• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በቅርቡ ሲጠና የቆየው የቀን ገቢ ግምት ተጠናቆ ውጤቱን ለነጋዴዎቹ በደብዳቤ ይፋ እያደረገ መሆኑን የኢትዮጵያ ገቢዎችና ጉምሩክ ባለሥልጣን ተናገረ

በቅርቡ ሲጠና የቆየው የቀን ገቢ ግምት ተጠናቆ ውጤቱን ለነጋዴዎቹ በደብዳቤ ይፋ እያደረገ መሆኑን የኢትዮጵያ ገቢዎችና ጉምሩክ ባለሥልጣን ተናገረ፡፡የነጋዴዎቹን የግብር ከፋይነት ደረጃ ለመከለስ ባለሥልጣን መሥሪያ ቤቱ ለአንድ ወር ሲያጠናው የቆየውን የቀን ገቢ ግምት ካጠናቀቀ በኋላ በጥናቱ መሠረት የግብር ከፋይነት ደረጃቸውን ለነጋዴዎቹ በደብዳቤ ይፋ እያደረገላቸው መሆኑን ለሸገር ተናግሯል፡፡

የተከለሰው የግብር ከፋይነት ደረጃቸው በደብዳቤ ከደረሳቸው ነጋዴዎች መካከልም ደረጃው አይገባኝም የሚል ቅሬታ እያሰሙ ያሉ መኖራቸውንም ባለሥልጣን መሥሪያ ቤቱ ተናግሯል፡፡ቅሬታዎቹንም በወረዳ ገቢ ሰብሣቢ ቅርንጫፍ መሥሪያ ቤቶች በኩል ከሥር ከሥር እየተፈቱ መሆኑን በባለሥልጣን መሥሪያ ቤቱ የአዲስ አበባ ቅርንጫፍ ጽ/ቤቶች ድጋፍና ክትትል ዳይሬክተሩ አቶ አትክልት ገብረእግዚአብሔር ነግረውናል፡፡

ሲጠና የቆየውን የቀን ገቢ ግምት ለማምለጥ ከ50 ሺ በላይ ነጋዴዎች እቃቸውን አሽሽተዋል የተባለ ሲሆን በመርካቶ ብቻ ከ500 በላይ ነጋዴዎች ሱቃቸውን ዘግተው እንደጠፉም ሰምተናል፡፡እስካሁንም ሱቃቸውን የዘጉ መኖራቸውን የተናገሩት አቶ አትክልት ቀደም ተብሎ ግምት ተወስዶ ስለነበር የንግድ ከፋይነት ደረጃቸው በዚያ መሠረት ተሰርቶ ተጠናቋል ብለዋል፡፡

የነጋዴ ግብር ከፋዮች ደረጃ ካለፉት ስድስት ዓመታት ወዲህ ለመጀመሪያ ጊዜ የተከለሰ ሲሆን አብዛኛዎቹም ደረጃቸው ከፍ እንደሚል ይጠበቃል ተብሏል፡፡ምን ያህሉ ነጋዴዎች በደረጃ “ሀ” ምን ያህሉ ደግሞ በደረጃ “ለ” እና “ሐ” የግብር ከፋይነት ደረጃ እንደተደለደሉም በቅርቡ ይፋ እንደሚደረግ አቶ አትክልት ነግረውናል፡፡

ትዕግስት ዘሪሁን
አስተያየት ይፃፉ (0 አስተያየት)

በኢትዮጵያ የካንሰር ህመም መድኃኒቶችን በተመጣጣኝ ዋጋ ለማቅረብ የአሜሪካ ካንሰር ሶሣይቲ እና Clinton Health Access Initiative ተስማሙ

በኢትዮጵያ የካንሰር ህመም መድኃኒቶችን በተመጣጣኝ ዋጋ ለማቅረብ የአሜሪካ ካንሰር ሶሣይቲ እና Clinton Health Access Initiative ተስማሙ፡፡የካንሰር ህመም መድኃኒቶቹ ጥራታቸው የተፈተሸ እና ዋጋቸውም አሁን በገበያ ላይ ካለው 40 በመቶ የቀነሰ እንደሚሆን ድርጅቶቹ ተናግረዋል፡፡

ከኢትዮጵያ በተጨማሪ ናይጄሪያ፣ ኬኒያ፣ ኡጋንዳ፣ ሩዋንዳና ታንዛኒያ የዚህ እድል ተጠቃሚ አገሮች እንደሆኑም ሰምተናል፡፡በዓለም ላይ በየአመቱ ከሚታየው የካንሰር ህመም 44 በመቶ የሚሆነው ኢትዮጵያን ጨምሮ በእነዚህ ስድስት የሰሃራ በስተ-ደቡብ አገራት ነው ያሉት  ድርጅቶች ፤ ጥራታቸው የተፈተሹ እና ዋጋቸውም የቀነሰ መድኃኒቶችን ለነዚህ አገራት ማቅረብ በህመሙ በቶሎ ህይወታቸውን የሚያጡ ሰዎችን ቁጥር በእጅጉ ይቀንሰዋል ብለዋል፡፡

በህክምና እና በመድኃኒት እጥረት ምክንያት በካንሰር ህመም የተያዙ የሰሃራ በስተ-ደቡብ ያሉ አገራት ዜጐች ከአሜሪካ መሰሎቻቸው ጋር ሲነፃፀሩ የመሞት እድላቸው በሁለት እጥፍ መሆኑን ድርጅቶቹ አስረድተዋል፡፡የአሜሪካ ካንሰር ሶሳይቲ እና Clinton Health Access Initiative ኢትዮጵያን ጨምሮ በስድስቱ የሰሃራ በስተደቡብ ያሉ አገራት የካንሰር ህመም መድኃኒቶቹን ዋጋ በ40 በቶ ቀንሰው የሚያቀርቧቸው 19 ዓይነት መድኃኒቶች መሆናቸውን ሰምተናል፡፡

ከዛሬ 5 ዓመት በፊት በኢትዮጵያ፣ በናይጄሪያ፣ ኬኒያ፣ ኡጋንዳ፣ ሩዋንዳና ታንዛኒያ አገሮች 626 ሺ አዲስ የካንሰር ታማሚዎች መገኘታቸውን ያስታወሱት ድርጅቶቹ በዚያው ዓመት 447 ሺ ሰዎች ደግሞ በህመሙ ምክንያት ህይወታቸው ማለፉን አስታውሰዋል፡፡

በቀጠናው በየአመቱ በካንሰር የሚያዙትና የሚሞቱት ሰዎች ቁጥር እየጨመረ እንደሚሄድም የአለም ጤና ድርጅት /WHO/ መረጃን ጠቅሰው ድጋፍ አድራጊ ድርጅቶቹ ተናግረዋል፡፡በኢትዮጵያ ካንሰርን ጨምሮ ተላላፊ ባልሆኑ ህመሞች በየአመቱ የሚሞተው ሰው ቁጥር በአጠቃላይ በአገሪቱ ከሚመዘገበው ሞት 40 በመቶ ድርሻ ይዘዋል፡፡

ንጋቱ ሙሉ
አስተያየት ይፃፉ (0 አስተያየት)

ሰኔ 19፣2009 የሸገር ወሬዎቻችን

  • በሳምንቱ መጨረሻ በኦሮሚያ ክልል በትራፊክ አደጋ 35 ሰዎች መሞታቸው ተነገረ፡፡ የኦሮሚያ ፖሊስ አደጋዎቹ በአሽከርካሪዎች ቸልተኝነትና ተሽከርካሪዎቹ ምራመራ ስላልተደረገላቸው መሆኑን ተናግሯል፡፡ (አስፋውስለሺ)
  • በኢትዮጵያ የካንሰር ህመም መድኃኒቶች በተመጣጣኝ ዋጋ ለማቅረብ ካንሰር ሶሳይቲ እና ክሊንተን ሄልዝ አክሰስ ኢንሼቲቭ ተስማሙ፡፡ (ንጋቱሙሉ)
  • ታዋቂው የአገር ሽማግሌና የሀገር ቅርስ አስመላሽ ፊታውራሪ አመዴ ለማ የመታሰቢያ ቤተ-መፅሃፍት ሊቋቋምላቸው ነው፡፡ (ንጋቱሙሉ)
  • የፕሮፌሰር አስራት ወልደየስ አፅም ከነበረበት የባዓለወልድ ቤተ-ክርስቲያን በክብር ተነስቶ በቅድስት ስላሴ ቤተ-ክርስቲያን አረፈ፡፡ (ንጋቱሙሉ)
  • ቀይ መስቀል ዛሬ የአምቡላንስ ድጋፍ ይደረግለታል፡፡ (ወንድሙኃይሉ)
  • ገቢ ሰብሣቢ መሥሪያ ቤቱ የተከለሰውን የነጋዴዎች የገቢ ግብር ደረጃ በደብዳቤ እያሳወቅኋቸው ነው አለ፡፡ (ትዕግሥትዘሪሁን)
  • ከ2009 በጀት ዓመት በፊት ከነበሩና ቅሬታ ካቀረቡ የኦሮሚያ ልማት ተነሺዎች ወደ 40 በመቶ ለሚሆኑት መፍትሄ ተሰጥቷል ተባለ፡፡ (ንጋቱረጋሣ)
  • 29ኛው የአፍሪካ የመሪዎች ጉባዔ ከነገ ጀምሮ በአዲስ አበባ ይካሄዳል፡፡ (የኔነህ ሲሣይ)
አስተያየት ይፃፉ (0 አስተያየት)

የሚድሮክ ኢትዮጵያ እህት ኩባንያ የሆነው ኤም.ቢ.አይ ቀለም ፋብሪካ ተቃጠለ

የሚድሮክ ኢትዮጵያ እህት ኩባንያ የሆነው ኤም.ቢ.አይ ቀለም ፋብሪካ ተቃጠለ፡፡ ቃጠሎውን ለመቆጣጠር 4 ሰዓታትን ወስዷል ተብሏል፡፡ ከዚህ ቀደም በረደሰበት የቃጠሎ አደጋ 28 ሚሊዮን ብር የተገመተ ንብረቱ የወደመበት ኤም.ቢ.አይ ቀለም ፋብሪካ ትላንት ምሽት መንስዔው ባለታወቀ ምክንያት መቃጠሉን ሰምተናል፡፡

የእሣትና ድንገተኛ አጋዎች መከላከልና መቆጣጠር ባለሥልጣን ለሸገር እንደተናገረው ገላን ከተማ የሚገኘው ኤም.ቢ.አይ ቀለም ፋብሪካ የእሣት አደጋው የደረሰበት ትላንት ምሽት 3 ሰዓት ተኩል ላይ ነበር፡፡እስከ ለሊቱ 7 ሰዓት ተኩል ድረስም ቃጠሎው የቀጠለ መሆኑንና ለመቆጣጠርም ባለሥልጣን መሥሪያ ቤቱ 5 የእሣት አደጋ መቆጣጠሪያ መኪኖችን እንዳሰማራ ተናግሯል፡፡

የባለሥልጣን መሥሪያ ቤቱ የህዝብ ግንኙነት ባለሙያው አቶ ንጋቱ ማሞ እንደነገሩን 61 ሺ ሊትር ውሃና 16 ሺ ሊትር ፎም በመጠቀም እሣቱን ለመቆጣጠር ተችሏል ብለዋል፡፡ለ4 ሰዓታት በዘለቀው የእሣት ቃጠሎ የቀለም ፋብሪካውን ማሽኖች ጨምሮ የተለያዩ ንብረቶች ወደመዋል የተባለ ሲሆን አጠቃላይ በቃጠሎው አደጋ የደረሰበትን ንብረትና የተረፈውን የገንዘብ ግምት እስካሁን ማወቅ አልተቻልም ተብሏል፡፡

ትዕግስት ዘሪሁን
አስተያየት ይፃፉ (1 Comment)

መንግሥት ከአልኮልና ለስላሣ መጠጦች እንዲሁም ጤናማ ያልሆኑ ምግቦች ማስታወቂያ በመገናኛ ብዙኃን መተላለፉ ቢያቆም የሚያጣውን ገቢ...

“መንግሥት ከአልኮልና ለስላሣ መጠጦች እንዲሁም ጤናማ ያልሆኑ ምግቦች ማስታወቂያ በመገናኛ ብዙኃን መተላለፉ ቢያቆም የሚያጣውን ገቢ ከዜጐቹ ጤና መሆን እንዲሁም በምርቶቹ ላይ በሚጥለው ጭማሪ ታክስ ሊያገኘው ይችላል” የጤና ጥበቃ ሚኒስቴር…

“የዚህች አገር የወደፊት ተረካቢዎች በትምህርት ላይ ያሉ 27 ሚሊዮን ተማሪዎች ናቸው፡፡ እነዚህን በትምህርት ላይ ያሉ ተማሪዎችን ከበሽታዎች ለመጠበቅ በትምህርት ቤቶች አካባቢ በቅርብ ርቀት ውስጥ ምንም አይነት የትንባሆ፣ የመጠጥ፣ የጫት፣ የለስላሣ መጠጥ ወዘተ እንዳይሸጡ ለማድረግ ጤና ጥበቃ ሚኒስቴር እየሰራ ነው” የጤና ጥበቃ ሚኒስትር ዶክተር ከበደ ወርቁ…

ማናቸውም የአልኮልና የለስላሣ መጠጥ፣ ጤናማ ያልሆኑ ምግቦች ማስታወቂያ በመገናኛ ብዙኃን እንዳይተላለፍ ለመከላከል እየሰራ መሆኑን የጤና ጥበቃ ሚኒስቴር ተናገረ፡፡

ሚኒስቴር መሥሪያ ቤቱ የአልኮልና የለስላሣ መጠጦችን እንዲሁም ጤናማ ያልሆኑ ምግቦችን ማስታወቂያ በመገናኛ ብዙሃን እንዳይተላለፉ ለመከላከል የሚሰራው ተላላፊ ያልሆኑ ህመሞችን ለመከላከል እንደሆነ ሚኒስትር ድኤታው ዶክተር ከበደ ወርቁ ተናግረዋል፡፡

ተጨማሪ ያንብቡ...

አስተያየት ይፃፉ (0 አስተያየት)

ሰኔ 16፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የጤና ጥበቃ ሚኒስቴር የጤና ችግር አስከታይ የሆኑ የምግብና መጠጦችን ማስታወቂያ ሊያስከለክል ነው፡፡ (ንጋቱ ሙሉ)
  • ሃያ ሰባት የበጎ አድራጐት ድርጅቶችና ማህበራት ባለፉት አስራ አንድ ወራት ፍቃዳቸው ተሰርዟል ተባለ፡፡ (ንጋቱ ረጋሣ)
  • የኦሮሚያ ጤና ቢሮ በ2 ቢሊዮን ብር ጤና ተቋማቴን አዘምኛለሁ፤ የአገልግሎት አሰጣጡን ችግር ለመቅረፍ ከአንድ ሺ በላይ ባለሙያዎችና አመራሮች ላይ እርምጃ ወስጃለሁ ብሏል፡፡ (አስፋው ስለሺ)
  • የባቡር ትራንስፖርት አሰጣጡን ለመከታተልና ለመቆጣጠር ያግዛል የተባለ ረቂቅ አዋጅ ለህዝብ እንደራሴዎች ምክር ቤት ቀርቧል፡፡ (ትዕግሥት ዘሪሁን)
  • የእርሻና የተፈጥሮ ሃብት ሚኒስቴር በዚህ አመት 345 ሚሊዮን ኩንታል ምርት ለመሰብሰብ አቅዷል፡፡ (ምስክር አወል)
  • የሚድሮክ ኢትዮጵያ እህት ኩባንያ የሆነው ኤም.ቢ.አይ ቀለም ፋብሪካ ተቃጠለ፡፡ (ትዕግሥት ዘሪሁን)
አስተያየት ይፃፉ (0 አስተያየት)

ውሃም ሆነ ሌላ ፈሳሽ ነገር ጠጥተው የማያውቁት ወ/ሮ ዓለም ደምሴ…

“የጉለሌ፣ ኮባ ሰፈር ነዋሪ የሆኑት የ60 ዓመቷ ወ/ሮ ዓለም ደምሴ በሕይወት ዘመናቸው ውሃም ሆነ ሌላ ፈሳሽ ጠጥተው አያውቁም” ይለናል ይህ የሸገሩ ወንድሙ ኃይሉ ልዩ ወሬ…ደረቅ ዳቦ እየበሉ እያሉ አገኘኋቸው የሚለው ወንድሙ ኃይሉ፣ “እንደው ያለ ውሃ እንዴት መኖር ይቻላል - አያንቆትም ?” ብሏቸው ነበር፡፡

“በሐይል አልጎርስማ” ነበር የወይዘሮዋ መልስ፡፡ ይህ ውሃም ሆነ ፈሳሽ ነገር ጠጥቶ ያለማወቅ ነገር የሰፈሩን ነዋሪዎችም ሆነ ልጆቻቸውን ለዓመታት ያስገረመ ነው፡፡

እሳቸው ግን፣ “እታጠብበታለሁ … ከዚህ ውጪ ግን ውሃ በጉሮሮዬ ወርዶ አያውቅም - የእግዚአብሄር ስራ ነው” ባይ ናቸው፡፡

ባንድ ወቅት ታምመው ኪኒን ታዝዞላቸውም በደረቁ ነበር የዋጡት…

ውሃም ሆነ ሌላ ፈሳሽ ባይጠጡም ግን ሽንት እንደሚሸኑ ነው የሚናገሩት ወ/ሮ ዓለም፡፡

የሰው ልጅ በቀን ውስጥ በሽንት፣ በላብ እና በትንፋሽ የሚያወጣውን 2.5 ሊትር የሚሆን ውሃ ለመተካት በአማካይ በቀን ውስጥ አንድ ሰው 3 ሊትር ያህል ውሃ መጠጣት አለበት የሚሉት የአቤት ሆስፒታል ሜዲካል ዳይሬክተር ዶ/ር ብርሃኑ ኃይለሚካዔል፣ ይህ እንግዳ ክስተት ምርምር የሚሻው ነው ብለዋል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (1 Comment)

የኢትዮጵያ ምድር ባቡር ኮርፖሬሽን ከውጭ ያስመጣቸውን ከ400 በላይ ፉርጐዎች ወደ ሀገር ለማስገባት የገንዘብ እጥረት እንዳጋጠመው ተናገረ

የኢትዮጵያ ምድር ባቡር ኮርፖሬሽን ከውጭ ያስመጣቸውን ከ400 በላይ ፉርጐዎች ወደ ሀገር ለማስገባት የገንዘብ እጥረት እንዳጋጠመው ተናገረ፡፡በ2009 በጀት ዓመት ኮርፖሬሽኑ ለፕሮጀክቱ ማስፈፀሚያ የወሰደውን ብድርና ወለድ ለመክፈል በገባው ውለታ መሠረት ስላለፈፀመም 4 ሚሊየን ብር መቀጣቱን ሰምተናል፡፡

ኮርፖሬሽኑ ከቻይና ያስመጣቸው 412 ፉርጐዎች ጅቡቲ ወደብ ከደረሱ በኋላ ወደ ኢትዮጵያ ለማስገባት እጅ አጥሮኛል ብሏል፡፡በየቀኑም ለወደብ ኪራይ ተጨማሪ ገንዘብ እየከፈለ ፉርጐዎቹን ወደብ ላይ ለማቆየት መገደዱን ተናግሯል፡፡ኮርፖሬሽኑ ዛሬ በህዝብ እንደራሴዎች ምክር ቤት በመንግሥት የልማት ድርጅት ጉዳዮች ቋሚ ኮሚቴ ለቀረቡለት ጥያቄዎች ምላሽ ሲሰጥ እንደሰማነው ለተለያዩ ፕሮጀክቶች ማስፈፀሚያ የወሰደውን ብድርና ወለድ በቀኑ መመለስ አልቻለም፡፡

ብድሩን ለመክፈል በመዘግየቱ የኢትዮጵያ ምድር ባቡር ኮርፖሬሽን 4 ሚሊየን ብር ቅጣት እንደተወሰነበት ሰምተናል፡፡በትኬት ሽያጭና ቁጥጥር ላይ ለሚያጋጥመው ችግር መላ ለማበጀት ትኬቱን በኤሌክትሮኒክስ ለመቀየር ወጥኖ እንደነበር ይታወሣል፡፡

ይህንን ተግባራዊ ለማድረግ ግን እጅ አንዳጠረው ዋና ሥራ አስፈፃሚው ዶክተር ኢንጂነር ብርሃኑ በሻ ተናግረዋል፡፡ለባቡር ፕሮጀክቶች ግንባታ የገንዘብ ምንጩ አብዛኛው ከብድር የሚገኝ ነው ተብሏል፡፡የአዲስ አበባ ቀላል ባቡር ከሚያስፈልገው ወጪ 85 በመቶው የተገኘው በብድር ሲሆን ከአዲስ አበባ ጅቡቲ የሚወስደው የባቡር መስመር ዝርጋታም እየተፈፀመ ያለው 70 በመቶው ከብድር በተገኘ ገንዘብ መሆኑን ሰምተናል፡፡

የኮርፖሬሽኑን የገንዘብ ችግር ለመፍታት ከመንግሥት 1 ነጥብ 5 ሚሊየን ብር ቃል የተገባ ቢሆንም እስካሁን ገቢ እንዳልተደረገለት ኮርፖሬሽኑ ተናግሯል፡፡

ትዕግስት ዘሪሁን

አስተያየት ይፃፉ (0 አስተያየት)

በአዲስ አበባ ሃብተ ጊዮርጊስ ድልድይ አካባቢ ዛሬ ከንጋቱ 12 ሰዓት ከ52 ደቂቃ የተነሳው የእሣት አደጋ 6 ድርጅቶችን አቃጠለ ተባለ

በአዲስ አበባ ሃብተ ጊዮርጊስ ድልድይ አካባቢ ዛሬ ከንጋቱ 12 ሰዓት ከ52 ደቂቃ የተነሳው የእሣት አደጋ 6 ድርጅቶችን አቃጠለ ተባለ፡፡በአደጋው 542 ሺ ብር የተገመተ ንብረት ሲወድም 12 ሚሊዮን ብር የተገመተውን ንብረት ማዳን ተችሏል ሲሉ ከእሣትና ድንገተኛ አደጋዎች መከላከልና መቆጣጠር ባለሥልጣን የህዝብ ግንኙነት ባለሙያው አቶ ንጋቱ ማሞ ለሸገር ተናግረዋል፡፡

1 ሰዓት ያህል በፈጀው በዛሬ ጠዋቱ የእሣት አደጋ ተቃጠሉ ከተባሉት ውስጥ ካፌና ሬስቶራንቶች፣ ቁርስ ቤቶች ይገኙባቸዋል ተብሏል፡፡26 የአደጋ ጊዜ ሠራተኞች 4 ከባድ መኪኖችን በመጠቀም 21 ሺ ሊትር ውሃ በእሣቱ ላይ አርከፍክፈዋልም ተብሏል፡፡

የእሣት አደጋውን መንስዔ ለማወቅ ፖሊስ በማጣራት ላይ ነው ተብሏል፡፡

ወንድሙ ኃይሉ
አስተያየት ይፃፉ (0 አስተያየት)

ሰኔ 14፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በሕገ-ወጥ ዝውውር ላይ የነበሩ ቡናና ሌሎች ቁሣቁሶች በገቢዎችና ጉምሩክ ባለሥልጣን ተያዙ፡፡ (ወንድሙ ኃይሉ)
  • የአዲስ አበባ አንዳንድ አካባቢዎች የውሃ መቋረጥ አጋጥሟቸዋል ተባለ፡፡ (ወንድሙ ኃይሉ)
  • ከዝሆን ጥርስ የተሰሩ ጌጣጌጦች ይዘው የተገኙ የውጪ ሃገር ዜጐች በገንዘብ ተቀጡ፡፡ (ወንድሙ ኃይሉ)
  • የበጎ አድራጐት ድርጅቶችና ማህራት ንብረቶቻቸውን ለተቆጣጣሪው የመንግሥት አካል በማሣወቅ በኩል እንደሚጠበቀው አይደሉም ተባለ፡፡ (ንጋቱ ረጋሣ)
  • የኢትዮጵያ ምድር ባቡር ኮርፖሬሽን ከውጭ ያስመጣኋቸውን ከ400 በላይ ፉርጐዎች በገንዘብ እጥረት ምክንያት ማስገባት አልቻልኩም አለ፡፡ (ትዕግሥት ዘሪሁን)
  • የኢትዮጵያ ገቢዎችና ጉምሩክ ባለሥልጣን እስከ ሰኔ 30፤ 25 ቢሊየን ብር ለመሰብሰብ ቆርጬ ተነስቻለሁ አለ፡፡ (ዮሐንስ የኋላወርቅ)
  • የብዙሃን ትራንስፖርትና የከባድ ጭነት ተሽከርካሪዎችን ለመቆጣጠር የሚያግዘው የጂፒኤስ ገጠማ ሥራ ሙከራ ተጀመረ፡፡ (ንጋቱ ሙሉ)
  • በአዲስ አበባ ሃብተ ጊዮርጊስ ድልድይ አካባቢ ዛሬ ከጠዋቱ 1 ሰዓት ገደማ የተነሣው እሣት ድርጅቶችን አቃጠለ፡፡ (ወንድሙ ኃይሉ)
አስተያየት ይፃፉ (0 አስተያየት)

ፐብሊክ ሰርቪስና የሰው ሃብት ልማት ሚኒስቴር በፌዴራል የመንግሥት መሥሪያ ቤቶች ከ300 በላይ ህገ-ወጥ ቅጥር፣ የደረጃ እድገትና ዝውወር መፈፀሙን ደርሼበታለሁ አለ

ፐብሊክ ሰርቪስና የሰው ሃብት ልማት ሚኒስቴር በፌዴራል የመንግሥት መሥሪያ ቤቶች ከ300 በላይ ህገ-ወጥ ቅጥር፣ የደረጃ እድገትና ዝውወር መፈፀሙን ደርሼበታለሁ አለ፡፡ሚኒስቴር መሥሪያ ቤቱ በዚህ ዓመት በ39 የፌዴራል የመንግሥት መሥሪያ ቤቶች የተፈፀመን  ቅጥር፣ ዝውውር፣ የደረጃ ዕድገት አሰጣጥና ድልድል አፈፃፀም  ህጉን ተከትሎ የተሰራ ስለመሆኑ ምርመራ ማድረጉን ተናግሯል፡፡

በተደረገው ምርመራ መሠረትም 309 ከህግ ውጪ የቅጥር፣ የደረጃ ዕድገትና የመሣሰሉ የአሰራር ግድፈቶች ስለመኖራቸው ተረጋግጧል፡፡በተለያዩ መሥሪያ ቤቶች ከተፈፀሙ 526 የሠራተኛ የደረጃ ዕድገት 76ቱ ከህግ ውጪ የተሰጣቸው ናቸው ተብሏል፡፡

በቋሚነት ከተቀጠሩ 3 ሺ 180 ሠራተኞች የ55ቱ ቅጥር ከህግ ውጪ መሆኑን የፐብሊክ ሰርቪስና የሰው ሃብት ሚኒስትሩ አቶ ታገሰ ጫፎ ተናግረዋል፡፡ሚኒስትሩ የመሥሪያ ቤታቸውን የ11 ወር ዕቅድ አፈፃፀም ሪፖርት ዛሬ ለህዝብ እንደራሴዎች ምክር ቤት ሲያቀርቡ እንደሰማነው ከ223 የሠራተኞች ድልድል 15 በመቶ ወይንም የ175 ሠራተኞች ድልድል ደንብና መመሪያን የተከተለ አይደለም ብለዋል፡፡

ዝውውር ከተፈፀመላቸው 180 ሠራተኞች ለ3ቱ የተሰጠው ዕድልም ከህግ ውጪ መሆኑን ደርሰንበታል ብለዋል ሚኒስትሩ፡፡የአሰራር ግድፈት ፈፅመዋል የተባሉ መሥሪያ ቤቶችም ተገቢውን ማስተካከያ አድርገዋል ተብሏል፡፡የተዘበራረቀውን የመንግሥት ሠራተኞች ደመሞዝ አከፋፈል ወጥ እና ተመሳሳይ ለማድረግ እየተሰራ መሆኑን ከሚኒስትሩ ሰምተናል፡፡

በተለያዩ የመንግሥት መሥሪያ ቤቶች በተመሣሣይ የሥራ መደብ ላይ የሚሰሩ ሠራተኞችን ክፍያ ተመሣሣይ ለማድረግ የሲቪል ሰርቪስ ማሻሻያ ማድረግ አስፈላጊ ሆኗል ብለዋል፡፡የሥራ ምዘና እና ደረጃ አወሳሰንም ማሻሻያ ከሚደረግባቸው ፕሮግራሞች መካከል ነው ተብሏል፡፡የመንግሥት ሠራተኞችን የውሎ አበል ለማሻሻልም ጥናት መጠናቀቁን፤ የመንግሥትን ይሁንታ ሲያገኝም ተግባራዊ እንደሚደረግ ሚኒስትሩ ተናግረዋል፡፡

ትዕግስት ዘሪሁን
አስተያየት ይፃፉ (0 አስተያየት)
Sheger 102.1 AudioNow Numbers