አሳማኝ ባልሆነ ምክንያት በምርቶችና አገልግሎቶች ላይ ዋጋ የጨመሩ ነጋዴዎችን ለመለየት ጥናት ተጀምሯል ተባለ
መረጃውን ከንግድ ውድድርና ሸማቾች ጥበቃ ባለስልጣን ሠምተናል፡፡በባለስልጣኑ እና በንግድ ሚኒስቴር ትብብር የሚካሄድ ጥናት ነውም ተብሏል፡፡የጥናቱን ውጤት መሰረት በማድረግ እርምጃ እንደሚወሰድ በባለስልጣኑ የኮሙኒኬሽን ጉዳዮች ዳይሬክተር አቶ አልቃድር ኢብራሂም ነግረውናል፡፡ሸቀጦችን በመደበቅ እና እጥረት እንዲፈጠር በማድረግ የዋጋ ጭማሪ እንዲከሰት ምክንያት የሚሆኑ ነጋዴዎች አሉ ያሉት አቶ አልቃድር እነዚህም ተለይተው ተገቢው እርምጃ እንደሚወሰድባቸው ነግረውናል፡፡ፍትሃዊ ያልሆነ የመሸጫ ዋጋ ወስነው የሚንቀሳቀሱ ነጋዴዎች እንዳሉም ዳይሬክተሩ ተናግረዋል፡፡
ነጋዴዎቹ ፍትሃዊ ያልሆነ የመሸጫ ዋጋ ወስነው እየሰሩ ያሉት ያለምንም ኢኮኖሚያ ምክንያት ነውም ብለዋል፡፡ጥናቱን እያካሄደ ያለው ግብረ ሃይል ስራውን ከጀመረ ሶስት ሣምንት አንዳለፈው ሠምተናል፡፡
በቀጣዩ ሣምንት ስራውን አጠናቆ ውጤቱን እንደሚያስረክብ አቶ አልቃድር ነግረውናል፡፡በጥናቱ ህግ መተላለፋቸው የሚረጋገጥ ነጋዴዎች በባለስልጣኑ አስተዳደራዊ ፍርድ ቤት ክስ ይመሰረትባቸዋል ብለዋል፡፡ህብረተሰቡም በግብይት ወቅት የሚያስተውላቸውን ተገቢ ያልሆኑ ድርጊቶች በነጻ የስልክ ቁጥር 8478 እና 8077 ጥቆማ መስጠት ይችላል ተብሏል፡፡
ንጋቱ ረጋሳ
ጠቅላይ ሚኒስትር ዶ/ር አብይ አህመድ በወልቂጤ ከሕዝቡ ጋር ባደረጉት ውይይት የመንግሥት ኃላፊዎች ለግጭቶቹ ሰበብ በመሆን እንዲሁም ግጭቶቹን ባለማስቆማቸው ሙሉ ኃላፊነት አለባቸው ብለዋል፡፡ የሲዳማ፣ የወላይታ፣ የጉራጌ እንዲሁም የቀቤና የዞን እና የወረዳ ከፍተኛ ሃላፊዎችም በአፋጣጭ ሥልጣናቸውን እንዲለቁ ጠይቀዋል፡፡
ጠቅላይ ሚኒስትር አብይ አህመድ፣ ከኢትዮጵያ የቀረበውን የሰላም ሐሳብ የኤርትራው ፕሬዝደንት ኢሳያስ አፈወርቂ መቀበላቸውን አስመልክተው ለፕሬዝደንት ኢሳያስ ምስጋናቸውን አቅርበው እንኳን ደስ ያለን ብለዋቸዋል፡፡ ከዚህም በተጨማሪ ጠቅላይ ሚኒስትር አብይ የኤርትራን ልዑካን በፍቅርና በሞቀ አቀባበል ለመቀበል ዝግጁነታቸውን ገልፀውላቸዋል፡፡
የኤርትራው ፕሬዝዳንት ኢሳያስ አፈወርቂ ከኢትዮጵያ መንግስት ጋር የሚነጋገር ልዑክ ወደ አዲስ አበባ እልካለሁ አሉ፡፡አቶ ኢሳያስ መንግስታቸውን ወክሎ የሚነጋገር ልዑክ እንደሚልኩ የተናገሩት ዛሬ የሰማዕታት በዓል አከባበር ላይ ባደረጉት ንግግር ነው፡፡
በዛሬው ዕለት በሐዋሳ ከተማ ተገኝተው በከተማዋ እና በአካባቢው በተፈጠሩት ግጭቶች ዙሪያ ከከተማዋ ነዋሪዎች ጋር ውይይት እያደረጉ ያሉት ጠቅላይ ሚኒስትር አብይ አህመድ ከቀትር በኋላ በወላይታ ሶዶ ከተማ፣ በነገው ዕለት ደግሞ በወልቂጤ ከተማ በመገኘት ከነዋሪዎች ጋር ውይይት ያደርጋሉ ተብሎ ይጠበቃል…
