• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የነገው የረመዳን በዓል በአዲስ አበባ ስታዲዬም በድምቀት እንደሚከበር የአዲስ አበባ እስልምና ጉዳዬች ምክር ቤት ተናገረ…

ከምክር ቤቱ እንደሰማነው ፕሮግራሙ ማለዳ 12 ሰዓት ላይ የሚጀመር ሲሆን የሙስሊሙ ህብረተሰብ ወደ ስታዲዬም ይገባል፡፡ በክብር እንግድነትም የአዲስ አበባ ከተማ ከንቲባ አቶ ድሪባ ኩማ ወይም ተወካያቸው ይገኛሉ የተባለ ሲሆን የኢትዮጵያ እስልምና ጉዳዬች ጠቅላይ ምክር ቤት ፕሬዝዳንት ሼህ መሀመድ አሚን ጀማል እና የአዲስ አበባ እስልምና ጉዳዬች ከፍተኛ ምክር ቤት ፕሬዝዳንት ሼህ መሀመድ ኑር አህመድ ሽፋ ተገኝተው መልዕክት ያስተላልፋሉ ተብሏል፡፡

የኢድ ሰላትም ከጠዋቱ ሁለት ሰዓት ላይ የሚጀመር ሲሆን ሦስት ሰዓት ላይም ፕሮግራሙ ይጠናቀቃል፡፡ የሰግደት ሥነ-ሥርዓቱንም የአንዋር መስጊድ ኢማም በሆኑት በሼህ ጠሀ መሀመድ ሀሮን ይመራል ተብሏል፡፡

ዮሐንስ የኋላወርቅ
አስተያየት ይፃፉ (0 አስተያየት)

የአዲስ አበባ ፖሊስ ኮሚሽን የኢድ አል ፈጥር በዓል በሰላም እንዲከበር አስፈላጊውን ዝግጅት አድርጌያለሁ አለ…

ኮሚሽኑ እንዳለው የእምነቱ ተከታዮች በኢድ ሶላት ወቅትም ይሁን ከዚያ በኋላ በዓሉን በሰላም እንዲያከብሩ ከሚመለከታቸው ሌሎች የፀጥታ አካላት ጋር በመቀናጀት ወደ ሥራ ገብቷል፡፡ ህብረተሰቡም የፖሊስን አገልግሎት ለማግኘትም ሆነ አጠራጣሪ ነገሮች ሲያጋጥሙት መረጃ ለመስጠት 991 ወይም 816 ነፃ የስልክ መስመሮችን እና 0111 11 01 11 ፣ 011 1 26 43 59 ፣ 011 1 01 02 97 መጠቀም እንደሚችል ጠቁሟል፡፡
በተያያዘ መረጃ በአዲስ አበባ የሚካሄደው የኢድ ሶላት ተጀምሮ አስከሚጠናቀቅ እና የትራፊክ መጨናነቅ እንዳይፈጠር

  • ከቦሌ ወደ መስቀል አደባባይ የሚወስደው መንገድ፣ ደንበል ሲቲ ሴንተር፣ ኦሎፒያ አደባባይ፣
  • ከመገናኛ በሃያ ሁለት ወደ ስታዲዮም እንዲሁም ከቦሌ መድሃኒያለም በአትላስ ሆቴል ወደ ስታዲዩም የሚወስደው መንገድ ኡራኤል ቤተ-ክርስቲያ አካባቢ፣
  • ከአራት ኪሎ ወደ ስታዲዮም የሚወስደው መንገድ ባሻወልዴ ችሎት ወይም ፓርላማ መብራት ያሉ መንገዶች ለጊዜው ዝግ ይሆናሉ ብሏል፡፡
  • በተመሣሣይ ከቸርችል ጎዳና ወደ ስታዲዮም የሚወስደው መንገድ ቴድሮስ አደባባይ፣
  • ከተክለ ሀይማኖት በሜትሮሎጂ ስታዲየም የሚወስደው መንገድ ሜትሮሎጂ መስሪያ ቤት አካባቢና ከተክለ ሀይማኖት በጥቁር አንበሳ ሆስፒታል ኢሚግሬሽን ጥቁር አንበሳ የኋላ በር፣
  • ከጌጃ ሰፈር - ጤና ጥበቃ፣ ብሄራዊ ቲያትር የሚወስደው መንገድ ጎማ ቁጠባ መንገዶችም እንደሚዘጉ ኮሚሽኑ ለሸገር በላከው መልዕክት ላይ ጠቅሷል፡፡
  • ከሳሪስ በጎተራ አጎና ሲኒማ፣
  • ከጦር ኃይሎች ልደታ፣ ፖሊስ ሆስፒታል፣ አልሳም ጨለቅለቅ፣
  • ከጦር ኃይሎች፣ ከሳር ቤት፣ ከዲአፍሪክ በሜክሲኮ ወደ ስታዲዮም የሚወስደው መንገድ አፍሪካ ህብረት አደባባይ አካባቢ ይለፍ ለሌላቸው ተሽከርካሪዎች ለጊዜው ዝግ መሆኑን ህብረተሰቡ ተገንዝቦ አማራጭ መንገዶችን እንዲጠቀምም ጠይቋል፡፡
 
ንጋቱ ረጋሳ
አስተያየት ይፃፉ (0 አስተያየት)

ጠቅላይ ሚኒስትር ኃይለማርያም ደሣለኝ በመልካም አስተዳደር ዙሪያ ስለተሰሩ ስራዎችና እና እስከ አሁን ስለተገኙ ውጤቶች ለህዝብ እንደራሴዎች ምክር ቤት ማብራሪያ ሰጥተዋል…

በዚህም የመልካም አስተዳደር ችግሮችን መፍታት የሞት ሽረት ጉዳይ ሆኖ እንዲወሰድ ከፍተኛ ጥረት መደረጉን አስታውሰዋል፡፡ ይህም በእንቅስቃሴ መልክ እንዲፈፀም መንግሥት ሰፊ የንቅናቄ ዕቅድ አውጥቶ ተንቀሳቅሷል ብለዋል፡፡
እስከ አሁን በሰራነው ሥራም የተወሰነ ውጤት አግኝተናል ሲሉ ጠቅላይ ሚኒስትሩ ተናግረዋል፡፡ የተገኙት ውጤቶች ሥራ ለመሥራት የሚያስችሉ እና ተስፋ የሚሰጡ ናቸው ሲሉ ነው ጠቅላይ ሚኒስትሩ የገለጿቸው፡፡

ወደ ፊት አጠናክረን ከቀጠልነው ሥርነቀል መሠረታዊ ለውጥ ልናመጣ እንደምንችል የጠቆሙ ናቸውም ብለዋቸዋል፡፡ የመልካም አስተዳዳር ችግርን የህልውና ጉዳይ አድርጎ መውሰድ አሁንም እንደሚያስፈልግ አውስተዋል፡፡ ችግሩን ሙሉ ለሙሉ ለመፍታት ግን አሁንም ተጨማሪ ሥራ እንደሚጠይቅ ጠቅላይ ሚኒስትሩ ጨምረው ተናግረዋል፡፡ መንግሥት በቀጣዩ ዓመትም ለዚሁ ልዩ ትኩረት ሰጥቶ መስራቱን እንደሚቀጥልም አረጋግጠዋል፡፡

ንጋሩ ረጋሳ
አስተያየት ይፃፉ (0 አስተያየት)

ኢትዮጵያ የተባበሩት መንግሥታት ድርጅት የፀጥታው ምክር ቤት ተለዋጭ አባል ሆና መመረጧ ባለፉት 20 ዓመታት የሰራቻቸው ሥራዎች ውጤት መሆኑን ጠቅላይ ሚኒስትር ኃይለማርያም ደሣለኝ ተናገሩ…

ኢትዮጵያ የተሰጣት ኃላፊነት ከባድ ነው ያሉት ጠቅላይ ሚኒስትሩ ዓለም የሰጣት ተዓማኒነት እንዳይሸረሸርም ፍትህና መልካም አስተዳደርን በማስፈን ትልቅ ሥራ መስራት ይጠበቅብናል ብለዋል፡፡ ይህንን ያሉት ዛሬ በህዝብ እንደራሴዎች ምክር ቤት ተገኝተው ከምክር ቤቱ አባላት ለቀረቡላቸው ጥያቄዎች መልስ በሰጡበት ወቅት ነው፡፡ ጠቅላይ ሚኒስትሩ ዛሬ የፀደቀው የ2009 ዓ.ም በጀት ጋር የተገናኙ በርካታ ጥያቄዎች ቀርበውላቸው መልስ ሲሰጡ አርፍደዋል፡፡

የፌዴራል ዋና ኦዲተር መሥሪያ ቤት ለምክር ቤቱ የሚያቀርባቸው የኦዲት ሪፖርቶች የተለያየ የሂሣብ አያያዝ እክሎች ያሉባቸው የመንግሥት መሥሪያ ቤቶች በርካታ እንደሆኑ ያሣያሉ፡፡ ለመጪው ዘመን የተያዘው በጀት ከብክነት ነፃ የሚሆንበት መተማመኛ ምንድን ነው የሚል ጥያቄ ቀርቦላቸዋል፡፡ ጠቅላይ ሚኒስትሩ እንዳሉት ባለፉት ሁለት ዓመታት ዋና ኦዲተር መሥሪያ ቤቱ ባደረጋቸው የሂሣብ ምርመራዎች የመንግሥትን ገንዘብ አባክነዋል የተባሉ ግለሰቦች በህግ መጠየቅ ጀምረዋል፡፡ ይህ እርምጃም ተጠናክሮ ይቀጥላል ብለዋል፡፡

ሥራ ከጀመረ አንድ አመት እንኳ ያልሞላው የአዲስ አበባ ቀላል ባቡር ችግር ተደራርቦበታል


ሥራ ከጀመረ አንድ አመት እንኳ ያልሞላው የአዲስ አበባ ቀላል ባቡር ችግር ተደራርቦበታል - ከ41ዱ ባቡሮች ሥራ ላይ ያሉት ከ28 አይበልጡም…
ባቡሮቹ በችኮላ ወደ ሥራ እንዲገቡ መደረጉና ከቻይናው ድርጅት ጋር በተገባው ውል ላይ የባቡር መለዋወጪያ እንዲያቀርብ የሚያስር ስምምነት ሳይደረግ መቅረቱ ለተፈጠረው ችግር ሰበብ ሆኗል ተብሏል፡፡

የከተማዋን የትራንስፖርት ችግር ይቀርፋሉ ተብለው፣ በከፍተኛ ወጪ፣ ያውም በብድር የተገዙት እነዚህ ባብሮች አብዛኛውን ጊዜያቸውን በጥገና ማሳለፋቸው አሳሳቢ ነው የሚለው ይህ የሕይወት ፍሬስብሃት ዘገባ ባቡሮቹ መንገዱ ምቾት እየነሳቸው አልፎ አልፎ ከተዘረጋላቸው ሐዲድ እንደሚወጡ፣ በዚህም ሳቢያ ሐዲዱ እንዲጠረብና በግራሶ እንዲለሰልስ መደረጉን ታነሳለች…
አስተያየት ይፃፉ (1 Comment)

ሰኔ 28፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የጣሊያን መንግስት በህገ-ወጥ የሰዎች ዝውውር ውስጥ ተሳትፈዋል ብሎ የጠረጠራቸውን ኢትዮጵያዊያንና ሌሎችም በቁጥጥር ሥር ማዋሉ ተነገረ፡፡ (ፋሲል ረዲ)
  • የመልካም አስተዳደር ችግሮችን ለመፍታት በተሰራው ሥራ ውጤት መገኘቱን ጠቅላይ ሚኒስትር ኃይለማርያም ደሣለኝ ተናግረዋል፡፡ (ንጋሩ ረጋሳ)
  • ኢትዮጵያ የፀጥታው ምክር ቤት አባል መሆንዋ የልፋትዋ ውጤት ነው ሲሉ ጠቅላይ ሚኒሰተር ኃይለማርያም ደሣለኝ ተናገሩ፡፡ (ትዕግስት ዘሪሁን)
  • ካሜሮናውያን እግር ኳስ ተጫዋቾችን አስቀጥራለሁ ብለው ኢትዮጵያ ያስመጡት ኢትዮጵያዊ ወኪል በተጫዋቾቹ የቀረበብኝ ወቀሣ ተገቢ አይደለም አሉ፡፡ (ካሜሮናውያን)
  • የነገው የረመዳን በዓል በአዲስ አበባ ስታዲዬም በድምቀት እንደሚከበር የአዲስ አበባ እሥልምና ጉዳዬች ምክር ቤት ተናገረ፡፡ (ዮሐንስ የኋላወርቅ)
  • በመስከረም ወር ተሻሽሎ ይወጣል የተባለውን የመንጃ ፈቃድ አሰጣጥ ምክንያት አድርጎ አዲስ የመንጃ ፈቃድ ምዝገባ አይቀርም ተባለ፡፡ (ቴዎድሮስ ወርቁ)
 
አስተያየት ይፃፉ (0 አስተያየት)

ህገ-ወጥ የዱር እንስሣት አዘዋዋሪዎች የአንበሳና አቦሸማኔ ዝርያዎች ላይ ስጋት ደቅነዋል ተባለ

ህገ-ወጥ የእንስሣትና ውጤቶቻቸው አዘዋዋሪዎች የኢትዮጵያ አንበሣና አቦሸማኔ ግልገሎችን እየያዙ በሱማሌላንድ በኩል ከሀገር በማውጣት ሶማሌ ውስጥ ለሽያጭ ያቀረቧቸዋል ተብሏል፡፡ከዱር እንሥሣት ልማትና ጥበቃ ባለሥልጣን የህዝብ ግንኙነት ባለሞያ አቶ ሰለሞን ወርቁ እንደሰማነው በህገ-ወጥ የእንስሣትና ውጤት አዘዋዋሪዎች ተይዘው ለገበያ የሚቀርቡትን የአንበሣና አቦሸማኔ ግልገሎች የኢሲያና አረብ አገራት ሰዎች በቤታቸው ውሰጥ ለማኖር ይገዟቸዋል፡፡

ይህን የዱር እንስሣት ዝውውር ለማስቆም ይረዳል የተባለ ሥልጠና ለአገር መከላከያ ሠራዊት ሰልጣኞች ስልጠና እየተሰጠ እንደሚገኝም አቶ ሰለሞን ነግረውናል፡፡ በዚህም ትላንት ለአዋሽ ጥምር ጦር አካዳሚ ለ126 ሰልጣኞች በዱር እንስሣትና ውጤቶቻቸው ህገ-ወጥ ዝውውር ላይ ስልጠና የተሰጣቸው ሲሆን ዛሬ ደግሞ በአዋሽ 40 ውጊያና ቴክኒክ ትምህርት ቤት 150 ሰልጣኞች ሥልጠና ተሰጥቷቸዋል፡፡ ነገም በብርሸለቆ የውጊያ ማሰልጠኛ ተመሣሣይ ስልጠና ለመስጠት ፕሮግራም ተይዟል፡፡

የጋምቤላ ብሔራዊ ፓርክ፣ የኦሞና ቃስሣ ሽራሮ ብሔራዊ ፓርኮች በኢትዮጵያ ድንበር አካባቢ ያሉ በመሆናቸው በፓርኮቹ ውስጥ ያሉ የዱር እንስሣት በህገ-ወጦች ከሚገደሉባቸውና ውጤቶቻቸው ከሚወሰዱባቸው ብሔራዊ ፓርኮች ቀዳሚዎቹ መሆናቸውን ሰምተናል፡፡

ንጋቱ ሙሉ
አስተያየት ይፃፉ (0 አስተያየት)

የሕዝብ ተወካዮች ምክር ቤት በመጪው የበጀት ዓመት የበጀት ረቂቅ ላይ እየመከረ፣ እየዘከረ ነው ተባለ፡፡ በጀቱ ከቀዳሚው ዓመት በ50 ቢሊዮን ብር ብልጫ ያለው ነው

ለመጪው ዓመት የተያዘው ረቂቅ በጀት እንዴት በቁጠባ እና በውጤታማነት ሥራ ላይ መዋል እንዳለበት የህዝብ እንደራሴዎች ምክር ቤት አባላት ዛሬ ሲመክሩ ውለዋል…ኢትዮጵያ ለወጠነቻቸው ሥራዎች ወጪ እንዲሆን የተያዘው 2 መቶ 73 ቢሊየን ብር ባለፈው ዓመት ከተመደበው ጋር ሲነፃፀር የ50 ቢሊየን ብር ብልጫ አለው፡፡ከበጀቱ 65 ነጥብ 5 በመቶ የሚሆነውም ድህንትን ለመቀነስ ያግዛሉ ለተባሉ ለመንገድ፣ ለትምህርት፣ ለጤና እና ለመሳሰሉ ሥራዎች ወጪ ይውላል ተብሏል፡፡

ከተያዘው ረቂቅ በጀት ከፍተኛ ገንዘብ የተመደበለት የመንገድ ግንባታ ነው፡፡ የመንገድ ፕሮጀክቶች በተያዘላቸው የጊዜ ገደብ አለመጠናቀቃቸው ከተያዘላቸው በጀት በላይ እንዲወስዱ ሆነዋል፡፡ የጥራት ችግርም አለባቸው ያሉት የምክር ቤቱ አባላት የቁጥጥር ሥራው ካልተጠናከረ ከፍተኛ በጀት መመደቡ ምን ትርጉም አለው ? የሚል ጥያቄም አንስተዋል፡፡ በተያዘው ረቂቅ በጀት 35 ነጥብ 5 ቢሊየን ብር የበጀት ጉድለት ታይቷል፡፡

ተጨማሪ ያንብቡ...

አስተያየት ይፃፉ (0 አስተያየት)

የእሥራኤል ፖሊስ የህዝብ እንቅስቃሴ አስተጓጉለዋል ያላቸውን ለተቃውሞ የወጡ 12 ኢትዮጵያዊያን ቤተ-እሥራኤላውያንን በቁጥጥር ሥር ማዋሉ ተሠማ

ቤተ-እሥራኤላውያኑ በቁጥጥር ሥር የዋሉት በኢትዮጵያዊያን አይሁዶች ላይ ያነጣጠረና አመታት የዘለቀ በደል እየደረሰብን ነው በማለት ለተቃውሞ ወደ ጐዳና በመውጣታቸው ነው፡፡ ፖሊስ የትራፊክ እንቅስቃሴን በማወክ ህዝብን ለደህንነት ስጋት ዳርጋችኋል በሚል በቁጥጥር ሥር አውሏቸዋል፡፡ ቤተ-እሥራኤላዊው ዮሴፍ ሳልማ የተባለው ወጣት ራሱን አጥፍቶ ተገኝቷል ቢባልም ኢትዮጵያዊያኑ ግን በፖሊስ በደረሰበት ጥቃት ተገድሏል በማለት ለተቃውሞ አደባባይ ወጥተዋል፡፡

ቤተ-እሥራኤላውያኑ ለአገሬው ሰዎች የሚሰጠው የጤና ሽፋን ፣ የትምህርት እድል እንደማያገኙና በሃይማኖታቸውም መገለል እንደሚደርስባቸው ተናግረዋል፡፡ የእሥራኤል የፖሊስ ኃላፊዎች ቤተ-እሥራኤላውያኑ ሰላማዊ ሰልፍ የማድረግና ኃሳባቸውን የመግለፅ መብት እንዳላቸው ተናግረው በቁጥጥር ስር የዋሉት መንገዶችን በመዝጋትና ህዝብን ለስጋት በመዳረጋቸው ነው ማለታቸውን ጄሩሳሌም ፖስት አውርቷል፡፡
 
ምስክር አወል
አስተያየት ይፃፉ (0 አስተያየት)

ሰኔ 27፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ውሻዎች ሊመዘገቡና መለያ ሊሰጣቸው ነው፡፡ (ወንድሙ ኃይሉ)
  • ለዘመናት በሚኒሊክ ሆስፒታል ብቻ ይሰጥ የነበረው የአስክሬን ምርመራ በተደራጀ መሳሪያ እና ባለሙያ በመቐሌ አይደር ሆስፒታል እየተሰራ ነው፡፡ (ተህቦ ንጉሴ)
  • ከትናንት በስቲያ ከመቐሌ አዲስ አበባ የኢትዮጵያ አየር መንገድ በረራ ከ2 ሰዓት በላይ መዘግየቱ ደንበኞችን አማረረ፡፡ የአየር መንገዱ የሥራ ኃላፊዎች በጉዳዩ ላይ ለቀረበላቸው ጥያቄ ተመካክረን ምላሽ እንሰጥበታለን ብለዋል፡፡ (ቴዎድሮስ ወርቁ)
  • በዚህ ዓመት ብቻ በተለያየ ምክንያት የተዘጉ የአንድ መቶ አሥራ ሦስት ያህል በጐ አድራጐት ድርጅቶችና ማህበራትን ንብረት ለተመሣሣይ ድርጅቶች ማስተላለፉን የበጐ አድራጐት ድርጅቶችና ማህበራት ኤጀንሲ ተናገረ፡፡ (ትዕግስት ዘሪሁን)

    ተጨማሪ ያንብቡ...

    አስተያየት ይፃፉ (0 አስተያየት)

የሐኪምዎ መልዕክት ዶ/ር ሰለሞን ተፈራ፣የምርምር ወረቀቶች የቢራ ፋብሪካዎችን አዲሶቹ ቀኝ ገዢዎች እያሏቸው ነው

“የምርምር ወረቀቶች የቢራ ፋብሪካዎችን አዲሶቹ ቀኝ ገዢዎች እያሏቸው ነው፡፡ ከፍተኛ ገንዘብ ስላላቸው መንግሥታትን በተፅእኗቸው ስር ማድረግ ይችላሉ፡፡ ብልጦች ናቸው፡፡ ከገበሬው ገብስ ገዝተን ኑሮውን አሻሻልንለት ይሉሃል … ግን ለመሆኑ ገበሬው ከእነሱ በፊት ገብሱን አምርቶ መሬት ላይ ያፈስሰው ነበር ? ገበሬው ገብሱን የሸጠበትን ገንዘብ ድራፍት ስለሚጠጣበት ገንዘቡን መልሰው ይቀበሉታል…” ዶ/ር ሰለሞን ተፈራ፣ በአዲስ አበባ ዮኒቨርሲቲ፣ የጤና ሳይንስ ኮሌጅ፣ በሥነ አእምሮ ሕክምና ክፍል ተባባሪ ፕሮፌሰር…

በሸገር “የሐኪምዎ መልዕክት” መሰናዶ ላይ በተከታታይ ስለሱስና ሱሰኝነት የነገሩን ዶ/ር ሰለሞን ተፈራ በዛሬው ማለዳ ደግሞ ስለቢራ ፋብሪካዎች የተሰማቸውን አካፍለውናል፡፡ “በማስታወቂያቸው የሀገራችንን ማንነት ቀምተውናል፣ እንደፈለጋቸው እንዲሆኑ ተለቅቀዋል” የሚሉት ዶ/ር ሰለሞን፣ “ወሳኔ ቦታ ላይ የተቀመጡ ኃላፊነት ተሰምቷቸው አደብ ሊያስይዟቸው ይገባል” ብለዋል፡፡

ሱስ አስያዥና ለጤና ጎጂ የሆኑትን ቢራና ትምባሆ የሚሸጡ ፋብሪካዎች ለትርፍ የሚሰሩ ስለሆኑ ምርታቸውን በስፋት መሸጥና ማትረፍ ነው አላማቸው እነሱ ካተረፉ እኛ ምኑን ተረፍን የሚል መልዕክታቸውን አካፍለውናል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (1 Comment)
Sheger 102.1 AudioNow Numbers