• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአዲስ አበባ ከተማ አስተዳደር ለሕዝብ ቅሬታና ማስተናገጃ ጽህፈት ቤት አዲስ ሀላፊ ተሾመለት

የአዲስ አበባ ከተማ አስተዳደር ለሕዝብ ቅሬታና ማስተናገጃ ጽህፈት ቤት አዲስ ሀላፊ ተሾመለት፡፡ አስተዳደሩን ለከፍተኛ ውጥረት ዳርጎታል፣ የሚባለውን የህዝብ ከፍተኛ ቅሬታን እንዲከታተሉ የተመደቡት አቶ መኮንን አምባዬ ናቸው፡፡ አቶ መኮንን አምባዬ፣ በቅርብ ጊዜ የቁጠባ ቤቶች ልማት ኢንተርፕራይዝ ዋና ዳይሬክተር፣ ቀደም ብለውም የመሬት ልማትና ማኔጅመንት ቢሮ ምክትል ስራ አስኪያጅ ሆነው ሰርተዋል፡፡

የህዝብ ቅሬታ ማስተናገጃ ጽ/ቤት ቀደም ሲል በቢሮ ደረጃ ቢዋቀርም የህዝብ ጥያቄዎችን በተገቢው መንገድ አይፈታም እየተባለ ሲወቀስ ሰንብቷል፡፡ ከመሬት ነክ፣ ከመኖሪያ ቤቶችና ከይዞታ መፈናቀል ጋር፣ የተያያዙ ከሕዝብ የሚነሱ እጅግ በርካታ ጥያቄዎች መኖራቸው ይታወቃል፡፡ በተያያዘ ወሬ የኢትዮጵያ ሶማሌ ክልል አዳዲስ አመራሮችን ሾሟል፡፡

አዲሶቹ ተሿሚዎች አብኛዎቹ ቀደም ሲል በክልሉ በተለያዩ ሀላፊነቶች ተመድበው ሲሰሩ የቆዩ መሆናቸው ተሰምቷል፡፡ በምክር ቤቱ ሹመት ላይ በውጭ ሃገር የሚኖሩ የክልሉ ተወላጆች (ዲያስፖራዎች) በሹመቱ እንዲካተቱ ሀሳብ ቢቀርብም፣ ህግ ስለማይፈቅድ ሀሳቡ ውድቅ መደረጉ ታውቋል፡፡
አስተያየት ይፃፉ (0 አስተያየት)

ጠቅላይ ሚኒስትር ዐቢይ አህመድ አሰብን እየጎበኙ ነው

ጠቅላይ ሚኒስትር ዐቢይ አህመድ አሰብን እየጎበኙ ነው፡፡ በቻይና የአፍሪካ ትብብር ፎርም ለመካፈል ቤጂንግ የሰነበቱት ጠቅላይ ሚኒስትር ዐቢይ እግረ መንገዳቸውን ዛሬ ማለዳ ላይ አሰብ ወርደው ጎብኝተዋል፡፡ ጉብኝታቸው ከአሰብ እስከ ኢትዮጵያ የሚደርሰውን 71 ኪሎ ሜትር ያካተተ መሆኑ ተሰምቷል፡፡

ከኢትዮጵያ ሌላ፣ ሌሎች ሃገሮች ሊጠቀሙበት አማራጭ የማይሆነው፣ የአሰብ ወደብ የተወሰኑ ማስተካከያዎች ከተደረጉለት በአጭር ሳምንታት ወደስራ ይገባል ተብሎ ታምኖበታል፡፡ ጠቅላይ ሚኒስትሩ አጠገባቸው ላሉት ጋዜጠኞች የአሰብና የምፅዋ መንገዶችና ወደቦች ስራ ለመጀመር ዝግጁ ናቸው ብለው መናገራቸውን ሰምተናል፡፡

ጠቅላይ ሚኒስትር ዐቢይ አህመድ ዛሬ ከሰዓት በሁዋላ የምፅዋ ወደብንና አስመራን እንደሚጎበኙ የኤርትራው የማስታወቂያ ሚኒስትር የማነ ገብረመስቀል በቲዊተር ገፃቸው ጠቁመዋል፡፡ የኤርትራው ፕሬዝዳንት ኢሳያስ አፈወርቂ ጠቅላይ ሚኒስትር ዐቢይ አሰብ ሲደርሱ እንደተቀበሉዋቸውና አብረዋቸው እንዳሉ በመረጃው ላይ ተጠቅሷል፡፡
አስተያየት ይፃፉ (0 አስተያየት)

ከፍ ባለ የተስፋ ስሜት ከተጀመሩ ሜጋ ፕሮጀክቶች መካከል የስኳር ፋብሪካዎቻችን ይገኙበታል

ከፍ ባለ የተስፋ ስሜት ከተጀመሩ ሜጋ ፕሮጀክቶች መካከል የስኳር ፋብሪካዎቻችን ይገኙበታል፡፡ የፋብሪካዎቹ ግንባታ ማለቅ ከሚገባው እጅግ በመዝግየቱ ኢትዮጵያን ዋጋ አስከፍሏታል ተብሎ ተደጋግሞ ተነግሯል፡፡ በዚህ አመት ፕሮጀክቶቹ በፍጥነት እንዲጠናቀቁ በመንግስት የተወሰዱ እርምጃዎችንና በአሁኑ ወቅት ፋብሪካዎቹ ያሉበትን ደረጃ በተመለከተ ትዕግስት ዘሪሁን የሚከተለውን አሰናድታለች፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የስራ ማቆም አድማ መተው የነበሩት የታላቁ ህዳሴ ግድብ ሰራተኞች ወደ ስራ መመለሳቸውን የኢትዮጵያ ኤሌክትሪክ ሀይል ተናገረ

የስራ ማቆም አድማ መተው የነበሩት የታላቁ ህዳሴ ግድብ ሰራተኞች ወደ ስራ መመለሳቸውን የኢትዮጵያ ኤሌክትሪክ ሀይል ተናገረ፡፡ ስራ አቁመው የነበሩት የሲቪል ስራውን የሚሰራው የሳሊኒ ኮንስትራክሽን ሰራተኞች ነበሩ ተብሏል፡፡ የጥቅማ ጥቅም ጥያቄ ለሰራተኞቹ የስራ ማቆም መንስኤ እንደነበርም ተጠቅሷል፡፡ የኢትዮጵያ ኤሌክትሪክ ሀይል ዋና ስራ አስፈፃሚ ዶ/ር አብሃርም በላይ ቦታው ድረስ በመሄድ ሰራተኞቹን ማነጋገራቸው የመስሪያ ቤቱ የህዝብ ግንኙነት ሀላፊ አቶ ምስክር ነጋሽ ነግረውናል፡፡ ስራ አስፈፃሚው ከሳሊኒ ስራ አስኪያጅ ጋር በመሆን ሰራኞቹን በማናገር ጥያቄቸው መልስ ማግኘቱን ሰምተናል፡፡

ቅሬታ አቅራቢዎቹም ከአምስት ቀናት ስራ ማቆም በኋላ ከትላት በስቲያ ማለትም ነሐሴ 27 ቀን 2010 ስራቸውን ጀምረዋል ተብሏል፡፡ ስራ አቁመው የነበሩት ሙሉ በሙሉ ወደ መደበኛ ስራቸው መመለሳቸውንና የታላቁ ህዳሴ ግድብ ስራም እንደወትሮው መቀጠሉን ከአቶ ምስክር ሰምተናል፡፡ አቶ ምስክር አክለውም የኤሌክትሮሜካኒካልና የሀይድሮ ሲቪል ስትራክቸር ስራ የሚከውነው የብረታ ብረትና ኢንጂነሪግን ኮርፖሬሽን ሰራተኞች ስራ ማቆሙ ላይ ተሳታፊ እንዳልነበሩ ተናግረዋል፡፡

በየነ ወልዴ
አስተያየት ይፃፉ (0 አስተያየት)

ኢትዮጵያ ውስጥ የከተማነት ስያሜ ካገኙ 1600 ከተሞች መካከል የከተሞች ማስፋፊያ ፕሮግራም መስፈርቱን የሚያሟሉት 117ቱ ብቻ መሆናቸው ተነገረ

ኢትዮጵያ ውስጥ የከተማነት ስያሜ ካገኙ 1600 ከተሞች መካከል የከተሞች ማስፋፊያ ፕሮግራም መስፈርቱን የሚያሟሉት 117ቱ ብቻ መሆናቸው ተነገረ፡፡ የመጀመሪያው ምዕራፍ የከተሞች ማስፋፊያ ፕሮግራም በ2002 ዓ.ም ሲጀመር መስፈርቱን የሚያሟሉት ከተሞች ቁጥር 18 ብቻ የነበሩ ሲሆን በሁለተኛው ምዕራፍ የከተሞች ቁጥር ወደ 44 ማደጉ ተነግሯል፡፡ በከተማ አስተዳደር ደረጃ የከተማ ምክር ቤት ያላቸው፣ የማዘጋጃዊ ቤት አገልግሎት የሚሰጡ፣ በከንቲባ እና በከንቲባ ኮሚቴ የሚመሩ እና በመጨረሻው የህዝብና ቤት ቆጠራ ከ20 ሺህ በላይ ነዋሪ ያላቸው ከተሞች በማስፋፊያ ፕሮግራሙ እንዲካተቱ ይደረጋል ተብሏል፡፡

በ2011፣ 2ኛው ፕሮግራም ሲጠናቀቅ በሚጀመረው 3ኛው የከተሞች የማስፋፊያ መርሀ ግብር 117 ከተሞች እንዲካተቱ የተደረጉትም ይህንኑ መስፈርት በማሟላታቸው መሆኑን ሰምተናል፡፡ በ2ኛው የከተሞች ማስፋፊያ ፕሮግራም የኮብልስቶን መንገድ ንጣፍ ስራ፣ የደረቅ ቆሻሻ ማስወገጃ ቦታ ዝግጅት፣ የገበያ ማዕከላት ግንባታ፣ የፓርክና አረንጓዴ ልማት ስራን ጨምሮ የከተሞቹን ገፅታ የሚቀይሩ እና ከተሞቹን ለመኖሪያነት ምቹ ያደረጉ ተግባራት ተከናውነዋል ተብሏል፡፡

የተወሰኑ ክልሎችና ከተሞች ፕሮግራሙን የመንግስት አድርጎ ባለመውሰድ ያሳዩት የአፈፃፀም ክፍተት፣ የአመራር ቁርጠኝነት ማነስ እና ተመሳሳይ ችግሮች ፕሮግራሙን የበለጠ ውጤታማ እንዳይሆን አድርገውታል መባሉንም ሰምተናል፡፡ ከ2011 - 2015 በሚተገበረው 3ኛው መርሃ ግብር ከዚህ ቀደም የታዩ ክፍተቶችን በመሙላት የተመደበውን በጀት በአግባቡ ተግባር ላይ እንዲውል ለማድረግ እንደሚመራ ሶስተኛው ዙር የከተሞች ማስፋፊያ ፕሮግራም አስመልክቶ በተዘጋጀ አጀንዳ ጥናት ላይ ሲነገር ሰምተናል፡፡

ማህሌት ታደለ
አስተያየት ይፃፉ (0 አስተያየት)

ኢትዮጵያ ለወደብ አገልግሎት ከተወሰኑ ሃገራት ጋር በደረሰችው ስምምነት ብቻ ተገድባ መቆየት የለባትም ተባለ

ኢትዮጵያ ለወደብ አገልግሎት ከተወሰኑ ሃገራት ጋር በደረሰችው ስምምነት ብቻ ተገድባ መቆየት የለባትም ተባለ፡፡ ቀይ ባህርን በመጠቀም በአካባቢው ሃገራት መካከል የልማት ትስስር መፍጠር በሚቻልበት መንገድ ላይ ያተኮረ ውይይት በካፒታል ሆቴል እየተካሄደ ነው፡፡ በመለስ ዜናዊ ፋውንዴሽን በተዘጋጀው በዚሁ ውይይት ላይ የተለያዩ ምሁራን የመነሻ ጽሁፎች አቅርበዋል፡፡ የአፍሪካ ህብረት ከፍተኛ የፖለቲካ አማካሪ የሆኑት አቶ አብዱል መሀመድ የመነሻ ጽሁፍ ካቀረቡ ምሁራን አንዱ ናቸው፡፡

እሳቸው እንዳሉት በአፍሪካ ቀንድ አካባቢ የሚገኙ ወደቦች በአሁኑ ወቅት ሁለት ዋና ዋና ባህሪያት ይታዩባቸዋል፡፡ የመጀመሪያው በከፍተኛ ደረጃ ለወታደራዊ አገልግሎት ዝግጁ ሆኖ መገኘት ነው ብለዋል፡፡ 2ኛው ባህሪያቸው ደግሞ የወደቦቹን ድርሻ የመሸጥ አዝማሚያ እንደሆነ ተናግረዋል፡፡ እነዚህ አዝማሚያዎች የራሷ ወደብ ለሌላት ኢትዮጵያ የሚያስተላልፉት መልዕክት እንዳለም ጠቅሰዋል፡፡

ወደቦቻቸውን ለኢትዮጵያ አገልግሎት እንዲሰጡ የፈቀዱ አገራት አንድ ቀን ውሳኔያቸውን የሚቀይሩበት እድል ሊኖር ይችላል ብለዋል፡፡ኢትዮጵያ በዚህ ምክንያት ሊገጥማት ከሚችል የወደብ አገልግሎት አጣለው ስጋት መውጣት የምትችለው በርከት ካሉ አገራት ጋር ስምምነት ስትደርስ እንደሆነ አቶ አብዱል ተናግረዋል፡፡

ንጋቱ ረጋሳ
አስተያየት ይፃፉ (0 አስተያየት)

በነጭ ሳር ብሔራዊ ፓርክ ውስጥ የሚገኘውን ደን በመመንጠር ወደ ግል ይዞታነት ለመቀየር የተደረገው ሙከራ በቁጥጥር ስር ውሏል ተባለ

በነጭ ሳር ብሔራዊ ፓርክ ውስጥ የሚገኘውን ደን በመመንጠር ወደ ግል ይዞታነት ለመቀየር የተደረገው ሙከራ በቁጥጥር ስር ውሏል ተባለ፡፡ የማህሌት ታደለን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ሰሞኑን በቤኒሻንጉል ጉሙዝ ክልል ዳለቲ ከተማ በተፈጠረ ረብሻ የ11 ሰው ሕይወት ማለፉ ተሰምቷል

ሰሞኑን በቤኒሻንጉል ጉሙዝ ክልል ዳለቲ ከተማ በተፈጠረ ረብሻ የ11 ሰው ሕይወት ማለፉ ተሰምቷል፡፡ ንጋቱ ሙሉ በዚሁ ጉዳይ የክልሉን የኮሚኒኬሽን ጉዳይ ቢሮ ኃላፊ አነጋግሯቸዋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በተደጋጋሚ ላቀረብነው የደሞዝና የጥቅማ ጥቅም ጥያቄ ምላሽ አልተሰጠንም በሚል ባለፈው ሳምንት የሥራ ማቆም አድማ የመቱት የአየር ትራፊክ ተቆጣጣሪዎች ሁለተኛ አይለመደንም ብላችሁ ይቅርታ ካልጠየቃችሁ...

በተደጋጋሚ ላቀረብነው የደሞዝና የጥቅማ ጥቅም ጥያቄ ምላሽ አልተሰጠንም በሚል ባለፈው ሳምንት የሥራ ማቆም አድማ የመቱት የአየር ትራፊክ ተቆጣጣሪዎች ሁለተኛ አይለመደንም ብላችሁ ይቅርታ ካልጠየቃችሁ ወደ ሥራ ገበታችሁ አትመለሱም ተባልን ሲሉ ቅሬታቸውን ለሸገር ተናገሩ…ምህረት ሥዩም ዝርዝር አላት

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ጠቅላይ ሚኒስትር ዐቢይ አህመድ፣ ቻይና የታመነች አጋራችን ናት አሉ

ጠቅላይ ሚኒስትር ዐቢይ አህመድ፣ ቻይና የታመነች አጋራችን ናት አሉ፡፡ ጠቅላይ ሚኒስትር ዐቢይ የቻይናውን ፕሬዝዳንት ሺ ጂንፒንግ ባገኙዋቸው ጊዜ ለኢትዮጵያ እድገት ቻይና ለምታደርገው ድጋፍ እናመሰግናለን ብለዋቸዋል፡፡ ጠቅላይ ሚኒስትሩ ቻይና የምታደርገው ርዳታ ለኢትዮጵያ እድገትና ለምጣኔ ሐብቷ ተሃድሶ ውድ እገዛ ነው ሲሉ አድንቀዋል፡፡

ለሁለቱም ሃገሮች የሚጠቅመው ትብብራቸውን ማጠናከር መሆኑን እና ኢትዮጵያ ከቻይና ብዙ ልምዶችን ለመቅሰም እንደሚረዳት አስታውሰዋል፡፡ ፕሬዝዳንት ሺ ጂንፒንግም፣ ኢትዮጵያ በአፍሪካ ውስጥ ዓይነተኛዋ አጋራቸው መሆኗንና ሁለቱ ሃገሮች በአካባቢና በዓለም አቀፍ ጉዳዮች ግንኙነታቸውንና ትብብራቸው የመቀጠላቸውን አስፈላጊነት አናግረዋቸዋል፡፡ ጠቅላይ ሚኒስትር ዐቢይ፣ በቻይና አፍሪካ ትብብር ጉባኤ ላይ ለመገኘት ቤጂንግ ከደረሱ በሁዋላ የግብፅንና የሱዳንን ጨምሮ ሌሎችንም መሪዎች አግኝተው አነጋግረዋል፡፡
አስተያየት ይፃፉ (0 አስተያየት)

ለከተሞች ተቋማዊና መሰረተ ልማት ማስፋፊያ የሚውል የ850 ሚሊዮን ዶላር በጀት ተግባራዊ ሊደረግ ነው ተባለ

ለከተሞች ተቋማዊና መሰረተ ልማት ማስፋፊያ የሚውል የ850 ሚሊዮን ዶላር በጀት ተግባራዊ ሊደረግ ነው ተባለ፡፡ በጀቱ በመጪዎቹ 5 አመታት 117 የኢትዮጵያ ከተሞችን ተጠቃሚ እንደሚያደርግ የከተማ ልማትና ቤቶች ሚኒስቴር ተናግሯል፡፡ በእነዚው ከተሞች የሚኖሩ 6.6 ሚሊዮን ዜጎች ከመርሃ ግብሩ እንደሚጠቀሙ ተነግሯል፡፡

በጀቱ በአለም ባንክ የ600 ሚሊዮን ዶላር ብድር በፈረንሳይ ልማት ኤጀንሲ 11 ሚሊዮን ዶላር ድጋፍና ቀሪው ደግሞ በክልሎችና ከተሞች መዋጮ የሚሸፈን መሆኑን ሰምተናል፡፡ የከተማ ልማትና ቤቶች ልማት ሚኒስቴር ለ3 ዙር ተግባራዊ የሚያደርገውን የከተሞች ተቋማዊና መሰረተ ልማት ማስፋፊያ ፕሮግራም ማስጀመሪያ አውደ ጥናት እያካሄደ ነው፡፡

በአውደ ጥናቱ ምክትል ጠቅላይ ሚኒስትር ደመቀ መኮንንን ጨምሮ ከፌዴራልና ከክልሎች የሚመለከታቸው አካላት ተገኝተዋል፡፡ ባለፉት አመታት በነበሩት የ2 ዙር ፕሮግራሞች በከተሞች መሰረተ ልማት እንዲስፋፋ፣ የዜጎች የሥራ ዕድል እንዲጨምርና የከተሞች ምጣኔ ሐብት እንዲሻሻል እገዛ ያደረገ መሆኑን ሰምተናል፡፡

በየነ ወልዴ
አስተያየት ይፃፉ (0 አስተያየት)
Sheger 102.1 AudioNow Numbers