• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአዲስ አበባ ዩኒቨርስቲ በአፍሪካ ካሉ ዩኒቨርስቲዎች 16ኛ ወጣ ብሎ መፈንደቅ አይገባም

የአዲስ አበባ ዩኒቨርስቲ በአፍሪካ ካሉ ዩኒቨርስቲዎች 16ኛ ወጣ ብሎ መፈንደቅ አይገባም፤ የዩኒቨርስቲው ፕሬዝዳንት ይህንን ብስራት ብለው በየኢሜይላችን የእንኳን ደስ አላችሁ መልዕክት ልከውልናል፤ ጉዳዩ ግን የሚያኩራራ አልነበረም ይላሉ ትላንት መንግሥት እንወያይ ብሎ ከጠራቸው የዩኒቨርስቲው ምሁራን አንዱ…

16ኛነት ለቀድሞው የቀዳማዊ ሀ/ስላሴ ዩኒቨርስቲ ለ60 ዓመቱ ከፍተኛ የትምህርት ተቋም የሚገባወም፣ የሚመጥነውም አለመሆኑን ይናገራሉ፡፡

መንግሥት ከምሁራን ጋር ለመነጋገር ቀን ቆርጦ በጀት መድቦ ውይይት የጀመረው ትላንት ሲሆን፤ ለመወያያና ኃሳብ ማጫሪያነት ያገለግላሉ ተብለው በመንግሥት ከተሰናዱት ሰነዶች ይልቅ ወጣ ያሉና የሀገሪቱ ወቅታዊ ጉዳዮች የነካኩ አስተያየቶች ነበሩ ከምሁራኑ አንደበት የተደመጡት፡፡

በአዲስ አበባ ዩኒቨርስቲ አስተዳዳሪዎችና በቦርድ ሰብሣቢው አቶ ካሣ ተክለብርሃን የተመራው ይህ ጉባዔ የኢትዮጵያ ትምህርት ከኢህአዴግ ጋር ለ25 ዓመታት እንዴት እንደተጓዘና የከፍተኛ ትምህርት ተቋማቱ አበርክቶ ምን እንደሚመስል አሃዛዊ ማስረጃዎችን እያጣቀሰ የቀረበበት ነበር፡፡

የዩኒቨርስቲው ምሁራን የቀረበው ፅሁፍ ደረጃቸውን ያላከበረና ዝቅ ያለ በመሆኑ ተችተውታል፡፡

እንደነሱ ኃሳብ ከሆነ ስለ ሀገሪቱ ትምህርት የአሁን ጊዜ ሁኔታ ለመናገር በአዲስ አበባ ዩኒቨርስቲ ያለው ዩኔስኮ አልያም ትምህርትን ስራዬ ብለው የሚመራመሩ ሊቃውንት እያሉ ከዚህ ራቅ ያሉት የዩኒቨርስቲው ኃላፊ ማቅረባቸው እንዳላስደሰታቸው ተናግረዋል፡፡

ተጨማሪ ያንብቡ...

አስተያየት ይፃፉ (1 Comment)

ለዛ የምሳ ሰዓት ፕሮግራም መስከረም 10፣2009

ክፍል አስር

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



በለዛ ብርሀኑ ድጋፌ ከነርስ/የስነ ምግብ እና የምግብ ሳይንስ ባለሙያው አቶ አንለይ ተፈራ ጋር የስታርች እና ፋይበር ምግቦች ስትሮክ እና የስኳር ህመም ላለባቸው
አስተያየት ይፃፉ (0 አስተያየት)

የኢሬቻ ባህል በዩኔስኮ የማይዳሰስ ቅርስ ተብሎ ሊመዘገብ ነው ተባለ

የዘንድሮው የኢሬቻ በአል በመስከረም 22 ሲከበር አመታዊ በአሉ በተባበሩት መንግሥታት ድርጅት የትምህርት የባህልና የሣይንስ ማዕከል ዩኔስኮ በአለም ቅርስነት ይመዘገባል ተባለ…ሸገር ወሬውን የሰማው ከአባ ገዳ በየነ ሰንበቶ ሮቢ የቱለማ አባ ገዳና የኦሮሚያ አባገዳዎች ሰብሣቢ ነው፡፡

የኦሮሞ የገዳ ስርአት በማይዳሰስ ቅርስነት ዘንድሮ ኢሬቻን ያስመዘግባል ተብሎ እንደሚጠበቅ የአባ ገዳዎቹ ሰብሣቢ ነግረውናል፡፡ ከወራት በፊት በኦሮሞ የገዳ ስርአት የሚከበረው የኢሬቻ በአልን በተመለከተ የመንግሥታቱ ድርጅት ከዩኔስኮ ኃላፊዎች ጋር ውይይት ተደርጓል ያሉት አባ ገዳ በየነ ሰንበቶ ሮቢ ከቀናት በኋላ የሚከበረው የኢሬቻ በአል በዓለም የማይዳሰስ ቅርስነት ይመዘገባል የሚል ሙሉ እምነት አለን ብለዋል፡፡

የኢሬቻ በአል በየአመቱ መስከረም 22 ቀን በታላቅ ድምቀት በቢሾፍቱ ሲከበር በርካታ አመታትን ማስቆጠሩ ይታወቃል፡፡

የኔነህ ሲሳይ
አስተያየት ይፃፉ (0 አስተያየት)

ረቂቅ የንግድ ህጉ የሌላ ነጋዴን የንግድ ዋጋ ለማወቅ መሰለል ህገ-ወጥነት ነው አለ

አዲሱ ረቂቅ የንግድ ህግ ሚስጥራዊ የሆኑ የሌላ ነጋዴ የንግድ መረጃዎችን በሰራተኞች አማካይነት ለማግኘት መሞከርንም በህገ-ወጥነት ይፈርጃል ተባለ…ወሬውን የሰማነው ረቂቅ ህጉን አስመልክቶ የኢትዮጵያ የንግድና ዘርፍ ማህበራት ምክር ቤት ዛሬ በኢሊሌ ሆቴል ባዘጋጀው የግሉ ዘርፍ የግብአት ማሰባሰቢያ ዐውደ ጥናት ላይ ተገኝተን ነው፡፡ ረቂቁ የተዘጋጀው በ1952 ዓ.ም የወጣውን የንግድ ህግ እንዲተካ ታስቦ ነው ተብሏል፡፡የቀደመው ህግ አሁን ካሉ ነባራዊ ሁኔታዎች ጋር የተጣጣሙ ድንጋጌዎች እንደሚጐሉት ተነግሯል፡፡

ፈጣን ከሆነው የንግድ እና ኢንቨስትመንት እድገት ጋርም በተገናኘ በህጉ መመለስ ያለባቸው ጉዳዮች ስላሉ ረቂቁ እንደተዘጋጀ በአውደ ጥናቱ ላይ ሲነገር ሰምተናል፡፡ ረቂቁ ለንግድ ማህበራትና ባንኮች አደራጃጀትም አስፈላጊውን የህግ ማዕቀፍ የሚያበጅ ነው ተብሏል፡፡ ኢትዮጵያ የአለም አቀፉ የንግድ ድርጅት አባል ለመሆን ለጀመረችው ጥረትም የንግድ ህጉ መሻሻል አስፈላጊ ሆኖ መገኘቱን በአውደ ጥናቱ ላይ ሲነገር ሰምተናል፡፡
 
ንጋቱ ረጋሳ
አስተያየት ይፃፉ (0 አስተያየት)

የአባይ ግድብ በሱዳንና ግብፅ የሚያመጣው ችግር መኖር አለመኖሩን ከሚያጠኑ ተቋማት ጋር ስምምነት ተፈረመ

ኢትዮጵያ እየገነባችው ያለው የአባይ ግድብ በታችኛው የተፋሰሱ ሀገሮች ግብፅና ሱዳን ላይ የሚያመጣው ተፅዕኖ እንዳለ ከሚያጠኑት አለም አቀፍ ተቋማት ጋር የሥራ ስምምነት ተፈረመ…በሱዳን ካርቱም የኢትዮጵያ፣ ግብፅና ሱዳን ብሔራዊ የቴክኒክ ኮሚቴ አባላት ከትናንት ጀምሮ ከተሰበሰቡ እና ከተመካከሩ በኋላ ዛሬ ረፋድ ላይ ስምምነቱ መፈረሙን የብሔራዊ ቴክኒክ ኮሚቴ አባሉ ኢንጅነር ተሾመ አጥናፌ ከሱዳን ካርቱም ለሸገር ተናግረዋል፡፡

ስምምነቱን የብሔራዊ ቴክኒክ ኮሚቴው ሊቃነ መናብርቶች የፈረሙ ሲሆን በኢትየጵያ በኩል ኢንጅነር ጌድዬን አስፋው ፊርማውን አኑረዋል፡፡የሦስቱ ሀገሮች የውሃ፣ መስኖና ኤሌክትሪክ ሚንስትሮች በፊርማው ወቅት በታዛቢነት መገኘታቸውንም ከኢንጅነር ተሾመ አጥናፌ ሰምተናል፡፡

በ አር.ኤል እና አርቴልያ የተባሉት ተቋማተ በተቀመጠላቸው የግዜ ገደብ ግድቡ በታችኛው የተፋሰሱ ሀገሮች ግብፅና ሱዳን ላይ በማህበራዊ እና አካባቢያዊ ሁነቶች ላይ የሚያመጣው ተፅዕኖ እንዳለ ያጠናሉ፡፡ከሁለቱ ተቋማት ጋር ስምምነት ላይ ለመድረስ ዘለግ ያለ ግዜ መውሰዱ ይታወሳል፡፡ አሁን ከስምምነቱ በኋላም ሁለቱ ድርጅቶች ወደ ሥራ በቶሎ ይገባሉ ተብሏል፡፡በሱዳን ካርቱም የሦስቱ ሀገራት ብሔራዊ ቴክኒክ ኮሚቴ አባላቱ በፍፁም መግባባት መወያየታቸውን ከኢንጅነር ተሾመ ሰምተናል፡፡
 
ፋሲል ረዲ
አስተያየት ይፃፉ (0 አስተያየት)

ኢትዮጵያ የቆዳ ውጤቶችን ወደ አሜሪካ ልትልክ አቅዳለች

ኢትዮጵያ በቆዳ ውጤቶች የውጭ ንግድ ፊቷን ወደ አሜሪካ ገበያ ታዞራለች ተባለ…ኢትዮጵያ በቆዳ ውጤቶች የወጭ ንግድ ያሰበችውን ለማሳካት የጫማ ምርትን በርከት አድርጋ ታመርታለች፤ ለምርቷም አዳዲስ ገበያዎችን ትፈልጋለች ተብሏል፡፡አሜሪካም የመጀመሪያዋ የገበያ ምርጫዋ እንደምትሆን ሰምተናል፡፡

ከዚህ ቀደም ያለቀለት ቆዳን በስፋት ለወጭ ገበያ ስታቀርብ የከረመችው ኢትዮጵያ በ2008 በጀት ዓመት ካቀደችው 40 በመቶ ቅናሽ ባለው ዋጋ ስትሸጥ ከርማለች፡፡ በዚህም ምክንያት በቆዳ የወጭ ንግድ ከታቀደው የ16 ሚሊየን ዶላር ቅናሽ ያለው ገቢ ተገኝቷል፡፡185 ሚሊየን ዶላር ለማግኘት ተወጥኖ 116 ነጥብ 35 ሚሊየን ዶላር ተገኝቷል፡፡ ለገቢው ማሽቆልቆል ዋናው ምክንያትም የኢትዮጵያን ቆዳና የቆዳ ውጤቶችን ይገዙ በነበሩ ሃገራት የነበረው ገበያ በመቀዛቀዙ መሆኑን በቆዳ ኢንዱስትሪ ልማት ኢንስቲትዩት የእቅድና መረጃ ሥራ አመራር ዳይሬክቶሬት ዳይሬክተር አቶ ተስፋዬ ብርሃኑ ለሸገር ተናግረዋል፡፡ ቅናሹም የታየው በዋናነት ባለቀለት ቆዳ ንግድ ላይ ነበር ብለዋል፡፡ ከዚህ ቀደም የኢትዮጵያን ቆዳና የቆዳ ውጤቶች ይገዙ የነበሩት ጣልያን፣ ቻይና እና ሆንግ ኮንግ ሲሆኑ የፍላጐት መቀዛቀዝ አሳይተዋል ተብሏል፡፡

በመሆኑም በ2009 ዓ.ም ብዙ ጫማዎችን ለአሜሪካ ገበያ ለማቅረብ መታቀዱን ከአቶ ተስፋዬ ሰምተናል፡፡በቆዳና የቆዳ ውጤቶች የወጭ ንግድ በ2009 ዓ.ም 272 ሚሊየን ዶላር ለማግኘት ታቅዷል ያሉት አቶ ተስፋዬ እቅዱን ለማሳካትም ያለቀለት ቆዳን ለውጭ ገበያ ከማቅረብ ጐን ለጐን በሀገር ውስጥ ገበያ በሰፊው በመጠቀም እንዲሁም የጫማ ምርትን ለወጭ ንግድ በሰፊው በማቅረብ ትኩረት ተሰጥቶ ይሰራል ብለዋል፡፡

