• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካቲት 6፣ 2012/ የጥላቻ ንግግርና የሐሰተኛ መረጃን ስርጭት ለመቆጣጠር የፀደቀው አዋጅ አስመልክቶ ቀድሞ የማስተማር ስራ ሊከወን ነው

የጥላቻ ንግግርና የሐሰተኛ መረጃን ስርጭት ለመቆጣጠር የፀደቀው አዋጅ ከግለሰብ እስከ ሀገር መሪ፣ ከመገናኛ ብዙሃን እስከ ፖለቲካ ፓርቲ ያሉትን ተጠያቂ የሚያደርግ ስለሆነ ጥንቃቄ እንዲያደርጉ ቀድሞ የማስተማር ስራ ለመከወን መዘጋጀቱን የፌደራል ጠቅላይ ዐቃቤ ሕግ ተናገረ፡፡
ትዕግስት ዘሪሁን
አስተያየት ይፃፉ (0 አስተያየት)

የካቲት 6፣ 2012/ የኢትዮጵያ ብሔራዊ ምርጫ ቦርድ እስከዛሬ ሲጠቀምበት የቆየውን አርማውን መቀየሩን ይፋ አደረገ

የኢትዮጵያ ብሔራዊ ምርጫ ቦርድ እስከዛሬ ሲጠቀምበት የቆየውን አርማውን መቀየሩን ይፋ አደረገ፡፡ ቦርዱ አዲሱን አርማ ይፋ ያደረገው፣ ዛሬ ከባለድርሻ አካላት ጋር ምክክር ለማድረግ በጠራው ጉባኤ ላይ ነው፡፡ የኔነህ ሲሳይ የስልክ ሪፖርት አለው፡፡
አስተያየት ይፃፉ (0 አስተያየት)

የካቲት 6፣ 2012/ በታላቁ የኢትዮጵያ ህዳሴ ግድብ ዙሪያ በዋሽንግተን አሜሪካ የተካሄደው የሶስትዮሽ ድርድር ያለ ስምምነት መጠናቀቁ ተሰማ

በታላቁ የኢትዮጵያ ህዳሴ ግድብ ዙሪያ በዋሽንግተን አሜሪካ የተካሄደው የሶስትዮሽ ድርድር ያለ ስምምነት መጠናቀቁ ተሰማ፡፡
ተስፋዬ አለነ
አስተያየት ይፃፉ (0 አስተያየት)

የካቲት 6፣ 2012/ በቅድመ ምረቃ እና በድህረ ምረቃ የትምህርት መርሐ ግብሮች ተማሪዎችን ተቀብለው እንዲያስተምሩ ፈቃድ ያገኙ የግል ከፍተኛ የትምህርት ተቋማት ብዛት 245 ደርሷል ተባለ

የከፍተኛ ትምህርት አግባብነት እና ጥራት ኤጀንሲ የ2012 በጀት ዓመት የመጀመሪያ ግማሽ ዓመት የስራ አፈፃፀሙን አስመልክቶ በላከልን ሪፖርት እንደጠቀሰው 245 ነባር እና አዳዲስ ተቋማት በግል የከፍተኛ ትምህርት እየሰጡ ይገኛሉ ብሏል፡፡በግማሽ ዓመቱ 629 ካምፓሶች የእውቅና ፈቃድ እና የእድሳት ጥያቄ አቅርበው 365ቱ ብቻ ፈቃድ አግኝተዋል ተብሏል፡፡264 ካምፖሶች በተደረገላቸው ግምገማ ከደረጃ በታች በመሆናቸው የእውቅና ፈቃድ እና እድሳቱን ተከልክለዋል ብሏል ኤጀንሲው፡፡

የእውቅና ፈቃድ እና እድሳት ከተጠየቀባቸው 1 ሺ 328 የትምህርት መስኮች ውስጥም 763ቱ ብቻ ፈቃድ ማግኘታቸውን ሰምተናል፡፡የከፍተኛ ትምህርት አግባብነት እና ጥራት ኤጀንሲ የእውቅና ፈቃድ እና የእድሳት አሰራርን በቴክኖሎጂ ለማዘመን የሶፍትዌር ማልማት ስራ እየሰራሁ ነው ብሏል፡፡ከፍተኛ የትምህርት ተቋማት ህግን አክብረው እንዲሰሩ ለማድረግም፣ ህግን ተላልፈው በተገኙ ላይ ክስ እስከመመስረት የደረሱ እርምጃዎችን መውሰዱን ተናግሯል፡፡

በጅማ ዩኒቨርስቲ እና አብሮት ሲሰራ በነበረው የግል ተቋም ላይ በፌደራል ፖሊስ የወንጀል ክስ መመስረቱንም በማሳያነት ጠቅሷል፡፡ከግል ተቋማት ጋር በሽርክና ሲሰሩ የተገኙ የመንግስት ዩኒቨርስቲዎችም ማስጠንቀቂያ ተሰጥቷቸዋል ተብሏል፡፡ባህርዳር፣ ደብረማርቆስ፣ ጅማ እና ሀረማያ ዩኒቨርስቲዎች ማስጠንቀቂያ ከደረሳቸው መካከል ተጠቅሰዋል፡፡

በጋምቤላ ክልል የሚገኙ 5 ከፍተኛ የትምህርት ተቋማትም ከእውቅና ፈቃድ ውጭ ሲያስተምሩ በመገኘታቸው የሚሰጡትን ስልጠና እንዲያቋርጡና በወንጀል እንዲጠየቁ እየሰራ ነው ተብሏል፡፡የከፍተኛ ትምህርት አግባብነት እና ጥራት ኤጀንሲ ተቋማት ህግን ተከትለው መስራታቸውን ለማረጋገጥ ድንገተኛ ጉብኝት እያደረገ መሆኑ ተነግሯል፡፡

ማህሌት ታደለ
አስተያየት ይፃፉ (0 አስተያየት)

የካቲት 6፣ 2012/ የኦሮሞ ነፃነት ግንባር (ኦነግ) አባሎቼና ደጋፊዎቼ በጅምላ እየታሰሩብኝ ነው አለ

እስሩ እየተፈፀመ ያለው በኦሮሚያ ፖሊስ እንደሆነም ግንባሩ ዛሬ በፅህፈት ቤቱ በሰጠው ጋዜጣዊ መግለጫ ላይ እወቁልኝ ብሏል፡፡እስከ ዛሬዋ ዕለት ድረስም በኦሮሚያ ክልል 7 ዞኖች እና 26 ከተሞች 350 አባሎቹ፣ ደጋፊዎቹና ሌሎች ወጣቶች መታሰራቸውን በመግለጫው አክሏል፡፡ከእነዚህ ውስጥ የ174ቱ ስም ደርሶኛል ሲልም ዘርዝሯቸዋል፡፡

የምዕራብና ደቡብ ኦሮሚያ አካባቢዎች ህጋዊ መሰረት በሌለው እና ቀነገደብ ባልተቀመጠለት ኮማንድ ፖስት እየተዳደሩ ይገኛሉም ብሏል፡፡የአካባቢዎቹ በኮማንድ ፖስት መተዳደር ነዋሪዎቹን ለግድያ፣ ዝርፊያ፣ አስገድዶ መድፈርና ሌሎች ወንጀሎች አጋልጧቸዋል ሲልም አክሏል፡፡

በምዕራብና ቄለም ወለጋ አካባቢዎች የስልክና የኢንተርኔት አገልግሎቶች ከተቋረጡ ከ1 ወር ተኩል በላይ እንደሆነ የግንባሩ ባለስልጣናት በመግለጫው ላይ ተናግረዋል፡፡በአገሪቱ አጠቃላይ ምርጫ ለማድረግ ዝግጅት እየተካሄደ ባለበት በአሁኑ ወቅት የነገሮች መክፋት አሳስቦኛል ሲልም ኦነግ በመግለጫው ጠቅሷል፡፡መንግስት ለችግሩ አስቸኳይ መፍትሄ እንዲሰጥ፣ የኢትዮጵያ ሰብዓዊ መብት ኮሚሽን ደግሞ በኦሮሚያ የተለያዩ አካባቢዎች እየተፈፀሙ ያሉ የመብት ጥሰቶችን አጣርቶ መረጃውን ለሕዝብ ይፋ እንዲያደርግ ጠይቋል፡፡

ንጋቱ ረጋሳ
አስተያየት ይፃፉ (0 አስተያየት)

የካቲት 6፣ 2012/ የበርካቶችን ህይወት እየቀጠፈ ያለውን የትራፊክ አደጋ ለመቀነስ በአሽከርካሪዎች ባህሪ ላይ ያተኮሩ ስራዎችን መስራት ያስፈልጋል ተባለ

የበርካቶችን ህይወት እየቀጠፈ ያለውን የትራፊክ አደጋ ለመቀነስ በአሽከርካሪዎች ባህሪ ላይ ያተኮሩ ስራዎችን መስራት ያስፈልጋል ተባለ፡፡ የመንገድና ትራንስፖርት ባለስልጣንም ለከባድ መኪና አሽከርካሪዎች የሚሆኑ ተከታታይ ስልጠናዎችን እየሰጠ መሆኑን ተሰምቷል፡፡

ማህሌት ታደለ

አስተያየት ይፃፉ (0 አስተያየት)

የካቲት 6፣ 2012/ ዓለም አቀፍ የጨርቃ ጨርቅ ማሽኖች አውደ ርዕይ ዛሬ በሚኒሊየም አዳራሽ ይከፈታል ተባለ

ዓለም አቀፍ የጨርቃ ጨርቅ ማሽኖች አውደ ርዕይ ዛሬ በሚኒሊየም አዳራሽ ይከፈታል ተባለ፡፡አውደ ርዕዩ “ቴክኖሎጂ ለብልፅግና” በሚል መሪ ሃሳብ ለሶስት ተከታታይ ቀናት ይካሄዳል ተብሏል፡፡በዝግጅቱ የሚሳተፉ ኩባንያዎች የተለያዩ የጨርቃ ጨርቅ ማሽነሪዎችን እና አዳዲስ የስፌት ቴክኖሎጂዎችን እንደሚያቀርቡ ይጠበቃል፡፡

በአውደ ርዕዩ ይሳተፋሉ ከተባሉ 172 ኩባንያዎች ውስጥ 87ቱ ከሕንድ፣ 15ቱ ከተለያዩ የአፍሪካ ሀገራት ሲሆኑ የጣሊያን፣ የቱርክ፣ የስዊዘርላንድ እና የቻይና ኩባንያዎችም ተሳታፊ ይሆናሉ ተብሏል፡፡የኢትዮጵያ ንግድና ዘርፍ ማህበራት ምክር ቤት፣ ከሕንድ ዓለም አቀፍ የጨርቃ ጨርቅ አልባሳት ኤግዝቢሽን ማህበር ጋር በመተባበር አውደ ርዕዩን ማዘጋጀቱን ሰምተናል፡፡አውደ ርዕዩ በጨርቃ ጨርቅ ዘርፉ ያለውን ዓለም አቀፍ ልምድ ለማግኘት የሚያግዝ መሆኑን ከኢትዮጵያ ንግድና ዘርፍ ማህበራት ምክር ቤት ያገኘነው መረጃ ጠቅሷል፡፡

ማህሌት ታደለ
አስተያየት ይፃፉ (0 አስተያየት)

የካቲት 6፣ 2012/ በኢትዮጵያ በየዓመቱ ከ60,000 የማያንሱ ዜጎች የሳምባ በሽታ እንዳለባቸው ሳያውቁት ለከፋ ጉዳት እንደሚዳረጉ ተሰማ

በኢትዮጵያ በየዓመቱ ከ60,000 የማያንሱ ዜጎች የሳምባ በሽታ እንዳለባቸው ሳያውቁት ለከፋ ጉዳት እንደሚዳረጉ ተሰማ፡፡
ቴዎድሮስ ብርሃኑ
አስተያየት ይፃፉ (0 አስተያየት)

የካቲት 6፣ 2012/ የኢኖቬሽንና ቴክኖሎጂ ሚኒስቴር በአዲስ አበባና በተወሰኑ ክልሎች በቴክኖሎጂ የተደገፈ የትራፊክ አስተዳደር ስርዓት እንደሚዘረጋ ተነገረ

የኢኖቬሽንና ቴክኖሎጂ ሚኒስቴር በአዲስ አበባና በተወሰኑ ክልሎች በቴክኖሎጂ የተደገፈ የትራፊክ አስተዳደር ስርዓት እንደሚዘረጋ ተነገረ፡፡ ይህ የተነገረው የቀድሞው የተቋሙ ሚንስትር ጌታሁን መኩሪያ (ዶ/ር) ለአዲሱ ሚኒስትር አብርሃም በላይ (ዶ/ር) በተቋሙ እየተከወኑ ስላሉ ስራዎች ሪፖርት ሲያቀርቡ ነው፡፡

በሪፖርታቸውም ሀገር አቀፍ የቪዲዮ ኮንፈረንስ እና የኤሌክትሮኒክስ አገልግሎቶችን ጨምሮ የኒኩሊየር ሳይንስ እና ቴክኖሎጂ ኢንስቲትዩትን ለማቋቋም የተሄደውን ርቀት አሳይተዋል ተብሏል፡፡ሰው አልባ አውሮፕላኖችን ለተለያዩ አገልግሎቶች ለመጠቀም የተጀመረው ፕሮጀክትም በሪፖርቱ መካተቱን ከሚኒስቴር መስሪያ ቤቱ ያገኘነው መረጃ ያሳያል፡፡

ማህሌት ታደለ
አስተያየት ይፃፉ (0 አስተያየት)

የካቲት 6፣ 2012/ የሕዝብ እንደራሴዎች ምክር ቤት ትናንት ባካሄደው የአምሥተኛ ዓመት 1ኛ አስቸኳይ ስብሰባ፣ የጥላቻ ንግግርን ለመቆጣጠርና የሐሰት መረጃ ስርጭትን ለመከላከል የተዘጋጀውን ረቂቅ በአብላጫ ድምጽ አጽድቆታል

ከየካቲት 1 ቀን ጀምሮ ለአንድ ወር እረፍት የተዘጋው ምክር ቤቱ በዚሁ አስቸኳይ ስብሰባው ያፀደቀው ይህ አዋጅ፣ በድረ ገጽ ላይ የሚለጠፍና ለሕዝብ ሰላም መደፍረስ ምክንያት ሆኖ የተገኘ ጽሑፍ እስከ 100,000 ብር የሚደርስ የገንዘብ እና እስከ 5 ዓመት የሚደርስ እስር እንደሚያስቀጣ ደንግጓል፡፡

መንግሥት አዲሱ ሕግ የሁከት ቅስቀሳን ለመከላከል ያስችላል ሲል፣ የተባበሩት መንግሥታት ድርጅትን ጨምሮ የተለያዩ የሰብዓዊ መብት ተሟጋች ድርጅቶች ግን አዋጁ በሕገ መንግሥቱ የተረጋገጠውን የዜጎች ሐሳብን የመግለጽ ነፃነት ይገድባል ብለው እንደሚሰጉ ተናግረዋል፡፡

በሕዝብ ውስጥ ሁከት እንዲቀሰቀስ ምክንያት የሚሆንና የሕዝብን ሰላም የሚያደፈርስ ጽሑፍን ድረ ገጽ ላይ የሚያትም ብቻ ሳይሆን፣ በማኅበራዊ ሚዲያ አማካይነት የሚያጋራ ሰውም በአዲሱ ሕግ መሠረት የገንዘብ እና የእስር ቅጣት እንደሚጠብቀው ተደንግጓል፡፡

በሕዝብ እንደራሴዎች ምክር ቤት ትናንት ሐሙስ በመቀመጫቸው ላይ የተገኙ 297 እንደራሴዎች ረቂቅ ሕጉን የደገፉት ሲሆን፣ 23 የሕዝብ እንደራሴዎች ግን ተቃውመውታል፡፡

ትዕግስት ዘሪሁን
አስተያየት ይፃፉ (0 አስተያየት)

የካቲት 5፣ 2012/ የኢትዮጵያ አየር ሀይል የቀድሞ አዛዥ የህዳሴ ግድብ ድርድር ጉዳይ ያሳስበኛል አሉ

የኢትዮጵያ አየር ሀይል የቀድሞ አዛዥ የህዳሴ ግድብ ድርድር ጉዳይ ያሳስበኛል አሉ፡፡ጠቅላይ ሚኒስትር ዐቢይ አህመድ የኢትዮጵያን ጥቅም አሳልፈን አንሰጥም ሲሉ በቅርቡ መናገራቸው የሚታወስ ቢሆንም በመደራደሪያ ይዘቶችም ሆነ በጊዜ ጉዳይ ጥንቃቄ ያስፈልጋል ብለዋል ሜጀር ጀነራል አበበ ተ/ሃይማኖት፡፡

ተስፋዬ አለነ
አስተያየት ይፃፉ (0 አስተያየት)
Sheger 102.1 AudioNow Numbers