• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መሠረታዊ የሆኑ የእድሮች ጥያቄዎችን የሚመልስ መድረክ ሊዘጋጅ እንደሆነ ሰማን

መሠረታዊ የሆኑ የእድሮች ጥያቄዎችን የሚመልስ መድረክ ሊዘጋጅ እንደሆነ ሰማን፡፡ይህን የሰማነው ዛሬ የሠራተኛና ማህበራዊ ጉዳይ ቢሮ እና የአዲስ አበባ የእድሮች ምክር ቤት በጋራ ከሰጡት ጋዜጣዊ መግለጫ ላይ ነው፡፡ዛሬ ከሰራተኛና ማህበራዊ ጉዳይ ቢሮ አቶ አለሙ አዳነ፣ ከእድሮች ምክር ቤት ደግሞ አቶ ታምራት ገብረማርያም በጋራ በሰጡት ጋዜጣዊ መግለጫ ላይ እንደተነገረው ከሆነ የፊታችን አርብ በኢትዮጵያ ባህል ማዕከል በአዲስ አበባ የሚገኙ እድሮች መሠረታዊ ችግሮች ይነሱና ከሚመለከታቸው ክፍል መልስ ይሰጥባቸዋል፡፡

ችግሮች ከተባሉት መሀከል የመረዳጃ እድሮች የህጋዊ ማንነት ጉዳይ፣ የቀብር ቦታዎች ችግር፣ ከሊዝ ነፃ የመሬት ይዞታ ማጣት እና ሌሎችም የእድሮቹ መሠረታዊ ችግሮች ይነሳሉ ተብሏል፡፡አርብ ቀን በሚደረገው የመጀመሪያ የእድሮች ምክር ቤት ስብሰባ ላይ በከተማዋ ካሉና ህጋዊ መሠረት ካላቸው 7 ሺ 500 እድሮች የተወጣጡ 1 ሺ 300 ሰዎች ይካፈሉበታል፡፡

እድሮች የጋራ አቅም በመፍጠር ከኋላ ቀር አሰራር ወደ ተቀናጀና ዘመናዊ አሰራር እንዲገቡ መድረኩ የራሱ ሚና እንደሚኖረው ሰምተናል፡፡

አስፋው ስለሺ
አስተያየት ይፃፉ (0 አስተያየት)

ግንቦት 15፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአማራ ብሔራዊ ክልላዊ መንግሥት ከሳውዲ አረቢያ የሚመለሱ የክልሉን ተመላሾች ለመቀበል 14 አባላት ያሉት ግብረ-ሃይል ማቋቋሙን ተናገሩ፡፡ (የኔነህ ሲሣይ)
  • ድርቅ በደረሰባቸው የኢትዮጵያ አካባቢዎች የእንስሣት መድኃኒት እየተላከ ነው ተባለ፡፡ (ወንድሙ ኃይሉ)
  • ፓስፖርት የማደል ሥራን ከኢሚግሬሽን የዜግነት ጉዳዮች የተረከበው የኢትዮጵያ ፖስታ አገልግሎት ድርጅት አገልግሎቱን በሂደት ወደ ክልል እንደሚያዞረው ተናገረ፡፡ (ምሥክር አወል)
  • በኢትዮጵያ የሃይማኖት ተቋማት ያሉ የሥነ-ፅሁፍ ሀብቶች አደጋ ላይ ናቸው ተባለ፡፡ (ወንድሙ ኃይሉ)
  • የወሣኝ ኩነት ምዝገባ በአገር አቀፍ ደረጃ ሀምሌ 30 2008 ሲጀመር አስገዳጅ ነው ተብሎ ነበር፡፡ አዲስ አበባ ግን ምዝገባውን እስከአሁን አስገዳጅ አድርጋ መመዝገብ አልጀመረችም፡፡ (ንጋቱ ሙሉ)
  • የኢትዮ ሱዳን የጋራ ድንበር ልማት ኮሚሽን ጉባዔ በጐንደር እየተካሄደ ነው፡፡ (የኔነህ ሲሣይ)
  • ኢትዮጵያ ባለፉት 10 ወራት ለመሰብሰብ ካቀደችው ከ140 ቢሊዮን ብር ውስጥ 26 ቢሊዮን ብሩ አልተሳካላትም፡፡ (ትዕግሥት ዘሪሁን)
  • የኢትዮጵያ ገቢዎችና ጉምሩክ ባለሥልጣን የመንግሥትን ገቢ በሥርዓት እንዳይሰበሰብ አድርገዋል ያላቸውን 55 ሠራተኞች ከሥራ ማባረሩን ተናገረ፡፡ (ትዕግሥት ዘሪሁን)
  • በቦሌ ዓለም አቀፍ ኤርፖርት የታክሲ አገልግሎት ለመስጠት በመንግሥት ተፈቅዶልን ተሽከርካሪዎቹን ካስገባን በኋላ መሥራት ተከለከልን ያሉ የአቫንዛ ቶዮታ ባለቤቶች ቅሬታቸውን አሰሙ፡፡ መንግሥት ችግሩ በታክሲ አገልግሎት ሰጭዎቹ መካከል የተፈጠረ ውዝግብ ነው ብሏል፡፡ (ወንድሙ ኃይሉ)
  • በአዲስ አበባ ባለፉት 9 ወሮች ከ32 ሺ ለሚበልጡ የመሬት ይዞታዎች ምዝገባ ተከናወነ፡፡ (ምህረት ስዩም)
  • መሠረታዊ የሆኑ የእድሮች ጥያቄዎችን የሚመልስ መድረክ ሊዘጋጅ እንደሆነ ሰማን፡፡ (አስፋው ስለሺ)
  • ሁለተኛ ቀኑን የያዘው 70ኛው የዓለም የጤና ጉባዔ ጄኔቫ ሲዊዘርላንድ ላይ እየተካሄደ ይገኛል፡፡ ከጥቂት ሰዓታት በኋላም ዳይሬክተር ጄኔራል ማርጋሪት ቻንን የሚተካ አዲስ ዳይሬክተር ጄኔራል ይመርጣል ተብሎም ይጠበቃል፡፡ (የኔነህ ሲሣይ)
አስተያየት ይፃፉ (0 አስተያየት)

ሱሉልታን ጨምሮ የሰሜኑን አዲስ አበባ ክፍልን ተጠቃሚ የሚያደርግና የ146 ሚሊዮን ብር ወጪ የሚፈልገው የውሀ ፕሮጀክት...

ሱሉልታን ጨምሮ የሰሜኑን አዲስ አበባ ክፍልን ተጠቃሚ የሚያደርግና የ146 ሚሊዮን ብር ወጪ የሚፈልገው የውሀ ፕሮጀክት ድጋፍ በማግኘቱ በቅርቡ ስራው ይጀመራል ያሉት የሥራ አስኪያጅ ጽ/ቤት ኃላፊዋ ወ/ሮ ፀገነት ተስፋዬ ናቸው፡፡ኃላፊዋ የመሀል ከተማና የሰሜኑ አዲስ አበባ ክፍልን የውሀ መጠጥ አቅርቦት ችግር ፕሮጀክቱ በዘላቂነት እንደሚፈታ ነግረውናል፡፡

አሁን በግንባታ ላይ ያሉት የውሃ ፕሮጀክቶች በተፋጠነ መልኩ እየተገነቡ ነው ብለዋል፡፡አቃቂ ፍሳሽ ማጣሪያ ግንባታ እየተፋጠነ ቢሆንም በወሰን ማስከበር ሂደት መጠነኛ ችግር መኖሩ ፍጥነቱ በተፈለገው መጠን ሊሄድ አለመቻሉንም ነግረውናል፡፡አያይዘውም ባለሥልጣን መሥሪያ ቤቱ ለኅብረተሰቡ የተቀላጠፈ አገልግሎት ለመስጠት ያስችለው ዘንድ ተጨማሪ አራት ቅርንጫፎችን ሊከፍት እንደሆነ ለሸገር ተናግረዋል፡፡

አስፋው ስለሺ
አስተያየት ይፃፉ (0 አስተያየት)

የብረታ ብረት ኢንዱስትሪ ልማት ኢንስቲትዩት የሀገር ውስጥ ኢንዱስትሪዎች ከውጭ የሚገቡ ምርቶችን በሚፈለገው መጠን እየተኩ አይደለም አለ

የብረታ ብረት ኢንዱስትሪ ልማት ኢንስቲትዩት የሀገር ውስጥ ኢንዱስትሪዎች ከውጭ የሚገቡ ምርቶችን በሚፈለገው መጠን እየተኩ አይደለም አለ፡፡ኢንስቲትዩቱ የተቋቋመበት አብይ አላማ ከውጭ የሚገቡ የኢንዱስትሪ ምርቶችን በሀገር ውስጥ በመተካት የውጭ ምንዛሬን መቀነስ ቢሆንም ውጤታማ መሆን እንዳልቻለ ግን ተናግሯል፡፡

የሀገር ውስጥ አምራች ኢንዱስትሪዎች በጥራትና በዋጋ ተወዳዳሪ ሆነው ጨረታ ሲያሸንፉ የ15 በመቶ የዋጋ ተጠቃሚ እንዲሆኑ እድል ይሰጣቸዋል፡፡ይሁንና ከ35 በመቶ በላይ በምርቶቻቸው ላይ እሴት ጭማሪ እንዲያደርጉ ይጠበቅባቸዋል፤ በአውሮፓና አሜሪካ ካሉ ምርቶች ጋር የሚስተካከል መስፈርት እንዲያሟሉም ይጠየቃሉ ተብሏል፡፡

ይህም የሀገር ውስጥ የኢንዱስትሪ ምርቶች በሀገር ውስጥ ተሸጠው የውጭ ምንዛሪን እንዳያስቀሩ እንቅፋት እንደሆነባቸው የብረታ ብረት ኢንዱስትሪ ልማት ኢንስቲትዩት ዛሬ በህዝብ እንደራሴዎች ምክር ቤት የኢንዱስትሪ ጉዳዮች ቋሚ ኮሚቴ ጋር ሲመክር ሰምተናል፡፡በቢሊዮን የሚቆጠር ብር ግምት ያላቸው የሀገር ውስጥ የተለያዩ ምርቶች ገበያ አጥተው በዕቃ ግምዣ ቤት ውስጥ ተቀምጠዋል ያሉት የኢንስቲትዩቱ የእቅድና መረጃ ዳይሬክቶሬት ዳይሬክተሩ አቶ ጥላሁን አባይ ናቸው፡፡

በሌላ በኩል ግን በአሁኑ ወቅት በ44 ሚሊዮን ዶላር ግዢ ምርቶችን ከውጭ ለማስገባት ሂደት መጀመሩንም ተናግረዋል፡፡ከውጭ ሀገር የሚገቡ ምርቶችን በሀገር ውስጥ ኢንዱስትሪ ውጤቶች ለመተካት የሚደረገው ጥረት ሌላም ችግር እንዳለበት ከአቶ ጥላሁን ሰምተናል፡፡

ግዢ ፈፃሚ መሥሪያ ቤቶች ከብረት ውጭ ያሉ እንደ ተንቀሣቃሽ ስልክ፣ ተሽከርካሪ፣ የኤሌክትሮኒክስ ዕቃዎችና ሌሎችንም የኢንዱስትሪ ውጤቶች ከሀገር ውስጥ ለመረከብ እንብዛም ፈቃደኛ አይደሉም ፤ ይህም በሀገር ውስጥ የተመረቱ የኢንዱስትሪ ዕቃዎች ገበያ እንዲያጡ፣ የውጭ ምንዛሪንም ለመቀነስ እንዳይቻል አድርገዋል ብለዋል፡፡

ትዕግስት ዘሪሁን
አስተያየት ይፃፉ (0 አስተያየት)

ግንቦት 14፣2009 የሸገር ወሬዎቻችን

  • በሳውዲ አረቢያ የሚገኙ ኢትዮጵያዊያንን ወደ ሀገር ለመመለስ እንዲቻል በሪያድ የሚገኘው የኢትዮጵያ ኤምባሲ የሠራተኛ ቁጥሩን ጨምሮ እየሰራ ነው ተብሏል፡፡ (የኔነህ ሲሣይ)
  • ከስምንት ዓመት በፊት ቃል የነበረው የአረጋውያን ማዕከል እውን ሆነ፡፡ (አስፋው ስለሺ)
  • ስዊድን ለኢትዮጵያውያን እናቶች ጤንነት መጠበቂያ ከ7 ሚለዮን ዶላር በላይ እርዳታ ሰጠች፡፡ (ምህረት ስዩም)
  • ኢትዮጵያ ውስጥ ከንፋስ የኤሌክትሪክ ኃይል ማመንጫ ለመገንባት መዘጋጀቱን አንድ የቻይና ኩባንያ ተናገረ፡፡ (ምሥክር አወል)
  • የሀገር ውስጥ ኢንዱስትሪዎች ከውጪ የሚገቡ ምርቶችን በሚፈለገው መጠን እየተኩ አይደለም ተባለ፡፡ (ትዕግሥት ዘሪሁን)
  • አዲስ የነፃ የሕግ ድጋፍ ስትራቴጂ ተዘጋጀ፡፡ (የኔነህ ሲሣይ)
  • ለዘር የሚሆን ማዳበሪያ ለማሰራጨት የትራንስፖርት እጥረት እንዳጋጠመው የእርሽና ተፈጥሮ ሃብት ሚኒስቴር መናገሩ ተሰማ፡፡ (ወንድሙ ኃይሉ)
  • በአዲስ አበባ የሰሜኑን አካባቢ የውሃ ችግር ለማቃለል የሚያስችልፕሮጀክት ግንባታ ሊጀመር ነው፡፡ (አስፋው ስለሺ)
አስተያየት ይፃፉ (0 አስተያየት)

በአፍሪካ አህጉር ዘላቂ ልማት ላይ ሲመክር የቆየው የ2017 የአፍሪካ አህጉር ጉባዔ የተለያዩ ውሣኔዎችን ማሳለፉ ተሠማ

በአፍሪካ አህጉር ዘላቂ ልማት ላይ ሲመክር የቆየው የ2017 የአፍሪካ አህጉር ጉባዔ የተለያዩ ውሣኔዎችን ማሳለፉ ተሠማ፡፡የአፍሪካ የ2030ና የ2063 የልማት አጀንዳዎችን ማዕከል በማድረግ የ2017 የዘላቂ ልማት የአፍሪካ ጉባዔ ላይ አህጉሪቷ በአፍሪካ ባልተመጣጠነ የሀብት ስርጭት ዙሪያ መክሯል፡፡

የአፍሪካ አሀጉር ዘላቂ ልማትና ህዝቦቹን ሠራተኛ ለማድረግ ቢያንስ ቀጣይነት ያለው የ5 በመቶ ዕድገት በአህጉሪቱ መመዝገብ ያስፈልጋል ተብሏል፡፡የአፍሪካ መንግሥታት ረቂቅ የልማት ፖሊሲዎቻቸውን 70 በመቶ መሠረት አድርገው የሚቀርፁት ለግብርና የሚሆነው ወቅታዊ የዝናብ ሁኔታ መሠረት አድርገው በመሆኑ ይህ በተለያዩ መልኩ መቀየር አለበት መባሉንም ሰምተናል፡፡

የአፍሪካ ዘላቂ ልማትን በተመለከተ በተዘጋጀው የአዲስ አበባው የ2017 ጉባዔ ላይ የገንዘብ ምንጭ የሆኑ አበዳሪና ረጂ ተቋማትም ለአህጉሪቱ ዘላቂ ልማት ድጋፍ እንዲሰጡ መጠየቁን ነው፡፡በአፍሪካ የዘላቂ ልማት የ2017 ጉባዔ ላይ የመከሩት የየሀገራቱ ወኪሎችና የገንዘብ ተቋም መሪዎች በቅርቡ በህንድ አህመዳባድ ከተማ በሚዘጋጀው የአፍሪካ ልማት ባንክ ጉባዔ ላይ ለአህጉሩ ዘላቂ ልማት የሚሆኑ የገንዘብ ምንጮች ዙሪያ ለመነጋገር ቀጠሮ መቁረጣቸውንም ጉባዔው ተናግሯል፡፡

የአፍሪካ የዘላቂ ልማት ጉባዔ በ2030 ድህነትን ከአህጉሪቱ ለማጥፋት የተቀረፁትን 17 የዘላቂ ልማት ግቦችንና አሰራሮችን ተግባራዊ ለማድረግ የ50 ዓመታት የምጣኔ-ሐብታዊ ሽግግር በሚመለከትም ውሣኔዎችን ማሳለፉን ሰምተናል፡፡

የኔነህ ሲሣይ
አስተያየት ይፃፉ (0 አስተያየት)

ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ

ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ፡፡ሟቹ እድሜው 19 ዓመት የተገመተ ነው፡፡ አስክሬኑን ፖሊስ በማንሳት ላይ እንደሚገኝ የእሣትና ድንገተኛ አደጋዎች መከላከልና መቆጣጠር ባለሥልጣን የህዝብ ግንኙነት ባለሙያ አቶ ንጋቱ ማሞ ተናግረዋል፡፡

ከዝናቡ ጋር በተያያዘ መሰል አደጋዎች እየተደጋገሙ ስለሆነ ከኤሌክትሪክ አደጋ ተጠንቀቁ ተብላችኋል፡፡በአንድ ወር ጊዜ በኤሌክትሪክ አደጋ 5 ሰዎች ህይወታቸውን ማጣታቸውንም ሰምተናል፡፡

ወንድሙ ኃይሉ
አስተያየት ይፃፉ (0 አስተያየት)

ግንቦት 11፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በአዲስ አበባ የተሽከርካሪዎችን ወዲህ ወዲያ ለማቀላጠፍ ሲባል ሦስት አደባባዮች መፍረሳቸው አይቀርም ተባለ፡፡ (ወንድሙ ኃይሉ)
  • የአፍሪካ ዘላቂ ልማት ጉባዔ ውሣኔዎችን አሳለፈ፡፡ (የኔነህ ሲሣይ)
  • የጣሊያን ኤምባሲ ህገ-ወጥ ስደተኝነትን ለማስቆም የሚረዳ ፕሮጀክት ይፋ አደረገ፡፡ (ንጋቱ ሙሉ)
  • ኢትዮጵያ በ9 ወራት ውስጥ ከ600 ሺ በላይ ሰዎች ጐብኝተዋት ፤ ከ2 ነጥብ 5 ቢሊዮን ዶላር በላይ ገቢ አግኝታለች ተባለ፡፡ (ምሥክር አወል)
  • ዛሬ ከረፋዱ ለ5 አስር ጉዳይ ቦሌ አራብሳ ኮንዶሚኒየም ብሎክ 22 አካባቢ የረገበ ከፍተኛ የኤሌክትሪክ መስመር አንድ የቀን ሠራተኛን ህይወት አጠፋ፡፡ (ወንድሙ ኃይሉ)
አስተያየት ይፃፉ (0 አስተያየት)

በኦሮሚያ ልዩ ዞን ቡራዩ የሚገኘው ሀገሬ ዘይት ፋብሪካ ተቃጠለ

በኦሮሚያ ልዩ ዞን ቡራዩ የሚገኘው ሀገሬ ዘይት ፋብሪካ ተቃጠለ፡፡ከሌሊቱ 10 ሰዓት ከ25 ገደማ መንስዔው አልታወቀም በተባለ እሣት የተቃጠለው ዘይት ፋብሪካ 5 ሚሊዮን ብር የተገመተ ንብረት ወድሞበታል፡፡የእሣትና አደጋዎች መከላከልና መቆጣጠር ባለሥልጣን 35 የአደጋ ተከላካይ ሠራተኞች 5 ከባድ መኪኖችን በመጠቀም 53 ሺ ሊትር ውሃና 5 ሺ ሊትር ኬሚካል ፎም በእሣቱ ላይ አርከፍክፈዋል፡፡

ከሌሊቱ 10 ሰዓት ከ25 እስከ 11 ሰዓት ከ25 ገደማ ከነደደው እሣት 35 ሚሊዮን ብር የተገመተ ንብረት ማዳን መቻሉን ከባለሥልጣን መሥሪያ ቤቱ የህዝብ ግንኙነት ባለሙያ ከአቶ ንጋቱ ማሞ ሰምተናል፡፡ሀገሬ ዘይት ፋብሪካ የዛሬ አመትም እሣት አደጋ አጋጥሞት ብዙ ንብረት ያጣ ነው ተብሏል፡፡ በእሣት አደጋው በሰው ህይወትና አካል ላይ የደረሰ ጉዳት የለም ተብሏል፡፡

ወንድሙ ኃይሉ
አስተያየት ይፃፉ (0 አስተያየት)

በኢሊባቡር ዞን የሰብል ተምች መታየቱ ተሠማ

በኢሊባቡር ዞን የሰብል ተምች መታየቱ ተሠማ፡፡ ተምቹ ከፍተኛ ጉዳይ እንዳያደርስና ሰብልም እንዳያጠፋ የግብርና ቢሮ ሥራዎችን እየሰራ ነው ተብሏል፡፡በዞኑ 13 ወረዳዎች የተከሰተው የሰብል ተምች በመስኖ በለማ ሰብል ላይ ሰፊ ጉዳት እንዳያደርስ የመከላከል ሥራ እየተሰራ ነው መባሉን ከዞኑ ግብርና እና ተፈጥሮ ሃብት ልማት ጽ/ቤት ሰምተናል፡፡

ፉል አርሚ ዎርም የተባለው ተምች በዞኑ በመስኖ የለማውን ሰብል እየጐዳ መሆኑ ሲነገር አርሶ አደሩ በባህላዊ ዘዴና ፀረ-ተባይ መድሐኒት በመርጨት ለመቆጣጠር እየሞከረ መሆኑን ቢሮው ተናግሯል፡፡የሰብል ተምቹ በአካባቢው በምን ያህል ሄክታር መሬት ላይ አደጋ አደረሰ የሚለውን ያልተናገረው ቢሮ ተምቹ በታየባቸው ከ3 ሺ እስከ 4 ሺ ሄክታር መሬት ማሳዎች ላይ ከ5 ሺ ኪሎ ግራም በላይ ፀረ-ተባይ እርጭት ማድረጉን ተናግሯል፡፡

አደገኛ የሰብል ተምች የሚራባውና የሚንቀሣቀሰው በምሽት በመሆኑ ተምቹን ለማጥፋት አስቸጋሪ እንደሆነበት ቢሮው ተናግሯል፡፡የግብርና ቢሮው ተምቹን ለመከላከል ከ50 ሺ የሚበልጡ የአካባቢው አርሶ አደሮችን በማስተባበር በባህላዊና በዘመናዊ መንገድ ተምቹን ለማጥፋት ሥራዎችን እየሰራ መሆኑንም ከቢሮው ሰምተናል፡፡

የኔነህ ሲሣይ
አስተያየት ይፃፉ (0 አስተያየት)

ግንቦት 10፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በሀረር የማሽከርከሪያ ፈቃድ ማግኘት አልቻልንም፣ ማሰልጠኛዎችም ተዘግተዋል፣ የሚመለከተውን ክፍል ብንጠይቅም መልስ አላገኘንም ሲሉ ነዋሪዎች ጠየቁ፡፡ የሚመለከታቸው ኃላፊዎች ለእኛም ግራ ገብቶናል ብለዋል፡፡ (አስፋውስለሺ)
  • ታላቁ የህዳሴ ግድብ በግርጌ ሃገሮች ላይ የሚያደርሰውን ተፅዕኖ ቴክኒካዊ ጉዳዮች ጥናት ላይ ሦስቱ ሃገሮች ስምምነት ላይ አልደረሱም፡፡ ወደፊት በካርቱም በሚደረግ ስብሰባ በልዩነታቸው ላይ ሊመክሩ ተስማምተዋል ተባለ፡፡ (እሸቴአሰፋ)
  • በኦሮሚያ ኢሊ አባቦራ ዞን ተምች በሰብልና እፅዋት ላይ ጉዳት እንዳያደርስ ከፍተኛ የመከላከል ሥራ እየተከናወነ ነው ተባለ፡፡ (የኔነህሲሣይ)
  • በቡራዩ አንድ የዘይት ፋብሪካ የቃጠሎ አደጋ ደረሰበት፡፡ (ወንድሙኃይሉ)
  • ብሔራዊ ሙዚየም በአገሪቱ የተለያዩ ማዕዘናት ያሉ ቅርሦችን አሰባስቦ እዩልኝ ለማለት ውስንነቱ ያመዝናል ተባለ፡፡ (ምህረትስዩም)
  • የገቢዎችና ጉምሩክ ባለሥልጣን የአዲስ አበባ ቅርንጫፍ የቀን ገቢ ግምት ምዝገባዬን ከግማሽ በላይ አከናውኛለሁ አለ፡፡ (ምሥክር አወል)
አስተያየት ይፃፉ (0 አስተያየት)
Sheger 102.1 AudioNow Numbers