• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በዘመናዊ ቴክኖሎጂ የታገዘ ትምህርት ለመስጠት ይረዳል የተባለው የስኩል ኔት ፕሮግራም ውጤታማ አልሆነም ተባለ

በዘመናዊ ቴክኖሎጂ የታገዘ ትምህርት ለመስጠት ይረዳል የተባለው የስኩል ኔት ፕሮግራም ውጤታማ አልሆነም ተባለ፡፡ባለፈው አመት ሥራ የጀመረውና 168 ሚሊዮን ብር የወጣበት ስኩል ኔት ፕሮግራም 65 የአዲስ አበባ ሁለተኛ ደረጃ ትምህርት ቤቶችን በኔትወርክ ያገናኛል፣ በኤሌክትሪክ ኃይል መቆራረጥ ምክንያት ተማሪዎች ከፕላዝማ ያመለጣቸውን ትምህርት በየትኛውም ጊዜ ደግመው ለመማር ያስችላቸዋል፣ የተለያዩ  አጋዥ መፅሃፎችንም ያገኙበታል የተባለለት ስኩል ኔት ፕሮግራም በተለያየ ምክንያት ውጤታማ እንዳልሆነ የአዲስ አበባ ትምህርት ቢሮ ለሸገር ተናግሯል፡፡

ፕሮግራሙ በየትምህርት ቤቶቹ ቢዘረጋም ራሱን የቻለ አስፈፃሚ የኢንፎርሜሽን ቴክኖሎጂ ወይም /የICT/ ባለሙያ እስካሁን ለአንድም ትምህርት ቤት አለመቀጠሩን ሰምተናል፡፡ በትምህርት ቢሮው የኢንፎርሜሽን ቴክኖሎጂ የሥራ ሂደት መሪ የሆኑት አቶ የኔጌጥ በለጠ ለሸገር እንደተናገሩት ቢሮው ለትምህርት ቤቶቹ ፕሮጀክቱን ለማስፈፀም፣ የኔትወርክ ችግር ሲኖር የሚያስተካክል፣ የሚጠግን 65 የICT ባለሙያዎችን ለመቅጠር ቢፈልግም እስካሁን ከሚመለከተው ፈቃድ አላገኘም ብለዋል፡፡

ይህም 168 ሚሊዮን ብር የወጣበትና 6 ወር የተለፋበት ፕሮጀክት ውጤታማ እንዳይሆን አንዱ ምክንያት ነው ብለዋል፡፡የኔትወርክ መቆራረጥና የኢንተርኔት መጥፋትም ሌላው ችግር መሆኑን ሰምተናል፡፡በዛሬው እለትም በ25 ትምህርት ቤቶች ኔትወርክ እንደተቋረጠባቸው ትምህርት ቢሮው ደርሼበታለሁ ብሏል፡፡ኔትወርክ ባይኖርም ተማሪዎች ሰርቨር ላይ የተጫኑ መፅሃፎችንና በኘላዝማ የተላለፉ ትምህርቶችን ማግኘት ስለሚችሉ በትምህርት ቢሮ የICT ባለሙያዎች እስኪቀጠሩላቸው ድረስ በዚሁ እንዲጠቀሙ አቶ የኔጌጥ መክረዋል፡፡

ትዕግስት ዘሪሁን

አስተያየት ይፃፉ (0 አስተያየት)

ኀዳር 13፣2009 የሸገር ወሬዎቻችን

  • እየተገባደደ ባለው የመኸር ወቅት ከ321 ሚሊዮን ኩንታል በላይ የሰብል ምርት ይገኛል ተባለ፡፡ (ዮሐንስ የኋላወርቅ)
  • ኢትዮጵያ ከእርግዝና እና ወሊድ ጋር በተገናኘ ህይወታቸውን የሚያጡ እናቶች ቁጥር መቀነሷን ተናግራለች፡፡ ሆኖም ግን አሁንም ከ100 ሺ እናቶች 412ቱ ከወሊድና እርግዝና ጋር በተያያዘ ይሞታሉ፡፡ (ንጋቱ ሙሉ)
  • የኢትዮጵያ ስኳር ህሙማን ማህበር ለተወካዮች ምክር ቤት አባላት ትምህርት ልሰጥ ነው አለ፡፡ (ወንድሙ ኃይሉ)
  • በሁለተኛ ደረጃ ትምህርት ቤቶች በቴክኖሎጂ የታገዘ ትምህርት ለመስጠት ያግዛል የተባለው ስኩል ኔት ፕሮግራም ቢጀመርም ውጤት አላመጣም ተባለ፡፡ (ትዕግሥት ዘሪሁን)
  • የዝናብ ውሃ ለመዝናኛ እና ለመጠጥ ውሃ ሊውል መሆኑ ተሠማ፡፡ (ዮኋንስ የኋላወርቅ)
  • የአዲስ አበባ ነዋሪዎች የመጓጓዣ ታሪፍ አስመርሮናል አሉ፡፡ የትራንስፖርት ባለሥልጣን ለመቆጣጠር እየሞከርኩ ነው ይላል፡፡ (ምሥክር አወል)
  • ብዙዎች የኢትዮጵያ ሆቴሎች ባለሙያዎችን እየተጠቀሙ አይደለም ተባለ፡፡ (ወንድሙ ኃይሉ)
አስተያየት ይፃፉ (0 አስተያየት)

ኀዳር 13፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • እየተገባደደ ባለው የመኸር ወቅት ከ321 ሚሊዮን ኩንታል በላይ የሰብል ምርት ይገኛል ተባለ፡፡ (ዮሐንስ የኋላወርቅ)
  • ኢትዮጵያ ከእርግዝና እና ወሊድ ጋር በተገናኘ ህይወታቸውን የሚያጡ እናቶች ቁጥር መቀነሷን ተናግራለች፡፡ ሆኖም ግን አሁንም ከ100 ሺ እናቶች 412ቱ ከወሊድና እርግዝና ጋር በተያያዘ ይሞታሉ፡፡ (ንጋቱ ሙሉ)
  • የኢትዮጵያ ስኳር ህሙማን ማህበር ለተወካዮች ምክር ቤት አባላት ትምህርት ልሰጥ ነው አለ፡፡ (ወንድሙ ኃይሉ)
  • በሁለተኛ ደረጃ ትምህርት ቤቶች በቴክኖሎጂ የታገዘ ትምህርት ለመስጠት ያግዛል የተባለው ስኩል ኔት ፕሮግራም ቢጀመርም ውጤት አላመጣም ተባለ፡፡ (ትዕግሥት ዘሪሁን)
  • የዝናብ ውሃ ለመዝናኛ እና ለመጠጥ ውሃ ሊውል መሆኑ ተሠማ፡፡ (ዮኋንስ የኋላወርቅ)
  • የአዲስ አበባ ነዋሪዎች የመጓጓዣ ታሪፍ አስመርሮናል አሉ፡፡ የትራንስፖርት ባለሥልጣን ለመቆጣጠር እየሞከርኩ ነው ይላል፡፡ (ምሥክር አወል)
  • ብዙዎች የኢትዮጵያ ሆቴሎች ባለሙያዎችን እየተጠቀሙ አይደለም ተባለ፡፡ (ወንድሙ ኃይሉ)
አስተያየት ይፃፉ (0 አስተያየት)

በያዝነው አመት ኢትዮጵያ ለአሜሪካ በምትልካቸው የጫማ ምርቶች ብቻ 4 ነጥብ 5 ሚሊዮን ዶላር ለማግኘት ውጥን ይዛለች

በያዝነው አመት ኢትዮጵያ ለአሜሪካ በምትልካቸው የጫማ ምርቶች ብቻ 4 ነጥብ 5 ሚሊዮን ዶላር ለማግኘት ውጥን ይዛለች፡፡ይህ እቅድ በሜድ ባይ ኢትዮጵያ ፕሮጀክት ብቻ ይገኛል ተብሎ የታቀደ ሲሆን አጠቃላይ የጫማ ምርትን ለውጭ ገበያ በማቅረብ ግን ከ115 ሚሊዮን ዶላር በላይ ለማግኘት መታሰቡን የቆዳ ኢንዲስትሪ ልማት ኢንስቲትዩት ለሸገር ተናግሯል፡፡ባለፈው ዓመት በጫማ ምርት የወጭ ንግድ 34 ሚሊዮን ዶላር መገኘቱን ያስታወሱት በኢንስቲትዩቱ የኢንዱስትሪ ኮንሰልታንሲ ቲም ሊደር የሆኑት አቶ ኑረዲን ሁሴን ናቸው፡፡

የሃገር ውሰጥ የጫማ ኢንዱስትሪዎች ያመረቷቸው ጫማዎች ከታሰበው ዋጋ በታች በመሸጣቸውና ያመረቱትም ጫማ እንዳሰቡት መሸጥ ስላልቻለ የገንዘብ እጥረት ሲፈትናቸው ከርሟል፡፡10 የሚሆኑ የኢትዮጵያ ጫማ ፋብሪካዎችን አቅም ለማሳደግ ለአምስት አመት የሚቆይ የሜድ ባይ ኢትዮጵያ ፕሮጀክት ከተጀመረ አመት ሆኖታል፡፡ከ10ሩ የጫማ ፋብሪካዎች ከዚህ ቀደም የጥራት ቁጥጥር ሥርዓት የነበራቸው 3 ብቻ እንደነበሩ አቶ ኑረዲን አስታውሰዋል፡፡ሁሉም ፋብሪካዎች የጥራት ቁጥጥር ስርዓት እንዲኖራቸውም እየተሰራ መሆኑን ሰምተናል፡፡

ሦስት ፋብሪካዎችም ማለትም ሼባ፣ ሞደርን ዘጌና ካንጋሮ የጫማ ፋብሪካዎች በዚህ ወር አለም አቀፍ ተቀባይነት ያለው የጥራት ሰርተፍኬት ይሰጣቸዋል ተብሏል፡፡

ትዕግስት ዘሪሁን
አስተያየት ይፃፉ (1 Comment)

የዝናብ እጥረት የነጭ ሳር ብሔራዊ ፓርከ እንስሣትን መኖ አሳጥቶ ሳር ፍለጋ ስፍራቸውን እያስለቀቃቸው ነው ተባለ

የዝናብ እጥረት የነጭ ሳር ብሔራዊ ፓርከ እንስሣትን መኖ አሳጥቶ ሳር ፍለጋ ስፍራቸውን እያስለቀቃቸው ነው ተባለ፡፡የብሔራዊ ፓርኩ ሥራ አስኪያጅ አቶ አብረሃም ማርዬ ለሸገር ሲናገሩ የዝናብ እጥረት የነጭ ሳር ብሔራዊ ፓርክን ሳር እንዲጠፋ ስላደረገው የሜዳ አህያዎችና ሌሎችም የፓርኩ እንስሣት መኖ ፍለጋ እየተንቀሣቀሱ ነው ብለዋል፡፡

ፓርኩ ከሚያዋስናቸው የኦሮሚያና የደቡብ ክልሎች ጋር ስለ እንስሣቱ አጠባበቅ ምክክር እያደረግን ነው ሲሉም ተናግረዋል፡፡በዱር እንስሣት ልማትና ጥበቃ ባለሥልጣን የብሔራዊ ፓርኮች ማስተባበሪያ ጽ/ቤት ኃላፊው አቶ ኩመራ ዋቅጅራ እንዲህ ያለ ክስተት ሲያጋጥም እንስሳት ቤታቸውን ለቀው መኖ ፍለጋ መሄዳቸው ዝናቡ በአግባቡ ሲጥል ደግሞ ወደ ስፍራቸው መመለሳቸው የተለመደ ነው፡፡እኛ ከዚህ በፊት ተከስቶ እንደበረው ኤልኒኖ ያለ ረዘመ ያለ ችግር ሰመጣ ነው ውሃ በማቆርና በሌላም መንገድ ልንታደጋቸው የምንሰራው ብለዋል፡፡

ወንድሙ ኃይሉ
አስተያየት ይፃፉ (0 አስተያየት)

ከሐምሌ 2009 ዓ.ም ወዲህ ባሉት ሦሰት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀድም ሊሣካ አልቻለም ተባለ

ከሐምሌ 2009 ዓ.ም ወዲህ ባሉት ሦሰት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀድም ሊሣካ አልቻለም ተባለ፡፡እንዲህ ያለው የማዕድን የነዳጅና የተፈጥሮ ጋዝ ሚኒስቴር ነው፡፡ከ2009 የሩብ አመት የሥራ እቅድ አፈፃፀም ሪፖርቱ ላይ እንደተባለው በበጀት አመቱ ሦስት ወሮች ውስጥ 6 ነጥብ 25 ሚልዮን ሊትር ኤታኖል ለማምረት ዕቅድ ተይዞ ነበር፡፡

ይሁን እንጂ በስኳር ፋብሪካዎቹ የምርት አቅርቦት ችግር ምክንያት ምርቱ ሊመረት አልቻለም፡፡በዚህም ምክንያት ኢትዮጵያ ልታድን የምትችለውን የውጪ ምንዛሬ ማዳን አልቻለችም ተብሏል፡፡ኢትዮጵያ በውጪ ምንዛሬ የሚገባውን የፔትሮሊየም ነዳጅ ወጪ ማዳንና የበካይ ጋዝ ልቀትን በመቀነስ በካርቦን  ፋይናንስ  ጥቅም የማግኘት ትልቅ ዕቅድ እንዳላትም ተነግሯል፡፡

ዮሐንስ የኋላወርቅ
አስተያየት ይፃፉ (0 አስተያየት)

በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተባብረው መሥራት ይጠበቅባቸዋል ተባለ

በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተባብረው መሥራት ይጠበቅባቸዋል ተባለ፡፡ይህን የተናገሩት በቅርቡ የአካባቢ ደንና የአየር ንብረት ለውጥ ሚኒስትር መሥሪያ ቤቱን እንዲመሩ የተሾሙት ዶክተር ገመዶ ዳሌ ናቸው፡፡ዶክተር ገመዶ የምርምር ተቋማት ቴክኖሎጂን ተጠቅመው የተፈጥሮ ሀብትን በማበልፀግ በኩል ድርሻቸው ጉልህ እንደሆነ ተናግረው በዘርፉ ተሰማርተው ምርምር የሚያካሂዱ ባለሙያዎችን ለትምህርት እድገት ፍለጋ ለዕውቅና ሳይሆን ለሀገር ትርጉም ያለው ውጤት ሊያስገኙ ይገባል ብለዋል፡፡

በዘርፉ ለተሰማሩ ባለሙያዎችም የተለየ ድጋፍ ይደረግላቸዋል ብለዋል ሚኒስትሩ፡፡ ነገር ግን የተለየ ድጋፍ የተባለው ምን እንደሆነ አልተገለፀም፡፡ዛሬ በግብርና ምርምር ኢንስቲቲዩት ጊቢ በተዘጋጀውና እስከ ነገ በሚቆየው የተሰሩ ስራዎች የመገምገሚያ ስብሰባ ላይ በአገሪቱ የተከናወኑ ሥራዎችና የተገኙ ውጤቶች ይገመገማሉ ተብሏል፡፡የአየር ንብረት ለውጥና የአካባቢ ብክለት የአለም የወቅቱ የመነጋገሪያ ርዕስ ነው፡፡

እርስዎ እንደ አዲስ ሚኒስትርነትዎ ለአገሪቱ ምን አዲስ ለውጥ ለማምጣት አቅደዋል ብለን የጠየቅናቸው ዶክተር ገመዶ አሁን ላይ ከአየር ንብረት መለወጥና መበከል ጋር በተያያዘ በውሃማ አካላትና በፋብሪካዎች አካባቢ የሚነሱ የህዝብ ቅሬታዎችና ጥያቄዎች አሉ እነዚህን ችግሮች በተቻለ መጠን ለመቅረፍ እሰራለሁ ብለዋል፡፡

ምስክር አወል
አስተያየት ይፃፉ (0 አስተያየት)

ኀዳር 12፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኢትዮጵያ ተስማሚነትና ምዘና ድርጅት የሐዋሳ ኢንዱስትሪ ፓርክ የጨርቃ ጨርቅ ምርቶችን ጥራት ለማረጋገጥ የሚያስችል ዝግጅት ማድረጉ ተሠማ፡፡ (ትዕግሥት ዘሪሁን)
  • የነጭ ሳር ብሔራዊ ፓርክ በዝናብ እጥረት ምክንያት ሳር አላበቅል ብሎ የዱር እንስሣቱ ስፍራቸውን እየለቀቁ ነው ተባለ፡፡ (ወንድሙ ኃይሉ)
  • ስድስት ሆነው አንድ ጓደኛቸውን ቀጥቅጠው የገደሉት ግለሰቦች በእሥራት ተቀጡ፡፡ (ተኅቦ ንጉሴ)
  • ኢትዮጵያ የጫማ ምርቶችን ለአለም ገበያ በማቅረብ ከ115 ሚሊዮን ዶላር በላይ ለማግኘት አቅዳለች፡፡ ለመጀመሪያ ጊዜም ለአሜሪካ ገበያ በምታቀርባቸው የጫማ ምርቶችም 4 ነጥብ 5 ሚሊዮን ዶላር ታገኛለች ተባለ፡፡ (ትዕግሥት ዘሪሁን)
  • ከሐምሌ 2009 ዓ.ም ወዲህ ባሉት ሦስት ወሮች ከ60 ሚሊዮን ብር በላይ የሚያወጣ ኤታኖል ለማምረት ቢታቀደም ሊሣካ አልቻለም ተባለ፡፡ (ዮሐንስ የኋላወርቅ)
  • በደን በአየር ንብረትና በተፈጥሮ ሀብቶች ዙሪያ የሚሰሩ የምርምር ተቋማት ከምንጊዜውም በላይ በጋራ ተቀራርበውና ተናብበው መሥራት ይጠበቅባቸዋል ተባለ፡፡ (ምስክር አወል)
አስተያየት ይፃፉ (0 አስተያየት)

የአዲስ አበባ የመሬት ይዞታ ምዝገባና መረጃ ኤጀንሲ በ2009 የበጀት ዓመት የመጀመሪያ ሦስት ወራት በሰጣቸው አገልግሎቶች ከ50 ሚሊዮን ብር በላይ ማግኘቱን ተናገረ

ኤጀንሲው በስም ዝውውር፣ በአዲስ ይዞታ፣ በዋስትና ዕዳ፣ ከእግድ መመዝገብ ፣ ከዕግድ መሰረዝ እና ከሌሎች አገልግሎቶች ነው 50 ሚሊዮን አንድ መቶ ዘጠና አራት ሺ ብር ማግኘቱ የተሰማው፡፡

ኤጀንሲው በበጀት ዓመቱ ሦስት ወራት 30 ቁራሽ መሬት እና ከአራት ሺህ በላይ ይዞታዎችን አረጋግጫለሁም ብሏል፡፡

በአዲስ አበባ በአስሩም ክፍለ ከተሞች በተደረገው የይዞታ ማረገገጥ ሥራ ነው 4 ሺህ 635 ይዞታዎችና 30 ቁራሽ መሬት ተረጋግጧል የተባለው፡፡

ወሬውን ለሸገር የነገሩት የኤጀንሲው የኮሙኒኬሽን ኃላፊ አቶ ሊበን ፈየራ ናቸው፡፡

በዚሁ በጀት አመት በመጀመሪያዎቹ 3 ወራት በሁሉም ክ/ከተሞች የወሰን ማካለል የቅየሳ ሥራ እንዲሁም የይዞታዎች ላይ የመብት ክልከላና ኃላፊነት የማረገገጥ ሥራ መደረጉን ከኃላፊው ሰምተናል፡፡

በአዲስ አበባ በሁሉም አካባቢዎች እና ቀጠናዎች በተደረገው የወሰን ማካለልና ቅየሳ 813 ሰፈሮች ውስጥ የመጠን መብለጥና ማነስ ከመረጃዎች ጋር ልዩነት በመፍጠራቸው ለሚመለከተው ቢሮ ተልኮለታል ተብሏል፡፡

የሚመለከተው ቢሮው ከተሰጠው 813 ማህደር 757ቱን ተመልክቶ መልሶ መስጠቱን እና ባለይዞታዎችም እንደተረጋገጠላቸውም ሰምተናል፡፡

ምህረት ስዩም
አስተያየት ይፃፉ (0 አስተያየት)

ኀዳር 9፣2009 የሸገር ወሬዎቻችን

  • በአዲስ አበባ ቤቶች ልማት አስተዳደር ኤጀንሲ በሙስና የተጠረጠሩ እና መረጃ የተገኘባቸው የሥራ ኃላፊዎች ክስ ተመስርቶባቸዋል፡፡ (ተኅቦ ንጉሴ)
  • የኢትዮጵያ ባህር ትራንስፖርትና ሎጂስቲክ አገልግሎት ድርጅት የሠራተኞች ማህበር ኤሌምቱ ኢንተርግሬትድ ወተት ኢንዱስትሪ አክሲዮን ማህበር ጋር ስምምነት አድርጓል፡፡ (አስፋው ስለሺ)
  • በአዲስ አበባ ትዳር ከመሰረቱ በኋላ የሚፋቱ ሰዎች ቁጥር እየጨመረ ነው ተባለ፡፡ (ንጋቱ ሙሉ)
  • በአዲስ አበባ በ2009 የበጀት ዓመት የመጀመሪያ ሦስት ወራት ከመሬት ነክ አገልግሎቶች ከ50 ሚሊዮን ብር በላይ ተሰበሰበ፡፡ (ምህረት ስዩም)
  • የኢትዮጵያን የግብርና ምርቶች ወደ ውጭ ለመላክ ያሉ የማቆያና የማጓጓዣ ችግሮች ደረጃ በደረጃ ይፈታሉ ተባለ፡፡ (ዮሐንስ የኋላወርቅ)
  • ጥቁር አንበሣ ሆስፒታል ከዚህ ቀደም ያልነበረውን የልብ ሕክምና መሣሪያ አስገጠመ፡፡ (ሕይወት ፍሬስብሃት)
  • ኢትዮጵያ ለስጋ ምርቷ በውጭ ሀገራት ተጨማሪ ገበያ እያፈላለገች ነው ተባለ፡፡ (ንጋቱ ረጋሣ)
አስተያየት ይፃፉ (0 አስተያየት)

የሞሮኮው ንጉስ ሞሃመድ ስድስተኛ ከነገ ጀምሮ ኢትዮጵያን ይጐበኛሉ ተባለ

የሞሮኮው ንጉስ ሞሃመድ ስድስተኛ ከነገ ጀምሮ ኢትዮጵያን እንደሚጐበኙ ተነገረ፡፡ንጉሱ ኢትዮጵያን እንደሚጐበኙ ሌ 360 አፍሪክ ዶት ኮም የተባለ የወሬ ምንጭ ፅፏል፡፡ሸገር ስለ መረጃው የጠየቃቸው የውጭ ጉዳይ ሚኒስቴር ቃል አቀባይ አቶ ተወልደ ሙሉጌታም ንጉሱ ከሰሞኑ በኢትዮጵያ ጉብኝት እንደሚያደርጉ ነግረውናል፡፡

ንጉስ ሞሃመድ ከኢትዮጵያ ጉብኝታቸው በኋላ ወደ ማደጋስካር ያመራሉ ተብሏል፡፡ወደ ማዳጋስካር የሚያቀኑት ከሳምንት በኋላ በዚያ በሚካሄደው የፈረንሣይኛ ቋንቋ ተናጋሪ ሀገራት ጉባዔ ላይ ለመሳተፍ እንደሆነ ተወርቷል፡፡የማዳጋስካሩ ጉባዔ ለሁለት ቀናት የሚካሄድ ነው ተብሏል፡፡

ንጉስ ሞሃመድ ስድስተኛ ኢትዮጵያን ለጉብኝት የመረጡት የአፍሪካ ህብረት መቀመጫ በመሆኗ ነው ሲል መረጃው አስፍሯል፡፡ሞሮኮ በቅርቡ ወደ አፍሪካ ህብረት አባልነቷ ለመመለስ በይፋ ጥያቄ ማቅረቧ ይታወሳል፡፡

ሀገሪቱ ከያኔው የአፍሪካ አንድነት ድርጅት /ከአሁኑ የአፍሪካ ህብረት/ አባልነት ለቃ የወጣችው በምዕራብ ሰሃራ ምክንያት ነው፡፡
የአፍሪካ አንድነት ድርጅት ምዕራብ ሰሃራን በአባልነት መቀበሉ ነበር ሞሮኮን ለቃ እንድትወጣ ያደረጋት፡፡

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers