• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ለዛ የምሳ ሰዓት ፕሮግራም ሰኔ 20፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የአፍሪካ ህብረት 34ኛው የቋሚ አንባሳደሮች ጉባዔ በህብረቱ አዳራሽ ዛሬ ተጀምሯል

የአፍሪካ ህብረት 34ኛው የቋሚ አንባሳደሮች ጉባዔ በህብረቱ አዳራሽ ዛሬ ተጀምሯል፡፡የቋሚ አንባሳደሮቹ ወይንም የፒ.አር.ሲውን ጉባዔ ያስጀመሩት የአፍሪካ ህብረት ኮሚሽን ኮሚሽነር ሙሳ ፋቂ ማህማት ናቸው፡፡የአፍሪካ ህብረት ቋሚ የአንባሳደሮች ፒ.አር.ሲ ኮሚቴ ዛሬ በጀመረው ስብሰባው ለ29ኛው የህብረቱ የመሪዎች ጉባዔ የሚሆንን የውይይት አጀንዳ የሚያዘጋጅ ሲሆን ከውይይት አጀንዳዎቹ በተጨማሪም ለመሪዎቹ ግብዓት የሚሆኑ ምክረ ኃሣቦችንም ያዘጋጃል ተብሏል፡፡

34ኛው የአፍሪካ ህብረት ቋሚ የአንባሳደሮች ኮሚቴ ፒ.አር.ሲ ከ55ቱም የህብረቱ አባል ሀገሮች አምባሳደሮች የተሣተፉበት ሲሆን የ31ኛው የኮሚቴ ውሣኔዎች ከምን እንደደረሱ በመመልከት በ29ኛው የመሪዎቹ ጉባዔ ላይ የሚቀርብ ይሆናል መባሉንም ከአዘጋጆቹ ሰምተናል፡፡

የአፍሪካ ህብረት 29ኛው የመሪዎች ጉባዔ በአዲስ አበባ ለአንድ ሣምንት ያህል የሚካሄድ ሲሆን በተለይም በፀጥታ ዙሪያ የሚመክር ይሆናል ተብሎ ይጠበቃል፡፡የዘንድሮው የጉባዔው ዋና የመነጋገሪያ የውይይት ኃሣብ ወጣቶችን በኢኮኖሚ ማብቃትና የህዝብን ምጣኔ መገደብ የሚል ነው ተብሏል፡፡

የኔነህ ሲሳይ
አስተያየት ይፃፉ (0 አስተያየት)

የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ

የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ፡፡እስከ ግንቦት ማብቂያ ባሉት 30 ቀናት በአዲስ አበባ በሚገኙ የንግድ ተቋማት ላይ የቀን ገቢ ግምት የተደረገ ሲሆን ብዙዎቹም ግብር ይጨመርብናል የሚል ስጋት ነበራቸው ተብሏል፡፡

በዚህም ሳቢያ በመርካቶ ብቻ ባለቤቶቻቸው ዘግተዋቸው የጠፉ ከ584 በላይ ሱቆች መታሸጋቸው ታውቋል፡፡ ይሁንና ባለቤቶቻቸው ለምን ዘግተው እንደጠፉ ዝርዝር ጥናት እየተደረገ ነው ተብሏል፡፡በኢትዮጵያ ገቢዎችና ጉምሩክ ባለሥልጣን የአዲስ አበባ ታክስ ፕሮግራም ሥራዎች ዘርፍ ኃላፊ የሆኑት ወ/ሮ ነፃነት አበራ እንዳሉት ከሆነ ሱቃቸውን በዘጉት ነጋዴዎች ላይ ህጋዊ እርምጃ መወሰዱ አይቀርም፡፡

ነጋዴዎቹ ተጠይቀው የሚያቀርቡት ምክንያት ተሰምቶ ተጠያቂ ይሆናሉ ነው የተባለው፡፡የቀን ገቢ ግምቱ ትላንት ለነጋዴዎች ይፋ መደረግ የተጀመረ ሲሆን ገና በመጀመሪያው ቀን ብዙ ነጋዴዎች የቀን ገቢ ግምቱ በዝቶብናል ሲሉ ቅሬታ ማሰማት መጀመራቸውንም ነግረውናል፡፡

ዮሐንስ የኋላወርቅ
አስተያየት ይፃፉ (0 አስተያየት)

ሰኔ 20፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ፡፡ (ዮሐንስየኋላወርቅ)
  • በሚቀጥሉት አምስት ተከታታይ ቀናት መደበኛ ያልሆነ ዝናብ ሊጥል ስለሚችል ጥንቃቄ አድርጉ ተብላችኋል፡፡ (አስፋውስለሺ)
  • የፍርድ ቤቶችን ገንዘብ ባባከኑ 39 ያህል ዳኞች፣ የሥራ ኃላፊዎችና ሠራተኞች ላይ እርምጃ እንደተወሰደባቸው ጠቅላይ ፍርድ ቤት እወቁልኝ አለ፡፡ (ትዕግሥትዘሪሁን)
  • ዋሪት ሙሉ ጥላ ኢንተርናሽናል ኩባንያ ለሳውዲ ተመላሽ ኢትዮጵያውያን የሥራ ዕድል መፍጠሩን ተናገረ፡፡ (ምህረትስዩም)
  • የአንበሳ ከተማ አውቶቡሶች አገልግሎት ድርጅት ለአባት አርበኞችና በጡረታ ለተገለሉ ነፃ የመጓጓዣ ትኬት ሊሰጥ ነው፡፡ (ዮሐንስየኋላወርቅ)
  • በዓመት አንድ ጥጃ የምትወልደውን የኢትዮጵያን ላም በዓመት ከ10 በላይ እንድትወልድ ለማድረግ የተደረገው ሙከራ ውጤታማ ነው ተባለ፡፡ (ዮሐንስየኋላወርቅ)
  • የህንዱ አፓሎ ሆስፒታል በኢትዮጵያ ቅርንጫፌን የመክፈት ውጥን አለኝ አለ፡፡ 500 ኢትዮጵያን በዓመት ወደዚያ ሄደው እንደሚታከሙም ተሰምቷል፡፡ (ንጋቱሙሉ)
  • የቦይንግ ኩባንያ ከቢዝነስ ቁርኝት ያለው ትምህርት ለሚማሩ ኢትዮጵያውያን ነፃ አለም አቀፍ የቢዝነስ ኢንተርፕሪነርሺፕ ፕሮግራም ማዘጋጀቱን ተናግሯል፡፡ (ምሥክርአወል)
  • የአፍሪካ ኅብረት የቋሚ አምባሳደሮች ስብሰባ በአዲስ አበባ የአፍሪካ ኅብረት ፅህፈት ቤት ተጀመረ፡፡ (የኔነህሲሣይ)
  • በመጓጓዣ ዕጥረት ምክንያት ወደ ተለያዩ አንዳንድ የኢትዮጵያ አካባቢዎች ማዳበሪያን በወቅቱ ማድረስ አልተቻለም ተባለ፡፡ (ወንድሙኃይሉ)
አስተያየት ይፃፉ (0 አስተያየት)

በልማት ተነሺ ለሆኑ በአዲስ አበባ ዙሪያ ለሚኖሩ የኦሮሚያ ክልል አርሶ አደሮች፣ ከመኖሪያቸው ሲፈናቀሉ በቂ ካሳና ዘላቂ የመቋቋሚያ እንዲመቻችና የቀድሞ ሥራዎቻቸው ተፈትሸው ጉደለቶቹ እንዲስተካከሉ ረቂቅ አዋጅ ቀረበ

በልማት ተነሺ ለሆኑ በአዲስ አበባ ዙሪያ ለሚኖሩ የኦሮሚያ ክልል አርሶ አደሮች፣ ከመኖሪያቸው ሲፈናቀሉ በቂ ካሳና ዘላቂ የመቋቋሚያ እንዲመቻችና የቀድሞ ሥራዎቻቸው ተፈትሸው ጉደለቶቹ እንዲስተካከሉ ረቂቅ አዋጅ ቀረበ…ይኸ የተባለው የሚኒስትሮች ምክር ቤት ትላንት በኦሮሚያ ክልል በአዲስ አበባ ከተማ ላይ ያለውን ጥቅም አስመልክቶ ባዘጋጀው ረቂቅ ላይ ነው፡፡

የሚኒስትሮች ምክር ቤት የኦሮሚያ ክልል በአዲስ አበባ ላይ ያለውን የሕገ-መንግሥታዊ ጥቅም፣ አስመልክቶ በተዘጋጀው ረቂቅ ላይ መክሮበት ሕግ ሆኖ እንዲወጣ ለተወካዮች ምክር ቤት አስተላልፏል፡፡በረቂቁ መሠረት ልዩ ጥቅሞቹ የሚመለከታቸው ጉዳዮች የአገልግሎት አቅርቦት የተፈጥሮ ሃብት አጠቃቀምና ከአካባቢ ጥበቃና ከተፈጥሮ ሃብት አጠቃቀም ጋር የተያያዙ ልዩ ጥቅሞችን በሕገ-መንግሥቱ ከተሰጠው መብት አኳያ ዝርዝሩን ይፋ አድርጓል፡፡በረቂቅ አዋጁ መሠረት በከተማው ውስጥ የሚኖር የኦሮሞ አርሶ-አደር በልማት ምክንያት ሲነሳ ከቀድሞ ኑሮ የተሻለ ሁኔታ ሊፈጠርለት እንደሚገባም ተጠቅሷል፡፡

ስለዚህ ለወደፊቱ በቂ ካሳና በዘላቂ የሚቋቋምበት ሁኔታ አንዲመቻችና ከዚህ በፊትም የተሰራው ሥራ ተፈትሾ ጉድለቶቹ እንዲስተካከሉ በረቂቁ ላይ ተመልክቷል፡፡እነዚህን ሥራዎች የሚያስተባብር፣ የሚመራና የሚያስፈፅም ጽ/ቤትም ይደራጃል ተብሏል፡፡ ለኦሮሚያ ክልል በአዲስ አበባ ከተማ ስለሚኖረው አገልግሎትና ልዩ ጥቅም በዝርዝር በረቂቁ ላይ ሰፍሯል፡፡ከመሬት አቅርቦት፣ ከውሃ አገልግሎት አቅርቦት፣ ከፍሳሽና ደረቅ ቆሻሻዎች የማስወገድ አገልግሎት፣ የትራንስፖርትና የሥራ እድል አቅርቦት፣ ከመንግሥት ወጪ በሚገነቡ የኮንዶሚኒየም ቤቶች አቅርቦትና የገበያ ማዕከላት አቅርቦት አገልግሎት ላይ ልዩ ጥቅም ተዘርዝሯል፡፡

ተጨማሪ ያንብቡ...

አስተያየት ይፃፉ (0 አስተያየት)

ሰኔ 21፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የልብ ህመም፣ ካንሰር የመሣሰሉት ተላላፊ ያልሆኑ ህመሞች መጨመር ሣይቃጠል በቅጠል ሊሆን ይገባል ተባለ፡፡ (ንጋቱ ሙሉ)
  • ውጭ ሀገር የሚገኙ ኢትዮጵያውያን ሀገር ቤት ለሚያገኙት አገልግሎት ቀጥታ ክፍያ የሚያገኙበት የፋይናንስ ስርዓት ተዘረጋ፡፡ (የኔነህ ሲሣይ)
  • በሚኒስትሮች ምክር ቤት የፀደቀው በአዲስ አበባ የኦሮሚያ ክልልን የልዩ ጥቅም መብት የሚያስከብረው ረቂቅ አዋጅ ለተወካዮች ምክር ቤት ተልኳል፡፡ (እሸቴ አሰፋ)
  • ግብፅ የናይል ትብብር ማዕቀፍን ያለ አንዳች ቅድመ ሁኔታ እንድትቀላቀል ጥሪ ቀረበላት ተባለ፡፡ (ንጋቱ ሙሉ)
  • በመንግሥት ተቋማት የሚሰጡ አገልግሎቶችን ለማቀላጠፍ ይረዳሉ ተብለው ሥራ ላይ የዋሉ የለውጥ መላዎች ለወደፊቱም ተጠናክረው ሥራ ላይ ይውላሉ ተባለ፡፡ (ንጋቱ ረጋሣ)
  • የቀኝ ጌታ ዮፍታሄ ንጉሴ አፅም ወደ ትውልድ ሀገራቸው ጐጃም ሊላክ ነው፡፡ (ምሥክር አወል)
  • የፌዴራል ከፍተኛ ፍርድ ቤት የሀገሪቱ ከፍተኛ የፍትሐ-ብሔርና የወንጀል ጉዳዮች የሚታዩበት ቢሆንም የማስቻያ ቦታ እጥረት ገጥሞኛል ብሏል፡፡ (ትዕግሥት ዘሪሁን)
  • የዓለም ጤና ድርጅት የመጀመሪያውን አህጉራዊ ጉባዔ በሩዋንዳ ኪጋሊ አደረገ፡፡ (የኔነህ ሲሣይ)
  • በአዲስ አበባ ከሀገር ፍቅር ቴአትር ቤት ጀርባ ከሚገኝ የመኖሪያ አፓርትማ ዛሬ ጠዋት አንዲት የ32 አመት የቤት ሠራተኛ በአሳንሰር ውስጥ ወድቃ ህይወቷ አለፈ፡፡ (ወንድሙ ኃይሉ)
  • ለያዩ ማዳበሪያ ፋብሪካ ግንባታ ተጨማሪ ክፍያ የተጠየቀው አዳዲስ ስራዎች በመጨመራቸው ነው ተባለ፡፡ (ትዕግሥት ዘሪሁን)
አስተያየት ይፃፉ (0 አስተያየት)

የኦሮሚያ ክልል የልማት ተነሺዎችን ጉዳይ የሚከታተል ኤጀንሲ ተቋቁሞ ሥራ ጀምሯል

የኦሮሚያ ክልል የልማት ተነሺዎችን ጉዳይ የሚከታተል ኤጀንሲ ተቋቁሞ ሥራ ጀምሯል፡፡የኤጀንሲው አንዱ ተግባር ከዘንድሮ በጀት ዓመት በፊት የነበሩ የልማት ተነሺዎች ለሚያቀርቡት ጥያቄ መፍትሄ መስጠት ነው፡፡በዚሁ መሠረት ከ4 ሺ በላይ ቅሬታዎች እንደቀረቡለት ሰምተናል፡፡

የኤጀንሲው ዋና ዳይሬክተር አቶ አብርሃም ፍሬው እንደነገሩን ከቅሬታዎቹ መካከል ካሣ አልተከፈለኝም፣ ምትክ መሬት አልተሰጠኝምና የተከፈለኝ ካሣ አነስተኛ ነው የሚሉ ይገኙባቸዋል፡፡ከእነዚህ ቅሬታዎች 40 በመቶ ያህሉ መፍትሄ አግኝተዋል ብለዋል፡፡ከቅሬታዎቹ አንዳንዶቹ ተገቢነት እንደሌላቸው አረጋግጠናል ሲሉም ነግረውናል፡፡

አቶ አብርሃም እንዳሉት የዚህ ዓመት የልማት ተነሺዎች ጥያቄ ከበፊቱ የተለየ ነው፡፡ዋና ዳይሬክተሩ እንደነገሩን አሁን በልማት ተነሺዎች እየቀረቡ ያሉት ጥያቄዎች ወደ ሥራ መግባት እንድንችል በቂ ድጋፍ አልተደረገልንም፣ የገበያ ትስስር አልተፈጠረልንም እንዲሁም ለሥራ የሚሆን የኢንቨትመንት ቦታ አልተሰጠንም የሚሉ ናቸው፡፡

ከእነዚህ ቅሬታዎች የተወሰኑትን መፍታት ችለናል ያሉት አቶ አብርሃም የቀሩትንም ለሚመለከታቸው መሥሪያ ቤቶች ኤጀንሲው ማስተላለፉን ነውረውናል፡፡

ንጋቱ ረጋሳ

አስተያየት ይፃፉ (0 አስተያየት)

በቅርቡ ሲጠና የቆየው የቀን ገቢ ግምት ተጠናቆ ውጤቱን ለነጋዴዎቹ በደብዳቤ ይፋ እያደረገ መሆኑን የኢትዮጵያ ገቢዎችና ጉምሩክ ባለሥልጣን ተናገረ

በቅርቡ ሲጠና የቆየው የቀን ገቢ ግምት ተጠናቆ ውጤቱን ለነጋዴዎቹ በደብዳቤ ይፋ እያደረገ መሆኑን የኢትዮጵያ ገቢዎችና ጉምሩክ ባለሥልጣን ተናገረ፡፡የነጋዴዎቹን የግብር ከፋይነት ደረጃ ለመከለስ ባለሥልጣን መሥሪያ ቤቱ ለአንድ ወር ሲያጠናው የቆየውን የቀን ገቢ ግምት ካጠናቀቀ በኋላ በጥናቱ መሠረት የግብር ከፋይነት ደረጃቸውን ለነጋዴዎቹ በደብዳቤ ይፋ እያደረገላቸው መሆኑን ለሸገር ተናግሯል፡፡

የተከለሰው የግብር ከፋይነት ደረጃቸው በደብዳቤ ከደረሳቸው ነጋዴዎች መካከልም ደረጃው አይገባኝም የሚል ቅሬታ እያሰሙ ያሉ መኖራቸውንም ባለሥልጣን መሥሪያ ቤቱ ተናግሯል፡፡ቅሬታዎቹንም በወረዳ ገቢ ሰብሣቢ ቅርንጫፍ መሥሪያ ቤቶች በኩል ከሥር ከሥር እየተፈቱ መሆኑን በባለሥልጣን መሥሪያ ቤቱ የአዲስ አበባ ቅርንጫፍ ጽ/ቤቶች ድጋፍና ክትትል ዳይሬክተሩ አቶ አትክልት ገብረእግዚአብሔር ነግረውናል፡፡

ሲጠና የቆየውን የቀን ገቢ ግምት ለማምለጥ ከ50 ሺ በላይ ነጋዴዎች እቃቸውን አሽሽተዋል የተባለ ሲሆን በመርካቶ ብቻ ከ500 በላይ ነጋዴዎች ሱቃቸውን ዘግተው እንደጠፉም ሰምተናል፡፡እስካሁንም ሱቃቸውን የዘጉ መኖራቸውን የተናገሩት አቶ አትክልት ቀደም ተብሎ ግምት ተወስዶ ስለነበር የንግድ ከፋይነት ደረጃቸው በዚያ መሠረት ተሰርቶ ተጠናቋል ብለዋል፡፡

የነጋዴ ግብር ከፋዮች ደረጃ ካለፉት ስድስት ዓመታት ወዲህ ለመጀመሪያ ጊዜ የተከለሰ ሲሆን አብዛኛዎቹም ደረጃቸው ከፍ እንደሚል ይጠበቃል ተብሏል፡፡ምን ያህሉ ነጋዴዎች በደረጃ “ሀ” ምን ያህሉ ደግሞ በደረጃ “ለ” እና “ሐ” የግብር ከፋይነት ደረጃ እንደተደለደሉም በቅርቡ ይፋ እንደሚደረግ አቶ አትክልት ነግረውናል፡፡

ትዕግስት ዘሪሁን
አስተያየት ይፃፉ (0 አስተያየት)

በኢትዮጵያ የካንሰር ህመም መድኃኒቶችን በተመጣጣኝ ዋጋ ለማቅረብ የአሜሪካ ካንሰር ሶሣይቲ እና Clinton Health Access Initiative ተስማሙ

በኢትዮጵያ የካንሰር ህመም መድኃኒቶችን በተመጣጣኝ ዋጋ ለማቅረብ የአሜሪካ ካንሰር ሶሣይቲ እና Clinton Health Access Initiative ተስማሙ፡፡የካንሰር ህመም መድኃኒቶቹ ጥራታቸው የተፈተሸ እና ዋጋቸውም አሁን በገበያ ላይ ካለው 40 በመቶ የቀነሰ እንደሚሆን ድርጅቶቹ ተናግረዋል፡፡

ከኢትዮጵያ በተጨማሪ ናይጄሪያ፣ ኬኒያ፣ ኡጋንዳ፣ ሩዋንዳና ታንዛኒያ የዚህ እድል ተጠቃሚ አገሮች እንደሆኑም ሰምተናል፡፡በዓለም ላይ በየአመቱ ከሚታየው የካንሰር ህመም 44 በመቶ የሚሆነው ኢትዮጵያን ጨምሮ በእነዚህ ስድስት የሰሃራ በስተ-ደቡብ አገራት ነው ያሉት  ድርጅቶች ፤ ጥራታቸው የተፈተሹ እና ዋጋቸውም የቀነሰ መድኃኒቶችን ለነዚህ አገራት ማቅረብ በህመሙ በቶሎ ህይወታቸውን የሚያጡ ሰዎችን ቁጥር በእጅጉ ይቀንሰዋል ብለዋል፡፡

በህክምና እና በመድኃኒት እጥረት ምክንያት በካንሰር ህመም የተያዙ የሰሃራ በስተ-ደቡብ ያሉ አገራት ዜጐች ከአሜሪካ መሰሎቻቸው ጋር ሲነፃፀሩ የመሞት እድላቸው በሁለት እጥፍ መሆኑን ድርጅቶቹ አስረድተዋል፡፡የአሜሪካ ካንሰር ሶሳይቲ እና Clinton Health Access Initiative ኢትዮጵያን ጨምሮ በስድስቱ የሰሃራ በስተደቡብ ያሉ አገራት የካንሰር ህመም መድኃኒቶቹን ዋጋ በ40 በቶ ቀንሰው የሚያቀርቧቸው 19 ዓይነት መድኃኒቶች መሆናቸውን ሰምተናል፡፡

ከዛሬ 5 ዓመት በፊት በኢትዮጵያ፣ በናይጄሪያ፣ ኬኒያ፣ ኡጋንዳ፣ ሩዋንዳና ታንዛኒያ አገሮች 626 ሺ አዲስ የካንሰር ታማሚዎች መገኘታቸውን ያስታወሱት ድርጅቶቹ በዚያው ዓመት 447 ሺ ሰዎች ደግሞ በህመሙ ምክንያት ህይወታቸው ማለፉን አስታውሰዋል፡፡

በቀጠናው በየአመቱ በካንሰር የሚያዙትና የሚሞቱት ሰዎች ቁጥር እየጨመረ እንደሚሄድም የአለም ጤና ድርጅት /WHO/ መረጃን ጠቅሰው ድጋፍ አድራጊ ድርጅቶቹ ተናግረዋል፡፡በኢትዮጵያ ካንሰርን ጨምሮ ተላላፊ ባልሆኑ ህመሞች በየአመቱ የሚሞተው ሰው ቁጥር በአጠቃላይ በአገሪቱ ከሚመዘገበው ሞት 40 በመቶ ድርሻ ይዘዋል፡፡

ንጋቱ ሙሉ
አስተያየት ይፃፉ (0 አስተያየት)

ሰኔ 19፣2009 የሸገር ወሬዎቻችን

  • በሳምንቱ መጨረሻ በኦሮሚያ ክልል በትራፊክ አደጋ 35 ሰዎች መሞታቸው ተነገረ፡፡ የኦሮሚያ ፖሊስ አደጋዎቹ በአሽከርካሪዎች ቸልተኝነትና ተሽከርካሪዎቹ ምራመራ ስላልተደረገላቸው መሆኑን ተናግሯል፡፡ (አስፋውስለሺ)
  • በኢትዮጵያ የካንሰር ህመም መድኃኒቶች በተመጣጣኝ ዋጋ ለማቅረብ ካንሰር ሶሳይቲ እና ክሊንተን ሄልዝ አክሰስ ኢንሼቲቭ ተስማሙ፡፡ (ንጋቱሙሉ)
  • ታዋቂው የአገር ሽማግሌና የሀገር ቅርስ አስመላሽ ፊታውራሪ አመዴ ለማ የመታሰቢያ ቤተ-መፅሃፍት ሊቋቋምላቸው ነው፡፡ (ንጋቱሙሉ)
  • የፕሮፌሰር አስራት ወልደየስ አፅም ከነበረበት የባዓለወልድ ቤተ-ክርስቲያን በክብር ተነስቶ በቅድስት ስላሴ ቤተ-ክርስቲያን አረፈ፡፡ (ንጋቱሙሉ)
  • ቀይ መስቀል ዛሬ የአምቡላንስ ድጋፍ ይደረግለታል፡፡ (ወንድሙኃይሉ)
  • ገቢ ሰብሣቢ መሥሪያ ቤቱ የተከለሰውን የነጋዴዎች የገቢ ግብር ደረጃ በደብዳቤ እያሳወቅኋቸው ነው አለ፡፡ (ትዕግሥትዘሪሁን)
  • ከ2009 በጀት ዓመት በፊት ከነበሩና ቅሬታ ካቀረቡ የኦሮሚያ ልማት ተነሺዎች ወደ 40 በመቶ ለሚሆኑት መፍትሄ ተሰጥቷል ተባለ፡፡ (ንጋቱረጋሣ)
  • 29ኛው የአፍሪካ የመሪዎች ጉባዔ ከነገ ጀምሮ በአዲስ አበባ ይካሄዳል፡፡ (የኔነህ ሲሣይ)
አስተያየት ይፃፉ (0 አስተያየት)

የሚድሮክ ኢትዮጵያ እህት ኩባንያ የሆነው ኤም.ቢ.አይ ቀለም ፋብሪካ ተቃጠለ

የሚድሮክ ኢትዮጵያ እህት ኩባንያ የሆነው ኤም.ቢ.አይ ቀለም ፋብሪካ ተቃጠለ፡፡ ቃጠሎውን ለመቆጣጠር 4 ሰዓታትን ወስዷል ተብሏል፡፡ ከዚህ ቀደም በረደሰበት የቃጠሎ አደጋ 28 ሚሊዮን ብር የተገመተ ንብረቱ የወደመበት ኤም.ቢ.አይ ቀለም ፋብሪካ ትላንት ምሽት መንስዔው ባለታወቀ ምክንያት መቃጠሉን ሰምተናል፡፡

የእሣትና ድንገተኛ አጋዎች መከላከልና መቆጣጠር ባለሥልጣን ለሸገር እንደተናገረው ገላን ከተማ የሚገኘው ኤም.ቢ.አይ ቀለም ፋብሪካ የእሣት አደጋው የደረሰበት ትላንት ምሽት 3 ሰዓት ተኩል ላይ ነበር፡፡እስከ ለሊቱ 7 ሰዓት ተኩል ድረስም ቃጠሎው የቀጠለ መሆኑንና ለመቆጣጠርም ባለሥልጣን መሥሪያ ቤቱ 5 የእሣት አደጋ መቆጣጠሪያ መኪኖችን እንዳሰማራ ተናግሯል፡፡

የባለሥልጣን መሥሪያ ቤቱ የህዝብ ግንኙነት ባለሙያው አቶ ንጋቱ ማሞ እንደነገሩን 61 ሺ ሊትር ውሃና 16 ሺ ሊትር ፎም በመጠቀም እሣቱን ለመቆጣጠር ተችሏል ብለዋል፡፡ለ4 ሰዓታት በዘለቀው የእሣት ቃጠሎ የቀለም ፋብሪካውን ማሽኖች ጨምሮ የተለያዩ ንብረቶች ወደመዋል የተባለ ሲሆን አጠቃላይ በቃጠሎው አደጋ የደረሰበትን ንብረትና የተረፈውን የገንዘብ ግምት እስካሁን ማወቅ አልተቻልም ተብሏል፡፡

ትዕግስት ዘሪሁን
አስተያየት ይፃፉ (1 Comment)
Sheger 102.1 AudioNow Numbers