• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የብረታ ብረት ኢንዱስትሪ ልማት ኢንስቲትዩት የሀገር ውስጥ ኢንዱስትሪዎች ከውጭ የሚገቡ ምርቶችን በሚፈለገው መጠን እየተኩ አይደለም አለ

የብረታ ብረት ኢንዱስትሪ ልማት ኢንስቲትዩት የሀገር ውስጥ ኢንዱስትሪዎች ከውጭ የሚገቡ ምርቶችን በሚፈለገው መጠን እየተኩ አይደለም አለ፡፡ኢንስቲትዩቱ የተቋቋመበት አብይ አላማ ከውጭ የሚገቡ የኢንዱስትሪ ምርቶችን በሀገር ውስጥ በመተካት የውጭ ምንዛሬን መቀነስ ቢሆንም ውጤታማ መሆን እንዳልቻለ ግን ተናግሯል፡፡

የሀገር ውስጥ አምራች ኢንዱስትሪዎች በጥራትና በዋጋ ተወዳዳሪ ሆነው ጨረታ ሲያሸንፉ የ15 በመቶ የዋጋ ተጠቃሚ እንዲሆኑ እድል ይሰጣቸዋል፡፡ይሁንና ከ35 በመቶ በላይ በምርቶቻቸው ላይ እሴት ጭማሪ እንዲያደርጉ ይጠበቅባቸዋል፤ በአውሮፓና አሜሪካ ካሉ ምርቶች ጋር የሚስተካከል መስፈርት እንዲያሟሉም ይጠየቃሉ ተብሏል፡፡

ይህም የሀገር ውስጥ የኢንዱስትሪ ምርቶች በሀገር ውስጥ ተሸጠው የውጭ ምንዛሪን እንዳያስቀሩ እንቅፋት እንደሆነባቸው የብረታ ብረት ኢንዱስትሪ ልማት ኢንስቲትዩት ዛሬ በህዝብ እንደራሴዎች ምክር ቤት የኢንዱስትሪ ጉዳዮች ቋሚ ኮሚቴ ጋር ሲመክር ሰምተናል፡፡በቢሊዮን የሚቆጠር ብር ግምት ያላቸው የሀገር ውስጥ የተለያዩ ምርቶች ገበያ አጥተው በዕቃ ግምዣ ቤት ውስጥ ተቀምጠዋል ያሉት የኢንስቲትዩቱ የእቅድና መረጃ ዳይሬክቶሬት ዳይሬክተሩ አቶ ጥላሁን አባይ ናቸው፡፡

በሌላ በኩል ግን በአሁኑ ወቅት በ44 ሚሊዮን ዶላር ግዢ ምርቶችን ከውጭ ለማስገባት ሂደት መጀመሩንም ተናግረዋል፡፡ከውጭ ሀገር የሚገቡ ምርቶችን በሀገር ውስጥ ኢንዱስትሪ ውጤቶች ለመተካት የሚደረገው ጥረት ሌላም ችግር እንዳለበት ከአቶ ጥላሁን ሰምተናል፡፡

ግዢ ፈፃሚ መሥሪያ ቤቶች ከብረት ውጭ ያሉ እንደ ተንቀሣቃሽ ስልክ፣ ተሽከርካሪ፣ የኤሌክትሮኒክስ ዕቃዎችና ሌሎችንም የኢንዱስትሪ ውጤቶች ከሀገር ውስጥ ለመረከብ እንብዛም ፈቃደኛ አይደሉም ፤ ይህም በሀገር ውስጥ የተመረቱ የኢንዱስትሪ ዕቃዎች ገበያ እንዲያጡ፣ የውጭ ምንዛሪንም ለመቀነስ እንዳይቻል አድርገዋል ብለዋል፡፡

ትዕግስት ዘሪሁን
አስተያየት ይፃፉ (0 አስተያየት)

ግንቦት 14፣2009 የሸገር ወሬዎቻችን

  • በሳውዲ አረቢያ የሚገኙ ኢትዮጵያዊያንን ወደ ሀገር ለመመለስ እንዲቻል በሪያድ የሚገኘው የኢትዮጵያ ኤምባሲ የሠራተኛ ቁጥሩን ጨምሮ እየሰራ ነው ተብሏል፡፡ (የኔነህ ሲሣይ)
  • ከስምንት ዓመት በፊት ቃል የነበረው የአረጋውያን ማዕከል እውን ሆነ፡፡ (አስፋው ስለሺ)
  • ስዊድን ለኢትዮጵያውያን እናቶች ጤንነት መጠበቂያ ከ7 ሚለዮን ዶላር በላይ እርዳታ ሰጠች፡፡ (ምህረት ስዩም)
  • ኢትዮጵያ ውስጥ ከንፋስ የኤሌክትሪክ ኃይል ማመንጫ ለመገንባት መዘጋጀቱን አንድ የቻይና ኩባንያ ተናገረ፡፡ (ምሥክር አወል)
  • የሀገር ውስጥ ኢንዱስትሪዎች ከውጪ የሚገቡ ምርቶችን በሚፈለገው መጠን እየተኩ አይደለም ተባለ፡፡ (ትዕግሥት ዘሪሁን)
  • አዲስ የነፃ የሕግ ድጋፍ ስትራቴጂ ተዘጋጀ፡፡ (የኔነህ ሲሣይ)
  • ለዘር የሚሆን ማዳበሪያ ለማሰራጨት የትራንስፖርት እጥረት እንዳጋጠመው የእርሽና ተፈጥሮ ሃብት ሚኒስቴር መናገሩ ተሰማ፡፡ (ወንድሙ ኃይሉ)
  • በአዲስ አበባ የሰሜኑን አካባቢ የውሃ ችግር ለማቃለል የሚያስችልፕሮጀክት ግንባታ ሊጀመር ነው፡፡ (አስፋው ስለሺ)
አስተያየት ይፃፉ (0 አስተያየት)

በአፍሪካ አህጉር ዘላቂ ልማት ላይ ሲመክር የቆየው የ2017 የአፍሪካ አህጉር ጉባዔ የተለያዩ ውሣኔዎችን ማሳለፉ ተሠማ

በአፍሪካ አህጉር ዘላቂ ልማት ላይ ሲመክር የቆየው የ2017 የአፍሪካ አህጉር ጉባዔ የተለያዩ ውሣኔዎችን ማሳለፉ ተሠማ፡፡የአፍሪካ የ2030ና የ2063 የልማት አጀንዳዎችን ማዕከል በማድረግ የ2017 የዘላቂ ልማት የአፍሪካ ጉባዔ ላይ አህጉሪቷ በአፍሪካ ባልተመጣጠነ የሀብት ስርጭት ዙሪያ መክሯል፡፡

የአፍሪካ አሀጉር ዘላቂ ልማትና ህዝቦቹን ሠራተኛ ለማድረግ ቢያንስ ቀጣይነት ያለው የ5 በመቶ ዕድገት በአህጉሪቱ መመዝገብ ያስፈልጋል ተብሏል፡፡የአፍሪካ መንግሥታት ረቂቅ የልማት ፖሊሲዎቻቸውን 70 በመቶ መሠረት አድርገው የሚቀርፁት ለግብርና የሚሆነው ወቅታዊ የዝናብ ሁኔታ መሠረት አድርገው በመሆኑ ይህ በተለያዩ መልኩ መቀየር አለበት መባሉንም ሰምተናል፡፡

የአፍሪካ ዘላቂ ልማትን በተመለከተ በተዘጋጀው የአዲስ አበባው የ2017 ጉባዔ ላይ የገንዘብ ምንጭ የሆኑ አበዳሪና ረጂ ተቋማትም ለአህጉሪቱ ዘላቂ ልማት ድጋፍ እንዲሰጡ መጠየቁን ነው፡፡በአፍሪካ የዘላቂ ልማት የ2017 ጉባዔ ላይ የመከሩት የየሀገራቱ ወኪሎችና የገንዘብ ተቋም መሪዎች በቅርቡ በህንድ አህመዳባድ ከተማ በሚዘጋጀው የአፍሪካ ልማት ባንክ ጉባዔ ላይ ለአህጉሩ ዘላቂ ልማት የሚሆኑ የገንዘብ ምንጮች ዙሪያ ለመነጋገር ቀጠሮ መቁረጣቸውንም ጉባዔው ተናግሯል፡፡

የአፍሪካ የዘላቂ ልማት ጉባዔ በ2030 ድህነትን ከአህጉሪቱ ለማጥፋት የተቀረፁትን 17 የዘላቂ ልማት ግቦችንና አሰራሮችን ተግባራዊ ለማድረግ የ50 ዓመታት የምጣኔ-ሐብታዊ ሽግግር በሚመለከትም ውሣኔዎችን ማሳለፉን ሰምተናል፡፡

የኔነህ ሲሣይ
አስተያየት ይፃፉ (0 አስተያየት)

ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ

ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ፡፡ሟቹ እድሜው 19 ዓመት የተገመተ ነው፡፡ አስክሬኑን ፖሊስ በማንሳት ላይ እንደሚገኝ የእሣትና ድንገተኛ አደጋዎች መከላከልና መቆጣጠር ባለሥልጣን የህዝብ ግንኙነት ባለሙያ አቶ ንጋቱ ማሞ ተናግረዋል፡፡

ከዝናቡ ጋር በተያያዘ መሰል አደጋዎች እየተደጋገሙ ስለሆነ ከኤሌክትሪክ አደጋ ተጠንቀቁ ተብላችኋል፡፡በአንድ ወር ጊዜ በኤሌክትሪክ አደጋ 5 ሰዎች ህይወታቸውን ማጣታቸውንም ሰምተናል፡፡

ወንድሙ ኃይሉ
አስተያየት ይፃፉ (0 አስተያየት)

ግንቦት 11፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በአዲስ አበባ የተሽከርካሪዎችን ወዲህ ወዲያ ለማቀላጠፍ ሲባል ሦስት አደባባዮች መፍረሳቸው አይቀርም ተባለ፡፡ (ወንድሙ ኃይሉ)
  • የአፍሪካ ዘላቂ ልማት ጉባዔ ውሣኔዎችን አሳለፈ፡፡ (የኔነህ ሲሣይ)
  • የጣሊያን ኤምባሲ ህገ-ወጥ ስደተኝነትን ለማስቆም የሚረዳ ፕሮጀክት ይፋ አደረገ፡፡ (ንጋቱ ሙሉ)
  • ኢትዮጵያ በ9 ወራት ውስጥ ከ600 ሺ በላይ ሰዎች ጐብኝተዋት ፤ ከ2 ነጥብ 5 ቢሊዮን ዶላር በላይ ገቢ አግኝታለች ተባለ፡፡ (ምሥክር አወል)
  • ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ፡፡ (ወንድሙ ኃይሉ)
አስተያየት ይፃፉ (0 አስተያየት)

በኦሮሚያ ልዩ ዞን ቡራዩ የሚገኘው ሀገሬ ዘይት ፋብሪካ ተቃጠለ

በኦሮሚያ ልዩ ዞን ቡራዩ የሚገኘው ሀገሬ ዘይት ፋብሪካ ተቃጠለ፡፡ከሌሊቱ 10 ሰዓት ከ25 ገደማ መንስዔው አልታወቀም በተባለ እሣት የተቃጠለው ዘይት ፋብሪካ 5 ሚሊዮን ብር የተገመተ ንብረት ወድሞበታል፡፡የእሣትና አደጋዎች መከላከልና መቆጣጠር ባለሥልጣን 35 የአደጋ ተከላካይ ሠራተኞች 5 ከባድ መኪኖችን በመጠቀም 53 ሺ ሊትር ውሃና 5 ሺ ሊትር ኬሚካል ፎም በእሣቱ ላይ አርከፍክፈዋል፡፡

