• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ገቢዎችና ጉምሩክ ባለሥልጣን ለመኖሪያም ሆነ ለንግድና ለድርጅት ቤት የሚያከራዩ ግለሰቦች አብዛኛዎቹ ለመንግሥት ተገቢውን ግብር እየከፈሉ አይደለም አለ

የኢትዮጵያ ገቢዎችና ጉምሩክ ባለሥልጣን ለመኖሪያም ሆነ ለንግድና ለድርጅት ቤት የሚያከራዩ ግለሰቦች አብዛኛዎቹ ለመንግሥት ተገቢውን ግብር እየከፈሉ አይደለም አለ፡፡ከኪራይ ገቢያቸው ግብር ለመክፈል ውላቸውን ወደ ግብር ሰብሣቢ ድርጅቱ የማያመጡ እንዳሉም አውቃለሁ ያለው ባለሥልጣን መሥሪያ ቤቱ ማከራየታቸውን አውቀው ውል የሚያቀርቡትም ቢሆን አብዛኛዎቹ የሚያገኙትን ገቢ ይደብቃሉ ብሏል፡፡

በባለሥልጣኑ የአዲስ አበባ ቅርንጫፍ ጽ/ቤቶች ድጋፍና ክትትል ዳይሬክተር የሆኑት አቶ አትክልት ገብረእግዚአብሔር ለሸገር እንደተናገሩት በ2009 ዓ.ም በቤት ኪራይ የሚገኝ ገቢ ላይ የሚሰበሰብን ግብር ውጤታማ ለማድረግ እየተሰራ ነው ብለዋል፡፡አከራዮች ከሚያገኙት ገቢ ግብር እንዲከፍሉና መንግሥትም ማግኘት ያለበትን ገቢ እንዳያጣ አከራዮች በህጉ መሠረት ግብራቸውን እንዲከፍሉ እርምጃ መውሰድ እንደሚጀምርም ባለሥለጣን መሥሪያ ቤቱ ለሸገር ተናግሯል፡፡

ተኅቦ ንጉሴ

አስተያየት ይፃፉ (0 አስተያየት)

አንበሳ የከተማ አውቶብስ በጥናት ላይ የተመሠረተ የሠራተኛ ድልድል አካሄድኩ አለ

አንበሣ የከተማ አገልግሎት ድርጅት አዲስ ባሥጠናሁት መዋቅር መሠረት ደለደልኩ አለ፡፡ የድልደላውን ውጤት ባለፈው አርብ ሠራተኞቹ እንዲያውቁት ማድረጉን ሰምተናል፡፡ ከሦስት ሺ አንድ መቶ የሚበልጡ የድርጅቱ ሠራተኞች በአዲሱ መዋቅር መሠረት መደልደላቸውን የድርጅቱ ዋና ሥራ አስኪያጅ አቶ አለምነው ጌትነት ነግረውናል፡፡

ምደባውን ተከትሎ ቅሬታ ያላቸው ሰራተኞች ካሉ ይህንኑ እንዲያቀርቡ ጊዜ ተሰጥትቸዋልም ብለዋል፡፡ የቅሬታ ማቅረቢያ ጊዜው እስከ ነገ እንደሚቆይም ሰምተናል፡፡ አንበሣ የከተማ አገልግሎት ድርጅት አዲስ ምደባ ያካሄደው የተወዳዳሪነት አቅሙን ለማሣደግ ነው ተብሏል፡፡ የትምህርት ዝግጅት ፣ የሥራ አፈፃፀም ብቃት ሥነ-ምግባር ፣ የአገልግሎት ዘመንና የማህደር ጥራት ምደባውን ለማካሄድ ግምት ውስጥ የገቡ መስፈርቶች ናቸው ተብሏል፡፡ አንበሣ የከተማ አውቶብስ አገልግሎት ድርጅት በአንድ መቶ አራት መስመሮች አገልግሎት እየሰጠ ይገኛል፡፡ ድርጅቱ አገልግሎት እየሰጠ ያለው በአራት መቶ ስልሣ አውቶብሶች ነው፡፡
አስተያየት ይፃፉ (0 አስተያየት)

ታህሳስ 1፣2009 የሸገር ወሬዎቻችን

  • የአዲስ አበባ ከተማ አስተዳደር 8 የቢሮ ኃላፊዎች ሾሟል ፣ ምክትል ከንቲባው እንዳሉ እንዲቀጥሉ ሲወሰን ፤ የ7 ቢሮ ኃላፊዎች እንዲሰናበቱ ውሣኔ አሳልፏል፡፡ህይወት ፍሬስብሃት 
  • በኢትዮጵያ የእንስሣት መድኃኒት ፋብሪካ ሊገነባ ነው፡፡ ወንድሙ ኃይሉ
  • ኢትዮጵያ የስነ-ምግብ ስርአትን ለማስተካከል ጠንክራ እየሰራች መሆኑን ቀዳሚዋ እመቤት ወ/ሮ ሮማን ተስፋዬ ተናግረዋል፡፡ ህፃናት ልጆቻችሁ 2 አመት እስኪሞላቸው ድረስ የተመጣጠነ ምግብ በመመገብ ከሚደርስባቸው ችግሮች ታደጓቸው ተብላችኋል፡፡ አስፋው ስለሺ
  • አንበሳ የከተማ አውቶብስ በጥናት ላይ የተመሠረተ የሠራተኛ ድልድል አካሄድኩ አለ፡፡ ንጋቱ ረጋሣ
  • የአዲስ አበባ ከተማ አስተዳደር ከፈረንሣይ መንግሥት ቀደም ሲል የተፈቅዶለት የዘገየው የልማት ማከናወኛ ብድር ተለቀቀለት፡፡ ተኅቦ ንጉሴ
  • ቶታል ኢትዮጵያ የነዳጅ ቅሸባን የምታነፈንፍ መኪና ለተልዕኮ አሰልፌያለሁ አለ፡፡ ምሥክር አወል
  • ለመኖሪያና ለአገልግሎት ቤት ከሚያከራዩት አብዛኞቹ የግብር ግዴታቸውን እየተወጡ አለመሆኑ ተሠማ፡፡ ትዕግሥት ዘሪሁን
አስተያየት ይፃፉ (0 አስተያየት)

በመጭው አመት የሚካሄደውን የህዝብና ቤት ቆጠራ በዘመናዊ ቴክኖሎጂ የታገዘ ለማድረግ የሚያስችል መሳሪያ ሊገዛ ነው ተባለ

በመጭው አመት የሚካሄደውን የህዝብና ቤት ቆጠራ በዘመናዊ ቴክኖሎጂ የታገዘ ለማድረግ የሚያስችል መሳሪያ ሊገዛ ነው ተባለ፡፡በመንግሥት ግዥና ንብረት ማስወገድ አገልግሎት አማካኝነትም 180 ሺህ ፓወር ባንክ ታብሌት ለመግዛት ውስን ጨረታ ወጥቶ በዛሬው እለት 7 ተጫራቾች በተገኙበት የቴክኒክ ሰነዱ መከፈቱን ሰምተናል፡፡

ከተጫራቾች መካከል ስድስቱ የውጭ ሃገር ኩባንያዎች ሲሆኑ አንዱ የሃገር ውስጥ ነው ተብሏል፡፡እስከ መጭው ሚያዝያ 30 ድረስ እቃዎቹ ተገዝተው ሃገር ቤት መግባት ያለባቸው ሲሆን በመጭው አመት መጀመሪያ ለሚጀመረው የህዝብና ቤት ቆጠራ አገልግሎት የሚሰጡ ይሆናል፡፡በመጭው አመት የሚካሄደው የኢትዮጵያ የህዝብና ቤት ቆጠራ አራተኛው ነው፡፡

ትዕግስት ዘሪሁን

አስተያየት ይፃፉ (0 አስተያየት)

ኢትዮጵያ በግብርና ምርት በአለሙ ገበያ ተወዳዳሪ ያልሆነችበት ዋናው ምክንያት የጥራት ጉድለትና የሰርተፍኬሽን አለመኖር ነው ተባለ

ኢትዮጵያ በግብርና ምርት በአለሙ ገበያ ተወዳዳሪ ያልሆነችበት ዋናው ምክንያት የጥራት ጉድለትና የሰርተፍኬሽን አለመኖር ነው ተባለ…በዚህም ሳቢያ ኢትዮጵያ ለመካከለኛው ምሥራቅና አውሮፓ ቅርብ ብትሆንም እንደነ ብራዚል ያሉ ሩቅ ያሉ ሀገሮች ገበያውን እወሰዱባት ነው ተብሏል፡፡

የኢትዮጵያ ግብርና ምክር ቤት ባወጣው መረጃ እንዳለው ኢትዮጵያ ወደ ውጪ ከምትልከው የግብርና ምርት 22 በመቶ ቡና፣ 23 በመቶው ደግሞ ሰሊጥ እና 8 በመቶ መጠን ደግሞ ጥራጥሬ ነው፡፡ይህም 40 በመቶ የሚሆነውን የኢትዮጵያ ገቢ ይሸፍናል፡፡ኢትዮጵያ የግብርና ምርት ገቢን ለማሳደግም የግብርና ዘር ጥራትንና ቁጥጥር የሚያደርግና የሚያረጋግጥ አንድ ተቋም በአስቸኳይ ሊቋቋም ይገባል ተብሏል፡፡

ተቋሙም የዘር ምዝገባና የዘር ጥራት ቁጥጥር የዕፅዋት ቁጥጥር ፍተሻ አና የግብርና ኬሚካሎችን እና ማዳበሪያ ጥራት ደረጃን የሚፈትሽ ይሆናልም ተብሏል፡፡ኢትዮጵያ ከውጩ በሚመጡ ዝርያዎች ሳቢያ የግብርና ምርቶቿ የበሽታ ስጋት ላይ እንደሆኑ መነገሩ ይታወሳል፡፡

ዮሐንስ የኋላወርቅ

አስተያየት ይፃፉ (0 አስተያየት)

ትውልደ ኢትዮጵያ ቤተ እሥራኤሎች ደም እንዳይለግሱ ተጥሎ የቆየው ዕገዳ ብዙ ክርከር የፈጠረ ነው፡

ትውልደ ኢትዮጵያ ቤተ እሥራኤሎች ደም እንዳይለግሱ ተጥሎ የቆየው ዕገዳ ብዙ ክርከር የፈጠረ ነው፡፡ነገሩ ከዘር መድልኦ ጋር ተገናኝቶ ሲያወዛግብም ከርሟል፡፡ስለ ጉዳዩ የተጋለጠው ከ20 ዓመት በፊት “ማ አሪቭ” የተባለ የሀገሪቱ ጋዜጣ ትውልደ ኢትዮጵያ ቤተ እሥራኤሎች የሚለግሱት ደም እነሱ ሳያውቁት እንደሚወገድ ከፃፈ በኋላ ነው፡፡

የእሥራኤል መንግሥት በበኩሉ የኤች.አይ.ቪ ኤድስ ስርጭት ከፍተኛ በሆነባቸው አካባቢዎች ለአንድ ዓመትና ከዚያ በላይ ለሆነ ጊዜ የኖሩ ዜጐች ደም እንዳይለግሱ የጣልኩት ዕገዳ ነው ብሏል፡፡የኤች አይ ቪ ኤድስ ስርጭት ከፍተኛ የሆነባቸው አካባቢዎች ተብለው የተለዩት ከሰሃራ በስተደቡብ ያሉ የአፍሪካ እንዲሁም የደቡብ ምሥራቅ እስያና የካሪቢያን ሀገራት ናቸው፡፡

ትውልደ ኢትዮጰያ ቤተ እሥራኤሎችም ደም እንዳይለግሱ የተከለከለው በዚሁ ምክንያት ነው ብሎ ነበር፡፡አሁን ይህ እገዳ መነሳቱን የእሥራኤል የጤና ጥበቃ ሚኒስቴር ይፋ አድርጓል፡፡ውሣኔው በእሥራኤል መንግሥት ተቃዋሚዎች መወደሱን ስለ ጉዳዩ የፃፈው ታይምስ ኦፍ እሥራኤል አስፍሯል፡፡ የተቃዋሚው መሪ ይስሃቅ ሔርዞግ በተቋም ደረጃ ትውልደ ኢትዮጵያ ቤተ እሥራኤሎች ላይ ሲፈፅም የቆየው መድልኦ መቅረቱ አስደስቶናል እንዳሉ ጋዜጣው ፅፏል፡፡

ከሠላሣ ዓመት ለሚበልጥ ጊዜ በትውልደ ኢትዮጵያ ቤተ እሥራኤሎች ላይ ተጥሎ የቆየ ዕገዳ እንደሆነ ሔርዞግ ማስታወሳቸውንም ጠቅሷል፡፡በእሥራኤል ከአንድ ዓመት በታች ለሆነ ጊዜ የኖሩ ትውልደ ኢትዮጵያ ቤተ እሥራኤሎች ግን አሁንም ደም መለገስ አይችሉም ተብሏል፡፡ትውልደ ብሪታንያ ቤተ እሥራኤሎችም በጎርጎሮሣውያኑ አቆጣር ከ1980 እስከ 1996 ባሉ ዓመታት ደም እንዳይለግሱ ተመሳሳይ ዕገዳ ተጥሎባቸው እንደነበር ጋዜጣው አስታውሷል፡፡

ንጋቱ ረጋሳ

አስተያየት ይፃፉ (0 አስተያየት)

ኀዳር 30፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ወደ ሀገር ውስጥ የሚገቡ ምርቶች ወዲያው ለፍጆታ የሚውሉ ከሆነ ኢኮኖሚውን ይጐዳሉ ተባለ፡፡ (ተኅቦ ንጉሴ)
  • የኢትዮጵያ ኤርፖርቶች ድርጅት መስማት ለተሳናቸው ደንበኞችም የምልክት ቋንቋ በመጠቀም አገልግሎት መስጠት ልጀምር ነው አለ፡፡ (ንጋቱ ረጋሣ)
  • ሐረር የስሟን ገናናት እና ታሪካዊነቷን ያህል በቱሪዝሙ ዘርፍ በሚፈለገው መጠን እየተጠቀመች አይደለም ተባለ፡፡ (ምስክር አወል)
  • ከአንድ አመት በላይ የተጓተተው የመገጭ ሰርባ መስኖ ልማት በተያዘው ዓመት ይጠናቀቃል ተባለ፡፡ (ዮሐንስ የኋላወርቅ)
  • በእሥራኤል ትውልደ ኢትዮጵያውያን ቤተ እሥራኤሎች ደም እንዳይለግሱ ተጥሎባቸው የነበረ እገዳ ተነሳላቸው ተባለ፡፡ (ንጋቱ ረጋሣ)
  • ከጥቃቅንና አነስተኛ ወደ መካከለኛ ኢንዱስትሪ የተሸጋገሩ ተቋማት የብድር አገልግሎት ሊያገኙ ነው ተባለ፡፡ (አስፋው ስለሺ)
  • ከዓመት በፊት በተፈፀመ የሰው መግደል ወንጀል ጥፋተኝነቱ የተረጋገጠ ግለሰብ በሌለበት የእሥራት ቅጣት ውሣኔ ተላለፈበት፡፡ (ምህረት ስዩም)
  • የግንባታ ማሽኖችና የሕዝብ መጓጓዣ ተሽከርካሪዎችን ለማስገባት የውጭ ምንዛሪ እክል ለሆነባቸው ኢትዮጵያውያን መፍትሄ አለኝ የሚል የውጭ ኩባንያ መግባቱ ተሠማ፡፡ (የኔነህ ሲሣይ)
  • በኢትዮጵያ የግዙፍ ኤርፖርት ግንባታ የመንግሥትን ውሣኔ እየተጠባበቀ መሆኑ ተሠማ፡፡ (ሕይወት ፍሬስብሃት)
  • ኢትዮጵያ በግብርና ምርት በዓለሙ ገበያ ተወዳዳሪ ያልሆነችበት ዋናው ምክንያት የጥራት ጉድለትና የሰርተፍኬሽን አለመኖር ነው ተባለ፡፡ (ዮሐንስ የኋላወርቅ)
  • በመጭው አመት የሚካሄደውን የህዝብና ቤት ቆጠራ በዘመናዊ ቴክኖሎጂ የታገዘ ለማድረግ የሚያስችል መሳሪያ ሊገዛ ነው ተባለ፡፡ (ትዕግሥት ዘሪሁን)
አስተያየት ይፃፉ (0 አስተያየት)

በአዲስ አበባ ቦሌ ሰሚት ድልድይ ላይ ዛሬ ጠዋት 70 ተማሪዎችን የጫነ የሳፋሪ አንደኛና ሁለተኛ ደረጃ ትምህርት ቤት የተማሪዎች ሰርቪስ ተገለበጠ

በአዲስ አበባ ቦሌ ሰሚት ድልድይ ላይ ዛሬ ጠዋት 70 ተማሪዎችን የጫነ የሳፋሪ አንደኛና ሁለተኛ ደረጃ ትምህርት ቤት የተማሪዎች ሰርቪስ ተገለበጠ…በመኪና ውስጥ ከነበሩ 70 ተማሪዎች አስሩ ከባድ የአካል ጉዳት ገጥሟቸው ወደ ሚኒልክና የካቲት ሆስፒታሎች እንዲሁም ወደ ኮተቤ ጤና ጣቢያ ለህክምና ተወስደዋል፡፡

የአካል ጉዳት ያጋጠማቸውን ተማሪዎች ወደ ህክምና የወሰደው የእሣትና ድንገተኛ አደጋዎች መከላከያና መቆጣጠሪያ ባለሥልጣን አንቡላንስ ነው ተብሏል፡፡የባለሥልጣኑ የህዝብ ግንኙነት ባለሙያ አቶ ንጋቱ ማሞ ለሸገር ሲናገሩ ዛሬ ከጠዋቱ 1 ሰዓት ከ30 በተገለበጠው መኪና ውስጥ የነበሩትና መጠነኛ መጫጫር ያጋጠማቸው ስልሣዎቹ ተማሪዎች ደግሞ ወደየቤታቸው ተመልሰዋል፡፡

የሳፋሪ አንደኛና ሁለተኛ ደረጃ ትምህርት ቤት ባለቤት አቶ እዬብ አየለ መኪናውን በኮንትራት አምጥተነው ለሰርቪስ አገልግሎት የምንጠቀምበት ነው ያሉ ሲሆን ከአደጋው በኋላ አሽከርካሪው የቴክኒክ ችግር አጋጥሞኝ ነበር በማለት ነግሮኛል ብለዋል፡፡በሌላ የአደጋ መረጃ ትላንት በየካቲት 12 ሆስፒታል የተነሣ የእሳት አደጋ መድኃኒቶችን አቃጠለ ተባለ፡፡

ከእሣትና ድንገተኛ አደጋዎች መከላከያና መቆጣጠሪያ ባለሥልጣን የህዝብ ግንኙነት ባለሙያው አቶ ንጋቱ ማሞ ለሸገር ሲናገሩ ትላንት በአራዳ ክፍለ ከተማ ወረዳ 6 ውስጥ ባለው የካቲት 12 ሆስፒታል የመድኃኒት መጋዘን ላይ የተነሣው እሣት የዋጋ ግምታቸው ለጊዜው ያልታወቀ የተለያዩ መድኃኒቶችን አጥፍቷል ብለዋል፡፡

ትላንት ከቀኑ 7 ሰዓት ከ50 ደቂቃ በሆስፒታሉ የመድኃኒት መጋዘን ላይ የተነሣውን እሣት ለማጥፋት በሁለት ከባድ መኪኖች ስድስት ሺ ሌትር ውሃ ተጠቅመናል ከተሰማሩት 13 የአደጋ ተከላካይ ሠራተኞቻችን ውስጥ አንዱ በእሣቱ መጠነኛ ጉዳት ገጥሞታል ያሉት አቶ ንጋቱ እሣቱን ለማጥፋት አርባ ደቂቃዎች ፈጅቶብናል በማለትም ነግረውናል፡፡የእሣት አደጋው መንስኤ ምንድነው የሚለውን ለማወቅ ፖሊስ በማጣራት ላይ ነው ተብሏል፡፡

ወንድሙ ኃይሉ

አስተያየት ይፃፉ (0 አስተያየት)

ኀዳር 29፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በአፍሪካ ቀዳሚ የስንዴ አምራች የሆነችው ኢትዮጵያ ባለፈው ዓመት ከውጭ አገር ገዝታ ያስገባች የስንዴ ምርት ብዛት ታይቶ የማይታወቅ ነበር ተባለ፡፡ (ንጋቱ ሙሉ)
  • አዲስ አበባ ዛሬ በፍጥነት የሚያገግሙ 100 ከተሞች የሚል  ስያሜ ያለው አለም አቀፍ ዐውደ ጥናት እንደምታስተናግድ ተነገረ፡፡ (ምህረት ስዩም)
  • ለግብርና ልማት በሚውል መሬት አሰጣጥ ላይ ሲስተዋሉ የቆዩ ችግሮች ጥናት ተጠናቆ ለከፍተኛ የመንግሥት አካል ቀረበ፡፡ (ዮሐንስ የኋላወርቅ)
  • የሳፋሪ ትምህርት ቤት የተማሪዎች መጓጓዣ ሰርቪስ ተገልብጦ በ10 ተማሪዎች ላይ ጉዳት ደረሰ፡፡ በየካቲት 12 ሆስፒታል የተነሳ እሳትም ንብረት አጥፍቷል፡፡ (ወንድሙ ኃይሉ)
  • 11ኛው የብሔር ብሔረሰቦች በዓል በሐረር በድምቀት ተከበረ፡፡ 12ኛውን ለማሰናዳት ወር ተረኝነቱን የአፋር ክልል ተረክቧል፡፡ (የኔነህ ሲሣይ)
  • በአዲስ አበባ እየተገነቡ ላሉ የጋራ መኖሪያ ቤቶች በቀን ከ150 በላይ በሮች እየተመረቱ  ነው ተባለ፡፡ (ንጋቱ ረጋሣ)

 

አስተያየት ይፃፉ (0 አስተያየት)

ኅዳር 28፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ውሃና ፍሳሽ ባለሥልጣን አዲስ አበባን በፍሳሽ አወጋገድ ሊያዘምናት የሚችል የፍሳሽ መስመር እየዘረጋሁላት ነው፤ ግንባታው ባቀድኩት መልኩ እንዳይሄድ የወሰን ማስከበር ስራና የመሬቱ አለትነት አስቸግሮኛል አለ፡፡ (አስፋው ስለሺ)
  • የኢትዮጵያ የጥጥ ምርት መጠን ለጨርቃ ጨርቅ ኢንዱስትሪዎቿ በቂ ባይሆንም  ሙሉ ለሙሉ ጥቅም ላይ እንደማይውል ተነገረ፡፡ (የኔነህ ሲሣይ)
  • አቤት ሆስፒታል ድንገተኛ አደጋ ገጥሟቸው ለህክምና ከሚመጡት የትራፊክ አደጋ ተጐጂዎች የበዙ ናቸው አለ፡፡ (ወንድሙ ኃይሉ)
  • የኢትዮጵያ በጐ አድራጐት ድርጅቶችና ማህበራት መድረክ ስራዬ በሰብአዊ መብት ላይ የሚሰሩ ማህበራትና ድርጅቶችን አስተባብሮ በኢትዮጵያ በሚወጡ ህጐችና ፖሊሲዎች ላይ ሚና እንዲኖራቸው ማድረግ ሆኖ ሳለ ሁለተኛው ብሔራዊ የሰብአዊ መብት የድርጊት መርሃ-ግብር ሲረቀቅ አልተጋበዝኩም፣ ኃሣቤንም አልሰጠሁም አለ፡፡(ትዕግስት ዘሪሁን)
  • የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች፡፡(ምስክር አወል)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ኀዳር 27፣2009

በለዛ ብርሀኑ ድጋፌ ከነርስ/የስነ ምግብ እና የምግብ ሳይንስ ባለሙያው አቶ አንለይ ተፈራ ጋር

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (1 Comment)
Sheger 102.1 AudioNow Numbers