• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የብሔረ አማራ ዴሞክራሲያዊ ንቅናቄ (ብአዴን) በባህርዳር የጀመረውን ግምገማ ዛሬም ቀጥሏል

ከየወረዳው፣ ከዞኖችና ከክልሉ የተወጣጡ የድርጅቱ አባላት የተገኙበት ጉባዔ ይጠናቀቃል ተብሎ የታቀደው ባለፈው ቅዳሜ ነበር፡፡ ይሁንና የጉባኤው ተሳታፊዎች ከቀድሞው ጉባኤያቸው በተለየ ሁኔታ የጋለ ውይይት በማድረጋቸው በታሰበው ቀን ሊቋጭ ሳይችል ቀርቶ ዛሬም እየመከሩ ነው፡፡

በጉባዔው ላይ ተሳታፊዎቹ ወቅታዊ በሆኑ ክልሉን እየፈተኑት ባሉት ጉዳዮች ላይ  በግልፅ ያለ ድብቅብቆሽ እየተነጋገሩ መሆኑን ሰምተናል፡፡ በድርጅቱ ሊቀመንበር በአቶ ደመቀ መኰንን የሚመራው በባህርዳሩ ጉባዔ ከ2 ሺህ በላይ አባላትና ነባር የድርጅቱ አመራሮች ጭምር እየተሳተፉበት ነው፡፡

እሸቴ አሰፋ
አስተያየት ይፃፉ (0 አስተያየት)

ባሳለፍነው ቅዳሜ እና እሁድ በኦሮሚያ ክልል በደረሰ የትራፊክ አደጋ የ13 ሰዎች ህይወት አልፏል ተባለ

በሁለቱ ቀናት በደረሰሩ አስር የትራፊክ አደጋዎች 13 ሰዎች መሞታቸውን የኦሮሚያ ፖሊስ ኮሚሽን ተናግሯል፡፡ ትላንት በመቂ፣ በአዳማ እና በሆለታ ከተማ በደረሰ የመኪና አደጋ 6 ሰዎች ሲሞቱ ከትላንት በስቲያ ቅዳሜ በምሥራቅ ሸዋ ቦራ ወረዳ፣ በምዕራብ አርሲ ሻላ ወረዳ በጉጂ ዞን እና በደቡብ ምዕራብ ሸዋ ደሎ ወረዳ በደረሰ የትራፊክ አደጋ የ7 ሰዎች ህይወት ማለፉን ከኮሚሽኑ የህዝብ ግንኙነት ባለሙያ ኮማንደር ንጉሴ ግርማ ሰምተናል፡፡

በመቂ ከተማ ሲኖትራክ ከሚኒባስ ታክሲ ጋር ተጋጭቶ የ4 ሰው የሞት፣ በ4 ሰው ላይ ደግሞ ከባድ ጉዳት እና 3 ቀላል ጉዳት ደርሷል ተብሏል፡፡

መሰረት በዙ
አስተያየት ይፃፉ (0 አስተያየት)

መስከረም 9፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ዩኒቨርስቲ ምሁራን ከመንግሥት ጋር የሚያደርጉትን ውይይታቸውን ዛሬ ጀምረዋል፡፡ ጉባዔው በመምህራኑ በቀረበ የህሊና ፀሎት ጥያቄ ተጀምሯል፡፡ (ሕይወት ፍሬስብሃት)
  • ሰማያዊ ፓርቲ ከቀናት በኋላ ስለጠራው አስቸኳይና አጠቃላይ ጉባዔ ጉዳይ የፓርቲው ሊቀመንበር አላውቅም ማለታቸው ተሰማ፡፡ (የኔነህ ሲሣይ)
  • መንግሥት ልዩ ድጋፍ ለሚያስፈልጋቸው የህብረተሰብ ክፍሎች ያወጣችው ፖሊሲዎችና መመሪያዎች ጥሩ ቢሆኑም አስፈፃሚዎቹ ተግባራዊ እያደረጉት አይደለም ሲል የኢትዮጵያ አካል ጉዳተኞች ብሔራዊ ማህበራት ፌዴሬሽን ተናገረ፡፡ መንግሥትም ችግሩ እንዳለ አምኗል፡፡ (አስፋው ስለሺ)
  • የአባይ ግድብ በታችኛው የተፋሰሱ ሀገሮች ላይ የሚያደርሰው ጉዳት እንዳለ ከሚያጠኑ ድርጅቶች ጋር ዛሬ እና ነገ በካርቱም በሚደረገው ስብሰባ የሥራ ስምምነት ይደረጋል ተብሎ ይጠበቃል፡፡ (ተህቦ ንጉሴ)
  • የብቃት ማረጋገጫ አገልግሎት ሰጭ መሥሪያ ቤቶች የራሳቸውም ብቃት ይፈተሻል ተባለ፡፡ (ትዕግስት ዘሪሁን)
  • በቪዲዮ ኮንፈረንስ የዳኝነት አገልግሎት የሚሰጡ ማዕከላትን ቁጥር ዘንድሮ ከሰላሣ አምስት ወደ አርባ አምስት ለማሳደግ ታስቧል ተባለ፡፡ (ንጋቱ ረጋሣ)
  • ባሳለፍነው ቅዳሜ እና እሁድ በኦሮሚያ ክልል በደረሰ የትራፊክ አደጋ የ13 ሰዎች ህይወት አልፏል ተባለ፡፡ (መሠረት በዙ)
አስተያየት ይፃፉ (0 አስተያየት)

ሰማያዊ ፓርቲ የኦዲትና ምርመራ ኮሚሽን አስቸኳይ ጉባዔ መጥራቱ ተሠማ

የሰማያዊ ፓርቲ ኦዲትና ምርመራ ኮሚሽን አስቸኳይ ጉባዔ መጥራቱን ዛሬ ተናገረ፡፡የፓርቲው የኦዲትና ምርመራ ኮሚሽን ዋና ፀሐፊ ብርሃኑ መሰለ  ፓርቲያቸው የጠራውን ልዩ አስቸኳይ ጉባዔ አላማ በተመለከተ ሲናገሩ እንደሰማነው የምክር ቤቱን የመተማመኛ ደምፅ የሥራ አስፈፃሚ ኮሚቴው አባላት በማጣታቸው የተጠራ ጉባኤ መሆኑን ነው፡፡፡

የምክር ቤቱን የመተማመኛ ድምፅ ከýሬዝዳንቱ ውጪ ሌሎች የራ አስፈፃሚ አባላት በማጣታቸው ለተጠራው ጉባዔ የኦዲትና ምርመራ ኮሚሽኑን ኃላፊነት በተመለከተ አቶ ብርሃኑ እንዲህ ይላሉ፡፡የሰማያዊ ፓርቲ ብሔራዊ ምክር ቤት ነሀሴ 8 ቀን 2008 ዓ.ም ባደረገው 4ተኛ አመት 6ተኛ መደበኛ ስብሰባው የፓርቲውን ሥራ አስፈፂሚ ኮሚቴ አባላትን የመተማመኛ ድምፅ መንፈጉንም ኃላፊው ነግረውናል፡፡

ከቀናት በኋላ በተጠራው ልዩና አስቸኳይ የሰማያዊ ፓርቲ ጠቅላላ ጉባኤ ላይ የሚገኙ አባላት በፓርቲው ህግና ደንብ መሠረት የጉባኤው አባላት የሥልጣን ዘመን 3 አመት በመሆኑ የአሁኑ የመጨረሻቸው ጊዜያቸው ነው መባሉንም ከአቶ ብርሃኑ ሰምተናል፡፡የሰማያዊ ፓርቲ አሁንም እየተመራ ያለው በኢንጂነር ይልቃል ጌትነት መሆኑንም ኃላፊው ጨምረው ነግረውናል፡፡

የኔነህ ሲሣይ

አስተያየት ይፃፉ (0 አስተያየት)

ከአዲስ አበባ እስከ ጅቡቲ በሚዘልቀው የባቡር መንገድ ከፊል የኤሌክትሪክ ኃይል ተለቅቆ ባቡሮች እየተሞከሩ ነው

ከአዲስ አበባ እስከ ጅቡቲ በሚዘልቀው የባቡር መንገድ ከፊል የኤሌክትሪክ ኃይል ተለቅቆ ባቡሮች እየተሞከሩ ነው፡፡ከለቡ እስከ አዳማ ድረስ ባለው የባቡር ግንባታ ምዕራፍ የተለቀቀውን ኃይል ለመሞከር 15 ፉርጐ ያላቸውና 1 ሺህ 150 ሰዎችን መያዝ የሚችሉ የመንገደኛ ባቡሮች ጉዞ አያደረጉ መሆናቸውን ሰምተናል፡፡

የኢትዮጵያ ምድር ባቡር ኮርፓሬሽን ከአዲስ አበባ እስከ ጅቡቲ የተገነባውን የባቡር መንገድ በመስከረም ወር መጨረሻ ለማስመረቅ መዘጋጀቱን ተናግሯል፡፡የምረቃው ዕለት እስካሁን ቁርጥ ብሎ አልታወቀም፡፡በኢትዮጵያና በጅቡቲ መንግሥት በጋራ የተሰራው ይኸ የባቡር ýሮጀክት በኤሌክትሪክ ኃይል የሚሰሩ ባቡሮች የሚመላለሱበት ሲሆን ከአዳማ እስከ ጅቡቲ በሚቀረው ምዕራፍ የኤሌክትሪክ ኃይል ጥቂት በጥቂት እንደሚለቀቅ ሰምተናል፡፡

ህይወት ፍሬስብሃት

አስተያየት ይፃፉ (0 አስተያየት)

ከጊቤ 3 የኤሌክትሪክ ኃይል ማስተላለፊያ መሥመሮች አንደኛው ሙሉ ለሙሉ መጠናቀቁ ተሠማ

ከጊቤ ሦስት የመነጨውን የኤሌክትሪክ ኃይል ለማስተላለፍ እየተዘረጉ  ካሉ መስመሮች አንደኛው ሙሉ ለሙሉ መጠናቀቁ ተነገረ፡፡የተጠናቀቀው ከጊቤ እስከ አቃቂ ገላን ያለው የሃይል ማስተላለፊያ መስመር እንደሆነ የውሃ የመስኖና ኤሌክትሪክ ሚኒስትር ዴኤታ ኢንጂነር ወንድሙ ተክሌ ለሸገር ተናግረዋል፡፡

እስከ ወላይታ ሶዶ የሚዘረጋው የኃይል ማስተላለፊያ ስራ ደግሞ በመከናወን ላይ መሆኑን ከሚኒስትር ዴኤታው ሰምተናል፡፡ መስመሮቹ ወደ ዋናው የሃይል ማስተላለፊያ መስመር የሚገባውን የኤሌክትሪክ ኃይል የሚሸከሙ ናቸው፡፡ግልገል ጊቤ ሦስት የኃይል ማመንጫ 1 ሺህ 870 ሜጋዋት ሃይል የማመንጨት አቅም አለው፡፡

አስር ተርባይኖች ያሉት የሃይል ማመንጫ እንደሆነም ኢንጂነር ወንድሙ ነግረውናል፡፡በአሁኑ ወቅት ስድስት ተርባይኖች በየተራ 800 ሜጋዋት የኤሌክትሪክ ሃይል እንዲያመነጩ እንደሚገኙም ተናግረዋል፡፡የግልገል ጊቤ ሦስት ሃይል ማመንጫ ስራ መጀመር የኤሌክትሪክ ሽፋኑን እንዳሳደገውም ሚኒስትር ዴኤታው ነግረውናል፡፡የሃይል ማመንጫ ግድቡ ለአሣ እርባታ እና ለትራንስፖርት አገልግሎት የሚውል በቂ ውሃም ይይዛል ተብሏል፡፡

ንጋቱ ረጋሣ

አስተያየት ይፃፉ (0 አስተያየት)

መስከረም 6፣2009 የሸገር ወሬዎቻችን

  • የስኳር ኮርፖሬሽን ያለፈው ዓመት የምርት መጠን ከዕቅዱ ያነሰ ነው ተባለ፡፡ (ትዕግስት ዘሪሁን)
  • የሠራተኛና ማህበራዊ ጉዳይ ሚኒስቴር በ2008 የሀገር ውስጥ የሥራ ስምሪት የተሳካ፤ የውጪ ሀገር የሥራ ስምሪት ላይ ግን ገና ያላለቁ ስራዎች አሉ እንዳለቁ ተግባራዊ ይሆናል ብሏል፡፡ (አስፋው ስለሺ)
  • በአዲስ አበባ በባሻ ወልዴ ችሎት ሳይት እክል ይስተዋልባቸዋል የተባሉትን የጋራ መኖሪያ ቤቶች ለማስተካከል ጥናት እየተከናወነ መሆኑ ተሠማ፡፡ (ተህቦ ንጉሴ)
  • ለግማሽ ምዕተ ዓመት የኢትዮጵያ መለያ የነበረውን የ13 ወር ፀጋን በአዲሱ መለያ ላንድ ኦፍ ኦሪጅንስ ለማስተዋወቅ በሙሉ አቅሙ እንደሚሰራ የባህልና ቱሪዝም ሚኒስቴር ተናግሯል፡፡ (ምስክር አወል)
  • ከጊቤ 3 የኤሌክትሪክ ኃይል ማስተላለፊያ መሥመሮች አንደኛው ሙሉ ለሙሉ መጠናቀቁ ተሠማ፡፡ (ንጋቱ ረጋሣ)
  • የሰማያዊ ፓርቲ የኦዲትና ምርመራ ኮሚሽን አስቸኳይ ጉባዔ መጥራቱ ተሠማ፡፡ (የኔነህ ሲሣይ)
  • የአሽከርካሪ ተሽከርካሪ ፈቃድና ቁጥጥር ባለሥልጣን በሁለት ቅርንጫፎች ያለው ነገር እንደተስተጓጐለ ነው አለ፡፡ (ቴዎድሮስ ወርቁ)
  • ከአዲስ አበባ እስከ ጅቡቲ በሚዘልቀው የባቡር መንገድ ከፊል የኤሌክትሪክ ኃይል ተለቅቆ ባቡሮች እየተሞከሩ ነው፡፡ (ህይወት ፍሬስብሃት)
አስተያየት ይፃፉ (0 አስተያየት)

ኢትዮጵያ ከአፍሪካ ምርጥ የቱሪስት መዳረሻዎች አንዷ ለመሆን እየጣረች መሆኑ ተነገረ

አፍሪካ ሳቢና ማራኪ የባህልና የቅርሶች ሀብታም ብትሆንም በዘርፉ የምታገኘው ገቢ ግን እምብዛም አይደለም ተባለ…ለዚህም በምክንያትነት የአገልግሎት ዘርፉን ለማሳደግ የሚደረገው ሥራ አነስተኛ መሆኑና በቱሪስት መዳረሻዎች ያሉ መሠረተ ልማቶች ደካማ መሆናቸው ነው ተብሏል፡፡ ምንም እንኳ በችግር የተተበተበ ቢሆንም የጐብኚዎቿ ቁጥር ግን ከጊዜ ወደ ጊዜ መጨመሩ ተነግሯል፡፡ ለአብነትም በጐርጐሮሣዊያን አቆጣጠር 2015 ብቻ 53 ነጥብ 4 ሚሊየን የውጭ ጐብኚዎች አፍሪካን ረግጠዋታል፡፡

ይህም ከ2005 ጀምሮ ሲሰላ የ4 ነጥብ 4 በመቶ እድገት ሲያስመዘግብ ከአጠቃላይ የአለም የቱሪስት ፍሰቱ የተሻለ ነውም ተብሎለታል፡፡አፍሪካን የጐበኙት እንግዶቿም 33 ነጥብ 2 ቢሊየን ዶላርን ወጪ አድርገው መመለሳቸው ተነግሯል፡፡ አህጉሪቷ ያሉባትን ችግሮች ቀርፋ የቱሪስት መዳረሻነቷን ወደ 5 በመቶ ለማሳደግ እንደሚሰራም በተባበሩት መንግሥታት ድርጅት የቱሪዝም ድርጅት ተናግሯል፡፡ የቱሪዝም ድርጅቱ የአፍሪካን የቱሪስት መዳረሻዎች ጠንካራና ተወዳዳሪ፤ ጥራት ያለው አገልግሎት እንዲሰጡ መሰራት እንዳለበት ለዚህም እገዛ እንደሚደረግ ተናግረዋል፡፡

ተጨማሪ ያንብቡ...

አስተያየት ይፃፉ (0 አስተያየት)

የውጭ ሀገር ሥራ ስምሪት ለማስጀመር ቅድመ ዝግጅት እየተደረገ እንደሆነ የማህበራዊ ጉዳይ ሚኒስቴር ተናገረ

የውጭ ሀገር የሥራ ስምሪት ለማስጀመር ቅድመ ዝግጅት እየተደረገ እንደሆነ የማህበራዊ ጉዳይ ሚኒስቴር ተናገረ፡፡ ግን መቼ ተግባራዊ ይሆናል ለሚለው መልስ አልተሰጠም…ሚኒስትሩ አቶ አብዱልፈታ አብዱላሂ ዛሬ እየተካሄደ ባለው 13ተኛው የሴክተሩ የጋራ ጉባኤ ላይ እንደተናገሩት የውጭ ሀገር የሥራ ስምሪትን ተግባራዊ ለማድረግ ህግ ወጥቶለት መንግሥት ለተግባራዊነቱ እንቅስቃሴ እያደረገ ይገኛል፡፡

ዜጐች ለሥራ ከሚሄዱባቸው ሀገራት ጋር የሥራ ስምምነትና ሌሎች ቅድመ ሁኔታዎች እየተመቻቹ እንደሆነ ሚኒስትሩ ሲያወሩ ሰምተናል፡፡ ነገር ግን ቁርጥ ያለ ቀን ያልተቀመጠለት እንደሆነ እና ስምምነቱ ሌሎች በመንግሥት እየተዘጋጁ ያሉ ቅድመ ሁኔታዎች እንደተጠናቀቁ ተግባራዊ ይሆናል ብለዋል፡፡

ዛሬ እየተካሄደ ባለው 13ተኛው የጋራ ጉባዔ ሚኒስቴር መሥሪያ ቤቱና የሌሎች ሴክተር መሥሪያ ቤቶች የተገኙበት ውይይት እየተደረገ ነው፡፡ እየተካሄደ ያለው ጉባዔ ለሦስት ቀን የሚቀጥል እንደሆነ በጉባዔው መክፈቻ ላይ ሰምተናል፡፡

አስፋው ስለሺ
አስተያየት ይፃፉ (0 አስተያየት)

ከኢትዮጵያ ሕፃናት ከ40 በመቶ በላይ የሚሆኑት የቀነጨሩ እንደሆኑ የሴቭ ዘ ቺልድረን ምግባረ ሰናይ ድርጅት መረጃ አሣየ

ከኢትዮጵያ ሴቶች መካከል 25 በመቶ የሚሆኑት በጣም ቀጫጮችና ሰውነት የራቃቸው ናቸው፤ 40 ነጥብ 1 በመቶዎቹ ህፃናት ደግሞ የቀነጨሩ ናቸው ይላል የህፃናት አድን ድርጅት የቅርብ ጊዜ መረጃ…እንዲህ ዓይነቱ የተክለ ሰውነት አለመስተካከል በአዕምሮ አለመዳበር እንዲሁም በሥራ ውጤታማነትና ጤና ላይ አሉታዊ ተፅዕኖውን ለወደፊቱም እንደሚያኖር መረጃዎች ያመለክታሉ፡፡

ችግሩ እንዴት እንደሚፈጠር ሲናገሩም በቂ እና ያልተመጣጠነ ምግብ በማጣት ምክንያት መሆኑን ያሰምሩበታል፡፡ህፃናት ገና በፅንስ እያሉ ጀምሮና ተወልደው 1 ሺህ ያህል ቀናት እስኪሞላቸው ድረስ ተገቢውን የአዕምሮ እንዲሁም የአካል እድገት አግኝተው ጤናማ ሆነው በጥሩ ቁመና ለማደግ የሚረዳቸውን የተመጣጠነ አመጋገብ ማግኘት እንዳለባቸው የህፃናት አድን ድርጅት ደጋግሞ ይናገራል፡፡

ተጨማሪ ያንብቡ...

አስተያየት ይፃፉ (0 አስተያየት)

መስከረም 5፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከኢትዮጵያ ሕፃናት ከ40 በመቶ በላይ የሚሆኑት የቀነጨሩ እንደሆኑ የሴቭ ዘ ቺልድረን ምግባረ ሰናይ ድርጅት መረጃ አሣየ፡፡ (ህይወት ፍሬስብሃት)
  • ኢትዮጵያ ከአፍሪካ ምርጥ የቱሪስት መዳረሻዎች አንዷ ለመሆን እየጣረች መሆኑ ተነገረ፡፡ (ምስክር አወል)
  • ደረሰልን እያልን ስንጠብቀው የነበረው የመጠጥ ውሃ ጉዳይ የቀመር ነገር ሆነና የውሃ ሽፋን ጨምሯል ቢባልም በመቶኛ ሲሰላ ግን 61 በመቶ ላይ ነው ተባለ፡፡ (ዮሐንስ የኋላወርቅ)
  • የገፈርሳ የአዕምሮ ማገገሚያ ማዕከል ከስነ-አዕምሮ ህክምና ውጪ ተመላላሽ ህክምና ልጀምር ነው አለ፡፡ (መሠረት በዙ)
  • ሲጓተቱ የቆዩት የተንዳሆና የኩራዝ ቁጥር 1 ስኳር ፕሮጀክቶች ዘንድሮ ቀን ሊወጣላቸው ተቃርቧል ተባለ፡፡ (ትዕግስት ዘሪሁን)
  • የአገር አቀፉ የንግድ ዘርፍ ማኅበራት ምክር ቤት መሪዎቹን ለመምረጥ እየተሰናዳ መሆኑ ተሠማ፡፡ (የኔነህ ሲሣይ)
  • የሰብዓዊ መብት ኮሚሽን በቂሊንጦ ማረሚያ ቤት የደረሰውን የቃጠሎ አደጋና በአማራና ኦሮሚያ ክልሎች ተከስተው የነበሩ ግጭቶችን ጉዳይ ላጣራ ነው አለ፡፡ (ወንድሙ ኃይሉ)
  • አዲስ የገቡት የአዲስ አበባ ታክሲዎች ያለ ሰሌዳ እንዲንቀሳቀሱ ማንም ፈቃድ አልሰጣቸውም ተባለ፡፡ (ቴዎድሮስ ወርቁ)
  • የውጭ ሀገር ሥራ ስምሪት ለማስጀመር ቅድመ ዝግጅት እየተደረገ እንደሆነ የማህበራዊ ጉዳይ ሚኒስቴር ተናገረ፡፡ (አስፋው ስለሺ)
አስተያየት ይፃፉ (0 አስተያየት)
Sheger 102.1 AudioNow Numbers