• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕዳር 30፣ 2012/ የንግድ ውድድርና ሸማቾች ጉዳይ በሥርዓተ ትምህርት ውስጥ ሊካተት እንደሆነ ተነገረ...

የንግድ ውድድርና ሸማቾች ጉዳይ በሥርዓተ ትምህርት ውስጥ ሊካተት እንደሆነ ተነገረ፡፡
  • ጉዳዩን አስመልክቶ ከሰሞኑ ከክልሎች ጋር ከስምምነት ተደርሷል ተብሏል፡፡

ንጋቱ ረጋሣ
አስተያየት ይፃፉ (0 አስተያየት)

ሕዳር 30፣ 2012/ ማንን ምን እንጠይቅልዎ-ትናንት በሸገር ቢሮ አካባቢ ተፈጥሮ የነበረውን አደጋ አስመልክቶ

ትናንት በሸገር ቢሮ አካባቢ ተፈጥሮ የነበረውን አደጋ አስመልክቶ…


ግርማ ፍሰሐ
አስተያየት ይፃፉ (0 አስተያየት)

ሕዳር 30፣2012/ ጠቅላይ ሚኒስትር ዐብይ አህመድ ዛሬ የኖቤል ሰላም ሽልማታቸውን በኖርዌይ ኦስሎ ማዘጋጃ ቤት ተቀብለዋል

ጠቅላይ ሚኒስትር ዐብይ አህመድ ዛሬ የኖቤል ሰላም ሽልማታቸውን በኖርዌይ ኦስሎ ማዘጋጃ ቤት ተቀብለዋል።በዚህ ስነስርዓትም የኖቤል ሰላም ኮሚቴ ፅሀፊ ቤሪትሬስ አንደርሰን ጠቅላይ ሚኒስትሩን የጊዜው ሰው ነህ ሲሉ አሞካሽተዋቸዋል። እሳቸው በንግግራቸውም "ኢትዮጵያ የሰው ዘር መገኛ ነች ይህችም ያንተ ሀገር ነች ይህ ማለትም ሁላችንም ኢትዮጵያውያን ነን ማለት ነን ብለዋል።"



ተህቦ ንጉሴ
አስተያየት ይፃፉ (0 አስተያየት)

ሕዳር 30፣ 2012/ ወደ ፓርቲነት ከፍ ያለው የትግራይ ዴሞክራሲያዊ ትብብር አሰላለፉን ከየትኛው ወገን ያደርግ ይሆን?

ወደ ፓርቲነት ከፍ ያለው የትግራይ ዴሞክራሲያዊ ትብብር አሰላለፉን ከየትኛው ወገን ያደርግ ይሆን?


የኔነህ ