• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ለአጥንት ህክምና ወደ ተለያዩ አገራት የሚሄዱ ኢትዮጵያዊያን ቁጥር እየቀነሰ ነው ተባለ

ለአጥንት ህክምና ወደ ተለያዩ አገራት የሚሄዱ ኢትዮጵያዊያን ቁጥር እየቀነሰ ነው ተባለ፡፡ምክንያቱ ህክምናው በአገር ውስጥ ለመስጠት ፈተና ሆኖ የቆየው የመሳሪያዎች እጥረት እየተቃለለ መሆኑ ተነግሯል፡፡ አሁን ግን እነዚህ መሳሪያዎች በብዛት ተገዝተው ወደ አገር ውስጥ እየገቡ እንደሚገኙ የኢትዮጵያ የአጥንት ህክምና ባለሙያዎች ማህበር ፕሬዝዳንት ዶ/ር ብሩክ ላምቢሶ ተናግረዋል፡፡

በህክምናው የሚያስፈልጉ መሳሪያዎች በአገር ውስጥ እንዲመረቱ ጥረቶች ተጀምረዋል ብለዋል፡፡መሳሪያዎቹ ከተሟሉ ያሉት ባለሙያዎች ህክምናውን በአገር ውስጥ መስጠት እንደሚችሉ ተናግረዋል፡፡ይህም ሰዎች ቤትና መኪናቸውን ጭምር በመሸጥ ለህክምናው ወደ ተለያዩ አገራት የሚሄዱበትን አሰራር ይቀንሰዋል ብለዋል፡፡በቅርቡ በተፈፀመው የቦምብ ጥቃት የተጎዱና በተለያዩ የአገራችን አካባቢዎች በተከሰቱ ግጭቶች የቆሰሉ ዜጎችን ለመርዳት የማህበሩ አባላት ከፍተኛ ሙያዊ እገዛ ማድረጋቸውንም ሰምተናል፡፡የኢትዮጵያ የአጥንት ህክምና ባለሙያዎች ማህበር 13ኛ አመታዊ ጉባኤው በሸራተን አዲስ እያካሄደ ይገኛል፡፡

ጥራት ያለው የህክምና አገልግሎት መስጠት በሚቻልበት መንገድ ላይ ውይይት ተደርጎ ውሳኔ ላይ እንደሚደረስ ዶክተር ቡሩክ ተናግረዋል፡፡በቅርቡ በተለያዩ የአገራችን አካባቢዎች በተከሰቱ ግጭቶችና እዚህ አዲስ አበባ በነበረው የቦምብ አደጋ የተጎዱ ዜጎችን በመርዳት ግንባር ቀደም ተሳትፎ አሳይተዋል የተባሉ አባላቱንም ማህበሩ በጉባኤው ላይ ሸልሟል፡፡

ንጋቱ ረጋሳ
አስተያየት ይፃፉ (0 አስተያየት)

የኢትዮጵያ አየር መንገድ ወደ ኤርትራ የሚያደርገውን በረራ የዛሬ ሳምንት እንደሚጀምር ተናገረ

የኢትዮጵያ አየር መንገድ ወደ ኤርትራ የሚያደርገውን በረራ የዛሬ ሳምንት እንደሚጀምር ተናገረ፡፡ አየር መንገዱ ወደ አስመራ የዛሬ ሳምንት ሐምሌ 10፤2010 ለሚጀምረው በረራ ከዘመኑ የዘመኑ ቴክኖሎጂዎችን የያዘውን ቦይንግ 787 እንደሚጠበቁም ከላኩልን መግለጫ ላይ ተመልክተናል፡፡
 
የኢትዮጵያ አየር መንገድ የኤርትራ በረራ ጠቅላይ ሚኒስትር አብይ አህመድና ፕሬዝዳንት ኢሳያስ አፈወርቂ የተፈራረሟቸው ስምምነቶች አካል ነው፡፡ በረራው ሲጀመር መንገደኞች መግቢያ ቪዛ የሚጠየቁ ሲሆን ወደፊት በሚኖረው ጉዞ ላይ መንገደኞች ያለ ቪዛ መግባት በሚችሉበት ሁኔታ ላይ ሁለቱ አገራት ያቋቋሙት ብሔራዊ ኮሚቴ እንደሚወያዩ ውጪ ጉዳይ ሚኒስትር ወርቅነህ ገበየሁ ትላንት መናገራቸው ይታወሳል፡፡
አስተያየት ይፃፉ (0 አስተያየት)

ጠቅላይ ሚኒስትር አብይ አህመድ በአስመራ ለሁለት ቀናት ያደረጉትን የስራ ጉብኝታቸውን ጨርሰው ወደ አዲስ አበባ እየተመለሱ ነው

ጠቅላይ ሚኒስትር አብይ አህመድ በአስመራ ለሁለት ቀናት ያደረጉትን የስራ ጉብኝታቸውን ጨርሰው ወደ አዲስ አበባ እየተመለሱ ነው፡፡ለጠቅላይ ሚኒስትር አብይ አህመድ ፕሬዝዳንት ኢሳያስና የኤርትራ ከፍተኛ ባለስልጣናት አስመራ አውሮፕላን ጣቢያ ተገኝተው አሸኛኘት አድርገውላቸዋል፡፡

በአስመራ አውሮፕላን ጣቢያ የተሰለፈው የክብር ዘብ ለዶ/ር ዐብይ ሰላምታ አቅርቧል፡፡ጠቅላይ ሚኒስትር ዐብይ አህመድ የተሳፈሩበት የኢትዮጵያ አየር መንገድ አውሮፕላን ከደቂቃዎች በሁዋላ አዲስ አበባ ይደሳል ተብሎ ተጠበቃል፡፡የምስራቅ አፍሪካ የልማት በይነ መንግስታት ማህበር /ኢጋድ/ ኢትዮጵያና ኤርትራ ለመታረቅ መስማማታቸውን አደነቀ፡፡

ኤርትራንም ወደ ማህበሩ አባልነት ዳግም እንድትቀላቀል ጋብዟታል፡፡ሁለቱ አገራት መደበኛ ግንኙነታቸውን ለመጀመር መስማማታቸው ለሁለቱ አገራት ህዝቦች፣ ለቀጠናው አገራትና ለመላው አፍሪካ ሰላም መሆንና የኢኮኖሚ ውህደት አስተዋጽኦ እንደሚኖረው ኢጋድ ተናገሯል፡፡የማህበሩ ዋና ፀሐፊ ማህቡብ መአሊም የኢትዮጵያ ጠ/ሚኒስትር አብይ አህመድ በሁለቱ አገራት መካከል ሰላም ለማውረድ ሲባል ኢትዮጵያ አልጀርሱን ስምምነት ያለ አንዳች ቅድመ ሁኔታ እንድትቀበል ለተከተሉት በሳል አመራርና ድፍረት አድንቀዋል፡፡

ከኢትዮጵያና ኤርትራ የጀመሩትን የሰላም ጉዞ የምስራቅ አፍሪካ የልማት በይነ መንግስታት ማህበር /ኢጋድ/ ሙሉ ድጋፉን አጠናክሮ እንደሚቀጥልም ዋና ፀሐፊው ማህቡብ መአሊም ተናግረዋል፡፡ዋና ፀሐፊው ኤርትራ ኢጋድ ዳግም እንድትቀላቀልም ጋብዘዋል፡፡ኢትዮጵያና ኤርትራ ከሃያ አመታት በላይ ተቋርጦ የነበረውን ግንኙነታቸው ዳግም ለማስቀጠል ተስማምተዋል፡፡በወደብ ልማት በጋራ ለመስራት፣ በሁለቱም አገራት ኤምባሲዎቻቸውን ለመክፈት የአየር መንገድ በረራንም ለማስቀጠል ስምምነት ላይ ደርሰዋል፡፡በሁለቱ አገራት መካከል ተቋርጦ የነበረው የስልክ ግንኙነት ዳግም መጀመሩ ተሰምቷል፡፡

ንጋቱ ሙሉ

አስተያየት ይፃፉ (0 አስተያየት)

በኢትዮጵያ እና ኤርትራ ጦርነት ወቅት የተያዙ የጦር ምርከኞች እና እስረኞች ጉዳይን ጨምሮ ሌሎች ሁለቱ አገራት ትላንት የተስማሟቸውን ስምምነቶች የሚከታተል ብሔራዊ የቴክኒክ ኮሚቴ መቋቋሙ ተሰማ

በኢትዮጵያ እና ኤርትራ ጦርነት ወቅት የተያዙ የጦር ምርከኞች እና እስረኞች ጉዳይን ጨምሮ ሌሎች ሁለቱ አገራት ትላንት የተስማሟቸውን ስምምነቶች የሚከታተል ብሔራዊ የቴክኒክ ኮሚቴ መቋቋሙ ተሰማ፡፡የውጭ ጉዳይ ሚኒስትር ዶ/ር ወርቅነህ ገበየሁ ጠቅላይ ሚኒስትር አብይ አህመድ የኤርትራ ጉብኝት በኋላ ለጋዘጠኞች ማብራሪያ ሰጥተዋል፡፡

ዶ/ር ወርቅነህ እንዳሉት ሁለቱ አገራት ትላንት በፊርማቸው የተስማሟቸውን ስምምነቶች የሚከታተል ብሔራዊ የቴክኒክ ኮሚቴ ተቋቅሟል፡፡የተቋቋመው ብሔራዊ የቴክኒክ ኮሚቴ በሁለቱ አገራት ጦርነት ወቅት የተያዙ የጦር ምርከኞችንና እስረኞች ጉዳይ በተመለከተ ጥናት በማድረግ የውሳኔ ሀሳብ ያቀርባል ተብሏል፡፡
አስተያየት ይፃፉ (0 አስተያየት)

ኢትዮጵያ እና ኤርትራ የሰላም እና የወዳጅነት ስምምነት ተፈራረሙ

ኢትዮጵያ እና ኤርትራ የሰላም እና የወዳጅነት ስምምነት ተፈራረሙ፡፡ አምስት መሰረታዊ የስምምነት ነጥቦችን የያዘውን ይህን ስምምነት በዛሬው ዕለት ማለዳ በአስመራ ቤተ መንግሥት ጠቅላይ ሚኒስትር ዐብይ አህመድና ፕሬዝደንት ኢሳያስ አፈወርቂ ተፈራርመዋል፡፡ በዛሬው ዕለት በኢትዮጵያ እና በኤርትራ መካከል የተደረሰው ስምምነት እነዚህን 5 ነጥቦች ያካተተ ነው፡፡

1ኛ - በኢትዮጵያ እና ኤርትራ መካከል የነበረው ጦርነት አብቅቷል፡፡
2ኛ - ሁለቱ ሐገራት ጥብቅ ፖለቲካዊ፣ ኢኮኖሚያዊ፣ ማህበራዊ፣ ባህላዊ እና የደህንነት ትብብር እና ትስስር ይመሰርታሉ፡፡
3ኛ - የንግድ፣ የኢኮኖሚ እና የዲፕሎማሲ ግንኙነቶች በሁለቱ ሐገራት መካከል ይጀመራል፡፡
4ኛ - የድንበር ውሳኔው ተግባራዊ ይሆናል፡፡
5ኛ - ሁለቱ ሐገራት በአካባቢው የፀጥታ ጉዳዮች ላይ በጋራ ይሰራሉ፡፡
አስተያየት ይፃፉ (0 አስተያየት)

ጠቅላይ ሚኒስትር ዐብይ አህመድ የተመራው የኢትዮጵያ ልዑካን ቡድን ትላንት ማምሻውን በአስመራ ቤተ መንግሥት የእራት ግብዣ ተደርጎለታል

በትላንትናው ዕለት በአስመራ ደማቅ አቀባበል የተደረገለት በጠቅላይ ሚኒስትር ዐብይ አህመድ የተመራው የኢትዮጵያ ልዑካን ቡድን ትላንት ማምሻውን በአስመራ ቤተ መንግሥት የእራት ግብዣ ተደርጎለታል፡፡በአስመራ የተደረገውን ሞቅ ያለ አቀባበል አስመልክተው በጃፓን የኤርትራ አምባሳደር እስጢፋኖስ አፈወርቂ፣ በኤርትራ ይህን መሰል አቀባበል የተደረለት የሌላ ሐገር መሪ የለም ብለዋል፡፡

ጉብኝቱን ተከትሎ በኢትዮጵያ እና ኤርትራ መካከል ለዓመታት ተቋርጦ የነበረው የስልክ ግንኙነት ተጀምሯል፡፡ከዚህም በተጨማሪ ወደብ በጋራ ለመጠቀም፣ የሁለቱ ሐገራት አየር መንገዶች ወደ ሁለቱ ሐገራት በረራ እንዲጀምሩ፣ የሁለቱም ሐገራት ዜጎች እንደልባቸው በሁለቱ ሐገራት ተዘዋውረው መስራት እንዲችሉ ስምምነት ላይ ተደርሷል፡፡


አስተያየት ይፃፉ (0 አስተያየት)

ጠቅላይ ሚኒስትር አብይ አህመድ የአስመራ ጉዞ

ጠቅላይ ሚኒስትር አብይ አህመድ የአስመራ ጉዞ አስመልክቶ የተለያዩ የአለማችን መገናኛ ብዙሃን የዘገቡትን እና በትናንትናው እለት በአስመራ ቤተ መንግስት የተካሄደውን የእራት ግብዣ ላይ ሁለቱ መሪዎች ያስተላለፉትን መልዕክት አስፋው ስለሺ ተከታትሎታል

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ጠቅላይ ሚኒስትር ዐብይ አህመድ:- በውጪ ሃገር የሚኖሩ ኢትዮጵያውያንና ትውልደ ኢትዮጵያውያን

ጠቅላይ ሚኒስትር ዐብይ አህመድ በውጪ ሃገር የሚኖሩ ኢትዮጵያውያንና ትውልደ ኢትዮጵያውያን ወደ ሃገራቸው ፊታቸውን እንዲያዞሩና እንዴት መርዳት እንደሚችሉ ተናግረው ነበር፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ማህሌት ታደለ
አስተያየት ይፃፉ (0 አስተያየት)

ጠቅላይ ሚኒስትር ዐብይ አህመድ:-የትምህርት ጉዳዩ

ጠቅላይ ሚኒስትር ዐብይ አህመድ አስተያየት እንዲሰጡባቸው ከምክር ቤቱ አባሎች ከቀረቡላቸው ጥያቄዎች ውስጥ የትምህርት ጥራትን ይመለከታል፡፡ የትምህርት ጉዳዩ በጥልቀትና በትኩረት የሚከታተሉት ጉዳይ መሆኑን ጠቅሰዋል፡፡ በዚህ ዘርፍ የተናገሩትን በየነ ወልዴ እንዲህ ያቀርበዋል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ጠቅላይ ሚኒስተር ዐብይ አህመድ:- መንግስት ከአምራች ኢንዱስትሪዎች ይበልጥ የሚያበረታታቸው ግብዓታቸውን ከሃገር ውስጥ የሚያደርጉትን መሆኑን ተናግረዋል

ጠቅላይ ሚኒስተር ዐብይ አህመድ በሕዝብ እንደራሴዎች ምክር ቤት የ2011ን በጀት ለማፅደቅ በተጠራው ጉባኤ ላይ፣ መንግስት ከአምራች ኢንዱስትሪዎች ይበልጥ የሚያበረታታቸው ግብዓታቸውን ከሃገር ውስጥ የሚያደርጉትን መሆኑን ተናግረዋል፡፡ በኦዲት የተገኙ ክፍተቶችን ካለስተካከለ ስራ አስፈፃሚው ተጠያቂነት እንደማይቀርለት አረጋግጠዋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ትዕግስት ዘሪሁን
አስተያየት ይፃፉ (0 አስተያየት)

የኢትዮጵያ እና ኤርትራ ምሁራን አሁን የተፈጠረውን ምቹ ሁኔታ ተጠቅመው ለሁለቱ ሀገራት ግንኙነት መሻሻል የበኩላቸውን እንዲወጡ ተጠየቀ

የኢትዮጵያ እና ኤርትራ ምሁራን አሁን የተፈጠረውን ምቹ ሁኔታ ተጠቅመው ለሁለቱ ሀገራት ግንኙነት መሻሻል የበኩላቸውን እንዲወጡ ተጠየቀ፡፡ የኢትዮጵያ እና ኤርትራ የሠላም ኮሚቴ አባላት በእስካሁን ስራዎቻቸው እና ቀጣይ ዕቅዶቻቸው ዙሪያ ትናንት በሃርመኒ ሆቴል ጋዜጣዊ መግለጫ ሰጥተዋል፡፡የኮሚቴዎቹ አስተባባሪዎች እንዳሉት ነሃሴ ወር አጋማሽ ላይ የሁለቱም ሀገራት ምሁራን ጥናታዊ ፅሁፎች የሚያቀርቡበት አውደ ጥናት እዚህ አዲስ አበባ ውስጥ ይካሄዳል፡፡ በአውደ ጥናቱ የሚቀርቡት ፅሁፎች የሁለቱን ሀገራት ግንኙነት ለማሻሻል የሚረዱ እንደሚሆኑ በኢትዮጵያ በኩል የሠላም ኮሚቴው አስተባባሪ የሆኑት ፕሮፌሰር መድሃኔ ታደሠ ተናግረዋል፡፡

የሁለቱ ሀገራት መንግስታት ግንኙነታቸውን ለማሻሻል እርምጃዎች መውሰድ መጀመራቸው የኮሚቴዎቹን ጥረት የሚደገፍ ነውም ብለዋል፡፡አሁን ያለው ሁኔታ የኢትዮጵያ እና ኤርትራ ሙሁራን በነጻነት ተቀራርበው እንዲወያዩ የሚያስችል እንደሆነም ፕሮፌሰር መድሃኔ ተናግረዋል፡፡ምሁራን ያልተሳተፉበት የሠላም ጥረት ብዙም ውጤታማ ይሆናል ተብሎ እንደማይገመትም ተናግረዋል፡፡

በኤርትራ በኩል የሠላም ኮሚቴ አስተባባሪ የሆኑት አቶ ይስሃቅ ዮሴፍ በበኩላቸው በሁለቱ መንግስታት በኩል እየተደረጉ ያሉ ግንኙነትን የማሻሻል ጥረቶች - የህዝቡንም ፍላጎት ከግምት ባስገባ መልኩ ሊሆኑ ይገባቸዋል ብለዋል፡፡ለኢትዮጵያ እና ኤርትራ ህዝቦች እየተዘጋጀ ያለው የሠላም መዝሙርም ወደ መጠናቀቁ እንደሆነ በጋዜጣዊ መግለጫው ላይ ሲነገር ሠምተናል፡፡በአማርኛ እና ትግርኛ ቋንቋዎች የሚዘጋጀው ይህ መዝሙር በርካታ አርቲስቶች የሚሳተፉበት እንደሆነ በ ሴሌብሪቲ ኢቨንትስ አዘጋጅነት በተሰጠው በዚሁ ጋዜጣዊ መግለጫ ላይ ተነግሯል፡፡

ንጋቱ ረጋሳ
አስተያየት ይፃፉ (0 አስተያየት)
Sheger 102.1 AudioNow Numbers