• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በደቡብ ምዕራብ ሸዋ ዞን ወሊሶ ከተማ ቅዳሜ ምሽት በደረሰ የመኪና አደጋ የ8 ሰዎች ሕይወት አለፈ

በደቡብ ምዕራብ ሸዋ ዞን ወሊሶ ከተማ ቅዳሜ ምሽት በደረሰ የመኪና አደጋ የ8 ሰዎች ሕይወት አለፈ፡፡ከወልቂጤ ወደ አዲስ አበባ ሲጓዝ የነበረ አነስተኛ የህዝብ ማመላለሻ ዶልፊን ተሽከርካሪ ከሚስቱቡሺ ገልባጭ መኪና ጋር ተጋጭቶ አደጋው መድረሱን የነገሩን የኦሮሚያ ፖሊስ ኮሚሽን የኮሚኒኬሽን ባለሙያ የሆኑት ኮማንደር ደረጄ ፈጠነ ናቸው፡፡

በዶልፊን ውስጥ የነበሩት 7 ተሳፋሪዎችና አሽከርካሪው ወዲያውኑ ሕይወታቸው ማለፉንና በ2 ሰዎች ላይ ከባድ ጉዳት መድረሱን ከኮማንደሩ ሰምተናል፡፡በኦሮሚያ ክልል ከሐምሌ 1-8 ባሉት ቀናት 98 የትራፊክ አደጋዎች መድረሳቸውን ኮማንደር ደረጄ ነግረውናል፡፡

ማህሌት ታደለ
አስተያየት ይፃፉ (0 አስተያየት)

የኤርትራ ኤምባሲ በዛሬው ዕለት መከፈቱን

ጠቅላይ ሚኒስትር ዐብይ አህመድና ፕሬዝደንት ኢሳያስ አፈወርቂ በተገኙበት ከሁለት አስርት ዓመታት በኋላ በአዲስ አበባ የሚገኘው የኤርትራ ኤምባሲ በዛሬው ዕለት መከፈቱን የጠቅላይ ሚኒስትር ፅህፈት ቤት ሃላፊው አቶ ፍጹም አረጋ በትዊተር ገጻቸው ላይ አስፍረው ተመልክተናል፡፡
አስተያየት ይፃፉ (0 አስተያየት)

የጠቅላይ ሚኒስትር ዐብይ አህመድን ምስል እያተሙ የመሸጥ ነገር ላይ ተቃውሞ የሚያሰሙ አሉ

የጠቅላይ ሚኒስትር ዐብይ አህመድን ምስል እያተሙ የመሸጥ ነገር ላይ ተቃውሞ የሚያሰሙ አሉ…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ቴዎድሮስ ብርሃኑ
አስተያየት ይፃፉ (0 አስተያየት)

ለፕሬዝደንት ኢሳያስ በሐዋሳ በተደረገላቸው የእራት ግብዣ ላይ ጠቅላይ ሚኒስትር አብይ አህመድ ባደረጉት ንግግር በአንዳንድ ስፍራዎች ግጭት እንዲፈጠር ለሚያደርጉ ማስጠንቀቂያ ሰጥተዋል

ቅዳሜ ምሽት ለፕሬዝደንት ኢሳያስ በሐዋሳ በተደረገላቸው የእራት ግብዣ ላይ ጠቅላይ ሚኒስትር አብይ አህመድ ባደረጉት ንግግር በአንዳንድ ስፍራዎች ግጭት እንዲፈጠር ለሚያደርጉ ማስጠንቀቂያ ሰጥተዋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ጌታቸው ለማ
አስተያየት ይፃፉ (0 አስተያየት)

በትላንትናው ዕለት በሚሊኒየም አዳራሽ ተካሂዶ የነበረውን የኢትዮጵያ እና የኤርትራ የሰላም ማብሰሪያ

በትላንትናው ዕለት በሚሊኒየም አዳራሽ ተካሂዶ የነበረውን የኢትዮጵያ እና የኤርትራ የሰላም ማብሰሪያ መድረክ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ንጋቱ ሙሉ 
አስተያየት ይፃፉ (0 አስተያየት)

የኢትዮ-ሶማሌ ክልላዊ መንግስት ፕሬዝዳንት የቀድሞ ባለስልጣናት ጣልቃ እየገቡ ያስቸግሩዋቸው እንደነበር ተናግረዋል

የኢትዮ-ሶማሌ ክልላዊ መንግስት ፕሬዝዳንት የቀድሞ ባለስልጣናት ጣልቃ እየገቡ ያስቸግሩዋቸው እንደነበር ተናግረዋል፡፡ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



የኔነህ ሲሳይ
አስተያየት ይፃፉ (1 Comment)

የደብረማርቆስ ከተማ ዛሬ ከረፋድ በኋላ መረጋጋቱንና ወጣቶችም ከዞኑ አስተዳዳሪ ጋር እየተወያዩ መሆኑን የምስራቅ ጎጃም ዞን የመንግስት ኮሚዩኒኬሽን ጉዳዮች መምሪያ ሀላፊ ተናገሩ

የደብረማርቆስ ከተማ ዛሬ ከረፋድ በኋላ መረጋጋቱንና ወጣቶችም ከዞኑ አስተዳዳሪ ጋር እየተወያዩ መሆኑን የምስራቅ ጎጃም ዞን የመንግስት ኮሚዩኒኬሽን ጉዳዮች መምሪያ ሀላፊ ተናገሩ፡፡ትናንት ከሰዓት በኋላ የስራ ሀላፊዎች በድብቅ ሰዎችን እያነጋገሩ ነው የሚል ወሬ በመዛመቱ በከተማው ግርግር ተፈጥሮ በ3 ሆቴሎች ላይና በተሽከርካሪ ላይ ጉዳት መድረሱ መዘገቡ ይታወሳል፡፡

የመምሪያ ሀላፊው አቶ ሽፈራው አየለ እንደተናገሩት ዛሬ እስከ ረፋድ ድረስ ግርግሩ የቀጠለ ቢሆንም አሁን ግን ወጣቶቹ በጠየቁት መሰረት የዞኑ አስተዳዳሪ በተገኘበት ውይይት ጀምረዋል ተብሏል፡፡በውይይቱ ላይ የደብረ ማርቆስ ከተማ አስተዳደር የስራ ሀላፊዎች፣ የሃገር ሽማግሌዎችና የሃይማኖት አባቶችም ተገኝተዋል ብለዋል አቶ ሽፈራው፡፡ ትላንት በነበረው ግርግር ጥቃት የደረሰባቸው ሆቴሎች መተባበር ሆቴል፣ ትልቅ ሰው ሆቴል እና ጎዛምን ሆቴል ናቸው፡፡

ትዕግስት ዘሪሁን
አስተያየት ይፃፉ (0 አስተያየት)

ባሳለፍነው ሰኞ በአፋር ክልል ዲቼቶ በቦቴዎች መጋጨት በተነሳው እሳት ብዙ ንብረት ከወደመ በኋላ እሳቱን መቆጣጠር ቢቻልም መንገዱ እስካሁን የትራፊክ ፍሰቱን እያስተጓጐለው ነው ተባለ

ባሳለፍነው ሰኞ በአፋር ክልል ዲቼኤቶ በቦቴዎች መጋጨት በተነሳው እሳት ብዙ ንብረት ከወደመ በኋላ እሳቱን መቆጣጠር ቢቻልም መንገዱ እስካሁን የትራፊክ ፍሰቱን እያስተጓጐለው ነው ተባለ፡፡ዲቼኤቶ ጉምሩክ መቆጣጠሪያ ጣቢያ አስተባባሪ ኮማንደር ዳዊት ሙሄ ናቸው ዛሬ መረጃውን የነገሩን፡፡

በቦቴዎቹ ግጭት በተፈጠረው እሳት አደጋ ጉዳት የደረሰባቸው በአካባቢው የሚገኙት ንግድ ባንክና አንበሳ ባንክም ስራቸውን አልጀመሩም ያሉት ኮማንደር ዳዊት በእሳቱ አንድ ሰው ሲሞት ከ40 በላይ የመኖሪያ ቤቶችና ከ20 በላይ ተሽከርካሪዎች መቃጠላቸውም አስታውሰዋል፡፡

ወንድሙ ኃይሉ
አስተያየት ይፃፉ (0 አስተያየት)

የቁጠባ ቤቶች ልማት ኢንተርፕራይዝ በተለያየ ጊዜ ከውጪ ገዝቶ ያስገባቸው በመቶ ሺዎች ቶን የሚመዝን የአርማታ ብረት አገልግሎት ላይ ሳይውል ለጉዳት በሚያጋልጥ ሁኔታ ተከማችተው ይገኛል ተባለ

የቁጠባ ቤቶች ልማት ኢንተርፕራይዝ በተለያየ ጊዜ ከውጪ ገዝቶ ያስገባቸው በመቶ ሺዎች ቶን የሚመዝን የአርማታ ብረት አገልግሎት ላይ ሳይውል ለጉዳት በሚያጋልጥ ሁኔታ ተከማችተው ይገኛል ተባለ፡፡ የአዲስ አበባ ከተማ አስተዳደር የዋና ኦዲተር መስሪያ ቤት አደረግሁት ባለው የክዋኔ ኦዲት ይህን በአካል ምልከታ ጭምር አረጋግጫለሁ ብሏል፡፡

ከ114 ሺህ 217 ዶላር በላይ በሆነ ዋጋ ተገዝተው 271.3 ቶን የሚመዝን ብረት ፣ እንዲሁም ከ1.6 ሚሊየን ዶላር በላይ ወጭ የተደረገበት ሌላ 3 ሺህ 850 ቶን ብረት አገልግሎት ላይ ሳይውል በጎፋ ማዕከላዊ መጋዘን ተከማችቷል ተብሏል፡፡በ2009 ዓ.ም ከ25.7 ሚሊየን ብር በላይ ወጭ ተደርጎበት ወደ ሃገር የገባው ከ1.4 ሚሊየን ኪሎ ግራም በላይ የሚመዝን ብረት በተመሳሳይ አገልግሎት ላይ ሳይውል ለዝናብና ለፀሐይ በተጋለጠ ሁኔታ መከማቸቱን የከተማዋ ዋና ኦዲተር መስሪያ ቤት ተናግሯል፡፡በተጨማሪም ኢንተርፕራይዙ በመጠናቀቅ ላይ ያሉ ሕንፃ አቅራቢና እህል ንግድ ሳይቶች የሚገኙ ቤቶችን ግንባታቸውን ለመጨረስ ያልቻልኩት የኤሌክትሪክና የሳኒተሪ እቃዎች ላለፈው 1 አመት ስላልቀረበልኝ ነው የሚል ምክንያት ሰጥቷል፡፡

ይሁንና በጎፋ ማዕከለዊ መጋዘን ውስጥ ግምታቸው 352 ነጥብ 9 ሚሊየን ብር የሚያወጡ የኤሌክትሪክና የሳኒተሪ እቃዎችን አከማችተው ስለመገኘቱ ዋና ኦዲተር መስሪያ ቤቱ ተናግሯል፡፡በተያያዘም በቁጠባ ቤቶች ኢንተርፕራይዝ ስም ለተለያዩ ለመንግስት ዩኒቨርስቲዎች ከቀረጥ ነፃ እንደገባ የተነገረለት ከ7 ሺህ 306 ቶን በላይ የአርማታ ብረት ለዩንቨርስቲዎቹ ስለመሰጠቱ ማስረጃ አልቀረበልኝም ይላል የሂሳብ መርማሪው መስሪያ ቤቱ፡፡ብረቱ ከ4.5 ሚሊየን ዶላር በላይ ወጭ ተደርጎበታል የተባለ ሲሆን ገንዘቡን ወጭ ስለማድረጋቸው እንጂ ብረቱን ስለመረከባቸው መረጃ አላገኘሁም ካለባቸው ዩኒቨርስቲዎች መካከል አዴግራት፣ ወልድያ፣ ደብረ ታቦር፣ አሰላና ወልቂጤ ዩንቨርስቲዎች ይገኙበታል፡፡

ትዕግስት ዘሪሁን
አስተያየት ይፃፉ (0 አስተያየት)

120 የተለያዩ ሞዴል የሆኑና የተሽከርካሪ ባለቤቶች ማረጋገጫ ደብተር ሊብሬ የሌላቸው አውቶብሶች በአንበሳ የከተማ አውቶብስ ድርጅት ውስጥ መገኘታቸው ተሰማ

120 የተለያዩ ሞዴል የሆኑና የተሽከርካሪ ባለቤቶች ማረጋገጫ ደብተር ሊብሬ የሌላቸው አውቶብሶች በአንበሳ የከተማ አውቶብስ ድርጅት ውስጥ መገኘታቸው ተሰማ፡፡ ወሬው የተሰማው ከአዲስ አበባ ዋና ኦዲተር ነው፡፡ የዋና ኦዲተር የ2010 የግማሽ አመት ሪፖርት ላይ እንደተባለው ድርጅቱ ለነዚህ 120 አውቶብሶች የባለቤትነት ማረጋገጫ ሊብሬ ማቅረብ አልቻለም፡፡

ዋና ኦዲተር ባደረገው የኦዲት ማጣራት ስራው ከ29 ሚሊዮን ብር በላይ የሚገመቱ የተሽከርካሪ መለዋወጫዎች ከ15 አመት በላይ አገልግሎት ላይ ሳይውሉ፣ ተበላሽተው ሳይወገዱ ተገኝተዋል፡፡ድርጅቱ ለ21 ዳፍ አውቶብሶች ከግብፅ ከ14.2 ሚሊዮን ብር መለዋወጫ ተገዝቷል ተብሎ ቢገጠምላቸውም ሞተሩ ግን ከ6 ወር በላይ ሳይሰራ የተባላሸ መሆኑም ተደርሶበታል፡፡

የካቲት 24 ቀን 2009 በአንበሳ ድርጅት የመካኒሳ ዴፖ በሚገኘው የጥገና ጋራዥ ላይ በደረሰ የእሳት ቃጠሎ ለወደሙ አውቶብሶች ዋስትና ባለመግባቱ ከ8 ነጥብ 7 ሚሊዮን ብር በላይ ኪሳራ ደርሶበታል ተብሏል፡፡ከዚህም በተጨማሪ ዋጋቸው በትክክል የማይታወቅ ብዛት ያላቸው የተሽከርካሪ መለዋወጫ እቃዎች ክፍት በሆኑ ኮንቴይነሮች እና በሜዳ ላይ ለጥበቃ በማይመች ሁኔታ በየካ ዴፖ ተቀምጦ መገታቸውንም ሰምተናል፡፡

ዮሐንስ የኋላወርቅ
አስተያየት ይፃፉ (0 አስተያየት)

የኢትዮጵያ ሕዝብ ብዛት እድገት በዚሁ ከቀጠለ ከ30 አመታት በኋላ 200 ሚሊዮን ሊደርስ እንደሚችል ተገመተ

የኢትዮጵያ ሕዝብ ብዛት እድገት በዚሁ ከቀጠለ ከ30 አመታት በኋላ 200 ሚሊዮን ሊደርስ እንደሚችል ተገመተ፡፡ ስጋቱን ለመቀነስ መፍትሄው የቤተሰብ እቅድ አገልግሎትን በተጠናከረ መንገድ መቀጠል ነው ተብሏል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ማህሌት ታደለ

አስተያየት ይፃፉ (0 አስተያየት)
Sheger 102.1 AudioNow Numbers