• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 16፣2011/ በቤንሻንጉል ጉምዝ ክልል በልዩ ሁኔታ ፈቃድ ከተሰጣቸው ውጪ የክልል ሚሊሻ አባላትም ሆኑ የቀበሌ ታጣቂዎች የጦር መሳሪያ ይዘው እንዳይንቀሳቀሱ መከልከላቸው ተሰማ

በቤንሻንጉል ጉምዝ ክልል በልዩ ሁኔታ ፈቃድ ከተሰጣቸው ውጪ የክልል ሚሊሻ አባላትም ሆኑ የቀበሌ ታጣቂዎች የጦር መሳሪያ ይዘው እንዳይንቀሳቀሱ መከልከላቸው ተሰማ፡፡



ንጋቱ ሙሉ
አስተያየት ይፃፉ (0 አስተያየት)

ግንቦት 16፣ 2011/ በአዲስ አበባ ከተማ ያለው የትራንስፖርት እጥረት

በአዲስ አበባ ከተማ ያለውን የትራንስፖርት እጥረት ለመቅረፍ ያግዛሉ ተብለው በየቦታው በግንባታ ላይ ያሉ የብዙሃን ትራንስፖርት መሰረተ ልማቶች በታሰበላቸው ጊዜ እንዲጠናቀቁ የከተማ አስተዳደሩ ድጋፍ ሊያደርግ ይገባል ተባለ፡፡



ምህረት ስዩም
አስተያየት ይፃፉ (0 አስተያየት)

ግንቦት 16፣ 2011/ የአፋርና የኦሮሞ ሕዝቦች የወንድማማችነት መድረክ በአዳማ እየተካሄደ ይገኛል

የአፋርና የኦሮሞ ሕዝቦች የወንድማማችነት መድረክ በአዳማ እየተካሄደ ይገኛል፡፡



ንጋቱ ረጋሣ
አስተያየት ይፃፉ (0 አስተያየት)

ግንቦት 16፣2011/ የትራፊክ አደጋን ሳይጨምር ባለፉት 9 ወራት በአዲስ አበባ ብቻ በተለያዩ አደጋዎች የ68 ሰዎች ሕይወት ማለፉ ተነገረ

የአዲስ አበባ እሳትና አደጋ ስጋት ስራ አመራር ኮሚሽን ለሸገር እንደተናገረው በተጠቀሰው ጊዜ 423 አደጋዎች ተከስተዋል፡፡ከመካከላቸው 299 ያህሉ የእሳት ቃጠሎ ሌሎቹ የጎርፍ፣ በግንባታ ስራ ላይ የሚያጋጥም አደጋና ሌሎችም ይገኙበታል፡፡በአደጋዎቹ 68 ሰዎች የሞቱ ሲሆን በ96 ሰዎች ላይ የመቁሰል አደጋ ደርሷል፡፡

በኮሚሽኑ የኮሚዩኒኬሽን ባለሙያ የሆኑት አቶ ንጋቱ ማሞ ለሸገር እንደተናገሩት ለሰዎች ሕይወት መጥፋት በአንደኛ ደረጃ የሚጠቀሰው ለካባ ተብለው ተቆፍረው ሳይደፈኑ የሚተዉ ጉድጓዶች ናቸው ብለዋል፡፡ በግንባታ ስራ ላይ የሚያጋጥም አደጋ በአዲስ አበባ በአደጋዎች ሕይወታቸው ለሚያልፍ ሰዎች በሁለተኛ ደረጃ በምክንያትነት ይጠቀሳል ብለዋል፡፡ በሶስተኛ ደረጃ የእሳት አደጋ የሰዎችን ሕይወት እየቀጠፈ ነው ተብሏል፡፡አቶ ንጋቱ እንዳሉት 90 በመቶዎቹ አደጋዎች በጥንቃቄ ጉድለት የደረሱና መከላከል የሚቻሉ ነበሩ ብለዋል፡፡

ትዕግስት ዘሪሁን
አስተያየት ይፃፉ (0 አስተያየት)

ግንቦት 16፣2011/ የሰሜን ተራሮች ብሔራዊ ፓርክ ከደረሰበት አደጋ ለማገገምና ወደ ቀድሞው ለመመለስ ከአስር አመት በላይ ሊወስድ ይችላል ተባለ

በኢትዮጵያ የዱር እንስሳት ልማትና ጥበቃ ባለስልጣን መስሪያ ቤት በተመራ የጥናት ቡድን በተደረገ ጥናት የሰሜን ተራሮች ብሔራዊ ፓርክ ከደረሰበት አደጋ ሙሉ ለሙሉ ለማገገም ከአስርት አመታት በላይ ሊፈጅ እንደሚችል በጥናቱ ተረጋግጧል፡፡በፓርኩ በተከሰተው የእሳት አደጋ ግን እንደ መለያ የሚቆጠሩት ዋልያ፣ ቀይ ቀበሮ እና ጭላዳ ዝንጀሮዎች ላይ የሞት አደጋ አልተከሰተም ሲል የጥናት ቡድኑ በቅኝት ማረጋገጡን ተናግሯል፡፡የቀይ ቀበሮ ምግብ የሆነው ትልቁ ፍልፈል እና የዱር አይጦች ግን ተቃጥለው እንደተገኙና ነገር ግን አሁንም ዝርያቸው በበቂ መጠን አለ ተብሏል፡፡

