• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካቲት 2፣ 2012/ የአፍሪካ መሪዎች ከአምስት ዓመታት በፊት የተፈራረሙት አጀንዳ 2063 ለአፍሪካ ምን ምን ተስፋዎችን ሰንቋል?

የአፍሪካ መሪዎች ከ5 ዓመታት በፊት የተፈራረሙት አጀንዳ 2063 ለአፍሪካ ምን ምን ተስፋዎችን ሰንቋል? የበየነ ወልዴን ዘገባ ተስፋዬ አለነ ያቀርበዋል

አስተያየት ይፃፉ (0 አስተያየት)

የካቲት 2፣ 2012/ ጠቅላይ ሚኒስትር ዐቢይ አህመድ በተለያዩ የመካከለኛው ምስራቅ ሀገራት ከሚኖሩ ኢትዮጵያውያን ጋር እንደሚወያዩ ተነገረ

ጠቅላይ ሚኒስትር ዐቢይ አህመድ በተለያዩ የመካከለኛው ምስራቅ ሀገራት ከሚኖሩ ኢትዮጵያውያን ጋር በዚህ ሳምንት በየሀገራቱ ተገኝተው እንደሚወያዩ ተነገረ፡፡
ንጋቱ ረጋሣ
አስተያየት ይፃፉ (0 አስተያየት)

የካቲት 2፣ 2012/ ከውጪ አገራት ተገዝተው የሚመጡ መድሃኒቶች ጥቅም ላይ ከመዋላቸው በፊት ስለፈዋሽነትና ውጤታማነታቸው በሙከራ ሊረጋገጥ እንደሚገባ ተጠቆመ

ለተለያዩ ህክምናዎች ከውጪ አገራት ተገዝተው የሚመጡ መድሃኒቶች ጥቅም ላይ ከመዋላቸው በፊት ስለፈዋሽነትና ውጤታማነታቸው በሙከራ ሊረጋገጥ እንደሚገባ ተጠቆመ፡፡
በየነ ወልዴ
አስተያየት ይፃፉ (0 አስተያየት)

የካቲት 2፣ 2012/ የህዝብ እንደራሴዎች ምክር ቤት የግማሽ ዓመት የስራ ጊዜውን አጠናቅቆ ከየካቲት 1 ጀምሮ ለአንድ ወር ለእረፍት ተዘግቷል

በወራት የሚቆጠር የስራ ዘመን የቀራቸው አምስተኛው የህዝብ እንደራሴዎች ምክር ቤት አባላት እስከ የካቲት 30 ባለው የእረፍት ጊዜያቸው በየተመረጡበት አካባቢ በመዘዋወር ከመረጣቸው ህዝብ ጋር ይወያያሉ፣ “የህዝቡን የልብ ትርታ አድምጠው ይመለሳሉ” ተብሏል፡፡ባለፉት ስድስት ወራት ምክር ቤቱ 12 መደበኛ ስብሰባ እና አንድ ልዩ ስብሰባ አካሂዷል፡፡

በመጨረሻው የስራ ዘመኑ ላይ የሚገኘው 5ኛው የሕዝብ እንደራሴዎች ምክር ቤት በህገ መንግስቱ መሰረት በመጪው ሰኔ 30 የስራ ዘመኑ ያበቃል፡፡በዚህ ዓመት መጨረሻ እንደሚካሄድ እየተጠበቀ ባለው አጠቃላይ ምርጫ የምክር ቤት ወንበር የሚያሸንፉ ተመራጮች በመስከረም ወር መጨረሻ 2013 ምክር ቤቱን ይረከባሉ ተብሎ ይጠበቃል፡፡

ትዕግስት ዘሪሁን
አስተያየት ይፃፉ (0 አስተያየት)

ሸገር ልዩ ወሬ- “የቤት ኪራይ መጨመርን አያስቡትም፤ ብችል ብቀንስላቸው ነው የሚሉት…”

አያድርገውና … ከሥራ ቢባረሩ፣ ገንዘብ ቢቸግሮት ወይም በቃ ገንዘብ ከሌሎት ምንም አያስቡ የሲ ኤም ሲው አቶ አለኸኝ ቸርነት ቤት በነፃ ይኖራሉ…የሸገር ልዩ ወሬ አዘጋጁ ወንድሙ ኃይሉ ሰሞኑን፣ “በዚህች የኪራይ ዓለም እየኖርኩ ቤት ተከራዮቼን አላስጨንቅም” የሚሉትን አቶ አለኸኝ ቸርነትን እና የቤታቸውን ተከራዮች አነጋግሯል፡፡ሲ ኤም ሲ አካባቢ 5 ቤቶችን የሚያከራዩት አቶ አለኸኝ ቸርነት የሸቀጣሸቀጥ ሱቅም አለቻቸው፡፡ ከባለቤታቸው እና ከወላጅ እናታቸው ጋር የሚኖሩት አቶ አለኸኝ፣ “በዚህች አላፊ ዓለም ሰውን ማስጨነቅ ተገቢ አይደለም” ነው የሚሉት፡፡

ስለዚህም፣ ተከራዮቻቸው ሥራ ፈትተው ቢቀመጡ፣ እጅ ቢያጥራቸው ፈፅሞ የቤት ኪራይ አይቀበሉም - ስታገኙ ትከፍሉኛላችሁ ነው የሚሉት፡፡ተከራዮቹ ገንዘብ ሲያገኙም በፊት ሳይከፍሉ ለኖሩበት ፈፅሞ አይቀበሉም - ያ ገንዘብ መቋቋሚያ ይሆናችኋል ነው የሚሉት ደጉ ቤት አከራይ…

“ማግኘት እና ማጣት፣ መውደቅ እና መነሳት ያለ ነው፡፡ ከሁሉም በላይ ለሰው ክብር መስጠት ይገባል፡፡ ሁሉም ቀሪ ነውና የሰው ፍቅር ማጣት አይገባም” የሚሉት አቶ አለኸኝ ለዚህ ተግባር የተነሳሱት አንዲት ሌላ ቦታ ተከራይታ የምትኖር፣ የቤት ኪራይ ደረሰብኝ እያለች የምትሳቀቅ ሚስኪን የአንድ ልጅ እናት አይተው መሆኑን ይናገራሉ፡፡የቤት ኪራይ መጨመርን አያስቡትም፤ ብችል ብቀንስላቸው ነው የ የሚሉት፡፡ ለመሆኑ ተከራዮቻቸውስ ምን ይላሉ…ሙሉውን ያዳምጡ

አስተያየት ይፃፉ (0 አስተያየት)

ጥር 29፣ 2012/ ስጋቶችን አስቀርቶ፣ ተስፋውን ለማለምለም ሁሉንም የሚያሳትፍ ብሔራዊ የምክክር ጉባኤ ማካሄድ ያስፈልጋል

ካለፉት 2 ዓመታት ወዲህ ኢትዮጵያ የምትገኝበትን ሁኔታ ብዙዎች ከተስፋ እና ከስጋት ጋር አያይዘው ይጠቅሱታል፡፡ይህንኑ ሐሳብ የሚጋሩ የፖለቲካ ሳይንስ ምሁራን ስጋቶችን አስቀርቶ፣ ተስፋውን ለማለምለም ሀገሪቱ ሁሉንም የፖለቲካ ተዋንያን፣ የሲቪል ማህበረሰብ ተቋማት እና የተለያዩ የማህበረሰብ ክፍሎች ተወካዮችን ያሳተፈ ብሔራዊ የምክክር ጉባኤ ማካሄድ ያስፈልጋታል ይላሉ፡፡ የፖለቲካ ሀይሎችስ በዚህ ጉዳይ ላይ ምን ይላሉ? ሲል የኔነህ ሲሳይ ለዛሬ 3 የፖለቲካ ድርጅቶችን ጠይቆ ይህን አሰናድቷል፡፡

አስተያየት ይፃፉ (0 አስተያየት)

ጥር 29፣2012/ የፌደራሉ ዐቃቤ ሕግ የህግ የበላይነትን የማስከበር ተልዕኮ በክልል መንግስታት መልካም ፈቃድ ላይ የተንጠለጠለ ነውን?

በሳምንቱ መጀመሪያ የፌደራሉ ጠቅላይ ዐቃቤ ሕግ ለሕዝብ እንደራሴዎች ምክር ቤት የስድስት ወር የስራ አፈፃፀም ሪፖርቱን አቅርቦ ነበር፡፡ በዚሁ ጊዜ በተለያዩ ክልሎች የሚገኙ ከአንድ ሺህ በላይ የወንጀል ተጠርጣሪዎችን ሕግ ፊት ማቅረብ አልቻልኩም የዚህም ምክንያቱ ክልሎቹ ስላልተባበሩኝ ነው ብሏል፡፡ ለመሆኑ የፌደራሉ ዐቃቤ ሕግ የህግ የበላይነትን የማስከበር ተልዕኮ በክልል መንግስታት መልካም ፈቃድ ላይ የተንጠለጠለ ነውን  ስትል ትዕግስት ዘሪሁን የህግ ባለሙያዎችን ጠይቃ ይህን አሰናድታለች፡፡
አስተያየት ይፃፉ (0 አስተያየት)

ጥር 29፣ 2012/ በባህርና በሎጅስቲክስ ሥርዓት በኩል ኢትዮጵያ የምትሰቃይበትን ችግር ይፈታል የተባለ መሪ እቅድ በረቂቅ ደረጃ ተሰናድቷል

በባህርና በሎጅስቲክስ ሥርዓት በኩል ኢትዮጵያ የምትሰቃይበትን ችግር ይፈታል የተባለ መሪ እቅድ በረቂቅ ደረጃ ተሰናድቷል፡፡ረቂቁን ያገባኛል ባዮች በጋራ ተወያይተው ሀሳብም እያዋጡበት ነው፡፡
ሕይወት ፍሬስብሃት
አስተያየት ይፃፉ (0 አስተያየት)

ጥር 29፣ 2012/ መገናኛ ብዙሃን በሚያቀርቧቸው ዝግጅቶች የብሔርን ጉዳይ ባልተገባ መንገድ እንዲራገብ ከማድረግ መቆጠብ ይኖርባቸዋል

መገናኛ ብዙሃን በሚያቀርቧቸው ዝግጅቶች የብሔርን ጉዳይ ባልተገባ መንገድ እንዲራገብ ከማድረግ መቆጠብ ይኖርባቸዋል፡፡ በተለይ ደግሞ እንደእኛ ወደ ምርጫ የሚንደረደር አገር ላይ ብሔር ተኮር ጉዳይ ሲዘገብ ውጤቱ አሉታዊ ስለሚሆን መገናኛ ብዙሃን በከፍተኛ ጥንቃቄ መከወን አለባቸው፡፡ ተህቦ ንጉሴ በዚህ ጉዳይ ላይ የባህር ዳር ዩኒቨርሲቲ የጋዜጠኝነትና ተግባቦት ትምህርት ክፍል መምህርን አነጋግሯል፡፡

አስተያየት ይፃፉ (0 አስተያየት)

ጥር 29፣ 2012/ በዓለም አቀፍ የቡና ገበያ ኢትዮጵያ ያላት ድርሻ ከ20 በመቶ እንደማይበልጥ ተነገረ

በአንፃሩ የኬንያ ድርሻ ከ40 በመቶ በላይ ነው ተብሏል፡፡እንዲህ ሲባል የሰማነው በዛሬው ዕለት ለሁለተኛ ቀን እየተካሄደ በሚገኘው የቡና ኤግዚቢሽንና ጉባኤ ላይ ነው፡፡በዝግጅቱ ላይ በኢትዮጵያ ቡናን ወደ ውጪ መላክ ምን ፈተናዎችና ምን መልካም አጋጣሚዎች አሉት በሚል እየተመከረበት ነው፡፡እንዲሁም እንዴት የኢትዮጵያን ቡና በዓለም ገበያ ቀዳሚ ማድረግ እንችላለን በሚሉ ርዕሶች ዙሪያ ጥናቶች ቀርበዋል፡፡

በዚሁ ጉባኤ ላይ፣ ኢትዮጵያ ከሌሎች አገራት በቡና ንግድም ዝቅተኛ የውጪ ምንዛሬ የምታስገባ አገር መሆኗ ተነግሯል፡፡በዓለም ገበያ ያላትን ድርሻ ከ20 በመቶ እንደማይበልጥ ጥናት አቅራቢው አቶ አዳሙ ኢማም ተናግረዋል፡፡የኢትዮጵያ ልዩ ቡና በዓለም ገበያ ውስጥ ድርሻ ላለማግኘቱ ከተጠቀሱት ምክንያቶች መካከል የኢትዮጵያ ቡና ማረጋገጫ ወረቀት አለመገኘቱ፣ ከመንግስት ህግና ደንብ ጋር የተያያዙ ችግሮች፣ የክልሎች ሰላምና ፀጥታ አለመጠበቅ፣ ከአዲስ አበባ ጅቡቲ ያለው መንገድ ላይ የሚፈፀሙ ስርቆቶች፣ የክፍያና የባንክ ሥርዓቶች አለመስተካከል እንዲሁም የዓለም የቡና ዋጋ መዋዠቅ ዋና ዋናዎቹ ናቸውም ተብለዋል፡፡

እነዚህን ችግሮች አስተካክሎ ጥሩ የውጪ የቡና ንግድ እንዲኖረን በገበያ ውስጥ ተወዳዳሪ ሆኖ መገኘት፣ በቡና ገበያ አስተዳደርና ተያያዥ ጉዳዎች ዙሪያ ለቡና ላኪዎች በቂ ስልጠና ያስፈልጋልም ሲሉ ምክራቸውን ለግሰዋል፡፡ሌላው ኢትዮጵያ እንዴት የዓለም የቡና ገበያ መሪ መሆን ትችላለች በሚል ርዕስ ጥናታቸውን ያቀረቡት አቶ አሸናፊ አርጋው በበኩላቸው ኢትዮጵያ በተፈጥሯዊ ቡናዋ ብቻ መሪ የመሆን አቅም እንዳላት ማረጋገጥ ችላለች ብለዋል፡፡

የተሰባጠሩ የቡና ዓይነቶችንና ስያሜዎችን በመጠቀም ፈጠራ በታከለበት መንገድ የቡና ጣዕምን ማውጣት ከባህላዊ አሰራር በመውጣት ሳይንሳዊ መንገዶችን ወደመጠቀም በመሸጋገር እንዲሁም ቴክኖሎጂዎችን ተግባራዊ በማድረግ በቡና ገበያው መሪ መሆን እንችላለንም ብለዋል አቶ አሸናፊ፡፡ከዚህም በተጨማሪ ጥራት ላይ ትኩረት አድርጎ መስራት ያስፈልጋል ያሉት ጥናት አቅራቢው የአስተሻሸግ፣ የአርማ አጠቃቀም፣ በመገናኛ ብዙሃን፣ በማህበራዊ ድረገፆች በሚደረጉ የማስተዋወቅ ስራዎች በስፋት ቀዳሚ መሆን ያስፈልጋልም ሲሉ ተናግረዋል፡፡

ቴዎድሮስ ብርሃኑ
አስተያየት ይፃፉ (0 አስተያየት)

ጥር 29፣ 2012/ ጠቅላይ ሚኒስትር ዐቢይ አህመድ ከ2 ቀናት በኋላ የሚካሄደውን 33ኛውን የአፍሪካ ህብረት የመሪዎች ጉባኤ በተመለከተ ለሀገሪቱ ህዝብ እና በዚሁ ስራ ውስጥ ለሚሳተፉ በሙሉ መልዕክት አስተላልፈዋል

ጠቅላይ ሚኒስትሩ በዓለም ሦስተኛዋ የዲፕሎማሲ ማዕከል እና የህብረቱ መቀመጫ የሆነችው አዲስ አበባም ለጉባኤው የሚመጡትን እንግዶች ለመቀበልም ሽር ጉዷን አጠናቅቃ የቀደመ ዝግጅት አድርጋለች ብለዋል፡፡ከመሪዎቹ ጉባኤ በፊት የሚደረገው የህብረቱ የስራ አስፈፃሚ ስብሰባም በሰላም እየተካሄደ እንደሆነ በፌስቡክ ገፃቸው ፅፈዋል፡፡

ጠቅላይ ሚኒስትሩ ይኸው 33ኛው የአፍሪካ ህብረት የመሪዎች ጉባኤ የተሳካ እንዲሆንም አዲስ አበቤዎች እንግዳ ተቀባይነታችሁን አሳዩ ብለዋችኋል፡፡በዚሁ የአፍሪካ ህብረት የመሪዎች ጉባኤ መንገድ ቢዘጋም ለእንግዶቹ ክብር ነው እና ትዕግስት አድርጉ ማለታቸውን አንብበናል፡፡በመንገድ ላይ የምታሳልፉ የፀጥታ ሀይሎች፣ ፖሊሶች፣ በሆቴል ንግድ ስራም የተሳተፋችሁ በሙሉ እንዲሁም በሌላ ምድብ የተሰማራችሁ ማለፍያ ምግባር እንድታሳዩም ጠቅላይ ሚኒስትሩ ጥሪ አድርገዋል፡፡

ተህቦ ንጉሤ
አስተያየት ይፃፉ (0 አስተያየት)
Sheger 102.1 AudioNow Numbers