• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ብሮድካስቲንግ ኮርፖሬሽን ካለበት ፅኑ ችግር በፍጥነት እንዲወጣና የተሻሻለ ተቋም ሆኖ እንዲቀርብ የህዝብ እንደራሴዎች ኃሣባቸውን አቀረቡ

የኢትዮጵያ ብሮድካስቲንግ ኮርፖሬሽን ካለበት ፅኑ ችግር በፍጥነት እንዲወጣና የተሻሻለ ተቋም ሆኖ እንዲቀርብ የህዝብ እንደራሴዎች ኃሣባቸውን አቀረቡ፡፡የህዝብ እንደራሴዎች ምክር ቤት ዛሬ ባካሄደው መደበኛ ጉባዔ ላይ ኮርፖሬሽኑን በተመለከተ ባለፈው ሣምንት ማብቂያ ላይ የተሰጡትን የእንደራሴዎች ኃሣብ ጨምቆና መርምሮ የውሣኔ ኃሣቡን እንዲያቀርብ ለባህል ቱሪዝምና መገናኛ ብዙሃን ጉዳዮች ቋሚ ኮሚቴ ኃላፊነቱን ሰጥቶ ነበር፡፡

ቋሚ ኮሚቴው በበኩሉ የኢትዮጵያ ብሮድካስቲንግ ኮርፖሬሽን አሁን ያለበትን አጠቃላይ ሁኔታ የተመለከተ አጭር ማብራሪያ ካቀረበ በኋላ ኮርፖሬሽኑ በአስቸኳይ እንዲያስተካክላቸው ያላቸውን ነጥቦች ዘርዝሮ የውሣኔ ኃሣቡን አሳልፏል፡፡በዚህ መሠረት የኢትዮጵያ ብሮድካስቲንግ ኮርፖሬሽን በምሰራቸው ሥራዎች ምክንያት የመንግሥት ከፍተኛ ኃላፊዎችና ከተቋሙ ውጪ ባሉ ሰዎች ይደርስብኛል የሚለውን ጣልቃገብነትና ጫና ተቋቁሞ ራሱ ያወጣውን ኤዲቶሪያል ፖሊሲና መርህ ተግባራዊ ማድረግ እንዳለበት የውሣኔ ኃሣብ ተሰጥቶታል፡፡

በሌላ በኩል ኮርፖሬሽኑ በመንግሥት ቁጥጥር ያለ ተቋም እንደመሆኑ የተለያዩ አስተያየቶችን ለማስተናገድ እንዲችል ህገ-መንግሥቱንም እንዲያከብር ማሳሰቢያ ተሰጥቶታል፡፡ኮርፖሬሽኑ ሲገመገምና ሲፈተሽ የመንግሥትንም ሆነ የህዝብን ፍላጐት ማርካት እንደተሣነው ቋሚ ኮሚቴው ያገኛቸው አስተያየቶች እንደጠቆሙት አስታውሶ ይህን አስቸጋሪ ልማዱን እንዲያስወግድ የውሣኔ ኃሣቡን ለኮርፖሬሽኑ አቅርቧል፡፡

ተጨማሪ ያንብቡ...

አስተያየት ይፃፉ (0 አስተያየት)

ግንቦት 3፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የሳውዲ አረቢያ መንግሥት ከአገሬ ውጡልኝ ያላቸው ኢትዮጵያውያን ቅጣት ሳያገኛቸው ወደ አገር ቤት እንዲመለሱ መገናኛ ብዙሃን ለጉዳዩ በቂ ሽፋን እንዲሰጡት ተጠየቁ፡፡ (የኔነህሲሣይ)
  • የኢትዮጵያ ብሮድካስቲንግ ኮርፖሬሽን በምሰራቸው ሥራዎች ምክንያት ከመንግሥት ከፍተኛ ሹማምንትና ከተቋሙ ውጭ ባሉ ሰዎች ይደርስብኛል የሚለው ጫና እንዲቋቋምና የኤዲቶሪያል ፖሊሲውን እንደ መርህ ማድረግ አለበት የሚል የሕዝብ እንደራሴዎች ውሣኔ ኃሣብ አቀረቡ፡፡ (ሕይወትፍሬስብሃት)
  • 10ኛው አዲስ ቻምበር አለም አቀፍ ልዩ የግብርና እና የምግብ ንግድ ትርኢት ዛሬ ከሰዓት በኋላ በአዲስ አበባ ኤግዚቢሽን ማዕከል ይከፈታል ተባለ፡፡ (ንጋቱሙሉ)
  • የቻይና ባለሃብቶች በኢትዮጵያ የግብርና ኬሚካል የማምረት ውጥን ይዘዋል ተባለ፡፡ (ንጋቱሙሉ)
  • አፍሪካ ከአውሮፓ አህጉር እኩል የሃይድሮ ፓወር የኤሌክትሪክ ብርሃንን የማመንጨት ተፈጥሯዊ የውሃ ሃብት ቢኖራትም ለማምረት የቻለችው እጅግ ጥቂት ነው ተባለ፡፡ (የኔነህሲሣይ)
  • የጨርቃ ጨርቅ አምራች ኢንዱስትሪዎች የጥጥ አቅርቦት ችግር ገጥሟቸዋል ተባለ፡፡ (ወንድሙኃይሉ)
  • በዘመናዊ መጓጓዣ ሎጅስትክ ቅልጥፍና ላይ የሚያተኩር ቋሚ ኤግዚቢሽን ለተመልካቾች ዕይታ ሊበቃ ነው፡፡ (ምህረትስዩም)
  • 706 ደረጃዎች በብሄራዊ የደረጃዎች ምክር ቤት መፅደቃቸው ተሰምቷል፡፡ አዲስ የወጣው መመሪያ ተግባራዊ መሆን ሲጀምር አንድም ምርት ያለምልክት ወደ ገበያ አይወጣም ተብሏል፡፡ (ምሥክርአወል)

 

አስተያየት ይፃፉ (0 አስተያየት)

የኢትዮጵያ ንግድ ባንክ ባለፉት 9 ወራት 49 አዳዲስ ቅርንጫፎች መክፈቱንና ሂሳብ የከፈቱ ደንበኞቹ ቁጥር 15 ሚሊዮን ደርሰውልኛል አለ

የኢትዮጵያ ንግድ ባንክ ባለፉት 9 ወራት 49 አዳዲስ ቅርንጫፎች መክፈቱንና ሂሳብ የከፈቱ ደንበኞቹ ቁጥር 15 ሚሊዮን ደርሰውልኛል አለ፡፡ንግድ ባንክ የ2009 ዓ.ም የ9 ወራት እቅድ አፈፃፀምን አስመልክቶ በላከልን አጭር መግለጫ ባለፉት 9 ወራት የውጭ ምንዛሬ እንቅስቃሴው 3 ነጥብ 3 ቢሊዮን የአሜሪካ ዶላር ማግኘቱን ይናገራል፡፡

በግማሽ ዓመቱ የባንኩ ጠቅላላ ሀብት 438 ነጥብ 6 ቢሊዮን ብር መድረሱንና የ9 ወሩ የትርፍ መጠን ከታክስ በፊት 11 ነጥብ 2 ቢሊዮን ብር ሆኖልኛል ብሏል፡፡ተቀማጭ ገንዘቡም ወደ 347 ነጥብ 1 ቢሊዮን ብር ማደጉን በመግለጫው ላይ ጠቅሷል፡፡

1 ሺ 186 ቅርንጫፎች አሉኝ የሚለው የንግድ ባንኩ የሞባይል ባንኪንግ ተጠቃሚዎች ደንበኞች ቁጥር 1 ነጥብ 3 ሚሊዮን፣ የኢንተርኔት ባንኪንግ ተጠቃሚዎች ደግሞ ከ20 ሺ በላይ ከፍ ማለታቸውን ተናግሯል፡፡የኤቲኤም ማሽኖች ቁጥር 1 ሺ 335፣ የፖስ ማሽኖች ቁጥር 6 ሺ 696 ማድረስ መቻሉን ንግድ ባንኩ ከላከልን መግለጫ ተመልክተናል፡፡

ምስክር አወል

አስተያየት ይፃፉ (0 አስተያየት)

አነስተኛ ማሳ ያላቸው አርሶ አደሮች ግብርና ግብዓቶችን በቅርብ እንዲያገኙ መጪውን ትውልድ መመገብ ኢትዮጵያ ፕሮጀክት ተጨማሪ የማከፋፈያ ማዕከል መክፈቱ ተሰማ

አነስተኛ ማሳ ያላቸው አርሶ አደሮች ግብርና ግብዓቶችን በቅርብ እንዲያገኙ መጪውን ትውልድ መመገብ ኢትዮጵያ ፕሮጀክት ተጨማሪ የማከፋፈያ ማዕከል መክፈቱ ተሰማ…አዲስ አበባ ከሚገኘው ከአሜሪካ ኤምባሲ ሸገር ዛሬ እንደሰማው በአሜሪካ አለም አቀፍ ትብብረ USAID በኢትዮጵያ ግብርና ትራንስፌርሜሽን ኤጀንሲና በሌሎች መሥሪያ ቤቶች ትብብር የእርሻ ግብዓቶች ማከፋፈያ ማዕከሉ የተከፈተው በካኮ መሆኑን ነው፡፡

ምርጥ ዘር ኬሚካሎችና ማዳበሪያ መሰል ለእርሻ ሥራ የሆኑ ግብዓቶችን የአነስተኛ ማሳ ገበሬዎች በቀላሉ ማግኘት ስለማይችሉ በአካባቢያቸው የማከፋፈያ ማዕከላቱ መከፈታቸው የምግብ ዋስትናን ለመጠበቅ ድርሻ አለው ተብሏል፡፡መጪውን ትውልድ መመገብ ኢትዮጵያ የእርሻ አገልግሎት ፕሮጀክት በኢትዮጵያ በግብርና በሚታወቁ ክልሎች በአማራ 6፣ በኦሮሚያ 5፣ በደቡብ 4 እና በትግራይ 3 አካባቢዎች ተወዳድረው ለተመረጡ እስከ 50 ሺ የአሜሪካን ዶላር ካፒታል ከሚያስፈልጋቸውና የተወሰነውን ከሚሸፍኑ ሥራ ፈጣሪ ሰዎች ጋር በመተባበር ማዕከላትን መክፈቱን ሰምተናል፡፡

መጪውን ትውልድ መመገብ 3 ነጥብ 5 ቢሊዮን ዶላር የተመደበለት የአለም አቀፍ የርሃብና የምግብ ዋስትና መርሃ-ግብር ሲሆን የአሜሪካ መንግሥት ለኢትዮጵያ የኢኮኖሚ መሠረት ለሆነው ግብርና የሚያደርገውን ድጋፍ ዘላቂ ለማድረግ ፕሮጀክቱ የሚረዳ ነው ተብሏል፡፡በባኮ የተከፈተውን የግብርና ግብዓቶች ማከፋፈያ ማዕከልን በባለቤትነት የምታስተዳድረው በሥራ ፈጣሪነቷ ከአካባቢው የተመረጠች ሴት አርሶ አደር ነች ተብሏል፡፡

የኔነህ ሲሣይ

አስተያየት ይፃፉ (0 አስተያየት)

ግንቦት 4፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • መጪውን ትውልድ መመገብ ኢትዮጵያ ፕሮጀክት አዲስ የግብርና ምርት ማከፋፈያ ከፈተ፡፡ (የኔነህ ሲሣይ)
  • የኢትዮጵያ ንግድ ባንክ በግማሽ አመቱ ጠቅላላ ሀብቱ 438 ነጥብ 6 ቢሊዮን ብር መድረሱን ተናገረ፡፡ (ምሥክር አወል)
  • የኢትዮጵያ የደረጃዎች ኤጀንሲ ያወጣኋቸውን ደረጃዎች ማወቅ ለምትፈልጉ ድረ ገፄ ላይ አስፍሬያቸዋለሁ ተመልከቱት ብሏል፡፡ (አስፋው ስለሺ)
  • የግብረ ሰዶም ጥቃት የፈፀመው ተከሣሽ በእሥራት ተቀጣ፡፡ (ምህረት ስዩም)
  • የኢትዮጵያ ንግድ ባንክ ባለፉት 9 ወራት 49 አዳዲስ ቅርንጫፎች መክፈቱንና ሂሳብ የከፈቱ ደንበኞቹ ቁጥር 15 ሚሊዮን ደርሰውልኛል አለ፡፡ (ምስክር አወል)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ግንቦት 1፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (1 Comment)

የኢትዮጵያ የሙዚቃ ባለሙያዎች ሙያዊ ጉዞ ላይ ለውጥ ያመጣል ተብሎ የታሰበው የቅጅና ተዛማጅ መብቶች የጋራ አስተዳደር...

የኢትዮጵያ የሙዚቃ ባለሙያዎች ሙያዊ ጉዞ ላይ ለውጥ ያመጣል ተብሎ የታሰበው የቅጅና ተዛማጅ መብቶች የጋራ አስተዳደር ማህበርን ለመመሥረትና ህግና ደንቦችንም በቅርቡ ሥራ ላይ ለማዋል እንደተዘጋጀ የኢትዮጵያ ሙዚቀኞች ማህበር ተናገረ፡፡ ከዚህ በፊት የጋራ አስተዳደሩን ማህበር ለማቋቋምና የሙዚቀኞችንም የቅጂና ተዛማጅ መብቶች ለማስከበር ማህበሩ ህገ-ወጥ ነው ካለው ኦዲዮ ቪዥዋል ማህበር ጋር ለ51 ዓመታት ሲነታረክ እንደቆየ ተነግሯል፡፡

ዛሬ የኢትዮጵያ ሙዚቀኞች ማህበር ጋዜጠኞችን ጠርቶ ሲናገር እንደሰማነው ለአመታት የቆየውና በጭቅጭቅ የተሞላው ማህበሩን ህጋዊ ማድረግና የአዕምሮአዊ ንብረት ጽ/ቤት ከሣይንስና ቴክኖሎጂ ሚኒስቴር ጋር በመሆን የኢትዮጵያ የሙዚቃ ባለሙያዎች ማህበር የቅጂና ተዛማጅ መብቶችን ለማስከበር በህጋዊ መንገድ እንደተዘጋጀም ተናግሯል፡፡

ማህበሩ የኢትዮጵያን ሙዚቀኞች መብት ለማስከበርና ከሥራዎቻቸውም ተጠቃሚ እንዲሆኑ ለማድረግ የተቋቋመ ቢሆንም በሀገሪቱ ያለው የቅጂና ተዛማጅ መብቶች አፈፃፀም ደካማ፤ ጭራሽ እንደ ህግ የሚቆጠር ጭምር እንዳልነበረና አሁን  ግን አዋጁ በአስገዳጅ መልክ ተግባራዊ እንደሚደረግ እወቁልኝ ብሏል፡፡ የኢትዮጵያ ሙዚቀኞች ማህበር ከመጪው ሐምሌ 1 2009 ዓ.ም ጀምሮ የሙዚቃ ማህበሩን በአዲስ መልክ እንደሚያቋቁምና ከዚህ በፊት አባል የነበሩትም ቢሆን አባልነታቸውን አድሰው አዲስ ወደ ማህበሩ የሚመጡ አባላትም አዲስ የማህበሩ መታወቂያ ተዘጋጅቶላቸዋል፤ በአጠቃላይ እንደ አዲስ ይደራጃል ተብሏል፡፡

ማህበሩ ሙዚቃን ለንግድ ዓላማ ከሚጠቀሙ ግለሰቦችም ሆነ ድርጅቶች ለሙዚቃው ባለቤት የሚደረግ የሮያሊቲ ክፍያን ተግባር ላይ ለማዋል  ተዘጋጅቻለሁ፤ የሙዚቃ ባለሙያዎች የሚገባቸውን ጥቅም ከአሁን በኋላ እንዲያገኙ ትግሌን እቀጥላለሁ ሲል ለጋዜጠኞች ተናግሯል፡፡

ምህረት ሥዩም
አስተያየት ይፃፉ (0 አስተያየት)

ሰሞኑን በአዲስ አበባ ላጋጠመው የነዳጅ አለመኖርና ነዳጅ ለማግኘት የነበሩት ረጃጅም ሰልፎች ምክንያታቸው በአፋር ክልል የጣለው ከባድ ዝናብ ነው ተባለ

ሰሞኑን በአዲስ አበባ ላጋጠመው የነዳጅ አለመኖርና ነዳጅ ለማግኘት የነበሩት ረጃጅም ሰልፎች ምክንያታቸው በአፋር ክልል የጣለው ከባድ ዝናብ ነው ተባለ፡፡ሰሞኑን የአዲስ አበባ ነዳጅ ማደያዎች ነዳጅ የለንም የሚል ማስታወቂያ ለጥፈው ተስተውለዋል፡፡ካላቸውም ማደያዎች ነዳጅ ለመቅዳት ረጅም ሰልፎችን ለመጠበቅ የግድ ሆኖ ሰንብቷል፡፡

ከኢትዮጵያ ነዳጅ አቅራቢዎች ድርጅት እንደሰማነው ችግሮቹ የተፈጠሩት የነዳጅ እጥረት ኖሮ ሳይሆን ነዳጁን ከወደብ ጭነው የሚመጡት ተሽከርካሪዎች መንገዳቸው ላይ ዝናብ ጥሎባቸው መንቀሣቀስ ባለመቻላቸው ነው ብሏል፡፡የድርጅቱ የነዳጅ አቅርቦትና ሽያጭ መምሪያ ሥራ አስኪያጅ አቶ አባይነህ አወል ለሸገር ሲናገሩ ኢትዮጵያ ከ30 እስከ 40 በመቶ የሚሆነውን ቤንዚን ከሱዳን የምታስገባ ሲሆን ከጥቂት ጊዜ በፊትም ባህርዳር መግቢያ ላይ ድልድይ ተበላሽቶ ችግሩ ተፈጥሮ ነበር ፤ የአሁኑ ችግር ግን የተፈጠረው በዝናብ ነው ብለዋል፡፡

የተፈጠረውን ጊዜያዊ የአቅርቦት ችግር ለመቅረፍም ከሱሉልታ ካለው ማጠራቀሚያ እየተጠቀምን ነው ሲሉ አቶ አባይነህ ነግረውናል፡፡አቶ አባይነህ እንደነገሩን በአዲስ አበባ በየነዳጅ ማደያ የታጣው ነዳጅና የተስተዋሉት ረጃጅም ሰልፎች ከሁለትና ሦስት ቀናት በኋላ አይኖሩም፡፡

የግንቦት ወር የነዳጅ ችርቻሮ መሸጫ ዋጋ ከአውሮፕላን ነዳጅ ውጪ ያሉት በሚያዝያ ወር በነበረበት ይቀጥላል ሲል የንግድ ሚኒስቴር መናገሩ ይታወሣል፡፡

ንጋቱ ሙሉ

አስተያየት ይፃፉ (0 አስተያየት)

