ለማስቀረት የጤና ጥበቃ ሚኒስቴር የነርሶችን አለባበስ የሚወስን መመሪያ አውጥቷል፡፡

አዲሱ የአለባበስ መመሪያ የነርሶችን ደረጃ የሚያመለክት ጥብጣብ ወይም ሪቫን እንደሚኖረው ተነግሯል፡፡

ደረጃውን በዲግሪ እና በዲፕሎማ የተመረቁ እንዲሁም ረጅም ዘመን ያገለገሉ ነርሶችን የሚለይ እንደሆነ ሰምተናል፡፡

ከሪቫኑ ጋር ከላይ ቆብ፣ ጉርድ ሸሚዝ እንዲሁም ሱሪ እና ጫማ ነርሶች ይጠቀማሉ ተብሏል፡፡

 

የደንብ ልብሱን ሳያሟሉ የትኛውም ወይም የትኛዋም ነርስ መስራት እንደማይችሉ ተነግሯል፡፡

ደንቡ በግል የጤና ተቋማት የሚሰሩ ነርሶችን ጭምር የሚመለከት እንደሆነ ሰምተናል፡፡

የቅዱስ ጴጥሮስ ስፔሻላይዝ ሆስፒታል መመሪያውን ተግባራዊ በማደረግ ቀዳሚው ሆኗል፡፡

የጥሩነሽ ቤጂንግ ሆስፒታል ደግሞ ከትናንት በስትያ መመሪያውን ሥራ ላይ ማዋል ጀምሬያለሁ ብሏል፡፡

የሆስፒታሉ ዋና ሥራ አስኪያጅ አቶ አለማየሁ ነጋሽ እንደነገሩን የነርሶችን የአለባበስ እና አገልግሎት አሰጣጥ ስርዓት የማስተዋወቅ ሥራ በዕለቱ ተከናውኗል፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers