• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ታዋቂዋ ገጣሚና ተዋናይ አለምፀሐይ ወዳጆ ከ27 አመት ስደት በኋላ የፊታችን ማክሰኞ ወደ ሃገሯ ትመለሳለች

ታዋቂዋ ገጣሚና ተዋናይ አለምፀሐይ ወዳጆ ከ27 አመት ስደት በኋላ የፊታችን ማክሰኞ ወደ ሃገሯ ትመለሳለች፡፡ የአቀባበል ፕሮግራም ተዘጋጅቷል፡፡ የእሸቴ አሰፋን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በአዲስ አበባ ከተማ በሚደርስ 100 የመኪና እና እግረኛ ግጭት የ23 ሰዎች ሕይወት ያልፋል ተባለ

በአዲስ አበባ ከተማ በሚደርስ 100 የመኪና እና እግረኛ ግጭት የ23 ሰዎች ሕይወት ያልፋል ተባለ፡፡በከተማዋ የተሽከርካሪዎች እግረኞችን ገጭተው የሚያደርሱት የሞት መጠን በከተማዋ በትራፊክ አደጋ ከሚደርሰው የሕይወት ማለፍ 84 በመቶውን እንደሚይዝ ሰምተናል፡፡ወሬው የተሰማው ዛሬ በተባበሩት መንግስታት ድርጅት የአፍሪካ ኢኮኖሚክ ኮሚሽን /ECA/ አዳራሽ በተጀመረው አመታዊው የመንገድ ደህንነት ኮንፍረንስ ላይ ነው፡፡ በኮንፍረንሱ ላይ ጥናታዊ ፅሁፍ ካቀረቡት መካከል አንዱ የሆኑት አቶ ወንድወሰን ታደሰ ሲናገሩ እንደሰማነው ባለፉት ሁለት አመታት በአዲስ አበባ የደረሱ ህይወት ነጣቂ የትራፊክ አደጋዎች ከኦሮሚያ እና አማራ ክልሎች በመቀጠል በብዛቱ በሶስተኛ ደረጃ ላይ ይገኛል ብለዋል፡፡

በሁለቱ አመታት ውስጥ በመላው ኢትዮጵያ ከደረሱት ሕይወትን ያሳጡ የትራፊክ አደጋዎች አስር በመቶዎቹ የደረሱት በአዲስ አበባ መሆኑን አቶ ወንድወሰን ተናግረዋል፡፡ በአዲስ አበባ በሚደረሱ የትራፊክ አደጋዎች 85 በመቶዎች ተጎጂዎች ወይንም ሕይወታቸው የሚያልፈው እግረኞች መሆናቸውን የጠቀሱት ጥናታዊ ፅሁፍ አቅራቢው ይህም በአፍሪካ ሆነ በአለም አቀፍ ደረጃ ከፍተኛ አሃዝ መሆኑንን ተናግረዋል፡፡ የባለፉትን ሁለት አመታት በአዲስ አበባ የትራፊክ አደጋ መረጃ ላይ ትንተና የሰጡት አቶ ወንድወሰን በከተማዋ በብዛት የሞት አደጋ የሚያስከትሉ የትራፊክ አደጋዎች የሚደርሱት ከምሽቱ አንድ ሰዓት እስከ ሁለት ሰዓት ባለው ጊዜ ነው ብለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

ከደረጃ በታች የሆኑ እቃዎች ወደ ሀገር ውስጥ እንዳይገቡ መታገዳቸው ተሰማ

ከደረጃ በታች የሆኑ እቃዎች ወደ ሀገር ውስጥ እንዳይገቡ መታገዳቸው ተሰማ፡፡ በገቢ እቃዎች ላይ በተደረገ ቁጥጥር ከደረጃ በታች የሆኑ 500 ሜትሪክ ቶን ያህል የተለያዩ እቃዎች ወደ ሀገር ውስጥ እንዳይገቡ ማድረጉን የተናገረው ንግድ ሚኒስቴር ነው፡፡ የግንባታ፣ የኤሌክትሪክ እና የንፅህና መጠበቂያ እቃዎችን ጨምሮ የታሸጉ ምግቦች ወደ ሀገር ውስጥ እንዳይገቡ ተደርጓል ተብሏል፡፡

