• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የየካቲቱ አብዮት - የመጀመሪያ ክፍል

የየካቲት 1966ቱ አብዮት 44 ዓመት ሞላው፡፡ ይህን ታሪካዊ ወቅት አስመልክቶ እሸቴ አሰፋ የሰራውን የሬድዮ ዶክመንተሪ የመጀመሪያ ክፍል እንድታዳመጡ ጋብዘናል…


አስተያየት ይፃፉ (0 አስተያየት)

የዛሬ የካቲት 1፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የያዩ ማዳበሪያ ፋብሪካ ግንባታ መዘግየት ስጋት ፈጥሯል፡፡ (ትዕግስት ዘሪሁን)
  • በአቤት ሆስፒታል አሜሪካውያን ዶክተሮች ነፃ ህክምና እየሰጡ ነው፡፡ (ወንድሙ ሀይሉ)
  • በአዲስ አበባ መልሶ ማልማት ፕሮግራም ከአራት ክፍለ ከተሞች በ6 ወራት ውስጥ 214 ሄክታር መሬት ነፃ ባደርግም በፍርድ ቤት ዕግድና ቦታዎች ላይ በሚነሳ ክርክር ከዚህ በላይ ልሰራ አልቻልኩም ሲል የከተማ መሬት አስተዳደር ቢሮ ተናገረ፡፡ (ምህረት ስዩም)
  • ከእንግዲህ የወዳደቁ ፕላስቲክ ጠርሙሶች ያለአገልግሎት በየቦታው ወድቀው የሚታዩበትን ጊዜ አሳጥረዋለው ሲል ሲምኮን ቴክኖሎጂ የተባለ አገር በቀል ድርጅት ተናገረ፡፡ (ምስክር አወል)
  • የአገር ውስጥ ባለሀብቶች በአበባ፣ አትክልትና ፍራፍሬ ልማት እንዲሰማሩ ቀደም ሲል በወጣው የማበረታቻ ሥርዓት ላይ ለውጥ ተደርጓል ተባለ፡፡ (ንጋቱ ረጋሣ)
  • በአዲስ አበባ ባለፈው መንፈቅ ከ200 ሄክታር በላይ መሬት ለመልሶ ማልማት ቢለቀቅም በፍርድ ቤት እግድና ክርክር ምክንያት በታሰበው ፍጥነት ስራ ላይ ማዋል አልተቻለም ተባለ፡፡ (ምህረት ስዩም)
  • በህግ እንዲፈርሱ ከተወሰኑ ሁለት የመንግስት የልማት ድርጅቶች ንብረት ሽያጭ በስድስት ወሩ አስራ ሁለት ሚሊየን ብር ተገኝቷል ተባለ፡፡ (ንጋቱ ረጋሣ)
  • የአዲስ አበባ ሆቴል ባለቤቶች ንግድ ዘርፍ ማህበራት በአይነቱ የተለየ ለሀገሪቱ የመጀመሪያ የሆነ የሆስፒታሊቲ ስራ ዘርፍ ፈጠራና የቢዝነስ ትስስር እንደሚዘያጋጁ ተናገሩ፡፡ (ምስክር አወል)
  • እንጅባራ በእድገት ጎዳና የንግድ ትርኢትና ባዛር ከዛሬ ጀምሮ ለ12 ቀናት በእንጅባራ ከተማ እንደሚካሄድ ሰምተናል፡፡ (አስፋው ስለሺ)
  • የህብረት ሥራ ማህበራት የጠቃሚነታቸውን ያህል ትኩረት እንዲሰጣቸው ተጠየቀ፡፡ (በየነ ወልዴ)
  • ኢትዮጵያና ሩስያ ዘመን የተሻገረ ዲፕሎማሲያዊ ግንኙነታቸውን በጠንካራ ምጣኔ ሐብታዊ ትብብርም ሊደግፉት ይገባል ተባለ፡፡ (የኔነህ ሲሳይ)
  • በአዲስ አበባ የሚስተዋለውን የትራንስፖርት እጥረት ለመቅረፍ ያግዛሉ የተባሉ የ850 አውቶብሶች ግዢ መፈፀሙ ተነገረ፡፡ (ንጋቱ ሙሉ)
አስተያየት ይፃፉ (0 አስተያየት)

የያዩ ማዳበሪያ ፋብሪካ ግንባታ መዘግየት ስጋት ፈጥሯል

የያዩ ማዳበሪያ ፋብሪካ ግንባታ መዘግየት ስጋት ፈጥሯል፡፡መንግስት የመጨረሻ ውሳኔ እንዲሰጥበትም ጥያቄ ሊቀርብለት ነው ተብሏል፡፡ የፕሮጀክቱ አጠቃላይ ዋጋ ከ11 ቢሊየን ብር አሁን 20 ቢሊየን ብር ደርሷል፡፡ የብረታ ብረት እና ኢንጂነሪንግ ኮርፖሬሽን (ሜቴክ) በ2006 ዓ.ም አጠናቅቄ አስረክበዋለሁ ያለው ይሄው ፋብሪካ አሁን ይጠናቀቃል ከተባለበት 4 ዓመት ዘግይቶም የግንባታው 44 ከመቶ ብቻ ነው የተጠናቀቀው…

የትዕግስት ዘሪሁንን ዘገባ ያዳምጡ


Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የፕሮፌሰር ገብሩ ታረቀ ጨዋታ - የመጀመሪያ ክፍል -፩(1)

የታሪክ ተመራማሪውና መምህሩ ፕሮፌሰር ገብሩ ታረቀ በኢትዮጵያ አብዮትና የፖለቲካ ታሪክ ዙሪያ Ethiopia: Power and Protest፣ Peasant Revolt in the twentieth century፣ The Ethiopian Revolution: War in the horn of Africa የተሰኙ መፅሐፍትን ፅፈዋል፡፡

የከፍተኛ ትምህርታቸውን በአዲስ አበባ ዩኒቨርሲቲ ኮሌጅ፣ በዊስኮንሲን እና ሳይሪክዩስ ዩኒቨርሲቲዎች የተከታተሉት ፕሮፌሰር ገብሩ ለ36 ዓመታት በሐገር ቤትና በአሜሪካ ሲያስተምሩ ቆይተው አሁን ላይ በምርምር ስራ ላይ ተሰማርተዋል…

ለአጭር ጊዜም የኢትዮጵያ ጥናት እና ምርምር ኢንስቲትዩት ዳይሬክተር ሆነው ሰርተዋል፡፡ፕሮፌሰር ገብሩ ታረቀ እና መዓዛ ብሩ ያደረጉትን ጨዋታ የመጀመሪያ ክፍል ወደ ዩትዩብ ቻናላችን ጎራ ብላችሁ እንድታዳምጡ ጋብዘናል...

አስተያየት ይፃፉ (0 አስተያየት)

ፆም እና ጤና

በሁሉም ኃይማኖቶች ዘንድ ትልቅ መንፈሳዊ ቦታ ያለው ፆም ለጤናም ያለው በረከት የትየለሌ ነው…የዛሬ ዓመት የተላለፈው ይህ የሸገር የ“ስንክሳር” የሬዲዮ ዶክመንተሪ የፆምን የጤና በረከቶች ይዳስሳል፡፡

ስንክሳር፤መኮንን ወ/አረጋይ

https://www.youtube.com/watch?v=1fMDWM4TZ38

አስተያየት ይፃፉ (0 አስተያየት)

የብረታ ብረት ኢንዱስትሪ ምርቶች የአገር ውስጥ የገበያ ድርሻ ዝቅተኛ ነው ተባለ

የብረታ ብረት ኢንዱስትሪ ምርቶች የአገር ውስጥ የገበያ ድርሻ ዝቅተኛ ነው ተባለ፡፡በአገር ውስጥ ሊመረቱ የሚችሉ ምርቶችን ለአለም አቀፍ ጨረታ ማስገባት፣ በመንግስት የሚሰሩ ፕሮጀክቶች ከአምራቾች ጋር የአቅርቦት ትስስር አለመኖርና ተመሳሳይ ደረጃ ያላቸውን ምርቶች ከውጪ ሀገራት ማስገባት እና ከፍተኛ የዋጋ ልዩነት መኖር የገበያ ድርሻ ዝቅተኛነት ምክንያት መሆናቸውን ሰምተናል፡፡

የገበያው ድርሻ ዝቅተኛ ቢሆንም ወደ ተለያዩ ሀገራትም ይላካል ተብሏል፡፡ባለፈው ግማሽ አመትም የአገር ውስጥ ምርት ከአጠቃላይ አቅርቦቱ የነበረው ድርሻ 35 በመቶ መሆኑን በኢንዱስትሪ ሚኒስቴር የግማሽ አመት የእቅድ አፈፃፀም ሪፖርት ላይ ቀርቧል፡፡የጥሬ እቃ አቅርቦት ችግርና የዘርፉ የምርት ዋጋ መናር ገበያው እንዳይረጋጋ ማድረጉን ሚኒስቴር መስሪያ ቤቱ ተናግሯል፡፡

ቡድን በመፍጠር አላስፈላጊ ዋጋ በሚጨምሩ አምራች ኢንዱስትሪዎችም ላይ ህጋዊ እርምጃ እወስዳለሁ ብሏል፡፡አምራቾች በበኩላቸው የገበያው እጥረት መከሰቱ ምክንያት የሆነው በውጪ ምንዛሬ እጥረት መነሻነት የጥሬ እቃ እጦት ነው ብለዋል፡፡የውጪ ምንዛሪ ጥያቄ ካቀረቡ ከ8 ወራት በላይ መሆኑንና እስካሁንም ምላሽ አለማግኘታቸውን ተናግረዋል፡፡

መንግስት እርምጃ ወስዶ የውጪ ምንዛሪ በአፋጣኝ የማይገኝ ከሆነም የአምራች ኢንዱስትሪዎቹ ህልውና አሳሳቢ ደረጃ ላይ መሆኑን ሲናገሩ ሰምተናል፡፡

በየነ ወልዴ

አስተያየት ይፃፉ (0 አስተያየት)

ጠቅላይ ሚኒስትር ሀ/ማርያም ደሳለኝ በዕጩነት ያቀረቧቸው የብሔራዊ ምርጫ ቦርድ አባላት ሹመት በህዝብ እንደራሴዎች ምክር ቤት ፀደቀ

ጠቅላይ ሚኒስትር ሀ/ማርያም ደሳለኝ በዕጩነት ያቀረቧቸው የብሔራዊ ምርጫ ቦርድ አባላት ሹመት በህዝብ እንደራሴዎች ምክር ቤት ፀደቀ፡፡ሹመታቸው ከፀደቀላቸው 9 የምርጫ ቦርድ የስራ ሀላፊዎች መካከል 4ቱ ሴቶች ናቸው፡፡

ምክር ቤቱ ዛሬ ባካሄደው ሶስተኛ የስራ ዘመን 1ኛ ልዩ ስብሰባ የብሔራዊ ምርጫ ቦርድ አባላትን በሁለት ተቃውሞ፣ 2 ድምፀ ተአቅቦ እና በአብላጫ ድምፅ ነው ያፀደቀው፡፡የማዕከላዊ እስታስቲክስ ኤጀንሲ ዳሬክተር ሆነው ለረጅም አመት ሲሰሩ የቆዩት አምባሳደር ሳሚያ ዘከሪያ የኮሚሽኑ ሰብሳቢ ሆነው ተሹመዋል፡፡

ብሔራዊ የሰብአዊ መብት ኮሚሽን ም/ኮሚሽነር ሆነው አገልግለዋል፡፡በአሁኑ ጊዜም በኦሮሚያ ክልል የህገ መንግስት ትርጉም ኮሚሽን ጽ/ቤት ሀላፊ ነበሩ የተባሉት አቶ ደሞዜ ማሜ ደግሞ ም/ሰብሳቢ ሆነው ሹመታቸው ፀድቆላቸዋል፡፡

ወ/ሮ የሺሐረግ ዳምጤ ፕሮፌሰር ፋንቴ አባይ፣ ወ/ሮ ፀሀይ መንክር፣ አቶ ተካልኝ ገ/ሥላሴ፣ አቶ ጀማል መሐመድ እና አቶ ሀብቴ ፍቻላ የብሔራዊ ምርጫ ቦርድ አባላት ሆነው ተሹመዋል፡፡ተሿሚዎቹ በምክር ቤቱ ፊት ቀርበው በጠቅላይ ፍ/ቤት ፕሬዝዳንት አቶ ዳኜ መላኩ አማካይነት ቃለ መሐላ ፈፅመዋል፡፡የህዝብ እንደራሴዎች ምክር ቤት የ2010 በጀት አመት የግማሽ አመት ስራዬን ጨርሻለሁ ብሎ ሹመቱን ካፀደቀ በኋላ ለ1 ወር የእረፍት ጊዜ ሰጥቶ ተዘግቷል፡፡

ትዕግስት ዘሪሁን

አስተያየት ይፃፉ (0 አስተያየት)

ካይን የራቀ ከልብ ይርቃል ለእናት አይሰራም...

ሸገር ልዩ ወሬ: ካይን የራቀ ከልብ ይርቃል ለእናት አይሰራም...“የልጄን ነገር ሳስታውስ ኡኡ ብዬ እቃ እሰብራለሁ - ጎረቤቶቼ ያውቃሉ” ወ/ሮ ሐሊማ፡፡ እናትና ልጅ ከ42 ዓመታት በኋላ ሲገናኙ

በምስሉ ላይ የሚታዩት ወ/ሮ ሐሊማ ኑኑ ያሉትን መሀል ላይ የሚታየውን ልጃቸውን የወለዱት የዛሬ 42 ዓመት ነው፡፡ ያኔ ፊናንስ ፖሊስ የነበሩት የኑኑ አባት ከሥራቸው ተሰናበቱ፡፡ ጥቂት ቆይቶ ደግሞ አባት ከዚህ ዓለም በሞት ተለዩ፡፡ ኑሮ የከፋችባቸው ወ/ሮ ሐሊማ ኑኑን ስዊዲን ኤምባሲ ለምትሰራ ስዊዲናዊት ሴት በጉዲፈቻነት ሰጧት፡፡

ከዚያን በኋላ ላሉት ዓመታት ልጅቸው ሲታወሳቸው ማንባት ሆነ፡፡ “የልጄን ነገር ሳስታውስ ኡኡ ብዬ እቃ እሰብራለሁ - ጎረቤቶቼ ያውቃሉ” ይላሉ ወ/ሮ ሐሊማ፡፡“የውጭ ሐገር ኳስ ማየት እወዳለሁ” የሚሉት ወ/ሮ ሐሊማ፣ “ፀጉሩ ያመረ ሰው ሳይ ልጄ ይሆን እንዴ እላለሁ” ይላሉ፤ “42 ዓመት ሙሉ በእሱ ጥበብ ነው እንጂ ያለሁት እንደኔ ማልቀስ ወዲያው ልቤ የሚቆም ነበረ…”

ስፍር ቁጥር ለሌላቸው ጊዜያት ስዊዲን ኤምባሲ እየተመላለሱ ስለልጃቸው ጠየቁ፡፡ መልስ የለም፡፡ትዳር መስርተው 4 ልጆች አፈሩ፡፡የእናቱ በልጃቸው እንዲህ መብከንከን አላስችል ያለው በምስሉ ላይ በሰተቀኝ በኩል የሚታየው ሐሰን የተባለው ልጃቸው ኑኑን በኢንተርኔት ማፈላለግ ጀመረ፡፡

እናም ተሳክቶለት እነሆ እናትና ልጅ ከ42 ዓመታት በኋላ ለመተያየት በቁ፡፡የወ/ሮ ሐሊማን ደስታ ቃላት አይገልፀውም፡፡ አሁን ላይ ስዊዲን ውስጥ ታዋቂ ተዋናይ የሆነው የ42 ዓመቱ የድሮው ኑኑ የአሁኑ ማርስ እናቱ ሞተዋል ብሎ ነበር የሚያስበው፡፡

https://www.youtube.com/watch?v=a9TQNJz8RWw

አስተያየት ይፃፉ (0 አስተያየት)

ያለፉት ሁለት አመታት ኢትዮጵያ መረጋጋት ሳይታይባት ያሳለፈቻቸው ጊዜያት እንደነበሩ በተለያዩ ሁኔታዎች ሲነገር ይሰማል...

ያለፉት ሁለት አመታት ኢትዮጵያ መረጋጋት ሳይታይባት ያሳለፈቻቸው ጊዜያት እንደነበሩ በተለያዩ ሁኔታዎች ሲነገር ይሰማል፡፡እነዚህ አለመረጋጋቶችና ግጭቶች ደግሞ የሚያሳዩት ጠያቂ ትውልድ መፈጠሩን እንደሆነ መንግስትና የተለያዩ የህብረተሰብ ክፍሎች ሲናገሩ ይደመጣል፡፡ 

ለመሆኑ ጠያቂ ትውልድ ምን ማለት ነው ? ይህን አስመልክቶ ለቀድሞው የኢፌድሪ ፕሬዝዳንት ዶ/ር ነጋሶ ጊዳዳና በኢትዮጵያ ሳይንስ አካዳሚ በአማካሪነት ለሚሰሩት አቶ ጥላዬ ንጉሴ ጥያቄ አቅርበንላቸው ነበር፡፡ዶ/ር ነጋሶ ጊዳዳ ጠያቂ ትውልድ ማለት ከመብቴ የጎደለኝ፣ ያልተሟላልኝ አለ ብሎ የሚጠይቅ እንደማለት ነው ብለዋል፡፡

መገለጫውም ያለውን፣ የተሰራውን ሁሉ ድምጥማጡን ማጥፋት ሳይሆን ሰላማዊ አካሄድና ሥርዓትን የተከተሉ ተቃውሞዎች እንደሆኑ ነግረውናል፡፡ዶ/ር ነጋሲ ጊዳዳ እንደነገሩን ባለፉት ሁለት አመታት የታየው ሁኔታ የጠያቂ ትውልድ እያቆጠቆጠ መምጣቱን እንጂ ሙሉ ለሙሉ ትርጓሜው የገባው ትውልድ መፈጠሩን የሚያሳይ አይደለም፡፡ ይህም መደበላለቅን ፈጥሯል ይላሉ፡፡አቶ ጥላዬ በበኩላቸው ጠያቂ ትውልድ ማለት ያረጀ ያፈጀውን አካሄድ ሙሉ ለሙሉ ተቀብሎ ከመሄድ ይልቅ እስከምን ድረስ ሊያስኬድ ይችላል በማለት ጠይቆ መሻሻል ላለባቸው ነገሮች የሚጠይቅ ነው ብለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

የዛሬ ጥር 30፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የእንቦጭ አረምን ወደ ከሰልነት ለመቀየር ጥረት እየተደረገ ነው ተባለ፡፡ (ወንድሙ ሀይሉ)
  • በግብር አወሳሰን፣ በኦዲትና ከግብር ጋር በተገናኙ ከቀረቡ የደንበኞች አቤቱታዎች በ6 ወራት ውስጥ ከዘጠኝ መቶ በላይ ለሚሆኑት ማስተካከያ ማድረጉን የኢትዮጵያ ገቢዎችና ጉምሩክ ባለስልጣን ተናገረ፡፡ (ምህረት ስዩም)
  • ኢትዮጵያ የዱር እንስሳት ስርጭት መጠኗና ስብጥሯ እየቀነሰባት ነው ተባለ፡፡ (ቴዎድሮስ ብርሃኑ)
  • በሕገ-ወጥ የሰዎች ዝውውር ወደ አረብ አገር የሚልከው ወደ እስር ቤት ገባ፡፡ (ወንድሙ ሀይሉ)
  • የአዲስ አበባ ከተማ የደረቅ ቆሻሻ አስተዳደር ፕሮግራም የቆሼ ረጲ የቆሻሻ ማስወገጃ ፕሮጀክትን ለማጠናቀቅ የሚያስችል ብድር አገኘ፡፡ (ትዕግስት ዘሪሁን)
  • ኦህዴድ በኢህአዴግ ምክር ቤት የሚገኙ 14 አባላቱን በሌላ ሲተካ አራት የማዕከላዊ ምክር ቤት አባላቱን ማገዱን ተናገረ፡፡ (የኔነህ ሲሳይ)
  • ጠቅላይ ሚኒስትር ሀ/ማርያም ደሳለኝ በዕጩነት ያቀረቧቸው የብሔራዊ ምርጫ ቦርድ አባላት ሹመት በህዝብ እንደራሴዎች ምክር ቤት ፀደቀ፡፡ (ትዕግስት ዘሪሁን)
  • መንግስት ለወጣቶች ስራ ፈጠራ ከመደበው ገንዘብ ብድር እየወሰዱ ለሌላ አሳልፈው እየሰጡብኝ ተቸግሬያለሁ ሲል የወጣቶችና ስፖርት ሚኒስቴር ተናገረ፡፡ (አስፋው ስለሺ)
  • የብረታ ብረት ኢንዱስትሪ ምርቶች የአገር ውስጥ የገበያ ድርሻ ዝቅተኛ ነው ተባለ፡፡ (በየነ ወልዴ)
  • በቅዱስ ጳውሎስ ሆስፒታል የጤናማ እናትነት ወር መዝጊያ ዝግጅት ዛሬ ይከናወናል፡፡ (ወንድሙ ሀይሉ)
አስተያየት ይፃፉ (0 አስተያየት)

የእማማ ደሐብ ጨዋታ - የመጨረሻ ክፍል

በ1948 ሥራ የጀመረው የፒያሳው ደሐብ ሆቴል እነሆ አሁን 62 ዓመት ሆነው፡፡ እድሜያቸው ወደ 90 የሚጠጋው የሆቴሉ ባለቤት ወ/ሮ ደሐብ ወልዱ ከመዓዛ ብሩ ጋር አድርገውት የነበረውን ጨዋታ ሁለተኛ ክፍል ወደ ኦፊሺያል የዩትዩብ ቻናላችን ጎራ ብላችሁ ታዳምጡ ዘንድ ጋብዘናል…

https://www.youtube.com/watch?v=YboHTNEn9qo

አስተያየት ይፃፉ (0 አስተያየት)
Sheger 102.1 AudioNow Numbers