• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 17፣2012/ ምጥን የዓለም ወሬዎች

ዓለም አቀፍ ትብብር እና ከ2 እስከ 3 ትሪሊዮን ዶላር። አዎ፣ የተባበሩት መንግሥታት ድርጅት እንዳለው የኮሮና ወረርሽኝን ለመዋጋት የሚያስፈልጉት እነሱ ናቸው።የድርጅቱ ዋና ፀሐፊ አንቶኒዮ ጉቴሬዝ ለቢቢሲ እንደተናገሩት በሰዉ ዘር ላይ ለመጣው ለዚህ አደጋ የየግል ሩጫ የትም አያደርስም።
የአደጉት ሀገራት አዳጊዎችን ቸል አሉ ማለት፣ ቫይረሱ ራሱን ቀይሮና አጠናክሮ እንዲመለስባቸወ ዕድል መስጠት ነው።
➖➖➖➖
በአሜሪካ በኮሮና ቫይረስ የሞቱ ሰዎች 1000 ሊደፍን ነው።ወረርሽኙ የበረታባት የኒውዮርክ ከተማ በ24 ሰዓታት ብቻ 285 ሰዎቿን አጥታለች ብለዋል።
የምድራችን ሀብታም ከተማ በሆነችው ኒውዮርክ የህክምና ባለሙያዎች ጋዋን አልቆባቸው ቆሻሻ መጣያ ላስቲኮች ለመደረብ ተገደዋል።የኒውዮርክ አገረ ገዢ ግን ማኅበራዊ ርቀት የሆስፒታል አልጋ ፈላጊዎችን ቁጥር እየቀነሰ ነው።
ወረርሽኙ ከአሜሪካ አጠቃላይ ሕዝብ ከግማሽ በላይ የሚሆነው በየቤቱ እንዲከተት አስገድዷል።
➖➖➖➖
ሩሲያ ሁለት ሚሊዮን ያህል ዜጎቿ ከሰዉ ተነጥለው እንዲሰነብቱ አዘዘች።
ሀገሪቱ ትዕዛዙን ያስተላለፈችው ለኮሮናቫይረስ እጅግ ተጋላጭ ናቸው ባለቻቸው ላይ ነው።
በሩሲያ በመቶዎች የሚቆጠሩ ሰዎች በቫይረሱ ተጠቅተዋል ቢባልም፣ ብዙዎች ግን እዉነተኛዉ ቁጥር ከዚያ በብዙ እጅ እንደሚልቅ ይጠረጥራሉ።
➖➖➖➖
በአሜሪካ በጉጉት ሲጠበቅ የነበረው የሥራ አጥ ቁጥር ይፋ ሆነ፣ አኃዙ የብዙዎችን የተንቦረቀቀ ግምት ሳይቀር በብዙ እጅ ያስከነዳ ነው ተብሏል።
የሀገሪቱ የሠራተኛ ሚኒስቴር መሥሪያ ቤት ይፋ እንዳደረገው ባለፈው ሳምንት ብቻ 3.2 ሚሊዮን ሰዎች ሥራ አጥ ሆንን ሲሉ የማኅበራዊ ዋስትና ድጋፍ ጠይቀዋል።
አሜሪካ የኮሮና ቫይረስ ያሽመደመደዉን ኢኮኖሚዋን ለመደጎም የ2.2 ትሪሊዮን ዶላር በጀት አፅድቃ ነበር። አዲሱ መረጃ ግን የዛን በጀት በቂነት ጥያቄ ውስጥ ከትቶታል ።
➖➖➖➖
ዓለምአቀፉ የገንዘብ ድርጅት (IMF) እና የዓለም ባንክ ሀብታሞቹ ሀገራት ለአዳጊዎቹ የዕዳ ቅነሳ እና የክፍያ ጊዜ ማራዘሚያ እንዲያደርጉ ጠየቁ።
የፋይናንስ ድርጅቶቹ የኮሮና ወረርሽኝ በአዳጊ ሀገራት ላይ የሚያደርሰውን ጉዳት ለመቀነስ በድምሩ 60 ቢሊዮን ዶላር መመደባቸውንም ይፋ አድርገዋል።
አለማየሁ ግርማ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers