• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኀዳር 14፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ጃፓን ለኢትዮጵያ የእንስሣት መድኃኒት ፋብሪካ ልትገነባላት ነው፡፡ (ወንድሙ ኃይሉ)
  • የህፃናትና ወጣቶች ቴአትር የባህል ቡደን አባላት ኢትዮጵያን በመወከል ወደ ዩናይትድ አረብ ኢምሬትስ ሊጓዙ ነው፡፡ (ፍቅርተ መንገሻ)
  • የባህላዊ ወርቅ አምራቾች በ2009 ዓ.ም መጀመሪያዎቹ ሦስት ወሮች ለብሔራዊ ባንክ ያቀረቡት የወርቅ መጠን ከታቀደው ከግማሽ በታች ያነሰ ነው ተባለ፡፡ (ዮሐንስ የኋላወርቅ)
  • የቆዳ ፋብሪካዎች ያለባቸውን ችግር ለመፍታትና በቆዳ የወጭ ንግድ ለሚታየው ችግር መላ ለመፈለግ ከትላንት በስቲያ የኢንዱስትሪ ሚንስትር ጉዳዩ ከሚያገባቸው ጋር ሲመክር ውሏል፡፡ (ትዕግሥት ዘሪሁን)
  • የኢትዮጵያ አይነ ስውራን ብሔራዊ ማህበር ከስፔን ድጋፍ ተደረገለት፡፡ (ወንድሙ ኃይሉ)
  • የአዲስ አበባ የእሣትና ድንገተኛ አደጋዎች መከላከልና መቆጣጠር ባለሥልጣን በ24 ሰዓት ውስጥ ሁለት አደጋዎች መድረሳቸውን ተናግሯል፡፡ (አስፋው ስለሺ)
  • የኢትዮጵያ ገቢዎችና ጉምሩክ ባለሥልጣን በ2009 ሩብ አመት በህገ-ወጥ መንገድ ከሀገር ቤት የወጡ እና የገቡ ንብረቶች ይዣለሁ አለ፡፡ (ፍቅርተ መንገሻ)
  • የሰብዓዊ መብት ኮሚሽን በቂሊንጦ ማረሚያ ቤት ተነስቶ የነበረውን ቃጠሎ መርምሬ ያገኘሁትን ውጤት ይፋ ከማድረጌ በፊት ከማረሚያ ቤቱ ኃላፊዎች ጋር እነጋገርበታለሁ ብሏል፡፡ (ትዕግሥት ዘሪሁን)
  • በተለያዩ የዓለም ክፍሎች የሚገኙ ጥንታዊ የኢትዮጵያን የሥነ-ፅሁፍ ሀብቶች ለማስመለስ ቢሞከርም ውጤቱ ግን የተሳካ አይደለም ተባለ፡፡ (ወንድሙ ኃይሉ)
  • በኢትዮጵያ የተከሰተው የስንዴ ዋግ በሽታ እስካሁን ግልፅ የሆነ ጉዳት አላደረሰም ተባለ፡፡ (ዮሐንስ የኋላወርቅ)
አስተያየት ይፃፉ (0 አስተያየት)

በኢትዮጵያ የበዙት ሆቴሎች ስራቸውን የሚያከናውኑት በባለሙያ ባለመሆኑ የአገልግሎት አሰጣጣቸው አርኪ አይደለም ተባለ

በኢትዮጵያ የበዙት ሆቴሎች ስራቸውን የሚያከናውኑት በባለሙያ ባለመሆኑ የአገልግሎት አሰጣጣቸው አርኪ አይደለም ተባለ፡፡የሆቴል ባለሙያዎች ማህበር ፕሬዝዳንት የሆኑት አቶ ታደሰ እንዳይላሉ ለሸገር ሲናገሩ ብዛት ያላቸው ባለሙያዎች ከሆቴልና ቱሪዝም ማሰልጠኛዎች እየተመረቁ ቢወጡም የበዙት ሆቴሎች ገንዘብ ለመቆጠብ ሲሉ በሞያው ያልሰለጠኑ ስለሚቀጥሩ ለደንበኞች የሚሰጡት አገልግሎት አርኪ አይለም ብለዋል፡፡

ለባለሙያ የደረጃ መመደቢያ መስፈርት ቢኖርም እየተሰራበት አይደለም ያሉት አቶ ታደሰ ሰሞኑን ከሚመለከታቸው መሥሪያ ቤቶችና የሆቴል ባለንብረቶች ጋር በመነጋገር ችግሩን ለመቅረፍ ኃሣብ አለን ሲሉም ተናግረዋል፡፡ሥልጠና ለሚያስፈልጋቸው የሆቴል አገልግሎት ሰጪዎችም ይህንኑ ለማመቻቸት ጥረት እያደረግን ነው ሲሉ አቶ ታደሰ ነግረውናል፡፡

ወንድሙ ኃይሉ
አስተያየት ይፃፉ (0 አስተያየት)

በዘመናዊ ቴክኖሎጂ የታገዘ ትምህርት ለመስጠት ይረዳል የተባለው የስኩል ኔት ፕሮግራም ውጤታማ አልሆነም ተባለ

በዘመናዊ ቴክኖሎጂ የታገዘ ትምህርት ለመስጠት ይረዳል የተባለው የስኩል ኔት ፕሮግራም ውጤታማ አልሆነም ተባለ፡፡ባለፈው አመት ሥራ የጀመረውና 168 ሚሊዮን ብር የወጣበት ስኩል ኔት ፕሮግራም 65 የአዲስ አበባ ሁለተኛ ደረጃ ትምህርት ቤቶችን በኔትወርክ ያገናኛል፣ በኤሌክትሪክ ኃይል መቆራረጥ ምክንያት ተማሪዎች ከፕላዝማ ያመለጣቸውን ትምህርት በየትኛውም ጊዜ ደግመው ለመማር ያስችላቸዋል፣ የተለያዩ  አጋዥ መፅሃፎችንም ያገኙበታል የተባለለት ስኩል ኔት ፕሮግራም በተለያየ ምክንያት ውጤታማ እንዳልሆነ የአዲስ አበባ ትምህርት ቢሮ ለሸገር ተናግሯል፡፡

ፕሮግራሙ በየትምህርት ቤቶቹ ቢዘረጋም ራሱን የቻለ አስፈፃሚ የኢንፎርሜሽን ቴክኖሎጂ ወይም /የICT/ ባለሙያ እስካሁን ለአንድም ትምህርት ቤት አለመቀጠሩን ሰምተናል፡፡ በትምህርት ቢሮው የኢንፎርሜሽን ቴክኖሎጂ የሥራ ሂደት መሪ የሆኑት አቶ የኔጌጥ በለጠ ለሸገር እንደተናገሩት ቢሮው ለትምህርት ቤቶቹ ፕሮጀክቱን ለማስፈፀም፣ የኔትወርክ ችግር ሲኖር የሚያስተካክል፣ የሚጠግን 65 የICT ባለሙያዎችን ለመቅጠር ቢፈልግም እስካሁን ከሚመለከተው ፈቃድ አላገኘም ብለዋል፡፡

ይህም 168 ሚሊዮን ብር የወጣበትና 6 ወር የተለፋበት ፕሮጀክት ውጤታማ እንዳይሆን አንዱ ምክንያት ነው ብለዋል፡፡የኔትወርክ መቆራረጥና የኢንተርኔት መጥፋትም ሌላው ችግር መሆኑን ሰምተናል፡፡በዛሬው እለትም በ25 ትምህርት ቤቶች ኔትወርክ እንደተቋረጠባቸው ትምህርት ቢሮው ደርሼበታለሁ ብሏል፡፡ኔትወርክ ባይኖርም ተማሪዎች ሰርቨር ላይ የተጫኑ መፅሃፎችንና በኘላዝማ የተላለፉ ትምህርቶችን ማግኘት ስለሚችሉ በትምህርት ቢሮ የICT ባለሙያዎች እስኪቀጠሩላቸው ድረስ በዚሁ እንዲጠቀሙ አቶ የኔጌጥ መክረዋል፡፡

ትዕግስት ዘሪሁን

አስተያየት ይፃፉ (0 አስተያየት)

ኀዳር 13፣2009 የሸገር ወሬዎቻችን

  • እየተገባደደ ባለው የመኸር ወቅት ከ321 ሚሊዮን ኩንታል በላይ የሰብል ምርት ይገኛል ተባለ፡፡ (ዮሐንስ የኋላወርቅ)
  • ኢትዮጵያ ከእርግዝና እና ወሊድ ጋር በተገናኘ ህይወታቸውን የሚያጡ እናቶች ቁጥር መቀነሷን ተናግራለች፡፡ ሆኖም ግን አሁንም ከ100 ሺ እናቶች 412ቱ ከወሊድና እርግዝና ጋር በተያያዘ ይሞታሉ፡፡ (ንጋቱ ሙሉ)
  • የኢትዮጵያ ስኳር ህሙማን ማህበር ለተወካዮች ምክር ቤት አባላት ትምህርት ልሰጥ ነው አለ፡፡ (ወንድሙ ኃይሉ)
  • በሁለተኛ ደረጃ ትምህርት ቤቶች በቴክኖሎጂ የታገዘ ትምህርት ለመስጠት ያግዛል የተባለው ስኩል ኔት ፕሮግራም ቢጀመርም ውጤት አላመጣም ተባለ፡፡ (ትዕግሥት ዘሪሁን)
  • የዝናብ ውሃ ለመዝናኛ እና ለመጠጥ ውሃ ሊውል መሆኑ ተሠማ፡፡ (ዮኋንስ የኋላወርቅ)
  • የአዲስ አበባ ነዋሪዎች የመጓጓዣ ታሪፍ አስመርሮናል አሉ፡፡ የትራንስፖርት ባለሥልጣን ለመቆጣጠር እየሞከርኩ ነው ይላል፡፡ (ምሥክር አወል)
  • ብዙዎች የኢትዮጵያ ሆቴሎች ባለሙያዎችን እየተጠቀሙ አይደለም ተባለ፡፡ (ወንድሙ ኃይሉ)
አስተያየት ይፃፉ (0 አስተያየት)

ኀዳር 13፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • እየተገባደደ ባለው የመኸር ወቅት ከ321 ሚሊዮን ኩንታል በላይ የሰብል ምርት ይገኛል ተባለ፡፡ (ዮሐንስ የኋላወርቅ)
  • ኢትዮጵያ ከእርግዝና እና ወሊድ ጋር በተገናኘ ህይወታቸውን የሚያጡ እናቶች ቁጥር መቀነሷን ተናግራለች፡፡ ሆኖም ግን አሁንም ከ100 ሺ እናቶች 412ቱ ከወሊድና እርግዝና ጋር በተያያዘ ይሞታሉ፡፡ (ንጋቱ ሙሉ)
  • የኢትዮጵያ ስኳር ህሙማን ማህበር ለተወካዮች ምክር ቤት አባላት ትምህርት ልሰጥ ነው አለ፡፡ (ወንድሙ ኃይሉ)
  • በሁለተኛ ደረጃ ትምህርት ቤቶች በቴክኖሎጂ የታገዘ ትምህርት ለመስጠት ያግዛል የተባለው ስኩል ኔት ፕሮግራም ቢጀመርም ውጤት አላመጣም ተባለ፡፡ (ትዕግሥት ዘሪሁን)
  • የዝናብ ውሃ ለመዝናኛ እና ለመጠጥ ውሃ ሊውል መሆኑ ተሠማ፡፡ (ዮኋንስ የኋላወርቅ)
  • የአዲስ አበባ ነዋሪዎች የመጓጓዣ ታሪፍ አስመርሮናል አሉ፡፡ የትራንስፖርት ባለሥልጣን ለመቆጣጠር እየሞከርኩ ነው ይላል፡፡ (ምሥክር አወል)
  • ብዙዎች የኢትዮጵያ ሆቴሎች ባለሙያዎችን እየተጠቀሙ አይደለም ተባለ፡፡ (ወንድሙ ኃይሉ)
አስተያየት ይፃፉ (0 አስተያየት)

በያዝነው አመት ኢትዮጵያ ለአሜሪካ በምትልካቸው የጫማ ምርቶች ብቻ 4 ነጥብ 5 ሚሊዮን ዶላር ለማግኘት ውጥን ይዛለች

በያዝነው አመት ኢትዮጵያ ለአሜሪካ በምትልካቸው የጫማ ምርቶች ብቻ 4 ነጥብ 5 ሚሊዮን ዶላር ለማግኘት ውጥን ይዛለች፡፡ይህ እቅድ በሜድ ባይ ኢትዮጵያ ፕሮጀክት ብቻ ይገኛል ተብሎ የታቀደ ሲሆን አጠቃላይ የጫማ ምርትን ለውጭ ገበያ በማቅረብ ግን ከ115 ሚሊዮን ዶላር በላይ ለማግኘት መታሰቡን የቆዳ ኢንዲስትሪ ልማት ኢንስቲትዩት ለሸገር ተናግሯል፡፡ባለፈው ዓመት በጫማ ምርት የወጭ ንግድ 34 ሚሊዮን ዶላር መገኘቱን ያስታወሱት በኢንስቲትዩቱ የኢንዱስትሪ ኮንሰልታንሲ ቲም ሊደር የሆኑት አቶ ኑረዲን ሁሴን ናቸው፡፡

የሃገር ውሰጥ የጫማ ኢንዱስትሪዎች ያመረቷቸው ጫማዎች ከታሰበው ዋጋ በታች በመሸጣቸውና ያመረቱትም ጫማ እንዳሰቡት መሸጥ ስላልቻለ የገንዘብ እጥረት ሲፈትናቸው ከርሟል፡፡10 የሚሆኑ የኢትዮጵያ ጫማ ፋብሪካዎችን አቅም ለማሳደግ ለአምስት አመት የሚቆይ የሜድ ባይ ኢትዮጵያ ፕሮጀክት ከተጀመረ አመት ሆኖታል፡፡ከ10ሩ የጫማ ፋብሪካዎች ከዚህ ቀደም የጥራት ቁጥጥር ሥርዓት የነበራቸው 3 ብቻ እንደነበሩ አቶ ኑረዲን አስታውሰዋል፡፡ሁሉም ፋብሪካዎች የጥራት ቁጥጥር ስርዓት እንዲኖራቸውም እየተሰራ መሆኑን ሰምተናል፡፡

ሦስት ፋብሪካዎችም ማለትም ሼባ፣ ሞደርን ዘጌና ካንጋሮ የጫማ ፋብሪካዎች በዚህ ወር አለም አቀፍ ተቀባይነት ያለው የጥራት ሰርተፍኬት ይሰጣቸዋል ተብሏል፡፡

ትዕግስት ዘሪሁን
አስተያየት ይፃፉ (1 Comment)

የዝናብ እጥረት የነጭ ሳር ብሔራዊ ፓርከ እንስሣትን መኖ አሳጥቶ ሳር ፍለጋ ስፍራቸውን እያስለቀቃቸው ነው ተባለ

የዝናብ እጥረት የነጭ ሳር ብሔራዊ ፓርከ እንስሣትን መኖ አሳጥቶ ሳር ፍለጋ ስፍራቸውን እያስለቀቃቸው ነው ተባለ፡፡የብሔራዊ ፓርኩ ሥራ አስኪያጅ አቶ አብረሃም ማርዬ ለሸገር ሲናገሩ የዝናብ እጥረት የነጭ ሳር ብሔራዊ ፓርክን ሳር እንዲጠፋ ስላደረገው የሜዳ አህያዎችና ሌሎችም የፓርኩ እንስሣት መኖ ፍለጋ እየተንቀሣቀሱ ነው ብለዋል፡፡

ፓርኩ ከሚያዋስናቸው የኦሮሚያና የደቡብ ክልሎች ጋር ስለ እንስሣቱ አጠባበቅ ምክክር እያደረግን ነው ሲሉም ተናግረዋል፡፡በዱር እንስሣት ልማትና ጥበቃ ባለሥልጣን የብሔራዊ ፓርኮች ማስተባበሪያ ጽ/ቤት ኃላፊው አቶ ኩመራ ዋቅጅራ እንዲህ ያለ ክስተት ሲያጋጥም እንስሳት ቤታቸውን ለቀው መኖ ፍለጋ መሄዳቸው ዝናቡ በአግባቡ ሲጥል ደግሞ ወደ ስፍራቸው መመለሳቸው የተለመደ ነው፡፡እኛ ከዚህ በፊት ተከስቶ እንደበረው ኤልኒኖ ያለ ረዘመ ያለ ችግር ሰመጣ ነው ውሃ በማቆርና በሌላም መንገድ ልንታደጋቸው የምንሰራው ብለዋል፡፡

