• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በውስጡ ባለው ከፍተኛ ፍሎራይድ ምክንያት ለመጠጥነት እንዳይውል ያልኩት ውሃ ገና በጉድጓድ ያለ እንጂ በቧንቧ መሰራጨት የጀመረ አይደለም ሲል የአዲስ አበባ ውሃና ፍሳሽ ባለሥልጣን ተናገረ

በውስጡ ባለው ከፍተኛ ፍሎራይድ ምክንያት ለመጠጥነት እንዳይውል ያልኩት ውሃ ገና በጉድጓድ ያለ እንጂ በቧንቧ መሰራጨት የጀመረ አይደለም ሲል የአዲስ አበባ ውሃና ፍሳሽ ባለሥልጣን ተናገረ፡፡የአዲስ አበባን የውሃ አቅርቦት እንዲያቃልሉ በከተማዋ የተለያዩ አካባቢዎች ከተቆፈሩ ጥልቅ ጉድጓዶች መካከል አንዱ የሆነው በለገሃር ምድር ባቡር ጣቢያ ውስጥ የተቆፈረው ጥልቅ ጉድጓድ ከፍተኛ ፍሎራይድና ሶዲየም በውሃ ውስጥ በመገኘቱ ውሃው ለመጠጥ አገልግሎት እንዳይውል መደረጉን የባለሥልጣኑ የህዝብ ግንኙነት ኃላፊ አቶ እስጢፋኖስ ብስራት አስታውሰዋል፡፡

ውሃው በውስጡ ባለው ከፍተኛ ፍሎራይድና ሶዲየም ምክንያት ለመጠጥ አገልግሎት ቢውል ለአጥንት መሳሳትና ለጥርስ መበላሸት እንደሚዳርግም ኃላፊው ተናግረዋል፡፡ይሁን እንጂ ውሃው ችግር እንደሚያስከስት ቢነገርም አንዳንድ ሰዎች ውሃውን ለመጠጥ እንደሚጠቀሙት አቶ እስጢፋኖስ ነግረውናል፡፡

ለገሃር ምድር ባቡር ጣቢያ ግቢ ውስጥ ተቆፍሮ በተገኘ ውሃ ምክንያት ውሃውን እንዳትጠቀሙ የሚል ማስጠንቀቂያ በመሰጠቱ የባንቧ ውሃ አትጠጡ ነው ወይ የተባለው የሚል ግርታ የተፈጠረባቸው አድማጮች አሉ ያልናቸው አቶ እሥጢፋኖስ የቧንቧ ውሃን አይመለከትም ብለዋል፡፡በለገሃር ምድር ባቡር ጣቢያ ውስጥ ተቆፍሮ የተገኘውን ውሃ ጥቅም ላይ ለማዋል ሌላ ኬሚካል ያስፈልጋል ያሉት አቶ እሥጢፋኖስ ኬሚካሉ በሃገር ውስጥ ባለመኖሩ ወደፊት ኬሚካሉ ከውጭ ሀገር ሲገዛ ውሃው ጥቅም ላይ ይውላል ብለዋል፡፡

ንጋቱ ሙሉ

አስተያየት ይፃፉ (1 Comment)

ሳማ ሳሌም በተባለው የኩዌት አካባቢ ትኖር የነበረችና ከአሰሪዋ ጥቃት ለማምለጥ ከ7ኛ ፎቅ ላይ ወድቃ ከባድ ጉዳት የደረሰባት ኢትዮጵያዊት አገግማ ዛሬ ሀገር ቤት መድረሷ ተሠማ

ሳማ ሳሌም በተባለው የኩዌት አካባቢ ትኖር የነበረችና ከአሰሪዋ ጥቃት ለማምለጥ ከ7ኛ ፎቅ ላይ ወድቃ ከባድ ጉዳት የደረሰባት ኢትዮጵያዊት አገግማ ዛሬ ሀገር ቤት መድረሷ ተሠማ፡፡ከውጭ ጉዳይ መሥሪያ ቤት እንደሰማነው ከ7ኛ ፎቅ ወድቃ ህይወቷ በተአምር የተረፈው አደሰች ሳዲቅ ለረጅም ጊዜ ሙባረክ አልከቢር በተባለ ሆስፒታል ውስጥ በህክምና ስትረዳ ቆይታለች፡፡በኩዌት ከአሰሪዋ ጥቃት ለማምለጥ ብላ በመስኮት ከ7ኛ ፎቅ ላይ የዘለለችው አደሰች ሳዲቅ በእጅና ጀርባዋ ላይ ከፍተኛ ጉዳት ደርሶባት እንደነበር ተወርቷል፡፡

አደሰች ሳዲቅ በመስኮት ስትዘል አሰሪዋ አደሰችን ከመርዳት ይልቅ በቪዲዮ ትቀርፃት እንደነበርና በዚህ ወንጀሏም ተከሣለች መባሉን ሠምተናል፡፡የውጭ ጉዳይ መሥሪያ ቤት ኃላፊዎች ዛሬ ማለዳ ላይ አደሰች ሳዲቅን እንደተቀበሏት ተነግሯል፡፡ባለፉት ወራት በኩዌት በተለያዩ ወንጀሎች ተከሰው እሥር ቤት የሚገኙ ሰዎች ምህረት እንዲደረግላቸው የኢትዮጵያ መንግሥት በጠየቀው መሠረት የኩዌት ንጉስ በመፍቀዳቸው ጉዳያቸው በሂደት ላይ ነው መባሉንም ሰምተናል፡፡

የኔነህ ሲሳይ

አስተያየት ይፃፉ (0 አስተያየት)

ነሐሴ 15፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከአሰሪዋ ጥቃት ለመሸሽ ብላ ከ7ተኛ ፎቅ ወድቃ የነበረችው ኢትዮጵያዊት ወደ ሀገሯ ገባች፡፡ (የኔነህ ሲሣይ)
  • ለመጠጥ እንዳይውል የተባለው የለገሃር አካባቢ ጥልቅ ጉድጓድ ውሃ በቧንቧ መሰራጨት የጀመረ አይደለም ተባለ፡፡ (ንጋቱ ሙሉ)
  • በአዲስ አበባ ከተማ ከተካሄደው የቀን ገቢ ግብር ትመና ወደ አርባ በመቶ የሚጠጋው ችግር እንዳለበት ጠቅላይ ሚኒስትር ሃይለማርያም ደሣለኝ ተናገሩ፡፡ ነጋዴዎችን አወያያተናል በሚል ሃሰተኛ ሪፖርት በትመናው ዙሪያ በቂ መረጃ ሳይሰጥ እንደቀረም ተረድተናል ብለዋል፡፡ ጠቅላይ ሚኒስትሩ በዚህና በሌሎች ጉዳዮች ዙሪያ ከግሉ ዘርፍ ተወካዮች ጋር ባለፈው ቅዳሜ በሸራተን አዲስ ሆቴል ተወያይተዋል፡፡ (ንጋቱ ረጋሣ)
  • የአዲስ አበባ ውሃና ፍሳሽ ከፍተኛ መስመር ተሰብሮብኝ ጥገና ላይ ነኝ አለ፡፡ (ወንድሙ ኃይሉ)
  • የሀዋሳ ኤርፖርት በ2009 ከ48 ሺ በላይ መንገደኞችን አመላልሷል ተባለ፡፡ ከእነዚህ ውስጥ በርካቶቹ ቱሪስቶች መሆናቸውን አየር መንገዱ ተናግሯል፡፡ (አስፋው ስለሺ)
  • የሌሴቶው ንጉስ ከዛሬ ጀመሮ ኢትዮጵያን ይጎበኛሉ ተባለ፡፡ (ንጋቱ ሙሉ)
  • በተጠናቀቀው የ2009 በጀት ዓመት 27 የበጎ አድራጎት ድርጅቶችና ማኅበራት ተዘግተዋል ተባለ፡፡ (ትዕግሥት ዘሪሁን)
  • የሰሜን ሸዋ ዞን በውስጡ የሚገኙ የቱሪዝም ሀብቶች ከምንጊዜውም በላይ እንዲታወቁልን እሠሰራለሁ ብሏል፡፡ (ምሥክር አወል)
  • ዘንድሮ 173 ሺ ከረጢት ደም ከለጋሾች ተሰብስቧል ተባለ፡፡ (ወንድሙ ኃይሉ)
አስተያየት ይፃፉ (0 አስተያየት)

ከእንግዲህ በኋላ የተሰሩ መንገዶችና ሌሎች የመሠረተ ልማቶች በተሰሩበት ቅፅበት ባለመናበብ ምክንያት የሚፈርሱበት ምክንያት አይኖርም ተባለ

ከእንግዲህ በኋላ የተሰሩ መንገዶችና ሌሎች የመሠረተ ልማቶች በተሰሩበት ቅፅበት ባለመናበብ ምክንያት የሚፈርሱበት ምክንያት አይኖርም ተባለ፡፡ይህን ያሉት በአዲስ አበባ ከተማ ምክር ቤት በቅርቡ ውሃን፣ ቴሌን፣ መብራትንና መንገዶችን ተናበው እንዲሰሩ የሀገርንና የህዝብን ገንዘብ በግዴለሽነት እንዳያባክኑ የተቋቋመው የግንባታ ፈቃድና ቁጥጥር ባለሥልጣን ምክትል ሥራ አስኪያጅ አቶ ኃይሉ ወልደሥላሴ ናቸው፡፡አቶ ኃይሉ አደረጃጀትና መመሪያ ከወጡለት በኋላ በቀጣይ ዓመት እየተናበቡ እንዲሰሩ ይደረጋል ብለዋል፡፡

አንዳንድ የመሠረተ ልማት ግንባታዎችና ገንቢዎች በፌዴራሉ መንግሥት ሥር ያሉ ናቸው ያሉት አቶ ኃይሉ ከከተማ መስተዳድሩ ጋር ተቀናጅተው የሚሰሩበትን መንገድ እናጤነዋለን ብለዋል፡፡በተለያዩ የወሬ ጊዜያችን በሰራናቸው ወሬዎች አንዱ የሰራውን ሥራ አጠናቆ እቃውን ሳይሰበስብ ሌላኛው እየቆፈረው ይህም ነዋሪዎችን ለአካል ጉዳት፣ ለትራንስፖርት እጥረት፣ ለውሃ፣ ለመብራትና ለተለያዩ አገልግሎቶች ችግር ሲያጋልጡት መክረማቸውን አውርተናል፡፡

እንደ አዲሱ ባለሥልጣን መሥሪያ ቤት ምክትል ኃላፊ ከእንግዲህ ካለፈቃድ በየፊናቸው ያ አይደረግም ተብሏል፡፡በተለይ መብራት፣ ውሃ፣ መንገድና ቴሌ አንዱ የሰራውን ሌላኛው ሲያፈርሰውና ሀገርን ለሌላ ወጪ ሲዳርግ ተመልክተናል፡፡አሁን ግን ፈቃድ ወስደው ሲፀድቅላቸው ቁጥጥር ተደርጎባቸው ይተገበራሉ አሁን ባይፀድቅም በአዋጅ ደረጃ አለ ብለዋል ምክትል ኃላፊው አቶ ኃይሉ፡፡

