• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ለዛ የምሳ ሰዓት መሰናዶ ግንቦት 14፣2010

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

እስካአሁን የሞያ ብቃት ምዘና ከወሰዱ 251ሺ የኢትዮጵያ መምህራን ፈተናውን ያለፋት 22በመቶ ያህሉ ብቻ ናቸው...

የትምህርት ሚኒስቴር በአገሪቱ ላሉ በሺዎች የሚቆጠሩ መምህራን ፈተና መስጠቱን ተናገረ፡፡ መምህራኑ ፈተና የተቀመጡት የሞያ ብቃት ማረጋገጫ ለማግኘት እንደሆነ ሰምተናል፡፡ ትምህርት ሚኒስቴር ከ91 ሺ በላይ መምህራንን ለመፈተን ፕሮግራም ይዞ ፈተና የሰጠ ሲሆን ምን ያህል መምህራን ፈተናው እንደወሰዱ መረጃው እየተሰበሰበ ነው ተብሏል፡፡ በትምህርት ሚኒስቴ የሞያ ፍቃድ አሰጣጥና እድሳት ዳይሮክቶሬት ዳሬክተር ወ/ሮ ካሳነሽ አለሙ ለሸገር እንደተናገሩት በመላው ኢትዮጵያ በተዘጋጁ የምዘና ጣቢያዎች በርካታ መምህራን ቅዳሜ እለት ፈተናው ወስደዋ ምን ያህል እንደሆኑ ግን መረጃው እየተሰበሰበ ነው ብለዋል፡፡

መምህራኑ ለአሁኑ የሞያ ብቃት ምዘናውን እየወሰደ ያሉት በገዛ ፍላጎታቸው መሆኑን ያስታወሱት ዳሬክተር በሂደት ግን ምዘናው አስገዳጅ እደሚሆንና ምዘናውን ያልወሰዲ ማስተማር እንደማይችሉ ጠቅሰዋል፡፡ ምዘናውን ወስደው ዝቅተኛ ነጥብ ያስመዘገቡ ወይንም ያላለፉ መምህራን በከፍተኛ የትምህርት ተቋማት ስልጠና እንዲወስዱ ከተደረገ በኋላ ለዳግም ምዘና ይቀርባሉ ሲሉ ወ/ሮ ካሳነሽ ነግረውናል፡፡ በኢትዮጵያ ከቅድመ መደበኛ እስከ 12 ክፍል የሚያስተምሩ መምህራን ከ560 ሺ እስከ 600 ሺ ይሆናሉ ተብሎ የሚገመት ነው ያሉት ዳሬክተሯ እስካሁንም በ251 ሺ ያህሉ የሞያ ብቃት ምዘና መስጠት መቻሉን ተናግረዋል፡፡

ፈተና ከተቀመጡት 251 ሺ መምህራን የሞያ ብቃት ምዘና ፈተናውን ያለፉት ግን 22 በመቶ ያህሉ መሆናቸውንም ሰምተናል፡፡ ፈተናውን ያለፉት መምህራን ቁጥር አነስተኛ ቢሆንም ምዘናው የመምህራኑ ውጤታማነት መለኪያ ብቸኛው መንገድ አለመሆኑ ግን ሊታወቅ ይገባልም ሲሉ ወ/ሮ ካሳነሽ ለሸገር ነግረዋል፡፡ የመመዘኛ ቁሳቁሶች አለማሟላት፣ ተፈታኞቹ ራሳቸውም ፈተናው ይጠቅመናል ብለው ያለመዘጋጀት የመሳሰሉት ምዘናው ብቻውን የብቃት መለኪያ እንዳይሆን ያደርገዋል ሲሉም ተናግረዋል፡፡ ከመምህራን ማሰልጠኛ ተቋማት ጋር መሰራት ያለባቸው የቤት ስራዎች በአግባቡ አልተሰሩም ያሉት ዳሬክተሯ ስራው ሲጠናከር ጥሩ ውጤት የሚስመዘግቡ መምህራን ቁጥርም አብሮ ይጨምራል ብለዋል፡፡ ሰሞኑን ፈተና የተቀመጡት መምህራንን ብዛትና የአስመዘገቡትን ውጡት በቅርቡ እንደሚታወቅ ሰምተናል፡፡

ንጋቱ ሙሉ
አስተያየት ይፃፉ (0 አስተያየት)

የኢትዮጵያ ብሔራዊ ፀረ አበረታች ቅመሞች ፅ/ቤት አትሌት ብርቱካን አደባ በሪሁንንና አትሌት እዮብ አለሙ ወ/ጊዮርጊስን ለአራት አመታት ከማንኛውም ውድድር አገደ

የኢትዮጵያ ብሔራዊ ፀረ አበረታች ቅመሞች ፅ/ቤት አትሌት ብርቱካን አደባ በሪሁንንና አትሌት እዮብ አለሙ ወ/ጊዮርጊስን ለአራት አመታት ከማንኛውም ውድድር አገደ፡፡ አትሌቶቹ የአራት አመት እገዳው የተላለፈባቸው በአለም አቀፉ ውድድሮች ላይ አበረታች ቅመም ተጠቅመዋል በሚል ነው፡፡ አትሌት ብርቱካን አደባ በሻንጋዩ ማራቶን እዮብ አለሙ ደግሞ በቻይናው ሎንግኩ ማራቶን ላይ ነው ቅመሞቹን እንደወሰዱ ፅ/ቤቱ የተናገረው ብርቱካን አደባ በሪሁን ኤክሶጌኖይስ ስትኤሮይድ የተባለውን እዮብ አለሙ ደግሞ ኢፒኦ ወይም ኤሪይተ ህሮፐዬቲን የተባሉ ቅመሞችን መጠቀማቸውን በምርመራ ተረጋግጦባቸዋል ተብሏል፡፡

ሁለቱም አትሌቶች ለአራት አመታት በማንኛውም ሀገር አቀፍ ሆነ አለም አቀም ውድድሮች ላይ መሳተፍ እንዳይችሉ ጊዜያዊ እገዳ ተጥሎባቸዋል፡፡ ፅ/ቤቱ ስፖርቱን ከአበረታች ቅመሞች ወይም ከዶፒንግ በመከላከልና በመቆጣጠር ፍትሃዊ የውድድር ሥርዓት እንዲኖር ለማድረግ የጀመርኩትን የክትትልና የምርመራ ስራ እቀጥላለሁ ብሏል፡፡

አስፋው ስለሺ
አስተያየት ይፃፉ (0 አስተያየት)

የዓለም ባንክ የኢትዮጵያን የምጣኔ ሐብት ይዞታ አስመልክቶ ያዘጋጀውን ሪፖርት ሰሞኑን ይፋ አድርጓል

የዓለም ባንክ የኢትዮጵያን የምጣኔ ሐብት ይዞታ አስመልክቶ ያዘጋጀውን ሪፖርት ሰሞኑን ይፋ አድርጓል፡፡ ሪፖርቱ ከዳሰሳቸው ነገሮች አንዱ የኢትዮጵያ የአገልግሎት ዘርፍ እድገት ነው፡፡ ሪፖርቱ የአገልግሎት ዘርፉ እድገት የማምረቻው ዘርፍን እድገት እንዳይጎዳ ጥንቃቄ ይደረግ ሲል መክሯል፡፡

በኢትዮጵያ ግብርናው የከፍተኛ ዕድገት አመንጭነቱን በአገልግሎት ዘርፉ ተቀምቷል የሚለውን ይህን የዓለም ባንክ ሪፖርት አስመልክቶ የምጣኔ ሐብት ባለሞያ ያነጋገረው ንጋቱ ረጋሳ የሚከተለውን አዘጋጅቷል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ኢትዮጵያ ሐገር አቀፍ ንቅናቄ /ኢሐን/ የተሰኘ ድርጅት የኢትዮጵያን የፖለቲካ ጎራ ለመቀላቀል መጣሁ መጣሁ እያለ ነው…

ኢትዮጵያ ሐገር አቀፍ ንቅናቄ /ኢሐን/ የተሰኘ ድርጅት የኢትዮጵያን የፖለቲካ ጎራ ለመቀላቀል መጣሁ መጣሁ እያለ ነው…የቀድሞው የሰማያዊ ፓርቲ ሊቀመንበርና የኢሐን መስራች የሆኑት ኢንጂነር ይልቃል ጌትነት፣ አዲሱ ፓርቲ የምስረታ ጉባዔውን ለማድረግ የሚያስችለውን ፍቃድ ከብሄራዊ የምረጫ ቦርድ ማግኘቱን ተናግረዋል፡፡

ለመሆኑ አዲሱ ፓርቲ ኢሐን ማነው? የፖለቲካ አቋሙና አስተሳሰቡስ?

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



የኔነህ ሲሳይ

አስተያየት ይፃፉ (0 አስተያየት)

“ኢትዮጵያ በሁሉም ረድፍ መሪዎች ያስፈልጓታል፡፡ የሚዲያ መሪዎች ሙያቸውን የሚያከብሩ፣ ሥራቸውን የሚያውቁ፣ ለምን እንደሚሰሩ የሚያውቁ እንደ መዓዛ ብሩ ሲሆኑ…”

“ኢትዮጵያ በሁሉም ረድፍ መሪዎች ያስፈልጓታል፡፡ የሚዲያ መሪዎች ሙያቸውን የሚያከብሩ፣ ሥራቸውን የሚያውቁ፣ ለምን እንደሚሰሩ የሚያውቁ እንደ መዓዛ ብሩ ሲሆኑ…” ጠቅላይ ሚኒስትር አብይ አህመድ ቅዳሜ ዕለት በሚሊኒየም አዳራሽ በተካሄደው “እኔ ነኝ አዲሲቷ ኢትዮጵያ - የታላላቅ ሐሳቦች መደረክ” ላይ ከተናገሩት…

ጠቅላይ ሚኒስትር ዶ/ር አብይ አህመድ ቅዳሜ ዕለት በሚሊኒየም አዳራሽ በተካሄደው የማይንድሴት የታላላቅ ሀሳቦች ኮንቬንሽን ላይ ያደረጉትን ንግግር 

አስተያየት ይፃፉ (0 አስተያየት)

የገቢና ወጪ ንግድን ያቀላጥፋል፣ በጅቡቲ ወደብ በየጊዜው የሚፈጠረው የኮንቴነር ክምችት ቶሎ ቶሎ ወደ ኢትዮጵያ በማጓጓዝም ኢኮኖሚውን ያግዛል ተብሎ...

የገቢና ወጪ ንግድን ያቀላጥፋል፣ በጅቡቲ ወደብ በየጊዜው የሚፈጠረው የኮንቴነር ክምችት ቶሎ ቶሎ ወደ ኢትዮጵያ በማጓጓዝም ኢኮኖሚውን ያግዛል ተብሎ ተስፋ የተጣለበት የኢትዮ ጅቡቲ የባቡር መስመር ስራ ከጀመረ 7 ወራት ተቆጥሯል፡፡
ታዲያ እስካሁን ባቡሩ የገቢ ንግድን በማገዝ በኩል ምን ያህል የታለመለትን አሳክቷል ስንል የኢትዮጵያ የባህር ትራንስፖትና ሎጀስቲክሰ አገልግሎት ድርጅትን ጠይቀናል፡፡ከድርጅቱ ያገኘነው መረጃ እንደሚያሳየው በባህር ተጓጉዘው ጅቡቲ ከደረሱ የገቢ ንግድ እቃዎች መካከል እስካሁን ባቡሩ የሚያነሳው የኮንቴነር መጠን 20 በመቶም አልደረሰም ተብሏል፡፡

እስከ 84 በመቶ ኮንቴነር አሁንም የተጓጓዘው በጭነት መኪኖች እንደሆነ ሰምተናል፡፡ የኢትዮጵያ ባህር ትራንስፖርትና ሎጀስቲክስ አገልግሎት ለሸገር እንደተናገረው የኢትዮ ጅቡቲ የባቡር መስመር ስራ ከጀመረበት ባለፈው ህዳር ወር ጀምሮ ባቡሩ ከ10 ሺ 400 በላይ ኮንቴነሮችን ወደ ሀገር አስገብቷል፡፡

ከጅቡቲ ወደብ በጭነት መኪኖች የተነሳው የኮንቴነር ብዛት ግን 60 ሺ 81 መሆኑንና ይህም ከባቡሩ ጋር ሲነፃፀር 87 በመቶ ድርሻ እንዳለው ሰምተናል፡፡ባቡሩ ስራ ከጀመረበት ህዳር ወር ጀምሮ እስከ ያዝነው ግንቦት ወር መጀመሪያ ድረስ 80 ጊዜ ወደ ኢትዮጵያ ምልልስ አድርጓል፡፡

በቀን በአማካይ እስከ 60 ኮንቴነር በማጓጓዝ 10 ሺ 400 ኮንቴነሮችን አስገብቷል፡፡የጭነት መኪኖች ደግሞ በቀን በአማካይ 4 መቶ ኮንቴነር ወደ አገር ቤት አስገብቷል ያሉት በኢትዮጵያ ባህር ትራንስፖርትና ሎጀስቲክሰ አገልግሎት የኮርፖሬት ኮሚዩኒኬሽን ዳሬክተር የሆኑት አቶ የኋላወርቅ ጎሹ ናቸው፡፡

አቶ የኋላወርቅ እንዳሉት የኢትዮ ጅቡቲ የባቡር መስመር ስራ መጀመር በወደብ የሚከማቹ እቃዎች መጠን እንዲቀንስ ከማድረጉም በላይ ለወደብና ለኮንቴነር ኪራይ ኢትዮጵያ የምታወጣውን ወጪ በመጠኑ ቀንሶላታል ብለዋል፡፡

እስካሁን የባቡሩ እቃ የማንሳት ድርሻ ዝቅተኛ የሆነው የሙከራ ጊዜ ስለነበረ መሆኑን የተናገሩት አቶ የኋላወርቅ ለመጪው ጊዜም ከጅቡቲ የሚነሱት እቃዎችን በማጓጓዝ በኩል የባቡሩ ድርሻ ከፍ እንደሚልም ይጠበቃል ብለዋል፡፡ባቡሩ በአንድ ጊዜ እስከ 100 ኮንቴነር የመጫንና በአጭር ጊዜ ወደ አገር በማስገባት የተሻለ ቢሆንም የወጪና ገቢ ንግድን እቃዎችን በባቡር ብቻ የማመላለስ አቅም ላይ ግን ገና አልደረስንም ያሉት አቶ የኋላወርቅ የጭነት መኪኖችን ጎን ለጎን ስራቸውን መቀጠላቸው የግድ ነው ብለዋል፡፡

ትዕግስት ዘሪሁን

አስተያየት ይፃፉ (0 አስተያየት)

የአዲስ አበባ የመሬት ልማት አስተዳደር ቢሮው ከመሬት ይዞታ አገልግሎት እና በሌሎችም ያልተገባ አሰራር ፈፅመው አግኝቻቸዋለሁ ያላቸው ሀላፊዎችና ባለሙያዎች ላይ...

የአዲስ አበባ የመሬት ልማት አስተዳደር ቢሮው ከመሬት ይዞታ አገልግሎት እና በሌሎችም ያልተገባ አሰራር ፈፅመው አግኝቻቸዋለሁ ያላቸው ሀላፊዎችና ባለሙያዎች ላይ እርምጃ መውሰዱን ተናገረ፡፡ቢሮው ከመሬት አስተዳደር ጉዳዮች ጋር በተያያዘ ለብልሹ አሰራር ሊጋለጥ የሚችል በመሆኑ በ2010 ዓ.ም 9 ወራት ባደረጉት ማጣራት ያልተገባ አሰራር ሲፈፅሙ ያገኘዋቸው አመራሮችና ሰራተኞች አሉ ብሏል፡፡

ከቢሮው የኮሚኒኬሽን ጉዳዮች ደጋፊ የስራ ሂደት አስተባባሪ አቶ ንጉስ ተሾመ እንደሰማነው ከከተማ አስተዳደሩ ጀምሮ በተደረገ ማጣራት 5 አመራሮች እና 128 ባለሙያዎች ያልተገባ አሰራር ሲፈፅሙ ተገኝተዋል ከስራ ማገድና ሌሎች እርጃዎችም ተወስዶዋል ብለዋል፡፡

ከበልሹ አሰራር ጋር በተያያዘ በክፍለ ከተማ ደረጃ እስካሁንም ያልተፈቱ ችግሮች አሉ እነሱም በጊዜ ሂደት ለማስተካከል ቢሮው ከፍተኛ ጥረት እያደረገ ነው ተብሏል፡፡በመሬት አስተዳደር ላይ የሚታዩት ችግሮች መፍትሄ እንዲሰጣቸው አሁንም በባለሙያዎች እና በአመራሩ ላይ የሚደረገው ክትትል ይቀጥላል መባሉን ሰምተናል፡፡

ምህረት ስዩም

አስተያየት ይፃፉ (0 አስተያየት)

በተለያዩ የመንግስት ሀላፊነቶች ላይ የሚገኙ የመንግስት ሹማምንት ለውጭ ሀገር ህክምና እና ለስራ በሄዱበት ሀገር የተጠቀሙበትን ዕዳ በአግባቡ ሊያወራርዱልኝ ባለመቻላቸው...

በተለያዩ የመንግስት ሀላፊነቶች ላይ የሚገኙ የመንግስት ሹማምንት ለውጭ ሀገር ህክምና እና ለስራ በሄዱበት ሀገር የተጠቀሙበትን ዕዳ በአግባቡ ሊያወራርዱልኝ ባለመቻላቸው በኦዲት ግኝት ተጠያቂ እየሆንኩ ነው ሲል የውጭ ጉዳይ ሚኒስቴር ተናገረ፡፡

ሚኒስቴር መ/ቤቱ በመንግስት የሀላፊነት ቦታ ላይ የተቀመጡ አመራሮች ወደ ውጭ ሀገራት በሚሄዱበት ጊዜ የሚጠበቅባቸውን እና በመስሪያ ቤታቸው መወራረድ የሚገባውን ሂሳብ በወቅቱ እየከፈሉ አይደለም ብሏል፡፡ትላንት በህዝብ እንደራሴዎች ም/ቤት ተገኝተው የመስሪያ ቤታቸውን የ9 ወራት የስራ አፈፃፀም ሪፖርት ያቀረቡት ዶ/ር ወርቅነህ ገበየሁ ለጉዳዩ በተደጋጋሚ መፍትሄ እንዲሰጠው ጥያቄ ቢቀርብም እስካሁን ግን የተስተካከለ ነገር የለም ሲሉ ተናግረዋል፡፡

የዋና ኦዲተር መስሪያ ቤት በወቅቱ ያልተወራረዱ እና መከፈል ያለባቸው ሒሳቦችን በውጭ ጉዳይ ሚኒስቴር መመዝገቡ አሁንም የቀጠለ በመሆኑ ማስተካከያ እንዲደረግ ከሚመለከታቸው ጋር እየተነጋገርኩበት ነው ሲል ሚኒስቴር መ/ቤቱ ተናግሯል፡፡የዲፕሎማቶችና የአምባሳደሮች ምደባ ፍትሃዊ አይደለም በሚልም ትላንት በውጭ ጉዳይ ሚኒስቴር የ9 ወራት የስራ አፈፃፀም ሪፖርት ላይ በም/ቤቱ አባላት ጥያቄ ተነስቷል፡፡

ሚኒስትሩ ዶ/ር ወርቅነህ ገበየሁ በሰጡት ምላሽ በተለያየ የሀላፊነት ቦታ ላይ ያገለገሉ ሀላፊዎች ለአምባሳደርነትና ለዲፕሎማትነት ብቃት እንዳላቸው ሲታመንባቸው ለሹመት ይበቃሉ ነገር ግን በስራው ልምድ ያላቸውንና በብቃት የሚሰሩትን በጥንቃቄ መምረጡ ትኩረት ሊደረግ ይገባል ብለዋል፡፡በተለያየ የመንግስት ሀላፊነቶች ላይ አገልግለው ለአምባሳደርነት የሚሾሙ ሀላፊዎች ላይ ግልፅ የሆነ አሰራር የለም አድሎአዊነት አለው የሚል ጥያቄ ቀርቦ ሚኒስትሩ ምላሽ ሰጥተውበታል፡፡

በአሰራሩ ላይ የሚታዩትን የግልፀኝነት ችግር ለማስተካከል ሚኒስቴር መ/ቤቱ ከአሁን በኋላ ትኩረት አድርጎ ይሰራል የተነሳውም ጥያቄ ተገቢ ነው ማስተካከያም ይደረግበታል ሲሉ ዶ/ር ወርቅነህ ለምክር ቤቱ ተናግረዋል፡፡

ምህረት ስዩም

አስተያየት ይፃፉ (0 አስተያየት)

የመንግስት የልማት ድርጅቶች ባለፉት ዘጠኝ ወራት ከሁለት ቢሊየን ብር በላይ ትርፍ ማግኘታቸው ተነገረ

የመንግስት የልማት ድርጅቶች ባለፉት ዘጠኝ ወራት ከሁለት ቢሊየን ብር በላይ ትርፍ ማግኘታቸው ተነገረ፡፡ትርፉን ያገኙት ለመንግስት የልማት ድርጅቶች ሚኒስቴር በቀጥታ ተጠሪ የሆኑ አስራ ሰባት የልማት ኮርፖሬሽኖች እና ድርጅቶች መሆናቸውን ሠምተናል፡፡

ይገኛል ተብሎ የታቀደው ትርፍ 2 ነጥብ 5 ቢሊየን ብር እንደነበር የመንግስት የልማት ድርጅቶች ሚኒስቴር የኮርፖሬት ኮሙኒኬሽን ዳይሬክተር አቶ ወንዳፍራሽ አሰፋ ለሸገር ተናግረዋል፡፡የህንጻ ዕቃዎች አቅራቢ ድርጅት፣ ብሄራዊ አልኮልና አረቄ ፋብሪካ እና የኢትዮጵያ ቱሪስት ንግድ ስራ ድርጅት ከምርትና አገልግሎት ሽያጭ ገቢ ዕቅዳቸው ከዘጠና አምስት በመቶ በላዩን ያሳኩ በሚል መወደሳቸውን ሰምተናል፡፡

ከትርፍ አኳያ ደግሞ የኢትዮጵያ ግብርና ስራዎች ኮርፖሬሽን፣ ብሄራዊ አልኮልና አረቄ ፋብሪካ፣ የህንጻ ዕቃዎች አቅራቢ ድርጅትና ብርሃንና ሠላም ማተሚያ ድርጅት ከዕቅዳቸው ከ95 በመቶ በላይ አሳክተዋል ተብሏል፡፡

የልማት ኮርፖሬሽኖቹ እና ድርጅቶቹ በዘጠኝ ወሩ ውስጥ በአጠቃላይ 26 ነጥብ 7 ቢሊየን ብር ምርትና አገልግሎት መሸጣቸውንም ዳይሬክተሩ ነግረውናል፡፡ከዚህ ሽያጭ ውስጥ 13 ነጥብ 5 በመቶው የኢትዮጵያ ባህር፣ ትራንስፖርትና ሎጂስቲክስ አገልግሎት ድርጅት ድርሻ ነው ብለዋል፡፡ በዚህም ድርጅቱ ቀዳሚውን ደረጃ መያዙን ነግረውናል፡፡የኢትዮጵያ ስኳር ኮርፖሬሽን 5 ነጥብ 1 በመቶ እና የኢትዮጵያ ኮንስትራክሽን ስራዎች ኮርፖሬሽን ደግሞ 2 ነጥብ 8 በመቶ በመሸፈን ተከታዮቹን ደረጃዎች ይዘዋል ብለዋል፡፡

ንጋቱ ረጋሳ

አስተያየት ይፃፉ (0 አስተያየት)

ወደ ስልጣን ከመጡ በኋላ በመካከለኛው ምስራቅ የመጀመሪያ ጉብኝታቸውን በማድረግ ላይ ያሉት ጠቅላይ ሚኒስትር አብይ አህመድ በዛሬው እለት...

ወደ ስልጣን ከመጡ በኋላ በመካከለኛው ምስራቅ የመጀመሪያ ጉብኝታቸውን በማድረግ ላይ ያሉት ጠቅላይ ሚኒስትር አብይ አህመድ በዛሬው እለት በሳውዲ አረቢያ ከአገሪቱ ከፍተኛ ባለስልጣናት ጋር መገናኘታቸው ተሰማ፡፡ከውጭ ጉዳይ መስሪያ ቤት ሸገር እንደሰማው በሳውዲ አረቢያ የስራ ጉብኝት እንዲያደርጉ በአገሪቱ ንጉስ ሰልማን ግብዣ መሰረት ትላንት ማምሻውን ወደ ሳውዲ የተጓዙት ጠቅላይ ሚኒስትር አብይ አህመድ በሁለትዮሽ ጉዳይ እየተነጋገሩ ነው፡፡

በሳውዲ አረቢያ ያለ ፈቃድ የሚኖሩ ኢትዮጵያንን ጉዳይ አንስተው ጠቅላይ ሚኒስትሩ እንደሚነጋገሩም ተሰምቷል፡፡የአገሪቱ መንግስት ያለ ፈቃድ በሳውዲ አረቢያ የሚኖሩ የውጪ ሀገር ዜጎች እንዲወጡ በሰጠው ቀነ ገደብ ተጠቅመው ወደ ሀገር የተመለሱት የተወሰኑት ኢትዮጵያዊያን ናቸው፡፡

በአሁኑ ጊዜ በሳውዲ አረቢያ እስር ቤቶች ከ10 ሺህ የማያንሱ ኢትዮጵያውን በእስር እንደሚገኙም ይገመታል፡፡በጠቅላይ ሚኒስትር አብይ ጉብኝት አጋጣሚ ሳውዲ አረቢያ ኢትዮጵያውያን እስረኞችን ለመፍታት ቃል መግባቷ ተሰምቷል፡፡

ጠቅላይ ሚኒስትር አብይ አህመድ በእስር የሚገኙ ኢትዮጵያውያን ጉዳይ አስመልክቶ ከሳውዲ ባለስልጣናት ጋር ይመክራሉ ተብሎ እንደሚጠበቅም ሰምተናል፡፡ጠቅላይ ሚኒስትር አብይ አህመድ በሳውዲ አረቢያ የሚያደርጉትን ጉብኝት እስከ እሁድ እንደሚቀጥሉም ሰምተናል፡፡

የኔነህ ሲሳይ

አስተያየት ይፃፉ (0 አስተያየት)
Sheger 102.1 AudioNow Numbers