ከሌሊቱ 10 ሰዓት ከ25 እስከ 11 ሰዓት ከ25 ገደማ ከነደደው እሣት 35 ሚሊዮን ብር የተገመተ ንብረት ማዳን መቻሉን ከባለሥልጣን መሥሪያ ቤቱ የህዝብ ግንኙነት ባለሙያ ከአቶ ንጋቱ ማሞ ሰምተናል፡፡ሀገሬ ዘይት ፋብሪካ የዛሬ አመትም እሣት አደጋ አጋጥሞት ብዙ ንብረት ያጣ ነው ተብሏል፡፡ በእሣት አደጋው በሰው ህይወትና አካል ላይ የደረሰ ጉዳት የለም ተብሏል፡፡

ወንድሙ ኃይሉ
አስተያየት ይፃፉ (0 አስተያየት)

በኢሊባቡር ዞን የሰብል ተምች መታየቱ ተሠማ

በኢሊባቡር ዞን የሰብል ተምች መታየቱ ተሠማ፡፡ ተምቹ ከፍተኛ ጉዳይ እንዳያደርስና ሰብልም እንዳያጠፋ የግብርና ቢሮ ሥራዎችን እየሰራ ነው ተብሏል፡፡በዞኑ 13 ወረዳዎች የተከሰተው የሰብል ተምች በመስኖ በለማ ሰብል ላይ ሰፊ ጉዳት እንዳያደርስ የመከላከል ሥራ እየተሰራ ነው መባሉን ከዞኑ ግብርና እና ተፈጥሮ ሃብት ልማት ጽ/ቤት ሰምተናል፡፡

ፉል አርሚ ዎርም የተባለው ተምች በዞኑ በመስኖ የለማውን ሰብል እየጐዳ መሆኑ ሲነገር አርሶ አደሩ በባህላዊ ዘዴና ፀረ-ተባይ መድሐኒት በመርጨት ለመቆጣጠር እየሞከረ መሆኑን ቢሮው ተናግሯል፡፡የሰብል ተምቹ በአካባቢው በምን ያህል ሄክታር መሬት ላይ አደጋ አደረሰ የሚለውን ያልተናገረው ቢሮ ተምቹ በታየባቸው ከ3 ሺ እስከ 4 ሺ ሄክታር መሬት ማሳዎች ላይ ከ5 ሺ ኪሎ ግራም በላይ ፀረ-ተባይ እርጭት ማድረጉን ተናግሯል፡፡

አደገኛ የሰብል ተምች የሚራባውና የሚንቀሣቀሰው በምሽት በመሆኑ ተምቹን ለማጥፋት አስቸጋሪ እንደሆነበት ቢሮው ተናግሯል፡፡የግብርና ቢሮው ተምቹን ለመከላከል ከ50 ሺ የሚበልጡ የአካባቢው አርሶ አደሮችን በማስተባበር በባህላዊና በዘመናዊ መንገድ ተምቹን ለማጥፋት ሥራዎችን እየሰራ መሆኑንም ከቢሮው ሰምተናል፡፡

የኔነህ ሲሣይ
አስተያየት ይፃፉ (0 አስተያየት)

