• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጠቅላይ ሚኒስትር ኃይለማርያም ደሣለኝ ያቀረቧቸው የፌዴራል ጠቅላይ ፍርድ ቤት ፕሬዝዳንትና ምክትል ፕሬዝዳንት ሹመት

ጠቅላይ ሚኒስትር ኃይለማርያም ደሣለኝ ያቀረቧቸው የፌዴራል ጠቅላይ ፍርድ ቤት ፕሬዝዳንትና ምክትል ፕሬዝዳንት ሹመት በአንድ ድምፀ ተአቅቦና በአብላጫ ድምፅ ፀደቀ… በውሣኔ ኃሣቡ መሠረትም ላለፉት 16 ዓመታት የጠቅላይ ፍርድ ቤት ዳኛ ሆነው ያገለገሉት አቶ ዳኜ መላኩ የጠቅላይ ፍርድ ቤት ፕሬዝዳንት ሆነው ተሹመዋል፡፡ አቶ ፀጋዬ አስማማው ደግሞ ምክትል ፕሬዝዳንት ሆነው ሹመታቸውን ተቀብለዋል፡፡

በቂ የህግ ትምህርትና ልምድ አላቸው የተባሉ 34 ለከፍተኛ ፍርድ ቤት፣ ሌሎች 75 ደግሞ ለመጀመሪያ ደረጃ ፍርድ ቤት ዳኛ ሆነው ተሹመዋል፡፡

ዳኞቹን ለመሾም ለምክር ቤቱ የቀረበው ሰነድ የተለያየ ግድፈት አለበት፣ ሥርዓትም የለውም ሲሉ የተለያዩ የምክር ቤቱ አባላት ተችተዋል፡፡

 

ኢትዮጵያ የምትከተለው ፌዴራላዊ አወቃቀር ሥርዓት በመሆኑ ሹመቱ የታዳጊ ክልል ተወላጆችን አላካተተም የሚል ጥያቄ ከአንድ የምክር ቤቱ አባል ቀርቧል፡፡

ለቀረቡ ጥያቄዎች ምላሽ የሰጡት የመንግሥት ረዳት ተጠሪ ሚኒስትር የሆኑት አቶ አስመላሽ ወልደሥላሴ እጩ ዳኞቹ የተመለመሉት በሥራ ውጤታቸው ሲሆን ይህም አዋጁን የተከተለ አሰራር ነው ብለዋል፡፡

የሰነዱ ጥራት የተጓደለውም በታይፕ ስህተት በመሆኑ ይስተካከላል የሚል ምላሽ ሰጥተዋል፡፡

በህዝብ እንደራሴዎች ምክር ቤት ዛሬ ሹመታቸው ከፀደቀላቸው አንድ መቶ ዘጠኝ የከፍተኛ እና የመጀመሪያ ደረጃ ፍርድ ቤት ዳኞች መካከል 49 ያህሉ ሴቶች ናቸው፡፡ እስካሁን ድረስ የጠቅላይ ፍርድ ቤት ምክትል ፕሬዝዳንት ሆነው ሲያገለግሉ በቆዩት አቶ መድህን ኪሮስ አማካኝነት ተሿሚዎቹ ቃለ መሀላ ፈፅመዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers