• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በአንድ ወቅት የኢትዮጵያ ብሔራዊ ባንክ ምክትል ገዥ የሜቴክ የቦርድ አባል እንደነበሩ ሸገር ከታማኝ ምንጭ ሰምቷል፡፡ ይህ እንዴት ሊሆን ቻለ? መዘዙስ ምን ሆነ?

በአንድ ወቅት የኢትዮጵያ ብሔራዊ ባንክ ምክትል ገዥ የሜቴክ የቦርድ አባል እንደነበሩ ሸገር ከታማኝ ምንጭ ሰምቷል፡፡ ይህ እንዴት ሊሆን ቻለ? መዘዙስ ምን ሆነ? የብሔራዊ ባንክም የውጭ ምንዛሪን ገደብ አንስቷል የሚል መረጃም ደርሶናል፤ በተደጋጋሚ ከሸገር ለሚቀርቡለት ጥያቄዎች ጆሮ ዳባ ልበስ የሚለው የኢትዮጵያ ብሔራዊ ባንክ ዛሬም ከለመደው አሰራር የተላቀቀ አይመስልም…ተህቦ ንጉሤ ይህንን እና ሌሎችን ጥያቄዎች ይዞ የብሔራዊ ባንክን ደጅ ጠንቷል፡፡

አስተያየት ይፃፉ (0 አስተያየት)

ኢትዮጵያ የስፔስ ፖሊሲ አፅድቃለች

ኢትዮጵያ የስፔስ ፖሊሲ አፅድቃለች፤ በዚህ ዙሪያ ቴዎድሮስ ብርሃኑ ያሰናዳውን እንድታዳምጡ እንጋብዛለን፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የኦሮሞ ነፃነት ግንባር(ኦነግ) ከመንግስት ጋር ሶስተኛ ወገን ባለበት ለመደራደር እንደሚፈልግ መግለጫ ማውጣቱ ይታወሳል...የኦነግ ስራ አስፈፃሚውን ድርጅታቸው ባወጣው መግለጫ ላይ የሰጡት መልስ

የኦሮሞ ነፃነት ግንባር(ኦነግ) ከመንግስት ጋር ሶስተኛ ወገን ባለበት ለመደራደር እንደሚፈልግ መግለጫ ማውጣቱ ይታወሳል፡፡ በሌላ በኩል ኦነግ ትጥቁን ለመፍታት ፈቃደኛ አለመሆኑና በምዕራብ ኦሮሚያ ችግር መፍጠሩ ሲነገር ቆይቷል፡፡ ንጋቱ ሙሉ የኦነግ ስራ አስፈፃሚውን ድርጅታቸው ባወጣው መግለጫ ላይ ጠይቋቸዋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ለሁለት የመስኖ ግድብ ፕሮጀክቶች ያስፈልጋል ተብሎ ውል ከታሰረበት ዋጋ ከ13 ቢሊዮን ብር በላይ ወጪ መደረጉ ተነገረ

የዛሪማ ሜዴይ እና የመገጭ መስኖ ግድብ ፕሮጀክቶች ከተመደበላቸው ገንዘብ ተጨማሪ 13 ነጥብ 3 ቢሊዮን ብር ወጪ እንደተደረገባቸው የሒሳብ ምርመራ ተረጋግጧል ተብሏል፡፡ወሬውን የሰማነው የፌዴራል ዋና ኦዲተር መስሪያ ቤት በፕሮጀክቶቹ ላይ ያደረገውን የክዋኔ ኦዲት ግኝትና የተወሰዱ የማስተካከያ እርምጃዎችን በተመለከተ ውይይት ሲደረግ ነው፡፡በህዝብ እንደራሴዎች ምክር ቤት የመንግስት ወጪ እና አስተዳደር ጉዳዮች ቋሚ ኮሚቴ ፕሮጀክቶችን ከሚያስተዳድረው የውሃ መስኖና ኢነርጂ ሚኒስቴር መስሪያ ቤት የስራ ሀላፊዎች ጋር ውይይት አድርጓል፡፡

በትግራይ ክልል የሚገነባው የዛሪማ ሜዴይ የመስኖ ግድብ በ4 ነጥብ 2 ቢሊዮን ብር ግንባታው ይጠናቀቃል ተብሎ ውል ታስሮ ነበር፡፡ይሁንና ዋጋው በ347 በመቶ ጨምሮ 14 ነጥብ 5 ቢሊዮን ብር መድረሱ የዋና ኦዲተር መስሪያ ቤት የሒሳብ ምርመራ ግኝት ያሳያል፡፡ለፕሮጀክቱ በአማካሪነት ሱርኮንስትራክሽን እንዲሁም ለግንባታ ስራው ስቱዲዮ ጋሊ ኢንጂነሪንግ ለተባሉ ተቋማት ያለ ጨረታ እንደተሰጣቸውም ተነግሯል፡፡ይህም የመንግስትን የግዢ መመሪያ የጣሰ ነው፡፡

ለመጠጥ ውሃና ለመስኖ እርሻ ልማት ይሆናል ተብሎ በአማራ ክልል ግንባታው የተጀመረው የመገጭ መስኖ ግድብም በ2 ነጥብ 4 ቢሊየን ብር ይጠናቀቃል ተብሎ ተጀምሮ ነበር፡፡አሁን የፕጀክቱ ዋጋ 5 ነጥብ 6 ቢሊየን ብር ደርሷል ይላል የክዋኔ ኦዲቱ፡፡ከሁለቱ ፕሮጀክቶች የመነሻ ዋጋ ስለ ምን ተጨማሪ ከ13 ቢሊዮን ብር በላይ ወጪ ተደረገ ለሚለው የውሃ መስኖና ኢነርጂ ሚኒስትር ዴኤታ ዶ/ር አብርሃ አዱኛ መልስ ሰጥተዋል፡፡

ለፕሮጀክቱ መነሻ ዋጋ የተሰላው ግድቡ የሚያስፈልገው አጠቃላይ ዲዛይን ሳይጠናቀቅ ነው ይህም ተደጋጋሚ ዲዛይን እንዲሰራ ተጨማሪ ወጪም እንዲወጣ ምክንያት ሆኗል የሚል መልስ ሰጥተዋል፡፡በህዝብ ሀብት የሚገነቡ ፕሮጀክቶች አስፈላጊ ዲዛይን ሳይሰራላቸውና አዋጪነታቸውን ሳይረጋገጥ በጥድፊያ ግንባታቸው እየተጀመረ ከፍተኛ ሀብት ባክኗል፡፡ሀገሪቱም ባለዕዳ እየሆነች ነው የሚል አስተያየት ተሰጥቷል፡፡ለዚህም ተጠያቂ የሚደረጉ ሀላፊዎች ስለሌሉ ችግሩ እየተወሳሰበ ነው የሚል ትችት በውይይቱ ላይ ተነስቷል፡፡

ትግስት ዘሪሁን
አስተያየት ይፃፉ (1 Comment)

የመከላከያ ሰራዊት ከቦታ ወደ ቦታ በሚንቀሳስበት ወቅት ፣ የትግራይ ሕዝብ ፣ ሊረበሽ እንደማይገባው የትግራይ ክልል ምክትል ርዕሰ መስተዳድር ተናገሩ

ምክትል ርዕሰ መስተዳደር ዶ/ር ደብረፅዮን ገብረሚካኤል ይኸን የተናገሩት በትግራይ ክልል የመከላከያ ሰራዊት እንቅስቃሴ እየተገደበ ነው የሚለው ወሬ ከተሰማ በሁዋላ ነው፡፡ ደብረፅዮን(ዶ/ር) ትላንት በሰጡት መግለጫ የትግራይ ሕዝብ በመከላከያ እንቅስቃሴ ሳይጨነቅ፣ በልማቱ ላይ እንዲያተኩር አሳስበዋል፡፡የመከላከያ ሰራዊት ከቦታ ወደ ቦታ የሚንቀሳቀሰው ሕገ መንግስት የመጠበቅ ሀላፊነቱን ለመወጣት በመሆኑ ጠቅሰው ሕዝቡ ይኽን ተገንዝቦ እንዲረጋጋ መክረዋል፡፡የትግራይ ሕዝብ ፣ህገ መንግስት ይከበርልኝ እያለ ሲጠይቅ ፣ ራሱም ህገ መንግስቱን ከማክበር መጀመር እንዳለበት በመግለጫቸው ላይ ጠቅሰዋል፡፡

“ሃይላችን መደራጀትና እምነታችን እንጂ መሳሪያ አይደለም” ያሉት ደብረፅዮን(ዶ/ር) መከላከያ ከአንዱ ወደ ሌላ ቦታ በሚያደርገው እንቅስቃሴ ፣ እንቅፋት መሆን የለብንም ብለዋል፡፡አያይዘውም በተበተነ መልክ የሚደረግ እንቅስቃሴ ወደ ማይፈለግ አቅጣጫ ሊወሰድ እንደሚችል ጠቁመዋል፡፡ቀደም ሲል በትግራይ ክልል በዛላ አንበሳ የሰፈረውን የመከላከያ ሰራዊት እንቅስቃሴ፣ በክልሉ ነዋሪ እንዲታገድ በመደረጉ አዛዦቹ በውይይት ለመፍታት መሞከራቸውን መዘገባችን ይታወሳል፡፡ በሽሬም ሰራዊቱ ሲንቀሳቀስ የጦር መሳሪያ አይሄድም ያሉ የክልል ነዋሪዎች ጉዞውን ማስተጓጎላቸው ሲነገር ሰንብቷል፡፡
 
ጠቅላይ ሚኒስትር ዐቢይ አህመድም በፌዴራሉ መንግስት የሚታዘዘውን የመከላከያ ሰራዊት እንቅስቃሴ መግታት ትክክል አለመሆኑንም ተናግረው ነበር፡፡ምክትል ኢታማዦር ሹም ብርሃኑ ጁላም የመከላከያ ሰራዊትን እንቅስቃሴ የትግራይ ክልላዊ መንግስት እንደሚያውቀው ግን አንዳንድ ቡድኖች ችግር ቢፈጥሩም የሰራዊቱ እንቅስቃሴ እንደማይታገድ ተናግረዋል፡፡ደብረፅዮን(ዶ/ር) በትላንቱ መግለጫቸው የክልሉ ሕዝብ ሰላምና ፀጥታን የማስከበርን ጉዳይ በፈጠረው አደረጃጀት አንድነቱን እንዲያስቀጥል አሳስበዋል፡፡
 
እሸቴ አሰፋ
አስተያየት ይፃፉ (0 አስተያየት)

የኢትዮጵያ የፈጠራ ሀሳቦችን በአለም አቀፍ ደረጃ ሊመዘገቡ መሆኑ ተነገረ

እንዲህ ሲል የተናገረው የኢኖቬሽንና ቴክኖሎጂ ሚኒስቴር ነው፡፡ሚኒስቴሩ የኢትዮጵያውያን የፈጠራ ሀሳቦች በአለም አቀፍ ደረጃ እንዲመዘገቡና እንዲጠበቁ “ ሴቭ አይዲያ” ከተባለው ድርጅት ጋር በትላንትናው እለት ስምምነት ተፈራርሟል፡፡“ሴቭ አይዲያ” የተባለው ድርጅት በአለም አቀፍ ደረጃ ያሉ የፈጠራ ሀሳቦችን በነፃ የሚመዘግብና የሚጠበቅ እንደሆነ ተነግሯል፡፡ከዚህም በተጨማሪ ሀሳቦቹ ወደ ስራ እንዲገቡ ከባለሀብቶች ጋር ያገናኛል የራሱንም የገንዘብ ድጋፍ ያደርጋል ተብሏል፡፡

ከደቡብ አፍሪካ ፣ ታንዛኒያ ፣ ኬንያ ፣ አይቨሪኮስትና ቦትስዋና ጋር መሰል ስራዎችን የሚሰራው “ ሴቭ አይዲያ” የሚመዘገቡትን የፈጠራ ሀሳቦች ኦንላይን ለህዝብ ክፍት በማድረግ ያስተዋውቃል፡፡ስምምነቱን የተፈራረሙት የኢኖቬሽንና ቴክኖሎጂ ሚኒስቴር ዴኤታው ዶ/ር ሹመቴ ግዛው በቅርቡ “በዲዛይን ኢትዮጵያ” የፈጠራ ውድድር ላይ የቀረቡ ስራዎች ቅድሚያ ተሰጥታቸው እውቅና ኖሯቸው እንዲጠበቁ ይደረጋል ብለዋል፡፡“ሴቭ አይዲያ” በበኩሉ የአፍሪካ ቢሮውን በኢትዮጵያ የመክፈት ውጥን እንዳለው መናገሩን ሰምተናል፡፡

ቴዎድሮስ ብርሃኑ
አስተያየት ይፃፉ (0 አስተያየት)

ቼሻየር ሰርቪስ በ4.5 ሚሊዮን ብር ያስገነባው የቀዶ ህክምና ማዕከል ስራ ይጀምራል ተባለ

ቼሻየር ሰርቪስ በ4.5 ሚሊዮን ብር ያስገነባው የቀዶ ህክምና ማዕከል ስራ ይጀምራል ተባለ፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ወንድሙ ሀይሉ
አስተያየት ይፃፉ (0 አስተያየት)

የኢትዮጵያ የጥጥ እርሻ ሰብሳቢ ቸግሮታል

የኢትዮጵያ የጥጥ እርሻ ሰብሳቢ ቸግሮታል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ወንድሙ ሀይሉ

አስተያየት ይፃፉ (0 አስተያየት)

አይነ ስውራን ተማሪዎች የህዋ አካላትን በመዳሰስ ተመለከቱ

አይነ ስውራን ተማሪዎች የህዋ አካላትን በመዳሰስ ተመለከቱ፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ቴዎድሮስ ብርሃኑ
አስተያየት ይፃፉ (0 አስተያየት)

ፍቅር የነገሰባት የአዲስ አበባዋ “ሚስማር ሰፈር”

ፍቅር የነገሰባት የአዲስ አበባዋ “ሚስማር ሰፈር” የገባ ሰው መቼም አይወጣም ይለናል ወንድሙ ኃይሉ፡፡ ተካፍሎ መብላት፣ ተረዳድቶ መኖር በገነነባት “ሚስማር ሰፈር” የገባ ሰው ፍቅር እዚያው ሰፈር እንደሚስማር ቸንክሮ ያስቀረዋል ነው የሚሉት ነዋሪዎቿ - ስለዚህም ሚስማር ሰፈር ተባለች ይላሉ፡፡አዲስ አበባ ናይጄሪያ ኤምባሲ ባሻገር ያለችው የሚስማር ሰፈር ነዋሪዎች የአንዱ ቤት የሁሉም ነው፣ አጣን ነጣን ብሎ መጣላት አይታሰብም ይለናል ወንደሙ ኃይሉ…ይህ ሰፈር ለመላዋ ኢትዮጵያም የሚያስተምረው አንዳች ነገር አለው…ዝርዝሩን ያዳምጡ…

አስተያየት ይፃፉ (0 አስተያየት)

6ኛው አገር አቀፍ የጥራት ሽልማት ሥነ-ሥርዓት በመጪው አመት በብሔራዊ ቤተ መንግስት ይካሄዳል ተባለ

የኢትዮጵያ የጥራት ሽልማት ድርጅት ሥነ-ሥርዓቱን አስመልክቶ በጽህፈት ቤቱ መግለጫ ሰጥቷል፡፡በሥነ-ሥርዓቱ አምራቾች፣ አገልግሎት ሰጪዎችና በኮንስትራክሽን ዘርፍ የተሰማሩ ተቋማት የጥራት ደረጃቸው ተመዝኖ እውቅናና ሽልማት የሚያገኙበት መሆኑ ዋናው ስራ አስፈፃሚው አቶ ቴዎድሮስ መብራቱ ተናግረዋል፡፡ለ6ኛ ጊዜ በሚደረገው የጥራት ሽልማት 9 ተቋማት የአንደኛ ደረጃ ተሻላሚ ይሆናሉ የተባለ ሲሆን ልዩ የዋንጫ ተሸላሚ ተቋም እንደሚኖርም ተነግሯል፡፡በውድድሩ ተሳታፊ ከሆኑ 52 ተቋማት መካከል 40 የሚሆኑት እስከ ውድድሩ መጨረሻ መዝለቃቸውን ከአቶ ቴዎድሮስ ሰምተናል፡፡

ውድድሩ በተቋማት መካከል የሚደረግ ሳይሆን ተወዳዳሪዎች በአለም አቀፍ መስፈርቶች መሰረት የሚመዘኑበት ነው ተብሏል፡፡የጥራት ሽልማቱ ተቋማት ራሳቸውን የሚያስተዋውቁበት፣ አለም አቀፍ ተወዳዳሪ የሚሆኑበትና ያሉበትን ደረጃ የሚያውቁበት እንደሆነ አቶ ቴዎድሮስ ተናግረዋል፡፡ባለፉት 5 የጥራት ሽልማቶች 49 ተቋማት የአንደኛ ደረጃ የልህቀት ሽልማት ማግኘታቸው ተነግሯል፡፡

ማህሌታ ታደለ
አስተያየት ይፃፉ (0 አስተያየት)
Sheger 102.1 AudioNow Numbers