• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥር 29፣ 2012/ ከቻይና ዉሃን ከተማ ወደ ኢትዮጵያ የሚገቡ ሁሉም መንገደኞች በለይቶ ማቆያ ማዕከላት እንዲቆዩ ተወስኗል ተባለ

ከቻይና ዉሃን የሚመጡ ተጓዦች የኮሮና ቫይረስ ምልክቶችን ባያሳዩ እንኳን በለይቶ ማቆያ ማዕከላት ገብተው የህክምና ክትትል ይደረግላቸዋል ተብሏል፡፡የኢትዮጵያ ህብረተሰብ ጤና ኢንስቲትዩት የኮሮና ቫይረስ ወቅታዊ ሁኔታን አስመልክቶ ዛሬ መግለጫ ሰጥቷል፡፡የኢንስቲትዩቱ ዋና ዳይሬክር ዶ/ር ኤባ አባተ በአሁኑ ወቅት 6 ሰዎች የኮሮና ቫይረስ ይኖርባቸዋል በሚል ተጠርጥረው በለይቶ ማቆያ ማዕከላት ውስጥ እንደሚገኙ ተናግረዋል፡፡

ከመካከላቸው የሶስቱ ሰዎች የላብራቶሪ ናሙና ወደ ደቡብ አፍሪካ ተልኮ ውጤት እየተጠበቀ መሆኑን ሰምተናል፡፡የቀሪዎቹ ሶስት ሰዎች ናሙናም በመጪዎቹ ቀናት ወደ ደቡብ አፍሪካ ይላካል ተብሏል፡፡በቦሌ አውሮፕላን ማረፊያ በኩል ከቻይና የሚመጡ መንገደኞች ከሌሎች ተጓዦች ጋር ሳይቀላቀሉ ሶስት ዓይነት ምርመራዎች እንደሚደረግላቸው ዶ/ር ኤባ ተናግረዋል፡፡ከቻይና የሚመጡ መንደኞች ብቻ የሚስተናገዱበት ልዩ የኢምግሬሽን መስኮት መዘጋጀቱን ሰምተናል፡፡

ማህሌት ታደለ
አስተያየት ይፃፉ (0 አስተያየት)

ጥር 29፣ 2012/ ቀይ መስቀል ለሳዑዲ አረቢያ ተመላሽ ኢትዮጵያዊያን የአምቡላንስ አገልግሎት እና ከዘመዶቻቸው ጋር የማገናኘት ስራ እያከናወንኩ ነው አለ

ቀይ መስቀል ለሳዑዲ አረቢያ ተመላሽ ኢትዮጵያዊያን በቦሌ ኢንተርናሽናል ኤርፖርት የአምቡላንስ አገልግሎት እና ከዘመዶቻቸው ጋር የማገናኘት ስራ እያከናወንኩ ነው አለ፡፡
ወንድሙ ሀይሉ
አስተያየት ይፃፉ (0 አስተያየት)

ጥር 29፣2012/ በኢትዮጵያ የኮሮና ቫይረስን ለመከላከል የህክምና ግብዓቶች ተሰራጭተዋል ተባለ

በኢትዮጵያ የኮሮና ቫይረስን ለመከላከል የህክምና ግብዓቶች ተሰራጭተዋል ተባለ፡፡
ምህረት ስዩም
አስተያየት ይፃፉ (0 አስተያየት)

ጥር 29፣ 2012/ የኢሚግሬሽን፣ ዜግነትና የወሳኝ ኩነት ኤጀንሲ ከእኔ እውቅና ውጪ የያዛችሁትን የጉዞ ሰነድ እና ፓስፖርት መጠቀም አትችሉም በህግም ትጠየቃላችሁ ብሏል

ከኢሚግሬሽን፣ ዜግነት እና የወሳኝ ኩነት ኤጀንሲ ህጋዊ እውቅና ውጪ የኢትዮጵያ ፓስፖርት እጃችሁ ያለ የውጭ ሀገር ዜጎችም ሆናችሁ ኢትዮጵያውያን የያዛችሁት የጉዞ ሰነድ እና ፓስፖርት በህግ እንደሚያስጠይቃችሁ እወቁት ተብላችኋል፡፡ብዙ ጥሪት እየከፈሉ የኢትዮጵያ ፓስፖርትም ፈፅሞ ማውጣት የሌለባቸው የውጭ ዜጎችም በሌብነት መንገድ ፓስፖርቱን አውጥተዋል ተብሏል፡፡

ባልተፈቀደ መንገድም 29 የኢትዮጵያውያን ፓስፖርት እጃቸው ያስገቡ የውጭ ሀገር ዜጎችም ሰነዱ እንደተሰረዘባቸው የኤጀንሲው ዋና ዳይሬክተር አቶ ሙጅብ ጀማል ለሸገር ነግረዋል፡፡ከ29ኙ ሥርዓቱን ያልተከተለ ፓስፖርቱን በገንዘብ የገዙ የውጭ ሀገር ዜጎች ውስጥ 3ቱ ከሀገር እንደወጡበት ተሰምቷል፡፡ነገር ግን ከሀገር የወጡበት ሰነድ እና ፓስፖርት ከዚህ በኋላ በዓለም አቀፍም ሆነ በኤጀንሲው በይፋዊ የመረጃ ቋት እንደተሰረዘ እና እንደማይታወቅ ሀላፊው ነግረውናል፡፡

ይህንኑ የኢትዮጵያ ፓስፖርት ከይፋዊ የመረጃ ቋት ሥርዓት ውጭ ሲሰጥ የነበረ የኤጀንሲው ሰራተኛ ተይዞ መታሰሩን ሰምተናል፡፡ባልተገባ መንገድም ከኤጀንሲው ሥርዓት እና እውቅና ውጭ የወጡት ፓስፖርቶች መለየታቸውን እና ቁጥራቸው መሰረዙን አቶ ሙጅብ ነግረውናል፡፡

ይህንን የተሰረዘ ፓስፖርት የያዘ አንድ የውጭ ሀገር ግለሰብም ገንዘብ ከፍሎ በያዘው ሰነድ ወደ ውጪ ሊያቀና ሲል ተይዞ መታሰሩን አውቀናል፡፡የኢሚግሬሽን፣ ዜግነት እና የወሳኝ ኩነት ኤጀንሲ ከዚህ በኋላ ከፍተኛ ገንዘብ እየከፈላችሁ የያዛችሁት የኢትዮጵያ ፓስፖርት በህጋዊ መንገድ ያልተመዘገበ በመሆኑ እንደሚያሳስራችሁም እወቁት ብሏችኋል፡፡

ተህቦ ንጉሴ
አስተያየት ይፃፉ (0 አስተያየት)

ጥር 28፣ 2012/ ኢትዮጵያ ዓለም አቀፍ የቡና ጉባኤ እያስተናገደች ነው

ኢትዮጵያ ዓለም አቀፍ የቡና ጉባኤ እያስተናገደች ነው፡፡ በዚህ ጉባኤ ላይ ከበርካታ አገራት የመጡ አምራቾች፣ ነጋዴዎች እንዲሁም በተለያዩ የዘርፉ ተዋንያን በመሳተፍ ላይ ናቸው፡፡ኢትዮጵያ በዚህ ጉባኤ ላይ የቡናዋን ንግድ ምልክት ይፋ አድርጋለች፡፡ከዓለም አቀፍ የቡና ቀን ጋር በተያያዘ በሚከበረውና በተለያዩ ሁነቶች የሚታጀበው ይህ ዝግጅት እስከ ነገ በስቲያ እንደሚቆይ ሰምተናል፡፡

ቴዎድሮስ ብርሃኑ

አስተያየት ይፃፉ (0 አስተያየት)

ጥር 26፣ 2012/ ኢትዮጵያ፣ የኃያላኑን ትኩረት በሳበው የቀይ ባህርና የኤደን ባህረሰላጤ ጉዳይ ምን ማድረግ ይኖርባታል?

በየዓመቱ 700 ቢሊየን ዶላር የሚያወጣ ንግድ ይዘዋወርበታል በሚባለው በቀይ ባህርና በኤደን ባህረሰላጤ ዙሪያ ገባ ያሉ አዋሳኝ ሃገሮች አንድም በኢኮኖሚው ግዝፈት ሳቢያ አልያም በአካባቢው ባለው የፀጥታ ሁኔታ የሃያላን ሃገሮችን ዓይን ስበዋል፡፡የጦር ሰፈር ማከማቻም እየሆኑ ነው፡፡ ለመሆኑ ኢትዮጵያ የምትዋሰነው ይህ አካባቢ እንዴት ያለ ተፅዕኖ ታየበት፣ በወደብ አካባቢስ ምን ማድረግ ይቻላል? ሕይወት ፍሬስብሃት የባለሙያ ሃሳብ አካትታ በዝርዝር ትመለከተዋለች፡፡

አስተያየት ይፃፉ (0 አስተያየት)

ጥር 28፣ 2012/ ምርቶቻቸውን ወደ ውጪ የሚልኩ አነስተኛ እና መካከለኛ ኢንዱስትሪዎች በሚፈለገው መጠን በመንግስት ተቋማት እየተደገፉ አይደለም ተባለ

ምርቶቻቸውን ወደ ውጪ የሚልኩ አነስተኛ እና መካከለኛ ኢንዱስትሪዎች በሚፈለገው መጠን በመንግስት ተቋማት እየተደገፉ አይደለም ተባለ፡፡
ንጋቱ ረጋሣ
አስተያየት ይፃፉ (0 አስተያየት)

ጥር 28፣ 2012/ በቻይና የሚገኙ ኢትዮጵያውያን ተማሪዎች መንግሥት ወደ ሐገራችን ይመልሰን ሲሉ እየተማፀኑ ነው

በቻይና የሚገኙ ኢትዮጵያውያን ተማሪዎች መንግሥት ወደ ሐገራችን ይመልሰን ሲሉ እየተማፀኑ ነው፡፡
ዘከርያ መሐመድ
አስተያየት ይፃፉ (0 አስተያየት)

ጥር 28፣ 2012/ የአፍሪካ ህብረት የመሪዎች ጉባኤ በመጪው ቅዳሜና እሁድ ይጀመራል

የአፍሪካ ህብረት የመሪዎች ጉባኤ በመጪው ቅዳሜና እሁድ ይጀመራል፡፡ ዛሬ የውጪ ጉዳይ ሚኒስትሮች ስብሰባ ተከፍቷል፡፡
የኔነህ ሲሳይ
አስተያየት ይፃፉ (0 አስተያየት)

ጥር 28፣ 2012/ በቻይና ዉሃን ከተማ የተቀሰቀሰውን የኮሮና ቫይረስ ስርጭት አስመልክቶ በሀገር ውስጥ ሊደረግ የሚገባው ጥንቃቄ ብዙዎችን እያነጋገረ ነው

የኢትዮጵያ አየር መንገድ ወደ ቻይና የሚያደርገውን በረራ ባያቋርጥም፣ አስፈላጊውን ጥንቃቄ ሁሉ እያደረግሁ ነው ማለቱ ይታወቃል፡፡ ሀገርንና ህዝብን ከዚህ የቫይረስ ስርጭት ለመጠበቅ በሚደረገው ጥረት ውስጥ የኢትዮጵያ ሲቪል አቪዬሽን ባለስልጣንስ ሚናው ምን ይሆን ስትል ህይወት ፍሬስብሃት ጠይቃለች፡፡

መስሪያ ቤቱ፣ በወረርሽኙ ላይ ተመርኩዞ እገዳ ለማድረግ ወይም ላለማድረግ እንደ ጤና ጥበቃ ካሉ ሌሎች መንግሥታዊ ድርጅቶች የሚቀርቡለትን ምክረ ሐሳቦች እንደሚመለከት ገልጽዋል፡፡የዓለም የጤና ድርጅት ወረርሽኙ፣ ወደ ቻይና የሚደረግ በረራን ለማገድ የሚያበቃ እንዳልሆነ መግለፁ ተጠቁሟል፡፡የጉዞ እገዳም አዋጪ አይደለም፣ በሕገወጥ መንገድ በሌሎች አቅጣጫዎች ሰዎች ወደ ሐገራችን እንዲገቡ በር ከፋች ነው ተብሏል፡፡
አስተያየት ይፃፉ (0 አስተያየት)

ጥር 28፣ 2012/ የአዲስ አበባ ከተማ አስተዳደር ባለፉት ስድስት ወራት ከ104 ሺ በላይ ለሚሆኑ ዜጎች የስራ እድል ፈጥሬያለሁ አለ

ለመፍጠር ታቅዶ ከነበረው አንፃር ማሳካት የተቻለው 93 በመቶውን እንደሆነ ከስራ እድል ፈጠራና ኢንተርፕራይዝ ልማት ቢሮ ያገኘነው መረጃ ያመለክታል፡፡የስራ እድሉን ካገኙት መካከል 83 በመቶዎቹ ወጣቶች ናቸው፡፡ሴቶች የ45.99 በመቶ ድርሻ ሲኖራቸው የዩኒቨርስቲና የቴክኒክና ሙያ ተቋማት ተመራቂዎች ይገኙበታል፡፡በጊዜ ማዕቀፉ ለ317 አካል ጉዳተኞች የስራ እድል ማመቻቸቱን ቢሮው በሪፖርቱ ጠቅሷል፡፡

ማኑፋክቸሪንግ፣ ኮንስትራክሽን፣ የከተማ ግብርና፣ ንግድ እንዲሁም አገልግሎት ዘርፉ፣ በግልና የመንግስት ተቋማት የስራ እድሉ የተገኘባቸው መስኮች ናቸው ተብሏል፡፡በወቅቱ ከተፈጠረው አጠቃላይ የስራ ዕድል 66 በመቶ ቋሚና ቀሪው ጊዜያዊ መሆኑን ከሪፖርቱ ተመልክተናል፡፡በ6 ወራት ውስጥ ተደራጅተው ወደ ስራ ለገቡ ኢንተርፕራይዞች ከ877 ሚሊዮን ብር በላይ ብድር ለማቅረብ ታቅዶ ከ1.8 ቢሊዮን ብር በላይ ብድር እንደተሰጠ ሪፖርቱ ያሳያል፡፡

ከብድሩ ተጠቃሚዎች መካከል 86 በመቶቹ ወጣቶች ናቸው፡፡በግማሽ በጀት አመቱ የተሰጠው የብድር መጠን ከአምናው ተመሳሳይ ወቅት ጋር ሲመሳከር ያነሰ ነው ተብሏል፡፡ቢሮው እቅዴ እንዳይሳካ እንቅፋት ሆነውብኛል ያላቸውን በሪፖርቱ አካትቷል፡፡በኢንዱስትሪዎችና የግል ድርጅቶች የተቀጠሩ ዜጎች ወቅቱን ያገናዘበ ደመወዝ ስለማይከፈላቸው በመልቀቃቸው ምክንያት የስራ አጡን ቁጥር እንዲጨምር አድርጓል ብሏል፡፡ስራ ፈላጊዎች የጉልበት ስራ ላይ ለመሰማራት ዝግጁ አለመሆናቸውም በተጨማሪነት ተነስቷል፡፡የመስሪያ ቦታዎች ግንባታ በጊዜ አለመጠናቀቅና ግንባታቸው ለተጠናቀቁትም ቢሆን የመሰረተ ልማት አለመሟላት ዋና ዋና ችግሮች ናቸው ተብሏል፡፡

በየነ ወልዴ
አስተያየት ይፃፉ (0 አስተያየት)
Sheger 102.1 AudioNow Numbers