• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የመንግሥት ባለ በጀት መሥሪያ ቤቶች በህዝብ ገንዘብ ቅንጡ ተሽከርካሪዎችን እንዳይገዙ፣ ድል ያለ ድግስ እንዳይደግሱና...

የመንግሥት ባለ በጀት መሥሪያ ቤቶች በህዝብ ገንዘብ ቅንጡ ተሽከርካሪዎችን እንዳይገዙ፣ ድል ያለ ድግስ እንዳይደግሱና ወጪያቸውን እንዲቆጥቡ የሚያደርግ መመሪያ ተላለፈላቸው…መመሪያውን ያወጣው የሚኒስትሮች ምክር ቤት ሲሆን መመሪያውን ያስተላለፈው ደግሞ የገንዘብና ኢኮኖሚ ትብብር ሚኒስቴር ነው፡፡

የህዝብ ግንኙነትና የኮሙኒኬሽን ዳይሬክተሩ አቶ ሃጂ ኢብሳ እንደነገሩን ከተያዘው ወር መጀመሪያ አንስቶ ተግባራዊ ይሆናል በተባለው መመሪያ መሠረት የባለ በጀት መሥሪያ ቤቶቹ ከዚህ በኋላ የቀን መቁጠሪያ ካላንደር፣ አጀንዳ፣ መፅሔቶችን፣ የደስታ መግለጫ ካርዶችን ጨምሮ አላስፈላጊ ናቸው የተባሉ ሕትመቶችን ማሳተም አይችሉም፡፡

ከዚህ ቀደም አንዳንድ የመንግሥት ባለሥልጣናት በውጭ ምንዛሬ እጅግ የተሞላቀቀ አጀንዳ በግል ስማቸው ሁሉ ያሳትሙ ነበር ያሉት አቶ ሃጂ ከእንግዲህ ግን እንዲህ  ያለው ቅብጠት አይታሰብም ነው ያሉት፡፡ከመንግሥት ከፍተኛ ኃላፊዎችና የሌሎች ተቋማት ኃላፊዎች በቀር የሞባይል ካርድ ገዝቶ መሙላት የተከለከለ ሲሆን ለመካከለኛ አመራሮችና ሠራተኞችም በመደበኛ የመሥመር ስልክ በተመጣጣኝ ወጪ ይጠቀሙ ተብሏል፡፡

ተጨማሪ ያንብቡ...

አስተያየት ይፃፉ (0 አስተያየት)

መቀመጫውን አዲስ አበባ ያደረገው የአሜሪካን ኤምባሲ ወደ ጂጂጋ፣ ሀረርና ባቢሌ አሜሪካውያን ጉዞ እንዳያደርጉ ያወጣውን

መቀመጫውን አዲስ አበባ ያደረገው የአሜሪካን ኤምባሲ ወደ ጂጂጋ፣ ሀረርና ባቢሌ አሜሪካውያን ጉዞ እንዳያደርጉ ያወጣውን ማስጠንቀቂያ የኢትዮጵያ መንግሥት መቃወሙ ተሠማ…ኤምባሲው ለዜጎቹ ባወጣው የደህንነት ማስጠንቀቂያው በኢትዮጵያ መንግሥት የፀጥታ ኃይሎች የሀረርና የባቢሌ ዋና መንገድ ዝግ ሆኗል ብሏል፡፡

ኤምባሲው ከአዲስ አበባ ተነስቶ ጂጂጋ ለመድረስ በሚደረገው የዋና መንገድ ጉዞ ላይ በባቢሌና በሀረር አቅራቢያ ግጭት በመፈጠሩና ተኩስ ጭምር በመኖሩ አሜሪካውያን ጉዞ እንዳያደርጉ ምክር መስጠቱ ተነግሯል፡፡የኢትዮጵያ መንግሥት የኮሙኒኬሽን ጉዳዮች ጽህፈት ቤት ኃላፊ ሚኒስትር ዶክተር ነገሬ ሌንጮ ነገሩኝ ብሎ መንግሥታዊው የወሬ ምንጭ የኢትዮጵያ ዜና አገልግሎት እንዳወራው ኤምባሲው ያወጣውን ማስጠንቀቂያ በተመለከተ ሚኒስትሩ ጉዳዩን ሀሰት ብለውታል፡፡

ኤምባሲው ለዜጎቹ ባወጣው የጉዞ ማስጠንቀቂያው ሁል ጊዜም ቢሆን አሜሪካውያን የሀገር ውስጥ የወሬ ተቋምትን መረጃዎችና አካባቢያቸውንም በንቃት እንዲከታተሉ መክሯል፡፡የኢትዮጵያ መንግሥት የኮሙኒኬሽን ጉዳዮች ፅህፈት ቤት ኃላፊ ሚኒስትር ዶክተር ነገሬ ሌንጮ በምሥራቃዊ የኢትዮጵያ አካባቢ ምንም የተዘጋ መንገድ እንደሌለና ግጭትም እንዳልተፈጠረ በመናገር የኤምባሲውን ማስጠንቀቂያ ተቃውሞ ነግሮኛል ሲል የወሬ ምንጩ ተናግሯል፡፡

የኔነህ ሲሳይ

አስተያየት ይፃፉ (0 አስተያየት)

የግል ድርጅቶች ሠራተኞች ማኀበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት...

የግል ድርጅቶች ሠራተኞች ማኀበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት አሳገድኩ አለ፡፡የግል ድርጀቶች ሠራተኞች ማኅበራዊ ዋስትና ኤጀንሲ ስለ ጡረታ መዋጮ በተለያየ መንገድ ለማስተማር እየሞከርኩ ነው ብሏል፡፡ከማስተማር ጎን ለጎን የህግ አግባብን በመከተል የጡረታ መዋጮ ገቢ እንዲሆን ክትትል እንደሚያደርግም ይናገራል፡፡

በተጠናቀቀው በጀት ዓመትም የሠራተኞቻቸውን የጡረታ መዋጮ ገቢ ካላደረጉ 170 የግል ድርጅቶች ሂሣብ ተቀናሽ እንዲደረግ በዋናው መሥሪያ ቤት ለባንኮች ደብዳቤ መፃፉን ሰምተናል፡፡ባንኮቹ ከግል ድርጅቶቹ ሂሣብ ተቀናሽ አድርገው ለኤጀንሲው እንዲያስገቡ የተጠየቁት ከ68 ሚሊየን ብር በላይ እንደሆነ የኤጀንሲው የኮሙኒኬሸን ጉዳዮች ዳይሬክተር አቶ ግዛቸው መንግሥቴ ነግረውናል፡፡ከዚህ ውስጥ ከ119 የግል ድርጀቶች ከ55 ሚሊየን ብር በላይ ገቢ ተደርጓል ብለዋል፡፡ በሪጅን ጽህፈት ቤቶች በተደረገ ተመሣሣይ ክትትልም ከ591 ድርጅቶች ከ46 ሚሊዮን ብር በላይ ወደ ጡረታ ፈንዱ ገቢ መደረጉን ሰምተናል፡፡

የ12 የግል ድርጅቶች ንብረቶች ደግሞ ተጣርቶ በህግ መታደገዱን አቶ ግዛቸው ነግረውናል፡፡ አራቱ ድርጅቶች የነበረባቸውን ውዝፍ የጡረታ መዋጮ ሙሉ ለሙሉ ከፍለው አጠናቀዋል ብለዋል፡፡በሦስት ድርጅቶች በቀረቡ 6 የባለ መብት ክርክሮች ላይ በአምስቱ ለኤጀንሲው መወሰኑንና አንዱ በሂደት ላይ መሆኑን ሰምተናል፡፡

ከ6 ሚሊየን ብር በላይ ውዝፍ የጡረታ መዋጮ እዳ ያለባቸው ሁለት ድርጅቶችን ንብረቶች ለመሸጥ ባንክ ጨረታ ያወጣ ቢሆንም የቀዳሚነት መብቱ የኤጀንሲው እንደሆነ ለባንኩ ማስታወቂያ እንዲደርሰው ተደርጓል ብለዋል፡፡

ንጋቱ ረጋሣ

አስተያየት ይፃፉ (0 አስተያየት)

ነሐሴ 5፣2009 የሸገር ወሬዎቻችን

  • የመንግሥት ባለ በጀት መሥሪያ ቤቶች ወጪያቸውን በአግባቡና ሕግን ተከትለው እንዲጠቀሙ ጥብቅ መመሪያ ተሰጣቸው፡፡ (ዮሐንስየኋላወርቅ)
  • በለገዳዲ ጥልቅ የውሃ አገልግሎት ማቆም፤ ከ100 ሺ በላይ የአዲስ አበባ ነዋሪዎች ለውሃ እጦት ተጋልጠዋል ተባለ፡፡ (ወንድሙኃይሉ)
  • ኢትዮጵያን በተመለከተ አሜሪካ ያወጣችውን የጉዞ ማስጠንቀቂያ የኢትዮጵያ መንግሥት ተቃወመው፡፡ (የኔነህሲሣይ)
  • የፌዴራል ዋና ኦዲተር መሥሪያ ቤት ተጠያቂነትን ለማጠናከር ለሚከወነው ሥራ መንግሥትና የህዝብ እንደራሴዎች ምክር ቤት የሚያደርጉትን ድጋፍ ሊያበረቱ ይገባል አለ፡፡ (እሸቴአሰፋ)
  • ለህክምና ወደ አዲስ አበባ መጥተው የእለት ጉርስና መጠለያ አጥተው የሚቸገሩ የጥቁር አንበሣ ታካሚዎችን የሚደግፈው ጎጆ የህሙማን ማህበር ለህሙማኑ መጠለያ እንዲሆን ያስገነባው ህንፃ ተጠናቀቀ፡፡ ታካሚዎቹን በመጠለያ ለማሳረፍም ቀሪ ቁሶችን ለማሟላት የሚያስችል የገቢ ማሰባሰቢያ ፕሮግራም አዘጋጅቻለሁ ብሏል፡፡ (ትዕግሥትዘሪሁን)
  • በአዲስ አበባ መንገዶች ላይ በየእለቱ ቅሬታ የሚደመጥ ቢሆንም የኛ አካባቢ የንግድ ተቋማትን ተከራይ እስከ ማሳጣት የደረሰ፣ መግቢያ መውጫ ያሳጣ ነው ይላሉ የገርጂ ነዋሪዎች፡፡ (ምሥክርአወል)
  • የአፍሪካ የኩባንያ አስተዳደር አለም አቀፍ ጉባዔ በአዲስ አበባ እየተካሄደ ነው ተባለ፡፡ (ምህረትስዩም)
  • የግል ድርጅቶች ሠራተኞች ማህበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት አሳገድኩ አለ፡፡ (ንጋቱረጋሣ)
  • የሙሥና ወንጀሎችን ለመከላከልና ለማጋለጥ የህግ አስከባሪ ተቋማት የሚሰሩበት እቅድ ተዘጋጅቷል ተባለ፡፡ (ምህረትስዩም)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ነሐሴ 2፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የኢትዮጵያ ገቢዎችና ጉምሩክ ባለሥልጣን ከነጋዴው የሰበሰብኩት የቀን ገቢ ግምት ገቢን ብቻ ሣይሆን እለታዊ ወጪውንም ጭምር ያካተተ ነው...

የኢትዮጵያ ገቢዎችና ጉምሩክ ባለሥልጣን ከነጋዴው የሰበሰብኩት የቀን ገቢ ግምት ገቢን ብቻ ሣይሆን እለታዊ ወጪውንም ጭምር ያካተተ ነው ፤ አለመግባባት የፈጠረውም ነጋዴው ይህን ባለመረዳቱ ነው ብሏል…የነጋዴው የቀን ገቢ ግምት ተብሎ የተሰበሰበው መረጃ ነጋዴው ለሚሸጠው እቃ ወይንም ለሚሰጠው አገልግሎት የሚያወጣውን የመግዣ ወጪ ያካተተ ነው ተብሏል፡፡ለማምረታ የሚያወጣውን፣ ለማከፋፈያና አስተዳደራዊ ጉዳዮች የሚያወጣውንም ወጪ በቀን ገቢ ግምቱ ተካቷል ተብሏል፡፡

ይህንንም ያደረገው በነጋዴው ላይ ለሚጣለው የንግድ ትርፍ ግብር መረጃው ስለሚጠቅም ነው ብሏል ገቢ ሰብሣቢ መሥሪያ ቤቱ፡፡የቀን ገቢ ግምቱ ቅሬታ እየፈጠረ ያለው የተሰበሰበው መረጃ የእለታዊ የንግድ ሥራው የተጣራ ትርፍ አድጎ ስለሚቆጥረውም ነው ተብሏል፡፡ስለጉዳዩም እወቁልኝ፣ በእውቀት ላይ የተመሠረተ መረጃም ስጡልኝ ሲል ከተለያዩ መገናኛ ብዙሃን ለተሰባሰቡ ጋዜጠኞች ዛሬ ማብራሪያ እሰየሰጠም ይገኛል፡፡

ነጋዴው ለንግድ ሥራው የሚያወጣው ወጪ ከሚያገኘው ገቢ ጋር ግንኙነት ስላለው በቀን ገቢ ግምቱ አብሮ ተካቷል ፤ ይህም እለታዊ አጠቃላይ ለግብይት የሚያወጣውንና የሚያገኘውን ገንዘብ የሚጨምር መሆኑን ሰምተናል፡፡ለንግድ የሚቀርቡ እቃዎችና አገልግሎቶች በአካባቢው ህብረተሰብ ዘንድ ያላቸው ተፈላጊነት፣ የንግድ ድርጅቱ ስፋትና ጥበት፣ የድርጅቱ የንግድ ሥራ ዘመን፣ የባለቤቱ ሃብትና ልጆቹን የሚያስተምርበት ትምህርት ቤት ጭምር በገቢ ግምቱ አሰባሰብ ጊዜ ትኩረት የተሰጣቸው ናቸውም ተብሏል፡፡

የቀን ገቢ ግምቱን ተከትሎ ሰፊ ቅሬታ እንደቀረበለት የተናገረው ግብር ሰብሣቢ መሥሪያ ቤቱ አብዛኛዎቹ ከግንዛቤ ችግር የቀረቡ ናቸው ብሏል፡፡ግምቱ ተጋኖባቸዋል የተባሉ ነጋዴዎችም እየተቀነሰላቸው መሆኑን በባለሥልጣን መሥሪያ ቤቱ የአዲስ አበባ ግብር አሰባሰብና አወሣሰን ፕሮግራም ዳይሬክተር የሆኑት አቶ ያሬድ ፈቃደ ተናግረዋል፡፡

የሚቀርቡትን ቅሬታዎች ግብር ከማሰባሰቡ ጎን ለጎን እየተሰራ መሆኑ ጫና ፈጥሯል ያሉት አቶ ያሬድ ከተጠበቀው በላይ ቅሬታዎች ስለቀረቡም የደረጃ “ሐ” ግብር ከፋዮች የግብር ማሰባሰቢያ ጊዜ ለ10 ቀን መራዘሙንም አስታውሰዋል፡፡

ትዕግስት ዘሪሁን

አስተያየት ይፃፉ (0 አስተያየት)

በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ

በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ፡፡ይህን ያለው የአደጋ ስጋት ሥራ አመራር ኮሚሽን ነው፡፡ኮሚሽኑ እንደተናገረው በአካባቢዎቹ ከግንቦት 15 እስከ ሰኔ 15 ቀን 2009 ዓ.ም በተደረገ የምግብ ዋስትና የዳሰሳ ጥናት በመጪዎቹ አምስት ወራት የእለት ምግብ እርዳታ ፈላጊዎች ቁጥራቸው ይጨምራል ብሏል፡፡

ከዚህ በፊት የተረጂዎቹ ቁጥር 7 ነጥብ 8 ሚሊየን የነበረ ሲሆን በጥናቱ መሠረት የተረጂው ቁጥር ወደ 8 ነጥብ 5 ሚሊየን ከፍ ብሏል፡፡የወቅቱ የዝናብ ሁኔታ የእርሻ ሥራ እንቅስቃሴ፣ በማሳ ላይ ያለው የሰብል ሁኔታ፣ የምርት ግምት፣ የግጦሽና የውሃ አቅርቦት፣ የእንስሣት አቋምና የምርት ሁኔታ፣ የሰውና የእንስሣት ጤናም በጥናቱ ተካቷል፡፡

እንዲሁም በወቅቱ እየተሰራጩ የሚገኙ ምግብና ምግብ ነክ ያልሆኑ እርዳታዎችን የሥርጭት ሁኔታ በመዳሰስ የህብረተሰቡን የምግብ ዋስትና ሁኔታ እንደተገመገመም ኮሚሽኑ ተናግሯል፡፡ በጥናቱ የተለዩት 8 ነጥብ 5 ሚሊየን ሰዎች ከነሐሴ 2009 ዓ.ም እስከ ታህሣስ 2010 ዓ.ም ድረስ የምግብ እርዳታ እንደሚያስፈልጋቸው መረጋገጡን ኮሚሽኑ ተናግሯል፡፡

አስፋው ስለሺ

አስተያየት ይፃፉ (0 አስተያየት)

ነሐሴ 3፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የጣና ሃይቅንና ተፋሰሱን ከእምቦጭ አረምና ከሌሎች ጉዳቶች ለመከላከል ያለመ የበጐ አድራጐት ድርጅት እውቅና አግኝቶ ሥራ መጀመሩ ተሰምቷል፡፡ (ምሥክር አወል)
  • የኢትዮጵያ ገቢዎችና ጉምሩክ ባለሥልጣን ከነጋዴዎች የሰበሰብኩት የቀን ገቢ ግምት ገቢያቸውን ብቻ ሣይሆን ወጪያቸውንም ያካተተ እንደሆነ እወቁልኝ ብሏል፡፡ (ትዕግሥት ዘሪሁን)
  • በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ፡፡ (አስፋው ስለሺ)
  • የኩላሊት ህመምተኞች አጥበት በጎ አድራጐት ድርጅት 5 ሚሊየን ብር የገንዘብ ድጋፍ አገኘ፡፡ (ንጋቱ ሙሉ)
  • የአዲስ አበባን ተልከስካሽ ውሾች በክረምት ለማስወገድ አልተቻለም፡፡ (ወንድሙ ኃይሉ)
  • መጪው የአየር ትንበያ ከኤልኒኖ ይልቅ የላኒና ምልክት አሳየ ተባለ፡፡ (ወንድሙ ኃይሉ)
  • የኢትዮጵያ ኤሌክትሪክ አገልግሎት ስርቆት እያጋጠመኝ ነው አለ፡፡ (ወንድሙ ኃይሉ)
  • የሀገር ውስጥ ጥጥ አምራቾች ገበያ አጥተዋልም፣ አላጡምም ተባለ፡፡ (ወንድሙ ኃይሉ)
  • የኢትዮጵያ ግብርና ምርምር ኢንስቲቲዩት ለኢንዱስትሪ ግብአትና የውጪ ምንዛሬ ያስገኛሉ የተባሉ አዳዲስ ዝሪያዎችን ማውጣቱን ተናገረ፡፡ ለኢትዮጵያ ሰብል አስጊ የሆኑ በሽታዎችንም ለመከላከል ከተለያዩ ዩኒቨርስቲዎችና አለማቀፍ ድርጅቶች ጋር ጥረት እየተደረገ መሆኑም ተሰምቷል፡፡ (ዮሐንስ የኋላወርቅ)
  • መንግሥት የህገ-ወጥ መድኃኒት ዝውውሮችን እና ጊዜ ያለፈባቸውን ምግብና መጠጦች እየተቆጣጠርኩ ነው አለ፡፡ (ወንድሙ ኃይሉ)
  • በአዲስ አበባ ቦሌ ክ/ከተማ ገርጂ አካባቢ የሚሰራው ብሔራዊ ስታዲዮም የግንባታ ሠራተኞች ትናንት በሲሊንደር ፍንዳታ ጉዳት ደረሰባቸው፡፡ (ወንድሙ ኃይሉ)
አስተያየት ይፃፉ (0 አስተያየት)

የምግብ እርዳታ ፈላጊ ኢትዮጵያውያን ቁጥር ጨምሯል ተባለ

የምግብ እርዳታ ፈላጊ ኢትዮጵያውያን ቁጥር ጨምሯል ተባለ፡፡በአርብቶ አደርና በበልግ አብቃይ አካባቢዎች የሚኖሩ ኢትዮጵያውያን እርዳታ ፈላጊዎች ቁጥር ጨምሯል ያለው የብሔራዊ አደጋ ስጋት ሥራ አመራር ኮሚሽን ነው፡፡ኮሚሽኑ በጥናቴ ደረስኩበት እንዳለው በ2009 ዓ.ም በመጪዎቹ አምስት ወራት 8 ነጥብ 5 ሚሊየን ኢትዮጵያውያን ድጋፍ ፈላጊዎች ናቸው ብሏል፡፡ ቀደም ሲል ቁጥሩ 7 ነጥብ 8 ሚሊየን የነበረ ሲሆን በኮሚሽኑ ተደርጓል በተባለ ጥናት መሰረት ቁጥሩ ከፍ ማለቱ ተወርቷል፡፡

ኮሚሽኑ እንደሚለው ከሆነ የተረጂው ሰው ቁጥር የጨመረው የበልግ ዝናብ በመዛባቱ፣ የመኖ ግጦሽ ማነስና የውሃ እጥረት በመፈጠሩ እንዲሁም ሌሎች ችግሮች በመታየታቸው ነው ብሏል፡፡ 8 ነጥብ 5 ሚለየን ዜጎች በመጪዎቹ አምስት ወራት ማለትም ከነሐሴ 2009 ዓ.ም እስከ ታህሣስ 2010 ዓ.ም ድረስ የምግብ እርዳታ ያስፈልጋቸዋል ብሏል፡፡

የብሔራዊ አደጋ ስጋት አመራር ኮሚሽን ከፌዴራል ሚኒስቴር መሥሪያ ቤቶች ጋር፣ ከክልል ሴክተር ቢሮዎች ጋር እንዲሁም ከተባበሩት መንግሥታት ድርጅት የሁለትዮሽ  ስምምነት ያላቸውና አለም አቀፍ መንግሥታዊ ያልሆኑ ድርጅቶች ጋር በመሆን ይሄንን ጥናት በማድረግ የተረጂውንም ቁጥር መጨመር አረጋግጫለሁ ብሏል፡፡

የኔነህ ሲሳይ
አስተያየት ይፃፉ (0 አስተያየት)

ነሐሴ 2፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በኢትዮጵያ የእርዳታ ፈላጊ ዜጎች ቁጥር ጨምሯል ተባለ፡፡ (የኔነህ ሲሣይ)
  • የእንባ ጠባቂ ተቋም ሠራተኛ የነበረው አቶ በላቸው ደባሎ ጉቦ በመቀበል ወንጀል ተጠርጥሮ ትላንት ፍርድ ቤት ቀረበ፡፡ (እሸቴ አሰፋ)
  • በኢትዮጵያ የሚደርሰው የትራፊክ አደጋ ከመቀነስ ይልቅ እየጨመረ በመሄዱ በዚህ አመት የተጀመረው ሀገር አቀፍ የትራፊክ አደጋ ዘመቻ በሚቀጥለው አመትም ይቀጥላል ተባለ፡፡ ዘንድሮም ከ4 ሺ ሰዎች በላይ በትራፊክ አደጋ ሞተዋል፡፡ (ምህረት ስዩም)
  • ከ2 ነጥብ 5 ሚሊዮን ሄክታር የበቆሎ ማሳ 600 ሺ ሄክታሩን የወረረውን የአሜሪካ መጤ ተምች 75 በመቶ ማጥፋት ተችሏል ሲል የእርሻና ተፈጥሮ ሃብት ሚኒስቴር ተናግሯል፡፡ (ምሥክር አወል)
  • የኢትዮጵያ ግብርና ምርምር ዘንድሮ በጥናት ካገኛቸው 76 ያህል ምርጥ ዘሮች ለገበሬው መለቀቅ የቻሉት 48 ያህሉ ናቸው ተባለ፡፡ (ዮሐንስ የኋላወርቅ)
  • አብዛኛዎቹ በአዲስ አበባ የሚሰሩ የጤና ባለሞያዎች የሥራ ፍቃዳቸውን በጊዜው የማያሣድሱ ናቸው ተባለ፡፡ (ንጋቱ ሙሉ)
  • የኢትዮጵያ መንገዶች ባለሥልጣን በዚህ ዓመት ከ65 ቢሊዮን ብር በላይ ወጪ የሚጠይቁ የመንገድ ግንባታ ፕሮጀክቶች ውል ማሰሩን ተናገረ፡፡ (ንጋቱ ሙሉ)
  • የኢትዮጵያ ገቢዎችና ጉምሩክ ባለሥልጣን ከደረጃ “ሐ” ግብር ከፋዬች መሀከል የቀን ገቢ ግምቱን በተመለከተ 60 በመቶዎቹ ላይ ውሣኔው ፀንቷል አለ፡፡ (ወንድሙ ኃይሉ)
  • በ2009 ዓ.ም ከ498 ሚሊዮን በላይ ህዝብ ከሀገር ሀገር አጓጉዣለሁ ሲል የፌዴራል ትራንስፖርት ባለሥልጣን ተናገረ፡፡ (ምህረት ስዩም)
  • የሦስት የመንግሥት ፋይናንስ ድርጅቶች ጠቅላላ ሀብት ከ523 ቢሊየን ብር በላይ መድረሱ ተሠማ፡፡ (ዮሐንስ የኋላወርቅ)
አስተያየት ይፃፉ (0 አስተያየት)

ትምህርት ሚኒስቴር ወደብ ላይ ያከማቻቸው ኮንቴነሮች ለወደብ ኪራይ ብቻ ከ6 ነጥብ 7 ሚሊየን ብር በላይ ያስከፍሉታል ተባለ

ትምህርት ሚኒስቴር ወደብ ላይ ያከማቻቸው ኮንቴነሮች ለወደብ ኪራይ ብቻ ከ6 ነጥብ 7 ሚሊየን ብር በላይ ያስከፍሉታል ተባለ፡፡እስከ 4 ዓመት ድረስ በደረቅ ወደቦች ላከማቻቸው 52 ኮንቴነሮች ለወደብ አገልግሎት ከሚከፍለው በተጨማሪ ለኮንቴኔሮቹ ኪራይም ሌላ በሚሊዮን የሚቆጠር ብር በዶላር ቆጥሮ መክፈል ይፈጠበቅበታል ተብሏል፡፡የኢትዮጵያ ባህር ትራንስፖርትና ሎጂስቲክ አገልግሎት ድርጅት ለሸገር እንደተናገረው በተለያዩ ደረቅ ወደቦች ከተከማቹ 122 የመንግሥት መሥሪያ ቤቶችና የልማት ድርጅቶች ኮንቴኔሮች መካከል 52ቱ የትምህርት ሚኒስቴር ናቸው፡፡

እቃዎቹ ለዓመታት በመከማቻታቸውም ወደቦቹ ምርታማ መሆን አልቻሉም ብለዋል በድርጅቱ የመረጃ አያያዝና ትንተና አስተባባሪው አቶ ብሩክ ባዛ፡፡በተጨማሪም ኮንቴኔሮቹ ከወደብ ሳይነሱ እስከ አራት ዓመት በመቆየታቸው ለወደብ አገልግሎት ብቻ የትምህርት ሚኒስቴር እስከ 6 ነጥብ 7 ሚሊዮን ብር ቆጥሮበታል፡፡ለኮንቴነሮቹ ኪራይ ደግሞ በዶላር መክፈል ይጠበቅበታል ብለዋል አቶ ብሩክ፡፡

የውጭ ምንዛሬ እጥረት አለብኝ የምትለው ኢትዮጵያ የመንግሥት መሥሪያ ቤቶች በቸልተኝነት በአግባቡ ከወደብ የማያነሷቸው ኮንቴነሮች  በዘገዩ ቁጥርም ተጨማሪ በሚሊዮን የሚቆጠር ዶላር ወጪ ለማድረግ እየተገደደች ነው ተብሏል፡፡በደረቅ ወደቦች ከተከማቹ የመንግሥት መሥሪያ ቤቶችና የልማት ድርጅቶች ኮንቴኔሮች መካከል ትምህርት ሚኒስቴር በኮንቴኔሮቹ ብዛት የመጀመሪያውን ቦታ ይይዛል ያሉት አቶ ብሩክ ወደቦቹም በተከማቹ እቃዎች ብዛት ምርታማ መሆን አልቻለም ብለዋል፡፡

ትምህርት ሚኒስቴር እቃዎቹን በፍጥነት እንዲያነሣም ለወደብ አገልግሎት መክፈል ያለበትን ከ6 ነጥብ 7 ሚሊዮን ብር በላይ ገንዘብ በዱቤ እንዲያዝለትም የኢትዮጵያ ባህር ትራስፖርትና ሎጅስቲክስ አገልግሎት ድርጅት መወሰኑን ለሸገር ተናግሯል፡፡የትምህርት ሚኒስቴር ናቸው ከተባሉና ለዓመታት በደረቅ ወደቦች ከተከማቹ 52 ኮንቴኔሮች መካከል 22ቱ በሞጆ፣ 17ቱ በሰመራ፣ 13ቱ ደግሞ በቃሊቲ ወደብና ተርሚናል ቅርንጫፍ ጽ/ቤቶች ይገኛሉ ተብሏል፡፡

በውስጣቸውም የተለያዩ መፅሐፍት፣ እንደ ፒያኖ ያሉ ለትምህርት ግብዓት የሚሆኑ መሣሪያዎችና በስጦታ የተገኙ የተማሪዎች አልባሳት ይገኙበታል፡፡ወደብ ላይ አራት ዓመትን አስቆጥረዋል ከተባሉ ኮንቴኔሮች መካከል 37ቱም ትምህርት ሚኒስቴር እራሱ በግዢ ያስመጣቸው መፀሐፎች መሆናቸውን ድርጅቱ ለሸገር ተናግሯል፡፡

ትዕግሥት ዘሪሁን

አስተያየት ይፃፉ (0 አስተያየት)
Sheger 102.1 AudioNow Numbers