• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

“አዲስ በአዲስ አበባ” የሚል ስያሜ የተሰጠው የጁሊ ምህረቱ የስዕል አውደ ርዕይ ዛሬ ይከፈታል ተባለ

በተለያየ የረቂቅ ሥራዎቿ በዓለም ታዋቂ የሆነችው የጁሊ ምህረቱ የጥበብ ሥራዎች ከዚህ በፊት ያልታዩ ስዕሎች ናቸው መባሉን ሰምተናል፡፡ የስዕል አወደ ርዕዩ ከዛሬ ሐምሌ አንድ ጀምሮ ለአንድ ወር እስከ ሐምሌ 30 ድረስ ይቆያል ብለው የነገሩን የአውደ ርዕዩ አስተባባሪ ዶክተር ዳግማዊ ውብሸት ናቸው፡፡ በገብረክርስቶስ ደስታ የስነ-ጥበብ ቤተ-መዘክር የጁሊ ምህረቱ የረቂቅ አብስትራክት ስዕል እና ሌሎችም ካንቫስ ሸራዎች ላይ የሰራቻቸው ስዕሎች ይታያሉ ተብሏል፡፡

ዛሬ በሚከፈተው አውደ ርዕይ ላይ የመጀመሪያው ቀን በመሆኑ የባህል እና የሥነ-ጥበብ ሰዎች፣ አምባሳደሮች፣ ሚኒስትሮች እና ሌሎችም ጥሪ የተደረገላቸው ብቻ ይገኛሉ መባሉን ሰምተናል፡፡ ከእሁድ ሐምሌ 3 ጀምሮ ሁሉም ኢትዮጵያዊ በገብረክርስቶስ ደስታ ሙዚየም መመልከት ይችላል ተብሏል፡፡

ተጨማሪ ያንብቡ...

አስተያየት ይፃፉ (0 አስተያየት)

ኢትዮጵያ፣ ኬንያና ኡጋንዳ በቃላቸው መሰረት ተዋጊ ሂሊኮፕተሮችን ወደ ሶማሊያ እንዲልኩ የአፍሪካ ህብረት ጠየቀ

ኢትዮጵያ፣ ኬንያና ኡጋንዳ በአፍሪካ ህብረት ልዩ ሃይል ስር ጦራቸውን ወደ ሶማሊያ ከላኩ ሀገራት መካከል ናቸው፡፡ ሶስቱ ሀገራት ጦር ከማዋጣት በተጨማሪ ተዋጊ ሂሊኮፕተሮችንም ወደ ሶማሊያ ለመላክ ባለፈው የካቲት ወር ቃል ገብተው እንደነበር የአፍሪካ ህብረት አስታውሷል፡፡ ሀገራቱ ተዋጊ ሂሊኮፕተሮቹን ወደ ሶማሊያ እንልካን ያሉት በዚያ የሚገኘው የአፍሪካ ህብረት ልዩ ሃይል በጽንፈኛው ቡድን አልሸባብ ላይ ለከፈተው ዘመቻ ተጨማሪ አቅም እንዲያገኝ ለማስቻል ነው፡፡

ይሁንና በቃላቸው መሰረት እስከ አሁን ተዋጊ ሂሊኮፕተሮቹን ሀገራቱ ወደ ሶማሊያ እንዳልላኩ የአፍሪካ ህብረት የሰላምና ጸጥታ ምክር ቤት ጠቅሷል፡፡ በገቡት ቃል መሰረት በቶሎ ተዋጊ ሂሊኮፕተሮቹን ወደ ሶማሊያ እንዲልኩም ጠይቋል፡፡ የተዋጊ ሂሊኮፕተሮቹ መገኘት በሶማሊያ የሚገኘው የአፍሪካ ህብረት ልዩ ሃይል በአልሸባብ ላይ የሚያካሂደውን ዘመቻ ያህል አስፈላጊ ነው ሲልም ነገሩን አፅንኦት ሰጥቶታል፡፡ ቀደም ብለው የወጡ መረጃዎች ኢትዮጵያና ኬንያ ብቻ ሶስት ተዋጊ እና ዘጠኝ ሁለገብ ሂሊኮፕተሮችን ወደ ሶማሊያ ለመላክ ቃል እንደገቡ ጠቁመው ነበር፡፡

ይህም ከአራት አመት በፊት ኡጋንዳ ወደ ሶማሊያ የላከቻቸውን አራት ሂሊኮፕተሮች ካስወጣች በኋላ ብዙ ሂሊኮፕተሮችን የሰጡ ሀገሮች ያደርጋቸዋል ተብሏል፡፡ ኡጋንዳ በወቅቱ ሂሊኮፕተሮቹን ወደ ሀገር ቤት የመለሰችው ሶስቱ ከኬንያ ተራራ ጋር ከተጋጩባት በኋላ ነበር፡፡ የአፍሪካ ህብረት የሰላምና ጸጥታ ምክር ቤት በሶማሊያ ለሚገኘው የቡሩንዲ ጦር የአውሮፓ ህብረት የሚያደርገውን የገንዘብ ድጋፍ ለመቀነስ መወሰኑም አሳስቦኛል ብሏል፡፡

ህብረቱ ድጋፉን እቀንሳለሁ ያለው የገንዘብ እጥረት ገጥሞኛል በሚል ነው፡፡ ምክር ቤቱ ግን ህብረቱ ይህንን ውሳኔውን እንዲቀይር ጠይቋል፡፡

ንጋቱ ረጋሳ

አስተያየት ይፃፉ (0 አስተያየት)

የተሽከርካሪ ዓመታዊ ምርመራ አድርጋችሁ ቦሎ ሳትለጥፉ ጊዜ ላለፈባችሁ አሽከርካሪዎች መልካም ወሬ ነው

ዓመታዊ ምርመራን ያለ ቅጣት ለማድረግ ተጨማሪ የአንድ ወር ጊዜ ተሰጥቷችኋል ተብሏል፡፡ የፌዴራል ትራንስፖርት ባለሥልጣን ነው ይህንን ለኛ የነገረን፡፡ ከባለሥልጣን መሥሪያ ቤቱ የኮሙኒኬሽን ጉዳዮች ቢሮ እንደሰማነው የ2008 ዓ.ም ዓመታዊ የምርመራ ጊዜና ቦሎ ማድረጊያ ዛሬ ሰኔ 30 ቀን 2008 ዓ.ም ተጠናቋል፡፡ ከነገ ጀምሮ ምርመራ አድርገው ቦሎ ለመለጠፍ የሚመጡም የሚስተናገዱት በቅጣት ነበር፡፡

ባለሥልጣን መሥሪያ ቤቱ እንደተናገረው በርካታ ተሽከርካሪዎች የዘመቻ ሥራ ላይ ስላሉና ምርመራውን አድርገው ቦሎ ለመለጠፍ ጊዜ ስላላገኙ ጊዜውን ማራዘም አስፈላጊ ሆኖ ተገኝቷል፡፡በዚህም ምክንያት ሰኔ 30 ቀን ያበቃ የነበረው የምርመራና ቦሎ መለጠፊያ ጊዜ እስከ ሐምሌ 30 ቀን 2008 ዓ.ም ለአንድ ወር ተራዝሟል፡፡

ተጨማሪ ያንብቡ...

አስተያየት ይፃፉ (0 አስተያየት)

የእሥራኤል ጠ/ሚንስትር ቤንያሚን ኔታንያሁ ትናንት ምሽት አዲስ አበባ ገብተዋል…

ጠቅላይ ሚኒስትሩ አዲስ አበባ ሲገቡ ጠቅላይ ሚኒስትር ኃይለማርያም ደሣለኝ፣ የውጭ ጉዳይ ሚንስትሩ ዶክተር ቴዎድሮስ አድሀኖምና የመንግሥት የሥራ ኃላፊዎች ተቀብለዋቸዋል፡፡ ሰሞኑን በምሥራቅ አፍሪካ ሀገሮች ጉብኝት ስያደርጉ የሰነበቱት ኔታንያሁ ዛሬ በብሄራዊ ቤተ-መንግሥት ጠዋት እንዲሁም በምሣ ሰዓት ደግሞ በህዝብ ተወካዬች ምክር ቤት ንግግር ያደርጋሉ መባሉንም ከመንግሥት ኮሙኒኬሽን ጉዳዬች ጽ/ቤት ተነግሮናል፡፡ ጠቅላይ ሚኒስትር ኔታንያሁ በኢትዮ እሥራኤል የቢዝነስ ፎረም ላይ እንደሚሣተፉ ተወርቷል፡፡ በብሔራዊ ሙዚየምም ጉብኝት ያደርጋሉ፡፡

ተጨማሪ ያንብቡ...

አስተያየት ይፃፉ (0 አስተያየት)

ኢትዮጵያ ልታከናውን ላቀደቻቸው የልማት ውጥኖቿ ማገዣ 800 ሚሊዮን ዶላር ብድር ማግኘቷ ተሠማ

ኢትዮጵያ በመጪው ዓመት የተለያዩ የልማት ሥራዎችን የምትከውንበት ከ800 ሚሊየን ዶላር በላይ ብድር ማግኘቷ ተሠማ…ብድሩ ለተለያዩ አምስት የሥራ ዘርፎች የሚውል ነው ተብሏል፡፡ ከዚህ ውስጥ መቶ ሚሊዮን ብር ከአፍሪካ ቀንድ ወደ ኢትዮጵያ የሚመጡ ስደተኞች የሚስተናገዱባቸው አምስት ክልሎች የሚደርስባቸውን ጫና ለመቋቋም ይረዳል የተባለ ነው፡፡ የብድር ስምምነቱ ዛሬ በህዝብ እንደራሴዎች ምክር ቤት ቀርቦ ፀድቋል፡፡ በአሁኑ ወቅት ኢትዮጵያ 8 መቶ ሺህ ያህል ስደተኞችን ተቀብላ በማስተናገድ ላይ ትገኛለች፡፡

ከሶማሊያ፣ ከደቡብ ሱዳን እና ኤርትራ መጥተው በአፋር፣ በሶማሌ፣ በጋምቤላ፣ በቤንሻንጉል ጉምዝና በትግራይ ክልሎች ተጠልለዋል፡፡ አምስቱ ክልሎች በርካታ ስደተኞችን ተቀብለው በማስተናገዳቸው ቀደም ሲል ከነበረባቸው የተቋም አለማሟላት ጋር ተዳምሮ የስደተኞችን ተፅዕኖ የመቋቋም አቅማቸውን እየተፈታተነ ነው ተብሏል፡፡ የብድር ስምምነቱን መግለጫ ለምክር ቤቱ ያቀረቡት የመንግሥት ረዳት ተጠሪ ድኤታ የሆኑት አቶ አማኑኤል አብርሃ ናቸው፡፡

ትዕግስት ዘሪሁን
አስተያየት ይፃፉ (0 አስተያየት)

የገቢዎችና ጉምሩክ ባለሥልጣን በገቢ ስብሰባ ረገድ የነበሩበትን ችግሮች ማረሙን የሥራ ኃላፊዎቹ ተናገሩ

የኢትዮጵያ ገቢዎችና ጉምሩክ ባለሥልጣን የ2008 በጀት ዓመት አመታዊ ግብርን አምና ያጋጠሙኝ ችግሮች አርሜ ለመሰብሰብ ተዘጋጅቻለሁ አለ…የደረጃ ሐ ግብር ከፋዮች የሚባሉትና አጠቃላይ አመታዊ ገቢያቸው እስከ 100 ሺህ የሆኑት ከሐምሌ 5 እስከ ሐምሌ 30፣ የደረጃ ለ የሚባሉትና አመታዊ ገቢያቸው ከ100 ሺህ እስከ 500 ሺህ ድረስ ያሉት ከሐምሌ 1 እስከ ጳጉሜ መጨረሻ እንዲሁም የደረጃ ሀ ግብር ከፋዮችና አመታዊ ገቢያቸው ከ500 ሺህ ብር በላይ የሆኑ ደግሞ ከሐምሌ 1 እስከ ጥቅምት 30 አመታዊ ግብር መክፈያ ጊዜ መሆኑን ባለሥልጣኑ አስታውሷል፡፡

ተጨማሪ ያንብቡ...

አስተያየት ይፃፉ (0 አስተያየት)

የፌዴራል ዳኞች አስተዳደር ጉባኤ የስነ-ምግባር ችግር አለባቸው ያላቸውን ሁለት ዳኞች ከዳኝነት ሥራቸው አሰናበተ

አቶ ደስታ ለታሞ እና አቶ አንዳርጋቸው ወዳጄ በተባሉ ሁለት ዳኞች ላይ የቀረበለትን የሥነ-ምግባር ክስ ሲመረምር የቆየው የዳኞች አስተዳዳር ጉባዔ ጥፋተኛ ሆነው ስለተገኙ ከሚያዚያ 15 ቀን 2008 ዓ.ም ጀምሮ ከሥራ አግዷቸው መቆየቱን ሰምተናል፡፡ ዳኛ ደስታ ለታሞ የፌዴራል ከፍተኛ ፍርድ ቤት ዳኛ የነበሩ ሲሆን ያልተጠቀሙበትን የአልጋ እና የውሎ አበል ሐሰተኛ ሰነድ በማቅረብ ከመቶ ሺህ ብር በላይ ያለ አግባብ መውሰዳቸው በዳኞች አስተዳደር ጉባዔ ተረጋግጧል፡፡

በሥነ-ምግባር ችግር ከሥራቸው ከተሰናበቱት ሁለት ዳኞች መካከል አቶ አንዳርጋቸው ወዳጄ ደግሞ የፌዴራል የመጀመሪያ ደረጃ ፍርድ ቤት ድሬዳዋ ምድብ ዳኛ ነበሩ፡፡ ዳኛ አንዳርጋቸው ወዳጄ የችሎት አዳራሽ እያለ ዘወትር የተለያየ ምክንያት እያቀረቡ በግልፅ ችሎት አለማስቻላቸው፣ ተገልጋዮችን የሚያሸማቅቁ መሆናቸው፣ የሥራ ሰዓት አክብረው አለመገኘታቸው እና ይህም የሥነ-ምግባር ችግር እንዳለባቸው መረጋገጡን ሰምተናል፡፡

በመሆኑም ሁለቱ ዳኞች ከዳኝነት ሥራቸው የፌዴራል ዳኞች አስተዳደር ጉባኤ አሰናብቷቸዋል፡፡ ውሣኔው ዛሬ በህዝብ እንደራሴዎች ምክር ቤት ቀርቦ ፀድቋል፡፡

ትዕግስት ዘሪሁን

አስተያየት ይፃፉ (0 አስተያየት)

ሰኔ 30፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ፊደልን ያህል ነገር ቀርፃ ለሱ የቀረበውን ንባብ ግን አታውቅበትም ተብላ የምትታማው ኢትዮጵያ ጥቂት አሏት የሚባሉትን ቤተ-መፅሐፍቷን እንኳን በወጉ መያዝ አቅቷታል ተባለ፡፡ (መሰረት በዙ)
  • የበጐ አድራጐት ድርጅቶች በተሻሻለው የገቢ ግብር ረቂቅ አዋጅ ላይ ዛሬ ከህዝብ እንደራሴዎች ምክር ቤት አባላት ጋር ይመክራሉ፡፡ (ትዕግስት ዘሪሁን)
  • የኢትዮጵያ ደራሲያን ማህበር በሀገሪቱ የንባብ ባህል እንዲዳብር እየሰራሁ ነው አለ፡፡ ለስድስት ቀናት የሚሰነብት የንባብ ሳምንት አዘጋጅቷል፡፡ (ምህረት ሥዩም)
  • ክረምቱ የከፋባቸው የጐዳና ተዳዳሪዎች መጠለያና ምግብ ፍለጋ ወደ ህፃናት ማረሚያ ወንጀል ሰርተው እየመጡ መሆኑ ተሰምቷል፡፡ (ዮሐንስ የኋላወርቅ)
  • ጠቅላይ ሚኒስትር ቤንያሚን ኔታንያሁ የኢትዮጵያ ጉብኝታቸውን ዛሬ ይጀምራሉ፡፡ ትናንት ምሽት አዲስ አበባ ገብተዋል፡፡ (ፋሲል ረዲ)

    ተጨማሪ ያንብቡ...

    አስተያየት ይፃፉ (0 አስተያየት)

የሐኪምዎ መልዕክት ዶ/ር ሰለሞን ተፈራ፣ሱስ፣ ሱሰኝነትና የአልኮል ማስታወቂያዎች ነገር በኢትዮጵያ

በሱስ፣ በሱሰኝነትና በቢራና የአልኮል ማስታወቂያዎች ላይ በተከታታይ መልዕክታቸውን ሲነግሩን የነበሩት ዶ/ር ሰለሞን ተፈራ ዛሬም የሚሉን አላቸው፡፡ በአንዳንድ ሐገራት ጭራሹኑ የአልኮል መጠጥን ማስተዋወቅ የተከለከለ ነው የሚሉት ዶ/ር ሰለሞን በሐገራችን ግን ከቢራም አልፎ የአልኮል መጠናቸው 40% እና ከዚያም በላይ የሆኑት እነ ጂንና ቮድካ በአደባባይ በትላልቅ ቢል ቦርዶች ሲተዋወቁ ማየት አሳዛኝ ነው ይላሉ…

ዶ/ር ሰለሞን ይህን አሳሳቢ ጉዳይ ኃላፊነት የሚሰማው አንድ ተቋም ተመልክቶ ሊያስተካክለው ይገባል ባይ ናቸው፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የነገው የረመዳን በዓል በአዲስ አበባ ስታዲዬም በድምቀት እንደሚከበር የአዲስ አበባ እስልምና ጉዳዬች ምክር ቤት ተናገረ…

ከምክር ቤቱ እንደሰማነው ፕሮግራሙ ማለዳ 12 ሰዓት ላይ የሚጀመር ሲሆን የሙስሊሙ ህብረተሰብ ወደ ስታዲዬም ይገባል፡፡ በክብር እንግድነትም የአዲስ አበባ ከተማ ከንቲባ አቶ ድሪባ ኩማ ወይም ተወካያቸው ይገኛሉ የተባለ ሲሆን የኢትዮጵያ እስልምና ጉዳዬች ጠቅላይ ምክር ቤት ፕሬዝዳንት ሼህ መሀመድ አሚን ጀማል እና የአዲስ አበባ እስልምና ጉዳዬች ከፍተኛ ምክር ቤት ፕሬዝዳንት ሼህ መሀመድ ኑር አህመድ ሽፋ ተገኝተው መልዕክት ያስተላልፋሉ ተብሏል፡፡

የኢድ ሰላትም ከጠዋቱ ሁለት ሰዓት ላይ የሚጀመር ሲሆን ሦስት ሰዓት ላይም ፕሮግራሙ ይጠናቀቃል፡፡ የሰግደት ሥነ-ሥርዓቱንም የአንዋር መስጊድ ኢማም በሆኑት በሼህ ጠሀ መሀመድ ሀሮን ይመራል ተብሏል፡፡

ዮሐንስ የኋላወርቅ
አስተያየት ይፃፉ (0 አስተያየት)

የአዲስ አበባ ፖሊስ ኮሚሽን የኢድ አል ፈጥር በዓል በሰላም እንዲከበር አስፈላጊውን ዝግጅት አድርጌያለሁ አለ…

ኮሚሽኑ እንዳለው የእምነቱ ተከታዮች በኢድ ሶላት ወቅትም ይሁን ከዚያ በኋላ በዓሉን በሰላም እንዲያከብሩ ከሚመለከታቸው ሌሎች የፀጥታ አካላት ጋር በመቀናጀት ወደ ሥራ ገብቷል፡፡ ህብረተሰቡም የፖሊስን አገልግሎት ለማግኘትም ሆነ አጠራጣሪ ነገሮች ሲያጋጥሙት መረጃ ለመስጠት 991 ወይም 816 ነፃ የስልክ መስመሮችን እና 0111 11 01 11 ፣ 011 1 26 43 59 ፣ 011 1 01 02 97 መጠቀም እንደሚችል ጠቁሟል፡፡
በተያያዘ መረጃ በአዲስ አበባ የሚካሄደው የኢድ ሶላት ተጀምሮ አስከሚጠናቀቅ እና የትራፊክ መጨናነቅ እንዳይፈጠር

  • ከቦሌ ወደ መስቀል አደባባይ የሚወስደው መንገድ፣ ደንበል ሲቲ ሴንተር፣ ኦሎፒያ አደባባይ፣
  • ከመገናኛ በሃያ ሁለት ወደ ስታዲዮም እንዲሁም ከቦሌ መድሃኒያለም በአትላስ ሆቴል ወደ ስታዲዩም የሚወስደው መንገድ ኡራኤል ቤተ-ክርስቲያ አካባቢ፣
  • ከአራት ኪሎ ወደ ስታዲዮም የሚወስደው መንገድ ባሻወልዴ ችሎት ወይም ፓርላማ መብራት ያሉ መንገዶች ለጊዜው ዝግ ይሆናሉ ብሏል፡፡
  • በተመሣሣይ ከቸርችል ጎዳና ወደ ስታዲዮም የሚወስደው መንገድ ቴድሮስ አደባባይ፣
  • ከተክለ ሀይማኖት በሜትሮሎጂ ስታዲየም የሚወስደው መንገድ ሜትሮሎጂ መስሪያ ቤት አካባቢና ከተክለ ሀይማኖት በጥቁር አንበሳ ሆስፒታል ኢሚግሬሽን ጥቁር አንበሳ የኋላ በር፣
  • ከጌጃ ሰፈር - ጤና ጥበቃ፣ ብሄራዊ ቲያትር የሚወስደው መንገድ ጎማ ቁጠባ መንገዶችም እንደሚዘጉ ኮሚሽኑ ለሸገር በላከው መልዕክት ላይ ጠቅሷል፡፡
  • ከሳሪስ በጎተራ አጎና ሲኒማ፣
  • ከጦር ኃይሎች ልደታ፣ ፖሊስ ሆስፒታል፣ አልሳም ጨለቅለቅ፣
  • ከጦር ኃይሎች፣ ከሳር ቤት፣ ከዲአፍሪክ በሜክሲኮ ወደ ስታዲዮም የሚወስደው መንገድ አፍሪካ ህብረት አደባባይ አካባቢ ይለፍ ለሌላቸው ተሽከርካሪዎች ለጊዜው ዝግ መሆኑን ህብረተሰቡ ተገንዝቦ አማራጭ መንገዶችን እንዲጠቀምም ጠይቋል፡፡
 
ንጋቱ ረጋሳ
አስተያየት ይፃፉ (0 አስተያየት)
Leza Vote Banner
Sheger 102.1 AudioNow Numbers