በፓርኩ ላይ በደረሰው አደጋ ምክንያት በስነ ምህዳሩና በሀገር ገፅታ ላይ ተፅእኖ ፈጥሯል ተብሏል፡፡የዳሰሳ ጥናቱ ፓርኩ እንዲያገግም በተለያዩ አካላት መሰራት ያለባቸውን ስራዎችንም አመላክቷል፡፡በሰሜን ተራሮች ብሔራዊ ፓርክ ላይ ተከስቶ ለሳምንታት በዘለቀው የእሳት አደጋ 1 ሺ 40 ሄክታር ዋና ቀጠና ወይም 2 ነጥብ 5 በመቶ የፓርኩ ይዞታ መውደሙን ከኢትዮጵያ የዱር እንስሳት ልማትና ጥበቃ ባለስልጣን መስሪያ ቤት ሰምተናል፡፡የሰሜን ተራሮች ብሔራዊ ፓርክ በኢትዮጵያ ብቸኛው በአለም ቅርስነት የተመዘገበ ብሔራዊ ፓርክ ሲሆን 412 ኪሎ ሜትር ስኩዌር ስፋት አለው፡፡

ምህረት ሥዩም
አስተያየት ይፃፉ (0 አስተያየት)

ግንቦት 16፣2011/ የእናቶችን የአስታራቂነት እና የመካሪነት ሚና በማሳደግ በአገራችን የሚታዩ ግጭቶችን እንዲሁም የሰላም መደፍረሶችን ለማስቆም መሰራት ይኖርበታል ተባለ

በግጭቶችና በሰላም መደፍረሶች ጊዜ ዋነኛ ተጎጂ የሚሆኑት እናቶችና ሴቶች በመሆናቸው ለመፍትሄውም እነሱን ማስቀደም ይገባል ተብሏል፡፡የሰላም ሚኒስትር ከኢትዮጵያ ነጋዴ ሴቶች ማህበር፣ ከሴቶች ህፃናት እና ወጣቶች ሚኒስቴርና ከሌሎች ባለድርሻዎች ጋር በመሆን በሰላም ዙሪያ በእናቶች በኩል ጥሪ የቀረበበት መርሃ ግብር እያካሄደ ነው፡፡“እናት ለሰላምና ለእርቅ” በሚል መሪ ሃሳብ እየተካሄደ ባለው የሰላም መድረክ ከሁሉም የአገሪቱ ክፍሎች የተውጣጡ የሰላም እናቶች ተገኝተው የሰላም ጥሪያቸውን አቅርበዋል፡፡የባህልና ቱሪዝም ሚኒስትሯ ሒሩት ካሳው በአገራችን ሰላምና እርቅ እንዲወርድ ከእናቶች የበለጠ አቅም ያለው የለም ብለዋል፡፡

የእናትን የእርቅና የሰላም ጥሪ ገፍቶ መሄድ የሚችል ሰው የለም ያሉት ዶ/ር ሒሩት የአገራችን እናቶች በያሉበት የሰላም አምባሳደር በመሆን የማስታወቅና የመምከር ሀላፊነታቸውን ሊወጡ ይገባል ብለዋል፡፡በሴቶች፣ ሕፃናትና ወጣቶች ሚኒስቴር የሴቶች ጉዳይ ሚኒስትር ድኤታ የሆኑት ወ/ሮ ስመኝ ውቤ በበኩላቸው ሰላም ለዜጎች ሕይወት መሰረታዊ ነገር መሆኑን አንስተዋል፡፡ እናቶችም የሁሉም መሰረት የሆነውን ሰላም በአገሪቱ ለማስፈን ልጆቻቸውን በመምከርና ግጭቶችን በማስወገድ ረገድ ተሳታፊ ሊሆኑ ይገባል ብለዋል፡፡ለሰላም እጦት ዋነኛ ምክንያት የሆነውን ድህነት በማስወገድ በኩልም ሁሉም ዜጋ በጋራ ሊሰራ እንደሚገባ ሚኒስትር ድኤታዋ ተናግረዋል፡፡ 

ማህሌት ታደለ
አስተያየት ይፃፉ (0 አስተያየት)

ግንቦት 16፣2011/ በጋምቤላ ክልል ያለ ዕውቅና ፈቃድ ተማሪዎችን መዝግበው የከፍተኛ ትምህርት በሚያስተምሩ ተቋማት ላይ እርምጃ አለመወሰዱ ተሰማ

ተቋማቱ ያለማንም ጠያቂ ስራቸውን እንደቀጠሉ ነው ተብሏል፡፡ከ2 ወራት በፊት የከፍተኛ ትምህርት አግባብነትና ጥራት ኤጀንሲ በጋምቤላ ክልል የከፍተኛ ትምህርት ለመስጠት አንድም ፈቃድ የወሰደ አካል በሌለበት 11 ተቋማት ስራ ላይ ተሰማርተው አግኝቻለሁ ማለቱን መዘገባችን ይታወሳል፡፡እነዚህ ተቋማት ከጎረቤት ደቡብ ሱዳን ጨምሮ ተማሪዎችን እየመዘገቡ የሚያስተምሩ መሆናቸው ተደርሶበታል፡፡ የከፍተኛ ትምህርት አግባብነት እና ጥራት ኤጀንሲ ለጋምቤላ ክልል ርዕሰ መስተዳድር ጽህፈት ቤት መጋቢት 5 ቀን 2011 ዓ/ም በፃፍኩት ደብዳቤ ተገቢውን እርምጃ እንዲወስድ አሳውቄያለሁ ብሏል፡፡

ሸገር ስለ ጉዳዩ ለመጠየቅ ወደ ጋምቤላ ክልል ርዕሰ መስተዳድር ጽህፈት ቤት ስልክ ደውሏል፡፡ጽህፈት ቤቱም ተልኳል የተባለው ደብዳቤ አልደረሰኝም የሚል መልስ ሰጥቶናል፡፡ያለ እውቅና ፈቃድ በከፍተኛ የትምህርት ዘርፍ መሰማራት ፍፁም ህገ-ወጥ ነው የሚለው ኤጀንሲው የትምህርት ጥራት ላይ ያለው አሉታዊ ተፅዕኖ ከፍተኛ እንደሆነም ይናገራል፡፡ከፊታችን ሰኔ ወር ጀምሮም በክልል በሚገኙ የትምህርት ተቋማት ላይ ጥብቅ ቁጥጥር ማድረግ እጀምራሁ፣ ችግር ባለባቸው ላይም እርምጃ ለመውሰድ ተሰናድቻለሁ ሲል ለሸገር ተናግሯል፡፡

በየነ ወልዴ
አስተያየት ይፃፉ (0 አስተያየት)

ግንቦት 15፣ 2011/ ሁለተኛው ሀገር አቀፍ የባዮ ቴክኖሎጂ ጉባኤ ተደርጓል

ሁለተኛው ሀገር አቀፍ የባዮ ቴክኖሎጂ ጉባኤ ተደርጓል፡፡



የኔነህ ሲሳይ
አስተያየት ይፃፉ (0 አስተያየት)

ግንቦት 15፣ 2011/ የኑሮ ውድነትን ይቀርፋሉ፣ ነዋሪውንም ያግዛሉ ተብለው የተቋቋሙት የሸማቾች ህብረት ስራ ማህበራት ተገቢውን አገልግሎት እንደማይሰጡ ተሰማ

በአዲስ አበባ የኑሮ ውድነትን ይቀርፋሉ፣ ነዋሪውንም ያግዛሉ ተብለው የተቋቋሙት የሸማቾች ህብረት ስራ ማህበራት ተገቢውን አገልግሎት እንደማይሰጡ ተሰማ፡፡



ምህረት ስዩም
አስተያየት ይፃፉ (0 አስተያየት)

ግንቦት 16፣2011/ የአዲስ አበባ ደንብ ማስከበር ጽ/ቤት ከተማዋን በደረቅም ይሁን በፍሳሽ ቆሻሻ የሚበክሉትን ጠቁሙኝ፤ እርምጃ እወስድባቸዋለሁ አለ

የአዲስ አበባ ደንብ ማስከበር ጽ/ቤት ከተማዋን በደረቅም ይሁን በፍሳሽ ቆሻሻ የሚበክሉትን ጠቁሙኝ፤ እርምጃ እወስድባቸዋለሁ አለ፡፡



ማህሌት ታደለ

አስተያየት ይፃፉ (0 አስተያየት)

ግንቦት 16፣ 2011/ የሕግ የበላይነት እንዲከበር የሕግ ባለሙያዎች፣ የሲቪክ ማህበራት እና መገናኛ ብዙኃን ቀዳሚውን ሚና መጫወት ይገባቸዋል

በኢትዮጵያ የሕግ የበላይነት እንዲከበር የሕግ ባለሙያዎች፣ የሲቪክ ማህበራት እና መገናኛ ብዙኃን ቀዳሚውን ሚና መጫወት ይገባቸዋል ተባለ፡፡


ቴዎድሮስ ብርሃኑ

አስተያየት ይፃፉ (0 አስተያየት)
Sheger 102.1 AudioNow Numbers