ወንድሙ ኃይሉ
አስተያየት ይፃፉ (0 አስተያየት)

ከሐምሌ 2009 ዓ.ም ወዲህ ባሉት ሦሰት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀድም ሊሣካ አልቻለም ተባለ

ከሐምሌ 2009 ዓ.ም ወዲህ ባሉት ሦሰት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀድም ሊሣካ አልቻለም ተባለ፡፡እንዲህ ያለው የማዕድን የነዳጅና የተፈጥሮ ጋዝ ሚኒስቴር ነው፡፡ከ2009 የሩብ አመት የሥራ እቅድ አፈፃፀም ሪፖርቱ ላይ እንደተባለው በበጀት አመቱ ሦስት ወሮች ውስጥ 6 ነጥብ 25 ሚልዮን ሊትር ኤታኖል ለማምረት ዕቅድ ተይዞ ነበር፡፡

ይሁን እንጂ በስኳር ፋብሪካዎቹ የምርት አቅርቦት ችግር ምክንያት ምርቱ ሊመረት አልቻለም፡፡በዚህም ምክንያት ኢትዮጵያ ልታድን የምትችለውን የውጪ ምንዛሬ ማዳን አልቻለችም ተብሏል፡፡ኢትዮጵያ በውጪ ምንዛሬ የሚገባውን የፔትሮሊየም ነዳጅ ወጪ ማዳንና የበካይ ጋዝ ልቀትን በመቀነስ በካርቦን  ፋይናንስ  ጥቅም የማግኘት ትልቅ ዕቅድ እንዳላትም ተነግሯል፡፡

ዮሐንስ የኋላወርቅ
አስተያየት ይፃፉ (0 አስተያየት)

በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተባብረው መሥራት ይጠበቅባቸዋል ተባለ

በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተባብረው መሥራት ይጠበቅባቸዋል ተባለ፡፡ይህን የተናገሩት በቅርቡ የአካባቢ ደንና የአየር ንብረት ለውጥ ሚኒስትር መሥሪያ ቤቱን እንዲመሩ የተሾሙት ዶክተር ገመዶ ዳሌ ናቸው፡፡ዶክተር ገመዶ የምርምር ተቋማት ቴክኖሎጂን ተጠቅመው የተፈጥሮ ሀብትን በማበልፀግ በኩል ድርሻቸው ጉልህ እንደሆነ ተናግረው በዘርፉ ተሰማርተው ምርምር የሚያካሂዱ ባለሙያዎችን ለትምህርት እድገት ፍለጋ ለዕውቅና ሳይሆን ለሀገር ትርጉም ያለው ውጤት ሊያስገኙ ይገባል ብለዋል፡፡

በዘርፉ ለተሰማሩ ባለሙያዎችም የተለየ ድጋፍ ይደረግላቸዋል ብለዋል ሚኒስትሩ፡፡ ነገር ግን የተለየ ድጋፍ የተባለው ምን እንደሆነ አልተገለፀም፡፡ዛሬ በግብርና ምርምር ኢንስቲቲዩት ጊቢ በተዘጋጀውና እስከ ነገ በሚቆየው የተሰሩ ስራዎች የመገምገሚያ ስብሰባ ላይ በአገሪቱ የተከናወኑ ሥራዎችና የተገኙ ውጤቶች ይገመገማሉ ተብሏል፡፡የአየር ንብረት ለውጥና የአካባቢ ብክለት የአለም የወቅቱ የመነጋገሪያ ርዕስ ነው፡፡

እርስዎ እንደ አዲስ ሚኒስትርነትዎ ለአገሪቱ ምን አዲስ ለውጥ ለማምጣት አቅደዋል ብለን የጠየቅናቸው ዶክተር ገመዶ አሁን ላይ ከአየር ንብረት መለወጥና መበከል ጋር በተያያዘ በውሃማ አካላትና በፋብሪካዎች አካባቢ የሚነሱ የህዝብ ቅሬታዎችና ጥያቄዎች አሉ እነዚህን ችግሮች በተቻለ መጠን ለመቅረፍ እሰራለሁ ብለዋል፡፡

ምስክር አወል
አስተያየት ይፃፉ (0 አስተያየት)