ግንቦት 1፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኢትዮጵያ የሙዚቃ ባለሙያዎች ሙያዊ ጉዞ ላይ ለውጥ ያመጣል ተብሎ የታሰበው የቅጅና ተዛማጅ መብቶች የጋራ አስተዳደር ማህበርን ለመመሥረትና ህግና ደንቦችንም በቅርቡ ሥራ ላይ ለማዋል እንደተዘጋጀ የኢትዮጵያ ሙዚቀኞች ማህበር ተናገረ፡፡ (ምህረት ስዩም)
  • ከውሃ ኤሌክትሪክ በማመንጨቱ መላ ላይ ያተኮረ ዓለም አቀፍ ጉባዔ በአዲስ አበባ ተጀመረ፡፡ ጉባዔው በአፍሪካ ሲካሄድ የአዲስ አበባ የመጀመሪያው ነው ተብሏል፡፡ (የኔነህ ሲሣይ)
  • በአዲስ አበባ እየተገነቡ ያሉ የእግረኛ እና የተሽከርካሪ አካፋዮች ነባሩን የእግረኛ መንገድ ያበለሻሹ ናቸው በሚል መንገድ ተጠቃሚዎች ይነቅፉታል፡፡ ገንቢው በበኩሉ ሥራቸው ያላለቁትን ካልሆኑ በስተቀር የተሰሩት ግንባታዎች መንገዱ ላይ ችግር አልፈጠሩም ብሏል፡፡ (ንጋቱ ሙሉ)
  • ከ23 ዓመት በታች ለሆኑ የስኳር ሕሙማን የኢንሱሊን ድጋፍ ተደረገ፡፡ (ወንድሙ ኃይሉ)
  • በኢግዚቪሽን ማዕከል የሚከፈተውን 10ኛውን የምግብና የግብርና ዐውደ ርዕይ የተመልከቱልን ግብዣ ቀረበ፡፡ (ወንድሙ ኃይሉ)
  • ሰሞኑን በአዲስ አበባ በየነዳጅ ማደያው በርከት ብሎ ለታየው ወረፋ ምክንያቱ በአፋር የጣለው ከባድ ዝናብ በመጫኛ መኪኖች ላይ ያስከተለው መጓተት ነበር ተባለ፡፡ (ንጋቱ ሙሉ)
  • የአዲስ አበባ ከተማ የመጀመሪያው ከፍተኛ የትምህርት ተቋም የሆነው ኮተቤ ሜትሮፖሊታን ዩኒቨርስቲ ዛሬ ከከተማዋ የመንግሥት መሥሪያ ቤቶችና ከሚመለከታቸው ጋር እየተመካከረ ነው፡፡ (ህይወት ፍሬስብሃት)
አስተያየት ይፃፉ (0 አስተያየት)

በተፈጥሮም ሆነ በተለያዩ እክሎች የሚያጋጥመውን የጀርባ መጉበጥ ህክምና ሙሉ በሙሉ በሀገር ውስጥ ለመስጠት ጥረት እየተደረገ ነው

በተፈጥሮም ሆነ በተለያዩ እክሎች የሚያጋጥመውን የጀርባ መጉበጥ ህክምና ሙሉ በሙሉ በሀገር ውስጥ ለመስጠት ጥረት እየተደረገ ነው…የአቤት ሆስፒታል ሜዲካል ዳይሬክተር ዶክተር ብርሃኑ ኃይለሚካኤል ለሸገር ሲናገሩ የአጥንት መጣመምና የነርቮች መዟዟር ደረት ያሳብጣል፣ ጀርባንም ያጐብጣል ይህም በሳንባ ላይ ችግር ያስከትላል፣ የእግር ጡንቻ ያቀጥናል፣ ሽንት መቆጣጠርም ከማይቻልበት ደረጃ ያደርሳል ብለዋል፡፡

አቤት ሆስፒታል ይህንን ችግር በቀዶ ጥገና ለማስወገድ በማሰብ በአፍሪካ በብቸኝነት ህክምናውን ወደምትሰጠው ጋና ባለሙያዎቹን ልኮ በማሰልጠን እስካሁን 97 ህሙማን በሀገር ውስጥ ህክምና አድርገው የተስተካከለ አቋም እንዲኖራቸው ተደርጓል ብለዋል፡፡

ከዚህ ቀደም የጀርባ መጉበጥ ህመም የገጠማቸው ሰዎች ወደ ጋና ተልከው ሲታከሙ ከተለያዩ በጐ አድራጊ ድርጅቶች እርዳታ እየተጠየቀ ለ1 ሰው እስከ 20 ሺ ዶላር ወጪ ይደረጋል ያሉት ዶክተር ብርሃኑ ህክምናው በአቤት ሆስፒታል ሙሉ በሙሉ መሰጠት ቢጀምር ህሙማኑን በቀላሉ ማከም ይቻላል ሲሉ ነግረውናል፡፡አሁን አንድ ሰው ለማከም አገልግሎት ላይ የምናውለው የህክምና ቁሣቁስ 1 መቶ ሺ ብር ያህል የሚገመት ዋጋ ያለውን ነው ብለዋል ዶክተሩ፡፡

ይህ ህክምና በሀገር ውስጥ ገና መጀመሩ ስለሆነ ከውጪ እቃ ለማስገባት ብናስብም አልጋ በአልጋ አልሆነልንም መንግሥት ትኩረት ሰጥቶ እገዛዎችን ካገኘን በሁለት ዓመት ጊዜ ውስጥ ከጀርባ መጉበጥ ህመም የሚገላግል ሙሉ አገልግሎት እንጀምራለን ሲሉ ዶክተሩ ነግረውናል፡፡ የታሰበው ከሆነ ህክምናውን በመስጠት ኢትዮጵያ ከጋና ቀጥላ ሁለተኛዋ የአፍሪካ ሀገር ትሆናለች፡፡

ወንድሙ ኃይሉ
አስተያየት ይፃፉ (0 አስተያየት)

ከአዲስ አበባ ጅቡቲ የተገነባው የምድር ባቡር ፕሮጀክት ሥራ ለመጀመር ዛሬ የሙከራ ጉዞ አደረገ

ከአዲስ አበባ ጅቡቲ የተገነባው የምድር ባቡር ፕሮጀክት ሥራ ለመጀመር ዛሬ የሙከራ ጉዞ አደረገ፡፡758 ኪሎ ሜትር የሚሸፍነው የባቡር ፕሮጀክቱ ዛሬ ሙከራውን ያደረው ፕሮጀክቱን የሚያስተዳድሩት ኢትዮጵያና ጅቡቲ የጋራ ኩባንያ በማቋቋም የቦርድ አመራራቸውን በመሰየማቸው እንደሆነ ተነግሯል፡፡CCC እና CRC የተባሉት የቻይና ኩባንያዎች የባቡር አገልግሎቱን ለስድስት ዓመታት ለማስተዳደር የተመረጡ ሲሆን ባለሙያዎችንም ያሰለጥናሉ ተብሏል፡፡

ዛሬ ሙከራውን ያደረገው የባቡር ፕሮጀክቱ ከአዲስ አበባ ድሬዳዋና፣ ከድሬዳዋ ጅቡቲ በ15 የጉዞና ፤ 15 የእቃ ማጓጓዣ ፉርጐዎች እንደሆነ ሰምተናል፡፡የሙከራ ሥራው በሰዓት 120 ኪሎ ሜትር የነበረ ቢሆንም የባቡር መሥመሩን ደህንነት ለመጠበቅ ሲባል በ60 ኪሎ ሜትር ሙከራው እንደሚደረግና የባቡሩ ፍጥነት በሙከራ ሂደት እየተሻሻለ ንደሚሄድም ተነግሯል፡፡

የኢትዮ ጅቡቲ የባቡር መስመርም በዛሬ ሙከራው እያንዳንዳቸው 70 ቶን በሚጭኑ 15 ፉርጐዎች ሙከራ ያደርጋል ተብሏል፡፡በባቡር መሥመሩ ከወደብ እቃ የሚያስገቡ ባለሃብቶች በሥራ ላይ ባለው የታሪፍ መጠን እንደሚያስገቡና በቀጣይ ግን አዲስ ታሪፍ ይወጣለታል ተብሏል፡፡

የኢትዮጵያ ምድር ባቡር ኮርፖሬሽን የመደበኛ ሙከራውን ዛሬ የሚያደርገው የኢትዮጵያ ጅቡቲ የምድር ባቡር ፕሮጀክት ለመጀመሪያ ጊዜ ረጅም ርቀት የሚጓዝ በመሆኑና የኤሌክትሪክ ኃይል የሚጠቀም ስለሆነ ባቡሩ በሚያልፍባቸው አካባቢዎች ያሉ ነዋሪዎች ጥንቃቄ ማድረግ ይገባቸዋል ብሏል፡፡

ምክረት ስዩም

አስተያየት ይፃፉ (0 አስተያየት)
Sheger 102.1 AudioNow Numbers