• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በአዲስ አበባ ተማሪዎችን ሊያግዝ የሚችል የሱቅ ባንክ አገልግሎት በስፋት ሊጀመር ነው ተባለ

በአዲስ አበባ ተማሪዎችን ሊያግዝ የሚችል የሱቅ ባንክ አገልግሎት በስፋት ሊጀመር ነው ተባለ፡፡ የከፍተኛ ትምህርት ተቋማት ተማሪዎችን ያግዛል የተባለው የኤሌክትሮኒክስ ገንዘብ ማስተላለፍና መቀበል አገልግሎት ኢ-ገንዘብ ይባላል፡፡ ይኸው ተቋም ከሁሉም ባንኮች ጋር በወኪልነት የሚሰራ የመጀመሪያ ድርጅት ነው ተብሏል፡፡ ኢ-ገንዘብ በሁለት ሰው የተቋቋመና 10 ሚሊዮን ብር ካፒታል ይዞ እንደተመሰረተ ሰምተናል፡፡ አንድ ተማሪ ከ30 ብር አንስቶ እስከ 6 ሺ ብር ድረስ ከአካባቢው ሳይርቅ ተቀማጭ ገንዘብ የማውጣትና ሌላም የባንክ አገልግሎት እንዲያገኝ ያግዘዋል ተብሏል፡፡ድርጅቱ ከሌሎች ትልልቅ ኩባንያዎች ጋርም ይሰራል ተብሏል፡፡

በኢትዮጵያ በተለያዩ ገጠራማ አካባቢዎች ከወረቀት ጋር የተቆራኘውን የገንዘብ አጠቃቀም ወደ ዲጂታል ለመቀየርም እንደሚሰራ ተነግሯል፡፡ብሔራዊ ባንክም ይህንኑ ዓላማ ይደግፋል የተባለ ሲሆን መንግስትም ብር ለማሳተም የሚያወጣውን የውጭ ምንዛሬ ይቀንስለታል ተብሏል፡፡ በኢትዮጵያ የሚገኙ 44 ዩኒቨርሲቲዎች ውስጥ እና በሁሉም 154 ካምፓሶች ይኸው የሱቅ ገንዘብ አገልግሎት በቅርቡ ይጀመራል ተብሏል፡፡አሁን በአዲስ አበባ ዩኒቨርሲቲ በ6 ኪሎ ካምፓስ አገልግሎቱ እንደተጀመረ ሰምተናል፡፡ አገር በቀል የሆነው ድርጅት ከትልልቅ ኩባንያዎች ጋር ከመስራቱም በተጨማሪ ለገጠርና ለከተማው ነዋሪ፣ ለኢንዱስትሪና ለሌሎችም ተጠቃሚዎች አገልግሎት የሚሰጥበት እቅድ እንዳለው መናገሩ ሰምተናል፡፡

ተህቦ ንጉሴ
አስተያየት ይፃፉ (0 አስተያየት)

በፖለቲካውም ሆነ በኢኮኖሚው ዘርፍ ኢትዮጵያዊያን ሀሳባቸውን መግለፅ የሚችሉበት የኢንተርኔት መተግበሪያ ይፋ መደረጉ ተነገረ

በፖለቲካውም ሆነ በኢኮኖሚው ዘርፍ ኢትዮጵያዊያን ሀሳባቸውን መግለፅ የሚችሉበት የኢንተርኔት መተግበሪያ ይፋ መደረጉ ተነገረ፡፡ ይህ በጎልድ ጂ ቴሌኮም ኩባንያ የተዘጋጀውና የ42 ዘርፎችን አገልግሎት በአንድ የድረ ገፅ መረብ ስር ማግኘት የሚያስችል አገልግሎት www.ardi42.com በተባለ የመረጃ መረብ ስር እንደሚገኝ ተነግሯል፡፡

ድረ ገፁ አር ዲ የተባለበትም ምክንያት ኢትየጵያ የመጀመሪያዋ የሰው ዘር መገኛ እንደመሆኗ መጠን በቴክኖሎጂውም ዘርፍ ቀዳሚዋ እንድትሆን በማሰብ እንደሆነ ዋና ስራ አስፈፃሚው ኢንጂነር ምስክር ሞላ ተናግረዋል፡፡መተግበሪያውን አስመልክቶ በተሰጠ መግለጫ ዜጎች ሕገ-መንግስት ቀረፃ ላይ እንዲሳተፉ ዲሞክራሲያዊ ንድፈ ሀሳቦች ፍትሃዊ በሆነ መልኩ እንዲቀረፁና ሕግና በህግ ዙሪያ ያሉ መረጃዎችን መለዋወጥ የሚያስችል ነው ተብሏል፡፡

ፖለቲካዊ መረጃዎችን መለዋወጫ መድረክ በመሆንም ያገለግላል የተባለው የመረጃ መረብ አገልግሎቱ በጤና፣ በቱሪዝም፣ በመከላከያ፣ በግብይት፣ በስፖርት፣ በግንባታና በሌሎችም ዘርፎች ወጥ የሆነ ብሎም በባለሙያዎች የታገዘ አገልግሎት ይሰጣል ተብሏል፡፡በቂ ዝግጅት የተደረገባቸው እነዚህ የድረ ገፅ መረጃዎች በቀላሉ www.ardi42.com ብላችሁ በመግባት ሁሉንም በአንድ ቦታ ማግኘት ትችላላችሁ ተብላችኋል፡፡

ቴዎድሮስ ብርሃኑ
አስተያየት ይፃፉ (0 አስተያየት)

ትላንት በይፋ የተጀመረው የኦህዴድ 9ኛ ድርጅታዊ ጉባኤ በዝግ ዛሬም ቀጥሏል

ትላንት በይፋ የተጀመረው የኦህዴድ 9ኛ ድርጅታዊ ጉባኤ በዝግ ዛሬም ቀጥሏል፡፡ የጉባኤው አዘጋጅ ኮሚቴ ያቀረበው ሪፖርትም ይፀድቃል ተብሎ ይጠበቃል፡፡ የድርጅቱ የኦዲትና የቁጥጥር ኮሚሽን ሪፖርትም እንዲሁ በጉባኤው ይፀድቃል ተብሎ የሚጠበቅ ሌላው አጀንዳ ነው፡፡ ያለፉት 3 አመታት የድርጅትና የፖለቲካ አፈፃፀም ሪፖርትም ለውይይት መቅረቡን ሰምተናል፡፡

ድርጅቱ ስያሜ፣ አርማና መዝሙርን ለመቀየር በቀረበው የውሳኔ ሀሳብ ላይ ጉባኤተኛው ውይይት እንደሚያደርግ ተነግሯል፡፡ ድርጀቱን እስከ ቀጣይ ጉባኤ ድረስ የሚመሩ አመራሮች ይመረጣሉ ተብሎ ይጠበቃል፡፡ 9ኛው የኦህዴድ ድርጅታዊ ጉባኤ የድርጅቱ ሊቀመንበርና የኢፌድሪ ጠቅላይ ሚኒስትር በሆኑት ዶ/ር ዐቢይ አህመድ ትላንት በይፋ መከፈቱ ይታወሳል፡፡

ንጋቱ ረጋሳ
አስተያየት ይፃፉ (0 አስተያየት)

በቤንሻንጉል ጉሙዝ ክልል ጉባ ወረዳ አልመሃል ቀበሌ በእርሻ ኢንቨስትመንት ሥራ ላይ ተሰማርተው በነበሩ ሰዎች መካከል በተነሳው ግጭት 10 ሰዎች ሞተዋል ተባለ

በቤንሻንጉል ጉሙዝ ክልል ጉባ ወረዳ አልመሃል ቀበሌ በእርሻ ኢንቨስትመንት ሥራ ላይ ተሰማርተው በነበሩ ሰዎች መካከል በተነሳው ግጭት 10 ሰዎች ሞተዋል ተባለ፡፡ የወንድሙ ኃይሉን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የጋሞ ብሔረሰብ አባቶች ሴቶችና ወጣቶች ተወካዮች ከቡራዩና አካባቢው ተፈናቅለው በአዲስ አበባ የተለያዩ ቦታዎች የተጠለሉ ዜጎችን ጎበኙ

የጋሞ ብሔረሰብ አባቶች ሴቶችና ወጣቶች ተወካዮች ከቡራዩና አካባቢው ተፈናቅለው በአዲስ አበባ የተለያዩ ቦታዎች የተጠለሉ ዜጎችን ጎበኙ፡፡ የብሔረሰቡ ተወካዮች የአዲስ አበባ ከተማ አስተዳደር ለተፈናቃዮች ላደረገው ድጋፍ ምስጋና አቅርበው የተፈጠረው ችግር በሰላምና በፍቅር የሚጠናቀቅበትን መንገድ ማመቻቸት እንደሚገባም ተናግረዋል፡፡

የጋሞ አባቶች የጋሞን ወርቃማ ባህል በመከተል እርቅ መፍጠር አለብን፣ በተለይም ወጣቶች ባህላችሁን ለቃችሁ ለበቀል እንዳትነሳሱ ሲሉ ጥሪ አቅርበዋል፡፡ የጋሞ ዞን አስተዳዳሪ አቶ ኢሳያስ እንድርያስ ሀገራችን በተያዘችው የለውጥ ጉዞ ድርጊቱ መፈፀሙ እጅግ የሚያሳዝን እና ሊወገዝ የሚገባው ነው ብለዋል፡፡ የሀገር መከላከያ ሚኒስቴር ዲኤታ አምባሳደር ሌላአለም ገ/ዮሐንስም በቦታው ተገኝተው ሁሉም ህብረተሰብ በሀገሪቱ ተዘዋውሮ መስራትና መኖር እንዲችል መንግስት ዋስትና ሊሰጥ ይገባል ማለታቸውን ከአዲስ አበባ ኮሚኒኬሽን ቢሮ ዘገባ ተመልክተናል፡፡

ማህሌት ታደለ
አስተያየት ይፃፉ (0 አስተያየት)

የኦሮሞ ሕዝብ ዴሞክራሲያዊ ድርጅት /ኦሕዴድ/ ጉባኤ

የኦሮሞ ሕዝብ ዴሞክራሲያዊ ድርጅት /ኦሕዴድ/ ጉባኤ በጂማ ከተማ በድምቀት ተከፍቷል፡፡ የኦሕዴድና የኢሕአዴግ ሊቀ መንበር ጠቅላይ ሚኒስትር ዐቢይ አህመድ ጉባኤውን በንግግር ከፍተዋል፡፡ የክልሉ ፕሬዝዳንት በኦሕዴድ እንቅስቃሴ ላይ ንግግር ያደረጉ ሲሆን የአቻና አጋር የፖለቲካ ማህበራት ተወካዮችም የድጋፍ መልዕክት አስተላልፈዋል፡፡ ጂማ የሚገኘው ባልደረባችን ንጋቱ ረጋሣ የላከውን የስልክ ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የብአዴን 12ኛ ድርጅዊ ጉባኤ ከመስከረም 17 ጀምሮ በባህር ዳር ይደረጋል ተባለ

የብአዴን 12ኛ ድርጅዊ ጉባኤ ከመስከረም 17 ጀምሮ በባህር ዳር ይደረጋል ተባለ፡፡ የየኔነህ ሲሳይን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የውጭ ጉዳይ መስሪያ ቤት ወቅታዊውን የኢትዮጵያ የፀጥታ ጉዳይ በሚመለከት አዲስ አበባ ለሚገኙ ዲፕሎማቶች ትናንትና ምሽት ማብራሪያ ሰጠ

የውጭ ጉዳይ መስሪያ ቤት ወቅታዊውን የኢትዮጵያ የፀጥታ ጉዳይ በሚመለከት አዲስ አበባ ለሚገኙ ዲፕሎማቶች ትናንትና ምሽት ማብራሪያ ሰጠ፡፡ የየኔነህ ሲሳይን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ብርሃኑ ጃፋር በተጠረጠረበት ወንጀል ዐቃቤ ሕግ ለመስከረም 16 ክሱን እንዲመሰረት በፍርድ ቤት ታዘዘ

ብርሃኑ ጃፋር በተጠረጠረበት ወንጀል ዐቃቤ ሕግ ለመስከረም 16 ክሱን እንዲመሰረት በፍርድ ቤት ታዘዘ፡፡ ሰኔ 16 ጠቅላይ ሚኒስትር ዐቢይ አህመድን ለመደገፍ በተጠራው ሰልፍ ላይ በራሱ መኪና ተጠርጣሪዎችን ቦንብ እፈነዳበት ቦታ ድረስ ሸኝቷል ተብሎ የተጠረጠረው ብርሃኑ ጃፋር ላይ እስከ መስከረም 16 ዐቃቤ ህግ ክስ እንዲመሰርት የፌዴራሉ መጀመሪያ ደረጃ ተረኛ አንደኛ ወንጀል ችሎት ትዕዛዝ ሰጥቷል፡፡

መዝገቡ ለትናንት የተቀጠረው ዐቃቤ ሕግ የመሰረተውን ክስ ለማየት ቢሆንም ዐቃቤ ሕግ ክሱ እንዳልደረሰለትና ምክንያቱንም ለፍርድ ቤቱ አብራርቷል፡፡የወንጀል ክሱ ተለይቶ እየተዘጋጀ መሆኑን ግን ወቅታዊ ሁኔታዎች በስራቸው ላይ ተፅዕኖ በማድረሱ የተጎጂዎችን ጉዳት መጠን ከሆስፒታል ለማረጋገጥ ስላልተቻለ ተጨማሪ አስር ቀን እንዲሰጠው አመልክቷል፡፡የተጠርጣሪ ጠበቃ የዐቃቤ ሕግን ተጨማሪ ጊዜ መጠየቅ ተቋውሟል፡፡ፍርድ ቤቱ ግራ ቀኙን አዳምጦ ዐቃቤ ሕግ ለመስከረም 16/2011 ክሱን መስርቶ እንዲያቀርብ ትዕዛዝ ሰጥቷል፡፡
አስተያየት ይፃፉ (0 አስተያየት)

በዩንቨርሲቲ መግቢያ ፈተና 600 እና ከዚያ በላይ ነጥብ ላስመዘገቡ ተማሪዎች የህይወት ክህሎት ስልጠና እየተሰጠ ነው

በዩንቨርሲቲ መግቢያ ፈተና 600 እና ከዚያ በላይ ነጥብ ላስመዘገቡ ተማሪዎች የህይወት ክህሎት ስልጠና እየተሰጠ ነው፡፡ ከሁሉም ክልሎች እና ከሁለቱ የከተማ አስተዳደሮች የተውጣጡ 177 ተማሪዎች የሚሳተፉበት ስልጠናው ትናንት በኢትዮጵያ ሲቪል ሰርቪስ ዩንቨርሲቲ ተጀምሯል፡፡

የትምህርት ሚኒስቴር የህዝብ ግንኙነት ሀላፊ ወ/ሮ ሐረጓ ማሞ እንደነገሩን ተማሪዎቹ በዩንቨርሲቲ ቆይታቸው የሚጋጥሟቸውን ነገሮች ተቋቁመው በውጤታማነታቸው እንዲዘልቁ ለማድረግ በሚል ስልጠናው ተዘጋጅቷል፡፡የግጭት አፈታት ዘዴ፣ የሥርዓተ ጾታ ጉዳዮች ግንዛቤ፣ የአመራር ጥበብና ስራ የማቀናጀት ክህሎቶች ከኢትዮጵያዊነት ፅንሰ ሐሳብ ጋር ተዋህደው በስልጠና ውስጥ መካተታቸውን ሀላፊዋ ነግረውናል፡፡

ተማሪዎቹ የዩኒቨርሲቲ ቆይታቸውን በጥሩ ሥነ-ምግባርና በከፍተኛ ውጤት አጠናቀው ወደፊት አገራቸውን ለማገልገል የሚረዳቸውን ክህሎት ከስልጠናው ያዳብራሉ ብለውናል ወ/ሮ ሐረጓ፡፡እስከ መስከረም 12 የሚዘልቀውን የተማሪዎች ስልጠና በትምህርት ሚኒስቴር የትምህርት ስትራቴጂ ማዕከል ከአሜሪካ ኤምባሲ ጋር በመተባበር እንዳዘጋጀው ሰምተናል፡፡

ማህሌት ታደለ
አስተያየት ይፃፉ (0 አስተያየት)

የፀጥታ ሐይል የፈጸመው ግድያ እንዲመረመር ዓለማቀፉ የሰብዓዊ መብት ተሟጋች ድርጅት አምንስቲ ኢንተርናሽናል አሳሰበ

በቡራዩ ነዋሪዎች ላይ የደረሰውን አሰቃቂ ግድያ በመቃወም ሰላማዊ ሰልፍ በወጡ ሰዎች ላይ የፀጥታ ሐይል የፈጸመው ግድያ እንዲመረመር ዓለማቀፉ የሰብዓዊ መብት ተሟጋች ድርጅት አምንስቲ ኢንተርናሽናል አሳሰበ፡፡ የእሸቴ አሰፋን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)
Sheger 102.1 AudioNow Numbers