• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኢትዮጵያ በየዓመቱ በአማካይ 1.2 ቢሊየን ብር በቴሌኮም ማጭበርበር ምክንያት ታጣለች ተባለ

ኢትዮጵያ በየዓመቱ በአማካይ 1.2 ቢሊየን ብር በቴሌኮም ማጭበርበር ምክንያት ታጣለች ተባለ፡፡ በሐገሪቱ የቴሌኮም መሰረተ ልማቶችም ላይም የሚደርሰው ጉዳት ከፍተኛ ነው ተብሏል፡፡ ይህን ያለው ኢትዮሌኮም ነው…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ንጋቱ ሙሉ
አስተያየት ይፃፉ (0 አስተያየት)

በአዲሲቷና እየተለወጠች ባለችው ኢትዮጵያ የዲያስፖራው ሚና ምን መሆን ይገባዋል በሚል? በዋሽንግተን ዲሲ የቢዝነስ ፎረም መዘጋጀቱ ተሰማ

ፕሮግራሙን ካዘጋጀውን መቀመጫውን ቨርጂኒያ ካደረገው የኢትዮጵያ አሜሪካን LLC ተቋምና ከአፍሪኪያ ሚዲያና ኮሚኒኬሽን ሸገር እንደሰማው ይካሄዳል የተባለው የኢትዮጵያ ዲያስፖራ የቢዝነስ ፎርም 12ኛው ነው፡፡ በቅርቡ የኢትዮጵያ መንግስት ታላላቅ የመንግስት ተቋማትን የተወሰነ ድርሻ ይዞታን ወደ ግል ለማሸጋገር ያወጣውን እድል ኢትዮጵያውያን ዲያስፖራዎች እንዴት ሊጠቀሙበት ይገባል ሚናቸውስ ምን መሆን ይኖርበታል? በሚል ሀሳብ ዙሪያ የቢዝነስ ፎረሙ ይመክራል ተብሏል፡፡
 
በየአመቱ የሚደረገው የኢትዮጵያውያን ዲያስፖራ የቢዝነስ ፎረም በ2016 ነበር የተደረገው ያሉት የአፍሪኪያ ሚዲያና ኮሚዩኒኬሽን ማኔጂንግ ዳይሬክተር አቶ ኡመር ረዲ በኢትዮጵያ በተለያዩ አካባቢዎች ተከስቶ በነበረው አለመረጋጋት ምክንያት አምና የቢዝነስ ፎረሙ አልተደረገም ብለዋል፡፡
 
የኢትዮጵያ መንግስት ባመቻቸው መልካም ነገር በመጠቀም የዲያስፖራው የቢዝነስ ኮሚዩኒቲ በሀገሩ ውስጥ የበለጠ ገንዘብ በመስራት ሀገሩን እንዲጠቅም የቢዝነስ ፎረሙ መልካም አጋጣሚን ይፈጥራልም ተብሏል፡፡ በመለወጥ ላይ ባለችው አዲሲቷ ኢትዮጵያ የዲያስፖራውን ሚና በማስፋት ሀገራዊ እድገትን ለማምጣት የቢዝነስ ፎረሙ ብዙ ፋይዳ ይኖረዋል መባሉ ተነግሯል፡፡
 
በጠቅላይ ሚኒስትር አብይ አህመድ የስልጣን ዘመን የዲያስፖራው ድርሻ የበለጠ ከፍ ይላል የሚል እምነት በቢዝነስ ኮሚዩኒቲው ዘንድ ተስፋ መደረጉንም ከአቶ ኡመር ሰምተናል፡፡ በአዲሲቷ እና እየተለወጠች ባለችው ኢትዮጵያ የዲያስፖራው ሚና ምን መሆን ይገባዋል? በሚል በዋሽንግተን ዲሲ ለ12 ጊዜ ይዘጋጃል የተባለው ይህ ቢዝነስ ፎረም የሚደረገው በመጪው ቅዳሜ ነው ተብሏል፡፡
 
የኔነህ ሲሳይ
አስተያየት ይፃፉ (0 አስተያየት)

ስኳር ኮርፖሬሽን...

ስኳር ኮርፖሬሽን ተጀምረው በተያዘላቸው ጊዜ ላልተጠናቀቁት የስኳር ፋብሪካዎች ተጠያቂው ያለአቅሙ 10 ፋብሪካዎችን በአንድ ጊዜ አንድ ድርጅት እንዲገነባ የፈቀደው መንግስት ነው ሲል ተናገረ...

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የቤንሻንጉል ጉምዝ ክልል ከፍተኛ የስራ ሀላፊዎች ታገዱ

የስራ ሀላፊዎቹ ከስራ የታገዱት ባለፈው ሳምንት በአሶሳ የተቀሰቀሰውን ብሔር ተኮር አመፅ ለማርገብ በተደረገው ጥረት ሀላፊነታቸውን በአግባቡ አልተወጡም ተብለው በመጠርጠራቸው እንደሆነ ሰምተናል፡፡ከስራቸው የታገዱት የክልሉ አስተዳደርና የፀጥታ ማስተባበሪያ ቢሮ ሀላፊ ፣ የክልሉ ፖሊስ ኮሚሽን ኮሚሽነር የክልሉ ልዩ ፖሊስ መምሪያ ሀላፊና ምክትል ሀላፊ ናቸው፡፡

በተፈጠረው አለመረጋጋት ተሳትፎ አላቸው የተባሉ 11 ፖሊሶችም ከስራቸው መታገዳቸውን ዋልታ ዘግቧል፡፡

አስተያየት ይፃፉ (0 አስተያየት)

በኢትዮጵያ ኤሌክትሪክ አገልግሎት ስም በተዘጋጀ ሀሰተኛ ሰነድ ከጅቡቲ ወደ ኢትዮጵያ ሊገባ የነበረ ልባሽ ጨርቅ በጋላፊ ኬላ ተያዘ

በኢትዮጵያ ኤሌክትሪክ አገልግሎት ስም በተዘጋጀ ሀሰተኛ ሰነድ ከጅቡቲ ወደ ኢትዮጵያ ሊገባ የነበረ ልባሽ ጨርቅ በጋላፊ ኬላ ተያዘ፡፡ በገቢዎችና ጉምሩክ ባለስልጣን የጋላፊ ቅርንጫፍ ስራ አስኪያጅ አቶ ተስፋዬ አየለ ለሸገር ሲናገሩ ሰሞኑን በከባድ ጭነት መኪና ላይ ሆኖ በኤሌክትሪክ አገልግሎት ስራ ህጋዊ መስሎ ሊገባ የነበረው 4 ሚሊየን ብር የተገመተ ልባሽ ጨርቅ ነው ብለዋል፡፡

በሀሰተኛ ሰነድ ሊገባ የነበረውን ልባሽ ጨርቅ የጫነው የከባድ መኪናው ሾፌር በቁጥጥር ስር ውሎ በአሳይታ ማረሚያ ቤት ይገኛል ያሉት አቶ ተስፋዬ ልባሽ ጨርቁም እንዲቃጠል ይደረጋል ብለዋል፡፡ በዚሁ ኬላ ላይ በተለያዩ መኪኖች ላይ በተሰራ ሻግ ውስጥ የተደበቁ 4 ሺ 973 የሞባይል ቀፎዎችም ተይዘዋል፤ እነዚህም ንብረቶች ከ4 ሚሊየን ብር በላይ ዋጋ ያላቸው ናቸው ሲሉ የጋላፊ ገቢዎችና ጉምሩክ ቅርንጫፍ ስራ አስኪያጅ አቶ ተስፋዬ አየለ ነግረውናል፡፡

ወንድሙ ኃይሉ

አስተያየት ይፃፉ (0 አስተያየት)

የኢትዮጵያ አየር መንገድ ማክስ ቦይንግ 737 አይሮፕላን ይረከባል

የኢትዮጵያ አየር መንገድ ማክስ ቦይንግ 737 አይሮፕላን ይረከባል፡፡እጅግ ዘመናዊ የሆነው ማክስ ቦይንግ 737፣ ዛሬ ከሰዓት በሁዋላ 9፡30 ግድም አዲስ አበባ ይደርሳል ተብሏል፡፡በደመቀ ሥርዓት በሚከናወነው ርክክብ ላይ የቦይንግ ኩባንያ ተወካዮችና የአየር መንገዱ የስራ ሀላፊዎች እንደሚገኙ ተረድተናል፡፡

አፍሪካን በንግድና በቱሪዝም ለማቆራኘት እየሰራ ነው የሚባለው የኢትዮጵያ አየር መንገድ አምስት ቦይንግ 787 እና 16 ኤር ባስ ኤ 350 አይሮፕላኖች “አዝዣለሁ” ማለቱ ይታወሳል፡፡

እሸቴ አሰፋ

አስተያየት ይፃፉ (0 አስተያየት)

ሰኔ 23፣2010 መደበኛ ስብሰባውን ያደረገው የሚኒስትሮች ምክር ቤት፣ ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ ወሰነ

ሰኔ 23፣2010 መደበኛ ስብሰባውን ያደረገው የሚኒስትሮች ምክር ቤት፣ ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ ወሰነ፡፡ ምክር ቤቱ የኦሮሞ ነፃ አውጪ ግንባር (ኦነግ)፣ የኦጋዴን ብሄራዊ ነፃ አውጪ ግንባር (ኦብነግ) እና ግንቦት 7 የፖለቲካ ድርጅቶች ላይ ጥሎት የነበረው የሽብርተኝነት ፍረጃ እንዲነሳ የውሳኔ ሐሳብ ማሳለፉን የጠቅላይ ሚኒስትር ቢሮ ሃላፊ አቶ ፍፁም አረጋ በትዊተር ገፃቸው አስታውቀዋል፡፡

የሚኒስትሮች ምክር ቤት ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ የሚጠይቅ ረቂቅ የውሳኔ ሀሳብ እንዲፀድቅ ወደ ሕዝብ ተወካዮች ምክር ቤት ልኳል፡፡ምክር ቤቱ ያሳለፈው ውሳኔ ሐሳብም የተለያዩ የፖለቲካ ፓርቲዎች በሐገሪቱ ፖለቲካ ውስጥ በሰላማዊ መንገድ እንዲሳተፉ የሚያበረታታ መሆኑን ገልፀዋል፡፡በተያያዘ ወሬ፣ በደርግ ጊዜ የማህበራዊ ጉዳይ ሚኒስትር የነበሩት ዶ/ር ካሳ ከበደ አዲስ አበባ ገብተዋል፡፡ የኮምንኬሽን ጉዳዮች ፅ/ቤት ሃላፊ ሚኒስትር አቶ አህመድ ሽዴ ተቀብለዋቸዋል፡፡

ትዕግስት ዘሪሁን
አስተያየት ይፃፉ (0 አስተያየት)

በአሶሳ ከተማ ለተፈጠረው ግጭት ምክንያት ናቸው የተባሉና የማረጋጋቱን ጥረት አስተጓጉለዋል የተባሉ 45 ሰዎች በቁጥጥር ስር ዋሉ ሲል ፖሊስ ተናገረ

በአሶሳ ከተማ ለተፈጠረው ግጭት ምክንያት ናቸው የተባሉና የማረጋጋቱን ጥረት አስተጓጉለዋል የተባሉ 45 ሰዎች በቁጥጥር ስር ዋሉ ሲል ፖሊስ ተናገረ፡፡ የቤኒሻንጉል ጉሙዝ ክልል ፖሊስ ኮምሽን የሕዝብ ግንኙነት ቡድን መሪው አቶ እንዳለው አገኘ ለሸገር ሲናገሩ በከተማው ተፈጥሮ የነበረው ግጭት በፌድራል ፖሊስና በመከላከያ ሰራዊት አባላት፣ በሐይማኖት አባቶችና በሐገር ሽማግሌዎች ጥረት የተረጋጋ ቢሆንም የመንግሥት መስሪያ ቤቶችም ሆኑ አገልግሎት መስጪያ ተቋማት ዝግ እንደሆኑ ናቸው ብለዋል፡፡

ወንድሙ ኃይሉ

አስተያየት ይፃፉ (1 Comment)

በተደራጀ እና በተለያዩ መንገዶች ኢኮኖሚያዊ ጫናን ሆን ብለው የሚፈጥሩና ሐገር እንዳይረጋጋ የሚሰሩ ቡድኖችን

በጠቅላይ ሚኒስትሩ ፅህፈት ቤት መረጃ መሰረት፣ በተደራጀ እና በተለያዩ መንገዶች ኢኮኖሚያዊ ጫናን ሆን ብለው የሚፈጥሩና ሐገር እንዳይረጋጋ የሚሰሩ ቡድኖችን ተከታትሎ ለሕግ የሚያቀርብ ኮሚቴ መቋቋሙና ሥራ መጀመሩ ተሰምቷል፡፡

የቴሌኮም ኔትወርክን ማጥፋት፣ መብራትና ሌሎች አገልግሎቶችን ሆን ብሎ በማቋረጥ እና በመዝጋት አሻጥር የሚፈፅሙ ቡድኖችና ግለሰቦች በኮሚቴው ይመረመራሉ ተብሏል፡፡
አስተያየት ይፃፉ (0 አስተያየት)

በመጪው ሰኔ 30 ቀን 2010 የስልጣን ጊዜው የሚያበቃውን የአዲስ አበባ ከተማ አስተዳደር ምክር ቤት አዲስ ምርጫ እስከሚካሄድ ድረስ...

በመጪው ሰኔ 30 ቀን 2010 የስልጣን ጊዜው የሚያበቃውን የአዲስ አበባ ከተማ አስተዳደር ምክር ቤት አዲስ ምርጫ እስከሚካሄድ ድረስ የስልጣን ጊዜውን ለማራዘም የከተማዋን ቻርተር አዋጅ እንዲሻሻል ረቂቅ ቀርቦበት ዛሬ በሕዝብ እንደራሴዎች ምክር ቤት ተመክሮበታል፡፡

በአገሪቱ ተከስቶ በነበረው የፀጥታ ችግር ምክንያት ሳይከናወን የቀረውና የስራ ዘመኑ በመጪው ሰኔ 30 ቀን 2010 የሚያበቃው የአዲስ አበባ ከተማ ምክር ቤት ምርጫ ባለመካሄዱ የምክር ቤቱ ሕጋዊነት ጥያቄ ውስጥ እንዲገባ ያደርገዋል ተብሏል፡፡የምክር ቤቱና የስራ አስፈፃሚው አካል ሌላ ምርጫ እስከሚካሄድ ድረስም አሁን ባሉት አባላትና አካሄድ መቆየት እንዲችል የማሻሻያ ረቂቅ አዋጁ መዘጋጀቱ ተነግሯል፡፡በተጨማሪም ረቂቅ አዋጁ የአዲስ አበባ ከተማ አስተዳደር ምክትል ከንቲባ የሚመረጥበትንም ድንጋጌ ማሻሻያ እንዲደረግበት ሀሳብ ተካቶበታል፡፡

ምክትል ከንቲባ የሚመረጠው ከምክር ቤቱ አባል ብቻ መሆን አለበት የሚለው አሰራር ለቦታው ተገቢ የሆነና ብቃት ያለው ሰው ከምክር ቤቱ ውጪ ሊገኝ ስለሚችል ከምክር ቤት አባል ውጪ የሆነ ምክትል ከንቲባ እንዲሾምና ስራውም በአግባቡ እንዲሰራ ረቂቁም ማሻሻያ እንዲደረግበት ለሕዝብ እንደራሴዎች ምክር ቤት ቀርቧል ተብሏል፡፡ምክር ቤቱ የተሻሻለውን የከተማ አስተዳደሩም ቻርተር አዋጅ ለማሻሻል የወጣውን ረቂቅ ለዝርዝር እይታ ለሕግና ፍትህ ጉዳዮች ቋሚ ኮሚቴ መርጧል፡፡

የህዝብ እንደራሴዎች ምክር ቤት ዛሬ ባካሄደው 32ኛ መደበኛ ስብሰባ የስደተኞች ጉዳይ ረቂቅ አዋጅም ለሚመለከተው ቋሚ ኮሚቴ የመራ ሲሆን የፌዴራል ዳኞች አስተዳደር ጉባኤ የሥነ ምግባር ግድፈት አግኝቼባቸዋለሁ ባለቸው የፌዴራል ከፍተኛ ፍ/ቤትና የመጀመሪያ ደረጃ ፍ/ቤት ዳኞች ላይ ያሳለፈውን የስንብት ውሳኔ ለማፅደቅ ምክክር እያደረገ ነው፡፡

ምህረት ስዩም
አስተያየት ይፃፉ (0 አስተያየት)

ጠቅላይ ሚኒስትር አብይ አህመድ፣ በሰመራ ለሚገነባውና ለ20 ሺ ሰዎች የሥራ እድል ይከፍታል ለተባለው የኢንደስትሪ ፓርክ...

“አፋር የሉሲ መገኛ፣ የሰው ዘር መነሻ፣ የኢትዮጵያዊነት አስኳል ነው - የኢትዮጵያን ባንዲራ የአፋር ግመል እንኳ ይለየዋል…” ይህን ያሉት በዛሬው ዕለት በአፋር፣ ሰመራ ይፋዊ ጉብኝት እያደረጉ ያሉት ጠቅላይ ሚኒስትር ዶ/ር አብይ አህመድ ናቸው፡፡ ጠቅላይ ሚኒስትር አብይ አህመድ፣ በሰመራ ለሚገነባውና ለ20 ሺ ሰዎች የሥራ እድል ይከፍታል ለተባለው የኢንደስትሪ ፓርክ የመሰረት ድንጋይ አኑረዋል፡፡

ጠቅላይ ሚኒስትር አብይ አህመድ ከክልሉ ነዋሪዎች ጋር ተወያይተዋል ሲሉ የጠቅላይ ሚኒስትር ፅህፈት ቤት ኃላፊ አቶ ፍፁም አረጋ በትዊተር ገፃቸው ላይ ካሰፈሩት ለመረዳት ችለናል፡፡ የኢንደስትሪ ፓርኩ የሚገነባበት ቦታ 1ሺ ሄክታር ያህል ስፋት እንዳለው ተጠቅሷል፡፡

አስተያየት ይፃፉ (0 አስተያየት)
Sheger 102.1 AudioNow Numbers