• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕዳር 24፣ 2012/ ሰሞኑን የተመሰረተው የብልፅግና ፓርቲ ሕጋዊነት እስከምን ድረስ ነው ? ኢህአዴግ በተግባር አለ ወይ ?

ሰሞኑን የተመሰረተው የብልፅግና ፓርቲ ሕጋዊነት እስከምን ድረስ ነው ? ኢህአዴግ በተግባር አለ ወይ ? ውህደቱን ያልተቀላቀለው ህወሓት የኢህአዴግ ወራሽ ነኝ ቢል የምርጫ ቦርድ ምላሽ ምንድነው?



የኔነህ ሲሳይ
አስተያየት ይፃፉ (0 አስተያየት)

ሕዳር 24፣2012/ የኢትዮጵያ ብሔራዊ ባንክ የግል ንግድ ባንኮችን የሚያሳትፍ የግምጃ ቤት ሰነድ ሽያጭ ለመጀመሪያ ጊዜ ዛሬ መጀመሩ ተሰማ

የኢትዮጵያ ብሔራዊ ባንክ 500 ሚሊየን ብር ለመግዛት የሚያስችለውን የግምጃ ቤት ሰነድ ለሽያጭ አቅርቧል፡፡የግል ባንኮቹ በዚሁ ጨረታ ለመጀመሪያ ጊዜ እንዲሳተፉ ተደርጓል፡፡ሌሎች ተወዳዳሪ ድርጅቶችም እየተጫረቱ ነው ተብሏል፡፡የ250 ሚሊዮን ብሩ የግምጃ ቤት ሰነድ የ25 ቀን ሲሆን ቀሪው 250 ሚሊየን ብር የ90 ቀን መሆኑን ሰምተናል፡፡ብሔራዊ ባንኩ የግምጃ ቤት ሰነዱን የተሻለ አነስተኛ ወለድ ለሚያቀርብ ይሸጠዋል ተብሏል፡፡

የኢትዮጵያ ብሔራዊ ባንክ የግል ባንኮች በዚህ መሳተፋቸው አገሪቱ ወደ ካፒታል ማርኬት ለመግባት የምታደርገው የመጀመሪያው መንገድ ነው ብለዋል፡፡ወሬውን ከብሔራዊ ባንክ ሰምተናል፡፡የግምጃ ቤት ሰነድ ሽያጭ እስከ ዛሬ ድረስ የሚቀርበው ለልማት ድርጅቶች ብቻ የነበረ ሲሆን አሁን ግን ሁሉንም ተወዳዳሪ ለማድረግ የግል ባንኮች የግምጃ ቤት ሰነድ ግዢ ላይ እንዲሳተፉ መደረጉን ዋናው ገዢ ዶ/ር ይናገር ደሴ ተናግረዋል፡፡የኢትዮጵያ ብሔራዊ ባንክ የግምጃ ቤት ሰነድ ሽያጭን የሚያካሂደው፣ የገንዘብ ሚኒስቴር የበጀት ጉድለት ሲያጋጥመው እሱን ለመሙላት ሲሆን በሁለተኛ ደረጃ ደግሞ ብሔራዊ ባንኩ የአገሪቱን የዋጋ ግሽበት ለመቆጣጠር እንደመሳሪያ የሚጠቀምበት ነው፡፡

ተህቦ ንጉሤ
አስተያየት ይፃፉ (0 አስተያየት)

ሕዳር 24፣ 2012/ ማንን ምን እንጠይቅልዎ…ለደሀ ደሀ በሚሰጠው ቤት ዙሪያ የተፈጠረው ውዝግብ

ለደሀ ደሀ በሚሰጠው ቤት ዙሪያ የተፈጠረው ውዝግብን አስመልክቶ ግርማ ፍሰሐ ቅሬታ አቅራቢዋን እና የሚመለከታቸውን ሃላፊዎች አነጋግሯል…

አስተያየት ይፃፉ (0 አስተያየት)

ሕዳር 24፣ 2012/ ለህፃናት ነፃ የህግ ድጋፍ አገልግሎት የሚሰጡ ማዕከላትን ወደ ተጨማሪ ክልሎች የማስፋት ውጥን መኖሩ ተነገረ

አገልግሎቱ በአሁኑ ወቅት በኦሮሚያ፣ በአማራ እና ደቡብ ክልሎች እንዲሁም በአዲስ አበባ ከተማ እየተሰጠ ይገኛል፡፡


ንጋቱ ረጋሣ
አስተያየት ይፃፉ (0 አስተያየት)

ሕዳር 24፣ 2012/ የእንቦጭ አረም በቆቃ ሐይቅ ላይ እየተስፋፋ ያለበት ሁኔታ አስጊ ደረጃ ላይ ደርሷል ተባለ

የቆቃ ግድብ፣ ኤሌክትሪክ ከማመንጨትም በተጨማሪ፣ ለቱሪስት መስህብነት እንዲሁም በዓመት ከ625 ቶን በላይ የዓሳ ምርት የሚገኝበት ነው፡፡ አረሙን በዘላቂነት ለማስወገድ፣ ጥቅም ላይ ማዋል የሚቻልበት መንገድ እየተፈለገ መሆኑም ተሰምቷል፡፡


ማህሌት ታደለ
አስተያየት ይፃፉ (0 አስተያየት)

ሕዳር 23፣ 2012/ ከአማራ ክልል ጭልጋ ወረዳ ተፈናቅለው ቆይተው ወደ ቀያቸው የተመለሱ ዜጎች እሮሮ

ከአማራ ክልል ጭልጋ ወረዳ ተፈናቅለው ቆይተው ወደ ቀያቸው የተመለሱ ዜጎች የምግብ አቅርቦት ችግር እንደገጠማቸውና ብዙዎቹም በሬዎች ባለማግኘታችን ባለፈው የመኸር ወቅት ስላላረስን ቀጣይ ሕይወታችን አደጋ ላይ ነው ብለዋል፡፡
  • ወደ ቀያቸው ተመልሰዋል የተባሉ 250 አባወራዎች መንግሥት ቤታቸውን ቀልሶላቸው ቢመለሱም አሁንም እየተቸገሩ መሆኑን ለሸገር ተናግረዋል፡፡
  • ለወር ፍጆታ ተብሎ ለአንድ ሰው የሚሰጠው 15 ኪሎ እህል ነፍስ ማቆያ ነች እንጂ አትበቃም ይላሉ ተመላሾቹ፡፡

ትዕግስት ዘሪሁን
አስተያየት ይፃፉ (0 አስተያየት)

ሕዳር 23፣ 2012/ ማንን ምን እንጠይቅልዎ-የፈነዳው ቧንቧ ጉዳይ እና የውሃና ፍሳሽ ነፃ የስልክ መስመር የሆነው 906 ሲጠራ የማይነሳው ለምን ይሆን…

  • የፈነዳው ቧንቧ ጉዳይ እና የውሃና ፍሳሽ ነፃ የስልክ መስመር የሆነው 906 ሲጠራ የማይነሳው ለምን ይሆን…
  • ቤተ መንግሥት ገራዥ ጎን ከሌላ ቦታ ተነቅለው የመጡ አዲስ የሚተከሉ ትላልቅ ዛፎች ሊደርቁ ነውና መፍትሄ ይፈለግላቸው…

ለሚሉት የአድማጭ ጥያቄዎችና ቅሬታዎች
ግርማ ፍሰሐ መልስ አፈላልጓል
አስተያየት ይፃፉ (0 አስተያየት)

ሕዳር 23፣2012/ የአዲስ አበባ ፖሊስ ኮሚሽን በከተማዋ የሚከሰቱ ከባድ ወንጀሎችን ቀንሼያለሁ ብሏል

የአዲስ አበባ ፖሊስ ኮሚሽን በከተማዋ የሚከሰቱ ከባድ ወንጀሎችን ቀንሼያለሁ ብሏል፡፡


ወንድሙ ሀይሉ
አስተያየት ይፃፉ (0 አስተያየት)

ሕዳር 23፣ 2012/ “ጠቅላይ ሚኒስትር ዐቢይ አህመድ እና የመከላከያ ሚኒስትሩ አቶ ለማ መገርሳ ቢለያዩም ልዩነታቸው የተሻለ ሐሳብና ሥራ ሊያመጣ ይችላል፡፡ ይህ ግን በሰላማዊ እና በሰለጠነ መንገድ ነው መሆን ያለበት” ፕሮፌሰር መረራ ጉዲና

“ጠቅላይ ሚኒስትር ዐቢይ አህመድ እና የመከላከያ ሚኒስትሩ አቶ ለማ መገርሳ ቢለያዩም ልዩነታቸው የተሻለ ሐሳብና ሥራ ሊያመጣ ይችላል፡፡ ይህ ግን በሰላማዊ እና በሰለጠነ መንገድ ነው መሆን ያለበት” ፕሮፌሰር መረራ ጉዲና

የመከላከያ ሚኒስትሩ አቶ ለማ መገርሳ ሰሞኑን የመደመር እና የውህደቱን ሀሳብ አልደግፍም ማለታቸውን ተከትሎ ተህቦ ንጉሴ የኦሮሞ ፌደራሊት ኮንግረስ ፓርቲ ሊቀመንበር ፕሮፌሰር መረራ ጉዲናን እና የኢዜማን ምክትል ሊቀመንበር ዶ/ር ጫኔ ከበደን ጠይቋል



ተህቦ ንጉሴ
አስተያየት ይፃፉ (0 አስተያየት)

ሕዳር 23፣ 2012/ በኢትዮጵያ አሁንም ድረስ ማን፣ የትና እንዴ እንዳመረታቸው የማይታወቁ ምግቦች በገበያ ላይ እንደሚገኙ ተነገረ

ይህ መሆኑ ህገ-ወጥ የምግብ ምርቶች ቁጥጥር ስራውን ፈታኝ አድርጎታል ተብሏል፡፡እንዲህ የተባለው የኢትዮጵያ ተስማሚነት እና ምዘና ድርጅት የዓለም የጥራት ቀንን አስመልክቶ ባሰናዳው የውይይት መድረክ ላይ ነው፡፡በውይይቱ ላይ የተለያዩ ጥናታዊ ፅሁፎች ለሀሳብ መነሻነት ቀርበዋል፡፡በጥናታቸው የጥራት ቁጥጥር የተጠናከረ እንዳይሆን ከደረጃ በታች የሆኑ ምርቶች ወደ አገር ውስጥ መግባታቸው እና የተዛቡ የመለኪያ መሳሪያዎች መኖራቸው አስተዋፅኦ አድርገዋል ተብሏል፡፡

ተቀናጅቶ መስራት ላይ ያለ ክፍተት ሌላው የተጠናከረ ስራ እንዳይከወን እንዳደረገ ጠቁመዋል፡፡የምግብ ፖሊሲ በቅርቡ ቢወጣም ህጉ የተበጣጠሰና ወጥ ባለመሆኑ የምግብ ደህንነት ቁጥጥር ስራውን ፈታኝ አድርጎታልም ብለዋል፡፡የክትትል ስራ ላይም ሀላፊነት የተሰጣቸው ሰዎች ዳተኝነትና የቁጥጥር ስራው በሰለጠነ የሰው ሀይል የተጠናከረ አለመሆኑም በተለይ በፈቃድ አሰጣጥ ወቅት ክፍተት እንዲኖር አድርጓል መባሉን ሰምተናል፡፡

ላብራቶሪንም በተመለከተ የተጠናከረ አገልግሎት የማያገኙ ቦታዎች መኖራቸውና በብዛትና በአቅም ደረጃም አገሪቱ ያለችበትን ደረጃ የሚመጥን እንዳልሆነ በጥናት ተረጋግጧል ተብሏል፡፡በኢትዮጵያ የትኛውም በአገር ውስጥም ሆነ በውጪ የሚመረቱ ምግቦች መመዝብ አለባቸው የሚል ህግ ቢኖርም ገበያ ላይ ያልተመዘገቡ ምግቦች አሁንም በብዛት ይገኛሉ ተብሏል፡፡ ይህም ቢሆን ግን ህዝቡ በስፋት የሚጠቀማቸው ምግቦች ላይ ጉዳት ከመድረሱ በፊት ቁጥጥር እየተደረገ መሆኑ ተነግሯል፡፡ወቅቱ ማህበራዊ ሀላፊነት የተሞላበት አሰራር እየተዘነጋ የመጣበት ነው፣ ይህም አንዱ ፈተና ነው፣ ቢሆንም ግን በግልፅነት ላይ የተመሰረተ ጠንካራ የህብረተሰብና ተቋማት ትስሰር መፍጠር ከተቻለ ሊለወጥ ይችላል ተብሏል፡፡

ቴዎድሮስ ብርሃኑ

አስተያየት ይፃፉ (0 አስተያየት)

ሕዳር 23፣2012/ በአሰላ የሚገኘው አርሲ ዩኒቨርስቲ ግብርና ካምፓስ የሚማሩ ተማሪዎች በከፍተኛ የደህንነት ስጋት ውስጥ መሆናቸውን ለሸገር ተናገሩ

ለሕይወታቸው በመስጋት ከዩኒቨርስቲው ቅጥር ጊቢ ወጥተው በጫካ ውስጥ ያደሩ መኖራቸውን ሰምተናል፡፡በተለይ ከትናንት ጀምሮ በተማሪዎች መካከል በተፈጠረ አለመግባባት ተማሪዎች ወደ ግጭት መግባታቸውን ነግረውናል፡፡በዚህም ምክንያት ለሕይወታቸው በመስጋት የዩኒቨርስቲውን ቅጥር ግቢ ለቅቀው ውጪ ማደራቸውን ለሸገር ተናገረዋል፡፡

ተማሪዎቹ ገጥሞናል ያሉትን ችግር በተመለከተ ሸገር የዩኒቨርስቲውን ፕሬዝዳንት ዱጉማ አዱኛን አነጋግሯቸዋል፡፡ፕሬዝዳንቱ የፀጥታ ችግር መፈጠሩን፣ ችግሩንም ለመፍታት የፌደራልና የመከላከያ ሀይል አባላት ቦታው መድረሳቸውን ነግረውናል፡፡


ንጋቱ ሙሉ
ያጠናቀረውን ዘገባ ያዳምጡ
አስተያየት ይፃፉ (0 አስተያየት)
Sheger 102.1 AudioNow Numbers