• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካቲት 3፣ 2012/ አብዛኛውን የኤሌክትሪክ ኃይሏን ከውኃ የምታገኘው ኢትዮጵያ ፊቷን ወደ ታዳሽ ኃይል ዞር አድርጋ ማማተር ከጀመረች ሰነባብታለች

አብዛኛውን የኤሌክትሪክ ኃይሏን ከውኃ የምታገኘው ኢትዮጵያ ፊቷን ወደ ታዳሽ ኃይል ዞር አድርጋ ማማተር ከጀመረች ሰነባብታለች፡፡ ይህ አካሄዷ ከምን ደርሶ ይሆን ? የትስ ለመድረስ አስባለች ?
ቴዎድሮስ ብርሃኑ
አስተያየት ይፃፉ (0 አስተያየት)

የካቲት 3፣ 2012/ ከውጭ ገበያ የተገዛው የአፈር ማዳበሪያ ወደ ሀገር ቤት መግባት ጀምሯል፤ በ26 ቀናት በተሽከርካሪዎች ብቻ 10 በመቶ ጭነት ተራግፏል

ከውጭ ገበያ የተገዛው የአፈር ማዳበሪያ ወደ ሀገር ቤት መግባት ጀምሯል፤ በ26 ቀናት በተሽከርካሪዎች ብቻ 10 በመቶ ጭነት ተራግፏል፡፡በጅቡቲ ወደብ ማዳበሪያውን ለማራገፍ 3 መርከቦችም ተቃርበዋል፡፡ ከፍተኛ መጠን ያለውን የአፈር ማዳበሪያ ለማጓጓዝ ግን ጥቂት ተሽከርካሪዎች ብቻ መዘጋጀታቸው ከእርሻ ጊዜው ቀድሞ መግባት ያለበትን የማደበሪያ ጭነት ያጓትተዋል፡፡
ህይወት ፍሬስብሃት
አስተያየት ይፃፉ (0 አስተያየት)

የካቲት 3፣ 2012/ ሀሰተኛ የጉዞ ሰነድ በማዘጋጀት ኢትዮጵያውያን ዜጎችን በህጋዊ መንገድ ድንበር ያሻገሩ ተከሳሾች የእስር ቅጣት ተላለፈባቸው

ሀሰተኛ የጉዞ ሰነድ በማዘጋጀት ኢትዮጵያውያን ዜጎችን በህጋዊ መንገድ ድንበር ያሻገሩ ተከሳሾች የእስር ቅጣት ተላለፈባቸው፡፡
ምህረት ስዩም
አስተያየት ይፃፉ (0 አስተያየት)

የካቲት 3፣ 2012/ የአፍሪካ ህብረት ጉባኤ ተጠናቅቋል...የፌደራል ፖሊስ ሕዝቡን አመስግኗል

የአፍሪካ ህብረት ጉባኤ ተጠናቅቋል፡፡ የፌደራል ፖሊስ ሕዝቡን አመስግኗል፡፡
ወንድሙ ሀይሉ
አስተያየት ይፃፉ (0 አስተያየት)

የካቲት 3፣ 2012/ አዲስ አበባ ያስተናገደችው 33ኛው የአፍሪካ ህብረት ጉባኤ በሰላም መጠናቀቁን ተከትሎ ጠቅላይ ሚኒስትር ዐቢይ አህመድ መልዕክት አስተላልፈዋል

ጠቅላይ ሚኒስትር ዐቢይ አህመድ በዚሁ መልዕክታቸው በመሪዎቹ ጉባዔ የአህጉሪቱን ሁለንተናዊ እድገትና አንድነት ይበልጥ የሚያጠናክሩ ውሳኔዎች ተላልፈዋል ብለዋል፡፡በጉባዔው ላይ 32 የአፍሪካ ፕሬዝዳንቶች፣ 3 ምክትል ፕሬዝዳንቶች፣ ሰባት ጠቅላይ ሚኒስትሮች እንዲሁም 3 ከአፍሪካ ውጪ ያሉ ሀገራት ጠቅላይ ሚኒስትሮች መሳተፋቸውን አንስተዋል፡፡ኢትዮጵያ የአፍሪካ አንድነት ድርጅት ከተመሰረተ ጀምሮ ለአንድነቱ መጠንከር መሰረት የሆነች የአፍሪካውያን አንድነት እንዲመጣ ጥረት እያደረገች ያለች ሀገር ናትም ሲሉ ጠቅላይ ሚኒስትር ዐቢይ ተናግረዋል፡፡

ይህ የኢትዮጵያ መንፈስ የኢትዮጵያ መንግስታት ቢቀያየሩ እንኳ ዝንፍ ያላለ አቋም እንደሆነ ነው ጠቅላይ ሚኒስትሩ የተናገሩት፡፡ጉባዔው በተሳካና ሀገራችንን በሚያስመሰግን መልኩ ተጠናቅቋል ብለዋል ጠቅላይ ሚኒስትር ዐቢይ፡፡ጉባዔው በስኬት እንዲጠናቀቅ የአዲስ አበባ ከተማ ህዝብ የዜግነት ግዴታውን ተወጥቷል ብለዋል፡፡

የፀጥታና የደህንነት አካላት ብርቱና ዘመናዊ ልምምድ በማድረግና መረጃ የመለዋወጥ ሂደት በማጠንከር በአስተማማኝ መልኩ የተከማቸውን ፀጥታ ማስጠበቃቸውን ጠቅላይ ሚኒስትሩ አንስተዋል፡፡የሪፐብሊካን ዘብ አባላትም ለሃያ አራት ሰዓታት በንቃትና በተደራጀ ሁኔታ የእንግዶችን ደህንነት እንዲጠበቅ ማድረጋቸውን አንስተው ጠቅላይ ሚኒስትር ዐቢይ ምስጋና አቅርበዋል፡፡በሆቴል መስተንግዶ፣ ዲፕሎማቶችና የፕሮቶኮል ባለሙያዎች ለሰጡት ደረጃውን የጠበቀ አገልግሎትም ምሰጋና ቸረዋል፡፡

ለአንድ ዓላማ ተባብረን ህመሞቻችንን ሁሉ ተቋቁመን ከሰራን ውጤታማ እንደምንሆን የጉባዔው ስኬት ማሳያም እንደሆነ አንስተዋል፡፡ጉባዔውን ለመታደም እዚህ መዲናችን የመጡ እንግዶ በተደረገላቸው መስተንግዶ መደሰታቸውን ተናግረዋል፡፡ጉባዔው አፍሪካውያን በጋራ ለመስራት፣ ለመማር፣ ለመነገድ፣ እድሎች ለመፍጠርና በጋራ ሀብቶቻችንን ለማልማት እድል እንዳለ የታየበት እንደሆነ ጠቅላይ ሚኒስትሩ አመልክተዋል፡፡

አፍሪካ ወደ ተሻለ ሁኔታ እንድትሸጋገር በቅድሚያ ኢትዮጵያውያን እርስ በርሳችን ተናብበን በመስራት ጠንካራ ኢትዮጵያዊ አቅም እንፍጠር ሲሉም አሳስበዋል፡፡በቀጣይ ከጎረቤቶቻችን ጋር ቀጠናዊ ትስስርን በማጠናከር ከአፍሪካውያን ጋር አንድ ሆነን በጋራ የምንቆምበት የፖለቲካና የኢኮኖሚ ሀይል እንገነባለን ብለዋል ጠቅላይ ሚኒስትር ዐቢይ፡፡ጠቅላይ ሚኒስትር ዐቢይ፣ በትንሽ በትልቁ ጉልበታችንንና ጊዜያችንን መጨረሱን ትተን ማርሽ በሚቀይ ነገር ላይ አቅማችንን እናውል ሲሉ ጥሪ አቅርበዋል፡፡

ሐይለገብርዔል ቢኒያም
አስተያየት ይፃፉ (0 አስተያየት)

የካቲት 3፣ 2012/ አባይ ባንክ የጀመርኩት ግንዛቤ የመስጠት ስራ እየሰመረልኝ ነው ሲል ተናገረ

ብዙ ቁጥር ያለው የሂሳብ ቋት ማስከፈት ችያለሁም ብሏል፡፡ከጥር አስራ አምስት የጀመረውና የካቲት አስራ አምስት ያበቃል ተብሎ በሚጠበቀው በዚሁ የማስታወቂያ ፕሮግራም፣ የሰለጠኑ ባለሞያዎችን በመጠቀም ቀልጣፋ ግንዛቤ የመስጠት ስራዎችን መስራት መቻሉን ተናግሯል፡፡በዚህም የዜጎች የቁጠባ ባህል ሊዳብር ችሏል ብሏል፡፡

አገልግሎቱን በሁለት መቶ ሃያ ቅርንጫፎቹና በተለያዩ ቦታዎች በገነባቸው ድንኳኖች እየሰጠ ይገኛል፡፡ባንኮች ብድር ለመስጠት በሚቸገሩበት በዚህ ጊዜ በተጠየቀ ጊዜ የተጠየቀውን ብድር እየሰጠ መሆኑንም ተናግሯል፡፡የውጪ ምንዛሬ አገልግሎትንም ባቋቋማቸው ድንኳኖችና ቅርንጫፎቹ እየሰጠ እንደሚገኝ ሰምተናል፡፡አባይ ባንክ በአሁኑ ሰዓት አጠቃላይ ሀብቱ አስራ ሰባት ቢሊየን ብር የደረሰ ሲሆን የተከፈለ ካፒታሉ ሁለት ቢሊየን ብር እንደደረሰ ይነገራል፡፡

ተህቦ ንጉሤ
አስተያየት ይፃፉ (0 አስተያየት)

የካቲት 2፣ 2012/ የአዲስ አበባ ትምህርት ቤቶች የሬዲዮ ትምህርት ከተቋረጠባቸው ሁለት ወር ቢያልፍም፤ አሁንም የሬዲዮ ትምህርት ሥርጭቱ እንዳልጀመረ ታውቋል

የአዲስ አበባ ትምህርት ቤቶች የሬዲዮ ትምህርት ከተቋረጠባቸው ሁለት ወር ቢያልፍም፤ አሁንም የሬዲዮ ትምህርት ሥርጭቱ እንዳልጀመረ ታውቋል፡፡ ትዕግስት ዘሪሁን ለምን? ስትል ጠይቃለች፡፡

አስተያየት ይፃፉ (0 አስተያየት)

የካቲት 2፣ 2012/ ከ33ኛው የአፍሪካ ህብረት የመሪዎች ጉባኤ ጎን ለጎን የተለያዩ ክንውኖችም ነበሩ

ከነዚህ አንዱ ደግሞ የአፍሪካ የመረጃና ደህንነት ኮሚቴ ፅህፈት ቤት በይፋ መከፈቱ ተጠቃሽ ነው፡፡የፅህፈት ቤቱ መቀመጫም አዲስ አበባ ሆናለች፡፡የአፍሪካ መሪዎች የመረጃና ደህንነት የጋራ ኮሚቴ በተቋም ደረጃ እንዲመሰረት የተስማሙት ከዛሬ 15 ዓመታት በፊት በአቡጃ ናይጄሪያ ባካሄዱት ጉባኤ ነበር፡፡ የአፍሪካ የመረጃና ደህንነት ኮሚቴ የተባለው ይህ አዲስ አህጉር አቀፍ ድርጅት ለህብረቱ ኮሚሽንና ለአባል ሀገራቱ ለውሳኔ የሚረዳቸውን የተጠናና የተጣራ የመረጃ ጥንቅር ማቅረብ ዋና ተግባሩ እንደሚሆን ተነግሯል፡፡

ተስፋዬ አለነ
አስተያየት ይፃፉ (0 አስተያየት)

የካቲት 2፣ 2012/ እየተካሄደ ባለውና ዛሬ ይጠናቀቃል ተብሎ የሚጠበቀው የአፍሪካ ህብረት ስብሰባ ላይ ትናንት እሁድ የሩዋንዳው ፕሬዝዳንት ፖል ካጋሚ የህብረቱን ተቋማዊ ለውጥ አተገባበር አስመልክተው ሪፖርት አቅርበው ነበር

እየተካሄደ ባለውና ዛሬ ይጠናቀቃል ተብሎ የሚጠበቀው የአፍሪካ ህብረት ስብሰባ ላይ ትናንት እሁድ የሩዋንዳው ፕሬዝዳንት ፖል ካጋሚ የህብረቱን ተቋማዊ ለውጥ አተገባበር አስመልክተው ሪፖርት አቅርበው ነበር፡፡የአፍሪካ ህብረት ተቋማዊ ለውጥ ትግበራን አስመልክተው ባደረጉት ንግግር የአፍሪካ ርዕሳነ ብሔርና መንግስታት ላደረጉት ድጋፍ ምስጋናቸውን አቅርበዋል፡፡የአፍሪካ ህብረትን ራሱን የቻለና ውጤታማ በማድረግ አስፈላጊነት ላይ የጋራ መግባባት መኖሩን የተናገሩት ፖል ካጋሚ፣ በፋይናንስ አቅርቦት ረገድ የበጀት ሂደቱ ይበልጥ ግልፅ እየሆነ መምጣቱንና ሸክሙም በአባል ሀገራት መካከል በእኩል መጠን መከፋፈሉን ጠቅሰዋል፡፡

ባለፉት ሦስት ዓመታት ለአህጉራዊ ድርጅቱ የሰላም ፈንድ ከ150 ሚሊዮን ዶላር በላይ መዋጮ መደረጉን የጠቀሱት ካጋሚ የባለአደራዎች ቦርዱም መቋቋሙን ተናግረዋል፡፡ከአባል አገራት የአጠቃላይ ገቢ 0.2 በመቶ ለመቅረጥ የጋራ መግባባት ላይ ደርሰናል ያሉት የሩዋንዳው ፕሬዝዳንት ፖል ካጋሚ፣ የተጣለውን መጠን መዋጮ ተግባራዊ የሚያደርጉ ሀገራትን ቁጥር ለመጨመር የህብረቱ ኮሚሽን ከአባል ሀገራት ጋር ተቀራርቦ እንዲሰራ አበረታታለሁ ብለዋል፡፡

የአባላት መዋጮን ባልከፈሉ ሀገራት ላይ ተግባራዊ እንዲደረግ የተወሰነው አዲስ የማዕቀብ ሀሳብ እስካሁን ተግባራዊ አለመሆኑ እንደሚያሳስባቸውም ካጋሚ ተናግረዋል፡፡አዲሱ የማዕቀብ ውሳኔ ሀሳብ እ.ኤ.አ በጥር 2018 የፀደቀ መሆኑን ያስታወሱት ካጋሚ ከሐምሌ 2019 ጀምሮ ስራ ላይ መዋል ነበረበት ብለዋል፡፡

ዘከርያ መሐመድ
አስተያየት ይፃፉ (0 አስተያየት)

ጥር 29፣ 2012/ የብሔር ተኮር እና የሕብረ ብሔራዊ ፖለቲካ አቀንቃኞች ወደ መካከለኛው መስመር ሊመጡ የሚችሉበት እድል ይኖር ይሆን?

የሀገራችን የፖለቲካ ሀይሎች አሰላለፍና የሚያራምዷቸው አቋሞች መሰረታዊ ሊባል በሚችል መልክ የተራራቁ መስለው እየታዩ ነው፡፡ በአንድ ወገን ብሔር ተኮር የሆነውን የፖለቲካ ሥርዓት የሚደግፉ፣ በሌላ ወገን ሕብረ ብሔራዊ አንድነትን የሚያቀነቅኑ ሀይሎች የተፋጠጡ መስሎ ይታያል፡፡

እነዚህ ሁለት ሀይሎች ወደ መካከለኛው መስመር ሊመጡ የሚችሉበት እድል ይኖር ይሆን?ሕይወት ፍሬስብሃት ይህን ለመሰሉ ጥያቄዎች ምላሽ ባገኝ ብላ ከሰሞኑ በአዲስ አበባ ዩኒቨርስቲ አንጋፋ የፍልስፍና መምህር ወረቀት ያቀረቡበት መድረክ ላይ ተገኝታ ይህን አሰናድታለች፡፡

አስተያየት ይፃፉ (0 አስተያየት)

ጥር 29፣ 2012/ የኢትዮጵያ፣ ጅቡቲ፣ ኤርትራ፣ ኬንያ እና ሶማሊያ መንግስታት ምክክር ምን ተስፋ ሰንቆ ይሆን?

የኢትዮጵያ፣ ጅቡቲ፣ ኤርትራ፣ ኬንያ እና ሶማሊያ መንግስታት በቅርቡ በጅቡቲ ተገናኝተው የቀጠናውን ሀገራት ሁለንተናዊ ግንኙነትና ትብብር ለማጠናከር ምክክር አካሂደው ነበር፡፡ ምክክራቸው በተለይም ኢኮኖሚያዊ ትስስራቸውን በማጠናከር ላይ ያለመ መሆኑን ታሳቢ በማድረግ ይህ ፍላጎታቸው እውን ሊሆን የሚችልበት ሁነኛ ተስፋ አለ ወይ ? ሲል ንጋቱ ረጋሣ የምጣኔ ሐብት ባለሞያዎችን ጠይቆ ይህን አሰናድቷል፡፡

አስተያየት ይፃፉ (0 አስተያየት)
Sheger 102.1 AudioNow Numbers