ለእግረኛ ትኩረት የሚሰጥ ሰፋፊ የልማት ሥራዎችን ያካተተ መዋቅራዊ ፕላን መዘጋጀቱን የተናገሩት ምክትል ኃላፊው እነዚህ ተቋማት ተናበው፣ ተግባብተው እንዲሰሩ በማስፈለጉ ባለሥልጣኑ መቋቋሙን ለሸገር ተናግረዋል፡፡

ምሥክር አወል

አስተያየት ይፃፉ (0 አስተያየት)

የቻይና ኤግዚም ባንክ የሰሜን አዲስ አበባን የውሃ ችግር ለመቀነስ እንዲቻል የገንዘብ ብድር ሰጠ ተባለ

የቻይና ኤግዚም ባንክ የሰሜን አዲስ አበባን የውሃ ችግር ለመቀነስ እንዲቻል የገንዘብ ብድር ሰጠ ተባለ፡፡ከአዲስ አበባ ውሃና ፍሳሽ ባለሥልጣን የህዝብ ግንኙነት ኃላፊው አቶ እሥጢፋኖስ ብሥራት ዛሬ ለሸገር ሲናገሩ የቻይና ኤግዚም ባንክ የ146 ሚሊየን ዶላር ብድር የሰጠ ሲሆን ገንዘቡ ለገርቢ ግድብ ግንባታ ይውላል ብለዋል፡፡

በሌላ የውሃ ወሬ የኩዬ ፈቼ ቂሊንጦ ፕሮጀክት 50 ሺ ሜትሪክ ኪዩብ ውሃ የሚያመነጭ ሲሆን በታህሣስ 2010 ተጠናቆ ሥራ ይጀምራል፡፡በተለይ ለሰፋፊ የኮንዶሙኒየም ፕሮጀክቶች የውሃ አቅርቦት ይሰጣል ሲሉ አቶ እስጢፋኖስ ነግረውናል፡፡በፈረቃ የሚዳረሰውን የአዲስ አበባ ውሃ አገልግሎት በ2011 ሙሉ ለሙሉ ከፈረቃ ለማውጣትና ሁሌም ለሁሉም ውሃ ለማቅረብ መታሰቡን ከባለሥልጣን መሥሪያ ቤቱ የህዝብ ግንኙነት ኃላፊ ሰምተናል፡፡

ወንድሙ ኃይሉ

አስተያየት ይፃፉ (0 አስተያየት)

ነሐሴ 11፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በህገ-ወጥ የሰዎች አዘዋዋሪዎችና ደላሎች ላይ የሚደረገው ዘመቻ ቀጥሏል ተባለ፡፡ (የኔነህ ሲሣይ)
  • ቀደም ሲል ታውጀው ያተዘጉ እና በከፊል ላልተረጋገጡ ይዞታዎች ወሰን ተካሏል ተባለ፡፡ (ምህረት ስዩም)
  • ኢትዮጵያ የአትክልትና ፍራፍሬ ምርቶቿን ልኬት ስታትስቲክስ የሚያሳይ ጥናታዊ መረጃ እንደሌላት ተነገረ፡፡ (ቴዎድሮስ ብርሃኑ)
  • የኢትዮጵያ አየር መንገድ አዲስ በረራውን ዛሬ ወደ ባህሬን ይጀምራል ተባለ፡፡ (የኔነህ ሲሣይ)
  • ብሔራዊ የደረጃዎች ምክር ቤት ከዘጠኝ መቶ የሚበልጡ የኢትዮጵያ ደረጃዎችን አፀደቀ፡፡ (ንጋቱ ርጋሣ)
  • በአዲስ አበባ የተቋማትን የሥራ መጣጣም የሚከታተል መሥሪያ ቤት በመቋቋሙ ከእንግዲህ አንዱ ሲገነባ ሌላው የሚያፈርስበት አጋጣሚ አይኖርም ተባለ፡፡ (ምሥክር አወል)
  • የቻይናው ኤግዚም ባንክ ለሰሜን አዲስ አበባ የውሃ አቅርቦት ችግር ማቃለያ ለሚከናወን ሥራ የሚውል የ146 ሚሊዮን ዶላር ብድር ሰጠ፡፡ (ወንድሙ ኃይሉ)
  • ሱዳን የሚገኙት ጠቅላይ ሚኒስትር ኃይለማርያም ደሣለኝ የተለያዩ ቦታዎችን መጐብኘታቸው ተነገረ፡፡ (የኔነህ ሲሣይ)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ነሐሴ 9፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በክረምት ዝግ ሆነው የሚቆዩት ፍርድ ቤቶች አስቸኳይ ጉዳዮች ላይ የዳኝነት አገልግሎት ይሰጣሉ ተባለ

በክረምት ዝግ ሆነው የሚቆዩት ፍርድ ቤቶች አስቸኳይ ጉዳዮች ላይ የዳኝነት አገልግሎት ይሰጣሉ ተባለ፡፡የፌዴራሉ ጠቅላይ ፍርድ ቤት እንደተናገረው ፍርድ ቤቶች የዜጎችን መብት የሚጥሱ አስቸኳይ ጉዳዮች ከገጠሙ በክረምቱ በመደበኛ እንዲሁም ተረኛ ችሎቶች የዳኝነት አገልግሎት ይሰጣሉ ብሏል፡፡

በክረምቱ ጊዜ በከፍተኛ፣ ጠቅላይ ፍርድ ቤት እንዲሁም የመጀመሪያ ደረጃ ፍርድ ቤቶች የሚያገለግሉ ዳኞች የረፍት ጊዜያቸው በመሆኑ የዳኝነት አገልግሎት አይኖርም ተብሏል፡፡ነገር ግን የዜጎችን መብት የሚጥሱና በሀገሪቱ ሰላምና ፀጥታ ላይ ለሚገጥሙ አስቸኳይ የፍርድ ጉዳዮች ፍርድ ቤቶቹ በመደበኛ እንዲሁም ተረኛ ችሎቶች ጉዳዮችን ይመለከታሉ ተብሏል፡፡የፌዴራሉ ከፍተኛ ፍርድ ቤት በክረምቱ ጊዜ የሙስና፣ ሽብር፣ ግድያ፣ ታክስ፣ አደንዛዥ ዕፅ፣ ህገ-ወጥ የሰዎች ዝውውርና ሌሎች ከባድ ወንጀሎችን እንደሚመለከት ተናግሯል፡፡

የእጅ ከፍንጅ ወንጀሎች፣ የመያዣና የብርበራ ትዕዛዞች በክረምቱ መደበኛ የዳኝነት ችሎት የሚታዩ ጉዳዮች ሲሆኑ የጊዜ ቀጠሮ፣ የእምነት ቃል መቀበል ትዕዛዝ፣ የፍትሐ-ብሔር ጉዳዮች ከዋስትና ጋር የተያያዙ አቤቱታዎችና የእግድ ጉዳዮች በፌዴራል የመጀመሪያ ደረጃ ፍርድ ቤት በተረኛ ችሎት ይስተናገዳሉ ተብሏል፡፡የህፃናትን ጥቅማ ጥቅምና ደህንነት የሚመለከቱ ጉዳዮችም በሀገሪቱ በሚገኙ በ11 የፌዴራል የመጀመሪያ ደረጃ ፍርድ ቤቶች ምድብ ችሎቶች በክረምቱ ሳይቋረጡ የሚስተናገዱ የዳኝነት ጉዳዮች እንደሆኑ ጠቅላይ ፍርድ ቤቱ ተናግሯል፡፡

በፌዴራል ጠቅላይ ፍርድ ቤት ለሰበር የሚቀርቡ አቤቱታዎች እስከ ነሐሴ 21 ቀን 2009 ዓ.ም የሚስተናገዱ ናቸው ፤ ከዚህ ውጭ ያሉ ባለጉዳዮች ግን እስከ መስከረም 21 ቀን 2010 ዓ.ም የማትስተናገዱ መሆኑን እወቁት ተብላችኋል፡፡

ምህረት ሥዩም
አስተያየት ይፃፉ (0 አስተያየት)

ማዕከላዊ ስታትስቲክስ ኤጀንሲ የ2008 ዓ.ም የሥነ-ሕዝብ ጤና ጥናት ውጤትን ዛሬ ይፋ አድርጓል

ማዕከላዊ ስታትስቲክስ ኤጀንሲ የ2008 ዓ.ም የሥነ-ሕዝብ ጤና ጥናት ውጤትን ዛሬ ይፋ አድርጓል፡፡ ጥናቱ የሀገሪቱን ጤና እና ጤና ነክ ማለትም የውልደት መጠን፣ የጋብቻ፣ የቤተሰብ ምጣኔ፣ ሥነ-ምግብ፣ የህፃናት ሞት፣ የሴት ልጅ ግርዛት፣ ኤች አይ ቪ፣ የአባላዘር በሽታዎችንና ሌሎችንም ያካተተ መሆኑን ማዕከላዊ ስታትስቲክስ ኤጀንሲና የጤና ጥበቃ ሚኒስቴር ዛሬ ጥናቱን በሂልተን ሆቴል ይፋ ሲያደርጉ ተገኝተን ሰምተናል፡፡

በ9 ክልሎችና በሁለት ከተማ መስተዳድሮች በገጠርና ከተማ የሚገኙ እድሜያቸው ከ15-49 ያሉ 15 ሺ 683 ሴቶችና እድሜያቸው ከ15-59 የሆኑ 12 ሺ 688 ወንዶች በተመረጡ 16 ሺ 650 ቤተሰቦች መረጃ መሰብሰቡ ተነግሯል፡፡የኤጀንሲው ዋና ዳይሬክተር አቶ ቢራቱ ይገዙ የሥነ-ሕዝብ ጤና ውጤቱ ለመንግሥት፣ ለጥናት አድራጊዎችና ተመራማሪዎች፣ ለለጋሾች እንዲሁም ለፖሊሲና ስትራቴጂ አውጪዎች ትልቅ ግብዓት ይሆናል ሲሉ እምነታቸውን ተናግረዋል፡፡ተገኙ ከተባሉ የሥነ-ሕዝብና የጤና ጥናት ውጤቶች መካከል በፈረንጆቹ  አቆጣጠር 2000 ላይ 5 ነጥብ 5 ልጅ በአማካይ የነበረው የአንዲት ኢትዮጵያዊ እናት የውልደት መጠን አሁን በጥናቱ ወደ 4 ነጥብ 6 ልጅ በአማካይ ወርዷል ተብሏል፡፡

ተጨማሪ ያንብቡ...

አስተያየት ይፃፉ (0 አስተያየት)

ትናንት አንዲት እናትና ሁለት ልጆቿ የመኪና አደጋ ገጠማቸው

አሳዛኝነው፡፡

ትናንት አንዲት እናትና ሁለት ልጆቿ የመኪና አደጋ ገጠማቸው፡፡

በሰንዳፋ በኬ ከተማ ጂላ ወንዝ ተብሎ በሚጠራው አቅራቢያ አንዲት እናት የ4 ወሯን ህፃን አዝላ የ12 ዓመቷን ልጇን ደግሞ እጇን ይዛ በመጓዝ ላይ ሳለች በቪትስ የቤት አውቶሞቢል ተገጭታ ወደቀች፡፡በአደጋው የታዘለው የ4 ወሩ ጨቅላ ህይወት ወዲያው ሲያልፍ እናቲቱ እና የ12 ዓመቷ ሴት ልጅ ከባድ የአካል ጉዳት አጋጥሟቸው ለህክምና ወደ አዲስ አበባ ተልከዋል ሲሉ የፊንፊኔ ዙሪያ ኦሮሚያ ልዩ ዞን ፖሊስ የመረጃ ባለሙያው ኢንስፔክተር አዲሱ አበራ ለሸገር ተናግረዋል፡፡

በሌላ የአደጋ ወሬ በወልመራ ወረዳ መናገሻ ከተማ ትናንት ከጠዋቱ 1 ሰዓት ከ40 ደቂቃ ከአዲስ አበባ ወደ ሆለታ እየተጓዘ የነበረ ቶዮታ ፒካፕ መኪና ርቀቱን መጠበቅ ባለመቻሉ ከፊት ለፊቱ የነበረን ሲኖ ትራክ ገጭቶ የቶዮታ ፒካፑ ሾፌር ለከባድ የአካል ጉዳት ተዳርጓል ተብሏል፡፡

በዚህ አደጋ 650 ሺ ብር የተገመተ ንብረት መውደሙንም ኢንስፔክተሩ ነግረውናል፡፡

ወንድሙ ኃይሉ
አስተያየት ይፃፉ (0 አስተያየት)

ነሐሴ 9፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በኢትዮጵያ የውልደት መጠኑ እየቀነሰ መሆኑን ማዕከላዊ ስታትስቲክስ ኤጀንሲ እወቁልኝ አለ፡፡ (ምሥክርአወል)
  • የፌዴራሉ ትራንስፖርት ባለሥልጣን በዚህ ዓመት ወደ ሀገር ውስጥ ለገቡ ከ80 ሺ በላይ ተሽከርካሪዎች ፍተሻ በማድረግ ፈቃድ መስጠቱን ተናገረ፡፡ (ምህረትስዩም)
  • ለይፋዊ የሥራ ጉብኝት የኢፌድሪ ጠቅላይ ሚኒስትር ኃይለማርያም ደሣለኝ ወደ ካርቱም መሄዳቸው ተሠማ፡፡ (የኔነህሲሣይ)
  • ከሦስት ሚሊዮን ብር በላይ ግምት ያላቸው ጌጣጌጦች በህገ-ወጥ መንገድ ወደ ሀገር ውስጥ ገብተው ሲጓጓዙ መያዛቸው ተሠማ፡፡ (ንጋቱሙሉ)
  • ከመጋቢት ወር ወዲህ 577 አሽከርካሪዎች በደማቸው ውስጥ መኖር ከሚፈቀደው የአልኮል መጠጥ በላይ ወስደው ሲያሽከረክሩ ተገኝተው መቀጣታቸው ተሠማ፡፡ (ወንድሙኃይሉ)
  • የአይሻ ሁለት የንፋስ ኃይል ማመንጫ በ257 ሚሊየን ዶላር ግንባታው ተጀመረ፡፡ (ዮሐንስየኋላወርቅ)
  • የሚኒስትሮች ምክር ቤት የአራት የመንግሥት የልማት ድርጅቶች ካፒታል እንዲስተካከል ወሰነ፡፡ (ንጋቱረጋሣ)
  • በዚህ ዓመት በአዲስ አበባ መገንባት ከነበረባቸው 84 መንገዶች ግማሾቹ የወሰን ማስከበር ሥራ አላለቀላቸውም፤ ለተገነቡት 42 መንገዶች ግን ከ1 ሺ በላይ ቤቶች ፈርሰዋል ተባለ፡፡ (ትዕግሥትዘሪሁን)
  • ፍርድ ቤቶች በክረምቱ ዝግ ሆነው ቢሰነብቱም አጣዳፊ ጉዳዮች መታየታቸው አይስተጓጐልም ተባለ፡፡ (ምህረትስዩም)
  • ትናንት አንዲት እናትና ሁለት ልጆቿ የመኪና አደጋ ገጠማቸው፡፡ (ወንድሙ ኃይሉ)
አስተያየት ይፃፉ (0 አስተያየት)
Sheger 102.1 AudioNow Numbers