• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 28፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ባህልና ቱሪዝም ቢሮ ቅርሶችን ለማደስና ለመንከባከቢያ ይሁን ብሎ 30 ሚሊዮን ብር መድቧል፤ ከሚታደሱት ውስጥም የቴዎድሮስ አደባባይና የዳግማዊ ሚኒልክ ሀውልት ይገኝበታል፡፡ (ምሥክር አወል)
  • በእናቶች ጤና ላይ በተለይ በፌስቱላ ላይ የሚሰራው የሐምሊን ፌስቱላ ኢትዮጵያ የልዩ ሥልጠና ፕሮግራም ማዘጋጀቱን ተናገረ፡፡ (መሠረት በዙ)
  • ባለፈው ዓመት የልማት ተነሺዎች የካሳ ክፍያ በ14 በመቶ ከፍ ብሎ ነበር፤ በተሻሻለው ዋጋ መሠረትም የ1 መኖሪያ ቤት ዝቅተኛ ዋጋ 144 ሺህ ብር ነው፡፡ በዚህ ዓመትም ለልማት ተነሺዋች ለመኖሪያ ቤትና ለሰብል የሚሰጠው ክፍያ ይሻሻላል ተብሏል፡፡ (ትዕግሥት ዘሪሁን)
  • በኢትዮጵያ ዓለም አቀፍ የንግድ ትርዒት ሊካሄድ ነው፡፡ (ንጋቱ ረጋሣ)
  • በወቅታዊ የአየር ሁኔታ በደጋማ አካባቢ ቅዝቃዜው ሊያይል ይችላል ተባለ፡፡ (ንጋቱ ሙሉ)
  • በአዲስ አበባ አንበሳ አውቶብስ ተቃጥሎ ጉዳት ደረሰበት፡፡ (ወንድሙ ኃይሉ)
  • የኢትዮጵያ ዲያስፖራ ማኅበር በመካከለኛው ምሥራቅ የሚገኙ ኢትዮጵያውያን ያለባቸው ችግር እንዲቃለል ከውጭ ጉዳይ ሚኒስቴር ጋር እየተመካከርኩ ነው አለ፡፡ (ትዕግሥት ዘሪሁን)
  • በአፍሪካ በአጉል እምነቶች በአካል ጉዳትና በሌሎችም ምክንያት ህፃናት ላይ የሚደርሱ ወንጀሎችና የመብት ጥሰቶች በርክተዋል ተባለ፡፡ (ምህረት ስዩም)
አስተያየት ይፃፉ (0 አስተያየት)

ሸገር ልዩ ወሬ፣ “በዚህ አይነት ስሞት ገነት የምገባ አይመስለኝም”

4 ሆስፒታሎች ሞተዋል ካሏቸው በኋላ ከሞት የተመለሱት ወ/ሮ ሉሊት አሰፋ…

የሸገር ልዩ ወሬ አዘጋጁ ወንድሙ ኃይሉ ያነጋገራቸው ወ/ሮ ሉሊት የ4 ልጆች እናት ናቸው፡፡ ወ/ሮ ሉሊት 4 ሆስፒታሎች ሞታለች ብለው ደምድመው የቀብር ሥነ ስርዓታቸው ሊፈፀም በዝግጅት ላይ ሳለ ነበር ዳግም ሕይወት የዘሩት፡፡በሞታቸው ወቅት ያዩትን አንስተው ሲናገሩ እንዲህ ይላሉ፣ “በግራና በቀኝ የባህር ዛፍ ደን ባለበት ቀጭን መንገድ የማላያቸው ሰዎች እየገፉ ሲወስዱኝ ይታየኛል፡፡ ከዛም ከአንድ የፍሎረሰንት መብራት የበራበት ከመሰለ ብርሃናማ ተራራ አጠገብ ስደርስ “ይህቺን አምጡ ማን አላችሁ” የሚል ድምፅ ተሰማ፡፡ ከዚያም ሰዎቹ እጅና እግሬን ይዘው ወደ መሬት ሲወረውሩኝ ጮኬ ነቃሁ”

ወ/ሮ ሉሊት ከዛን ጊዜ አንስቶ በየቀኑ ሐጢያት መስራት አለመስራታቸውን ለማረጋገጥ ድርጊታቸውን የሚመዘግቡበት ደብተር አዘጋጅተዋል፡፡ እናም የ30 ቀን ድርጊቶቻቸውን መዝገበው “ከ30ው ቀን ያለሐጢያት ውሸት ሳልናገር የዋልኩት ከ30ው ቀን ሁለቱን ብቻ ነው፡፡ 28ቱን ቀን ‘ኤክስ ነኝ’፡፡ ሁለቱንም ቀን ‘ራይት’ የሆንኩት ተኝቼ ውዬ ሳይሆን አይቀርም፡፡ በዚህ አይነት ስሞት ገነት የምገባ አይመስለኝም” ይላሉ፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



አስተያየት ይፃፉ (0 አስተያየት)

አትሌት ኃይሌ ገብረስላሴ ይናገራል

ኃይሌ ይናገራል

የኢትዮጵያ አትሌቲክስ ፌድሬሽን ፕሬዝዳንት ሆኖ የተመረጠው አትሌት ኃይሌ ገብረስላሴ በሥልጣን ዘመኑ ምን ሊያከናውን እንዳሰበ እና ሌሎች በእሱ ዙሪያ የተነሱ ጉዳዮችን አንስቶ የሸገሩ አስፋው ስለሺ ላቀረበለት ጥያቄ ምላሽ ሰጥቷል፡፡

እንዲያዳምጡ ጋብዘናል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በኢትዮጵያ በተደጋጋሚ መውለድ እና በኑሮ ጫና የማህፀን ችግር የገጠማቸው እናቶች ከ250 ሺህ በላይ ይሆናሉ ተባለ

በኢትዮጵያ ከ250 ሺህ በላይ የሚሆኑ ሴቶች በተደጋጋሚ ወሊድ እና በከባድ ሥራ ሳቢያ ማህፀናቸው የተፈጥሮ ቦታውን ለቆ ችግር ውስጥ መሆናቸውን በጥናት ደርሼበታለሁ ሲል የሀምሊን ፌስቱላ ኢትዮጵያ ተናገረ፡፡በኑሮ ውጣ ወረድ ውስጥ ከአቅማቸው በላይ ከባደ ሥራ የሰሩ ሴቶችና ብዙ ልጅ የወለዱ እድሜያቸው ሲገፋ በዚህ ችግር ውስጥ ይወድቃሉ ሲሉ የሀምሊን ፌስቱላ ኢትዮጵያ ሜዲካል ዳይሬክተር ዶክተር ፍቃደ አየናቸው ለሸገር ተናግረዋል፡፡

የሀምሊን ፌስቱላ ኢትዮጵያ ባደረገው ጥናት ከ250 ሺህ በላይ በማህፀን መዛነፍ ችግር ውስጥ መሆናቸውን መለየቱን የሚናገረቱ ዶክተር ፍቃደ ወደ ህክምና ያልሄዱ ነገር ግን በችግር ውስጥ ያሉ ቁጥራቸው ከዚህም ይልቃል ብለዋል፡፡ከሰው ርቀው ጓዳ የተቀመጡ የፌስቱላ ታማሚዎችን ቤት ለቤት ለማሰስ ከሀገር አቀፍ የፖሊዬ ዘመቻ ጋር በጥምረት በተሰራ ሥራ የፌስቱላ ህመም ገጥሟቸዋል ተብለው ሲመረመሩ ግን የማህፀን መውጣት ሆኖ ተገኝቷል ተብሏል፡፡

መሰረት በዙ

አስተያየት ይፃፉ (0 አስተያየት)

ኢትዮጵያ ከውጪ ሀገር እየገዛች የምታስገባውን ጥጥ ለማስቀረት እና የውጪ ምንዛሬን ለማዳን ያስችላል በማለት 70 ሺህ ሄክታር መሬቷ በጥጥ ዘር ተሸፈነ ተባለ

ኢትዮጵያ ከውጪ ሀገር እየገዛች የምታስገባውን ጥጥ ለማስቀረት እና የውጪ ምንዛሬን ለማዳን ያስችላል በማለት 70 ሺህ ሄክታር መሬቷ በጥጥ ዘር ተሸፈነ ተባለ፡፡ዘንድሮ ከ50 ሺህ ቶን ያህል ምርት ይጠበቃል፡፡የጨርቃ ጨርቅ ኢንዱስትሪ ልማት የህዝብ ግንኙነት ባለሙያ አቶ ባራቲሁን ገሰሰ ለሸገር ሲናገሩ በጥጥ ዘር የተሸፈነው መሬት በደቡብ ኦሞ፣ በአፋር፣ በመተማ፣ በጋምቤላ እና በቤንሻንጉል ጉምዝ የሚገኝ ነው ብለዋል፡፡

ከኢትዮጵያ ምድር ይሰበሰባል የተባለው ይሄው ጥጥ ከ142 በላይ ለሆኑ የሀገር ውስጥ የጨርቃ ጨርቅ ማምረቻዎች ይከፋፈላል ያሉት አቶ ባንቲሁን ምርቱን ለውጩ ገበያ ለማቅረብም እንዲቻል ለጥጥ የተመቸ 3 ሚሊዮን ሄክታር መሬት አለ አልሚዎች ወደሥራው እንግባ ካላችሁ የባንክ ብድር እና የወጪ ገበያ ዕድል በመንግሥት ይመቻችላችኋል ሲሉም ተናግረዋል፡፡

አሁን በጥጥ እርሻ ላይ 96 አልሚዎች ተሰማርተዋል ተብሏል፡፡

ወንድሙ ኃይሉ
አስተያየት ይፃፉ (0 አስተያየት)

ጥቅምት 24፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የሆቴሎችና መዝናኛዎች ግንባታና አገልግሎት ከአካባቢ ጥበቃ ጋር የተስማማ እንዲሆን ተጠየቀ፡፡ የመስኩ ግንባታና አገልግሎት የወደፊቱን አሳሳቢ ሁኔታ ከግምት ማስገባት ያሻል ተብሏል፡፡ (ምስክር አወል)
  • የኢትዮጵያ ስምጥ ሸለቆ ያመቀው ከፍተኛ እንፋሎት 10 ሺ ሜጋ ዋት ኤሌክትሪክ እንደሚያመነጭ ቢታወቅም እስካሁን ግን ጠብ ያለ ነገር የለም፡፡ (ዮሐንስ የኋላወርቅ)
  • የሁለገብ የስልጠናና የሥራ ፈጠራ ማዕከል አዲስ አበባን ለማፅዳት የጀመርኩት ተንቀሣቃሽ የማስታወቂያ አገልግሎት ስኬታማ አድርጐኛል አለ፡፡ የከተዋን ፅዳት የሚቀንሱና በየጥጋ ጥጉ የሚለጠፉ ማስታወቂያዎች ብዛት ቢቀንስም ችግሩን ሙሉ ለሙሉ ለማስወገድ ከደንብ አስከባሪዎች ጋር በትብብር እየሰራሁ ነው ብሏል፡፡ (አስፋው ስለሺ)
  • በሰሜን ብሔራዊ ፓርክ ክልል ውስጥ የቆዩ በመቶዎች የሚቆጠሩ ቤተሰቦች በሌላ አካባቢ እንዲሰፍሩ ተደረገ፡፡ (ወንድሙ ኃይሉ)
  • በኢትዮጵያ የተለያዩ አካባቢዎች ወፍ ዘራሽ የሰብል ዝርያዎች እየተሰበሰቡ ነው፡፡ (ወንድሙ ኃይሉ)
  • ሁለት የግል ሆስፒታሎች በመስኩ ተባብረው ለመሥራት ተስማሙ፡፡ (ወንድሙ ኃይሉ)
  • በኢትዮጵያ በተደጋጋሚ መውለድ እና በኑሮ ጫና የማህፀን ችግር የገጠማቸው እናቶች ከ250 ሺህ በላይ ይሆናሉ ተባለ፡፡ (መሠረት በዙ)
  • ስምንት የኢትዮጵያ ትልልቅ ከተሞች የኤሌክትሪክ ማሻሻያ ሥራ ሊከናወንላቸው ነው፡፡ (ትዕግስት ዘሪሁን)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ጥቅምት 22፣2009

ክፍል አስር አንድ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



በለዛ ብርሀኑ ድጋፌ ከነርስ/የስነ ምግብ እና የምግብ ሳይንስ ባለሙያው አቶ አንለይ ተፈራ ጋር
አስተያየት ይፃፉ (0 አስተያየት)

የሥራ ባለደረባውን ለመግደል የሞከረው የፖሊስ አባል ቅጣት ተጣለበት፡፡

የሥራ ባለደረባውን ለመግደል የሞከረው የፖሊስ አባል ቅጣት ተጣለበት፡፡ምክትል ሳጅን አሰፋ ጅራኔ ጥቅምት 18 ቀን 2007 ከምሽቱ 4 ሰዓት ግድም ረዳት ሳጅን መንግሥቱ አብዲን ከተረኛ ፖሊስ ጠመንጃ ነጥቆ ለመግደል በመሞከሩ ክስ ተመስርቶበታል፡፡ካራቆሬ ፖሊስ ጣቢያ ቅጥር ግቢ ውስጥ በተፈጠረ የሥራ  ግጭት ተከሳሽ ምክትል ሳጅን አሰፋ ጅራኔ የተረኛ ፖሊሱን አባል ክላሺንኮቭ ጠመንጃ ቀምቶና አቀባብሎ ረዳት ሳጅን መንግሥቱን ለመግደል ሲፈልግ እንደነበር የክስ መዝገቡ ያስረዳል፡፡

ከዚህም ሌላ ተከሳሹ የግል ተበዳዩን በቦክስ መትቶ ህመም እንዲሰማው ማድረጉም ተጨማሪ ክስ ሆኖ ቀርቦበታል፡፡በአቃቤ ህግ የክስ መዝገብ ላይ መረዳት እንደሚቻለው ግድያው እንዳይፈፀም ያደረገው ሌላ የፖሊስ አባል ጠመንጃውን ስለቀማው ነው፡፡ተከሳሹ በቦክስ መምታቱን አምኖ ነገር ግን የግድያ ሙከራ አለማድረጉን ለፖሊስ በሰጠው ቃል አስረድቷል፡፡

ተጨማሪ ያንብቡ...

አስተያየት ይፃፉ (0 አስተያየት)

የሥራ ባለደረባውን ለመግደል የሞከረው የፖሊስ አባል ቅጣት ተጣለበት

የሥራ ባለደረባውን ለመግደል የሞከረው የፖሊስ አባል ቅጣት ተጣለበት፡፡ምክትል ሳጅን አሰፋ ጅራኔ ጥቅምት 18 ቀን 2007 ከምሽቱ 4 ሰዓት ግድም ረዳት ሳጅን መንግሥቱ አብዲን ከተረኛ ፖሊስ ጠመንጃ ነጥቆ ለመግደል በመሞከሩ ክስ መስርቶበታል፡፡

ካራቆሬ ፖሊስ ጣቢያ ቅጥር ግቢ ውስጥ በተፈጠረ የሥራ  ግጭት ተከሳሽ ምክትል ሳጅን አሰፋ ጅራኔ የተረኛ ፖሊሱን አባል ክላሺንኮቭ ጠመንጃ ቀምቶና አቀባብሎ ረዳት ሳጅን መንግሥቱን ለመግደል ሲፈልግ እንደነበር የክስ መዝገቡ ያስረዳል፡፡ከዚህም ሌላ ተከሳሹ የግል ተበዳዩን በቦክስ መትቶ ህመም እንዲሰማው ማድረጉም ተጨማሪ ክስ ሆኖ ቀርቦበታል፡፡

በአቃቤ ህግ የክስ መዝገብ ላይ መረዳት እንደሚቻለው ግድያው እንዳይፈፀም ያደረገው ሌላ የፖሊስ አባል ጠመንጃውን ስለቀማው ነው፡፡ተከሳሹ በቦክስ መምታቱን አምኖ ነገር ግን የግድያ ሙከራ አለማድረጉን ለፖሊስ በሰጠው ቃል አስረድቷል፡፡

ተጨማሪ ያንብቡ...

አስተያየት ይፃፉ (0 አስተያየት)

የአዲስ አበባ ከተማ አስተዳደር በመርካቶ አካባቢ የመኪና ማቆሚያ መገንቢያ ቦታ አዘጋጀሁ አለ

የአዲስ አበባ ከተማ አስተዳደር በመርካቶ አካባቢ የመኪና ማቆሚያ መገንቢያ ቦታ አዘጋጀሁ አለ፡፡የመሬት ልማት ማኔጅመንት ቢሮ ያዘጋጀሁትን የመኪና ማቆሚያ ቦታም ለሚመለከተው አስተላለፊያለው ብሏል፡፡ ቦታው በአሜሪካን ግቢ መልሶ ማልማት የተገኘ ነው መባሉን ሰምተናል፡፡

አጠቃላይም የመሬቱ ስፋት 3 ሺ 920 ካሬ ሜትር እንደሆነ በመሬት ልማት ማኔጅመንት ቢሮ የኮሙኒኬሽን የሥራ ሂደት መሪ አቶ ንጉስ ተሾመ ለሸገር ተናግረዋል፡፡የአዲስ አበባ ትራንስፖርት ባለሥልጣን መሬቱን ተረክቧል ያሉት አቶ ንጉስ በአሜሪካ ግቢ መልሶ ማልማት የተለያዩ መሬቶች ተዘጋጅተዋልም ብለውናል፡፡

የአሜሪካ ግቢ የመሬቱ አጠቃላይ ስፋት 16 ሄክታር መሆኑንም ሰምተናል፡፡

ተህቦ ንጉሴ

አስተያየት ይፃፉ (0 አስተያየት)

የዩኒቨርስቲ ፕሬዝዳንቶችን አሿሿም ነባር ሂደት በአዲስ ይቀይራል የተባለ የጥናት ሰነድ በትምህርት ሚኒስትር መሰናዳቱን ሠማን

ሰነዱ የዩኒቨርስቲ ፕሬዝዳንቶች ሹመት በውድድርና በሚሰሩት ሥራ ተገማችነት እንዲሆን ሃሣብ ቀርቦበታል ተብሏል፡፡የትምህርት ሚኒስትር የዩኒቨርስቲ ፕሬዝዳንት ሆነው ለመሾም ዕጩ ሆነው የቀረቡ ሊያሟላቸው ስለሚገባቸው መስፈርቶች ዝርዝር የያዘውን ሰነድ ለክልሎች ልኳል ሲሉ የነገሩን የከፍተኛ ትምህርት ዘርፍ ሚኒስትር ዴኤታው ዶክተር ካባ ዑርጌሣ ናቸው፡፡

ክልሎች የቀረበላቸውን ሰነድ ተችተውና የራሳቸውን ሃሣብ አጠቃለው ለትምህርት ሚኒስትር እስኪመልሱ እየተጠበቁ መሆኑንም ሰምተናል፡፡ከዚህ በፊት በነበረው አሰራር የዩኒቨርስቲ ፕሬዝዳንቶች ሹመትን የተመለከቱ ከምሁራን የሚሰነዘሩ ወቀሳዎች ከመኖራቸው በተጨማሪ የትምህርት ሚኒስትር በፕሬዝዳንቶቹ የቋንቋና የብሔር መስፈርትነት ወቀሳ እንደበረታበት ተናግሮም ነበር፡፡

የዩኒቨርስቲ ፕሬዝዳንቶችን የአሿሿም ሂደት ይቀይረዋል የተባለው ሰነድ ሙሉ በሙሉ ተቀባይነት ካገኘ፣ ለዕጩነት የቀረቡ ተሿሚዎች ዩኒቨርስቲዎቻቸውን ከየት ወዴት እንደሚያደርሱት የሚያሣዩበትን የሥራ እቅድ ማቅረብ ቀዳሚ መመዘኛ  ይሆናል ተብሏል፡፡

ሕይወት ፍሬስብሃት

አስተያየት ይፃፉ (0 አስተያየት)
Sheger 102.1 AudioNow Numbers