• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

“ኮሚኒስት ነህ፣ በተጨማሪም ሊበራል ነህ…”

ሁለተኛው የዓለም ጦርነት ከተገባደደ ሰላሳ ዓመታት ግድምም አልፎት ያንን ሁሉ ዓመት አንድ የጃፓን ወታደር ከጫካ አልወጣም ምክንያቱም ጦርነቱ ያለቀ አልመሰለውማ፡፡አስተሳሰቡ እዛው ከሰላሳ ዓመታት በፊት በነበረው ላይ !!! ከጊዜው ጋር ለመሄድ እድሉን አግኝተን እዛው ከበርካታ አስርት ዓመታት በፊት የነበረው አስተሳሰባችን ላይ ስንቀር የተሳሳተ ነገር አለ ማለት ነው፡፡ የፖለቲካችን አንዱ ችግር ከበርካታ አስርት ዓመታት በፊት የነበሩ አመለካከቶች ላይ ቀጥ ብለን የቆምን መብዛታችን ነው፡፡

መከፈት ያለበት የተከረቸመ በር አለ፡፡እና በሩ ይከፈት…አዳዲስ ሀሳብ ላላቸው፣ አማራጭ ላላቸው በሩ ወለል ብሎ ይከፈት፡፡ ሁሉን ነገር ጥርቅም አድርጎ ዘግቶ አገሪቱ ሰው የሌላት አይነት ማስመሰል ልክ አይደለም፡፡ ሁሉንም መች ፈተሽንና! እደሎችን መች ተጠቀምንባቸውና!
የፈተና ሰሞን ነው፡፡ “ወደ ፈተና አታግባኝ፣” ተብሎ የማይባልበት ፈተና፡፡ በሚሊዮኖች የሚቆጠሩ ወጣቶች ይቀመጣሉ…ለተመሳሳይ ፈተና ማለት ነው፡፡ ግን እውነት እንናገር ከተባለ ፈተና ላይ የሚቀመጡት ሁሉ ትምህርቱ ላይ እኩል እድል አግኝተዋል?

የግል ትምህርት ቤቶች ከመደበኛ የትምህርት ሰዓት ውጪ ሁሉ ለተማሪዎቹ የሚሰጡትን ትኩረት ያህል የመንግሥት ትምህርት ቤቶችስ እንዲሁ ይጨነቃሉ? አንዱ ዘንድ ካሪኩለሙን ሲከተሉ ሌሎች ካካሪኩለሙ ውጪ እየሄዱ እንዴት ነው ተማሪዎቹን እኩል መመዘን የሚቻለው! መደበኛ የትምህርት ሰዓቱን እንኳን ማግኘት የሚገባውን እውቀት ያላገኘ ተማሪና ከመደበኛው ሰዓት ውጪ ሁሉ ተጨማሪ ድጋፍ ያገኘ ተማሪ እኩል መዝኖ ማበላለጡ አስቸጋሪ ነው፡፡ እናም… በትምህርት ስርአቱ ውስጥ ያለውን ያለመመጣጠን ለማስተካከል የመጫወቻው ሜዳ ለሁሉም እኩል መሆኑ አስፈላጊ ነው፡፡

በነገራችን ላይ የመግሥት ትምህርት ቤቶች እንደ መንግሥት መሥሪያ ቤቶች አይንት ቢታዩ አይገርሙም…ናቸውም፡፡ የመንግሥት መሥሪያ ቤት የሚለው ማብራሪያ አያስፈልገውም፡፡ ቀደመ ባለው ጊዜ እኮ ሰዉ እንደምንም ተሰባብሮ መንግሥት መሥሪያ ቤት መገባት ነበር የሚፈልገው፡፡ ምክንያቱም ሲባል… “ጡረታዬን ለማስከበር፣” ይላል፡፡ ዋናውን የህይወቱን ክፍል ገና ሊደርስበትም፣ ላይደርስበትም ለሚችለው የጡረታ ዘመን መስዋእት የሚያደርግ ነው፡፡ አሁን፣ አሁን ይለወጥ እንጂ፡ አሀነ ደግሞ የግል የመንግሥት ትምህርት ቤቶች ብዙ ነገሮች እንደ ነገሩ የሆኑበት ነው፡፡ 

አስተያየት ይፃፉ (0 አስተያየት)

ከአራት ቢሊዮን ብር በላይ ወጪ የተደረገበት የርብ ግድብ ግንባታ ቢጠናቀቅም ስራ ሊጀምር አልቻለም ተባለ

ከአመታት መጓተት በኋላ ስራው የተጠናቀቀው ግድቡ ውሃ ቢይዝም ያለምንም ስራ እየበከነ ነው ተብሏል፡፡እንዲህ ያለው ግድቡን የገነባው የኢትዮጵያ ኮንስትራክሽን ስራዎች ኮርፖሬሽን ነው፡፡በኮርፖሬሽኑ የውሃ መሰረተ ልማት ኮንስትራክሽን ዘርፍ ምክትል ዋና ስራ አስፈፃሚ የሆኑት ኢንጂነር ካሳሁን ልዑልሰገድ እንዳሉት ከሆነ ግድቡ ተጠናቆ የመጀመሪያ ርክክብ የተደረገ ቢሆንም በወንዙ ግርጌ መሰራት የነበረበት የመስኖ አውታር ባለመዘርጋቱ ግድቡ ያለስራ ውሃ ተሸልክሞ ተቀምጧል፡፡

ቫትን ሳይጨምር ከ4 ቢሊዮን ብር በላይ ወጪ የተደረገበት ይህ ግድብ ወትሮውንም በብዙ ፈተናዎችና ችግሮች ለአመታት ሲጓተት ቆይቶ መጠናቀቁንም ተናግረዋል፡፡ከ234 ሚሊዮን ሜትር ኪዮብ በላይ ውሃ መያዝ የሚችለው የርብ ግድብ 75 ሜትር ቁመትና 800 ሜትር ርዝመት ያለው ሲሆን 20 ሺህ ገደማ ሄክታር መሬት በላይ ያለማል ተብሎ የታሰበ እንደነበረም ሰምተናል፡፡የግድቡ መሰረት በጥልቅ ጥናት ላይ ያልተመሰረተ የዲዛይን መቀያየርና መዘግየት ችግር የነበረበት እንደነበርም ተናግረዋል፡፡

ከዚህም በተጨማሪ የብረትና ሲሚንቶ እንዲሁም የተለያዩ መሳሪያዎች እጥረት በተለይም ጥራቱን የጠበቀ አሸዋ በአካባቢው አለመኖሩ ትልቅ ፈተና እንደነበር ተነግሯል፡፡የካሳ ክፍያ መዘግየቱ በአካባቢው ላይ የፈጠረው ማህበራዊ ችግርም ሌላኛው ፈተና ነበር የተባለ ሲሆን የኮርፖሬሽኑንም የራሱ ችግር ግድቡ ለአመታት እንዲዘገይ ምክንያት ሆኗል ተብሏል፡፡የግድቡ ዋጋ ሶስት እጥፍ አድጎ ከ4 ቢሊዮን ብር የደረሰ ሲሆን ለእነዚህ ሁሉ ችግሮች ግን ኮርፖሬሽኑ ብቻውን ሊወቀስ አይገባም ሲሉ ኢንጂነር ካሳሁን ልዑልሰገድ ለሸገር ተናግረዋል፡፡

ዮሐንስ የኋላወረቅ

አስተያየት ይፃፉ (0 አስተያየት)

በኢትዮጵያ ተፈጥሮ በነበረው የፀጥታ ችግር ምክንያት በስራ ላይ እንዲውል የተጣለው የአስቸኳይ ጊዜ አዋጅ እንዲነሳ ከሚኒስትሮች ምክር ቤት የቀረበውን ሀሳብ ዛሬ በሕዝብ እንደራሴዎች ምክር ቤት ቀርቦ ውሳኔ ተሰጥቶበታል

ምክር ቤቱም የአስቸኳይ ጊዜ አዋጁን ለማንሳት የቀረበው ረቂቅ በስምንት ድምፀ ተአቅቦና በአብላጫ ድጋፍ አፅድቆ አዋጁ እንዲነሳ ሲል ወስኗል፡፡በአገሪቱ የተፈጠረውን አለመግባባት ተከትሎ በሚኒስትሮች ምክር ቤት አቅራቢነት በሕዝብ እንደራሴዎች ምክር ቤት የፀደቀው የአስቸኳይ ጊዜ አዋጅ የዜጎችን መብት የሚጥስ ነው፣ የሀገሪቱንም የንግድ እንቅስቃሴና የቱሪዝም ዘርፍ የሚጎዳ ሆኖ በመገኘቱ እንዲሁም በአሁኑ ሰዓት የአገሪቱ ሰላም አስተማማኝ በመሆኑ አዋጁ እንዲነሳ ለሕዝብ እንደራሴዎች ምክር ቤት ቀርቧል ተብሏል፡፡

የአስቸኳይ ጊዜ አዋጁ እንዲነሳ መደረጉ መልካም ቢሆንም አሁንም ድረስ ግን በአንዳንድ አካባቢዎች ግጭቶች መኖራቸውና በሺዎች የሚቆጠሩ ዜጎችም እየተፈናቀሉ መሆኑን የምክር ቤቱ አባላት አንስተዋል፡፡በምዕራብ ጉጂ እና ጌዲኦ ዞኖች አሁንም ድረስ ግጭቶች አሉ የተባለ ሲሆን በሁለቱ ዞኖች መካከል ሰላም እንዲሰፍንና እርቅ እንዲፈጠር በአገር ሽማግሌዎች ጭምር ንግግር ቢደረግም ግጭቱ አሁንም ቀጥሎ በርካታ ዜጎች ተፈናቅለዋል ተብሏል፡፡

የአስቸኳይ ጊዜ አዋጁ መነሳቱ ተገቢ ቢሆንም የተፈጠሩ ግጭቶችና የተፈናቀሉ ዜጎች ጉዳይ ግን እልባት ሊሰጠው ይገባል ሲሉም የምክር ቤቱ አባላት ተደምጠዋል፡፡የአስቸኳይ ጊዜ አዋጁ መታወጁ ለተፈጠረው ሁከት መፍትሄ የሰጠ በመሆኑና የሀገሪቱ ሰላምና ፀጥታ ሁል ጊዜ በአስቸኳይ ጊዜ አዋጅ ስር የሚረጋገጥ ባለመሆኑ አዋጁን ማንሳት ተገቢ ሆኗል ሲሉ የመከላከያ ሚኒስትሩ አቶ ሞቱማ መቃሳ ተናግረዋል፡፡

በአስቸኳይ ጊዜ አዋጁ ምክንያት በአገሪቱ የኢንቨስትመንት እንቅስቃሴዎች በመዳከማቸው የስራ አጥ ቁጥር እንዲጨምርና ምጣኔ ሀብቱንም የሚፈታተን ሆኖ በመገኘቱ አዋጁ መነሳቱ አስፈላጊ ነው ሲሉ ሚኒስትሩ ለምክር ቤቱ ተናግረዋል፡፡አሁንም ድረስ ይታያሉ የተባሉትን የፀጥታ ችግሮች ለማስወገድም እያንዳንዱ የክልል መንግስት በራሱ የፀጥታ ሀይል ጥበቃውን ሊያጠናክር ይገባል ተብሏል፡፡በአስቸኳይ ጊዜ አዋጁ የተቋቋመው የኮማንድ ፖስት መርማሪ ቡድንም የደረሰበትን ግኝት ለሰብአዊ መብት ኮሚሽን ሪፖርት እንዲያደርግ ምክር ቤቱ ውሳኔ አሳልፏል፡፡

ምህረት ስዩም

አስተያየት ይፃፉ (0 አስተያየት)

የኢህአዴግ ሥራ አስፈፃሚ ኮሜቴ ስብሰባ

ከዛሬ ጀምሮ ለሁለት ቀናት በሚቆየው የኢህአዴግ ሥራ አስፈፃሚ ኮሜቴ ስብሰባ የ2ኛው የእድገትና ትራንስፎርሜሽን እቅድን የሁለት ዓመት ተኩል አፈፃፀም ይገመግማል ተብሎ ይጠበቃል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

የኔነህ ሲሳይ

አስተያየት ይፃፉ (0 አስተያየት)

‘አደጋ ከጋጠማቸው የበዙት አሽከርካሪዎች ለእቁባቸው እንዲሁም የባንክ ብድራቸውን ለመክፈል በሌላም ምክንያት ከመኪናው እክል ይልቅ ገቢው ብቻ በሚያሳስባቸው የመኪና ባለንብረቶች ተፅዕኖ ብልሽት ያለበትን መኪና ይዘው የወጡ ናቸው…’

በተሽከርካሪ አደጋ የሰዎች ሕይወትም ሆነ ንብረት በሚጠፋ ጊዜ በቀዳሚነት ተጠያቂ የሚደረጉ ቅጥር አሽከርካሪዎች እኛም ችግር አለብን አሉ፡፡የፌዴራል ትራንስፖርት ባለስልጣን በተለያዩ ጊዜያት ለአሽከርካሪዎች የትራፊክ ደህንነት ስልጠና በሚሰጥበት ጊዜ ሾፌሮች እንደሚናገሩት በመኪና ባለሀብቶች ተፅዕኖ የቴክኒክ እክል ያለባቸውን መኪኖች ችግራቸውን እያወቅን ይዘን እንድንወጣ እንገደዳለን በዚህም አደጋዎች ያጋጥሙናል ብለዋል፡፡

በባለስልጣን መስሪያ ቤቱ የመንገድ ደህንነት ትምህርትና ግንዛቤ ዳይክተሩ አቶ ዮሐንስ ለማ ለሸገር ሲናገሩ በርግጥም አደጋ ከጋጠማቸው የበዙት አሽከርካሪዎች ለእቁባቸው እንዲሁም የባንክ ብድራቸውን ለመክፈል በሌላም ምክንያት ከመኪናው እክል ይልቅ ገቢው ብቻ በሚያሳስባቸው የመኪና ባለንብረቶች ተፅዕኖ ብልሽት ያለበትን መኪና ይዘው የወጡ ናቸው ብለዋል፡፡

ሾፌሮቹም ከስራቸው እንዳይባረሩ በመስጋት በባለሀብቱ ግፊት የተበላሸ መኪና ይዘው በመውጣታቸው በሰዎች ሕይወትና በንብረት ላይ ብዙ ጉዳት ደርሷል ያሉት አቶ ዮሐንስ ችግሩን ለማስቀረት ይቻል ዘንድ ነገ ከመኪና ባለንብረቶችና ከሚመለከታቸው ጋር የሙሉ ቀን ምክክር እናደርጋለን ሲሉ ለሸገር ተናግረዋል፡፡

ወንድሙ ኃይሉ

አስተያየት ይፃፉ (0 አስተያየት)

በአባያ ሐይቅ ትናንት ሰዎችን በማጥመቅ ላይ የነበረ ግለሰብ በአዞ ተበልቶ ሕይወቱን አጣ

ከነጭ ሳር ብሔራዊ ፓርክ ሀላፊ ከአቶ ሽመልስ ዘነበ ዛሬ እንደሰማነው ተከታዮቹ ፓስተር እያሉ የሚጠሩት የ45 አመቱ ጎልማሳ ትናንት ከቀኑ 10 ሰዓት ገደማ በአባያ ሐይቅ ውስጥ ገብቶ ሰዎችን በማጥመቅ ላይ ሳለ ነው በአዞ ተበልቶ ሕይወቱን ያጣው ብለዋል፡፡

የአባያ ሐይቅ ብዛት ያላቸው አዞዎች መኖሪያ ሲሆን የዓሣ ሀብት ስለሌለው በውስጡ የሚገኙት አዞዎችም የምግብ እጥረት ስለሚያጋጥማቸው ያገኙትን ነገር ሁሉ ይመገባሉ ያሉት የብሔራዊ ፓርኩ ሀላፊ አቶ ሽመልስ ከዚህ ቀደምም የሜዳ አህዮች፣ አጋዘኖች እና ብዛት ያላቸው የቤት እንስሳት ውሃ ለመጠጣት ወደ አባያ ሐይቅ እየቀረቡ በአዞ ተበልተዋል ሲሉም ነግረውናል፡፡ሰዎችን በማጥመቅ ላይ ሳለ አዞ የበላው ግሰለብ ከዚህ ቀደም በዓሣ አጥማጅነት ይተዳደር ነበር ተብሏል፡፡

ወንድሙ ኃይሉ

አስተያየት ይፃፉ (0 አስተያየት)

ጠቅላይ ሚኒስተር አብይ አህመድ የሳውዲ አረቢያ መንግስት የልዑክ ቡድን አባላትን ተቀብለው ማነጋገራቸው ተሰማ

የጠቅላይ ሚኒስትሩ እና የልዑክ ቡድን ንግግር ዶ/ር አብይ በቅርቡ በጅዳ ባደረጉት ጉብኝት ወቅት ሁለቱ አገራት በጋራ ለመስራት በተግቡባቸው ጉዳዮች ላይ ያተኮር ነበር ተብለዋል፡፡ሸገር ከጠቅላይ ሚኒስትር ፅህፈትቤት ሃላፊ አቶ ፍፁም አሪጋ እንደሰማው የኢትዮጵያ እና የሳውዲ አረቢያ ግንኙነት በፍጥነት እያደገ መጥቷል፡፡

በቅረቡ ጠ/ሚ አብይ አህመድ በሳውዲ አረቢያ ያደረጉትን ይፋዊ የስራ ጉብኝት ተከትሎ በዚያ በእስር ላይ የነበሩ በርካታ ኢትዮጵያውያን መፈታታቸው ይታወሳል፡፡ጠ/ሚ አብይ አህመድ ትውልደ ኢትዮጵያዊ ባለሃብት መሐመድ አላሙዲን በቅርብ ይፈታሉ ሲሉ መናገራቸውን ይታወቃል፡፡

ንጋቱ ሙሉ

አስተያየት ይፃፉ (0 አስተያየት)

የተደራጀ ሌብነትና ዝርፊያን ለመዋጋት እያንዳንዱ ዜጋ ከመንግስትና ጎን እንዲቆም ጠቅላይ ሚኒስትር ዶ/ር አብይ አህመድ ጠየቁ

መንግስትን ፣ የሀይማኖት ተቋማትን እንዲሁም ማህበራዊና ህዝባዊ ተቋማትን የዘራፊዎች መሸሸጊያ ከመሆን ልንጠብቃቸው ይገባልም ብለዋል፡፡ዛሬ በአራተኛው ሀገር አቀፍ የፀረ ሙስና ጥምረት ጠቅላላ ጉባኤ ተገኝተው ንግግር ያደረጉት ጠቅላይ ሚኒስትሩ ዴሞክራሲንና ነፃ ገበያን የሚያቀጭጨውን የተደራጀ ሌብነትና ዝርፊያ ወይም ሙስናን መዋጋት የሁሉም ዜጋ ሀላፊነት መሆኑን አሳስበዋል፡፡
ዶ/ር አብይ የተደራጀ ሌብነትና ዝርፊያ ነው ያሉት ሙስና አሁን ባለበት መልኩ የሚቀጥል ከሆነ ለሀገሪቱ ከፍተኛ ስጋት ነው ብለዋል፡፡በመሆኑም ሙስናን መዋጋት በመንግስት ብቻ ዳር አይደርስም በማለት ሁሉም ዜጋ በንቃት መንግስትን እንዲያግዝ ጥሪ አቅርበዋል፡፡

መገናኛ ብዙሃንም በሀገሪቱ የሚከናወኑ ያልተገቡ አሰራሮችን ተከታትለው በማጋለጥ አራተኛ የመንግስትነት ሚናቸውን መወጣት ይኖርባቸዋል ብለዋል፡፡የመገናኛ ብዙሃን መጠናከር የመንግስት ፍላጎት መሆኑን የተናገሩት ጠቅላይ ሚኒስትር ዶ/ር አብይ መንግስት የሚጠበቅበትን ድጋፍ እንደሚያደርግም ተናግረዋል፡፡አራተኛው ሀገር አቀፍ የፀረ ሙስና ጥምረት ጠቅላላ ጉባኤ “የፀረ ሙስና ጥምረትን በማጠናከር ሙስናን እንከላከል ልማትን እናፋጥን” በሚል መሪ ቃል በሸራተን አዲስ ሆቴል እየተካሄደ ነው፡፡

በየነ ወልዴ

አስተያየት ይፃፉ (0 አስተያየት)

የኢትዮጵያ ብሔራዊ አንድነት ኮንግረስ የተባለ ሀገር አቀፍ የፖለቲካ ማህበር ከብሔራዊ ምርጫ ቦርድ ጽ/ቤት እውቅና ማግኘቱ ተሰማ

የኢትዮጵያ ብሔራዊ አንድነት ኮንግረስ የተባለ ሀገር አቀፍ የፖለቲካ ማህበር ከብሔራዊ ምርጫ ቦርድ ጽ/ቤት እውቅና ማግኘቱ ተሰማ፡፡የብሔራዊ ምርጫ ቦርድ ጽ/ቤት የሕዝብ ግንኙነት ዳይሬክቶሬት ዳይሬክተሩ አቶ ተስፋዓለም አባይ ቦርዱ እውቅና የሰጣቸው ሁለት ፓርቲዎች ናቸው፤ አንደኛው አገር አቀፍ ፓርቲ ሲሆን ሌላኛው ደግሞ የክልል ፓርቲ መሆኑን ተናግረዋል፡፡

ለሁለቱ ፖለቲካ ፓርቲዎች እውቅና የተሰጠው በተሻሻለው የፖለቲካዎች ምዝገባ አዋጅ ቁጥር 573/2000 ዓ/ም መሰረት መሆኑ ተሰምቷል፡፡ቦርዱ እውቅና ከሰጣቸው ፓርቲዎች በተጨማሪ የአፋር ሕዝብ ነፃነት ፓርቲ የተባለው ፓርቲ ፈቃድ መሰረዙን ተሰምቷል፡፡

የአፋር ሕዝብ ነፃነት ፓርቲ ምዝገባ የተሰረዘው በፓርቲው ጥያቄ መሰረት ነው ተብሏል፡፡ኢትዮጵያ ብሔራዊ ምርጫ ቦርድ ጽ/ቤት የእውቅና ሰርተፍኬት ከሰጣቸው ፓርቲዎች በተጨማሪ አሁንም ተመዝግበው ጉዳያቸው እየታየ ያሉ ፓርቲዎች መኖራቸው ተሰምቷል፡፡

የኔነህ ሲሳይ
አስተያየት ይፃፉ (0 አስተያየት)

በአርባ ምንጭ አባያ ሐይቅ ትናንት ሰዎችን በማጥመቅ ላይ የነበረ ግለሰብ በአዞ ተበልቶ ሕይወቱን አጣ

ከነጭ ሳር ብሔራዊ ፓርክ ሀላፊ ከአቶ ሽመልስ ዘነበ ዛሬ እንደሰማነው ተከታዮቹ ፓስተር እያሉ የሚጠሩት የ45 አመቱ ጎልማሳ ትናንት ከቀኑ 10 ሰዓት ገደማ በአባያ ሐይቅ ውስጥ ገብቶ ሰዎችን በማጥመቅ ላይ ሳለ ነው በአዞ ተበልቶ ሕይወቱን ያጣው ብለዋል፡፡

የአባያ ሐይቅ ብዛት ያላቸው አዞዎች መኖሪያ ሲሆን የዓሣ ሀብት ስለሌለው በውስጡ የሚገኙት አዞዎችም የምግብ እጥረት ስለሚያጋጥማቸው ያገኙትን ነገር ሁሉ ይመገባሉ ያሉት የብሔራዊ ፓርኩ ሀላፊ አቶ ሽመልስ ከዚህ ቀደምም የሜዳ አህዮች፣ አጋዘኖች እና ብዛት ያላቸው የቤት እንስሳት ውሃ ለመጠጣት ወደ አባያ ሐይቅ እየቀረቡ በአዞ ተበልተዋል ሲሉም ነግረውናል፡፡ሰዎችን በማጥመቅ ላይ ሳለ አዞ የበላው ግሰለብ ከዚህ ቀደም በዓሣ አጥማጅነት ይተዳደር ነበር ተብሏል፡፡

ወንድሙ ኃይሉ

አስተያየት ይፃፉ (1 Comment)

የኦሮሞ ህዝብ ዴሞክራሲያዊ ድርጅት / ኦህዴድ / እና የኦሮሞ ዴሞክራቲክ ግንባር / ኦዴግ / ትናንት አዲስ አበባ ውስጥ ውይይት አድርገዋል

ውይይቱ የኦሮሞን ህዝብ ጥቅም ሁለቱ በጋራ በሚሰሩበት መንገድ ላይ ያተኮረ እንደነበር የኦሮሚያ ብሮድካስቲንግ ኔትዎርክ /ኦ ቢ ኤን/ መረጃ ጠቅሷል፡፡ለመጀመሪያ ጊዜ የተካሄደ ውይይት ነውም ብሏል፡፡
የኦህዴድ ምክትል ሊቀመንበርና የኦሮሚያ ክልል ርዕሰ መስተዳደር አቶ ለማ መገርሣ የኦዴግ መሪዎችን እንኳን ወደ ሀገራችሁ በደህና መጣችሁ ብለዋቸዋል፡፡ተቀራርቦ መስራቱ ከሌሎች የኦሮሞ የፖለቲካ ሃይሎች ጋርም እንደሚቀጥል ርዕሰ መስተዳድሩ ተናግረዋል፡፡

ውይይቱ በጥላቻ ላይ ተመስርቶ የቆየውን የፖለቲካ ባህል የሚቀይር ነውም ብለዋል፡፡ለኦሮሞ ዴሞክራቲክ ግንባር /ኦዴግ/ አመራሮች በግላቸው ከፍ ያለ አክብሮት እንዳላቸውም ተናግረዋል፡፡ የኦሮሞ ዴሞክራቲክ ግንባር ፕሬዝዳንት አቶ ሌንጮ ለታ በበኩላቸው ወደ ሀገር ቤት እንዲለመሱ በኦሮሚያ ክልል እና በፌዴራል መንግስት ለተደረገላቸው ዕገዛ አመስግነዋል፡፡

በሀገሪቱ እየመጣ ባለው ለውጥ ውስጥ የራሳችንን አስተዋጽኦ ለማበርከት መጥተናል ሲሉም አቶ ሌንጮ ተናግረዋል፡፡የኦዴግ አመራሮች በመንግስት የቀረበላቸውን የድርድር ግብዣ በመቀበል በቅርቡ ወደ ኢትዮጵያ መምጣታቸው ይታወሳል፡፡

ንጋቱ ረጋሳ
አስተያየት ይፃፉ (2 Comments)
Sheger 102.1 AudioNow Numbers