ጠቅላይ ሚኒስትር ዐቢይ አህመድ የአዲሱን ዓመት የከፍተኛ ትምህርት መጀመር አስመልክተው ለከፍተኛ ትምህርት ተቋማት ተማሪዎች መልዕክት
ይድረስ ለነገዎቹ፣
የዩኒቨርሲቲና የኮሌጅ ተማሪዎች ማለት የአንዲት ሀገር ‹ነገዎች› ናቸው። የአንዲት ሀገር መጻዒ እድል በዋነኝነት የሚወሰነው ያችን ሀገር ለመረከብ እየተዘጋጀ ባለው ትውልድ ማንነት ነው። ለእኛ፣ የነገውን የኢትዮጵያ እጣ ፋንታ የምትወስኑት እናንተ የዛሬዎቹ ተማሪዎች የነገዎቹ አገር ገንቢዎች ናችሁ። አገር ስትገነቡ መዶሻችሁ የሚሆነው እውቀት፣ መጋዝና ሜትራችሁ የሚሆነው ክህሎት ነውና እነዚህን መሳሪያዎቻችሁን ከዩንቨርስቲዎችና ኮሌጆች ገብይታችሁ ስትወጡ ያን ጊዜ ኮርታችሁ ኢትዮጵያን የምታኮሩ የተማረ አገር ተረካቢዎች ትሆናላችሁ።
የተማረ ሰው ማለት ዕውቀት የሰበሰበ ሰው ማለት ብቻ አይደለም። የተማረ ሰው ማለት ተንትኖና አንጥሮ ማሰብ የሚችል ነው። እንዴትና ምን መማር እንዳለበት የሚያውቅ፤ ነጻ ሆኖ የሚስብ፤ ለነገሮች ትክክለኛ ብያኔ የሚሰጥ እና የሚጠበቅበትን ለመሥራት ራሱን በራሱ የሚቀሰቅስ ነው።የተማረ ሰው ማለት ከሌሎች ጋር ሲኖር ልዩነቶችን በሠለጠነና ለሁሉም በሚጠቅም መልኩ ለመፍታት የሚችል፤ ችግሮችን በመጠናቸው ልክ የሚረዳና መፍትሔ የሚያፈልቅ፤ የራሱን ስሜትና ጠባይ እንዴት ማስተዳደር እንደሚችል የሚያውቅ፤ የሥራና የኑሮ ሥነ ምግባር ያለው ነው። ጾታ፣ ጎሳ፣ ሃይማኖት፣ ቀለምና እድሜ ሳይለይ ለሰው ዘር ሁሉ እኩል አመለካከት ያለው፤ ከለውጥ ጋር እንዴት መሄድ እንዳለበት የሚረዳ ነው። ለኪነ ጥበብ፣ ለተፈጥሮ፣ ለእውቀት ልዩ ፍቅር ያለው፤ የማያውቃቸውን ባሕሎች፣ ቋንቋዎችና አካባቢዎች ለማወቅ የሚተጋ ነው።
በየትኛውም ማዕዘነ-ዓለም፣ የተማረን ሰው ለመበየን የሚቀርቡት መመዘኛዎች ከእነዚህ ብዙም የተለዩ አይሆኑም። እናንተ የኛ ‹ነገዎች› በእነዚህ መመዘኛዎች ራሳችሁን እንደምትለኩ እተማመናለሁ። እየተዘጋጃችሁ ያላችሁት ተምራችሁ ሥራ ለማግኘት ብቻ ሳይሆን ከዚህ ከፍ ላለ አላማ ነው። የምትማሩት ሀገርን እንድትረከቡ ነው። የምትማሩት የዚህችን ሀገር ነገ እንድታሳምሩላትም ጭምር ነው። እናንተ የዚህች ሀገር ነገዎች ናችሁና።
ኮሌጅና ዩንቨርስቲዎቻችሁን ለነገው ኃላፊነት የመዘጋጃ ቦታዎች አድርጓቸው። አብያተ መጻሕፍቱ ዋና ማዕከሎቻችሁ ይሁኑ። በርትታችሁ አንብቡ። የምትማሩትን የትምህርት ዘርፍ ብቻ አይደለም። ሁለገብ ዕውቀት እንዲኖራችሁና ሁለገብ የሆኑ የሀገራችሁን ችግሮች መፍታት እንድትችሉ እንደ ንቧ ከየዓይነቱ ቅሰሙ። አንዲት ሀገር፣ የማያነብቡ ግን የተማሩ ሰዎች በብዛት የሚገኙባት ከሆነች ትጎዳለች። ሌላው ቀርቶ ሕግና መመሪያ አንብቦና ዐውቆ የሚሠራ ሠራተኛ ልታጣ ትችላለች። ዩንቨርስቲዎች ዩንቨርሳል ሀሳቦች የሚስተናገዱባቸው መሆናቸውን ተረድታችሁ በትናንሽ ሳይሆን በትላልቅ ጉዳዮች፣ በመንደር ሳይሆን በአገር አጀንዳዎች ተጠምዳችሁ አመቱን እንደምታሳልፉ ተስፋ አደርጋለሁ። ከአካዳሚክ እውቀት በተጨማሪ ከሌሎች የእውቀት ዘርፎች አንብባችሁ የአስተሳሰባችሁን አድማስ አስፍታችሁ፤ ለነገ ህይወታችሁ ስንቅ የሚሆን ብዙ አይነት ክህሎት ይዛችሁ እንደምትወጡ አልጠራጠርም።
ተጨማሪ ያንብቡ...
የመረጃ ፍሰትን ፈጣን ካደረጉት መካከል ማህበራዊ ሚዲያዎች
ዘመናዊ የቴክኖሎጂ ውጤቶች የአለም ሕዝቦችን ግንኙነት በእጅጉ አቀራርበዋል፡፡ በዚህ ረገድ የመረጃ ፍሰትን ፈጣን ካደረጉት መካከል የማህበራዊ ሚዲያዎች ይጠቀሳሉ፡፡ ፌስቡክና ቲዊተርን በመሳሰሉ ድረ ገፆች የማያቋርጡ መረጃዎች ይጎርፋሉ፡፡ የዚያኑ ያህል የሚፃፉት ከእውነት የራቁ፣ ጎጂና ከቶውንም አደጋ የሚስከትሉ መሆናቸው እየታየ ነው፡፡ በተለይ እንደ ኢትዮጵያ ባሉ የመረጃ አቀባበላቸው ዝቅ ብሎ በሚታይባቸው ሃገሮች ድረ-ገፆች የክፉ ሰዎች መሳሪያ እየሆኑ ነው፡፡ ዘለፋና ስድብ፣ ጎሳና ዘርን ለይተው የጥላቻ መርዝ የሚዘሩ መሆናቸው ይታያል፡፡ አብዛኛዎቹ ተጠቃሚዎች ወጣቶች እንደመሆናቸው በስሜት ለመገንፈል ስለሚችሉ ወደ መጥፎ ጎዳና እየመራቸው ነው ይባላል፡፡ በየነ ወልዴ በዚህ ጉዳየ ላይ ባለሙያ አነጋግሯል፡፡ እንዲያዳምጡ ጋበዘናል
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
በኢትዮጵያ የተለያዩ አካባቢዎች የሚታየው ግጭት፣ ግድያና መፈናቀል ለሕፃናት አእምሮ በእጅጉ የከበደ መሆኑን የህክምና ባለሙያዎች ይስማሙበታል
በኢትዮጵያ የተለያዩ አካባቢዎች የሚታየው ግጭት፣ ግድያና መፈናቀል ለሕፃናት አእምሮ በእጅጉ የከበደ መሆኑን የህክምና ባለሙያዎች ይስማሙበታል፡፡ ሕፃንነት በለጋ እድሜያቸው በአእምሯቸው ተቀርፆ የሚቀረውን አሰቃቂ ድርጊት ማየታቸው ለወደፊት ሕይወታቸው ክፉ ነጥብ ይጥላል፡፡ የወደፊቱን ሃገር ሲረከቡ በምን ስሜትና ሞራል ሊረከቧት እንደሚችሉ ያሳስባል፡፡ በዚህ ዙሪያ ቴዎድሮስ ብርሃኑ ከባለሙያ ጋር ተነጋግሮበታል፡፡ እንዲያዳምጡ ጋብዘናል…
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
የጠቅላይ ሚኒስትር ዐቢይ አህመድ የወደላይ ወደታች /PUSH UP/ ስፖርት የደመወዝ ጥያቄ ለማቅረብ ከሄዱ ወታደሮች
ከሳምንቱ ዐቢይ ወሬ ሆኖ በአለም አቀፍ መገናኛ ብዙሃን ርዕስ ሆኖ የተነበበው የጠቅላይ ሚኒስትር ዐቢይ አህመድ የወደላይ ወደታች /PUSH UP/ ስፖርት የደመወዝ ጥያቄ ለማቅረብ ከሄዱ ወታደሮች ጋር መስራታቸው ነው፡፡ በዓለም አቀፍ የወሬ አውታሮች ተጋኖ የተነሳው የስፖርቱ ጉዳይ ቢሆንም በሃገር ውስጥ ግን ለስፖርቱ መነሻ የሆነው የተወሰኑ የመከላከያ ሰራዊት አባላት የመብት ጥያቄ የቀረበበት መንገድ የፈጠረው ስጋት ነው፡፡ የሰራዊት አባላቱ ከነትጥቃቸው ቤተ መንግስት ደርሰው ጠቅላይ ሚኒስትሩን እስካነጋገሩ ድረስ በከተማዋ ስጋት ተፈጥሮ ነበር፡፡ጠቅላይ ሚኒስትር ዐቢይና አንዳንድ ጋዜጠኞችም መስጋትና አስተያየት ከመስጠት መታገስ እንደሚገባ ተናግረዋል፡፡ ግን የስጋት አስተያየቱ ከዚህም ወዲህ አላቋረጠም፡፡ ስጋት እንዲፈጠርም፣ ውጥረቱ የተለያየ አስተያየት እንዲሰጠውም የነበረው ሁኔታ ያስገድዳል፤ ድርጊቱ ቀጣይ ስጋት ቢተክልም አይገርምም የሚሉ አስተያየቶችን ከነምክንያታቸው ያቀረቡ አስተያየት ሰጪዎችን እሸቴ አሰፋ አነጋግሮ ማህሌት ታደለ አቅርባዋለች፡፡ ዝርዝሩን ያዳምጡ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
የኢትዮጵያ ህገ መንግስትም የሰብዓዊ መብቶችን በተመለከተ የሚሰጠው ጥበቃና በሌሎችም አንቀፆች መሻሻያ አያስፈልጋቸውም ወይ?
የሕዝቦች መግባባትንና ሱታፌን አጣጥሞ ሃገራዊ አንድነት ለመጠበቅ ያስችላል ተብሎ የተደነገገው ሕገ መንግስት ፣ በየጊዜው የሚለዋወጡትን ሃገራዊና አለም አቀፍ ፍላጎቶችን እያጤነ መሻሻል አስፈላጊ መሆኑን የተለያዩ ሃገሮች በተግባር አሳይተውታል፡፡ የኢትዮጵያ ህገ መንግስትም የሰብዓዊ መብቶችን በተመለከተ የሚሰጠው ጥበቃና በሌሎችም አንቀፆች መሻሻያ አያስፈልጋቸውም ወይ? የሚል ጥያቄ ሲነሳ ቆይቷል፡፡ ትዕግስት ዘሪሁን በህገ መንግስቱ መሻሻል የሚገባቸው አንቀፆች ጉዳይ የህግ ባለሙያን ጠይቃለች፡፡ እንዲያዳምጡ ጋብዘናል..
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
የባህልና የአኗኗር ዘይቤ ልዩነት ከኦሮሚያ ሶማሌ አዋሳኝ አካባቢዎች የተፈናቀሉ ዜጎችን መልሶ የማቋቋም ጥረት ላይ አሉታዊ ተፅእኖ እየፈጠረ ነው ተባለ
የባህልና የአኗኗር ዘይቤ ልዩነት ከኦሮሚያ ሶማሌ አዋሳኝ አካባቢዎች የተፈናቀሉ ዜጎችን መልሶ የማቋቋም ጥረት ላይ አሉታዊ ተፅእኖ እየፈጠረ ነው ተባለ፡፡ የንጋቱ ረጋሣን ዘገባ ያዳምጡ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ጠቅላይ ሚኒስትር ዐብይ አህመድ በዛሬው ዕለት በቤንች ማጂ ዞን የሚገኘውን የኦሞ ኩራዝ ቁጥር 3 የስኳር ፋብሪካ መርቀዋል፡፡ በ8.1 ቢሊየን ብር የተገነባው ይህ የስኳር ፋብሪካ ለ12 ሺ ሰዎች የሥራ እድል ይፈጥራል መባሉን ከጠቅላይ ሚኒስትር ፅህፈት ቤት ሃላፊ አቶ ፍፁም አረጋ የትዊተር መልእክት ለመረዳት ችለናል፡፡
ጠቅላይ ሚንስትር ዐቢይ አህመድ(ዶ/ር) ዛሬ ማለዳ ላይ በቦሌ አለም አቀፍ አውሮፕላን ማረፊያ ተገኝተው ለ2 ቀናት የስራ ጉብኝት ወደ ኢትዮጵያ የመጡትን የኤርትራ ፕሬዝዳንት ኢሳያስ አፈወርቂን መቀበላቸውን ከጠቅላይ ሚንስትር ጽህፈት ቤት ሀላፊው አቶ ፍፁም አረጋ የቲዊተር መልዕክት ተመልክተናል።
