• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 17፣2012/ የትግራይ ክልል የኮሮና ቫይረስ ወረርሽኝን ለመከላከል ገበያዎችን ጨምሮ ብዛት ያለው የሰዎች እንቅስቃሴን የሚገድብ ውሳኔ አሳለፈ

የትግራይ ክልል የኮሮና ቫይረስ ወረርሽኝን ለመከላከል ገበያዎችን ጨምሮ ብዛት ያለው የሰዎች እንቅስቃሴን የሚገድብ ውሳኔ አሳለፈ፡፡በትግራይ ክልል የቫይረሱ ስርጭት የከፋ ጉዳት እንዳያደርስ በ22 ዋና ዋና ጉዳዮች ላይ ከመከረ በኋላ ሶስት አንኳር ጉዳዮች ላይ ውሳኔ ማሳለፉን የክልሉ ምክትል ርዕሰ መስተዳድር ደብረጽዮን ገ/ሚካኤል (ዶ/ር) ተናግረዋል፡፡

ምክትል ርዕሰ መስተዳደሩ፣ በትግራይ ክልል ከገጠር ወደ ከተማ፣ ከከተማ ወደ ገጠር፣ ከከተማ ወደ ከተማ የሚደረጉ ዝውውሮች ለሚቀጥሉት 15 ቀናት ታግደዋል ብለዋል፡፡ህዝብ የሚበዛባቸው ገበያዎችም እንዳይካሄዱ መታገዳቸውን ምክትል ርዕሰ መስተዳድሩ ገልፀዋል፡፡እንደ ሠርግና ተዝካር ያሉ ማህበራዊ መሰናዶዎችም ለጊዜው እንዳይካሄዱ የክልሉ ስራ አስፈጻሚ መወሰኑን ሰምተናል፡፡

ምክትል ርዕሰ መስተዳድር ደብረጽዮን ገብረሚካኤል እንዳሉት የተላለፉት ውሳኔዎች ለሚቀጥሉት 15 ቀናት ተግባራዊ እንደሚደረጉና በሽታው ያለበት ወቅታዊ ሁኔታ እየተገመገመ የተለያዩ ውሳኔዎች እንደሚተላለፉ መናገራቸውን የትግራይ ብዙኃን መገናኛ ድርጅት አውርቷል፡፡

ዘከርያ መሐመድ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers