• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ዜጎች ወደተለያዩ የአረብ ሀገራት ለቤት ሰራተኝነት በህጋዊ መንገድ እንዳይሄዱ መንግስት ጥሎት የቆየውን እገዳ እንዲያነሳ...

ዜጎች ወደተለያዩ የአረብ ሀገራት ለቤት ሰራተኝነት በህጋዊ መንገድ እንዳይሄዱ መንግስት ጥሎት የቆየውን እገዳ እንዲያነሳ ጥያቄ ማቅረቡን የሰራተኛና ማህበራዊ ጉዳይ ሚኒስቴር ተናገረ፡፡ስራ ፈላጊዎችን በህጋዊ መንገድ ለመላክም ከ3 ሰራተኛ ተቀባይ ሀገራት ጋር የሁለትዮሽ ስምምነት ለመፈራረም ረቂቅ ሰነድ አዘጋጅቶ መጨረሱን ሰምተናል፡፡

ስምምነቶቹ የሚፈረሙት ከሊባኖስ፣ ከተባበሩት አረብ ኤምሬትስና ከባህሬን ጋር ነው ተብሏል፡፡ሚኒስትሩ አቶ አብዱልፈታህ አብዱላሂ እንዳሉት የተሰናዳው የስምምነት ረቂቅ አስተያየት እንዲሰጥበት ለውጭ ጉዳይ ሚኒስትር ተልኳል፡፡ከሳውዲ አረቢያ ጋር ስምምነት ላይ መደረሱ የሚታወስ ሲሆን ስምምነቱ በመንግስት እንዲፀድቅ የሚቀርብ መሆኑንም ተናግረዋል፡፡ከሊባኖስ ጋር በቅርቡ ስምምነት ይፈረማል ተብሎ ይጠበቃል፡፡

በቀድሞው የስራ ስምሪት አዋጅ መሰረት ፈቃድ ተሰጥቷቸው ሲሰሩ የቆዩ 21 ነባር ኤጀንሲዎች ፈቃዳቸው መሰረዙን ሚኒስትሩ ዛሬ የመስሪያ ቤታቸውን የ6 ወራት የስራ ክንውን ሪፖርት ለሕዝብ እንደራሴዎች ም/ቤት ሲያቀርቡ ሰምተናል፡፡በአዲሱ አዋጅ መሰረት በውጭ ሀገር ስራና ሰራተኛን ለማግኘት ካመለከቱ 820 አዳዲስና 178 ነባር ኤጀንሲዎች መካከል መስፈርቱን አሟልተዋል ተብለው ፈቃድ የተሰጣቸው 6 ኤጀንሲዎች ብቻ ናቸው፡፡ ሰነዳቸው እየታየ ያሉም አሉ ተብሏል፡፡

አዲሱ የውጭ ሀገር የስራ ስምሪት አዋጅ ከፀደቀ 2 አመት ቢሞላውም ወደ አረብ ሀገራት ለስራ የሚሄዱ ሰራተኞች እገዳ እስካሁን አልተነሳም አሁን ግን የቅድመ ዝግጅት ስራዎችን እያገባደድን ነው ያሉት ሚኒስትሩ መንግስት እገዳውን እንዲያነሳ ጥያቄ አቅርበን መልስ እየጠበቁ መሆኑን ተናግረዋል፡፡

ትዕግስት ዘሪሁን

አስተያየት ይፃፉ (0 አስተያየት)

የዛሬ ጥር 17፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ካሣ ተክለ ብርሃን የሹመት ደብዳቤያቸውን ለፕሬዝዳንት ዶናልድ ትራምፕ አቀረቡ፡፡ (የኔነህ ሲሳይ)
  • የእንጦጦ ሙዚየም ምንም አይነት እድሳት ሳይደረግለት ብዙ አመታት አስቆጥሯል ተባለ፡፡ የአዲስ አበባ ባህልና ቱሪዝም ቢሮ ሙዚየሙን ብቻ ሳይሆን አካባቢውን ጭምር ላለማ ነው ብሏል፡፡ (ቴዎድሮስ ብርሃኑ)
  • ኢትዮጵያ ተፈጥሮ የለገሳትን ውሃ የሰላሟ ጋሻ አድርጋ ልትጠቀምበት ይገባል ተባለ፡፡ ለዚህም የምህንድስና ዘርፍ ሚና ከፍተኛ እንደሆነም ተነግሯል፡፡ (ዮሐንስ የኋላወርቅ)
  • በሊቢያ በስደት ላይ የሚገኙ 21 ኢትዮጵያውያን ዛሬ ምሽት ሀገር ቤት ይገባሉ ተባለ፡፡ (ምህረት ስዩም)
  • የመድሃኒት ፈንድ ኤጀንሲ የህፃናት የቲቢ መድኃኒት በነፃ እያሰራጨ ነው ተባለ፡፡ (ወንድሙ ሀይሉ)
  • የወልዲያ ከተማ አሁን ላይ መረጋጋቷ ተናገረ፡፡ (ምስክር አወል)
  • በተለያዩ የሀገሪቱ ክፍሎች ለሚከሰቱ የመልካም አስተዳደር ችግሮችና አለመረጋጋቶች ምክንያታቸው ሙስና ነው ተባለ፡፡ (በየነ ወልዴ)
  • እዚህ አዲስ አበባ ለሚደረገው የአፍሪካ ሀገሮች የውጭ ጉዳይ ሚኒስትሮች ስብሰባ ለመገኘት ልዑካን መግባት ጀምረዋል፡፡ (እሸቴ አሰፋ)
  • ለአመታት ታግዶ የቆየው የውጪ ሀገር የስራ ስምሪት እንዲጀመር ጥያቄ ቀረበ፡፡ (ትዕግስት ዘሪሁን)
አስተያየት ይፃፉ (0 አስተያየት)

ኢራፓ ከፖለቲካ ፓርቲዎች ድርጅት ወጥቼበታለሁ አለ

ኢራፓ ከፖለቲካ ፓርቲዎች ድርጅት ወጥቼበታለሁ አለ፡፡ገዥው ፓርቲ ኢህአዴግ ከተቃዋሚ የፖለቲካ ፓርቲዎች ጋር ለመደራደር ገና ዝግጁ አለመሆኑን ተረድቻለሁ ያለው ኢራፓ ከዛሬ ጀምሮ ከፖለቲካ ፓርቲዎች ድርድር መውጣቱን ተናገረ፡፡የፖለቲካ ፓርቲዎቹ ዛሬ በፀረ ሽብር ህጉ ላይ እየተደራደሩ ባሉበት ወቅት ነው ኢራፓ አቋሙን ያሳወቀው ድርድሩንም አቋርጦ ወጥቷል፡፡

የኢራፓ ዋና ፀሐፊ አቶ መላኩ መሰለ እንዳሉት የፀረ ሽብር ህጉ ሰላማዊ ትግልን ያፈነ፣ የዜጎችን በነፃነት የመናገርና የማሰብ መብት ጭምር የገፈፈ ነው፡፡ህጉ ዜጎቹን ከሽብር አደጋ ከመጠበቅ ይልቅ የዜጎችን መብት በመግፈፍ ገዢውን ፓርቲ አይነኬ ያደረገና ያፈረጠመ ነው ሲሉ ገልፀውታል፡፡

በመሆኑም ህጉ ሙሉ በሙሉ እንዲሻርና ለኢትዮጵያ ስጋት የሆነውን አለም አቀፍ ሽበርተኝነት ለመከላከልና ለመቆጣጠር የሚያስችል ሌላ የፀረ ሽብር ህግ እንዲረቀቅ ጥያቄ አቅርበን ኢህአዴግ ሊሰማን አልፈለገም ያሉት የኢራፓ ዋና ፀሐፊ ይህም ገና ለመደራደር ዝግጁ አለመሆኑን ያሳያል ሲሉ ተናግረዋል፡፡ከዚህ በኋላም በድርድሩ አንቀጥልም የሚል አቋማቸውን ተናግረው የስብሰባ አዳራሹን ለቀው ወጥተዋል፡፡

ኢህአዴግ በበኩሉ የፀረ ሽብር ህጉ የወጣው የዜጎችን ደህንነት ለመጠበቅ ነው ሲል ተከራክሯል፡፡ሕዝቡ ከፈለገ ገዢውን ፓርቲ በምርጫ ካርድ መቀየር ይችላል ብሏል፡፡በፀረ ሽብር ህጉ ላይም እንዲሻሻሉ ካነሷቸው አንቀፆች መካከል የምናያቸው ይኖራሉ የሚል መልስ ሰጥቷል ኢህአዴግ፡፡የፖለቲካ ፓርቲዎቹ በፀረ ሽብር ህጉ ላይ ለመደራደር በፌዴሬሽን ምክር ቤት ስብሰባ ሲቀመጡ ዛሬ 5ኛ ቀናቸው ነው፡፡ከዚህ ቀደም ተቃዋሚ የፖለቲካ ፓርቲዎች ከፀረ ሽብር ህጉ አንቀፅች መካከል እንዲሰረዙ የጠየቋቸውን ኢህአዴግ ሙሉ በሙሉ ውድቅ ማድረጉ ይታወሳል፡፡
 
ትዕግስት ዘሪሁን
አስተያየት ይፃፉ (0 አስተያየት)

የዛሬ ጥር 16፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ከተማ አስተዳደር የሙያ ብቃት ምዘናና ማረጋገጫ ማዕከል የቆሻሻ አንሺዎችን የሙያ ብቃት ሊመዝን እንደሆነ ተናገረ፡፡ (ቴዎድሮስ ብርሃኑ)
  • ኢህአዴግ በፀረ ሽብር ህጉ ላይ ለመደራደር ዝግጁ አይደለም ያለው ኢራፓ ከፖለቲካ ፓርቲዎች ድርድር ራሱን አገለለ፡፡ (ትዕግስት ዘሪሁን)
  • በሲቪል ምህንድስናው መስክ አልፎ አልፎ የሥነ-ምግባር እና የሙያ ብቃት ችግር ይታያልና መላ ሊበጅለት ይገባል ተባለ፡፡ (ዮሐንስ የኋላወርቅ)
  • የአሽከርካሪ ብቃት ማረጋገጫ አዋጅ ተሻሽሎ በህዝብ እንደራሴዎች ምክር ቤት ፀደቀ፡፡ (ትዕግስት ዘሪሁን)
  • በደሩ የአሽከርካሪዎች ማሰልጠኛ ተቋም መንጃ ፈቃድ ለማውጣት የሚሰለጥኑ ተማሪዎች የመንጃ ፈቃድ መውሰጃ ጊዜያችን ከሚጠበቀው በላይ ዘግይቶብናል አሉ፡፡ (በየነ ወልዴ)
  • የገቢዎችና ጉምሩክ ባለስልጣን ከ442 ሚሊዮን ብር በላይ ዋጋ ያላቸውን የኮንትሮባንድ እቃዎች ያዘ፡፡ (ወንድሙ ሀይሉ)
  • ኢትዮጵያ ከጨርቃ ጨርቅ የወጪ ንግዷ የጠበቀችውን ያህል ገቢ አላገኘችም ተባለ፡፡ (ወንድሙ ሀይሉ)
  • በኢትዮጵያ የኮንስትራክሽን ዘርፍ የሚከሰቱ አለመግባባቶች 90 በመቶ ያህሉ የሚፈቱት በተዋዋዮች መሀል በሚደረግ ስምምነት ነው ተባለ፡፡ (ዮሐንስ የኋላወርቅ)
  • የኦሞቲክ ቋንቋዎች ላይ ያተኮረ ውይይት ነገና ከነገ ወዲያ በወላይታ ሶዶ ሊደረግ ነው ተባለ፡፡ (ምስክር አወል)
አስተያየት ይፃፉ (0 አስተያየት)

ለዛ የምሳ ሰዓት መሰናዶ ጥር 15፣2010

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የዛሬ ጥር 15፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በኢትዮጵያ የሚገኙ የመዘንጋት በሽታ ህሙማን ቁጥር 1 ሚሊየን በላይ መድረሱን አንድ ጥናት አመለከተ፡፡ (ቴዎድሮስ ብርሃኑ)
  • አንጋፋው የአዲስ አበባ ዩኒቨርሲቲ፣ ፕሬዝዳንት የሚሆነውን ለመምረጥ የመጨረሻ 3 እጩዎችን ለትምህርት ሚኒስቴር አቀረበ፡፡ (ምስክር አወል)
  • በሀገር ውስጥ ተመርተው ለህክምና አገልግሎት የሚውሉና በምርምር የሚገኙ መድሃኒቶች ጥቅም ላይ ከመዋላቸው በፊት ተደጋጋሚ ፍተሻ ሊደረግባቸው ይገባል ተባለ፡፡ (ምህረት ስዩም)
  • የመድሃነት ፈንድና አቅርቦት ኤጀንሲ ለስኳር ህሙማን ህፃናት የመድሃኒት ድጋፍ ተደረገልኝ አለ፡፡ (ወንድሙ ሀይሉ)
  • በአዲስ አበባ በተጀመረው ሰላሳኛው የአፍሪካ ህብረት ጉባኤ ላይ በርካታ ውሳኔዎችና ስምምነቶች ይፈረማሉ ተባለ፡፡ (የኔነህ ሲሳይ)
  • በሰው ሰራሽና በተፈጥሮ ጉዳት የደረሰባቸውን ዜጎች ለመርዳትና ለማቋቋም መንግስት ተጨማሪ 5 ቢሊየን ብር እንደሚያስፈልገው ተናገረ፡፡ (ትዕግስት ዘሪሁን)
አስተያየት ይፃፉ (0 አስተያየት)

በሰው ሰራሽና በተፈጥሮ አደጋ ጉዳት የደረሰባቸውን ዜጎች ለመርዳትና ለማቋቋም መንግስት ተጨማሪ 5 ቢሊየን ብር እንደሚያስፈልገው ተናገረ

በሰው ሰራሽና በተፈጥሮ አደጋ ጉዳት የደረሰባቸውን ዜጎች ለመርዳትና ለማቋቋም መንግስት ተጨማሪ 5 ቢሊየን ብር እንደሚያስፈልገው ተናገረ፡፡እስካሁን በኢትዮጵያ እየደረሰ ባለው ተፈጥሯዊና ሰው ሰራሽ አደጋዎች ምክንያት የተጎዱ ዜጎችን ለመርዳት ከመጠባበቂያ በጀት እየተያዘ ወጪው ሲሸፈን ቆይቷል ተብሏል፡፡

መንግስት ለእነዚህ ዜጎች እጁን ለመዘርጋት 5 ቢሊየን ብር ያስፈልገዋል፡፡ይኸው የገንዘብ መጠን ለቀሪው የበጀት አመት ያስፈልጋል ተብሎ ዛሬ ለሕዝብ እንደራሴዎች ምክር ቤት ከቀረበው ረቂቅ በጀት ጋር አብሮ ሰፍሯል፡፡ለምክር ቤቱ የቀረበው ተጨማሪ ረቂቅ በጀት 14 ቢሊየን ብር ነው፡፡ተጨማሪ በጀቱ ያስፈለገበት ሌላኛው ምክንያት ለወጣቶች የተመደበውን 10 ቢሊዮን ብር ተዘዋዋሪ ፈንድ ቀሪ ወጪ ለመሸፈን መሆኑን ረቂቁ ያስረዳል፡፡

ከተያያዘው 14 ቢሊየን ብር ተጨማሪ በጀት መካከል አዳዲስ ለተገነቡ 11 ዩኒቨርሲቲዎች የቅበላ አቅምን ለማሳደግ 5 መቶ ሚሊየን ብር እና ለዲጅታል ቴሌቪዥን መሳሪያ ግዢ ሌላ 3 መቶ ሚሊየን ብር ወጪ የሚሆንበት ነው ተብሏል፡፡

ለእንደራሴዎቹ ምክር ቤት የቀረበው ረቂቅ ተጨማሪ በጀት ከመፅደቁ በፊት ዛሬ አባላቱ ተወያይተውበት ለዝርዝር እይታ ወደሚመለከተው ቋሚ ኮሚቴ ይመሩታል ተብሎ ይጠበቃል፡፡

ትዕግስት ዘሪሁን

አስተያየት ይፃፉ (0 አስተያየት)

የዛሬ ጥር 14፣2010 የሸገር ወሬዎቻችን

  • በወልዲያ ከተማ ከትናንት በስቲያ የሚካኤል ታቦትን ሲያስገቡ በነበሩ ወጣቶችና በፀጥታ ሀይሎች መካከል በተፈጠረ ግጭት የሰው ሕይወት መጥፋቱ ተነግሯል፡፡ (ምስክር አወል)
  • በኦሮሚያ ክልል ሰሜን ሸዋ ዞን በደረሰ የተሽከርካሪ አደጋ የአምስት ሰዎች ሕይወት ጠፍቷል፡፡ (አስፋው ስለሺ)
  • የኢትዮጵያ የክፍያ መንገዶች ኢንተርፕራይዝ በተያዘው አመት ብዙ ገንዘብ አገኘሁ አለ፡፡ (ምህረት ስዩም)
  • የሆቴልና ቱሪዝም ዘርፍ ስኬታማ እንዲሆን የሰው ሀይል ስልጠናው ላይ ትኩረት ተደርጎ መሰራት አለበት ተባለ፡፡ (ምስክር አወል)
  • የአፍሪካ ህብረት መደበኛ የመሪዎች ጉባኤ ዛሬ በአዲስ አበባ በአፍሪካ ህብረት አዳራሽ ይጀምራል፡፡ (አስፋው ስለሺ)
  • ባለፉት 6 ወራት መንግስት ከአለም ገበያ ከ7 ቢሊየን ብር በላይ በሆነ ወጪ የተለያዩ ቁሶችን ሸምቷል ተባለ፡፡ (ትዕግስት ዘሪሁን)
  • በሊቢያ የታየው የባሪያ ንግድ የህብረቱ ዋና የመነጋገሪያ አጀንዳ ይሆናል ተብሏል፡፡ (የኔነህ ሲሳይ)
  • የኢትዮጵያ ሰብዓዊ መብት ኮሚሽን በኢትዮጵያ በተለያዩ አካባቢዎች በተቀሰቀሱ ግጭቶች ላይ ምርመራዬን አጠናቅቄአለሁ አለ፡፡ (ወንድሙ ሀይሉ)
አስተያየት ይፃፉ (0 አስተያየት)

ዘንድሮ በስድስት ወር ውስጥ በባህላዊ ወርቅ አምራቾች ከ230 ሚሊዮን ዶላር በላይ ለማግኘት ቢታቀድም የተገኘው ግን 30 ሚሊዮን ዶላር እንኳ የደረሰ አይደለም

ዘንድሮ በስድስት ወር ውስጥ በባህላዊ ወርቅ አምራቾች ከ230 ሚሊዮን ዶላር በላይ ለማግኘት ቢታቀድም የተገኘው ግን 30 ሚሊዮን ዶላር እንኳ የደረሰ አይደለም፡፡ከማዕድን ነዳጅና ተፈጥሮ ጋዝ ሚኒስቴር ሪፖርት እንዳየነው በባህላዊ መንገድ ተመርተው ለውጭ ገበያ ከቀረቡት ወርቅ፣ ኦፓል፣ ታንታለም እና የጌጣጌጥ ማዕድናት የተገኘው ገቢ ከታቀደው 13 በመቶ እንኳ መድረስ አልቻለም፡፡

ከዚህም የባሰው ነገር ደግሞ ከ2009 ዓ/ም ተመሳሳይ ወቅት ጋር ሲነፃፀር የተገኘው ገቢ በ50 በመቶ ቀንሶ ግማሹን ያህል ብቻ ነው፡፡በኩባንያዎችም ቢሆን ይገኛል ተብሎ የታቀደው ገቢ 92 ሚሊዮን ዶላር ቢሆንም ማግኘት የተቻለው ግን 30 ሚሊዮን ዶላር ብቻ ነው፡፡

ዮሐንስ የኋላወርቅ

አስተያየት ይፃፉ (0 አስተያየት)

የዛሬው ጥር 10፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ስድስተኛው የኢትዮ - ግብፅ የጋራ ኮሚሽን ጉባኤ በካይሮ ተጀመረ፡፡ (የኔነህ ሲሳይ)
  • የኢትዮጵያ የወርቅ ገበያ ከአምናና ካቻምናው ብሶበታል፡፡ ዘንድሮም ከታሰበው ሩቡን ያህል እንኳ ማሳካት አልተቻለም ተብሏል፡፡ (ዮሐንስ የኋላወርቅ)
  • የኢትዮጵያ ኢንዱስትሪ ግብአቶች ልማት ድርጅት (ኢግልድ) በ984 ሚሊዮን ብር ወጭ ለኢንዱስትሪዎች የተለያዩ ግብአቶችን ማቅረቡን ተናገረ፡፡ (ትዕግስት ዘሪሁን)
  • የአፄ ቴዎድሮን 150ኛ የሙት አመት ለማክበር የሚረዱ ዝግጅቶች ከወዲሁ ተጀምረዋል ተባለ፡፡ (ንጋቱ ረጋሣ)
  • በከፍተኛ የትምህርት ተቋማት ጊዜያዊ ትምህርት ማቋረጥ ወይም (ዊዝድራዋል መሙላት) መከልከሉ ተሰማ፡፡ (የኔነህ ሲሳይ)
አስተያየት ይፃፉ (0 አስተያየት)

የዛሬ ጥር 9፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በተያዘው በጀት አመት ከ200 በላይ አዳዲስ ጠበቃዎች ሙያውን ተቀላቀሉ፡፡ ከ379 በላይ ዜጎችም ነፃ የጥብቅና አገልግሎት ማግኘታቸው ተሰምቷል፡፡ (ዮሐንስ የኋላወርቅ)
  • ባለፈው ታህሳስ ወር ከ60 ሚሊየን ብር በላይ ወጪ ያላቸው እቃዎች በህገ ወጥ መንገድ ሲዘዋወሩ ተገኙ፡፡ (ወንድሙ ሀይሉ)
  • የመንግስት ኮሙኒኬሽን ጉዳዮች ሀላፊ ሚኒስትር ዶ/ር ነገሪ ሌንጮ በወቅታዊ ጉዳት ላይ መግለጫ ሰጡ፡፡ (የኔነህ ሲሳይ)
  • የትራፊክ አደጋን ለመቀነስ የትራንስፖርት ባለስልጣን እና ትምህርት ሚኒስቴር በጋራ እየሰሩ ነው፡፡ (ወንድሙ ሀይሉ)
  • የኢትዮ ግብፅ የጋራ የሚኒስትሮች ጉባኤ በውጪ ጉዳይ ሚኒስትሮች ደረጃ ዛሬ ይጀመራል ተባለ፡፡ (የኔነህ ሲሳይ)
  • የኢትዮ ጅቡቲ የባቡር መስመር ስራ በጀመረ በአንድ ሳምንት ውስጥ ከ1 ሺህ ስምንት መቶ በላይ ኮንቴነሮችን አጓጉዟል ተባለ፡፡ (ትዕግስት ዘሪሁን)
  • ባለፈው ታህሳስ ወር ከ60 ሚሊየን ብር በላይ ወጪ ያላቸው እቃዎች በህገ ወጥ መንገድ ሲዘዋወሩ ተገኙ፡፡ (ወንድሙ ሀይሉ)
አስተያየት ይፃፉ (0 አስተያየት)
Sheger 102.1 AudioNow Numbers