ኢትዮጵያ ያለቀለት ቆዳን ለውጭ ገበያ በሰፊው ማቅረቧ አላዋጣትም የተባለ ሲሆን ባለፈው ዓመትም ካለቀለት ቆዳ ብቻ ከታሰበው 18 ሚሊየን ዶላር ቅናሽ ያለው ገቢ መገኘቱን ሰምተናል፡፡ በመሆኑም በመጪው ጊዜ ያለቀለት ቆዳን እሴት ጨምሮ በጫማ መተካቱን አዋጪ ሳይሆን አይቀርም ተብሎ ተስፋ ተደርጓል፡፡

ትዕግስት ዘሪሁን
አስተያየት ይፃፉ (0 አስተያየት)

በአዲስ አበባ በደረሰ የመኪና አደጋ የ4 ሰዎች ህይወት ጠፋ

“ፍሬን እምቢ ብሎኛል እየዘለላችሁ ራሳችሁን አድኑ…” ሚኒባሱ ወንዙ ውስጥ ከመግባቱ በፊት ለመዝለል የደፈሩት ረዳቱና አንዲት ሴት ብቻ ናቸው፡፡ ክፉ ወሬ ነው - ዛሬ ማለዳ በአዲስ አበባ ቴዎድሮስ አደባባይ አካባቢ በደረሰ የመኪና አደጋ የ4 ሰዎች ህይወት አለፈ ተባለ…ሰባት ሰዎች በህይወት ተርፈው ወደ አቤት ሆስፒታል ለህክምና ተወስደዋል ተብሏል፡፡

ሸገር ከእሣትና ድንገተኛ አደጋዎች መከላከያና መቆጣጠሪያ ባለሥልጣን የህዝብ ግንኙነት ባለሙያ አቶ ንጋቱ ማሞ እንደሰማው ሚኒባስ ታክሲው ከፒያሳ ወደ ጥቁር አንበሳ ቁልቁል እየወረደ እንዳለ ቴዎድሮስ አደባባይ ሲደርስ መንገዱን ለቅቆ ለግንባታ የተቆፈረ ቦታን ጥሶ ገብቷል፡፡ አደጋው ማለዳ 1 ሰዓት ከ40 ደቂቃ ገደማ መከሰቱንም ሸገር በአካባቢው ከነበሩ መንገደኞች ሰምቷል፡፡ አቶ ንጋቱ እስከ ረፋድ 3 ሰዓት ድረስ ተሽከርካሪው ከገባበት ወንዝ ውሰጥ ስድስት ሰዎችን በህይወት እና የሁለት ሰዎችን አስክሬን ማውጣት መቻላቸውን ነግረውን ነበር፡፡ ከቆይታ በኋላ አቶ ንጋቱን ጠይቀን እንደሰማነው በተሽከርካሪ ውስጥ የነበሩ የ4 ሰዎች (የ3 ሴትና የ1 ወንድ) አስክሬን ማውጣት ተችሏል፡፡

ተጨማሪ ያንብቡ...

አስተያየት ይፃፉ (1 Comment)

መስከረም 10፣2009 የሸገር ወሬዎቻችን

  • የሥልሳ ዓመቱ አንጋፋ የትምህርት ተቋም አዲስ አበባ ዩኒቨርስቲ ምሁራን ከትላንት ጀምሮ ከመንግሥት ጋር ለውይይት ተቀምጠዋል፡፡ በርከት ያሉ ኃሳቦቻቸውንም ሲናገሩ ውለዋል፡፡ (ሕይወት ፍሬስብሃት)
  • ከጎሃ ፂዮን ፊቼ እና ሌሎች ከተሞች ወደ አዲስ አበባ የሚደረግ የትራንስፖርት አገልግሎት ትናንት በሥራ ማቆም አድማ ምክንያት ተስተጓጉሎ ነበር ተባለ፡፡ (ቴዎድሮስ ወርቁ)
  • ኢትዮጵያ የውጭ ቀጥታ ኢንቨስትመንትን በመሣብ ከምሥራቅ አፍሪቃ ቅድሚያውን ስትይዝ ከአፍሪካ ከመጀመሪያዎቹ አምስት ሀገሮች አንዷ ሆናለች ተባለ፡፡ (ፋሲል ረዲ)
  • የኢሬቻ ባህል በዩኔስኮ የማይዳሰስ ቅርስ ተብሎ ሊመዘገብ ነው ተባለ፡፡ (የኔነህ ሲሣይ)
  • ኢትዮጵያ የቆዳ ውጤቶችን ወደ አሜሪካ ልትልክ አቅዳለች፡፡ (ትዕግስት ዘሪሁን)
  • በአዲስ አበባ በደረሰ የመኪና አደጋ የ4 ሰዎች ህይወት ጠፋ፡፡ (ቴዎድሮስ ወርቁ)
  • አሜሪካውያን በጐ ፈቃደኛ የእንግሊዝኛ መምህራን ወደ ኢትዮጵያ መምጣታቸው ተሠማ፡፡ (የኔነህ ሲሣይ)
  • የኢትዮጵያ ኤሌክትሪክ አገልግሎት ወጪ ገቢውን ጨምሮ አጠቃላይ ሥራውን በመዘናዊ ቴክኖሎጂ ለማገዝ የሚያስችል ፕሮጀክት ማዘጋጀቱ ተሠማ፡፡ (ዮሐንስ የኋላወርቅ)
  • የአባይ ግድብ በሱዳንና ግብፅ የሚያመጣው ችግር መኖር አለመኖሩን ከሚያጠኑ ተቋማት ጋር ስምምነት ተፈረመ፡፡ (ፋሲል ረዲ)
  • ረቂቅ የንግድ ህጉ የሌላ ነጋዴን የንግድ ዋጋ ለማወቅ መሰለል ህገ-ወጥነት ነው አለ፡፡ (ንጋቱ ረጋሣ)
አስተያየት ይፃፉ (0 አስተያየት)

የአዲስ አበባ ዩኒቨርስቲ ምሁራን ከመንግሥት ጋር የሚያደርጉትን ውይይታቸውን ዛሬ ጀምረዋል፡፡ ጉባዔው በመምህራኑ በቀረበ የህሊና ፀሎት ጥያቄ ተጀምሯል

ከስድስት ኪሎ ወደ ሽሮ ሜዳ በሚወስደው መንገድ መካከል የሚገኘው የስብሰባ ማዕከል ዛሬ ከአፍ እስከ ገደፉ ጢም ብሎ ሞልቷል…በዚህ አዳራሽ ውስጥ የተሰበሰቡት ደግሞ የአዲስ አበባ ዩኒቨርስቲ መምህራን ሲሆኑ የዩኒቨርስቲው ፕሬዝዳንት ዶክተር አድማሱ ፀጋዬ እንዲሁም ምክትል ፕሬዝዳንቱ ዶክተር ጄሉ ዑመር እና የአካዳሚክ ስታፍ ዳይሬክተሩ ዶክተር ተመስገን ቡርቃ ተገኝተዋል፡፡ በመካከላቸው የዩኒቨርስቲው የቦርድ ሰብሳቢ አቶ ካሣ ተክለብርሃን ተገኝተዋል፡፡

መንግሥት ከመሥከረም 4 እስከ 16 ድረስ በተመረጡ አጀንዳዎች ላይ ምሁራንና ተማሪዎች፣ ወላጆችና የአስተዳደር ሠራተኞች እንዲወያዩ ባሳሰበው ምክንያት የአዲስ አበባ ዩኒቨርስቲ ሠራተኞቹን በአራት አዳራሽ ከፍሎ ዛሬ ውይይቱን ጀምሯል፡፡
የአዲስ አበባ ዩኒቨርስቲ መምህራን ለብቻቸው እንዲወያዩ በተወሰነላቸው የስብሰባ ማዕከል ተገኝተን እንደተመለከትነው መምህራኑን ለማወያየት የዩኒቨርስቲው ፕሬዝዳንትና ምክትል ፕሬዝዳንት እንዲሁም አቶ ካሣ ተክለብርሃን እና ዶክተር ተመስገን ቡርቃ ፊት ለፊት ተቀምጠዋል፡፡

ጉባዔው ከመጀመሩ አስቀድሞ በዩኒቨርስቲው ምሁራን መካከል በኦሮሚያ፣ በአማራ፣ በደቡብና በጋምቤላ ክልሎች ህይወታቸውን ላጡ ወገኖች ኢትዮጵያዊያን ቢያንስ የህሊና ፀሎት እንድናደርግ ሲሉ ጠይቀዋል፡፡ጥያቄውን ዘለግ ባለ ጭብጨባ በአዳራሹ ውስጥ ያሉ ምሁራን ደግፈውታል፡፡

ተጨማሪ ያንብቡ...

