• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ አየር መንገድ የናይጄሪያ በረራውን እንደማያቋርጥ ተናገረ

የኢትዮጵያ አየር መንገድ የናይጄሪያ በረራውን እንደማያቋርጥ ተናገረ…

አየር መንገዱ ይህን ያለው እንደ ኢምሬትስ ያሉ የሌሎች አገሮች አየር መንገዶች ናይጄሪያ የገጠማትን የውጭ ምንዛሪ እጥረትና የአውሮፕላን ነዳጅ ዋጋ መናር ተከትሎ በዚያ የሚያደርጉትን በረራ እንደሚያቋርጡ ከተናገሩ በኋላ ነው፡፡

የኢትዮጵያ አየር መንገድ ናይጄሪያ የገጠማትን ወቅታዊ የፋይናንስ ቀውስ እረዳለሁ ቢሆንም አፍሪካዊያን በኩራት አየር መንገዳችን ሲሉ የሚጠሩት፣ የአህጉሪቱ ኩራት የሆነ አየር መንገድ ከሌሎች አየር መንገዶች በተለየ ያለበትን አፍሪካዊ ኃላፊነት ለመወጣት በረራውን እንደማያቋርጥ ለሸገር ተናግሯል፡፡

በረራውን ባለማቋረጥ ናይጄሪያ የገጠማትን የገንዘብ ችግር ለመፍታትም እንደሚያግዝ የኢትዮጵያ አየር መንገድ ተስፋ ማድረጉንም ሰምተናል፡፡

አየር መንገዱ የናይጄሪያ የውጭ ምንዛሪ ችግርን ለመፍታት መፍትሄ እያፈላለገ መሆኑንም ተናግሯል፡፡

የኢትዮጵያ አየር መንገድ በአሁኑ ሰዓት ወደ ናይጄሪያ ሌጐስ፣ አቡጃ፣ ኡኑጉ እና ካኖ አየር ማረፊያዎች ይበራል፡፡

ንጋቱ ሙሉ

አስተያየት ይፃፉ (0 አስተያየት)

ጠቅላይ ሚኒስትር ኃይለማርያም ደሣለኝ ዛሬ ረፋድ ላይ የደቡብ ሱዳኗ መዲና ጁባ መድረሳቸው ተሠማ

ጠቅላይ ሚኒስትር ኃይለማርያም ደሣለኝ ዛሬ ረፋድ ላይ የደቡብ ሱዳኗ መዲና ጁባ መድረሳቸው ተሠማ…

ከውጭ ጉዳይ ሚኒስቴር የወሬ ምንጮች እንዳረጋገጥነው ጠቅላይ ሚኒስትሩ ዛሬ ረፋድ 3 ከ30 ላይ በጁባ አለምአቀፍ አውሮፕላን ጣቢያ ሲደርሱም የደቡብ ሱዳኑ ተቀዳሚ ምክትል ፕሬዝዳንት ታባን ዲንግ የውጪ ጉዳይ ሚኒስትሩ ደንግ አሎር፣ የካቢኔ ሚኒስትሩን ጨምሮ ከፍተኛ የመንግሥት ኃላፊዎች አቀባበል አድርገውላቸዋል፡፡

ጠቅላይ ሚኒስትር ኃይለማርያም በአንድ ቀን ቆይታቸው በፕሬዝዳንት ሳልቫኪር እና ከምክትል ፕሬዝዳንቱ ጋር ይነጋገራሉ ተብሎም ይጠበቃል፡፡

ከዚህም በተጨማሪ በደቡብ ሱዳን ፓርላማ ተገኝተው ለጊዚያዊው ብሔራዊ ሸንጐው ንግግር እንደሚያደርጉም ሰምተናል፡፡

በመጨረሻም ከደቡብ ሱዳን መንግሥት ጋር በቤተ-መንግሥቱ ተገኝተው በተለያዩ ጉዳዮች ላይ ከደቡብ ሱዳን ጋር ለመሥራት የሚያስችላቸውን የመግባቢያ ሰነድ ይፈራረማሉም ተብሏል፡፡

ዮሐንስ የኋላወርቅ
አስተያየት ይፃፉ (0 አስተያየት)

ሁለት ኤርትራዊያን የአየር ኃይል አብራሪዎች ከነ ተዋጊ ጄታቸው ወደ ኢትዮጵያ መግባታቸው ተነገረ…

ሁለት ኤርትራዊያን የአየር ኃይል አብራሪዎች ከነ ተዋጊ ጄታቸው ወደ ኢትዮጵያ መግባታቸው ተነገረ…

ሁለቱ አብራሪዎች አነስተኛ መጠን ያላትን ተዋጊ ጄት ባለፈው ረቡዕ መቐሌ ማሳረፋቸውንና በኤርትራ አየር ኃይል ውስጥ ለረጅም ጊዜ ያገለገሉ አብራሪዎች መሆናቸውን አሶሼትድ ፕሬስ ዘግቧል፡፡

የወሬ ምንጩ የቀይ ባህር አፋሮች ዲሞክራሲያዊ ድርጅት ከሚባል የኤርትራ ተቃዋሚ ቡድን ቃል አቀባይ አቶ ነስረዲን አህመድ አሊ “ሰማሁ” ብሎ እንደዘገበው ወደ ኢትዮጵያ የገቡት ሁለቱ አብራሪዎች አፈወርቂ ፍስሃዬ እና መብራቱ ተስፋማርያም ይባላሉ፡፡

የኢትዮጵያ አየር ሃይል ተዋጊ አውሮፕላኖች፣ የሁለቱን ኤርትራዊያን አብራሪዎች ጄት አጅበው መቐሌ አሳርፈዋል ተብሏል፡፡

ከአለም አቀፉ ማህበረሰብ ራሷን ነጥላ ከቆየችው ኤርትራ ሁለቱ አብራሪዎች ወደ ኢትዮጵያ የኮበለሉበት አጋጣሚ ለብዙዎች መነጋገሪያ እንደሆነ መረጃው አስፍሯል፡፡

የኤርትራ መንግሥት የተለያዩ የሰብዓዊ መብት ጥሰቶችን ይፈፅማል የሚል ክስ በተባበሩት መንግሥታት ድርጅት ይቀርብበታል፡፡

የሰብዓዊ መብት ጥሰቱን በመሸሽ ከፍተኛ ቁጥር ያላቸው ኤርትራዊያን የሜድትራኒያን ባህርን አቋርጠው አውሮፓ ለመግባት እንደሚሞክሩ በየጊዜው መዘገቡ ይታወሳል፡፡

ንጋቱ ረጋሳ

አስተያየት ይፃፉ (0 አስተያየት)

ጥቅምት 18፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የዓለም ባንክ በአዲስ አበባ የሥራ አጦችን ብዛት ለመቀነስ የሚደረገውን ጥረት አግዛለሁ አለ፡፡ (ምህረት ስዩም)
  • የኢትዮጵያ የኢንጂነሪንግ ትምህርት ካለበት ችግር እንዲወጣ መላ የሚቀርብበት ጉባዔ እየተካሄደ ነው፡፡ (ህይወት ፍሬስብሃት)
  • አንበሳ ኢንተርናሽናል ባንክ ባለፈው በጀት ዓመት ከታክስ በፊት ወደ 350 ሚሊዮን ብር ገደማ አተረፍኩ አለ፡፡ (ንጋቱ ረጋሣ)
  • በአዲስ አበባ ከተማ አስተዳደር የአሽከርካሪና ተሽከርካሪ ፈቃድና ቁጥጥር ባለሥልጣን አሰራሬን ለማዘመን ደፋ ቀና እያልኩ ነው አለ፡፡ (ትዕግስት ዘሪሁን)
  • የኢትዮጵያ የዱቄት፣ ብስኩት፣ ፓስታና ማካሮኒ አምራቾች ከውጪ ሀገር ኩባንያዎች ጋር በጋራ መሥራት የሚችሉበት ዘዴ ላይ መነጋገራቸው ተሠማ፡፡ (ዮሐንስ የኋላወርቅ)
  • የባሕር ዳር ጨርቃ ጨርቅ ፋብሪካዎች ገዢዎች እየመጡላቸው ነው ተባለ፡፡ (ወንድሙ ኃይሉ)
  • የትራፊክ አደጋ የሚበዛባቸው ተብለው በጥናት የተለዩ የኦሮሚያ አካባቢዎች የአደጋዎቹን ትክክለኛ መንስኤ ለማወቅ አሁንም ዳግም እየተጠኑ ነው ተባለ፡፡ (ትዕግስት ዘሪሁን)
  • በሞያሌ ኬላ ከ1 ነጥብ 2 ሚሊዮን ብር በላይ የዋጋ ግምት ያላቸው የኮንትሮባንድ ዕቃዎች ተያዙ፡፡ (ወንድሙ ኃይሉ)
  • የአስቸኳይ ጊዜ አዋጁ መርማሪ ቦርድ አባሎች ተግባራቸውን በአግባቡ መወጣት የሚያስችላቸውን ሥልጠና እየወሰዱ ነው ተባለ፡፡ (ትዕግሥት ዘሪሁን)
  • ሁለት ኤርትራዊያን የአየር ኃይል አብራሪዎች ከድተው ከነ ተዋጊ ጄቶቻቸው ወደ ኢትዮጵያ መግባታቸው ተሠማ፡፡ (ንጋቱ ረጋሣ)
  • የኢትዮጵያና የሱዳን የጋራ የሚኒስትሮች ስብሰባ ተካሄደ፡፡ (የኔነህ ሲሣይ)
  • የኢትዮጵያ አየር መንገድ ወደ ናይጄሪያ የማደርገውን በረራ አላቋርጥም አለ፡፡ (ንጋቱ ሙሉ)
አስተያየት ይፃፉ (0 አስተያየት)

ዳሽን ባንክ በ2008 በጀት ዓመት ሰባት መቶ ሃያ ሰባት ሚሊየን ብር የተጣራ ትርፍ አገኘሁ አለ

ዳሽን ባንክ በ2008 በጀት ዓመት ሰባት መቶ ሃያ ሰባት ሚሊየን ብር የተጣራ ትርፍ አገኘሁ አለ…ይህ የባንኩ የተጣራ ትርፍ ከአምናው ተመሳሳይ ወቅት ጋር ሲመሣከር የ1 በመቶ ቅናሽ ወይንም በ12 ሚሊየን ብር ዝቅ ማለቱን ዛሬ በጠቅላላ ጉባዔው ላይ ሲነገር ሰምተናል፡፡

ለትርፉ መቀነስም ከዓለም አቀፍ የባንክ እንቅስቃሴ የሚገኘው ገቢ በከፍተኛ ሁኔታ መቀነስ በአብይ ምክንያትነት ተነስቷል፡፡ዳሽን ባንክ በበጀት አመቱ 224 ሚሊየን ብር ለመንግሥት ገቢ ማድረጉ የተነገረ ሲሆን ከተመሠረተበት ጊዜ ጀምሮ ለመንግሥት 1 ነጥብ 9 ቢሊየን ብር ማስገባቱን በ20ኛው ድንገተኛ ጠቅላላ ጉባዔ ላይ ተናግሯል፡፡

የዳሽን ባንክ አጠቃላይ ንብረት 28 ቢሊየን ብር በላይ ደርሷል፤ የተከፈለ ካፒታሉ ደግሞ 1 ነጥብ 5 ቢሊየን ብር ነው መባሉንም ሰምተናል፡፡የአለም ኢኮኖሚ እንብዛም እምርታ አለማሳየት፣ የኢትዮጵያ ወጪ ንግድ መቀዛቀዝና የቢሮ ኪራይ ዋጋ መጨመር በ2008 በጀት ዓመት ለባንኩ አንደ ፈተና ያጋጠሙት ችግሮች መሆናቸው ተነግሯል፡፡

ንጋቱ ሙሉ

አስተያየት ይፃፉ (0 አስተያየት)

ከሴቶች መብትና ጥቅም ጋር በተገናኘ በፌዴራል ጠቅላይ ፍርድ ቤት ሰበር ሰሚ ችሎት አስገዳጅ የህግ ትርጉም የተሰጠባቸው የተመረጡ ውሣኔዎች ሰነድ ዛሬ ይፋ ተደረገ

ከሴቶች መብትና ጥቅም ጋር በተገናኘ በፌዴራል ጠቅላይ ፍርድ ቤት ሰበር ሰሚ ችሎት አስገዳጅ የህግ ትርጉም የተሰጠባቸው የተመረጡ ውሣኔዎች ሰነድ ዛሬ ይፋ ተደረገ…

የጠቅላይ ፍርድ ቤት ዳኛ አቶ መላኩ ዳኜ  በሥነ-ሥርዓቱ ላይ እንዳሉት ሰነዱ ሴቶች በቀላሉ ፍትህ እንዲያገኙ ይረዳል፤ ሴቶችን ለተመለከቱ ተመሳሳይ ወንጀልና ክርክሮችም ተመሳሳይ የህግ ትርጉም እንዲሰጥባቸው ያግዛል ብለዋል፡፡

የጠቅላይ ፍርድ ቤት ሰበር ሰሚ ችሎት ውሣኔ የሰጠባቸውንና አስገዳጅ የህግ ትርጉም ከሰጠባቸው 18 ጉዳዮች የሴቶችን መብትና ጥቅም የተመለከቱት ብቻ ተመርጠው ተሰንደው በመፅሐፍ መልክ መዘጋጀታቸው ተነግሯል፡፡

በዳኝነት ሙያ ላይ ያሉትን ከመርዳት በተጨማሪ ሴቶችም መብትና ግዴታቸውን በቀላሉ የሚረዱበት ሰነድ ይሆናል ተብሏል፡፡

የሴቶችን መብትና ጥቅም የተመለከቱ ተመሣሣይ ወንጀሎች ተመሣሣይ የህግ ትርጉም እንዲሰጥባቸው ያግዛል የተባለው ሰነድ በሴቶች መብት ላይ ለሚሰሩ መንግሥታዊና መንግሥታዊ ላልሆኑ ድርጅቶች፣ ለአቃቢያነ ህግ፣ ለጠበቆች፣ ለህግ ትምህርት ቤቶች እና ለሌሎችም ይሰራጫል መባሉን ሰምተናል፡፡

ትዕግስት ዘሪሁን

አስተያየት ይፃፉ (0 አስተያየት)

በኢትዮጵያ የደን ሽፋኑን ለመጨመር ጥረት እየተደረገ መሆኑን የአካባቢና የደን ሚኒስትሩ ተናገሩ

በየአመቱ በሚደረግ የተፈጥሮ ሀብት ሥራና የተራቆቱ መሬቶች እንዲያገግሙ የማድረጉ ሥራ በሰፊው ስለተሰራ የሀገራችን ርጥበት አጠር አካባቢዎች በዕፅዋት እየተሸፈኑ ነው፤ በጐርፍ የሚጠቁ ቦታዎችም እየቀነሱ ነው፤ የሀገራችን የደን ሽፋንም 15 ነጥብ 5 በመቶ ደርሷል በ2012 ሃያ በመቶ እንዲሆንና በ2017 ደግሞ ሰላሣ በመቶ ለማድረስ እየተሰራ ነው ተባለ፡፡

ይህን ያሉት የአካባቢ ደንና አየር ንብረት ለውጥ ሚኒስቴር ዴኤታው አቶ ከበደ ይማም ናቸው፡፡

ሚኒስትር ዴኤታው እንደተናገሩት ለዚህም 5 ሚሊየን ሄክታር መሬትን በደን ለማልበስ እቅድ ተይዟል፡፡

የመሬት መሸርሸርና መራቆትን ለመከላከልም 5 ሚሊዮን ሄክታር መሬት እንዲያገግም ለማድረግ እየጣርን ነው ብለዋል፡፡

ይህን ለማሳካትም የ10 ዓመት የደን ልማት ፕሮግራም መቀረፁን ተናግረዋል፡፡

ባለፈው ዓመት ከ4 ቢሊየን በላይ ችግኞችን ለመትከል ታቅዶ እንደነበር የተናገሩት አቶ ከበደ 80 በመቶ ችግኞች መተከላቸውን አስታውሰዋል፡፡ የመፅደቅና ያለመፅደቅ ነገር የሚታወቀው የበጋው ወራት ሲያልፍ እንደሆነ አስረድተዋል፡፡

ሆኖም በግል ይዞታዎች የሚተከሉ ዕፅዋቶችን የመንከባከብ ልማዳችን ጥሩ ቢሆንም የጋራ መሬት ላይ የሚተከሉ ዕፅዋቶችን ግን ስንንከባከብ አንስተዋልም ብለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በሥራ መግቢያ እና መውጫ ሰዓት ከመሀል ከተማ ራቅ ወዳሉ የጋራ የመኖሪያ ቤቶች እና መንደሮች አካባቢ የሸገር አውቶብስ አገልግሎት ጀምሯል ተባለ

በተለይ በሥራ መግቢያ አና መውጫ ሰዓት ላይ  የትራንስፖርት መጨናነቅ ይስተዋልባቸዋል፤ አንዳንዶቹ ላይም ጭራሽኑ የመጓጓዣ አገልግሎት የላቸውም በተባሉ 13 መስመሮች ላይ ሸገር አውቶብስ ሥራ ጀምሯል ሲል የተናገረው የሸገር ብዙሀን ትራንስፖርት አገልግሎት ድርጅት ነው፡፡

እንደልብ ትራንስፖርት አይገኝባቸውም ከተባሉ 13 መስመሮች መካከል ከመገናኛ፣ ከቦሌ እና ከጐሮ አደባባይ ወደ ቱሊዲምቱ እንደሆነ የድርጅቱ የፕሮሞሽን እና ኮሙኒኬሽን ኬዝ ቲም አስተባባሪ አቶ አለባቸው እስከዚያው ለሸገር ተናግረዋል፡፡

ሸገር የከተማ አውቶብስ በአዲስ አበባ የትራንስፖርት እጥረት የሚስተዋልባቸውን አካባቢዎች እየለየ አገልግሎት እየሰጠ ነው ተብሏል፡፡

ከ12 ሰዓት እስከ ምሽት 3 ሰዓት በቋሚነት በ11 መስመሮች ላይ 56 አውቶብሶች እየሰሩ ነው ያሉት አቶ አለባቸው በሥራ መግቢያ እና መውጫ ሰዓት ላይ በ13 መስመሮች 18 አውቶብሶች የትራንስፖርት አገልግሎት እየሰጡ ነው ብለዋል፡፡

መሰረት በዙ

አስተያየት ይፃፉ (0 አስተያየት)

ጥቅምት 17፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የዘውዲቱ ሆስፒታል የኩላሊት እጥበት ህክምና ከፊታችን ሣምንት ጀምሮ ለመስጠት መዘጋጀቱን ተናገረ፡፡ (ንጋቱ ሙሉ)
  • የአዲስ አበባ ነዋሪ ለአካባቢ ልማት ማገዣ ብሎ ከዕለት ጉርሱ ከፍሎ በ5 ዓመት ውስጥ 2 ቢሊዮን ብር ገደማ ማዋጣቱ ተነገረ፡፡ (ህይወት ፍሬስብሃት)
  • የአሽከርካሪ ብቃት ማረጋገጫ ረቂቅ አዋጁ በሦስት ነገሮች ላይ ትኩረት አድርጐ እንደተሻሻለ የፌዴራል ትራንስፖርት ባለሥልጣን ተናገረ፡፡ (ፍቅርተ መንገሻ)
  • መንግሥት ለእርሻ ኢንቨስትመንት መሬት እና ብድር ወስደው ያልሰሩትን ላስመልሳቸው ነው አለ፡፡ (ዮሐንስ የኋላወርቅ)
  • የሰብዓዊ መብት ኮሚሽን ከአስቸኳይ ጊዜ አዋጁ ጋር ተያያዥነት ያላቸው አቤቱታዎች ደርሰውኝ እያጣራኋቸው ነው አለ፡፡ (ተኀቦ ንጉሴ)
  • በኢትዮጵያ የደን ሽፋኑን ለመጨመር ጥረት እየተደረገ መሆኑን የአካባቢና የደን ሚኒስትሩ ተናገሩ፡፡ (ምሥክር አወል)
  • ሸገር የከተማ አውቶብስ አገልግሎት በአዲስ አበባ የሕዝብ መጓጓዣ ዕጥረት ወደሚታይባቸው አካባቢዎች አዳዲስ መሥመሮችን እየከፈትኩ ነው አለ፡፡ (መሠረት በዙ)
  • ዳሽን ባንክ ባለፈው የበጀት ዓመት 727 ሚሊዮን ብር በላይ አተረፍኩ አለ፡፡ (ንጋቱ ሙሉ)
  • ከሴቶች መብትና ጥቅም ጋር በተገናኘ በፌዴራል ጠቅላይ ፍርድ ቤት ሰበር ሰሚ ችሎት አስገዳጅ የህግ ትርጉም የተሰጠባቸው የተመረጡ ውሣኔዎች ሰነድ ዛሬ ይፋ ተደረገ፡፡ (ትዕግስት ዘሪሁን)
አስተያየት ይፃፉ (0 አስተያየት)

በሀገሪቱ ተከስቶ የነበረው የሰላም መደፍረስ ክፉኛ ከጐዳቸው ዘርፎች መካከል ቱሪዝም ዋነኛው መሆኑ ተነገረ

በሀገሪቱ ተከስቶ የነበረው የሰላም መደፍረስ ክፉኛ ከጐዳቸው ዘርፎች መካከል ቱሪዝም ዋነኛው መሆኑ ተነገረ፡፡ ዘርፉ ፈጥሯቸው ከነበሩ የሥራ እድሎች እስከ አገልግሎት ሰጪዎች ላይ ጥቃትን አስተናግዷል፡፡ ለአብነትም ስምጥ ሸለቆ አካባቢ ሎጆች ላይ የደረሰ ጥቃት ተጠቅሷል፡፡

የቱሪስቶች ፍልሰትንም አስተጓጉሏል፣ በተለይ በጐንደር አካባቢ ክፉኛ ተስተጓጉሎ እንደነበር የባህልና ቱሪዝም ሚኒስትሯ ኢንጂነር አይሻ መሀመድ ተናግረዋል፡፡መንግሥት ዘርፉ ወደነበረበት እንዲመለስና እንዲያገግም መዘጋጀቱንም ግልፅ አድርገዋል፡፡ ሚኒስትሯ አስጐብኚዎች የሚገጥማቸውን ችግሮችና ፈተናዎች ጠቁሙን፣ ምን ብናደርግስ መሰል ችግሮችን ማለፍ እንችላለን ሲሉ ተወያዬችን ጋብዘዋል፡፡

ተወያዬቹም ዘርፉ ሰላም በሌለበት እንቅስቃሴው የተገታ ነው፤ ለዚህም የአስቸኳይ ጊዜ አዋጁን እንደሚደግፉትና አንፃራዊ ለውጥ ለዘርፉ እንዳመጣላቸው ተናግረዋል፡፡ሆኖም ግን አሁንም ወደነበረበት ለመመለስ ብዙ መሰራት እንደሚጠበቅ ጠቁመዋል፡፡

የአስጐብኚ ድርጅቶች ተወካዬች ተደጋጋሚ የጉዞ ስረዛ እንደሚገጥማቸው ለሚኒስትሯ ነግረዋቸዋል፡፡

ለዚህም የዲፕሎማቶች ከ40 ኪሎ ሜትር በላይ ስትጓዙ አሳውቁን የሚለውን የአስቸኳይ ጊዜ አዋጅ ክፍል ኤምባሲዎች በአሉታዊ ጐን ተመልክተውት ወደ ሀገር ቤት ለጉብኝት ለሚመጡ ቱሪስቶች አሉታዊ መልዕክት ስለሚያስተላልፉ ነው ተብሏል፡፡

ቱሪስቶችን ዲፕሎማቶች ናችሁ አይደላችሁም የሚሉ ፍተሻዎችና መጉላላቶች በዝተውብናል ሲሉም እንደ ችግር አንስተዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በሚኒስትርነትና በአምባሳደርነት ለአገራቸው አገልግሎት ያበረከቱት እና የኢትዮጵያ ወንጌላዊት ቤተ ክርስቲያን መካነ እየሱስ ፕሬዝደንት የነበሩት አቶ አማኑኤል አብርሃም አረፉ፡

ከወንጌላዊት ቤተ ክርስቲያን የክብር ዶክትሬት ያገኙት አቶ አማኑኤል ያረፉት በ103 አመታቸው ነው፡፡በወለጋ ቦጂ ወረዳ የተወለዱት አቶ አማኑኤል በስዊድን ወንጌላዊት ሚስዮን ትምህርት ቤት እና በተፈሪ መኮንን ትምህርት ቤት ዘመናዊ ትምህርትን ተከታትለዋል፡፡ በሐረርጌ አሰበተፈሪ ለመጀመሪያ ጊዜ ለተሰራው ትምህርት ቤት በሥራ መሪነት የሥራ አገልግሎታቸውን የጀመሩት አቶ አማኑኤል ወደ እንግሊዝ አገር የኤምባሲ ፀሐፊነት ተዘዋውረው አገልግለዋል፡፡

ከኢጣሊያ ወረራ በፊት ጀምሮ በፀሐፊነትና በእንግሊዝ፣ ህንድ፣ በኢጣሊያ ለ21 አመታት በሙሉ ሥልጣን አምባሳደርነት አገልግለዋል፡፡ከዚያም በኋላ ለ14 አመታት በመገናኛ፣ በማዕድን እና በልዩ ካበኔ ሚኒስትር ሆነው ሰርተዋል፡፡ከመንግሥት የሥራ ኃላፊነታቸው ጋርም የኢትዮጵያ ወንጌላዊት ቤተክርስቲያን የመካነ እየሱስ ፕሬዝዳንት ሆነው ለተከታታይ 22 አመታት በመንፈሳዊ መሪነታቸው ቆይተዋል፡፡

በመንፈሳዊ መሪነታቸው በቆዩባቸው አመታትም በሀገር ውስጥና በአለም አቀፍ መድረክ ቤተ ክርስቲያኗ ህጋዊ እውቅና እንድታገኝ ከፍተኛ ጥረት ያደረጉ መሆናቸው ይነገርላቸዋል፡፡አቶ አማኑኤል አብርሃም ያረፉት ጥቅምት 12 ሲሆን የቀብራቸው ሥነ-ስርዓት ነገ በጴጥሮስ ወጳውሎስ መካነ መቃብር ከቀኑ 8 ሰዓት እንደሚፈፀም ለመረዳት ችለናል፡፡

ፍቅርተ መንገሻ

አስተያየት ይፃፉ (1 Comment)
Sheger 102.1 AudioNow Numbers