• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጠቅላይ ሚኒስትር ዐቢይ አህመድ በዛሬው ዕለት በግብፅ የውጭ ጉዳይ ሚኒስትር ሳሚ ሐሰን ሹክሪ የተመራውን የልዑካን ቡድን ተቀብለዋል

ጠቅላይ ሚኒስትር ዐቢይ አህመድ በዛሬው ዕለት በግብፅ የውጭ ጉዳይ ሚኒስትር ሳሚ ሐሰን ሹክሪ የተመራውን የልዑካን ቡድን ተቀብለዋል፡፡ የግብጹ ፕሬዝደንት አብዱል ፈታህ አልሲሲ የላኩላቸውንም መልዕክት መቀበላቸውን እንዲሁም ሁለቱ ወገኖች በበርካታ የሁለትዮሽ ጉዳዮች ላይ ፍሬያማ ውይይት ማድረጋቸውን የጠቅላይ ሚኒስትር ፅህፈት ቤት ሃላፊ አቶ ፍፁም አረጋ በትዊተር መልዕክታቸው አስታውቀዋል፡፡
አስተያየት ይፃፉ (0 አስተያየት)

የቀድሞው የሶማሌ ክልል ርዕሰ መስተዳድር አቶ አብዲ ሙሐመድ ኡመር እና ሌሎች ተጠርጣሪዎች ዛሬ ፍርድ ቤት ቀርበዋል

የቀድሞው የሶማሌ ክልል ርዕሰ መስተዳድር አቶ አብዲ ሙሐመድ ኡመር እና ሌሎች ተጠርጣሪዎች ዛሬ ፍርድ ቤት ቀርበዋል፡፡ አቶ አብዲ፣ የሴቶችና የህፃናት ጉዳዮች ቢሮ ሀላፊ የነበሩት ወይዘሮ ራሃማን፣ አቶ አብድረዛቅ አሚንና ሱልጣን መሀመድ በፌዴራሉ ከፍተኛ ፍርድ ቤት ልደታ ምድብ 19ኛ ጊዜያዊ ችሎት ቀርበዋል፡፡ አቶ አብዲና ሌሎች የክልሉ ከፍተኛ አመራሮች ባለፈው እሁድ ያለመከሰስ መብታቸው በክልሉ ምክር ቤት ከተነሳ በኋላ በቁጥጥር ስር መዋላቸው ይታወሳል፡፡ አቶ አብዲ ከትናንት በስትያ በቁጥጥር ስር የዋሉ ሲሆን ትናንት ቀሪዎቹ 6ቱ ከፍተኛ አመራሮች በቁጥጥር ስር መዋላቸው ተነግሩዋል፡፡

የፌዴራል ፖሊስ ኮሚሽን ኮሚሽነር ጀነራል ዘይኑ ጀማል የሰጡትን መረጃ ጠቅሶ የፌዴራል ዐቃቤ ሕግ በድረ ገፁ እንደገለፀው ከክልሉ ከፍተኛ አመራሮች በተጨማሪ በአብዲ መሀመድ ኡመር ጭምር እንደተቋቋመ የሚነገርለት “ሄጎ” የተሰኘ የወጣት ቡድን አባላትና አመራሮች ዝርዝር የመለየት ሥራ ተሰርቷል፡፡ ኮሚሽነር ጄኔራል ዘይኑ ለቢቢሲ እንደተናገሩት በሶማሌ ክልል የተለያዩ ቦታዎች በአንድ ቀን 96 ዜጎች በአሰቃቂ ሁኔታ ሲገደሉ ዋነኛ ተሳታፊዎች የሄጎ አባላት መሆናቸውን ተናግረዋል፡፡ በወንጀሉ ላይ እጃቸው አለበት ተብለው የተጠረጠሩ በቁጥጥር ስር የማዋሉ ስራም ይቀጥላል ተብሏል፡፡ ሰሞኑን የተያዙት አቶ አብዲና ሌሎች ከፍተኛ የክልሉ አመራሮች ፍርድ ቤት የቀረቡት በቅርቡ በጅግጅጋና ሌሎች የክልሉ አካባቢዎች በተፈፀመ ሰብዓዊ መብት ጥሰትና ሌሎችም ወንጀሎች ተጠርጥረው ነው፡፡

ትዕግስት ዘሪሁን
አስተያየት ይፃፉ (0 አስተያየት)

በ2010 ዓ/ም በኢትዮጵያ የነበረው አለመረጋጋት የኢንቨስትመንት ፍሰቱን እንደጎዳው የኢትዮጵያ ኢንቨስትመንት ኮሚሽን ተናገረ

በ2010 ዓ/ም በኢትዮጵያ የነበረው አለመረጋጋት የኢንቨስትመንት ፍሰቱን እንደጎዳው የኢትዮጵያ ኢንቨስትመንት ኮሚሽን ተናገረ፡፡ በበጀት አመቱ የኢትዮጵያ ቀጥተኛ ኢንቨስትመንት ከ2009 ዓ/ም ጋር ሲነፃፀር በቢሊየን የሚቆጠር ዶላር ቅናሽ ማሳየቱን ሰምተናል፡፡ ባለፈው አመት 4.1 ቢሊየን ዶላር ቀጥተኛ የውጪ ኢንቨስትመንት መገኘቱን ኮሚሽነሩ ዶ/ር በላቸው መኩሪያ አስረድተዋል፡፡

በ2010 ዓ/ም 4.6 ቢሊየን ዶላር ቀጥተኛ መዋለ ነዋይ ለመሳብ ቢታቀድም የተገኘው ካለፈው አመትም ያነሰ 3.7 ቢሊየን ዶላር መሆኑንና ለዚህም ዋናው ምክንያት በአገሪቱ የነበረው አለመረጋጋት እንደሆነ ተነግሯል፡፡ በተጨማሪም የውጪ ምንዛሬ እጥረት ኢንቨስትመንቱን አዳክሞታል ብለዋል ኮምሽነሩ፡፡ የዳንጎቴ ሲሚንቶ ፋብሪካ ስራ አስኪያጅ ግድያም በኢንቨስትመንቱ ላይ ከፍ ያለ አሉታዊ አስተዋፅኦ እንደነበረው ያስታወሱት ዶ/ር በላቸው በ2010 በጀት አመት አዳዲስ ኢንቨስትመንት ከመሳብ ይልቅ ሐገር ውስጥ ያሉት ተረጋግው እንዲቆዩ መሰራቱን ገልፀዋል፡፡

አምራች ኢንዱስትሪው በብዛት ግብአት ከውጪ የሚያመጣ በመሆኑ የነበረው የውጭ ምንዛሬ እጥረት አላፈናፍን ብሎት መቆየቱን ኮሚሽነሩ ዶክተር በላቸው ዛሬ በሰጡት ጋዜጣዊ መግለጫ ጠቁመዋል፡፡ኮሚሽኑ የ2010 ዓ/ም የስራ ክንውኑን በተመለከተ ዛሬ ለጋዜጠኞች በሰጠው ማብራሪያ፣ ስራ ከጀመሩ 6 ያህል የኢንዱስትሪ ፓርኮች የተገኘው የወጪ ንግድ 100 ሚሊየን ዶላር መድረሱን ኮሚሽነሩ አብራርተዋል፡፡ በኢንዱስትሪ ፓርኮቹ የተቀጠሩት ሰራተኞችም 55 ሺ መድረሳቸውን ሰምተናል፡፡

ትዕግስት ዘሪሁን
አስተያየት ይፃፉ (0 አስተያየት)

ቤት ጠባቂው ዶሮ

ለቤት ጥበቃ ውሻ ማሳደግ የተለመደ ነው፣ የፈረንሳይ ለጋሲዮኑ ቤት ግን የሚጠበቀው በዶሮ ነው ይለናል ወንድሙ ኃይሉ፡፡ ቴኩላ የሚሰኘው ይህ ዶሮ እያለ እዛች ጊቢ ድርሽ ማለት አይታሰብም፡፡ እየዘለለ ይናከሳል፡፡ ሰዎች ወደዛ ጊቢ ሲገቡ ልክ እንደውሻ ይህን ዶሮ ያዝልኝ ተብሎ ነው፡፡ ባለቤቱ ለዚህ ቤት ጠባቂ ሞገደኛ ዶሮ በቀን የ5 ብር በቆሎ መድበውለታል፡፡ ሙሉ ታሪኩን ያዳምጡ

አስተያየት ይፃፉ (0 አስተያየት)

በኢትዮጵያ በተለያዩ አካባቢዎች ተፈጥረው የነበሩ ግጭቶች በድርቅ ለተጠቁት ዜጎች በሚደረገው ድጋፍ ላይ ተፅዕኖ እንደፈጠረ ተነገረ

በኢትዮጵያ በተለያዩ አካባቢዎች ተፈጥረው የነበሩ ግጭቶች በድርቅ ለተጠቁት ዜጎች በሚደረገው ድጋፍ ላይ ተፅዕኖ እንደፈጠረ ተነገረ፡፡ ብሔራዊ የአደጋ ስጋት ስራ አመራር ኮሚሽን ከተለያዩ የሀገር ውስጥም ሆነ የውጪ አጋሮች ጋር በመሆን በኢትዮጵያ ድርቅ ለደረሰባቸው 7.8 ሚሊዮን ዜጎች ድጋፍ እያደረገ ሳለ ግጭቶች ድንገት በመከሰታቸው ሌላ ድጋፍ እንዲያደርግ መገደዱን ሌላ ተፅእኖ እንደሆነበት ተናግሯል፡፡

የኮሚሽኑ የኮሙኒኬሽን ዳይሬክቶሬት ዳይሬክተር አቶ ደበበ ዘውዴ ለሸገር ሲናገሩ አሁን በድርቅ ከተጠቁት 7.8 ሚሊየን ሰዎች በተጨማሪ ለ50 ሺህ የሶማሌ ክልል የግጭት ተፈናቃዮች ምግብና ምግብ ነክ ያልሆኑ ቁሳቁሶችን እያቀረብን ነው ብለዋል፡፡በጌዲዮና በምዕራብ ጉጂ ወደ ቀዬያቸው የተመለሱትን ዜጎች መልሶ የማቋቋሙ ስራ ተጠናክሮ ይቀጥላል ተብሏል፡፡

አቶ ደበበ እንደነገሩን በድርቅ ከተጠቁት ዜጎች 5.4 ሚሊዮኑ በመንግስት 1.79 ሚሊዮኑ በአለም ምግብ ፕሮግራም 1.5 ሚሊዮኑ ደግሞ መንግስታዊ ባልሆኑ ድርጅቶች ህብረት የምግብና ቁሳቁስ ድጋፍ እያገኙ ሲሆን ይህ ድጋፍ እስከ ታህሳስ 2011 ይቀጥላል፡፡በመኸር እርሻ ላይ ሰፊ ስራ በማከናወንም ድርቁን ለመቀነስ ጥረት እንደሚደረግ አቶ ደበበ ተናግረዋል፡፡

ወንድሙ ኃይሉ
አስተያየት ይፃፉ (0 አስተያየት)

ጠቅላይ ሚንስትር ዐብይ አህመድ በቻይና ቤጂንግ ከነሐሴ 28-29፤2010 የቻይና አፍሪካ የትብብር መድረክ ላይ ይገኛሉ

ጠቅላይ ሚንስትር ዐብይ አህመድ በቻይና ቤጂንግ ከነሐሴ 28-29፤2010 የቻይና አፍሪካ የትብብር መድረክ ላይ እንደሚገኙ፤በኢትዮጵያ ቀጥታ ልማት ላይ ቀዳሚ ከሆነችው ቻይና ፕሬዝዳንት ዢ ጂፒንግ እና ጠቅላይ ሚንስትር ሊ ኪያንግን ያነጋግራሉ መባሉን ከጠቅላይ ሚንስትር ጽህፈት ቤት ሀላፊው አቶ ፍፁም አረጋ የትዊተር ገፅ ተመልክተናል።
አስተያየት ይፃፉ (0 አስተያየት)

አቢሲኒያ ባንክ በአትሌት ሻለቃ ባሻ ዋሚ ቢራቱ ስም የሰየመውንና ፈረንሳይ ለጋሲዮን አካባቢ የከፈተውን ቅርንጫፍ ዛሬ አስመረቀ

አቢሲኒያ ባንክ በአትሌት ሻለቃ ባሻ ዋሚ ቢራቱ ስም የሰየመውንና ፈረንሳይ ለጋሲዮን አካባቢ የከፈተውን ቅርንጫፍ ዛሬ አስመረቀ፡፡ባንኩ ቅርንጫፉን አትሌት ዋሚ ቢራቱ በሕይወት እያሉ በ101 አመታቸው በስማቸው የሰየመው ስማቸው እንዲዘከርና የአገር ባለውለታነታቸው እንዲታወስ መሆኑን በሀላፊዎቹ በኩል ተናግረዋል፡፡አትሌት ሻለቃ ባሻ ዋሚ ቢራቱ በአትሌቲክስ ስፖርት በረጅም ርቀት ኢትዮጵያን በአለም መድረክ ያስተዋወቁ ናቸው፡፡

በሮም ኦሎምፒክ 42 ኪሎ ሜትር የማራቶን ውድድርን በባዶ እግሩ ሮጦ ሪከርድ በማሻሻል አለምን ጉድ ያሰኘው የአትሌት አበበ ቢቂላ አሰልጣኝም ነበሩ፡፡አቢሲኒያ ባንክ ለአገራችን ባለውለታ በሆኑ ሰዎች እና የታሪክ ኩነቶች ስም በርካታ ቅርንጫፎችን መክፈቱ በሥነ-ሥርዓቱ ላይ ተነግሯል፡፡በአትሌቲክስና እግር ኳሱ የስፖርት ዘርፍ በአትሌት አበበ ቢቂላና በክቡር ይድነቃቸው ተሰማ ቅርንጫፎችን ከፍቻለሁ ብሏል፡፡በዶ/ር ወልደመስቀል ኮስትሬ የሚሰየም አዲስ ቅርንጫፍም በቅርቡ እንደሚከፍት ተነግሯል፡፡ባንኩ ዛሬ በፈረንሳይ ለጋሲዮን አካባቢ የከፈተው ቅርንጫፉ 291ኛው እንደሆነም ሰምተናል፡፡

ንጋቱ ረጋሳ
አስተያየት ይፃፉ (0 አስተያየት)

አዲስ አበባ ውስጥ በቅርቡ የከተማ አስተዳደሩ ባደረገው ማጣራት የተገኙ ባለቤት አልባ ህንፃዎች እንዲሁም ታጥረው ያለ ግንባታ የተቀመጡ መሬቶች ለታለመላቸው ዓላማ እንዲውሉና ህዝብ እንዲጠቀምባቸው ይደረጋል ተባለ

አዲስ አበባ ውስጥ በቅርቡ የከተማ አስተዳደሩ ባደረገው ማጣራት የተገኙ ባለቤት አልባ ህንፃዎች እንዲሁም ታጥረው ያለ ግንባታ የተቀመጡ መሬቶች ለታለመላቸው ዓላማ እንዲውሉና ህዝብ እንዲጠቀምባቸው ይደረጋል ተባለ፡፡በአዲስ አበባ በተደረገው የማጣራት ስራ በርካታ ባለቤታቸው የማን እንደሆነ የማይታወቁ የተገነቡ ህንፃዎች፣ ታጥረው የተቀመጡ መሬቶች ማግኘቱን የከተማ አስተዳደሩ መናገሩን ይታወሳል፡፡አስተዳደሩ በተለያዩ ቡድኖች በ10ሩም ክፍለ ከተሞች ባደረገው ማጣራት ባለቤት አልባ ህንጻዎች፣ የታጠሩ ቦታዎች እና የከተማዋን የቤት እጥረት ለማቃለል የተገነቡት ኮንዶሚኒየም ቤቶች ደግሞ መኖሪያ ቤት ባላቸው ግለሰቦች ተይዘው ተገኝተዋል ተብሏል፡፡

የአዲስ አበባ ከተማ አስተዳደር በከተማዋ በህገ-ወጥ መንገድ የተያዙ መሬቶች የጋራ መኖሪያ ቤቶችና ሌሎች በማጣራት መንገድ የተገኙ ሀብቶችን በዝርዝር ለህዝብ ይፋ ይደረጋል ሲሉ በአዲስ አበባ ከንቲባ ማዕረግ ምክትል ከንቲባው ታከለ ኡማ ተናግረዋል፡፡እስከ መጪው አዲስ አመት ድረስም የማጣራት ስራው ተጠናቆ ብዙ ሀብት ይዘው ለድሃው ነዋሪ በተገነባ ቤት ያለ አግባብ ጥቅም የሚያገኙም በመኖራቸው ፍርድ እንዲያገኙ ይደረጋል ተብሏል፡፡የከተማ አስተዳደሩ ያቋረጠው የመሬትና መሬት ነክ ጉዳዮችም በመጪው መስከረም ይጀምራሉ መባሉን ሰምተናል፡፡

ምህረት ሥዩም
አስተያየት ይፃፉ (0 አስተያየት)

ኢትዮጵያ የገቢና የወጭ ንግዷን አመጣጥና እድገት ለማሳየት ምን መፍትሄ ታስቧል?

ኢትዮጵያ ባለፉት አምስት አመታት፣ ከወጭ ንግዷ ያገኘችው ገቢ እዚህ ግባ የሚባል አይደለም፡፡ ከውጭ ለምታስገባቸው ምርቶች የከፈለችው ገንዘብ ባለፉት አምስት አመት ከፍተኛ ጭማሪ አሳይቷል፡፡ ታዲያ የገቢና የወጭ ንግዷን አመጣጥና እድገት ለማሳየት ምን መፍትሄ ታስቧል፡፡ የንጋቱ ረጋሣን ዘገባ ያዳምጡ…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

እስካሁን ለምን የትምህርት ጥራትን ማስጠበቅ አልተቻለም?

ባለፉት አመታት ሲሰራበት የነበረው የትምህርት ፖሊሲ ክፍተት እንዳለበት ያረጋገጠው አዲሱ የትምህርትና ስልጠና ፍኖተ ካርታ የትምህርቱን ፖሊሲ እንደገና ለማረም ተዘጋጅቷል፡፡ ፍኖተ ካርታው በውይይት ዳብሮ የራሱንም ክፍተት አርሞ ተግባራዊ ለማድረግ ታቅዷል፡፡ በውይይቱ ላይ በትምህርት ዘርፍ ባለሙያ የሆኑትና ትምህርት ሚኒስቴርም ሲመሩ ከነበሩትና የአሁኑም መሪዎች ተገኝተዋል፡፡ ከእነርሱም መካከል የቀድሞዋ የትምህርት ሚኒስቴር ወ/ሮ ገነት ዘውዴ ይገኙበታል፡፡ በየነ ወልዴ እስካሁን ለምን የትምህርት ጥራትን ማስጠበቅ አልተቻለም ሲል ጠይቋቸዋል፡፡ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ጀርድ ሙለር:- የጀርመን መንግስት የ100 ሚሊየን ዩሮ ድጋፍ እንዳደረገ...

የገንዘብና ኢኮኖሚ ሚንስትር አቶ አብርሀም ተከስተ ከጀርመን መንግስት የኢኮኖሚ፣ ትብብር እና ልማት ሚንስትር ጀርድ ሙለር ጋር ተወያይተው በስልጠና እና የስራ ፈጠራ ጉዳዮች ላይ መስራት የሚቻልበትን ፊርማ ተፈራርመዋል። በተጨማሪም የጀርመን መንግስት የሙያ እና ቴክኖሎጂ ድጋፍ እንደሚያደርግ ከገንዘብና ኢኮኖሚ ሚኒስቴር የትዊተር ገፅ ለመረዳት ችለናል።

በስምምነቱ መሰረት የጀርመን መንግስት የ100 ሚሊየን ዩሮ ድጋፍ እንዳደረገ ሰምተናል።

በተያያዘ ወሬ ጠቅላይ ሚንስትር ዐብይ አህመድ ጀርድ ሙለርን በጽህፈት ቤታቸው ተቀብለው አነጋግረዋቸዋል፤የጀርመን መንግስት ለኢትዮጵያ በተለያዩ መስኮች የምታደርገውን ያልተቋረጠ ድጋፍ እንዳመሰገኑ እና ነባር ግንኙነቱን አጠናክረው ለመቀጠል በሚቻልበት መንገድ ላይ መምከራቸውን ከጠቅላይ ሚንስትር ጽህፈት ቤት ሀላፊው አቶ ፍፁም አረጋ ተመልክተናል።
አስተያየት ይፃፉ (0 አስተያየት)
Sheger 102.1 AudioNow Numbers