አስተያየት ይፃፉ (1 Comment)

በቪዲዮ ኮንፈረንስ የዳኝነት አገልግሎት የሚሰጡ ማዕከላትን ቁጥር ዘንድሮ ከሰላሣ አምስት ወደ አርባ አምስት ለማሳደግ ታስቧል ተባለ

የቪዲዮ ኮንፈረንስ ሰዎች ባለቡት ቦታ ሆነው ክርክር የሚያካሂዱበት እንዲሁም ምስክርነታቸው መልስ የሚሰጥበት አሰራር ነው…እስከ አሁን ይህን አገልግሎት የሚሰጡ ማዕከላት ቁጥር በሀገር አቀፍ ደረጃ 35 ነው፡፡ ከእነዚህ ማዕከላት ዘጠኙ በኦሮሚያ፣ ስድስቱ በአማራ፣ አራቱ በደቡብ፣ ሦስቱ በትግራይ እና ቀሪዎቹ ሦስቱ በቤንሻንጉል ጉምዝ ክልሎች የሚገኙ ናቸው፡፡

አብዛኞቹ ማዕከላት በፌዴራል ፍርድ ቤቶች ውስጥ የሚገኙ ሲሆኑ የተወሰኑት ደግሞ በማረሚያ ቤቶች ውስጥ ያሉ እንደሆኑ ሰምተናል፡፡በ2009 ዓ.ም ደግሞ የእነዚህን ማዕከላት ቁጥር ወደ አርባ አምስት ለማሳደግ ውጥን መያዙን በፌዴራል ጠቅላይ ፍርድ ቤት የኢንፎርሜሽን ኮሙኒኬሽን ቴክኖሎጁ ዳይሬክተር አቶ ሰለሞን አማረ ነግረውናል፡፡

የመጀመሪያዎቹ ሦስት ማዕከላት በአማራ ክልል ፍኖተ ሰላም፣ እንጅባራ እና ደብረታቦር ከተሞች ይከፈታሉ ብለዋል፡፡ማዕከላቱ 2009 የመጀመሪያ ሦስት ወራት እንደሚከፈቱ ነግረውናል፡፡ በኦሮሚያ፣ ደቡብ፣ አፋር፣ ጋምቤላ እና ሶማሌ ክልሎችም ማዕከላቱን የመክፈት ዕቅድ እንዳለ ከአቶ ሰለሞን ሰምተናል፡፡

ንጋቱ ረጋሳ
አስተያየት ይፃፉ (0 አስተያየት)

የብቃት ማረጋገጫ አገልግሎት ሰጭ መሥሪያ ቤቶች የራሳቸውም ብቃት ይፈተሻል ተባለ

የኢትዮጵያ አክርዲቴሽን ጽ/ቤት በሰርተፍኬሽን ዘርፍ ዓለም አቀፍ ተቀባይነት ለማግኘት የሚያስችለውን እውቅና አግኝቻለሁ፤ ከዚህ በኋላም የተለያዩ የብቃት ማረጋገጫ የሚሰጡ ተቋማትን ብቃት አረጋግጦ አለም አቀፍ ተቀባይነት እንዲኖራቸው የሚያስችል እውቅና እሰጣለሁ አለ…

ጽ/ቤቱ በዚህ ወር የዓለም አቀፍ የአክርዲቴሽን ፎረም ሙሉ አባል ሆኗል፡፡በመሆኑም በሰርተፍኬሽን ዘርፍ ለተቋማቱ የሚሰጠው እውቅና ከዚህ በኋላ ዓለም አቀፍ ተቀባይነት ይኖረዋል ተብሏል፡፡ በጽ/ቤቱ የኮሙኒኬሽን ኃላፊ የሆኑት አቶ ንጉሴ ክብሩ ለሸገር እንደተናገሩት ለምርት ጥራት፣ ለባለሙያዎች የብቃት ማረጋገጫ እና ለስርዓት ዝርጋታ ፈትሸው የብቃት ማረጋገጫ የሚሰጡ ተቋማት ራሳቸው ሰርተፍኬቱን ለመስጠት የሚያስችል የምዘና ብቃት አላቸው ወይ የሚለው ይመረመራል ብለዋል፡፡

ተጨማሪ ያንብቡ...

አስተያየት ይፃፉ (1 Comment)
Sheger 102.1 AudioNow Numbers