• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የመካከለኛው ሀገሮች የስራ ስምሪት በቀናት ውስጥ ይጀመራል ተባለ

የመካከለኛው ሀገሮች የስራ ስምሪት በቀናት ውስጥ ይጀመራል ተባለ፡፡ የየኔነህ ሲሳይን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ፓርኪንሰን በሽታ ተገቢውን ትኩረት እያገኘ አይደለም ተባለ

ፓርኪንሰን በሽታ ተገቢውን ትኩረት እያገኘ አይደለም ተባለ፡፡ የማህሌት ታደለን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የድሬዳዋ ጨርቃ ጨርቅ ፋብሪካ አሁንም አሳሳቢ ደረጃ ላይ እንደሚገኝ ተነገረ

የድሬዳዋ ጨርቃ ጨርቅ ፋብሪካ አሁንም አሳሳቢ ደረጃ ላይ እንደሚገኝ ተነገረ፡፡ ለ3ኛ ጊዜ ለሌላ ባለሀብት ሊሸጋገር ነው ተብሏል፡፡ የቴዎድሮስ ብርሃኑን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ፕሬዝዳንት ሙላቱ ተሾመ በትናንትናው ዕለት ለሕዝብ ተወካዮችና ለፌዴሬሽን ምክር ቤት የጋራ ስብሰባ ባደረጉት የመክፈቻ ንግግር...

ፕሬዝዳንት ሙላቱ ተሾመ በትናንትናው ዕለት ለሕዝብ ተወካዮችና ለፌዴሬሽን ምክር ቤት የጋራ ስብሰባ ባደረጉት የመክፈቻ ንግግር የኢኮኖሚ እድገቱን ማሽቆልቆል የሚገታ የማገገሚያ ፖሊሲ መንግስት እንደሚተገብር ተናግረዋል፡፡ የንጋቱ ረጋሣን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

መንግስት ለሕግ የበላይነት መፅናት ከፍተኛ ትኩረት እንደሚሰጥ የኢፌድሪ ፕሬዝዳንት ሙላቱ ተሾመ ተናገሩ

መንግስት ለሕግ የበላይነት መፅናት ከፍተኛ ትኩረት እንደሚሰጥ የኢፌድሪ ፕሬዝዳንት ሙላቱ ተሾመ ተናገሩ፡፡ ፕሬዝዳንቱ ለሕዝብ ተወካዮችና ለፌዴሬሽን ምክር ቤት የጋራ ስብሰባ መክፈቻ በትላንትናው ዕለት ባደረጉት ንግግር የተጀመረው አዎንታዊ ለውጥ ተቋማዊነት እየተላበሰ ይዘልቃል ብለዋል፡፡ የትዕግስት ዘሪሁንን ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የንግድ ሚኒስቴር በኢትዮጵያ ካሉ 68 የማዕድን ውሀ አምራች ኩባንያዎች ውስጥ ለ16ቱ ማስጠንቀቂያ ተሰጥቷቸዋል አለ

የንግድ ሚኒስቴር በኢትዮጵያ ካሉ 68 የማዕድን ውሀ አምራች ኩባንያዎች ውስጥ ለ16ቱ ማስጠንቀቂያ ተሰጥቷቸዋል አለ፡፡ የሚኒስቴሩ የህዝብ ግንኙነት ሀላፊ አቶ ወንድሙ ፍላቴ ማስጠንቀቂያ ከተሰጣቸው የታሸገ የማዕድን ውሃ አምራች ኩባንያዎች ውስጥ አስሩ ከአስተሻሸግ ችግር እና ስድስቱ ደግሞ የአስገዳጅ የጥራት ደረጃ ሳይሟሉ የቀሩ ናቸው ብለዋል፡፡

እሳቸው እንዳሉት እነዚህ የውሀ አምራች ኩባንያዎች ማስጠንቀቂያ ከተሰጣቸው በሁዋላ አሻሽለው ወደ ስራ እንደተመለሱ ለሸገር ተናግረዋል፡፡የተሰጣቸው ማስጠንቀቂያም የመጀመሪያ እንደሆነ የንግድ ሚኒስቴር ነግሮናል፡፡አስገዳጅ የጥራት ደረጃ ሳያሟሉ ቀርተው ማስጠንቀቂያ ያገኙት ስድስቱ የታሸጉ የማዕድን ውሀ አምራች ኩባንያዎች እነማን ናቸው ብለን ደጋግመን የጠየቅናቸው የንግድ ሚኒስቴር የህዝብ ግንኙነት ሀላፊ አቶ ወንድሙ ፍላቴ እነማን እንደሆኑ ሊነገሩን ፈቃደኛ አልሆኑም፡፡

ተህቦ ንጉሴ
አስተያየት ይፃፉ (0 አስተያየት)

በአዲስ አበባ ላፍቶ ክፍለ ከተማ ለአመታት በህገ-ወጥ መንገድ ተይዞ የቆየ 38 ሺህ ካሬ ቦታ ለወጣቶች መሰጠቱ ተሰማ

በአዲስ አበባ ላፍቶ ክፍለ ከተማ ለአመታት በህገ-ወጥ መንገድ ተይዞ የቆየ 38 ሺህ ካሬ ቦታ ለወጣቶች መሰጠቱ ተሰማ፡፡ ከአዲስ አበባ ከተማ አስተዳደር ኮሚኒኬሽን ጉዳዮች ቢሮ እንደሰማነው በቅርቡ ማጣራት በተጀመረው በከተማዋ በህገ-ወጥ መንገድ በተያዙ መሬቶች እና ያለስራ ለረዥም ጊዜ ታጥረው የተቀመጡ ይዞታዎችን በማስመለስ ለወጣቶች የስራ እድል ለመፍጠር ስራው መጀመሩ ተነግሯል፡፡

የከተማዋ ምክትል ከንቲባ ታከለ ኡማ ከአዲስ አበባ ወጣቶች ጋር ባደረጉት ምክክር በየክፍለ ከተሞች የሚገኙ ባዶ መሬቶች አገልግሎት ላይ እንዲውሉ ይደረጋል ብለዋል፡፡በንፋስ ስልክ ላፍቶ ክፍለ ከተማ በሚገኘውና 38 ሺ ካሬ በሚሆነው ቦታ በተደጋጋሚ ተደራጅተን እንስራ የሚል ጥያቄ ከወጣቶች ሲቀርብ ቆይቷል ተብሏል፡፡ በዚህም ቦታው በ28 ማህበራት ለተደራጁ 1 ሺ 40 ወጣቶች እንዲሰጥ ተወስኖ የቦታ ርክክብ መደረጉ ተነግሯል፡፡በቀጣይም ለከተማዋ ወጣቶች የስራ እድል ለመፍጠር በሁሉም ክፍለ ከተሞች እንደዚህ አይነት ያለስራ የተቀመጡ ይዞታዎችን በመለየት ለወጣቶች በመስጠት ተጨማሪ የስራ ዕድል ለመፍጠር ጥናት እየተደረገ ነው መባሉን ከአዲስ አበባ ኮሚኒኬሽን ጉዳዮች ቢሮ ሰምተናል፡፡

ምህረት ሥዩም
አስተያየት ይፃፉ (0 አስተያየት)

የጌድኦና ጉጂን ግጭት በዋናነት አነሳስተዋል ተብለው ከተጠረጠሩ 41 ግለሰቦች 37ቱ አሁንም አልተያዙም ተባለ

የጌድኦና ጉጂን ግጭት በዋናነት አነሳስተዋል ተብለው ከተጠረጠሩ 41 ግለሰቦች 37ቱ አሁንም አልተያዙም ተባለ፡፡ ተጠርጣሪዎቹ በቁጥጥር ስር ያልዋሉት የሁለቱ ዞኖች ሀላፊዎች ትብብር ባለማድረጋቸው መሆኑ ተነግሯል፡፡ በኦሮሚያ ክልል ጉጂ እና ደቡብ ክልል ጌድኦ ዞኖች አዋሳኝ አካባቢዎች በነበረው ግጭት እጃቸው አለበት ተብለው የተጠረጠሩ 41 ግለሰቦችን በቁጥጥር ስር ለማዋል እየተሰራ መሆኑን የፌዴራል እና አርብቶ አደር ልማት ጉዳዮች ሚኒስቴር ነግሮን እኛም ለእናንተ ነግረናችሁ ነበር፡፡ የየአካባቢዎቹ የስራ ሃላፊዎች ተጠርጣሪዎቹን በቁጥጥር ስር በማዋሉ ተግባር እንዲያግዙ መጠየቃቸውንም በሚኒስቴሩ የግጭት ቅድመ ማስጠንቀቂያ እና ዘላቂ መፍትሄ ዳይሬክተር ጀኔራል አቶ ንጋቱ አብዲሣ በወቅቱ ነግረውናል፡፡

ይሁንና ከአነዚህ አርባ አንድ ተጠርጣሪዎች እስከ አሁን የተያዙት አራቱ ብቻ እንደሆኑ አቶ ንጋቱ ሠሞኑን ለሸገር ተናግረዋል፡፡ ሠላሣ ሠባት ተጠርጣሪዎች ግን አሁንም በቁጥጥር ስር አለመዋላቸውን ከዳይሬክተር ጀኔራሉ ሠምተናል፡: ተጠርጣሪዎቹን ለምን በቁጥጥር ስር ማዋል አልተቻለም ያልናቸው አቶ ንጋቱ የሁለቱ ዞኖች አመራሮች ትብብር ባለ ማድረጋቸው ነው ሲሉ መልሰዋል፡፡ የዞን አመራሮቹ ተጠርጣሪዎቹ በቁጥጥር ስር እንዲውሉ ተገቢውን ትብብር ለማድረግ ግምገማ ከተካሄደ በኋላ ቃል ገብተው እንደነበር ከዚህ ቀደም ከአቶ ንጋቱ ሠምተናል፡፡ ይሁንና በቃላቸው መሰረት ትብብሩን ባለ ማድረጋቸው ተጠርጣሪዎቹ እንደሚፈለጉ በጋዜጣ በማስነገር ለመያዝ መወሰኑን ነግረውናል፡፡

ንጋቱ ረጋሳ
አስተያየት ይፃፉ (0 አስተያየት)

ዛሬ በአዳማ ከተማ የተጀመረው የኦሮሚያ ም/ቤት /ጨፌ/ አስቸኳይ ስብሰባ የክልሉን አስፈፃሚ አባላት በተመለከተ የወጣውን አዋጅ ያፀድቃል ተባለ

ዛሬ በአዳማ ከተማ የተጀመረው የኦሮሚያ ም/ቤት /ጨፌ/ አስቸኳይ ስብሰባ የክልሉን አስፈፃሚ አባላት በተመለከተ የወጣውን አዋጅ ያፀድቃል ተባለ፡፡ የጨፌው 4ኛ አመት 5ኛ የስራ ዘመን 3ኛ አስቸኳይ ጉባኤ የክልሉን አስፈፃሚ አባላት መልሶ ለማደራጀትና ሀላፊነታቸውን ለመወሰን የወጣውን ረቂቅ አዋጅ ያፀድቃል ተብሎ እንደሚጠበቅ አፈ ጉባኤ እሸቱ ደሴ መናገራቸው ተሰምቷል፡፡

በክልሉ የተጀመሩ ስራዎችን በበለጠ አጠናክሮ ለመስራት የጨፌው አስቸኳይ ጉባኤ ውሳኔ ያሳልፋል ተብሎ እንደሚጠበቅም አፈ ጉባኤው ተናግረዋል፡፡ የጨፌው አስቸኳይ ጉባኤ በ1994 የሰራተኞች አዋጅን ለማሻሻል በወጣው ረቂቅ አዋጅ ላይ ተወያይቶ ማፅደቅ ከስብሰባው የሚጠበቀው ሌላኛው ውሳኔ መሆኑ ተሰምቷል፡፡ የጨፌው 4ኛ አመት 5ኛ የስራ ዘመን 3ኛ አስቸኳይ ጉባኤ የክልሉን ጠቅላይ ዐቃቤ ህግ ለማቋቋም የወጣው ረቂቅ አዋጅ ላይም በመወያየት ያፀድቃል ተብሎ እንደሚጠበቅ ሰምተናል፡፡

የኔነህ ሲሳይ
አስተያየት ይፃፉ (0 አስተያየት)

በኢትዮጵያ እዚህም እዚያም በተፈጠሩ ሰሞነኛ ግጭቶች ለተፈናቀሉ ዜጎች መርጃ ከ523 ሚሊዮን ብር በላይ ያስፈልጋል ተባለ

በኢትዮጵያ እዚህም እዚያም በተፈጠሩ ሰሞነኛ ግጭቶች ለተፈናቀሉ ዜጎች መርጃ ከ523 ሚሊዮን ብር በላይ ያስፈልጋል ተባለ፡፡ በአገሪቱ የተለያዩ አካባቢዎች በተከሰቱ ግጭቶች ከቤትና ንብረታቸው ተፈናቅለው በመጠለያ ጣቢያዎች የሚገኙ ዜጎች ቁጥርም ከ90 ሺ በላይ መድረሱን የኢትዮጵያ ቀይ መስቀል ማህበር ተናግሯል፡፡ ማህበሩ ዛሬ በአገሪቱ የተከሰቱ ግጭቶችን ተከትሎ ለተፈናቀሉ ዜጎች የሚያስፈልገውን የገንዘብ ድጋፍና ለተፈናቃይ ዜጎች ያደረገውን እርዳታ አስመልክቶ ጋዜጠኞችን ጠርቶ ሲናገር ነው ይህን የሰማነው፡፡

ባለፉት 3 አመታት በአገሪቱ ተከስቶ በነበረው ድርቅና በግጭቶች ምክንያት በተፈጠረው የሰዎች መፈናቀል መደጋገሙ የሰብአዊ ርዳታ ለመስጠት ማህበሩ ተጨማሪ ድጋፍ ከበጎ ፈቃደኞች እንዲያሰባስብ አስገድዶታል ተብሏል፡፡ ካለፈው ሚያዚያ ወር 2010 ዓ/ም ጀምሮ እስከ መስከረም ወር 2011 ዓ/ም ድረስ በኢትዮጵያ የተለያዩ አካባቢዎች የተፈናቀሉ ዜጎች ቁጥርም ከ90 ሺ በላይ ነው ተብሏል፡፡ ለእነዚህ ዜጎች ባሉበት የመጠለያ ጣቢያ ከሚደረግላቸው እርዳታ በተጨማሪ በቋሚነት ወደ ቀያቸው ለመመለስና ለማቋቋም ከ523 ሚሊዮን ብር በላይ ድጋፍ ያስፈልገኛ ሲል ማህበሩ ተናግሯል፡፡

ለተረጂዎች የሚያስፈለገውን ይህንን ገንዘብ ለማሰባሰብም በጎ ፈቃደኞችና ረጂ ተቋማት ድጋፍ ሊያደርጉ ይገባል ብሏል፡፡ ድጋፉን ለማድረግ በመላው ኢትዮጵያ በሚገኙ የማህበሩ ቅርንጫፍ ጽ/ቤቶች በመቅረብ እርዳታ ማድረግ የሚቻል ሲሆን በተጨማሪም በኢትዮጵያ ንግድ ባንክ በተከፈተው የማጠራቀሚያ ሒሳብ ቁጥር 1000000902008 ላይ ድጋፍ ማድረግ ትችላላችሁ ተብላችኋል፡፡

ምህረት ሥዩም
አስተያየት ይፃፉ (0 አስተያየት)

በብረታ ብረትና ኢንጂነሪንግ ኮርፖሬሽን (ሜቴክ) እጅ የቀሩ ሁለት የስኳር ፋብሪካዎችን በአስቸኳይ የፕሮጀክቱ ባለቤት ለሆነው የመንግስት መስሪያ ቤት እንዲያስረክብ መንግስት ጠየቀ

በብረታ ብረትና ኢንጂነሪንግ ኮርፖሬሽን (ሜቴክ) እጅ የቀሩ ሁለት የስኳር ፋብሪካዎችን በአስቸኳይ የፕሮጀክቱ ባለቤት ለሆነው የመንግስት መስሪያ ቤት እንዲያስረክብ መንግስት ጠየቀ፡፡ ለስኳር ኮርፖሬሽን ተመልሰው ግንባታቸውን ለማጠናቀቅም ለውጪ ኮንትራክተር ይተላለፋሉ የተባሉት ሁለቱ የስኳር ፋብሪካዎች በለስ ቁጥር 1 እና ኦሞ ኩራዝ ቁጥር 1 ናቸው፡፡ በሜቴክ እጅ የቀሩ ሁለት የስኳር ፋብሪካዎች እስከ መስከረም 15 ቀን 2011 ዓ/ም ለስኳር ኮርፖሬሽን እንዲያስረክብ መመሪያ ተላልፎ እንደነበር ከዚህ ቀደም ነግረናችኋል፡፡ ይሁንና ከቀነ ገደቡ 13 ቀን ቢያልፍም እስካሁን የስኳር ኮርፖሬሽን ፋብሪካዎቹን እንዳልተረከበ ሰምተናል፡፡

በኮርፖሬሽኑ የኮርፖሬት ኮሚዩኒኬሽን ዳይሬክተሩ አቶ ጋሻው አይችሉህም ለሸገር እንደተናገሩት ርክክቡን ለመፈፀም በተቋቋመው ቴክኒካል ኮሚቴ በኩል የሰነድና የፋብሪካዎች የግንባታ ሒደት ምን ላይ እንደደረሰ ጥናት ማድረግ ነበረባቸው ብለዋል፡፡ ስራው በተያዘው ጊዜ ገደብ ባለመጠናቀቁ እስካሁን መረካከብ እንዳልተቻለ ተናግረዋል፡፡ በሜቴክ ሪፖርት መሰረት የበለስ ቁጥር 1 የፋብሪካ ግንባታ 78 በመቶ፣ የኦሞ ኩራዝ ደግሞ 90 በመቶ ደርሷል ይላል ሪፖርቱ፡፡ ለግንባታው ወጪ የተደረገው ግንባታው የደረሰበት ደረጃ ጋር ተመጣጣኝ ስለመሆኑ እንዲሁም የሰነዶች ምርመራ በቴክኒካል ኮሚቴ እየተካሄደ መሆኑን አቶ ጋሻው ተናግረዋል፡፡

ምርመራው ተጠናቅቆ ለሜቴክና ለስኳር ኮርፖሬሽን ቀርቦ መተማመን ላይ ሲደረስም ርክክብ ይፈፀማል ብለዋል፡፡ ይህም በአስቸኳይ እንዲሆን መንግስት በጠየቀው መሰረት ስራዎቹ እየተፋጠኑ ነው ሲሉም ለሸገር ተናግረዋል፡፡ ከ7 አመታት በፊት ሜቴክ በአመት ከመንፈቅ ግንባታቸው አጠናቅቄ አስረክባቸዋል ብሎ ከጀመራቸው 10 የስኳር ፋብሪካዎች በቃሉ መሰረት አንዱንም ማጠናቀቅ ሳይችል ቀርቷል፡፡ በመሆኑም በሒደት 8 ፋብሪካዎችን አስረክቦ ለሌሎች የውጪ የስራ ተቋራጮች የተሰጡ ሲሆን የቀሩትን ሁለቱን ፋብሪካዎችም በቅርቡ እንደሚያስረክብ እየተጠበቀ ነው፡፡

ትዕግስት ዘሪሁን
አስተያየት ይፃፉ (0 አስተያየት)
Sheger 102.1 AudioNow Numbers