• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በ2009 ዓ.ም ግንባታቸው ተጠናቆ ሥራ የጀመሩት ዘመናዊ የመኪና ማቆሚያ ቦታዎች ተመን ወጥቶላቸው...

በ2009 ዓ.ም ግንባታቸው ተጠናቆ ሥራ የጀመሩት ዘመናዊ የመኪና ማቆሚያ ቦታዎች ተመን ወጥቶላቸው አገልግሎት እየሰጡ ነው ተባለ፡፡በመገናኛ ዘፍመሽ የተገነባው የመኪና ማቆሚያ ቦታ በሰዓት 6 ብር በማስከፈል አገልግሎት እየሰጠ እንደሚገኝ ተነግሯል፡፡

የመኪና ማቆሚያው በአካባቢው የተገነባው የሚታየውን የተጨናነቀ የመኪና ፍሰት ለማስቀረት በመሆኑ በአካባቢው መንገዶች ዳር ላይ መኪና ማቆም የተከለከለ ሲሆን ህጉን ባለማክበር መኪና የሚያቆሙ ግለሰቦች እየተቀጡ እንደሆነ ከአዲስ አበባ የትራንስፖርት ፕሮግራሞች ማስተባበሪያ ፅህፈት ቤት ሰምተናል፡፡

ፓርኪንጉን በቋሚነት ለሚጠቀሙ ደንበኞችም በወርሃዊ የክፍያ ስርዓት እንዲስተናገዱ ይደረጋል ተብሏል፡፡የፓርኪንግ ቦታውን የሚያስተዳድረው የአዲስ አበባ መንገድ ትራፊክ ማኔጅመንት ኤጀንሲ ሲሆን በቀን እስከ አራት ሺ ብር የሚደርስ ገቢ ከመኪና ማቆሚያ ስፍራው እየተገኘ ነው ተብሏል፡፡

በሌላ በኩል በወሎ ሰፈር የተገነባው የመኪና ማቆሚያ ስፍራ ግንባታው አልቆ ሥራ ቢጀምርም ወደ መኪና ማቆሚያው የሚያስገባው መንገድ በግንባታ ላይ በመሆኑ የሚጠበቀውን ያህል ተጠቃሚ አላገኘም ተብሏል፡፡ይህንንም ለማስተካከል መንገዱን ምቹ ማድረግና በአካባቢው ባልተፈቀደ ቦታ ተሽከርካሪያቸውን የሚያቆሙ ግለሰቦች ላይ ቁጥጥር ይደረጋል መባሉን ከፅህፈት ቤቱ ሰምተናል፡፡

ምህረት ስዩም

አስተያየት ይፃፉ (0 አስተያየት)

ጥቅምት 10፣2010 የሸገር ወሬዎቻችን

  • ከጊዜ ወደ ጊዜ ከፍ እያለ የሚመጣውን የሙቀት መጠን ለመቀነስ መንግሥትና መንግሥታዊ ያልሆኑ ድርጅቶች በጋራ ሊሰሩ ይገባል ተባለ፡፡ (አስፋው ስለሺ)
  • ባለፉት አራት ወራት ብቻ በ525 መዝገቦች ለተከሰሱ ሰዎች በነፃ ጠበቃ ቆሞላቸዋል ተባለ፡፡ (ንጋቱ ረጋሣ)
  • የደቡብ ኢትዮጵያ ሕዝቦች ዴሞክራሲያዊ ግንባር የተመሠረተበትን 25ኛ ዓመት የብር ኢዮቤልዩ በዓል የመዝጊያ ሥነ-ሥርዓት አከናወነ፡፡ (የኔነህ ሲሣይ)
  • የኢትዮጵያ የህግ ባለሙያ ሴቶች ማኅበር ለሴቶች እኩልነትና ተሣታፊነት ለማከናውናቸው ተግባራት ከተለያዩ አካሎች በተናጠል የሚያደረግልኝ ድጋፍ በቂ አይደለም አለ፡፡ (ቴዎድሮስ ብርሃኑ)
  • በአዲስ አበባ የተገነቡት ዘመናዊ የሕንፃ ውስጥ የመኪና ማቆሚያዎች ተመን ወጥቶላቸው አገልግሎት እየሰጡ ነው ተባለ፡፡ (ምህረት ስዩም)
አስተያየት ይፃፉ (0 አስተያየት)

የኢትዮጵያ፣ የግብፅና ሱዳን የውሃ መስኖና ኤሌክትሪክ ሚኒስትሮች 16ተኛውን የሦስትዮሽ ብሔራዊ ኮሚቴ ከቢ.አር.ኤልና አርቴሊያ

የኢትዮጵያ፣ የግብፅና ሱዳን የውሃ መስኖና ኤሌክትሪክ ሚኒስትሮች 16ተኛውን የሦስትዮሽ ብሔራዊ ኮሚቴ ከቢ.አር.ኤልና አርቴሊያ የህዳሴ ግድብ ጥናት ቡድን ጋር ዛሬ አዲስ አበባ ውስጥ ዝግ ስብሰባ ይዘዋል፡፡

የሦስቱ ሀገሮች የውሃ መስኖና ኤሌክትሪክ ሚኒስትሮች በአጥኚ ቡድኑ በሚቀርበው ጥናት ላይና ከዚህ ቀደም ባልተስማሙባቸው ጉዳዮች ላይ ይነጋገራሉ ተብሎ እንደሚጠበቅ ዛሬ ማለዳ በኢሊሌ ሆቴል በሰጡት ጋዜጣዊ መግለጫ ተነግሯል፡፡

ስምምምነት ላይ እንደሚደርሱም ይጠበቃል፡፡የግብፁ የውሃና መስኖ ሚኒስትር ዶክተር መሃመድ አብድልአቲ በፈረንሣዩ የአጥኚ ኩባንያ የቀረበውና ዋና ዋና አንገብጋቢ ጉዳዮች ላይ ሦስቱ ሀገሮች እስካሁን መስማማት አልቻሉም፤ በጣምም ዘግይተናል ብለዋል፡፡

የአባይ ግድብ በግብፅና ሱዳን ላይ የሚያስከትለውን አካባቢያዊ፣ ማኅበራዊና ኢኮኖሚያዊ ተፅዕኖ እንዲሁም በግድቡ የውሃ አሞላልና አለቃቀቅ ላይ እየተደረገ ባለ ሁለት ጥናት ኩባንያው የጥናት ሥራውን እንዲያጠናቅቅ ተጨማሪ መዘግየቶች መኖር የለባቸው ሲሉም የግብፁ ሚኒስትር ተናግረዋል፡፡

ጥናቱ እንዲጠናቀቅ ሦስቱ ሀገሮች ቀድመው መስማማት ያሉባቸውን አንገብጋቢ ያሏቸውን ጉዳዮች ግን ለጋዜጠኞች ከመግለፅ ተቆጥበዋል፡፡ ግብፅ፣ ኢትዮጵያና ሱዳን ዛሬ በኢሊሌ ሆቴል እያካሄዱት ባለው ዝግ ስብሰባ መስማማት በሚጠበቅባቸው ጉዳይ ላይ የሚያደርጉትን የምክክር ውጤት ከ10 ሰዓት በኋላ ይፋ ያደርጋሉ ተብሎም ይጠበቃል፡፡ 

ትዕግስት ዘሪሁን

አስተያየት ይፃፉ (0 አስተያየት)

በቅርቡ የተደረገውን የውጭ ምንዛሬ ተመን ማሻሻያ ሰበብ በማድረግ በሸቀጦችና አገልግሎቶች ላይ ጭማሪ እንዳይኖር...

በቅርቡ የተደረገውን የውጭ ምንዛሬ ተመን ማሻሻያ ሰበብ በማድረግ በሸቀጦችና አገልግሎቶች ላይ ጭማሪ እንዳይኖር ከአስመጪዎች ጋር ንግገር ሊደረግ መሆኑ ተሠማ፡፡የተመን ማሻሻያው ከተሰማ በኋላ በተለይ በኤሌክትሮኒክስ ምርቶች ላይ የዋጋ ጭማሪ የሚያደርጉ ነጋዴዎች አሉ የሚሉ ጥቆማዎች መቀበሉን የንግድ ውድድርና የሸማቾች ጥበቃ ባለሥልጣን ለሸገር ተናግሯል፡፡

ባለሥልጣን መሥሪያ ቤቱ የተደረገውን የውጭ ምንዛሬ ተመን ማሻሻያ ምክንያት በማድረግ በሀገር ውስጥ ገብተው በመጋዘን ላይ ያሉና በሀገር ውስጥ ምርቶች ላይ ጭማሪ በሚያደርጉ ነጋዴዎች ላይ በተሰጠው ሥልጣን መሠረት ህጋዊ እርምጃ እወስዳለሁ ማለቱ ይታወሣል፡፡

ከሚመለከታቸው አካላት ጋር እየሰራ መሆኑን ተናግሮ ከሚደርሰው ጥቆማ በተጨማሪ የራሱንም ሠራተኞች ወደ ገበያው በማሰማራት እየተከታተለ መሆኑን አቶ እንዳልካቸው ፅጌ የባለሥልጣን መሥሪያ ቤቱ የኮሙኒኬሽን ኃላፊ ለሸገር ተናግረዋል፡፡እስካሁን በተደረገው ክትትልም በተለይ በኤሌክትሮኒክስ ምርቶች ላይ የዋጋ ጭማሪ ተደርጓል የሚሉ ጥቆማዎች ተገኝተዋል ብለዋል፡፡

የውጭ ምንዛሬ ተመኑን ሰበብ በማድረግ በሸቀጦች ላይ ጭማሪ እንዳይደረግ ከአስመጪዎች ጋር ምክክር ሊደረግ መሆኑ ተሰምቷል፡፡የንግድ ውድድርና የሸማቾች ጥበቃ ባለሥልጣን በገበያው ላይ ያልተገባ የዋጋ ጭማሪ ካጋጠማችሁ በነፃ የስልክ መስመር 8077ና 8478 ደውላችሁ አሳውቁኝ ብሏችኋል፡፡

ንጋቱ ሙሉ
አስተያየት ይፃፉ (0 አስተያየት)

በኦሮሚያ ክልል መጀመሪያውኑ በሃሰተኛ የትምህርት ማስረጃ የተቀጠሩና በተሰጠው የአንድ ወር ጊዜ ውስጥ ራሳቸውን...

በኦሮሚያ ክልል መጀመሪያውኑ በሃሰተኛ የትምህርት ማስረጃ የተቀጠሩና በተሰጠው የአንድ ወር ጊዜ ውስጥ ራሳቸውን በማጋለጥ ይቅርታ የጠየቁ የመንግሥት ሠራተኞች ከመባረር አይድኑም ተባለ፡፡የኦሮሚያ ክልል በሃሰተኛ የትምህርት ማስረጃ ተቀጥረው ሲሰሩ የቆዩ የመንግሥት ሠራተኞች ራሳቸውን እንዲያጋልጡ የአንድ ወር ጊዜ መስጠቱ ይታወሣል፡፡

በዚህ ጊዜ ውስጥም 6 ሺ 700 የመንግሥት ሠራተኞች ራሳቸውን በማጋለጥ ይቅርታ እንደጠየቁ የክልሉ ፐብሊክ ሰርቪስና ሰው ሃብት ልማት ቢሮ ኃላፊ ዶክተር ቢቂላ ሁሪሳ ከዚህ ቀደም ለሸገር ተናግረዋል፡፡ከነሐሴ 22 እስከ መስከረም 22 ያለው አንድ ወር ደግሞ የጥቆማ ጊዜ እንደሆነ ዶክተር ቢቂላ ነግረውን ነበር፡፡

ዛሬ ስለዚሁ የጠየቅናቸው ዶክተር ቢቂላ መጀመሪያውኑ በሃሰተኛ የትምህርት ማስረጃ የተቀጠሩና በተሰጠው የአንድ ወር ጊዜ ውስጥ ራሳቸውን በማጋለጥ ይቅርታ የጠየቁ የመንግሥት ሠራተኞች መባረራቸው አይቀርም ብለውናል፡፡ቀደም ሲል ግን ራሳቸውን የሚያጋልጡ የመንግሥት ሠራተኞች ከደረጃቸው ዝቅ ብለው ይመደባሉ እንጂ ከሥራ አይባረሩም ሲሉ ዶክተር ቢቂላ ነግረውን ነበር፡፡

ከተቀጠሩ በኋላ ሃሰተኛ የትምህርት ማስረጃ አቅርበው የደረጃ ዕድገትና ዝውውር ያገኙ ደግሞ በሚመጥናቸው ቦታ ይመደባሉ ብለዋል ዶክተር ቢቂላ፡፡በተሰጠው የአንድ ወር ጊዜ ውስጥ የቀረቡ ጥቆማዎችን መሠረት በማድረግም በየአካባቢው የማጣራት ሥራ ይሰራል ተብሏል፡፡

የኦሮሚያ ክልል ፐብሊክ ሰርቪስና የሰው ሃብት ልማት ቢሮ በሃሰተኛ የትምህርት ማስረጃ ሲሰሩ በቆዩ ተቀጣሪዎች ላይ ስለሚወሰደው እርምጃ የሚገልፅ መመሪያ ለሚመለከታቸው አስተላልፌያለሁ ብሏል፡፡

ንጋቱ ረጋሳ

አስተያየት ይፃፉ (0 አስተያየት)

የግብፅ የቀዶ ህክምና ዶክተሮች በኢትዮጵያ ነፃ ሕክምና ሰጡ ተባለ

የግብፅ የቀዶ ህክምና ዶክተሮች በኢትዮጵያ ነፃ ሕክምና ሰጡ ተባለ፡፡የአቤት ሆስፒታል ሥራ አሰኪያጅ ዶክተር ገሊላ መንግሥቱ ዛሬ ለሸገር ሲናገሩ ግብፃውያኑ ዶክተሮች የአሜሪካና የካናዳ የሙያ አጋሮቻቸውን በማካተት በኢትዮጵያ የጀርባ መጉበጥ ህመም ላጋጠማቸው 87 ያህል ሰዎች ነፃ የቀዶ ህክምና አገልግሎት ሰጥተዋል፡፡

ግብፃውያኑ ዶክተሮች በተለያዩ ሦስት ዙሮች ከኢትዮጵያ የተለያዩ አካባቢዎች ለመጡ 87 ታካሚዎች የሚሰጡት ህክምና እስከ ጥቅምት 11 ይከናወናል ያሉት ዶክተር ገሊላ ከነፃ ህክምናው በተጨማሪ ለሆስፒታሉ የቀዶ ህክምና ሀኪሞች የሙያ ልምድ እያካፈሉ እንደሚገኙም ነግረውናል፡፡የነፃ ህክምና አገልግሎቱን ያዘጋጀው የግብፅ ኦርቶዶክስ ኮፕቲክ ቤተክርስቲያን ነው ተብሏል፡፡

ወንድሙ ኃይሉ

አስተያየት ይፃፉ (0 አስተያየት)

ጥቅምት 8፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከሰሜን ተራሮች ብሔራዊ ፓርክ አካባቢ የተነሱ ነዋሪዎች የራሳቸውን ከተማ መስርተው እንዲኖሩ መደረጉን የባህልና ቱሪዝም ሚኒስቴር ተናገረ፡፡ (ቴዎድሮስ ብርሃኑ)
  • በኢትዮጵያ ያለው እጅን የመታጠብ ባህል እየተሻሻለ ቢመጣም ገና ብዙ እንደሚቀረው ተነገረ፡፡ (ቴዎድሮስ ብርሃኑ)
  • የነጭ ሳር ብሔራዊ ፓርክ አሁንም ክልሉ ስላልተከበረለት ለዱር እንሥሣቱ ያልተመቸ ሆኗል ተባለ፡፡ (ወንድሙ ኃይሉ)
  • የ40/60 የንግድ ቤቶች ጨረታ ሊወጣ ነው ተባለ፡፡ (አስፋው ስለሺ)
  • የኢትዮጵያ፣ የግብፅና ሱዳን የውሃ መስኖና ኤሌክትሪክ ሚኒስትሮች የሦስትዮሽ ስብሰባ በአዲስ አበባ እየተካሄደ ነው፡፡ (ትዕግሥት ዘሪሁን)
  • መንግሥት የወጪ ምንዛሬ ለውጥን ተከትሎ ሊከሰት የሚችለውን የዋጋ ጭማሪ ለማረጋጋት ከአስመጪዎች ጋር ሊመክር ነው፡፡ (ንጋቱ ሙሉ)
  • በኦሮሚያ ክልል መጀመሪያውኑ በሃሰተኛ የትምህርት ማስረጃ የተቀጠሩና በተሰጠው የአንድ ወር ጊዜ ውስጥ ራሳቸውን በማጋለጥ ይቅርታ የጠየቁ የመንግሥት ሠራተኞች ከመባረር አይድኑም ተባለ፡፡ (ንጋቱ ረጋሣ)
  • ኢትዮጵያ የህፃናት ቅንጨራ ቅነሳዋ በአመት በ1 በመቶ ብቻ ነው ተባለ፡፡ ይህም በአመት እስከ 55 ቢሊዮን ብር በላይ ያሳጣታል ተብሏል፡፡ (ምሥክር አወል)
  • የግብፅ የቀዶ ሕክምና ሐኪሞች በኢትዮጵያ ነፃ ሕክምና ሰጡ፡፡ (ወንድሙ ኃይሉ)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ጥቅምት 7፣2010

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የህዝብ ተወካዮች ምክር ቤት አፈ ጉባዔ አቶ አባዱላ ገመዳ የስልጣን መልቀቂያ ስላቀረቡበት ምክንያት ይፋ አደረጉ

የህዝብ ተወካዮች ምክር ቤት አፈ ጉባዔ አቶ አባዱላ ገመዳ የስልጣን መልቀቂያ ስላቀረቡበት ምክንያት ይፋ አደረጉ፤የህዝብ ተወካዮች ምክር ቤት አፈ ጉባኤ አቶ አባዱላ ገመዳ የስልጣን መልቀቂያ ስላቀረቡበት ምክንያት ተናግረዋል፡፡

ከግማሽ በላይ ዕድሜያቸውን ለህዝብ ጥቅም ሲታገሉ እንዳሳለፉ የተናገሩት አቶ አባዱላ፣ የታገሉለት ህዝብና ድርጅት መብት ሲነካ ማየት ግን ተገቢ አይደለም ብለዋል፡፡ ከኦሮሚያ ብሮድካስቲንግ ኔትወርክ ጋር ባደረጉት ቃለ ምልልሳቸው ጥያቄያቸው በድርጅቱና በአመራሩ ተቀባይነት አለው በማለትም አቶ አባዱላ ተናግረዋል፡፡

በዚች ሀገር ስልጣንን በፍላጎት መልቀቅ ይለመዳል የሚል እምነት እንዳላቸውም አቶ አባዱላ ተናግረዋል፡፡በኦሮሚያ በክልሉ የሚከሰት የሰላም እጦት በህዝቡ አንድነት ላይ ችግር ይፈጥራል ያሉት አቶ አባዱላ መንግስትና ድርጅቱ እያደረጉ ያሉትን ጥረት እንደሚጎዳም አክለዋል፡፡

በአንድ ጊዜ ሁለት ነገር የሚሰራ አመራር መድከሙ አይቅርምም ብለዋል፡፡አቶ አባዱላ እንደተናገሩት በየቦታው የሚታዩ ችግሮችን ለመፍታት እየሰሩ በሌላ በኩል ደግሞ ለነገ የሚቀር ስራ ማከናወን ይከብዳል፡፡

ንጋቱ ረጋሳ

አስተያየት ይፃፉ (0 አስተያየት)

የዛሬ ጥቅምት 6፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ቆሼ አደጋ የነፍስ ማዳንና የአስክሬን ማውጣት ሥራ ተሰማርተው የነበሩ በጎ ፈቃደኛ ወጣቶች ቃል የተገባላቸው ገንዘብ አልተሰጠንም አሉ፡፡ (ምሥክር አወል)
  • ወጣቶችን ስለ አስትሮኖሚና የህዋ ሳይንስ እውቀቱ እንዲኖራቸው የሚያደርግ ፕሮጀክት ሊጀመር ነው ተባለ፡፡ (አስፋው ስለሺ)
  • የሀገር ባህል አልባሳቶች የውጪውን ሰው ፍላጎት እየሳቡ ነው ተባለ፡፡ (ወንድሙ ኃይሉ)
  • ያልተገባ መድኃኒት ሀገር ቤት ሊገባ ሲል መያዙ ተሠማ፡፡ (ወንድሙ ኃይሉ)
  • የህዝብ ተወካዮች ምክር ቤት አፈ-ጉባዔ አቶ አባዱላ ገመዳ የሥልጣን መልቀቂያ ስላቀረቡበት ምክንያት ይፋ አደረጉ፡፡ (ንጋቱ ረጋሣ)
  • 10ኛው የሰንደቅ ቃላማ ቀን ዛሬ በአዲስ አበባ ስታዲየም ተከበረ፡፡ (አስፋው ስለሺ)
  • ዶክተር መረራ ጉዲና ለጥቅምት 24 ቀን 2010 ዓ.ም ተለዋጭ ቀጠሮ ተሰጣቸው፡፡ (የኔነህ ሲሣይ)
አስተያየት ይፃፉ (0 አስተያየት)

በኢትዮጵያ ያጋጠመውን የስኳር እጥረት ለማቃለል ከውጭ የተሸመተው ስኳር ጅቡቲ ወደብ ደርሷል ተባለ

በኢትዮጵያ ያጋጠመውን የስኳር እጥረት ለማቃለል ከውጭ የተሸመተው ስኳር ጅቡቲ ወደብ ደርሷል ተባለ፡፡በዚህ ሣምንት ስኳሩን ወደ ኢትዮጵያ ለማጓጓዝም ጨረታውን ካሸነፉ ሁለት የትራንስፖርት አገልግሎት ሰጪ ተቋማት ጋር መስማማቱን የስኳር ኮርፖሬሽን ለሸገር ተናግሯል፡፡

ካለፈው ሚያዚያ ወር 2009 ዓ.ም በኋላ በተለያየ ምክንያት እንደውጥኔ ስኳር ማምረት አልቻልኩም ያለው ኮፖሬሽኑ ከነሐሴ ወር 2009 ዓ.ም ጀምሮ የስኳር አቅርቦት ችግር አጋጥሞኛል ብሏል፡፡የአቅርቦት ችግሩን ለማቃለልም ከዓለም ገበያ 700 ሺ ኩንታል ስኳር ለመሸመት ጨረታ ወጥቶ እንደnበር ይታወሣል፡፡

ከአልጄሪያ የተሸመተው 366 ሺ ኩንታል ስኳርም ከትናንት በስቲያ ጅቡቲ ወደብ መድረሱን በኮርፖሬሽኑ የኮርፖሬት ኮሙኒኬሽን ሥራ አስፈፃሚው አቶ ጋሻው አይችሉህም ለሸገር ተናግረዋል፡፡ስኳሩን ወደ መሐል ሀገር ለማጓጓዝም ጨረታውን ያሸነፉ ሁለት የማጓጓዣ አገልግሎት ሰጪ ተቋማት ተሰናድተዋልም ብለዋል፡፡

ከ700 ሺ ኩንታል ስኳሩ ቀሪው ከታይላንድ የተሸመተው 334 ሺ ኩንታል ስኳር በባህር ትራንስፖርት ወደ ኢትዮጵያ ጉዞ መጀመሩንም ሰምተናል፡፡በተያያዘም በኬንያ ተልኮ በሞያሌ ጠረፍ ረዘም ላለ ጊዜ የቆየው 44 ሺ ኩንታል ስኳር ተጓጉዞ ሙሉ በሙሉ ወደ ወንጂ መድረሱንም ሰምተናል፡፡

ስኳሩ ለምግብነት እንደሚውልና እንደማይውልም ፍተሻ እየተደረገለት መሆኑን አቶ ጋሻው ነግረውናል፡፡ስኳሩ መንገድ ላይ ባሳለፈው ዘለግ ያለ ጊዜ እንዳልተበላሸ ከተረጋገጠም ለህብረተሰቡ እንደሚከፋፈል ከአቶ ጋሻው ሰምተናል፡፡

ባለፈው ዓመት የግንቦት ወር የስኳር ኮርፖሬሽን ለኬንያ 100 ሺ ኩንታል ስኳር ለመላክ ያደረገውን ስምምነት ተከትሎ 44 ሺ ኩንታል ስኳር ተጭኖ ወደ ኬንያ መንገድ ከጀመረ በኋላ በተፈጠረ አለመግባባት ከ50 ቀናት በላይ ፀሐይና ወበቅ ሲፈራረቅበት ቆይቶ መመለሱ ይታወሣል፡፡

ትዕግስት ዘሪሁን

አስተያየት ይፃፉ (0 አስተያየት)
Sheger 102.1 AudioNow Numbers