አስገዳጅ የኢትዮጵያ የጥራት ደረጃ በወጣላቸው ገቢ ምርቶች ላይ በ2010 ዓ/ም ከ1 ሚሊዮን 850 ሺ ሜትሪክ ቶን በላይ እቃዎች የጥራት ቁጥጥር እንደተደረገባቸው ሚኒስቴር መስሪያ ቤቱ ተናግሯል፡፡በተመሳሳይ የጥራት ቁጥጥር ከተደረገባቸው 785 ሺ ሜትሪክ ቶን በላይ ወጪ እቃዎች ውስጥ 600 ሜትሪክ ቶን በላይ የሚሆኑት ደረጃውን ባለማሟላታቸው ከአገር እንዳይወጡ ተደርጓል ተብሏል፡፡ ንግድ ሚኒስቴር ወደ አገር ውስጥ የሚገቡ 140 የምርት አይነቶችን የሚቆጣጠር ሲሆን በቀጣይ ቁጥጥር የሚደረግባቸውን የምርት ዓይነቶች ከፍ ለማድረግ እየሰራ መሆኑ ተናግሯል፡፡

ማህሌት ታደለ
አስተያየት ይፃፉ (0 አስተያየት)

ለአዲስ አበባ መንገድና ትራንስፖርት ቢሮ እንዲሁም ለትራንስፖርት ፕሮግራሞች ማስተባበሪያ ጽ/ቤት አዳዲስ ሀላፊዎች መሾማቸው ተነገረ

ለአዲስ አበባ መንገድና ትራንስፖርት ቢሮ እንዲሁም ለትራንስፖርት ፕሮግራሞች ማስተባበሪያ ጽ/ቤት አዳዲስ ሀላፊዎች መሾማቸው ተነገረ፡፡ ለአዲስ አበባ ከተማ መንገድና ትራንስፖርት ቢሮ እንዲሁም የትራንስፖርት ፕሮግራሞች ማስተባበሪያ ጽ/ቤት አዳዲስ ሹመቶች የተሰጠው ከአዲስ አበባ ከንቲባ ጽ/ቤት ነው፡፡

በዚህም አቶ ምትኩ አስማረ የአዲስ አበባ መንገድና ትራንስፖርት ቢሮ ምክትል ሀላፊ ፣ አቶ ሰመረ ጀላሎ የአዲስ አበባ የትራንስፖርት ፕሮግራሞች ማስተባበሪያ ጽ/ቤት ዋና ስራ አስኪያጅ እና አቶ ማአረ መኮንን የከተማዋ የትራንስፖርት ፕሮግራሞች ማስተባበሪያ ጽ/ቤት ምክትል ዋና ስራ አስኪያጅ ሆነው መሾማቸውን ከአዲስ አበባ የትራንስፖርት ፕሮግሞች ማስተባበሪያ ጽ/ቤት ሰምተናል፡፡

ምህረት ስዩም 
አስተያየት ይፃፉ (0 አስተያየት)

የብሔረ አማራ ዴሞክራሲያዊ ንቅናቄ /ብአዴን/ ማዕከላዊ ኮሚቴ ወደ 12 ድርጅታዊ ጉባዔ መዳረሻ ስብሰባውን ጀመረ

የብሔረ አማራ ዴሞክራሲያዊ ንቅናቄ /ብአዴን/ ማዕከላዊ ኮሚቴ ወደ 12 ድርጅታዊ ጉባዔ መዳረሻ ስብሰባውን ጀመረ፡፡ የኔነህ ሲሳይ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በ2011 በጀት አመት በጤናው ዘርፍ ለሚከናወኑ ስራዎች ማስፈፀሚያ አምስት ነጥብ 94 ቢሊዮን ብር እንዲሆን የጤና ጥበቃ ሚኒስቴርና በጤናው ዘርፍ የሚሰሩ አካላት ማፅደቃቸው ተሰማ

በ2011 በጀት አመት በጤናው ዘርፍ ለሚከናወኑ ስራዎች ማስፈፀሚያ አምስት ነጥብ 94 ቢሊዮን ብር እንዲሆን የጤና ጥበቃ ሚኒስቴርና በጤናው ዘርፍ የሚሰሩ አካላት ማፅደቃቸው ተሰማ፡፡ በቀጣዩ አመት 2011 በጀት አመት በጤና ጥበቃ ዘርፍ ለሚከወኑ ዋና ዋና ስራዎች የሚውለው በጀት በጋራ የገንዘብ ድጉማ ከተለያዩ አጋር አካላት ጋር የሚሰራበት ነው ተብሏል፡፡ይህም በአንድ ዕቅድ ፣ በጀት ሪፖርት ስራ ላይ የሚውል እንደሆነ ተነግሯል፡፡

ባለፉት አስር አመታት በኢትዮጵያ በጤናው ዘርፍ በርካታ ስራዎች የተከናወኑ ሲሆን ከነዚህም ውስጥ የጤና ተቋማት ግንባታ አንዱ ቢሆንም የህክምና ግብዓት እና የመሰረተ ልማት አለመሟላት ግን ለዘርፉ ችግር ሆነው መቆየታቸው ተነግሯል፡፡ለ2011 በተመደበው የጤናው ዘርፍ በጀት ተቋማት ከመገንባት ይልቅም እነሱን በግብዓት ማሟላትና ጥራት ያለው አገልግሎት እንዲሰጡ ማድረግ የጤና መሰረተ ልማት ማሟላት ላይ ትኩረት እንደሚደረግ የጤና ጥበቃ ሚኒስትሩ ዶ/ር አሚር አማን ተናግረዋል፡፡

በጤናው ዘርፍ የሚሰሩ ስራዎችን ለማስፈፀም የተመደበው በጀት የሚታይበትን የ17 በመቶ ጉድለት ለመሙላትም ወጪ ቁጠባ ላይ በማተኮርና በጀቱን ለታለመለት አላማ ብቻ በማዋልና አላስፈላጊ ወጪዎችን በመቀነስ እንዲሁም ከሀገር ውስጥና ከውጪ ለጋሾች በማሰባሰብ ስራ ላይ ይውላል መባሉን ከጤና ጥበቃ ሚኒስቴር ሰምተናል፡፡

ምህረት ስዩም 
አስተያየት ይፃፉ (0 አስተያየት)

የዩንቨርሲቲዎች የአስተዳደር ስራዎችን ደርቦ መስራት የከፍተኛ ትምህርት ጥራትን ማስተጓጎሉ ተጠቆመ

የዩንቨርሲቲዎች የአስተዳደር ስራዎችን ደርቦ መስራት የከፍተኛ ትምህርት ጥራትን ማስተጓጎሉ ተጠቆመ። በመሆኑም ተቋማቱ ዋነኛ ተልእኮዋቸው ለሆው ትምህርት ቅድሚያውን ቢሰጡ ይሻላል ነው የተባለው። የአስተዳደር ስራዎቻቸውን ደግሞ በሌላ አካል ቢያሰሩ ተመራጭ እንደሚሆን ነው በረቂቁ ትምህርትና ስልጠና ፍኖተ ካርታ የተጠቀሰው። ብቁ የሰው ሃይልና መሰረተ ልማቶችን ማሟላት እንዲሁም የዩንቨርሲቲዎች ደረጃ አሰጣጥ ስርዓት መዘርጋት የተቋማቱን ጥራት ከሚያረጋግጡት ውስጥ መሆናቸውን ከረቂቅ ሰነዱ ተመልክተናል።

አዳዲስ ዩንቨርሲቲዎች ስራ ከመጀመራቸው በፊትም እነዚሁ ቅድመ ሁኔታዎች መሟላት ይኖርባቸዋል ተብሏል።የትምህርት ተቋማቱ የስራ ፈጠራ ማዕከላትን በማቋቋም ተማሪዎቻቸው የፈጠራ ክህሎት እንዲያዳብሩ መስራት እንዳለባቸው ተመክረዋል። የኢንዱስትሪ አመራሮች እንዲያስተምሩ ማድረግ ይህንኑ የተማሪዎች የዩንቨርሲቲዎች የአስተዳደር ስራዎችን ደርቦ መስራት የከፍተኛ ትምህርት ጥራትን ማስተጓጎሉ ተጠቆመ። በመሆኑም ተቋማቱ ዋነኛ ተልእኮዋቸው ለሆው ትምህርት ቅድሚያውን ቢሰጡ ይሻላል ነው የተባለው። የአስተዳደር ስራዎቻቸውን ደግሞ በሌላ አካል ቢያሰሩ ተመራጭ እንደሚሆን ነው በረቂቁ ትምህርትና ስልጠና ፍኖተ ካርታ የተጠቀሰው።

ተጨማሪ ያንብቡ...

አስተያየት ይፃፉ (0 አስተያየት)

የሶማሌ ሕዝቦች ዴሞክራሲያዊ ፓርቲ (ሶህዴፓ) ስራ አስፈፃሚ ኮሚቴ ፣ አቶ ሙስጠፋ ኡመርን የክልሉ ርዕሰ መስተዳድር አድርጎ ሰይሟል

የሶማሌ ሕዝቦች ዴሞክራሲያዊ ፓርቲ (ሶህዴፓ) ስራ አስፈፃሚ ኮሚቴ ፣ አቶ ሙስጠፋ ኡመርን የክልሉ ርዕሰ መስተዳድር አድርጎ ሰይሟል፡፡ አቶ ሙስጠፋ ኡመር ፣ ጊዜያዊ ፕሬዝዳንት ሆነው መመረጣቸውን ፣ያረጋገጡት የኢትዮ ሶማሌን ክልል ለረጅም ጊዜ በፕሬዝዳንትነት ይመሩ የነበሩትን አብዲ መሐመድ ተክተው ላለፉት ሁለት ሳምንታት ክልሉን በፕሬዝዳንትነት የመሩት አቶ አህመድ አብዲ ናቸው፡፡ አቶ አህመድ በፌስቡክ ገፃቸው እንጠቆሙት አቶ ሙስጠፋ ኡመር ከጊዜያዊ ፕሬዝዳንትነታቸው በተጨማሪ የሶህዴፓ ምክትል ሊቀመንበር ሆነው ተሹመዋል፡፡

አቶ ሙጠፋ የቀድሞውን ርዕሰ መስተዳድር አብዲ መሀመድን የሰብዓዊ መብቶች የሚረግጡና አምባ ገነን መሆናቸውን በተደጋጋሚ ይተቹ እንደነበር ይታወሳል፡፡ አቶ ሙስጠፋ ከአንድ ወር በፊት ለቢቢሲ አማርኛው ክፍል በሰጡት ቃለ መጠይቅ ፣ አቶ አብዲ በክልል ምክር ቤት ስብሰባ ላይ ጥቁር ቦርሳ እያሳዩ ፣ በዚህ ሻንጣ በርካታ ሚስጥሮች አሉ ፣ ለክልሉና ለፌዴራሉ መንግስት ባለስልጣናት እኔን ከነኩ ይኽን ሚስጥር አወጣለሁ” ማለታቸው ጠቅሰው እንደነበር ይታወሳል፡፡

የሶማሌ ክልልን ለስምንት አመታት በፕሬዝዳንትነት የመሩት አቶ አብዲና አመራራቸው የሶህዴፓ ሊቀመንበር አህመድ ሺዴ እንዳሉት ፣ ሰዎችን በማሰር በመግረፍ በማሰቃየት በመግደል የመንግስት መስሪያ ቤቶች እንዳይንቀሳቀሱ በማድረግ ፣ በጅግጅጋና በሌሎች አካባቢዎች አመፅ እንዲቀሰቀስና አብያተ ክርስቲያን እንዲቃጠሉ ፣ ሰዎች እንዲገደሉ በማድረግ ተጠያቂ መሆናቸው መናገራቸው ይታወሳል፡፡

እሸቴ አሰፋ
አስተያየት ይፃፉ (0 አስተያየት)

የፌደራል ፖሊስ መርማሪ ቡድን በቀድሞው የኢንሳ ምክትል ዳይሬክተር ላይ የጀመረውን ምርመራ አጠናቅቆ መዝገቡን ለአቃቤ ሕግ እንዲያስረክብ የተሰጠውን ትዕዛዝ ባለመፈፀሙ ሌላ ትዕዛዝ ተሰጠ

የፌደራል ፖሊስ መርማሪ ቡድን በቀድሞው የኢንሳ ምክትል ዳይሬክተር ላይ የጀመረውን ምርመራ አጠናቅቆ መዝገቡን ለአቃቤ ሕግ እንዲያስረክብ የተሰጠውን ትዕዛዝ ባለመፈፀሙ ሌላ ትዕዛዝ ተሰጠ፡፡ የእሸቴ አሰፋን ዘገባ ያዳምጡ…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የጷግሜ ወርን ሐገራዊ የእርቅ ወር ለማድረግ እየተሰራ ነው ተባለ

የጷግሜ ወርን ሐገራዊ የእርቅ ወር ለማድረግ እየተሰራ ነው ተባለ፡፡ የማህሌት ታደለን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ምዕራብ ጉጂ ተፈናቃዮች ሙሉ በሙሉ ወደ ቀዬቻው መመለሳቸው ተነገረ

ምዕራብ ጉጂ ተፈናቃዮች ሙሉ በሙሉ ወደ ቀዬቻው መመለሳቸው ተነገረ፡፡ የንጋቱ ረጋሣን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)
Sheger 102.1 AudioNow Numbers