• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሁለተኛ ቀኑን የያዘው የጠቅላይ ሚኒስትር ኃይለማርያም ደሣለኝ የናይሮቢ ኬኒያ የሥራ ጉብኝት

ሁለተኛ ቀኑን የያዘው የጠቅላይ ሚኒስትር ኃይለማርያም ደሣለኝ የናይሮቢ ኬኒያ የሥራ ጉብኝት ተደጋጋሚ ቀረጥን ማስቀረትን ጨምሮ በሌሎች ጉዳዮች ላይ ይፈራረማል ተብሎ እንደሚጠበቅ ተሰማ…

ሸገር ዛሬ ከውጪ ጉዳይ መሥሪያ ቤት ቃል አቀባይ ተወልደ ሙሉጌታ እንደሰማው ኬኒያና ኢትዮጵያ በ2012 እ.አ.አ የተፈራረሙትን የስምምነት ውጤቶችን ጭምር ይፈትሻሉ ብለዋል፡፡

በጤናና በኢንቨስትመንት ግንኙነት ዙሪያ ስምምነቶችን ያደርጋሉ ተብሎ የሚጠበቀው የጠቅላይ ሚኒስትር ኃይለማርያምና የፕሬዝዳንት ኡሁሩ ኬኒያታ ንግግር ተጨማሪ ስምምነቶችንም ያደርጋል ተብሏል፡፡

በኢትየጵያና በኬኒያ መካከል የተጀመሩት ታላላቅ የጋራ ፕሮጀክቶችን በተመለከተም ሁለቱ መንግሥታት ይነጋገራሉ መባሉን ከአቶ ተወልደ ሰምተናል፡፡

 

በኢትዮጵያና በኬኒያ ድንበሮች መካከል የሚኖሩ ዜጐች የሚጠቀሙበትን የልማት ፕሮግራሞች አስመልክቶም ምክክር ይደረጋል መባሉን ከቃል አቀባዩ ሰምተናል፡፡

የኢትዮጵያ እና የኬኒያ የጋራ የሚኒስትሮች 35ተኛ ጉባዔ በተለያዩ መስኮች የሁለቱን ሀገራት ግንኙነት ለማሣደግ አስቀድሞ በወሰነው መሠረት ሁለቱ መሪዎች በጋራ ጥቅሞቻቸው ላይ ይመክራሉ መባሉን ሰምተናል፡፡

የጠቅላይ ሚኒስትር ኃይልማርያም ደሣለኝ የኬኒያ የሥራ ጉብኝት እስከ ነገ የሚዘልቅ ይሆናል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers