• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

“ከእስር ቤት ከፍተኛ ቁጥር ያላቸውን ሰዎች እየለቀቅን ያለነው እስር ቤቱን ለመዝጋት አይደለም፤ እስር ቤትን ለማጥፋትም አይደለም...

“ከእስር ቤት ከፍተኛ ቁጥር ያላቸውን ሰዎች እየለቀቅን ያለነው እስር ቤቱን ለመዝጋት አይደለም፤ እስር ቤትን ለማጥፋትም አይደለም፤ ቢጠፋልን ጥሩ ነው፤ የፖለቲካ ባህላችንን ለመቀየር ነው፤ መቻቻልን እንድንማር፤ መደማመጥ እንድንለምድ - ባለን አቅም ሁሉ ከመገፋፋት ባህል መውጣት አለብን በሚል የተወሰነ ነው - ቀላል ውሳኔ እንዳይመስላችሁ -ትልቅ ውሳኔ ነው፡፡

ዛሬ የኦሮሚያ ክልል በሁለት ዓመት ጊዜ ውስጥ ከአርባ ሺህ በላይ ሰዎችን ከእስር መፍታቱ፤ ሰዎች መንደር ውስጥ እንደሚያወሩት ቀላል ውሳኔ አይደለም፡፡ እውነት ነው ለአርባ ሺህ ነፍሶች ይቅርታ ማድረግ በሰው ልጆችም ሆነ፤ በፈጣሪ ፊት ጥሩ ስራ ነው፤ እነዚህ አርባ ሺህ ሰዎች ብቻ አይደሉም ነጻ የወጡት- ከእነዚህ አርባ ሺህ ሰዎች ጀርባ ሌሎች ሚሊየኖች አሉ፤ እነዚህ ሁሉ ናቸው ነጻ የወጡት…ትናንት ሲናቅ የነበረው ኦህዴድ - እየተናቀ - ዝቅ እየተደረግን እዚህ ደርሰናል፡፡ ከእናንተ በላይ ነን ሲሉን የነበሩትን ሁሉ ነጻ አውጥተናል - ወደ ሀገራቸው እንዲገቡ አድርገናል፡፡

ለወገን በመቆርቆር መስራት ጥሩ ነው- መስራትና ማውራት ግን የተለያዩ ናቸው፡፡ እኔ ምንም ሳይጎድልብኝ የሰዎችን ትኩረት የሚስብ ንግግር ለአንድ ሰዓት ያህል ተዘጋጅቼ ሚዲያ ላይ በመውጣት ለሰላሣ ደቂቃ ላደርግ እችላለሁ፡፡ አራት ሰዓት ተዘጋጅቼ ለአንድ ሰዓት ጥሩ ንግግር ማሰማት እችላለሁ፡፡ ንግግር ግን ያው ንግግር ነው፡፡ ወደ ዳቦ አይለወጥም፡፡ ቁጭ ብሎ መናገር ለሰው አይከብድም፡፡ መስራት ነው የሚከብደው፡፡ ሰርቶ መሬት ላይ ትንሽም ይሁን ትልቅ ለውጥ ማምጣት ነው ከባዱ፡፡

ተሰዶ የነበረውን ብቻ አይደለም ነጻ ያወጣነው፤ ይህን ሀገር ከመበታተን አድነናል፡፡ ይሄ ለእኛ ትልቅ ታሪክ ነው - ለኦሮሞ ህዝብ ብቻ አይደለም ወደ ስልጣን የመጣነው፡፡ ምንም እንኳን ከኦሮሞ ህዝብ መካከል ብንወጣም፤ ሌሎች አሳንሰው እንደሚያዩን አይደለንም፡፡ ከኦሮሞ ህዝብ አልፈን ሀገር ማዳን የቻልን መሆናችንን እያረጋጥን ነው - እያሳየን ነው - ይሄ የሩቅ ዘመን ዘመን ታሪክ አይደለም- ያለፈው ወር ታሪክ ነው- ያለፉት ሶስት ሣምንታት፤ ያለፉት ሁለት ወራት ታሪክ ነው፡፡ ባለፉት ሁለት እና ሶስት ዓመታት በዚህ ሀገር ሲታይ የነበረ ታሪክ ነው”

ይህን ያሉት የኦሮሚያ ብሄራዊ ክልላዊ መንግስት ርዕሰ - መስተዳድር አቶ ለማ መገርሣ ናቸው፡፡ ግንቦት 20ን አስመልክቶ በተዘጋጀ መድረክ ላይ አቶ ለማ መገርሳ ያደረጉትን ንግግር የተመለከተው ንጋሩ ረጋሳ ይህን አዘጋጅቷል…

ውድ የሸገር ቤተሰቦች፣ ሌሎች ማራኪ ፕሮግራሞቻችንን በቀላሉ እንድታገኙ ወደ ይፋዊ የYouTube ቻናላችን ጎራ ብላችሁ Subscribe እንድታደርጉ እንጋብዛለን፡፡ እናመሰግናለን!

አስተያየት ይፃፉ (1 Comment)

“ ኘ ” ን ያያችሁ አፋልጉኝ ተብላችኋል...

ቀደም ሲል በየአገልግሎት ሰጭ የመንግስት መስሪያ ቤቶች በስራ ሰዓት ሲደረጉ የነበሩ ማለቂያ ያልነበራቸው ስብሰባዎች የአገልግሎት ፈላጊዎች የመጉላላት ምክንያቶች የእሮሮ ምንጮች ነበሩ፡፡በከተማችን አንዱ ወረዳ “ ኘ ” የተሰኘችው ፊደል ከኮምፒዩተር መተየቢያው መጥፋቷ የተገልጋዮች መጉላያ ሆናለች፡፡

ወጣቱ ከዓመት በፊት የጋብቻ የምስክር ወረቀቱን ለመውሰድ ወደ ወረዳው ወሳኝ ኩነቶች ጽህፈት ቤት አመራ፡፡“ ኘ ” ፊደል ባለመኖሯ ሰነዱን ማሰራት አልቻለም፡፡ዛሬም ከአመት በኋላ ሰነዱን ለማሰራት ወደ ወረዳው ወሳኝ ኩነቶች ጽህፈት ቤት ቢመለስም “ ኘ ” ን የበላት ጅብ አልጮህ እንዳለ ነው፡፡

አሁንም የጋብቻ የምስክር ወረቀት ፈላጊውን ኧረ “ ኘ ” ወዴት ነሽ እያሰኘው መሆኑን ከስፍራው ደውሎ ነግሮናል፡፡

አስተያየት ይፃፉ (0 አስተያየት)

የጠንቋይዋ ነገር…ጠንቋይዋ ከነባለቤቷ ተሰውራለች…

ቦታው አዲስ አበባ፣ አዲስ ከተማ ክፍለ ከተማ ወረዳ 5፣ ግሩም ሆስፒታል አካባቢ ነው፡፡ የዛሬ 10 ዓመት አንዲት ሴት አንድን የዛን አካባቢ ነዋሪ ተጠግታ ሐብታም አደርግሃለሁ አለችው ይለናል ይህ የበየነ ወልዴ ዘገባ፡፡ እሱም፣ የአካባቢው ሰው እንደሚለው፣ የተገባለትን ተስፋ አድርጎ የሚኖርበትን የቀበሌ ቤት ለቅቆላት ኩሽና ውስጥ መኖር ጀመረ፡፡ግን ደግሞ እንዳለችው ሐብታም አልሆነም፡፡ ሴትየዋም ቤቱን የጥንቁልና ማካሄጃ አደረገችው፡፡ በሴትየዋ ድርጊት በተናደዱ የአካበቢው ነዋሪዎች ግፊት እና እሱም የምኖርበት ኩሽና ጠቦኛል ሲል ቤቴን ልቀቂልኛ ማለት ጀመረ፡፡
በዚህም ግጭት ተፈጠረ፡፡

የአካባቢው ነዋሪዎች የሰውዬውን ወንድም ቁርስ ብላ ብላው ከበላ በኋላ ወዲያው ሞተ ነው የሚሉት፡፡ሐብትን አልሞ ቤቱን የሰጣት ሰውም ብዙም ሳይቆይ ከወገቡ በታች ፓራላይዝድ ሆነ፡፡ ፊዚዮቴራፒን ጨምሮ የተለያዩ ሕክምናዎች ቢሞከርም ሊድን አልቻለም ከትላንት በስቲያ አረፈ፡፡የአካባቢው ሰው የሰውዬውን አስክሬን ወደቤት ሊያስገቡ ሲሉ፣ “ይሄ አስክሬን “ቤቴ” አይገባም” አለች ሴትየዋ፡፡ ፖሊስ ሲጠራ ከነባለቤቷ ቤቱን ጥላ መሰወሯ ተነግሯል…አስክሬኑም ከመቀበሩ በፊት ተመርምሮ የምርመራ ውጤቱ ለአዲስ አበባ ፖሊስ ኮምሽን ተልኳል፡፡

ቤቱ ሲፈረሽ የተለያዩ ነገሮች ተገኝተዋል - ብዛት ያላቸው ሳንቲሞች፣ የበግ ቀንዶች፣ የተለያዩ ሰዎች ፓስፖርቶች፣ የባንክ ደብተሮች…ሴትየዋ በሐምሌ 18 ቀን 2008 ዓ.ም ከኢትዮጵያ ቀደምት ወፋ አቦዬ ገዳ ወረጊፍት አውልያ እና ወልዮች አንድነት ዓለማቀፍ እምነት ተቋም የእምነቱ አባል እና አያንቱ የሆነችበትን የምስክር ወረቀት ተቀብላለች፡፡ በእምነቱ መተዳደሪያ ደንብ መሰረትም ከእምነቱ ጋር በሚፃረረው የጥንቆላ ተግባር ላይ እንዳትሰማራ ግዴታ ገብታለች፡፡

የእምነት ተቋሙ በሕዳር 15 ቀን 2009 ዓ.ም ለአውቶብስ ተራ አካባቢ ፖሊስ ጣቢያ በላከው ደብዳቤ፣ “ሴትየዋ ተጠግታበት የነበረውን ቤት የራሷ በማስመሰል አስመዝግባ ላልተፈቀደላት አላማ እየተጠቀመች በመሆኑ ከእምነት ተቋሙ ማስናበቱን እና የሰጣትን ፈቃድ መሰረዙን” አስታውቋል፡፡ይህ ሁሉ እያለ ሟች ቤቱን ለማግኘት ሲከራከር ድጋፍ አለማግኘቱ እንደሚያሳዝናቸው የአካባቢው ሰዎች ይናገራሉ፡፡

የበየነ ወልዴን ሙሉውን ዘገባ ያዳምጡ…

አስተያየት ይፃፉ (0 አስተያየት)

“አያ ሙሌ ! ... የከተማው ባሕታዊ ! - አራተኛ ክፍል

የወሎው አበጋር ፣ ወድ ሐለቃ !ነቢዩ ወልደ እግዚአብሄር ! ”

ሙሉጌታ ተስፋዬ ! ... የቅኔ ሙሉ ጌታ ! “ ማንም ያልደረሰበት የራሱ ዓለም ያለውና ቀድሞ የሄደ ሰው ነው። ገና በአፍላ እድሜው ከልጅ እስከ አዋቂው በአክብሮት ‘አያ ሙሌ’ በማለት ይጠሩት ነበር”
ባለቅኔ ሙሉጌታ ተስፋዬ…

ሃሳበ ውቅያኖስ፤ የቋንቋ ባለፀጋ፤ ፈላስፋ፤ ሌሎችንም ብዙ ቅፅሎችን ደርድረን የማንጨርሰው ልሂቅ ነበር ! የአበበ ተካን አንድዬ ድንቅ አልበም ጨምሮ ለተለያዩ ድምፃውያን ጥልቅና ውብ ግጥሞችን አበርክቷል ! በሙዚቃ ሥራ ውስጥ የግጥም ዋጋና ፋይዳ ከፍ ያለ እንደሆነ ሰርቶ ያሳየና አቅጣጫ ያስቀየረ ድንቅ ገጣሚ ነበር፤
ባለቅኔው ሙሉጌታ ተስፋዬ ! “ወይ አዲስ አበባ” የራድዮ ፕሮግራም በዘፈንና ዘመን የፕሮግራም አንጓው የባለቅኔውን ሙሉጌታ ተስፋዬ ሕይወትና ሥራዎች በስፋት መዳሰስ ጀምሯል !
እነሆ አራተኛውን ክፍል…

ውድ የሸገር ቤተሰቦች፣ ማራኪ የአሁን እንዲሁም ቆየት ያሉ መሰናዶዎቻችንን በYouTube ቻናላችን ማዳመጥ እንድትችሉ በቀላሉ ሊንኩን በመጫን Subscribe ያድርጉ እናመሰግናለን::

አስተያየት ይፃፉ (1 Comment)

በእነዶክተር ብርሃኑ ነገ እና አቶ ጃዋር መሀመድ ላይ የተመሰረተው ክስ እንዲቋረጥ ተጠየቀ

ተቀማጭነታቸው በውጭ የሆኑት ኢሳት እና ኦ ኤም ኤን የቴሌቪዥን ጣቢያዎች ክስም እንዲቋረጥ መጠየቁን ሰምተናል፡፡የጠቅላይ አቃቤ ሕግ ለፌድራሉ ከፍተኛ ፍርድ ቤት 19ኛው ወንጀል ችሎት ክሱ እንዲቋረጥ በፅሁፍ ያቀረበው ጥያቄ ተቀባይነት አግኝቷል ተብሏል፡፡

ዶክተር ብርሃኑ ነጋ እና አቶ ጃዋር መሀመድ ሕገ መንግሥታዊ ሥርዓቱን በሀይል በማስወገድ የሙከራ ወንጀል ክስ ተመስርቶባቸው ነበር፡፡የቴሌቪዥን ጣቢያዎቹ ደግሞ ግለሰቦቹ የሚያስተላልፉትን ጥሪ በመቀበልና ለሽብር ቡድን ድጋፍ በማድረግ ወንጀሎች መከሰሳቸው ይታወሳል፡፡

 

ንጋቱ ረጋሳ

አስተያየት ይፃፉ (0 አስተያየት)

የብሔራዊ ፈተና ተፈታኝ ተማሪዎች ያለ ምንም ተፅዕኖ ተረጋግተው ፈተናቸውን እንዲሰሩ አገር አቀፍ የትምህርት ምዘናና ፈተናዎች ኤጀንሲ አሳሰበ

ተፈታኞች ካላስፈላጊ መጭበርበር ራሳቸውን መጠበቅ አለባቸው ተብሏል፡፡ባለፈው አመት የውሸት የመልስ ወረቀት ተሰራጭቶ የብዙ ተማሪዎች ውጤት መበላሸቱን ከኤጀንሲው ዋና ዳሬክተር አቶ አርአያ ገ/እግዚአብሔር ሰምተናል፡፡ፈተናው ያለ ምንም ችግር ተጀምሮ እንዲጠናቀቅ በየደረጃው የፍትህ አካላትና መምህራን ማህበር ያካተተ የፈተና አስፈፃሚ ኮሚቴ ተዋቅሮ እየተሰራ መሆኑን ዳይሬክተሩ ተናግረዋል፡፡

ነገ ተጀምሮ አርብ ግንቦት 24/2010 ዓ/ም የሚጠናቀቀው የ10ኛ ክፍል ብሔራዊ ፈተና የመደበኛ፣ የግልና የማታ በአጠቃላይ አንድ ሚሊየን 222 ሺ 757 ተፈታኞች በ2 ሺ 709 ጣቢያዎች ይፈተናሉ ተብሏል፡፡ከግንቦት 27 እስከ ግንቦት 30 ቀን 2010 ዓ/ም በሚሰጠው የ12ኛ ክፍል ብሔራዊ ፈተና ደግሞ በ993 የፈተና ጣቢያዎች 284 ሺ 558 ተፈታኞች ይቀመጣሉ ሲሉ አቶ አርአያ ዛሬ በቢሮአቸው በሰጡት መግለጫ ተናግረዋል፡፡

በሱዳንና ሳውዲ አረቢያ የሚገኙ ኢትዮጵያን በ99 ጣቢያዎች ፈተናውን የሚወስዱ መሆኑን ሰምተናል፡፡ብሔራዊ ፈተናው በአግባቡ እንዲካሄድ የፈተና ጣቢያ ሀላፊዎች፣ ተቆጣጣሪዎችና ፖሊሶችን ጨምሮ 72 ሺ 222 የሰው ሀይል የተመደበ ሲሆን 160 ሚሊየን ብር በጀት ተይዞለታል፡፡ፈተናው ከዚህ ቀደም የነበሩ ልምዶችን በማካተት ሳይንሳዊ ይዘቱን ጠብቆ ተዘጋጅቷል ያሉት ዳሬክተሩ ያለ ምንም ችግር እንዲጠናቀቅ ማህበረሰቡ ድርሻውን እንዲወጣም ጥሪ አቅርበዋል፡፡

የፈተና ደንብ የሚተላለፉ ተማሪዎች ማለትም እንደ ሞባይልና የተለያዩ ፈተናውን ሊያውኩ የሚችሉ ቁሳቁስ ይዘው የሚገኙ ተፈታኞች እንዲሁም ፈተናውን የሚያውኩ ተግባራት ላይ ሲሳተፉ የሚገኙ ተማሪዎች ውጤታቸው ሙሉ በሙሉ የሚሰርዝ መሆኑን ኤጀንሲው ተናግሯል፡፡ ከ10ኛ እና 12ኛ ክፍል ብሔራዊ ፈተናዎች በተጨማሪ የ8ኛ ክፍል ብሔራዊ ፈተናም በአቀር አቀፍ ደረጃ ከሰኔ 11 እስከ 13/2010 ዓ/ም ይሰጣል ተብሏል፡፡

በየነ ወልዴ

አስተያየት ይፃፉ (0 አስተያየት)

በኮንጎ ኪንሻሳ የተቀሰቀሰው የኢቦላ በሽታ ወደ ኢትዮጵያ እንዳይዛመት ብርቱ ቁጥጥር እየተደረገ መሆኑ ተሰማ

በኮንጎ ኪንሻሳ የተቀሰቀሰው የኢቦላ በሽታ ወደ ኢትዮጵያ እንዳይዛመት ብርቱ ቁጥጥር እየተደረገ መሆኑ ተሰማ፡፡በሽታው ወደ ኢትዮጵያ እንዳይገባ በቦሌ እና ድሬዳዋ ዓለማቀፍ ኤርፖርቶች እና በድንበር ላይ ቁጥጥር እየተደረገ መሆኑን የጤና ጥበቃ ሚኒስቴር ተናግሯል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ለዛ የምሳ ሰዓት መሰናዶ ግንቦት 21፣2010

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ሸገር ልዩ ወሬ፦“እኔን የራበኝ ፍትህ ነው”

የዛሬ 3 ዓመት ግድም ወደ ፌድራል ጠቅላይ ፍርድ ቤት ሲመጣ ልብሱ ይሄን ያህል የተቀዳደደ፣ የተጎሳቆለም አልነበረም፡፡ ስሜ ከማል ነው ነው የሚለው፡፡ የአባቱን ሥም አይናገርም፡፡ ፍትህ ነው የምፈልገው ይላል፡፡ ቀኑን ሙሉ ፌድራል ጠቅላይ ፍርድ ቤት መግቢያ ላይ ቆሞ ያመሽና 11፡30 ላይ ወዴት እንደሚሄድ አይታወቅም ይሄዳል፡፡

በሚቀጥለው ቀንም ጠዋት መጥቶ ፍትህ ስጡኝ ይላል፡፡ ልብሴን የምቀይረው ፍትህ ሳገኝ ነው ባይ ነው፡፡ ገንዘብም ሆነ ምግብ ሲሰጡት አይቀበልም፡፡የፍርድ ቤቱ ሃላፊዎች ጋር አስገብተውት ችግርህን አስረዳ ቢባልም የተጨበጠ ነገር ሊናገር አልቻለም፡፡ ተበደልኩ የምትለው ነገር ካለ ንገረን ተብሎ የመዝገብ ቁጥር ሰጥቶ በዛ ቁጥር ግን ምንም ሊገኝ አልቻለም፡፡

አስተያየት ይፃፉ (0 አስተያየት)

አትሌት ኃይሌ ገብረሥላሴ ሰሞኑን በማህበራዊ ሚዲያዎች የተለቀቀውን የጌጤ ዋሚን ቪዲዮ አስመልክቶ የተሰማውን ቅሬታ ለሸገር ስፖርት ገልፅዋል

ቪዲዮውን መልቀቅ ሥነምግባር የጎደለው ነገር ነው ያለው ኃይሌ፤ በኢትዮጵያዊ ባህላችን አደባባይ የማናሰጣቸው ነገሮች አሉ ሲል በጉዳዩ ማዘኑን ተናግሯል፡፡

“እድሜ ልካችንን እኛ ሩጫ ሮጠናል … ይሄ ነገር የለም … ወሬ የወለደው ነው” ያለው ኃይሌ፤ “እሺ እሷስ ቸግሯት ትሂድ - ይሄን ቪዲዮ የለቀቀው ሰው ግን ሥነምግባር የጎደለው ነው፡፡ ለቤተሰቦቿ፣ ለራሷም፣ ለወዳጆቿም ሲባል ይህን ማድረግ ባልተገባ ነበር” ብሏል፡፡

“ማዳን የፈጣሪ ሥራ ነው፡፡ ለቢዝነስ ተብሎ፣ የራስን ተፈላጊነት ለመጨመር ተብሎ እንዲህ ቪዲዩ ቀርፆ ማሰራጨት ነው የአጋንንት ሥራ ማለት” ሲል የተናገረው ኃይሌ ለኢትዮጵያውያን አትሌቶችም መልዕክቱን አስተላልፏል፡፡“ለኢትዮጵያውያን አትሌቶች የማስተላለፈው መልዕክት እንዲህ አይነት ነገር የለም - ዝም ብላችሁ ሥራችሁ ሥሩ ነው የምለው” ሲል ከሸገር ስፖርቱ አበበ ግደይ ጋር ባደረገው የስልክ ቃለምልልስ ላይ ተናግሯል፡፡

አስተያየት ይፃፉ (0 አስተያየት)

በተለይ በቅርብ ሳምንታት በአዲስ አበባ ብሶበት የታየው የኤሌክትሪክ ኃይል መጥፋት ምክንያቱ በከተማዋ እየተዘረጋ ያለው አሮጌ የሀይል ማስተላለፊያ መስመሮችን አዲስ የመተካት ስራ ነው ተባለ

ይህን ያለው የኢትዮጵያ ኤሌክትሪክ ሀይል ነው፡፡በከተማችን አዲስ አበባ በቅርብ ጊዜያት የኤሌክትሪክ ኃይል መቆራረጥ ብዙዎችን ምሬት ውስጥ መክተቱ ይሰማል፡፡ይህ የኤሌክትሪክ ኃይል መቆራረጥ ምክንያቱ ምንድነው ? መቼስ ይስተካከል ይሆን ? ሲል ሸገር የኤሌክትሪክ ኃይል ዋና ስራ አስፈፃሚዋን ኢንጂነር አዜብ አስናቀን ጠይቋቸዋል፡፡ 

ዋና ስራ አስፈፃሚዋ እንደሚሉት የሀይል መቆራረጡ የመጣው የከተማዋን ያረጁ የኃይል ማስተላለፊያዎች በአዲስ ለመተካት በሚደረገው ስራ ወቅት ኃይል ስለሚቋረጥ ነው ብለዋል፡፡ኤሌክትሪክ በሚቋረጥበት ወቅት ብዙ ሮሮዎች ሲቀርቡ ይሰማልና ኃይል ማቋረጥ ስታስቡ ለነዋሪው ታሳውቃላችሁ ወይ ? ያልናቸው ኢንጂነር አዜብ በመገናኛ ብዙኃን እናሳውቃልን ግን የማይሰሙ ሰዎች ሊኖሩ ይችላሉ ሲሉ መልሰዋል፡፡

የኢትዮጵያ ኤሌክትሪክ ኃይል የትልልቅ ማስፋፊያ ጣቢያ ግንባታዎችን የኤሌክትሪክ አገልግሎት ደግሞ የማስፋፊያ ስራዎችን ነው የሚሰሩት ያሉት ዋና ስራ አስፈፃሚዋ አሮጌ የኤሌክትሪክ ኃይል ማስተላለፊያዎችን በአዲስ የመተካቱ ስራ ብዙዎቹ ተጠናቀዋል፣ ስራው ሲያልቅም የሀይል መቆራረጡን ሙሉ ለሙሉ ማስቀረት ባይቻልም ይቀንሰዋል ብለዋል፡፡

ኢትዮጵያ በአሁኑ ሰዓት 4 ሺ 300 ሜጋ ዋት ሀይል የማመንጨት አቅም አላት የተባለ ሲሆን ታላቁን የህዳሴ ግድብን ጨምሮ ከ9ሺ ሜጋ ዋት በላይ የማመንጨት አቅም ያላቸው 8 ፕሮጀክቶች በግንባታ ላይ መሆናቸውን ከዋና ስራ አስፈፃሚዋ ሰምተናል፡፡

ንጋቱ ሙሉ

አስተያየት ይፃፉ (0 አስተያየት)
Sheger 102.1 AudioNow Numbers