ኀዳር 12፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኢትዮጵያ ተስማሚነትና ምዘና ድርጅት የሐዋሳ ኢንዱስትሪ ፓርክ የጨርቃ ጨርቅ ምርቶችን ጥራት ለማረጋገጥ የሚያስችል ዝግጅት ማድረጉ ተሠማ፡፡ (ትዕግሥት ዘሪሁን)
  • የነጭ ሳር ብሔራዊ ፓርክ በዝናብ እጥረት ምክንያት ሳር አላበቅል ብሎ የዱር እንስሣቱ ስፍራቸውን እየለቀቁ ነው ተባለ፡፡ (ወንድሙ ኃይሉ)
  • ስድስት ሆነው አንድ ጓደኛቸውን ቀጥቅጠው የገደሉት ግለሰቦች በእሥራት ተቀጡ፡፡ (ተኅቦ ንጉሴ)
  • ኢትዮጵያ የጫማ ምርቶችን ለአለም ገበያ በማቅረብ ከ115 ሚሊዮን ዶላር በላይ ለማግኘት አቅዳለች፡፡ ለመጀመሪያ ጊዜም ለአሜሪካ ገበያ በምታቀርባቸው የጫማ ምርቶችም 4 ነጥብ 5 ሚሊዮን ዶላር ታገኛለች ተባለ፡፡ (ትዕግሥት ዘሪሁን)
  • ከሐምሌ 2009 ዓ.ም ወዲህ ባሉት ሦስት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀደም ሊሣካ አልቻለም ተባለ፡፡ (ዮሐንስ የኋላወርቅ)
  • በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተናብበው መሥራት ይጠበቅባቸዋል ተባለ፡፡ (ምስክር አወል)
አስተያየት ይፃፉ (0 አስተያየት)

የአዲስ አበባ የመሬት ይዞታ ምዝገባና መረጃ ኤጀንሲ በ2009 የበጀት ዓመት የመጀመሪያ ሦስት ወራት በሰጣቸው አገልግሎቶች ከ50 ሚሊዮን ብር በላይ ማግኘቱን ተናገረ

ኤጀንሲው በስም ዝውውር፣ በአዲስ ይዞታ፣ በዋስትና ዕዳ፣ ከእግድ መመዝገብ ፣ ከዕግድ መሰረዝ እና ከሌሎች አገልግሎቶች ነው 50 ሚሊዮን አንድ መቶ ዘጠና አራት ሺ ብር ማግኘቱ የተሰማው፡፡

ኤጀንሲው በበጀት ዓመቱ ሦስት ወራት 30 ቁራሽ መሬት እና ከአራት ሺህ በላይ ይዞታዎችን አረጋግጫለሁም ብሏል፡፡

በአዲስ አበባ በአስሩም ክፍለ ከተሞች በተደረገው የይዞታ ማረገገጥ ሥራ ነው 4 ሺህ 635 ይዞታዎችና 30 ቁራሽ መሬት ተረጋግጧል የተባለው፡፡

ወሬውን ለሸገር የነገሩት የኤጀንሲው የኮሙኒኬሽን ኃላፊ አቶ ሊበን ፈየራ ናቸው፡፡

በዚሁ በጀት አመት በመጀመሪያዎቹ 3 ወራት በሁሉም ክ/ከተሞች የወሰን ማካለል የቅየሳ ሥራ እንዲሁም የይዞታዎች ላይ የመብት ክልከላና ኃላፊነት የማረገገጥ ሥራ መደረጉን ከኃላፊው ሰምተናል፡፡

በአዲስ አበባ በሁሉም አካባቢዎች እና ቀጠናዎች በተደረገው የወሰን ማካለልና ቅየሳ 813 ሰፈሮች ውስጥ የመጠን መብለጥና ማነስ ከመረጃዎች ጋር ልዩነት በመፍጠራቸው ለሚመለከተው ቢሮ ተልኮለታል ተብሏል፡፡

የሚመለከተው ቢሮው ከተሰጠው 813 ማህደር 757ቱን ተመልክቶ መልሶ መስጠቱን እና ባለይዞታዎችም እንደተረጋገጠላቸውም ሰምተናል፡፡

ምህረት ስዩም
አስተያየት ይፃፉ (0 አስተያየት)
Leza Vote Banner
Sheger 102.1 AudioNow Numbers