• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በአዲስ አበባ የተለያዩ የገበያ ማዕከሎች መንስዔያቸው ያልታወቁ የእሣት አደጋዎች ከዚህ በፊት አጋጥመው ነግረናችሁም ነበር...

በአዲስ አበባ የተለያዩ የገበያ ማዕከሎች መንስዔያቸው ያልታወቁ የእሣት አደጋዎች ከዚህ በፊት አጋጥመው ነግረናችሁም ነበር፡፡ትላንትም ሰበቡ አልታወቀም የተባለ እሣት 20 የንግድ ሱቆችን አውድሟል፡፡

ከእሣትና ድንገተኛ አደጋዎች መከላከልና መቆጣጠር ባለሥልጣን የህዝብ ግንኙነት ባለሙያው አቶ ንጋቱ ማሞ ዛሬ ለሸገር ሲናገሩ ትላንት በአቃቂ ወረዳ 3 ገበያ ማዕከል ከጠዋቱ 1 ሰዓት ከ05 ገደማ የተነሣው መንስዔው አልታወቀም የተባለ እሣት ካቃጠላቸው 20 የንግድ ሱቆች የበዙት የእህል፣ የበርበሬ፣ የሸቀጣ ሸቀጥና ካቲካላ መሸጫዎች ናቸው ብለዋል፡፡
 
በአደጋው 750 ሺህ ብር የተገመተ ንብረት ሲጠፋ 30 ሚሊዮን ብር የተገመተውን ማዳን ችለናል ብለዋል አቶ ንጋቱ፡፡እሣቱን ለማጥፋት 46 የአደጋ ተከላካይ ባለሞያዎች 7 ከባድ መኪና በመጠቀም 56 ሺ ሊትር ውሃ አርከፍክፈዋል ተብሏል፡፡ይህ የአቃቂው የገበያ ማዕከል ለእሣት አደጋ ተጋላጭ ተብለው በጥናት ከተለዩት አንዱ እንደነበርም አቶ ንጋቱ ተናግረዋል፡፡
 
እሣቱ በሰው ህይወትና አካል ላይ ጉዳት አላደረሰም ተብሏል፡፡
 
ወንድሙ ኃይሉ
አስተያየት ይፃፉ (0 አስተያየት)

ከፍተኛ ተቃውሞ በህዝብ ዘንድ ያስነሳው የአህያ ቄራ በአስቸኳይ እንዲዘጋ የቢሾፍቱ አስተዳደር ውሣኔ አሣለፈ

ከፍተኛ ተቃውሞ በህዝብ ዘንድ ያስነሳው የአህያ ቄራ በአስቸኳይ እንዲዘጋ የቢሾፍቱ አስተዳደር ውሣኔ አሣለፈ፡፡በ80 ሚሊዮን ብር በቢሾፍቱ ከተማ ቃጅማ ቀበሌ አካባቢ ተገንብቶ በቀን 200 ያህል አህዬችን አርዶ ለውጭ ገበያ ለማቅረብ ውጥን የነበረው ሻንግ ዶንግ ዶንግ ከፍተኛ የህዝብ ተቃውሞ ስለገጠመው እንዲዘጋ ተወስኗል፡፡
 
የቢሾፍቱ ከተማ አስተዳደር ለዚሁ ኩባንያ ባለፈው አርብ ደብዳቤ መላኩንም ሰምተናል፡፡የከተማ አስተዳደሩን ኃላፊዎች አነጋግረን እንደተረዳነው ከኢትዮጵያዊያን ወግና ልማድ ያፈነገጠ፣ ከመነሻውም የህዝብን ድጋፍ ያላገኘ ህዝብ ተወያይቶም ይሁንታ ያልሰጠው ተግባር በመሆኑ የአህያ እርድ ማከናወኛ ቦታው በአፋጣኝ እንዲዘጋ ደብዳቤ ተልኳል፡፡ በተለይም የቃጅማ ቀበሌ ነዋሪዎች ይህ አስነዋሪ ተግባር እንዲቆም በተደጋጋሚ ለከተማ አስተዳደሩ አቤት ማለታቸውን የቢሾፍቱ ከተማ አስተዳደር የህዝብ ግንኙነት ኃላፊ አቶ ሉሉ አለሙ ለሸገር ተናግረዋል፡፡

ተጨማሪ ያንብቡ...

አስተያየት ይፃፉ (1 Comment)

የአፍሪካ መሪዎች ተሰባስበው የሚመክሩበት ጉባዔ በቅርቡ በባህርዳር ከተማ ይዘጋጃል ተባለ

የአፍሪካ መሪዎች ተሰባስበው የሚመክሩበት ጉባዔ በቅርቡ በባህርዳር ከተማ ይዘጋጃል ተባለ፡፡ጣና ፎረም በሚል ስያሜ ለ6ተኛ ጊዜ የሚደረገው አህጉራዊ ምክክር “የተፈጥሮ ሀብት ማስተዳደር በአፍሪካ” የሚል መሪ ኃሣብ እንደተሰጠው ሰምተናል፡፡በዘንድሮው ጉባዔ ላይ ከ250 የሚበልጡ ተሣታፊዎች ይገኛሉ ተብሎ የሚጠበቅ ሲሆን በጉባዔው ላይ ባለመያዎችም ይገኛሉ መባሉን ከአዘጋጆቹ ሰምተናል፡፡
 
ከአመታት በፊት የተመሠረተው ጣና ፎረም በአህጉራዊ ትብብርና ፀጥታ ዙሪያ ሲመክር የቆየ ሲሆን አምና ፎረሙ ወደ ጣና ፋውንዴሽንነት እንዲያድግ መወሰኑ ይታወሣል፡፡የአፍሪካን የተፈጥሮ ሀብት አፍሪካውያን እንዴት በወጉ ማስተዳደርና ለሕዝባቸው እንዲሆን ማድረግ እንዳለባቸው በሚመክረው ጣና ፎረም ላይ ለሚገኙ እንግዶችና መሪዎች የሚሆኑ የማረፊያና የመሰብሰቢያ ቦታዎች እንዲሁም የኢንተርኔት፣ የስልክና የትራንስፖርት አገልግሎቶች በጥሩ ሁኔታ በከተማ አስተዳደሩ እየተዘጋጀ ነው መባሉንም ከክልሉ ሰምተናል፡፡
 
በአህጉራዊ ጉዳዮች ላይ ለመምከር ከአመታት በፊት የተመሠረተው ጣና ፎረም ወይንም አምና ወደ ጣና ፋውንዴሽንነት ከፍ ያለው ተቋም ውሣኔዎችን የሚሰጥ ሣይሆን ምክረ ኃሣቦች የሚመነጩበት የመሪዎችና የባለሙያናዎች ስብስብ መሆኑ ይነገራል፡፡
 
የኔነህ ሲሣይ
አስተያየት ይፃፉ (0 አስተያየት)

በኦሮሚያ ክልል ተፈጥሮ በነበረው አለመረጋጋት የ495 ሰዎች ህይወት ማለፉን ፤ በሌሎች 464 ዜጐች ላይ ደግሞ የአካል ጉዳት መድረሱን የኢትዮጵያ ሰብዓዊ መብት ኮሚሽን ተናገረ

በኦሮሚያ ክልል ተፈጥሮ በነበረው አለመረጋጋት የ495 ሰዎች ህይወት ማለፉን ፤ በሌሎች 464 ዜጐች ላይ ደግሞ የአካል ጉዳት መድረሱን የኢትዮጵያ ሰብዓዊ መብት ኮሚሽን ተናገረ፡፡

ከሞቱት መካከል 462ቱ ሲቪል ሲሆኑ ፤ 36ቱ የፀጥታ አስከባሪዎች መሆናቸውን ኮሚሽነሩ ዶክተር አዲሱ ገብረእግዚአብሔር ተናግረዋል፡፡ኮሚሽነሩ ይህን ያሉት በኦሮሚያ፣ አማራና ደቡብ ክልሎች ተፈጥሮ የነበረውን አለመረጋጋት ተከትሎ ኮሚሽኑ ያደረገውን የምርመራ ውጤት ዛሬ ለህዝብ እንደራሴዎች ምክር ቤት ሲያቀርብ ነው፡፡

በክልሉ የተፈጠረውን አለመረጋጋትና ተቃውሞውን የመሩ በመንግሥትም በአሸባሪነት የተፈረጁ የፖለቲካ ድርጅቶች በህግ መጠየቅ አለባቸው ብሏል ኮሚሽኑ፡፡ለ56 ሰዎች ህይወት መጥፋት ምክንያት የሆነውና በእሬቻ በአል ላይ ለደረሰው አደጋም በፌዴራልና ክልል ያሉ ባለሥልጣናት በደረጃ በህግ መጠየቅ እንዳለባቸው በኮሚሽኑ ተነግሯል፡፡ዶክተር አዲሱ እንዳሉት በእሬቻ በአል ላይ ተቃውሞ ለማካሄድ የተዘጋጁ ወጣቶች ከበዓሉ ዋዜማ ጀምሮ ወደ ቢሾፍቱ ከተማ በአይሱዙ ተጭነው መግባታቸው እየታወቀ በዓሉ እንዲካሄድ መደረጉ ኃላፊነት የጐደለው ነው ብለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

ሚያዝያ 10፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የጥቁር አንበሳ ስፔሻላይዝድ ሆስፒታል ኘሌትሌት የተሰኘው የደም ተዋፅኦ እጥረት ገጥሞኛል አለ፡፡ አስፋው ስለሺ
  • እስከ መንጃ ፈቃድ ማሰረዝ የሚደርሰውና የተሻሻለው የትራፊክ ደምብ ከግንቦት ወር አንስቶ ሥራ ላይ እንደሚውል ተሠማ፡፡ ንጋቱ ሙሉ
  • በሬም ሆነ ሌሎች እንስሣት በሰውና በንብረት ላይ ጉዳት ቢያደርሱ ኃላፊነቱ የማን ነው? ሕጉስ ምን ይላል? ተህቦ ንጉሴ
  • የአዋሽ ወልዲያ ሐራ ገበያ የባቡር ኘሮጀክት ሥራ ከግማሽ በላይ ተከናውኗል ተባለ፡፡ ምሥክር አወል
  • ደረጃቸውን የማያሟሉ ምርቶችን ለአገር ውስጥ ገበያ ማቅረቡ የወጪ ንግዱም ላይ እየተጋባበት ነው ተባለ፡፡ ምህረት ስዩም
  • በኦሮሚያ ክልል ተፈጥሮ የነበረውን ግጭት በተመለከተ የኢትዮጵያ ሰብዓዊ መብት ኮሚሽን ሪፖርቱን አቀረበ፡፡ ትዕግሥት ዘሪሁን
  • ብዙ የተቃውሞ ድምፆች ሲቀርቡበት የከረመው የቢሾፍቱ የአህያ ቄራ መዘጋቱ ተወራ፡፡ ሕይወት ፍሬስብሃት
  • ስድስተኛው የጣና ፎረም ጉባዔ በባህርዳር በቅርቡ ይዘጋጃል ተባለ፡፡ የኔነህ ሲሣይ
  • የደራሲ ይልማ ሃብተየስ የቀብር ሥነ-ሥርዓት ዛሬ ይከናወናል ተባለ፡፡ ጌታቸው ለማ
  • መንስኤው ያልታወቀ የእሣት አደጋ በአቃቂ ሱቆች ላይ ጥት አደረሰ፡፡ ወንድሙ ኃይሉ
አስተያየት ይፃፉ (0 አስተያየት)

ታሪክን የኋሊት፣ሚያዝያ 5፣2009

የአሜሪካ ዶላር ዓለም አቀፍ ባሕሪን ከተላበሱ ገንዘቦች በግምባር ቀደምትነት ይጠቀሳል፡፡

አሜሪካ ከገንዘብ ኖቶቿ እምብዛም ዝውውር ላይ የማይታየውን የባለ 2 ዶላር ኖት ዳግም ሥራ ላይ ያዋለችው የዛሬ 41 ዓመት በዛሬዋ ዕለት ነው፡፡

በአሜሪካ ባለ 2 ዶላር ኖት ከ155 ዓመታት በፊትም ለጥቂት ዓመታት ካገለገለ በኋላ ከዝውውር ውጭ ተደረገ፡፡

ቶማስ ጀፈርሰን ለአሜሪካ 3ኛው ፕሬዝዳንት ናቸው፡፡

ለባለ 2 ዶላር ኖትም ዳግም ሥራ ላይ መዋል ሰበብ ምክንያቱ ጀፈርሰን ናቸው፡፡

ፌዴራል ሪዘርቭ የተሰኘው የአሜሪካ ማዕከላዊ ባንክ ከ41 ዓመታት በፊት በዛሬዋ ዕለት ባለ 2 ዶላሩን ኖት በሕጋዊ ገንዘብነት አሳትሞ ሥራ ላይ ያዋለው የቶማስ ጀፈርሰንን 233ኛ ዓመት የልደት ቀን ምክንያት በማድረግ ነው፡፡

በአንድ ገፁ ላይ የኚሁ የአሜሪካ 3ኛው ýሬዝዳንት የቶማስ ጀፈርሰን ምሥል አርፎበታል፡፡

የአሜሪካ ባለ 2 ዶላር ኖት የአገሪቱ ሕጋዊ ገንዘብ ቢሆንም እንደ ባለ አንድ፣ ባለ አምስት፣ ባለ 10፣ 50 እና 100 ዶላር ኖቶች እምብዛም ዝውውር ላይ አይገኝም፡፡

ተጨማሪ ያንብቡ...

አስተያየት ይፃፉ (0 አስተያየት)

በአለም አቀፍ ደረጃ የቆዳ ዋጋ ስላንሰራራ የኢትዮጵያ ቆዳ ዋጋም ከፍ ይላል ተብሎ ተስፋ ተደርጓል

በአለም አቀፍ ደረጃ የቆዳ ዋጋ ስላንሰራራ የኢትዮጵያ ቆዳ ዋጋም ከፍ ይላል ተብሎ ተስፋ ተደርጓል፡፡የኢትዮጵያ የቆዳ ፋብካዎች ፍላጎት ከፍ እያለ ስለመጣ የቆዳ ዋጋ ይሻሻላል የሚል ተስፋ እንዳለው  የተናገረው የኢትዮጵያ ጥሬ ቆዳ አቅራቢዎች ማኅበር ነው፡፡አለም አቀፉን  የቆዳ ዋጋ ማንሰራራት ተከትሎ የኢትዮጵያ የቆዳ ፋብሪካዎች ፍላጎትም ከፍ ማለቱን  የማኅበሩ ýሬዝዳንት አቶ ብርሃኑ አባተ ለሸገር ተናግረዋል፡፡

ከዚህ ቀደም የቆዳ ዋጋ በመውረዱ የበግ ቆዳ እስከ 3 ብር የተሸጠበት ጊዜ እንደነበር ያስታወሱት አቶ ብርሃኑ ይህንን ለማስተካከል ባለፈው የገና በዓል ለቆዳ መነሻ የመሸጫ ዋጋ ተመን ወጥቶ ነበር ብለዋል፡፡ይህ ግን በቆዳ ነጋዴውም ዘንድ ሳይከበር በመቅረቱ ለፋሲካ በዓል ለቆዳ መሸጫ የዋጋ ተመን አልተወሰነም ተብሏል፡፡

ከዚህ ቀደም የቆዳ ዋጋ የወደቀው የቆዳ ፋብሪካዎች ፍላጎት የተቀዛቀዘ ስለነበር ነው ያሉት የማህበሩ ýሬዝዳንት አሁን ግን የፋብሪካዎች ፍላጎት በመነቃቃቱ የቆዳ ዋጋም እንደሚሻሻል ተስፋ አድርገናል ብለዋል፡፡

ትዕግሥት ዘሪሁን
አስተያየት ይፃፉ (0 አስተያየት)

በሳውዲ አረቢያ ያለምንም ህጋዊ ፈቃድ የሚኖሩ ወይም አዲስ የወጣውን የሀገሪቱን ደንብ የማያሟላ ኢትዮጵያዊ ሁሉ በአስቸኳይ አገሪቱን ለቀው እንዲወጣ ሲል የውጭ ጉዳይ ሚኒስቴር መሥሪያ ቤት ተናግሯል

በሳውዲ አረቢያ ያለምንም ህጋዊ ፈቃድ የሚኖሩ ወይም አዲስ የወጣውን የሀገሪቱን ደንብ የማያሟላ ኢትዮጵያዊ ሁሉ በአስቸኳይ አገሪቱን ለቀው እንዲወጣ ሲል የውጭ ጉዳይ ሚኒስቴር መሥሪያ ቤት ተናግሯል፡፡ሚኒስቴር መሥሪያ ቤቱ ይህን ያለው ዛሬ ማርፈጃውን በሰጠው ጋዜጣዊ መግለጫ ሲሆን የተናገሩትም በይፋ የሚኒስቴር መሥሪያ ቤቱ ቃል አቀባይ ሆነው የተሾሙትና ዛሬ ሥራቸውን የጀመሩት አቶ መለስ አለም ናቸው፡፡

የሳውዲ አረቢያ መንግሥት ከህገ-ወጥ የውጭ ሀገር ዜጎች ነፃ የሆነች ሳውዲ አረቢያ በሚል በጀመረው ህገ-ወጥ ነዋሪዎችን የማስወጣት ዘመቻው በተሰጠው 90 የምህረት ቀናት ተጠቅሞ መመለስ የማይችሉ ኢትዮጵያዊያን እዳቸው ስለሚበዛ ወደ ሀገር ቤት ይመለሱ ተብሏል፡፡

በውጭ ጉዳይ መሥሪያ ቤት የሚመራ ተመላሾችን የሚቀበል ኮማንድ ፖስት ተቋቁሟል ያሉት አቶ መለስ በሳውዲ አረቢያ፣ በሪያድና በጅዳ ከተሞች ከሚገኙ ሚሲዬኖች በተጨማሪ ወደ ሀገር ቤት ለሚመለሱ ዜጎች የምዝገባ አገልግሎት የሚሰጥ ተንቀሣቃሽ የምዝገባ ጣቢያ መዘጋጀቱን ተናግሯል፡፡በሳውዲ አረቢያ ከ1 መቶ ሺ የሚልቁ ህገ-ወጥ ነዋሪ የሆኑ ኢትዮጵያዊያን ይኖራሉ ተብሎ የሚገመት ሲሆን ሳውዲ አረቢያ በሰጠችው የምህረት አዋጅ ተጠቅመው ሀገር ቤት ለመመለስ የተመዘገቡት ከ4 ሺ አይበልጡም ተብሏል፡፡

ሳውዲ አረቢያ የሰጠችው የጊዜ ገደብ የሚያበቃው ሰኔ 20 በመሆኑ ይህን መረጃ የሚሰሙና በሳውዲ አረቢያ የሚገኙ ህገ-ወጥ ነዋሪዎች ቀነ ገደቡን እንዲጠቀሙበት ቃል አቀባዩ በብርቱ አሳስበዋል፡፡

የኔነህ ሲሣይ
አስተያየት ይፃፉ (0 አስተያየት)

ሸማቾች ታላቅ የዋጋ ቅናሽ ተደርጓል በሚል የሚገለፁ ማስታወቂያዎችን በደንብ መመርመር አለባችሁ ተብላችኋል

ሸማቾች ታላቅ የዋጋ ቅናሽ ተደርጓል በሚል የሚገለፁ ማስታወቂያዎችን በደንብ መመርመር አለባችሁ ተብላችኋል፡፡እንዲህ እንደ አሁኑ በዓል ሲቃረብ የተለያዩ ድርጅቶች በአገልግሎትና ምርቶቻቸው ላይ ታላቅ የዋጋ ቅናሽ ማድረጋቸውን የሚገልፁ ማስታወቂያ ያስነግራሉ፡፡አንዳንድ ድርጅቶች ማስታወቂያውን ቢያስነግሩም የዋጋ ቅናሹን አያደርጉም ይባላል፡፡የንግድ ውድድርና ሸማቾች ጥበቃ ባለሥልጣንም ነገሩ እውነት እንደሆነ ያረጋግጣል፡፡

በባለሥልጣኑ የህዝብ ግንኙነት ማስተባበሪያ ኃላፊ አቶ እንዳልካቸው ፀጋዬ እንደነገሩን ቀደም ሲል የዋጋ ቅናሽ አድርገናል ካሉ በኋላ በድሮው ዋጋ ምርቶችን የሚሸጡ ነጋዴዎች አሉ፡፡ሸማቹም ይህንኑ በመረዳት የተባለው የዋጋ ቅናሽ በርግጥ ተደርጓል አልተደረገም የሚለውን በማረጋገጥ መግዛት አለበት ብለዋል፡፡

ስለሚገዛው ዕቃ ወይም አገልግሎት ሸማቹ በቂ መረጃ ይዞ ለግብይት መውጣት እንዳለበትም አቶ እንዳልካቸው መክረዋል፡፡ምርቶቹ ጊዜ ያላለፈባቸው፣ ደረጃቸውን የጠበቁና ከባዕድ ነገሮች ጋር ያልተቀላቀሉ መሆናቸውን እንዲያረጋግጥም ጠይቀዋል፡፡ነጋዴዎችም የምርቶችን መሸጫ ዋጋ በግልፅ መለጠፍና ለሸጡት ዕቃም ደረሰኝ የመስጠት ግዴታቸውን እንዲወጡ አሳስበዋል፡፡

ሸማቾች ግብይት በሚያካሂዱበት ወቅት የሚገጥማቸው ችግር ካለ በባለ ሥልጣኑ ነፃ የሥልክ ቁጥሮች 8077 እና 8478 ጥቆማ መስጠት ይችላሉም ብለዋል፡፡

ንጋቱ ረጋሣ

አስተያየት ይፃፉ (0 አስተያየት)

የአዲስ አበባ ቄራዎች ድርጀት ዳይሬክተር አቶ ንብረቱ በቃ እንደነገሩን ድርድታቸው ከዚህ ቀደም ከነበሩት የማረጃ ቦታዎች ተጨማሪ ግንባታዎችን...

የአዲስ አበባ ቄራዎች ድርጀት ዳይሬክተር አቶ ንብረቱ በቃ እንደነገሩን ድርድታቸው ከዚህ ቀደም ከነበሩት የማረጃ ቦታዎች ተጨማሪ ግንባታዎችን በማከናወን በትንሣኤን በአል ለደንበኞቹ ጤንነቱ የተጠበቀ የእርድ አገልግሎት ለመስጠት እንደተዘጋጀ ነው፡፡በፆም ወቅት በነበረን ግዜ የእርድ ቦታዎችን የማሻሻልና ተጨማሪ ማረጃዎችን ገንብተናልም ብለዋል፡፡

በማዕከል የማረጃ ሥፍራ ባደረግነው አዲስ ግንባታ በአንድ ጊዜ 1 ሺህ በጎችን ማረድ የሚያስችል ቦታ አዘጋጅተናል ሲሉ አቶ ንብረቱ ነግረውናል፡፡አቃቂ ቃሊቲ በሚገኘው ቅርንጫፍ አገልግሎት መስጪያችን የግመል እርድ አገልግሎት እንሰጣለን ያሉት አቶ ንብረቱ በቃ ከ150 እስከ 250 የዳልጋ ከብት ማረድ የሚችለው አቅማችንን ወደ 400 ከፍ አድርገናልም ብለዋል፡፡

ድርጅቱ አርዶ በተመጣጣኝ ዋጋ ለሽያጭ ከሚያቀርባቸው የበግ እርዶች በተጨማሪ ማንኛውም ሰው እራሱ በግ ገዝቶ ቢመጣ የእርድ አገልግሎት እንሰጣለን ብለዋል፡፡ይህም በድርጅቱ አዲስ ልምድ ሲሆን ጤንነቱ የተጠበቀ የምግብ አገልግሎት ማግኘት ለሚፈልግና አካባቢውን ካለአስፈላጊ ተረፈ ምርቶች ለማፅዳት የሚፈልግ የገዛውን በግ ወደ ድርጅታችን ይዞ ቢመጣ አገልግሎቱን በፍጥነትና በጥራት ያገኛል ብለዋል፡፡የአዲስ አበባ ቄራዎች ድርጅት በትንሣኤ በአል 3 ሺ ያህል ዳልጋ ከብቶችንና እስከ 4 ሺ ድረስ በጐችን የእርድ አገልግሎት ለመስጠት መዘጋጀቱን ዳይሬክተሩ አቶ ንብረቱ በቃ ለሸገር ተናግረዋል፡፡

አስፋው ስለሺ

አስተያየት ይፃፉ (0 አስተያየት)

ሚያዝያ 5፣2009 የሸገር ወሬዎቻችን

  • ሀገር አቀፍ የትምህርት ምዘናና ፈተናዎች ኤጀንሲ የዘንድሮ ብሔራዊ ፈተና ህትመት እየተገባደደ መሆኑን ለሸገር ተናገረ፡፡ ሕይወት ፍሬስብሃት
  • አለም አቀፉ የሰላም ማስከበር የኢትዮጵያ ማሰልጠኛ ማዕከል ከጃፓን የገንዘብ ድጋፍ ማግኘቱ ተሠማ፡፡ የኔነህሲ ሲሣይ
  • በቅርቡ በአዲስ አበባ የሚደረገው የአፍሪካ ኮሚሽን ጉባዔ ለኢትዮጵያ የቱሪዝም ሥራ መስፋፋት እድል ይሰጣል ተባለ፡፡ የኔነህ ሲሣይ
  • ኢትዮጵያ በቱሪዝም ተጠቃሚ እንድትሆን ከግል ባለሀብቶች ጋር በጋራ በትብብር ልትሰራ ይገባታል ተባለ፡፡ ምሥክር አወል
  • በሳውዲ አረቢያ በሕገ-ወጥ መንገድ የሚኖሩ ኢትዮጵያውያን በተቻለ ፍጥነት ወደ አገር ቤት እንዲመለሱ የውጭ ጉዳይ ሚ/ር መከረ፡፡ የኔነህ ሲሣይ
  • ሸማቾች ታላቅ የዋጋ ቅናች የሚሉ የንግድ ማስታወቂያዎችን በደንብ መመርመር አለባችሁ ተብላችኋል፡፡ ንጋቱ ረጋሣ
  • የአዲስ አበባ ቄራዎች ድርጅት የእርድ አገልግሎቴን እያሳደግኩ ነው አለ፡፡ አስፋው ስለሺ
አስተያየት ይፃፉ (0 አስተያየት)
Sheger 102.1 AudioNow Numbers