• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያና የኤርትራ ቀደምት ታሪክና ትውፊትን የሚዳስስ ጉባኤ ሊደረግ ነው

የኢትዮጵያና የኤርትራ ቀደምት ታሪክና ትውፊትን የሚዳስስ ጉባኤ ሊደረግ ነው፡፡ የተህቦ ንጉሴን ዘገባ ያዳምጡ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የአዲስ አበባ ጉዳይ የአንድ ወገን ጉዳይ ብቻ አይደለም ተባለ

የአዲስ አበባ ጉዳይ የአንድ ወገን ጉዳይ ብቻ አይደለም ተባለ፡፡ የየኔነህ ሲሳይን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



አስተያየት ይፃፉ (0 አስተያየት)

ጠቅላይ ሚኒስትር ዐብይ አህመድ አዲሱ ካቢኔ 10 ሴት ሚንስትሮችን በአባልነት ይዟል

የተወካዮች ምክር ቤት ፣ የሚኒስትሮች ምክር ቤት የካቢኔ አባላትን ለመቀነስ ያወጣውን ረቂቅ ያለተቃውሞ አፅድቆታል፡፡ ጠቅላይ ሚኒስትር ዐቢይ አህመድ የሚኒስትሮችን ካቤኔ ለምን ቁጥሩን እንዳስፈለገ ለምክር ቤቱ አባላት አስረድተዋል፡፡ የህዝብ ተወካዮች ምክር ቤት ያፀደቀው እና የአስፈፃሚ አካላትን ስልጣንና ተግባር ለመወሰን የወጣው አዋጅ አንዳንድ ሚኒስቴር መስሪያ ቤቶችን አጥፏል፡፡ ከዚህ ቀደም ከነበሩ የሚኒስቴር መስሪያ ቤቶች አንዳንዶቹ ከሌሎች ጋር እንዲዋሃዱ የተወሰነ ሲሆን ሌሎቹ ደግሞ ወደ ኮሚሽን ዝቅ ብለዋል፡፡

በዚሁ መሰረት የፌዴራል ጉዳዮች እና አርብቶ አደር ሚኒስቴር አዲስ በተቋቋመው የሠላም ሚኒስቴር ስር ተጠቃሏል፡፡የመንግስት ኮሙኒኬሽን ጉዳዮች ፅህፈት ቤት፣ በጠቅላይ ሚኒስቴር ፅህፈት ቤት የፕሬስ ሰክሬቴሪያት ተተክቷል፡፡ ራሳቸውን ችለው ሚኒስቴር መስሪያ ቤት የነበሩት ንግድ እና ኢንዱስትሪ ተዋህደው አንድ ሆነዋል፡፡ የኮንስትራክሽን ሚኒስቴርም ከከተማ እና ቤቶች ልማት ሚኒስቴር ጋር ተዋህዷል፡፡ የወጣቶች እና ስፖርት ሚኒስቴር፤ የሴቶች፣ ህጻናትና ወጣቶች ሚኒስቴር በሚል ተደራጅቷል፡፡ የፐብሊክ ሰርቪስ እና የሠው ሃብት ልማት ደግሞ ወደ ሲቪል ሠርቪስ ኮሚኽን ዝቅ ብሏል፡፡ አዲስ የተቋቋሙ ኮሚሽን መስሪያ ቤቶችም አሉ፡፡

የስራ ዕድል ፈጠራ ኮሚሽን፤ የአካባቢ፣ ደን እና የአየር ንብረት ለውጥ ኮሚሽን እንዲሁም የፕላን እና ልማት ኮሚሽን አዲስ የተቋቋሙት ናቸው፡፡ የአካባቢ፣ ደን እና የአየር ንብረት ለውጥ ቀደም ሲል ሚኒስቴር መስሪያ ቤት እንደነበር ይታወሳል፡፡ የሠላም ሚኒስቴር ደግሞ በአዲስ መልክ ተቋቁሟል፡፡ የገቢዎችና ጉምሩክ ባለስልጣንም የገቢዎች ሚኒስቴር በሚል ተዋቅሯል፡፡ የሳይንስ እና ከፍተኛ ትምህርት ሚኒስቴርም ዛሬ የህዝብ ተወካዮች ምክር ቤት የአስፈፃሚ አካላትን ስልጣን እና ተግባር ለመወሰን የተዘጋጀውን አዋጅ ሲያጸድቅ በአዲስ መልክ የተቋቋመ ነው፡፡ ትምህርት ሚኒስቴር ደግሞ በቀድሞ ስሙ ቀጥሏል፡፡ የሳይንስ እና ቴክኖሎጂ ሚኒስቴር የኢኖቬሽን እና ቴክኖሎጂ ሚኒስቴር በሚል ተደራጅቷል፡፡ በአጠቃላይ የሚኖሩት የሚኒስቴር መስሪያ ቤቶች ብዛት 20 እንደሚሆን ተነግሯል፡፡

የጠቅላይ ሚኒስትር ዐብይ አህመድ አዲሱ ካቢኔ 10 ሴት ሚንስትሮችን በአባልነት ይዟል፣

  • ወ/ሮ ሙፈሪያት ካሚል - የሰላም ሚኒስትር
  • ወ/ሮ ፈትለወርቅ ገ/እግዚአብሔር - የንግድና ኢንዱስትሪ ሚኒስትር
  • ኢንጅነር አይሻ መሀመድ - የሀገር መከላከያ ሚኒስትር
  • አቶ አህመድ ሺዴ - የገንዘብና ኢኮኖሚ ልማት ሚኒስትር 
  • አቶ ዑመር ሁሴን - የግብርና ሚኒስትር 
  • ወ/ሮ አዳነች አቤቤ - የገቢዎች ሚኒስትር 
  • ዶ/ር ኡርጎጌ ተስፋዬ - የሰራተኛና ማህበራዊ ጉዳይ ሚኒስትር
  • ወ/ሪት ፍጹም አሰፋ - የፕላንና ልማት ኮሚሽነር ሚኒስትር 
  • ዶ/ር ሒሩት ወ/ማርያም - የሳይንስና ከፍተኛ ትምህርት ሚኒስትር
  • ዶ/ር ጥላዬ ጌቴ - የትምህርት ሚኒስቴር ሚኒስትር 
  • ወ/ሪት የዓለም ፀጋይ - የሴቶች፣ ሕፃናት የወጣቶች ሚኒስትር 
  • ወ/ሮ ዳግማዊት ሞገስ - የትራንስፖርት ሚኒስትር 
  • ኢ/ር ዶ/ር ጌታሁን መኩሪያ - የኢኖቬሽንና የቴክኖሎጂ ሚኒስትር
  • አቶ ጃንጥራር አባይ - የከተማ ልማትና ኮንስትራክሽን ሚኒስትር
  • ዶ/ር ሳሙኤል ሁርጶ - የማዕድንና ነዳጅ ሚኒስትር
  • ዶ/ር ሒሩት ካሳው - የባህልና ቱሪዝም ሚኒስትር
አዳዲስ አባላትን ከያዘው የጠቅላይ ሚኒስትር ዐብይ አህመድ ካቢኔ መሀከል የጤና ጥበቃ፣ የውጭ ጉዳይ፣ እና የጠቅላይ አቃቢ ህግ ሹሞች ባሉበት እንዲቀጥሉ ሆኗል።
  • ዶ/ር አሚር አማን -የጤና ጥበቃ ሚኒስቴር
  • ዶ/ር ወርቅነህ ገበየሁ - የውጭ ጉዳይ ሚኒስቴር  
  • አቶ ብርሃኑ ፀጋዬ -ጠቅላይ አቃቤ ህግ 

ንጋቱ ረጋሳ
አስተያየት ይፃፉ (0 አስተያየት)

አዲስ አበባ ፖሊስ፣ ጠርጠርሁዋቸው የምላቸውን ዜጎች በአንድ ቦታ ከልሎ የማረምም ሆነ የማነፅ ስልጣን አለው በሚሉትና ተግባሩ ከሕገ መንግስት ድንጋጌ ውጭ ነው በሚሉት መካከል የተለያየ አስተያየት ሲሰጥ ቆይቷል

በአዲስ አበባና በዙሪያዋ በተደረጉ ግጭቶችና ደንብ መጣስ ሊታረሙ ይገባቸዋል ያላቸውን ወጣቶች ወደ ጦላይ ልኬ “በማነፅ ላይ ነኝ” ሲል የአዲስ አበባ ፖሊስ ኮሚሽን ተናግሯል፡፡የአዲስ አበባ ፖሊስ፣ ጠረጠርኳቸው የሚላቸውን ዜጎች በአንድ ቦታ ከልሎ የማረምም ሆነ የማነፅ ስልጣን አለው ወይ ? በሚሉትና ተግባሩ ከሕገ መንግሥት ድንጋጌ ውጭ ነው በሚሉት መካከል የተለያየ አስተያየት ይሰማል፡፡ ገለልተኛ የሕግ ባለሞያ፣ የአዲስ አበባ ፖሊስ ኮምሽን ከተሰጠው ስልጣን፣ ደንብና ሕግ ውጪ አዲስ አበቤዎችን ይዞ የማሰር እና የማሰልጠን ሐላፊነት የለውም ይላሉ…ተህቦ ንጉሴ በዚሁ ጉዳይ ላይ የህግ ባለሙያና የፌዴራል ፖሊስ ጠይቋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የአዲስ አበባ ትራንስፖርት ባለስልጣን የከተማውን የትራንስፖርት እጥረት ለማቃለል ለብረታ ብረትና ኢንጂነሪንግ ኮርፖሬሽን (ሜቴክ) ትዕዛዝ ከሰጣቸው 850 አውቶብሶች 700ዎቹን እስካሁን አልተረከበም ተባለ

የአዲስ አበባ ትራንስፖርት ባለስልጣን የከተማውን የትራንስፖርት እጥረት ለማቃለል ለብረታ ብረትና ኢንጂነሪንግ ኮርፖሬሽን (ሜቴክ) ትዕዛዝ ከሰጣቸው 850 አውቶብሶች 700ዎቹን እስካሁን አልተረከበም ተባለ፡፡ ለአውቶብሶቹ 3.4 ቢሊየን ብር ተመድቧል ከዚህ ውስጥ 23% ተከፍሏል ቀሪው ሲጠናቀቅ የሚከፈል ይሆናል።

የባለስልጣን መ/ቤቱ የኮሙኒኬሽን ጉዳዮች ሀላፊ ወ/ሮ እፀገነት አበበ ዛሬ ለሸገር ሲናገሩ፣ ከሜቴክ ጋር የአውቶብሶቹን ስራ ውል የገባነው በሰኔ ወር 2009 ዓ/ም ሲሆን አውቶብሶቹን መረከብ የነበረብን ሰኔ 2010 ነበር ብለዋል፡፡የብረታ ብረትና ኢንጂነሪንግ ኮርፖሬሽን አውቶብሶቹን በቃሌ መሰረት ያላስረከብኩት በውጪ ምንዛሬ ችግር ነው ብሎናል ያሉት ወ/ሮ እፀገነት ከዚህ ወር ጀምሮ ግን ቀስ በቀስ ቀሪ 700 አውቶብሶቹን ሊያስረክበን ቃል ገብቶልናል ብለዋል፡፡ሜቴክ ለአውቶብሶቹ መስሪያ የሚያስፈልገውን እቃዎች አስቀድሞ ገዝቷል፣ በተባለው ጊዜም ያደርስልናል ብለን ተስፋ እናደርጋለን ሲሉ ወ/ሮ እፀገነት ተናግረዋል፡፡

ወንድሙ ኃይሉ

አስተያየት ይፃፉ (0 አስተያየት)

ከሰኔ 16ቱ የቦምብ ፍንዳታ ጋር በተያያዘ የቀድሞ የደህንነት ሰራተኛ አቶ ተስፋዬ ኡርጌ በተጠረጠሩበት ወንጀል ተጨማሪ የሰባት ቀናት የምርመራ ጊዜ ተሰጠ

ከሰኔ 16ቱ የቦምብ ፍንዳታ ጋር በተያያዘ የቀድሞ የደህንነት ሰራተኛ አቶ ተስፋዬ ኡርጌ በተጠረጠሩበት ወንጀል ተጨማሪ የሰባት ቀናት የምርመራ ጊዜ ተሰጠ፡፡ ባለፈው ቀጠሮ ፖሊስ ተጨማሪ የጊዜ ቀጠሮ የጠየቀው በመስቀል አደባባይ የፈነዳው ቦምብ ቅሪተ አካልና በአቶ ተስፋዬ ቢሮ ተገኘ የሚለውን ቦምብ ተመሳሳይነቱን ለማረጋገጥ ከፈንጂ አምካኝ ክፍል የቴክኒክ ውጤት እየጠበቅሁ ነው በማለቱ ነበር፡፡

ፖሊስ በአሁኑ ቀጠሮው የቴክኒክ ምርመራ ውጤቱ እንዳልደረሰ ግን የሶስት ምስክሮች ቃል መቀበሉን ተጨማሪ የ14 ቀን ቀጠሮ እንዲሰጠው ለፍርድ ቤቱ አመልክቷል፡፡ ተጠርጣሪው በበኩላቸው ፖሊስ ተመሳሳይ ጥያቄ በተደጋጋሚ ቀጠሮ የሚጠይቅ በመሆኑ ለወራት ታስረው መቆየታቸው አግባብ እንዳልሆነ ፍርድ ቤቱ እንዲመለከትላቸው አመልክተዋል፡፡

በተጨማሪ መገናኛ ብዙሃን ፍርድ ቤት ያላለውንና ፖሊስ ያልጠቀሰው ፈንጂ በቢሮ እንደተገኘ አድርገው በመዘገባቸው ጉዳት አድርሰውብኛል ብለው ለፍርድ ቤቱ አመልክተዋል፡፡ የፌዴራል የመጀመሪያ ደረጃ ፍ/ቤት ልደታ ምድብ 1ኛ ወንጀል ችሎት ፖሊስ ምርመራውን አጣርቶ እንዲያቀርብ የ7 ቀናት ተለዋጭ ቀጠሮ ከማስጠንቀቂያ ጋር ፈቅዶለታል፡፡ መገናኛ ብዙሃንም ያልተባለና ያልተጠቀሰ ጉዳይ እንዳይዘግቡ አስጠንቅቆ ለጥቅምት 12/2011 ዓ/ም ቀጠሮ ሰጥቷል፡፡

እሸቴ አሰፋ

አስተያየት ይፃፉ (0 አስተያየት)

አሶሳ አካባቢ ግጭት ለመፍጠር ታጥቀው ሲንቀሳቀሱ የነበሩት ከቤንሻንጉል ህዝቦች ነፃነት ንቅናቄ /ቤህነን/ ያፈነገጡ ሀይሎች መሆናቸውን የክልሉ የፖሊስ ኮሚሽን ተናገረ

አሶሳ አካባቢ ግጭት ለመፍጠር ታጥቀው ሲንቀሳቀሱ የነበሩት ከቤንሻንጉል ህዝቦች ነፃነት ንቅናቄ /ቤህነን/ ያፈነገጡ ሀይሎች መሆናቸውን የክልሉ የፖሊስ ኮሚሽን ተናገረ፡፡ ከመካከላቸው 51 ያህሉን ትናንት በቁጥጥር ስር እንደዋሉ ኮሚሽኑ መናገራቸው ይታወሳል፡፡ ከመካከላቸው እየተኮሱ ያመለጡት ወደ ሱዳን ድንበር ሄደዋል የተባለ ሲሆን ሲጠቀሙበት የነበረ ካምፕ ሙሉ በሙሉ መውደሙን ሰምተናል፡፡

ቡድኑ 400 ያህል የታጠቀ ሀይል እንዳለው መረጃው ስለደረሰን ሁሉንም በቁጥጥር ስር ለመዋል ከፌዴራል ፖሊስና ከመከላከያ ጋር አብሮ ለመስራት እየተወያየን ነው ሲሉ ኮሚሽነር ሰይፈዲን ሀሩን ለሸገር ተናግረዋል፡፡ ቤህነን በሰላማዊ መንገድ ለመታገል ወደ ሃገር መግባቱን አስታውሰው በብሔራዊ ምርጫ ቦርድ ተመዝቧል ብለዋል፡፡

አሁን ጥፋት ለማድረስ ከአካባቢ ወጣቶች ጭምር እየመለመሉ በአሶሳ ገንገን ቀበሌ ሲያሰለጥኑ የተገኙት አፈንጋጮቹ ናቸው ብለዋል ኮሚሽነሩ፡፡ የታጠቀውን 400 ያህል የቤህነን አፈንጋጭ ቡድን በቁጥጥር ስር ለማዋል ከፌዴራል ፖሊስና ከመከላከያም ጋር በፍጥነት ስራ እንጀምራለንም ብለዋል፡፡

ትዕግስት ዘሪሁን

አስተያየት ይፃፉ (0 አስተያየት)

በሽታው ስር ሳይሰድ ቀድሞ ለመከላከልም በተለይ ሴቶች ጡታቸውን በእጃቸው በመዳሰስ እና በየጊዜው የሚያዩትን ለውጥ በመረዳት በቀላሉ ችግሩን መቀነስ ይቻላል መባሉን ሰምተናል

በጥቅምት ወር የሚታሰበውን የጡት ካንሰር የግንዛቤ ማስጨበጫ ቀን ምክንያት በማድረግ እድሜያቸው ከ40 አመት በላይ ለሆኑ ሴቶች ነፃ ምርመራ ማዘጋጀቱን ICMC አጠቃላይ ሆስፒታል ተናገረ፡፡ በአለም አቀፍ ደረጃ የሚከበረው የጡት ካንሰር የግንዛቤ ማስጨበጫ ቀን በተለይ ኢትዮጵያ ውስጥ እየተለወጠ ከመጣው የአኗኗር ዘይቤ የተነሳ በጡት ካንሰር የሚያዙ ሴቶች ቁጥር እየጨመረ በመምጣቱ በወሩ በጉዳዩ ላይ በርካታ ስራዎች ይሰሩበታል ተብሏል፡፡ ሆስፒታሉ የነፃ የጡት ካንሰር ምርመራውን ያዘጋጀው የበሽታውን አሳሳቢነት በመረዳት መሆኑን የሆስፒታሉ ሜዲካል ዳይሬክተር ዶ/ር ጥሩሰው ኪዳኔ ተናግረዋል፡፡

በአለም ላይ በየ13 ደቂቃው አንዲት ሴት በጡት ካንሰር ምክንያት ህይወቷን እንደምታጣ የተናገሩት ዶ/ር ጥሩ ሰው በኢትዮጵያም በተመሳሳይ የበሽታው አሳሳቢነት እየጨመረ መጥቷል ብለዋል፡፡ የጡት ካንሰር ቅድመ ምርመራ ለማድረግ አገልግሎቱ በገንዘብ ቢተመን ለአንድ ምርመራ ከአንድ ሺህ ሁለት መቶ ብር በላይ ወጪ የሚጠይቅ ሲሆን ሆስፒታሉ የችግሩን አሳሳቢነት በመረዳት የነፃ ምርመራውን አዘጋጅቷል ብሏል፡፡ ከዚህ ቀደም የካንሰር ህመሞች ያደጉት ሀገራት ላይ ብቻ የሚከሰት እንደሆነ የሚታሰብ ሲሆን አሁን በኢትዮጵያ በካንሰር ህመሞች የሚደርሰው የሞት መጠን ከፍተኛ እየሆነ በመምጣቱ ትኩረት ሊደረግበት እንደሚገባ ተነግሯል፡፡

በኢትዮጵያ የጡት ካንሰርን ጨምሮ ሌሎች የካንሰር ህክምናዎች በ12 የመንግስት ሆስፒታሎች የሚሰጥ ሲሆን ነገር ግን ይህ ቁጥር በቂ ባለመሆኑ ከዚህ በላይ ለመስራት እንደታሰበ የጤና ጥበቃ ሚኒስቴር ተናግሯል፡፡በጡት ካንሰር ምክንያት 75 በመቶ የሚሆኑ ሴቶች ቅድመ ምርመራ ባለማድረግ እንዲሁም በሽታው ከተባባሰ በኋላ ወደ ህክምና ተቋማት የሚመጡ በመሆኑ ለሞት ይዳረጋሉ ተብሏል፡፡ 25 በመቶ የሚሆኑ ሴቶች ብቻ ምርመራ በማድረግ ስለበሽታው ቀድመው በማወቅ ህክምና የሚያገኙ ሲሆን የጤና ጥበቃ ሚኒስቴር ይህን ቁጥር ለመቀየር እየሰራ እንደሆነ ተነግሯል፡፡

በሽታው ስር ሳይሰድ ቀድሞ ለመከላከልም በተለይ ሴቶች ጡታቸውን በእጃቸው በመዳሰስ እና በየጊዜው የሚያዩትን ለውጥ በመረዳት በቀላሉ ችግሩን መቀነስ ይቻላል መባሉን ሰምተናል፡፡አለም አቀፍ የጡት ካንሰር ግንዛቤ ማስጨበጫ ቀንን አስመልክቶ በ ICMC አጠቃላይ ሆስፒታል ከጥቅምት 5 እስከ ጥቅምት 17/2011 ዓ/ም ድረስ በመገኘት ነፃ የጡት ካንሰር ምርመራ ማድረግ ትችላላችሁ ተብላችኋል፡፡

ምህረት ሥዩም

አስተያየት ይፃፉ (0 አስተያየት)

ትናንት ወደ ኢትዮጵያ የመጡት የስሎቬንያው ፕሬዝደንት ለሦስት ቀናት ይቆያሉ ተባለ

ትናንት ወደ ኢትዮጵያ የመጡት የስሎቬንያው ፕሬዝደንት ለሦስት ቀናት ይቆያሉ ተባለ፡፡ የስሎቬንያ ፕሬዝደንት ኢትዮጵያን ሲጎበኝ የመጀመሪያው ነው ተብሏል፡፡የስሎቬኒያ ፕሬዝዳንት በኢትዮጵያ የመጀመሪያ ጉብኝታቸውን ዛሬ ጀምረዋል፡፡

ፕሬዝዳንት ቦሩት ፕሆር ከኢፌድሪ ፕሬዝዳንት ሙላቱ ተሾመ ጋር ዛሬ ማለዳ በሁለትዮሽ በአህጉራዊና በወቅታዊ ጉዳዮች ጋር መምከራቸውን ሰምተናል፡፡ ኢትዮጵያና ሶሎቪኒያ በሁለትዮሽ የትብብር ጉዳዮች ዙሪያም አጠንክረው ይመክራሉ መባሉን ከውጪ ጉዳይ መ/ቤት ሰምተናል፡፡

ፕሬዝዳንት ቦሩት በቀጣዮቹ ቀናት ከህዝበ እንደራሴዎች ም/ቤት አፈ ጉባኤ እና ከአፍሪካ ህብረት ሊቀ መንበር ጋር ይነጋገራሉ ተብሎም ይጠበቃል፡፡ ፕሬዝዳንት ቦሩት ከፖለቲካዊና የሁለትዮሽ ውይይት በተጨማሪ ይዘው የመጧቸው የሀገራቸው የንግድ ሰዎችም በኢትዮጵያ ያለውን የኢንቨስትመንት አማራጭ ይመለከታሉ ተብሏል፡፡

 
የኔነህ ሲሳይን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የከፍተኛ ትምህርት ተቋማት ከማንኛውም ዓይነት የፖለቲካ ተግባር ነፃ መሆን እንደሚኖርባቸው መንግሥት አስታወቀ

የከፍተኛ ትምህርት ተቋማት ከማንኛውም ዓይነት የፖለቲካ ተግባር ነፃ መሆን እንደሚኖርባቸው መንግሥት አስታወቀ፡፡ የበየነ ወልዴን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የተወሰኑ የመከላከያ ሰራዊት አባላት ወደ ቤተ መንግሥት እንዲሄዱ ከኋላ ሆነው አነሳስተዋል የተባሉ በቁጥጥር ሥር ዋሉ ተባለ

የተወሰኑ የመከላከያ ሰራዊት አባላት ወደ ቤተ መንግሥት እንዲሄዱ ከኋላ ሆነው አነሳስተዋል የተባሉ በቁጥጥር ሥር ዋሉ ተባለ፡፡ የወንድሙ ኃይሉን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)
Sheger 102.1 AudioNow Numbers