ግንቦት 10፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በሀረር የማሽከርከሪያ ፈቃድ ማግኘት አልቻልንም፣ ማሰልጠኛዎችም ተዘግተዋል፣ የሚመለከተውን ክፍል ብንጠይቅም መልስ አላገኘንም ሲሉ ነዋሪዎች ጠየቁ፡፡ የሚመለከታቸው ኃላፊዎች ለእኛም ግራ ገብቶናል ብለዋል፡፡ (አስፋውስለሺ)
  • ታላቁ የህዳሴ ግድብ በግርጌ ሃገሮች ላይ የሚያደርሰውን ተፅዕኖ ቴክኒካዊ ጉዳዮች ጥናት ላይ ሦስቱ ሃገሮች ስምምነት ላይ አልደረሱም፡፡ ወደፊት በካርቱም በሚደረግ ስብሰባ በልዩነታቸው ላይ ሊመክሩ ተስማምተዋል ተባለ፡፡ (እሸቴአሰፋ)
  • በኦሮሚያ ኢሊ አባቦራ ዞን ተምች በሰብልና እፅዋት ላይ ጉዳት እንዳያደርስ ከፍተኛ የመከላከል ሥራ እየተከናወነ ነው ተባለ፡፡ (የኔነህሲሣይ)
  • በቡራዩ አንድ የዘይት ፋብሪካ የቃጠሎ አደጋ ደረሰበት፡፡ (ወንድሙኃይሉ)
  • ብሔራዊ ሙዚየም በአገሪቱ የተለያዩ ማዕዘናት ያሉ ቅርሦችን አሰባስቦ እዩልኝ ለማለት ውስንነቱ ያመዝናል ተባለ፡፡ (ምህረትስዩም)
  • የገቢዎችና ጉምሩክ ባለሥልጣን የአዲስ አበባ ቅርንጫፍ የቀን ገቢ ግምት ምዝገባዬን ከግማሽ በላይ አከናውኛለሁ አለ፡፡ (ምሥክር አወል)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ግንቦት 8፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የኢትዮጵያ ጤና ባለሙያዎች ማህበራት ዶክተር ቴዎድሮስ አድሃኖም የአለም ጤና ድርጅት የሥራ ኃላፊ ሆነው እንዲመረጡ እንደግፋለን ሲሉ ተናገሩ

ማኅበራቱ ዛሬ በሂልተን ሆቴል መግለጫ ሲሰጡ አንደሰማናቸው ድጋፋቸውን የገለፁት የኢትዮጵያ ሜዲካል አሶሴሽን፣ የኢትዮጵያ ማኅበረሰብ ጤና አሶሴሽን፣ የጥርስ ህክምና ባለሙያዎች ማኅበር፣ የአዋላጅ ነርሶች ማኅበርን ጨምሮ ሌሎች 6 የጤና ማኅበራት ዶክተሩ የአለም ጤና ድርጅትን እንዲመሩት ፍላጎታቸው መሆኑንና እንደሚደግፉት ለጋዜጠኞች ተናግረዋል፡፡

ማኅበራቱ ለዶክተር ቴዎድሮስ ድጋፋቸውን እንዲሰጡ ያደረጓቸው ምክንያቶች በሀገሪቱ በጤና ጥበቃ ሚኒስትርነት ባገለገሉበት ወቅት ያስመዘገቧቸው ስኬታቸው መሆናቸውን ጠቅሰዋል፡፡

  • የጤና አገልግሎትን ተደራሽ ማድረግ መቻላቸው በሚለው ሙገሳቸው ሥር ከ3 ሺ 500 በላይ መሠረታዊ የጤና መከታተያ ተቋማት በሀገሪቱ እንዲቋቋሙ ማገዛቸው፡፡
  • የጤና ባለሙያዎችን ሥልጠናና አቅም በማጠንከር ላይ በመስራት 16 ሺ 500 የነበረውን የጤና ባለሙያዎች ወደ 115 ሺ ከፍ አንዲል መስራታቸው፡፡
  • ታች ድረስ ወርደው የማህበረሰቡን ጤና የሚያግዙ ከ38 ሺ በላይ የጤና ኤክስቴንሽን ባለሙያዎችን ማስማራታቸው፤ ድጋፋችንን እንድንሰጥ አድርጐናል ሲሉ ሰምተናቸዋል፡፡

የህፃናትን ሞት በ2/3ተኛ እንዲቀንስ ማድረጋቸው፣ የወባ በሽታን ገዳይነት በ75 በመቶ እንዲቀንስ መስራታቸው፣ በኤች.አይ.ቪ መሞትን በ70 በመቶ በአመራር ዘመናቸው እንዲቀንስ በመስራታቸው ማኅበራቱ እንደ ስኬት አንስተውላቸዋል፡፡

የአፍሪካ ህብረት ሙሉ ድጋፍ ያገኙት ዶክተር ቴዎድሮስ ውድድሩን አሸንፈው የዓለም ጤና ድርጅትን ከመሩ በ70 ዓመት ታሪኩ የመጀመሪያው አፍሪካዊ ይሆናሉ መባሉን ሰምተናል፡፡

ምሥክርአወል

አስተያየት ይፃፉ (0 አስተያየት)

ግንቦት 9፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ቴክኖ ሞባይል በቅርቡ ያመረተውን ቅንጡ ስልክ ለኢትዮጵያ ገበያ አቀረበ፡፡ (ንጋቱሙሉ)
  • በኢትዮጵያ የተጀመሩ የመስኖ ልማቶች፣ የመጠጥና ውሃ አገልግሎቶች እንዲሁም የኢነርጂ ፕሮጀክቶች ከፍተኛ የበጀት እጥረት እየገጠማቸው እንደሆነ ተነገረ፡፡ (ህይወትፍሬስብሃት)
  • የኦሮሚያ ሥነ-ምግባርና ፀረ-ሙስና ኮሚሽን ምክር ቤቶች የመሠረተ ልማት ግንባታዎችንና ፕሮጀክቶችን በመቆጣጠሩ ዙሪያ ክፍተት እንዳለባቸው ተነግሯል፡፡ በቤት ካርታ ጉዳይም ህብረተሰቡ የሙሥና መረብ ውስጥ እንዳይገባ አሳስቧል፡፡ (ምሥክርአወል)
  • የኢትዮጵያ አትሌትክስ ፌዴሬሽን ለታላቁ የህዳሴ ግድብ 3 ነጥብ 2 ሚሊዮን ብር ድጋፍ አደረገ፡፡ (አስፋውስለሺ)
  • ሰሞኑን በአዲስ አበባ ኤግዚቢሽን ማዕከል በተከናወነው አለም አቀፍ የግብርና እና የምግብ ዐውደ ርዕይ ላይ የተገኙት ናይጄሪያ፣ ደቡብ አፍሪካና ቻይና የሽግግር ፋይናንስ ብድር ለኢትዮጵያ የመስጠት ኃሣብ እንዳላቸው ተሠማ፡፡ (ወንድሙኃይሉ)
  • በጉለሌ ክ/ከተማ ወረዳ 5 ልዩ ስሙ 8 ቁጥር ማዞሪያ በሚባል አካባቢ የኤሌክትሪክ መስመር ተበጥሶ ድንኳን ላይ በመውደቁ የሁለት ሰዎች ህይወት ማለፉ ተሠማ፡፡ (አስፋውስለሺ)
  • ዶክተር ቴዎድሮስ አድሃኖም የዓለም የጤና ድርጅት የሥራ ኃላፊ ሆነው እንዲመረጡ ድጋፍ እንደሚሰጡ ማኅበራት ተናገሩ፡፡ (ምሥክርአወል)
  • በአፍሪካ ዘላቂ የልማት አጀንዳ ላይ የሚመክረው ጉባዔ በአፍሪካ አዳራሽ መጀመሩ ተሰማ፡፡ (የኔነህሲሣይ)
  • በየካ ክፍለ ከተማ ላምበረት መናኸሪያ ጀርባ በደረሰ የእሣት አደጋ 18 ሱቆች ተቃጠሉ፡፡ (ንጋቱሙሉ)
  • የአዲስ አበባ ንግድና የዘርፍ ማህበራት ምክር ቤት ከዚህ በፊት ሲመራበት የነበረውን ዕቅድ በቅርቡ በአዲስ ሊተካ ነው ተባለ፡፡ (ምህረትስዩም)
አስተያየት ይፃፉ (0 አስተያየት)
Sheger 102.1 AudioNow Numbers