• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ዘንድሮ ከአንድ መቶ ሃያ በላይ የበጎ አድራጐት ድርጅቶችና ማህበራት ተዘግተዋል ተባለ

በተጠናቀቀው በጀት ዓመት 122 የበጐ አድራጐት ድርጅቶችና ማህበራት ተዘግተዋል ተባለ፡፡

የሚያገኙት የገንዘብ ድጋፍ መቋረጥ እና በህግ አግባብ አለመስራት ድርጅቶቹና ማህበራቱ እንዲዘጉ ካደረጉ ምክንያቶች መካከል አንደሆኑ ተነግሯል፡፡

ፍቃድ በወሰዱባቸው ሦስት ዓመታት ውስጥ ምንም አይነት እንቅስቃሴ ያላደረጉና ራሳቸው ባቀረቡት ጥያቄ መሠረት የተዘጉ እንዳሉባቸውም ከበጎ አድራጐት ድርጅቶችና ማህበራት ኤጀንሲ ሰምተናል፡፡

የኤጀንሲው የህዝብ ግንኙነትና ኮሙኒኬሽን ዳይሬክተር አቶ መስፍን ታደሰ እንዳሉት 206 የበጎ አድራጐት ድርጅቶችና ማህበራት ደግሞ ከመጀመሪያ እስከ መጨረሻ የፅሁፍ ማስጠንቀቂያ ተሰጥቷቸዋል፡፡

ማስጠንቀቂያው የተሰጣቸው በተለያዩ ጥፋቶች እንደሆነም አቶ መስፍን ነግረውናል፡፡

 

ለአስተዳደራዊ ወጪዎች ከ30 በመቶ በላይ ማዋል፣ ከኤጀንሲው ዕውቅና ውጪ የገቢ ማሰባሰቢያ ማከናወን እና የፕሮጀክት ስምምነት ሳይፈራረሙ ስራ ላይ መገኘት ከጥፋቶቹ መካከል እንደሆኑ ነው የጠቀሱት፡፡

በሌላ በኩል ኤጀንሲው ፋይላቸውን በመገምገም የበጎ አድራጐት ድርጅቶቹንና ማህበራቱን ደረጃ ለይቻለሁ ብሏል፡፡

እነዚህ የሥራ ዕቅዳቸውንና አፈፃፀማቸውን በወቅቱ ለኤጀንሲው የሚያቀርቡ፣ ጠቅላላ ጉባኤ ጊዜያቸውን ጠብቀው የሚያካሂዱ እንዲሁም ለአስተዳደራዊ ወጪዎች 30 በመቶውን ብቻ የሚመድቡ ናቸው ተብሏል፡፡

ከገቢያቸው ከአስር በመቶ የማይበልጠውን ብቻ ከውጪ እንዲያገኙ የሚያዘውን ህግም አክብረው የሚሰሩ እንደሆኑ አቶ መስፍን ነግረውናል፡፡

ሁለተኛውን ወይም የB ደረጃን የያዙ ማህበራትና ድርጅቶች ደግሞ 287 ናቸው ብለዋል፡፡

እነዚህኞቹ መስፈርቶቹን ሙሉ ለሙሉ ባያሟሉም የተሻለ ደረጃ ላይ አሉ ተብለው የተለዩ እንደሆኑ ሰምተናል፡፡

በመጨረሻው ወይም በC ደረጃ ላይ ያሉ ድርጅቶችና ማህበራት 531 እንደሆኑ ዳይሬክተሩ ነግረውናል፡፡

በC ደረጃ ያሉ ተብለው የተለዩ ድርጅቶችና ማህበራት አብዛኞቹን መስፈርቶች ያላሟሉ ናቸው ተብለዋል፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers