• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕዳር 22፣ 2012/ እዚህም እዚያም እየተከሰቱ ያሉ ግጭቶች የተጣለብኝን ኃላፊነት እንዳልወጣ እንቅፋት መሆኑ ይታወቅልኝ ሲል የእርቀ ሰላም ኮሚሽን ተናግሯል

እዚህም እዚያም እየተከሰቱ ያሉ ግጭቶች የተጣለብኝን ኃላፊነት እንዳልወጣ እንቅፋት መሆኑ ይታወቅልኝ ሲል የእርቀ ሰላም ኮሚሽን ተናግሯል፡፡ግጭቶች የሚከስሙበትን መላ መንግስት እንዲያበጅ እየወተወትኩ ነውም ብሏል፡፡


ትዕግስት ዘሪሁን
አስተያየት ይፃፉ (0 አስተያየት)

ሕዳር 22፣ 2012/ በኦሮሚያ ክልል ተፈጥሮ በነበረው ግጭት ተሳትፈዋል በሚል ተጠርጥረው በቁጥጥር ስር ከዋሉ ግለሰቦች መካከል በ207ቱ ላይ ክስ ተመስርቷል

ባለፈው ጥቅምት ወር በኦሮሚያ ክልል የተለያዩ አካባቢዎች ተፈጥሮ በነበረው ግጭት ተሳትፈዋል የተባሉ 695 ተጠርጣሪዎች በቁጥጥር ስር እንደዋሉ የክልሉ ምክትል ጠቅላይ አቃቤ ህግ አቶ አሽማዊ ሰይፉ ተናግረዋል፡፡ 352 ተጠርጣሪዎች ጉዳያቸው ተጣርቶ ማስረጃ ስላልተገኘባቸው ተለቅቀዋል ብለዋል፡፡ 343 ተጠርጣሪዎች ግን በ230 የምርመራ መዝገቦች ጉዳያቸው እየተጣራ እንደሚገኝ አቶ አሽማዊ ለሸገር ተናግረዋል፡፡207 ተጠርጣሪዎች በ72 መዝገቦች በፍርድ ቤት ክስ እንደተመሰረተባቸውም ከምክትል አቃቤ ህጉ ሠምተናል፡፡

በሶስት መዝገብ የተከሰሱ ስድስት ግለሰቦች በፍርድ ቤት ውሳኔ እንዳገኙ ምክትል ጠቅላይ አቃቤ ህጉ ጠቅሰዋል፡፡ሰበታ ላይ ቀላል ጉዳት በማድረስ ወንጀል ተከስሶ ስድስት ወር የተቀጣው ግለሰብ አንዱ ነው ብለዋል፡፡ሞጆ ላይ ሁከት ፈጥረዋል በሚል ከተከሰሱ ሁለት ግለሰቦች አንደኛው በሁለት ዓመት እስራት፣ ሌላኛው ደግሞ በአንድ ዓመት ከስምንት ወር እስራት እንደተቀጣም ነግረውናል፡፡

ሰበታ ላይ ንብረት በማውደም የተከሰሱ ሁለት ግለሰቦች ፍርድ ቤት ቀርበው ነጻ እንደወጡ ሠምተናል፡፡በ136 ተጠርጣሪዎች ላይ ምርመራው መቀጠሉን አቶ አሽማዊ ተናግረዋል፡፡ግለሰቦቹ የተያዙት በግድያ፣ በከባድና ቀላል የአካል ጉዳት ማድረስ እንዲሁም ንብረት ማውደም ወንጀሎች ተጠርጥረው እንደሆነ ሠምተናል፡፡

ንጋቱ ረጋሣ
አስተያየት ይፃፉ (0 አስተያየት)

ሕዳር 22፣ 2012/ ስሙ ያልተጠቀሰ የትምህርት ተቋም ለፍቃድ ማግኛ በሚል ያቀረበው የቋሚ ቅጥር መምህር የትምህርት ማስረጃ በሕይወት የሌለ ሰው ሆኖ ተገኝቷል

በከፍተኛ ትምህርት ደረጃ የሚሰጥ ትምህርት የጥራት ጉዳይ አነጋጋሪ እንደሆነ ቀጥሏል፡፡ ተቋማቱ በሚከተሉት ብልሹ አሰራር በተለይ በጤናው መስክ ስልጠና የሚሰጡቱ ኃላፊነታቸውና ተጠያቂነታቸው ሊታሰብበት የሚገባ ነው ተብሏል፡፡- አንድ ስሙ ያልተጠቀሰ የትምህርት ተቋም ለፍቃድ ማግኛ በሚል ያቀረበው የቋሚ ቅጥር መምህር የትምህርት ማስረጃ በሕይወት የሌለ ሰው ሆኖ ተገኝቷል፡፡
  • በተቋሙ ላይ የተወሰደው እርምጃን አስመልክቶ የተነገረ ነገር የለም፡፡
  • ሐሰተኛ የእውቅና ፍቃድ እያሳተሙ ተማሪዎችን ተቀብለው የሚያስተምሩ ተቋማት በተደጋጋሚ ተገኝተዋል፡፡
  • ያለ ምንም የተግባር ልምምድ የሚመረቁ የጤና ተማሪዎችም አሉ፤ ከብቃት ማነስ የተነሳም የሰው ሕይወት እያለፈ ነው ተብሏል፡፡

በየነ ወልዴ
አስተያየት ይፃፉ (0 አስተያየት)

ሕዳር 22፣ 2012/ የተለያዩ የፖለቲካ ፓርቲዎች ስለብልፅግና ፓርቲ ምን እያሉ ነው?

ከጥቂት ጊዜያት ወዲህ በኢትዮጵያ የሚንቀሳቀሱ የፖለቲካ ፓርቲዎች ሰብሰብ ብለው ራሳቸውን ቢያጠናክሩ የሚል አስተያየት በተደጋጋሚ መሰማቱን ተከትሎ የፓርቲዎች ውህደት ሰሞነኛ ጉዳይ ሆኗል፡፡የውህደት ጉዳይ እስከ ገዥው ኢህአዴግ ድረስ ዘልቆ እህትና አጋር ድርጅቶቹን በማቀፍ አንድ የብልፅግና ፓርቲ መስርቷል፡፡የተለያዩ የፖለቲካ ፓርቲዎች ስለዚሁ ብልፅግና ፓርቲ ምን እያሉ ነው?


የኔነህ ሲሳይ
አስተያየት ይፃፉ (0 አስተያየት)

ሸገር ልዩ ወሬ - በምላሱ፣ በአገጩ እና በእግሩ ጣቶች ኮምፕዩተር የሚጠግነውን ሁለት እጆች የሌሉትን ግርማን እናስተዋውቃችሁ…

የ22 ዓመቱ ግርማ መኮንን ሲወለድ ጀምሮ ሁለት እጆች አልነበሩትም፡፡ ይህ ግን ከምንም ነገር እንዳልገደበው ነው የሚናገረው፡፡ በአዲስ አበባ ዩኒቨርሲቲ፣ በኮምፕዩተር ሳይንስ የ3ኛ ዓመት ተማሪ የሆነው ግርማ በትርፍ ጊዜው በየተፈለገበት ቦታ እየሄደ ኮምፕዩተር ይጠግናል፣ ሶፍትዌር ይጭናል፡፡ ግርማ በእግሩ ጣሮች የኮምፕዩተር ማውዝ ይጠቀማል፣ ምላሱን ተጠቅሞም ይፅፋል፡፡ “የአእምሮ ጉዳት እንጂ አካላዊ ጉዳት ምንም ማለት አይደለም፣ እችላለሁ ብለህ ራስህን ካሳመንከው የማይቻል ነገር የለም” የሚለው ግርማ በወርልድ ቴኳንዶም ኢትዮጵያን ወክሎ ተወዳድሯል - በሞሮኮው ውድድሩ ወርቅ ሲያገኝ ከቱርክ ውድድሩ ደግሞ ብር ማግኘቱን ይናገራል፡፡ ወንድሙ ኃይሉ፣ በሸገር ልዩ ወሬ መሰናዶው ወደ 4 ኪሎ ጎራ ብሎ ግርማ መኮንንን ያነጋገረውን እንድታዳምጡ ጋብዘናል

አስተያየት ይፃፉ (0 አስተያየት)

ሕዳር 19፣ 2012/ ከሲዳማ ሕዝበ ውሳኔ በኋላ ከደቡብ ክልል ጋር በመልክአ ምድር የማይገናኘው የጌዲኦ ዞን እጣ ፈንታ ምን ይሆን?

በሲዳማ ዞን በቅርቡ በተካሄደው ሕዝበ ውሳኔ ጊዜያዊ ውጤት መሰረት የሲዳማ ዞን የክልልነት አደረጃጀት ይሁንታ እንዳገኘ ይታወቃል፡፡ለሌሎች ዞኖችም በተመሳሳይ ጥያቄ ሕገ መንግስታዊ ምላሽ መሰጠቱ አይቀርም የሚሉ ብዙዎች ናቸው፡፡ ከሲዳማ ህዝበ ውሳኔ በኋላ የጌዲኦ ዞን ተመሳሳይ ጥያቄ ቢያስተናግድ ዞኑ አሁን ባለው መልክአ ምድራዊ አቀማመጡ ምክንያት ከደቡብ ክልል በአካል የማይገናኝ በመሆኑ ምን ሊሆን ይችላል? ሲል የኔነህ ሲሳይ አንድ የማህበረሰብ ሳይንስ ባለሞያ አነጋግሯል

አስተያየት ይፃፉ (0 አስተያየት)

ሕዳር 19፣ 2012/ የንግድ እና ኢንዱስትሪ ሚኒስቴር የንግድ ሥርዓቱ ችግር እንዳለበት በመረዳት ማስተካከያዎችን አድርጌያለሁ ይላል

በኢትዮጵያ የንግድ ሥርዓት ውስጥ በርካታ ተዋንያን ያሉበት በመሆኑ በውስብስብ ችግሮች የታጠረ እንደሆነ ይነገራል፡፡ በአገሪቱ የንግድ እንቅስቃሴ ፍትሃዊ በሆነ ውድድር እንዲመራ ባለመደረጉ አገር ተገቢውን ጥቅም እንዳታገኝ፣ ሸማቹም ህብረተሰብ ለጉዳት ሲዳረግ ይታያል፡፡ ከዓመታት በፊት ይሰራበት የነበረው አጠቃላይ አስመጪ የሚል ፈቃድ እንዲቀር ተደርጓል፡፡ የንግድ እና ኢንዱስትሪ ሚኒስቴር እንደሚለው የንግድ ሥርዓቱ ችግር እንዳለበት በመረዳት ማስተካከያዎችን አድርጌያለሁ ሲል ይደመጣል፡፡“አጠቃላይ አስመጪ” ወይም “አጠቃላይ ንግድ” እንዲሁም “ብቸኛ አስመጪ” የሚል ፈቃድ ባለመኖሩ ሁሉም ግንዛቤ ሊኖረው ይገባል ሲልም ያሳስባል፡፡



ንጋቱ ረጋሣ
አስተያየት ይፃፉ (0 አስተያየት)

ሕዳር 19፣ 2012/ “ሚዲያዎች ነገሮችን አስቀድሞ በማሰብ፣ በማረጋጋትና በሰላም ግንባታ ዙሪያ ገንቢ ሚናቸውን መጫወት ይገባቸዋል”

ግጭትና ብጥብጥ ወይም አለመረጋጋት በሚከሰትበት ወቅት መገናኛ ብዙሃን በሚያቀርቡት መረጃ ይፈተናሉ፡፡ ከተፅእኖ ነፃ ሆነው ሀላፊነት በተሞላበት ሁኔታ የሁሉንም ወገን ድምፅ ማካተት የሙያው ሥነ-ምግባር ግድ ይላቸዋል፡፡በዚህ ወቅት እውነታውን ማሳየት አንድ ነገር ሆኖ በስራዎቻቸው ምክንያት ሊከሰቱ የሚችሉ ነገሮችን አስቀድሞ በማሰብ፣ በማረጋጋትና በሰላም ግንባታ ዙሪያ ገንቢ ሚናቸውን መጫወት ይገባቸዋል የሚሉ ወገኖች አሉ፡፡ኢትዮጵያ አሁን ያለችበት ሁኔታ እንዲህ ዓይነቱ የመገናኛ ብዙሃን ሚና የሚያስፈልግበት ጊዜ ይመስላል፡፡ተህቦ ንጉሴ በዚህ ዙሪያ ምሁራንን አነጋግሯል

አስተያየት ይፃፉ (0 አስተያየት)

ሕዳር 19፣ 2012/ ከ80 በላይ ብሔሮች ያላት ኢትዮጵያ የክልልነት ጥያቄን ለስንቱ ተግባራዊ አድርጋ ትዘልቀዋለች ?

በኢትዮጵያ በየትኛውም ክልል ውስጥ ያሉ ብሔሮች በማንኛውም ጊዜ የራሳቸውን ክልል የማቋቋም መብት እንዳላቸው በህገ መንግስት ተደንግጓል፡፡ይህን ህገ መንግስታዊ መብት ተጠቅመው የተለያዩ ብሔሮች ጥያቄ እያቀረቡ ነው፡፡ በቅርቡም የሲዳማ ውሳኔ ሕዝብ ተካሂዷል፡፡ ከ80 በላይ ብሔሮች ያላት ኢትዮጵያ ይህን በህገ መንግስቷ የፈቀደችውን መብት ለስንቱ ተግባራዊ አድርጋ ትዘልቀዋለች፡፡ ምን ማድረግ ይበጃል? ንጋቱ ሙሉ የፌደራሊዝ ተመራማሪ አነጋግሯል

አስተያየት ይፃፉ (0 አስተያየት)

ሕዳር 19፣ 2012/ አንበጣ ወደ ሶማሌ ክልል በመንጋ እየገባ ነው ተባለ

አንበጣ ወደ ሶማሌ ክልል በመንጋ እየገባ ነው ተባለ፡፡ በአንዳንድ አካባቢዎች መቀነስ ታይቷል፡፡
  • የአንበጣ መንጋውን ለመከላከል በአውሮፕላን የኬሚካል ርጭት እየተከናወነ ነው ተብሏል፡፡

ወንድሙ ሀይሉ
አስተያየት ይፃፉ (0 አስተያየት)

ሕዳር 19፣ 2012/ የተባበሩት መንግስታት ድርጅት የሰብዓዊ መብት ኮሚሽን ከፍተኛ ባለሞያ በኢትዮጵያ ጉብኝት ያደርጋሉ ተባለ

በኢትዮጵያ ያለውን የሰብዓዊ መብት አያያዝና ሀሳብን በነፃነት ከመግለፅ ጋር በተያያዘ የተሰሩ ስራዎችን ለመመልከት፣ በተባበሩት መንግስታት ድርጅት የሰብዓዊ መብት ኮሚሽን ከፍተኛ ባለሞያ በኢትዮጵያ ጉብኝት ያደርጋሉ ተባለ፡፡
  • ሐሳብን በነፃነት የመግለፅ መብትና ከጋዜጠኞች መብት ጥበቃ ጋር በተያያዙ ጉዳዮች ላይ ትኩረት እንደሚያደርጉ የሰብዓዊ መብት ኮሚሽን ከፍተኛ ባለሞያው ተናግረዋል፡፡
  • ባለሞያው ከሕዝብ እንደራሴዎች ምክር ቤት አባላት ጋር፣ በረቂቅ ደረጃ ምክክር እየተደረገበት ባለው የጥላቻ ንግግር መመሪያ ላይም ይመካከራሉ ተብሏል፡፡



ምህረት ስዩም

አስተያየት ይፃፉ (0 አስተያየት)
Sheger 102.1 AudioNow Numbers