• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በጋምቤላ ክልል ለግብርና ኢንቨስትመንት መሬት ከተሰጣቸው 426 ባለሀብቶች መካከል ግማሽ ያህሉ ወደ ሥራ አልገቡም ተባለ

በጋምቤላ ክልል ለግብርና ኢንቨስትመንት መሬት ከተሰጣቸው 426 ባለሀብቶች መካከል ግማሽ ያህሉ ወደ ሥራ አልገቡም ተባለ፡፡ከተሰጣቸው ከ545 ሺ ሄክታር በላይ መሬትም ያለሙት ከ100 ሺ ሄክታር እምብዛም ያልዘለለ መሆኑን የህዝብ እንባ ጠባቂ ተቋም ተናግሯል፡፡

ወደሥራ የገቡትም ቢሆን የወሰዱትን መሬት ለሦሰተኛ ወገን ያከራዩ ከባንክ የወሰዱትን ብድርም ለሌላ አላማ ያዋሉና በስፋት ደን የሚያወድሙ ስለመኖራቸውም ተነግሯል፡፡ተቋሙ በጋንቤላ ክልል የሚካሄደውን የግብርና ኢንቨስትመንት አስመልክቶ በትክክል የተሰራ ስለመሆኑ አደረኩት ባለው ምርመራ ለባለሀብቶቹ ከተሰጣቸው 545 ሺ 81 ሄክታር መሬት በትክክል ያለሙት 105 ሺ ሄክታር ብቻ መሆኑን ተናግሯል፡፡

መዋዕለ ነዋያቸውን በግብርና ላይ ለማዋል ፈቃድ ወስደው መሬት ከተሰጣቸው 426 ባለሀብቶች ወደ ሥራ የገቡትም 254 ብቻ መሆናቸውን ዋና እንባ ጠባቂዋ ወ/ሮ ፎዚያ አሚን የተቋማቸውን የ2009 በጀት ዓመት እቅድ አፈፃፀም ሪፖርት ለህዝብ እንደራሴዎች ምክር ቤት ሲያቀርቡ ሰምተናል፡፡የክልሉ የሥራ ኃላፊዎችም ፕሮጀክቶቹ ስለመከናወናቸው በቂ ክትትልና ቁጥጥር አያደርጉም ብለዋል ዋና እንባ ጠባቂዋ፡፡                                                  

የአካባቢው ወጣቶችም በሚካሄዱ የልማት ሥራዎች ላይ ተቀጥረው ለመሥራት ዝግጁ እንዲሆኑ የሥራ ኃላፊዎቹ አላነሳሷቸውም ለእነዚህ ችግሮችም መላ አንዲፈለግ የመፍትሄ ኃሣቦችን አክለን ጉዳዮ ለሚያገባቸው መሥሪያ ቤቶች ሪፖርት ልከናል ብለዋል ዋና እንባ ጠባቂዋ፡፡

ትዕግስት ዘሪሁን
አስተያየት ይፃፉ (0 አስተያየት)

የአዲስ አበባ ከተማ አስተዳደር በተደጋጋሚ ለሽያጭ ቀርቦ ገዢ ያጣውን ጊዮን ሆቴል እንዲያስተዳድረው ውሣኔ ተላለፈ

የአዲስ አበባ ከተማ አስተዳደር በተደጋጋሚ ለሽያጭ ቀርቦ ገዢ ያጣውን ጊዮን ሆቴል እንዲያስተዳድረው ውሣኔ ተላለፈ፡፡ሆቴሉ የከተማ ፓርክ እንዲሆን መወሰኑን የተናገሩት ከንቲባ ድሪባ ኩማ ናቸው፡፡የከተማ አስተዳደሩ ጊዮን ሆቴልን ለመረከብ ሲከራከር ነበረ ያሉት ከንቲባው መንግሥት ጥያቄውን ተቀብሎታል፣ የውሣኔው ደብዳቤም ደርሶናል ብለዋል፡፡

ከጊዮን ሆቴል በተጨማሪ የፍል ውሃ አገልገሎትም በከተማ አስተዳደሩ ሥር እንዲሆን መወሰኑን ከንቲባ ድሪባ ኩማ ሲናገሩ ሰምተናል፡፡

ንጋቱ ሙሉ
አስተያየት ይፃፉ (0 አስተያየት)

ሰኔ 27፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በጋምቤላ ክልል መሬት ከወሰዱ ባለሀብቶች ግማሽ ያህሉ ሥራ አልጀመሩም፣ ከወሰዱትም መሬት ያለሙት ከሩብ አይበጥልም ተባለ፡፡ (ትዕግሥት ዘሪሁን)
  • ሜቴክ እገነባቸዋለሁ ብሎ ከወሰዳቸው 7 የስኳር ፋብሪካዎች አንዱን አጠናቀቀ፡፡ 4ቱ ለቻይና ኩባንያዎች ተሰጥተዋል፡፡ (ዮሐንስ የኋላወርቅ)
  • የዘንድሮ ክረምት ሊያደርስ የሚችለውን አደጋ ለመከላከል ያስችላል የተባለ ምክክር ተደረገ፡፡ ክረምቱ ግን አስቀድሞ ገብቶ አደጋ ማድረስ መጀመሩም ተነግሯል፡፡ (ዮሐንስ የኋላወርቅ)
  • በአዲስ አዳማ የፍጥነት መንገድ ሰውና እንስሣ አጥሩን ጥሰውና ዘለው እየገቡ ለትራፊክ አደጋ መንስኤ እየሆኑ መጥተዋል ተባለ፡፡ በመንገዱ በቀን በአማካይ 18 ሺ መኪኖች ይሽከረከራሉ፡፡ (ንጋቱ ሙሉ)
  • ሁለተኛ ቀኑን የያዘው 29ኛው የአፍሪካ ህብረት የመሪዎች ጉባዔ ቀጥሏል፡፡ (የኔነህ ሲሣይ)
  • ኢትዮጵያ ዘንድሮ የ10 ቢሊዮን ብር መድኃኒትና የሕክምና መሣሪያ ተገዛላት፡፡ (ወንድሙ ኃይሉ)
አስተያየት ይፃፉ (0 አስተያየት)

ኢትዮጵያ ከጨቅላ ህፃናት የመንጋጋ ቆልፍ በሽታ ነፃ ሆኛለሁ አለች

ኢትዮጵያ ከጨቅላ ህፃናት የመንጋጋ ቆልፍ በሽታ ነፃ ሆኛለሁ አለች፡፡ሀገሪቱ የጨቅላ ህፃናት የመንጋጋ ቆልፍ በሽታን በማጥፋት 42ኛዋ ሀገር መሆኗን ሰምተናል፡፡ወሬው የተሰማው የተባበሩት መንግሥታት የህፃናት መርጃ ድርጅት ዩኒሴፍ፣ የዓለም ጤና ድርጅትና የጤና ጥበቃ ሚኒስቴር በጋራ ሆነው በሰጡት መግለጫ መሆኑን የዩኒሴፍ የኢትዮጵያ ቢሮ ነግሮናል፡፡

ኢትዮጵያ ከህፃናት የመንጋጋ ቆልፍ በሽታ ነፃ መሆኗ የተረጋገጠው ዩኒሴፍና የአለም ጤና ድርጅት ያዋቀሩት ቡድን በመላው ኢትዮጵያ ጥናት ካካሄደ በኋላ ነው ተብሏል፡፡ኢትዮጵያ የመንጋጋ ቆልፍ በሽታን ለማጥፋት ዘመቻ የጀመረችው በ1992 ዓ.ም ሲሆን ዘመቻውን ከጀመረች 12 ዓመታት በኋላ በሽታውን ከሶማሌ ክልል በስተቀር ማጥፋት ችላ ነበር፡፡

ከሶማሌ ክልል ለማጥፋትም በክልሉ ሁሉም ዞኖች የክትባት ዘመቻ መካሄዱ ተሰምቷል፡፡የዩኒሴፍና የአለም ጤና ድርጅት ጥምር ቡድን በሶማሌ ክልል ባለፈው ሣምንት በክልሉ ለ3 ቀናት ባደረገው ዳሰሣም በሽታው ከክልሉ መጥፋቱን አረጋግጧል ተብሏል፡፡በዚህም ኢትዮጵያ ከህፃናት የመንጋጋ ቆልፍ በሽታ ነፃ መሆኗ ተነግሯል፡፡

የጤና ጥበቃ ሚኒስቴር ሚኒስትር ዴኤታ ዶክተር ከበደ ወርቁ ኢትዮጵያ የህፃናት የመንጋጋ ቆልፍ በሽታን ለማጥፋት ከ1992 እስከ 2002 ዓ.ም ከፍተኛ ትኩረት ሰጥታ ስትሰራ ቆይታለች ብለዋል፡፡በዚህም ተጋላጭነታቸው ከፍተኛ በሆነ 59 ዞኖች ውስጥ ለሚገኙና በመውለድ እድሜ ክልል ውስጥ ላሉ 15 ሚሊዮን ሴቶች የ3 ዙር ክትባት መሰጠቱን አንስተዋል፡፡

የዓለም ጤና ድርጅትና የተባበሩት መንግሥታት የህፃናት መርጃ ድርጅት ዩኒሴፍ ኢትዮጵያ በሽታዎችን ለመከላከልና ለመቆጣጠር ለምታደርገው ጥረት ከጐኗ እንሆናለን ብለዋል፡፡

ንጋቱ ሙሉ

አስተያየት ይፃፉ (0 አስተያየት)

ሰኔ 26፣2009 የሸገር ወሬዎቻችን

  • ኢትዮጵያ የፃናት የመንጋጋ ቆልፍ በሽታን በማጥፋት 42ኛዋ አገር ሆነች ተባለ፡፡ (ንጋቱ ሙሉ)
  • የአዲስ አበባ መንገዶች ባለሥልጣን ቱቦ ውስጥ ቆሻሻ የሚጨምሩትን በህግ እየጠየቅኩ ነው አለ፡፡ (ወንድሙ ኃይሉ)
  • በዱባይ የሚገኘው ራክ የህክምና ማዕከል በኢትዮጵያ ቅርንጫፍ የመክፈት ኃሣብ አለው ተባለ፡፡ (ምህረት ስዩም)
  • የደረጃ “ሐ” ግብር ከፋይ ነጋዴዎች በመጭው ሐምሌ ወር ግብር የሚከፍሉት በተከለሰው የቀን ገቢ ግምት መሠረት መሆኑን ገቢ ሰብሳቢ መሥሪያ ቤቱ እወቁት ብሏል፡፡ (ትዕግሥት ዘሪሁን)
  • በአዲስ አበባ በስራ ላይ ያሉ የኮድ አንድ ሰማያዊ እና ነጭ ታክሲዎችና የሃይገር አውቶብሶች ቁጥር በትክክል አይታወቅም ተባለ፡፡ (ዮሐንስ የኋላወርቅ)
  • 29ኛው የአፍሪካ ህብረት የመሪዎች ጉባዔ ዛሬ ተጀመረ፡፡ (የኔነህ ሲሣይ)
  • ኢትዮጵያና ናይጄሪያ የሁለትዮሽ ግንኙነታችንን እናድስ ሲሉ መስማማታቸው ተነገረ፡፡ (አስፋው ስለሺ)
  • የአዲስ አበባ ከተማ አስተዳደር በተደጋጋሚ ለሽያጭ ቀርቦ ገዢ ያጣውን ጊዮን ሆቴል እንዲያስተዳድረው ውሣኔ ተላለፈ፡፡ (ንጋቱ ሙሉ)
አስተያየት ይፃፉ (0 አስተያየት)

የተንቀሣቃሽ ስልክና የኢንተርኔት ኔትወርክ መቆራረጥ አንዱ ችግር የሃይል አቅርቦት እጥረት መሆኑን የመገናኛ እና ኢንፎርሜሽን ቴክኖሎጂ ሚኒስቴር ተናገረ

የተንቀሣቃሽ ስልክና የኢንተርኔት ኔትወርክ መቆራረጥ አንዱ ችግር የሃይል አቅርቦት እጥረት መሆኑን የመገናኛ እና ኢንፎርሜሽን ቴክኖሎጂ ሚኒስቴር ተናገረ፡፡በአንዳንድ አካባቢዎች የኔትወርክ መቆራረጥ የባንክ አገልግሎት ለመስጠት አስቸጋሪ በመሆኑ ደሞዛቸውን ከባንክ የሚወስዱ ሠራተኞች እየተቸገሩና የባንኩ ተገልጋዮች እየተጉላሉ ነው ተብሏል፡፡

ከፍተኛ የትምህርት ተቋማትም ለብሮድ ባንድ ኮኔክሽን አገልግሎት የሚከፍሉት ገንዘብ ከሚያገኙት አገልግሎት ጋር ሲነፃፀር ከፍተኛ ስለመሆኑ ቅሬታ እንደሚያቀርቡም ሰምተናል፡፡በኤሌክትሪክ ኃይል ምክንያት ለሚያጋጥመውን የኔትወርክ መቆራረጥ መላ ለመፈለግ የኢትዮ ቴሌኮም ባትሪና ጄኔሬተርን በመጠቀም ችግሩን የሚያቃልል ሥራ ለመተግበር ፕሮጀክት ቀርፆ እየሰራ መሆኑን የመገናኛና ኢንፎርሜሽን ቴክኖሎጂ ሚኒስትሩ ዶክተር ደብረፂዮን ገብረሚካኤል ተናግረዋል፡፡

ሚኒስትሩ ዛሬ በህዝብ እንደራሴዎች ምክር ቤት ተገኝተው ከአባላቱ ለቀረቡላቸው ጥያቄዎች መልስ ሲሰጡ አንደሰማነው በ2ኛው የዕቅድ ዘመን በ7 ሺ የገጠር ቀበሌዎች የኮሙኒኬሽን ማዕከላትን ለማቋቋም ውጥን ቢያዝም እስካሁን አገልግሎቱን ያገኙት ከ1 ሺ 700 አልበለጡም ብለዋል፡፡

በኢትዮጵያ የሞባይል አገልግሎት ሽፋን 85 በመቶ ደርሷል ያሉት ሚኒስትሩ በአዳዲስ 1 ሺ 500 የገጠር ቀበሌዎችም የፖስታ አገልግሎት መጀመሩን ተናግረዋል፡፡የህዝብ እንደራሴዎች ምክር ቤት ዛሬ ባካሄደው 2ኛ ዓመት የሥራ ዘመን 44ተኛ መደበኛ ሥብሰባ የኦሮሚያ ክልል በአዲስ አበባ ከተማ ላይ ያለውን ልዩ ጥቅም ለመወሰን ረቂቅ አዋጁን መርምሮ ለሚመለከተው ቋሚ ኮሚቴ ለመምራት በአጀንዳው ላይ አስፍሯል፡፡

ትዕግሥት ዘሪሁን

አስተያየት ይፃፉ (0 አስተያየት)

ሰኔ 22፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከሳውዲ አረቢያ መውጣት እያለባቸው የዘገዩ ኢትዮጵያውያን ወደ አገር ቤት እንዲመለሱ በመንግሥት የጊዜ ማራዘሚያ መጠየቁ ተሠማ፡፡ በዚህና በሌሎችም ጉዳዮች በውጭ ጉዳይ ሚኒስቴር መግለጫ ተሰጥቷል፡፡ (የኔነህ ሲሣይ)
  • በለጋሾች እጅ ማጠር የቤተሰብ ምጣኔ አገልግሎት እንዳይስተጓጐል በመንግሥት መላ እየተፈለገ ነው ተባለ፡፡ (ዮሐንስ የኋላወርቅ)
  • በተንቀሣቃሽ ስልክና በመረጃ መረብ ኢንተርኔት መቆራረጥ የሚደርሰውን የአገልግሎት መስተጓጐል ችግር ለማቃለል ኢትዮ ቴሌኮም መላ እየፈለገ ነው ተባለ፡፡ (ትዕግሥት ዘሪሁን)
  • የአውሮፓ ኢንቨስትመንት ባንክ ለኢትዮጵያ ከፍተኛ የተባለ ድጋፍ ለማድረግ ማቀዱን ተናገረ፡፡ (ንጋቱ ሙሉ)
  • የአዲስ አበባ መንገዶች ባለሥልጣን ከትራፊክ ማኔጅመንት ኤጀንሲ ጋር በመተባበር የትራፊክ መጨናነቅና አደጋ የሚበዛባቸውን መንገዶች በማጥናት መፍትሄ እየሰጠ መሆኑን ተናገረ፡፡ (አስፋው ስለሺ)
  • የኢትዮጵያ ስፔስ ሳይንስ ቴክኖሎጂ ኢንስቲትዩት የህዋ ሳይንስ ጥናትና ምርምር፣ የህዋ የቴክኖሎጂ ፈጠራ ሥራውን ከጥቂት ቀናት በኋላ ሙሉ በሙሉ ይጀምራል ተባለ፡፡ (ዮሐንስ የኋላወርቅ)
  • የአዲስ አበባ ካርቱም የአውቶብስ ትራንስፖርት ፈላጊዎቹ እየጨመረለት ነው ተባለ፡፡ (ምሥክር አወል)
  • ሆራይዘን ፕላንቴሽን ከአራት አመት በፊት በይዞታው ሥር የገቡትን የቀድሞ የመንግሥት እርሻዎች እያስፋፋቸው ነው ተባለ፡፡ (ንጋቱ ረጋሣ)
  • የአዲስ አበባ መንገዶች ባለሥልጣን በመገናኛ አካባቢ ያለውን የትራፊክ መጨናነቅ ይቀንሳል ያልኩትን አማራጭ መንገድ ሥራ እያጠናቀቅኩ ነው አለ፡፡ (ወንድሙ ኃይሉ)
  • የአውሮፓ ኢንቨስትመንት ባንክ ለኢትዮጵያ 1 ነጥብ 8 ቢሊየን ብር አበደራት፡፡ (ዮሐንስ የኋላወርቅ)
  • የአዲስ አበባ ታሪካዊ ቤቶችና ሐውልቶች ሊታደሱ ነው፡፡ (ወንድሙ ኃይሉ)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ሰኔ 20፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የአፍሪካ ህብረት 34ኛው የቋሚ አንባሳደሮች ጉባዔ በህብረቱ አዳራሽ ዛሬ ተጀምሯል

የአፍሪካ ህብረት 34ኛው የቋሚ አንባሳደሮች ጉባዔ በህብረቱ አዳራሽ ዛሬ ተጀምሯል፡፡የቋሚ አንባሳደሮቹ ወይንም የፒ.አር.ሲውን ጉባዔ ያስጀመሩት የአፍሪካ ህብረት ኮሚሽን ኮሚሽነር ሙሳ ፋቂ ማህማት ናቸው፡፡የአፍሪካ ህብረት ቋሚ የአንባሳደሮች ፒ.አር.ሲ ኮሚቴ ዛሬ በጀመረው ስብሰባው ለ29ኛው የህብረቱ የመሪዎች ጉባዔ የሚሆንን የውይይት አጀንዳ የሚያዘጋጅ ሲሆን ከውይይት አጀንዳዎቹ በተጨማሪም ለመሪዎቹ ግብዓት የሚሆኑ ምክረ ኃሣቦችንም ያዘጋጃል ተብሏል፡፡

34ኛው የአፍሪካ ህብረት ቋሚ የአንባሳደሮች ኮሚቴ ፒ.አር.ሲ ከ55ቱም የህብረቱ አባል ሀገሮች አምባሳደሮች የተሣተፉበት ሲሆን የ31ኛው የኮሚቴ ውሣኔዎች ከምን እንደደረሱ በመመልከት በ29ኛው የመሪዎቹ ጉባዔ ላይ የሚቀርብ ይሆናል መባሉንም ከአዘጋጆቹ ሰምተናል፡፡

የአፍሪካ ህብረት 29ኛው የመሪዎች ጉባዔ በአዲስ አበባ ለአንድ ሣምንት ያህል የሚካሄድ ሲሆን በተለይም በፀጥታ ዙሪያ የሚመክር ይሆናል ተብሎ ይጠበቃል፡፡የዘንድሮው የጉባዔው ዋና የመነጋገሪያ የውይይት ኃሣብ ወጣቶችን በኢኮኖሚ ማብቃትና የህዝብን ምጣኔ መገደብ የሚል ነው ተብሏል፡፡

የኔነህ ሲሳይ
አስተያየት ይፃፉ (0 አስተያየት)

የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ

የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ፡፡እስከ ግንቦት ማብቂያ ባሉት 30 ቀናት በአዲስ አበባ በሚገኙ የንግድ ተቋማት ላይ የቀን ገቢ ግምት የተደረገ ሲሆን ብዙዎቹም ግብር ይጨመርብናል የሚል ስጋት ነበራቸው ተብሏል፡፡

በዚህም ሳቢያ በመርካቶ ብቻ ባለቤቶቻቸው ዘግተዋቸው የጠፉ ከ584 በላይ ሱቆች መታሸጋቸው ታውቋል፡፡ ይሁንና ባለቤቶቻቸው ለምን ዘግተው እንደጠፉ ዝርዝር ጥናት እየተደረገ ነው ተብሏል፡፡በኢትዮጵያ ገቢዎችና ጉምሩክ ባለሥልጣን የአዲስ አበባ ታክስ ፕሮግራም ሥራዎች ዘርፍ ኃላፊ የሆኑት ወ/ሮ ነፃነት አበራ እንዳሉት ከሆነ ሱቃቸውን በዘጉት ነጋዴዎች ላይ ህጋዊ እርምጃ መወሰዱ አይቀርም፡፡

ነጋዴዎቹ ተጠይቀው የሚያቀርቡት ምክንያት ተሰምቶ ተጠያቂ ይሆናሉ ነው የተባለው፡፡የቀን ገቢ ግምቱ ትላንት ለነጋዴዎች ይፋ መደረግ የተጀመረ ሲሆን ገና በመጀመሪያው ቀን ብዙ ነጋዴዎች የቀን ገቢ ግምቱ በዝቶብናል ሲሉ ቅሬታ ማሰማት መጀመራቸውንም ነግረውናል፡፡

ዮሐንስ የኋላወርቅ
አስተያየት ይፃፉ (0 አስተያየት)

ሰኔ 20፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የቀን ገቢ ግምት እንዳይደረግባቸው ባለቤቶቻቸው ዘግተዋቸው የጠፉ 600 ገደማ የመርካቶ ሱቆች መታሸጋቸው ተሠማ፡፡ (ዮሐንስየኋላወርቅ)
  • በሚቀጥሉት አምስት ተከታታይ ቀናት መደበኛ ያልሆነ ዝናብ ሊጥል ስለሚችል ጥንቃቄ አድርጉ ተብላችኋል፡፡ (አስፋውስለሺ)
  • የፍርድ ቤቶችን ገንዘብ ባባከኑ 39 ያህል ዳኞች፣ የሥራ ኃላፊዎችና ሠራተኞች ላይ እርምጃ እንደተወሰደባቸው ጠቅላይ ፍርድ ቤት እወቁልኝ አለ፡፡ (ትዕግሥትዘሪሁን)
  • ዋሪት ሙሉ ጥላ ኢንተርናሽናል ኩባንያ ለሳውዲ ተመላሽ ኢትዮጵያውያን የሥራ ዕድል መፍጠሩን ተናገረ፡፡ (ምህረትስዩም)
  • የአንበሳ ከተማ አውቶቡሶች አገልግሎት ድርጅት ለአባት አርበኞችና በጡረታ ለተገለሉ ነፃ የመጓጓዣ ትኬት ሊሰጥ ነው፡፡ (ዮሐንስየኋላወርቅ)
  • በዓመት አንድ ጥጃ የምትወልደውን የኢትዮጵያን ላም በዓመት ከ10 በላይ እንድትወልድ ለማድረግ የተደረገው ሙከራ ውጤታማ ነው ተባለ፡፡ (ዮሐንስየኋላወርቅ)
  • የህንዱ አፓሎ ሆስፒታል በኢትዮጵያ ቅርንጫፌን የመክፈት ውጥን አለኝ አለ፡፡ 500 ኢትዮጵያን በዓመት ወደዚያ ሄደው እንደሚታከሙም ተሰምቷል፡፡ (ንጋቱሙሉ)
  • የቦይንግ ኩባንያ ከቢዝነስ ቁርኝት ያለው ትምህርት ለሚማሩ ኢትዮጵያውያን ነፃ አለም አቀፍ የቢዝነስ ኢንተርፕሪነርሺፕ ፕሮግራም ማዘጋጀቱን ተናግሯል፡፡ (ምሥክርአወል)
  • የአፍሪካ ኅብረት የቋሚ አምባሳደሮች ስብሰባ በአዲስ አበባ የአፍሪካ ኅብረት ፅህፈት ቤት ተጀመረ፡፡ (የኔነህሲሣይ)
  • በመጓጓዣ ዕጥረት ምክንያት ወደ ተለያዩ አንዳንድ የኢትዮጵያ አካባቢዎች ማዳበሪያን በወቅቱ ማድረስ አልተቻለም ተባለ፡፡ (ወንድሙኃይሉ)
አስተያየት ይፃፉ (0 አስተያየት)
Sheger 102.1 AudioNow Numbers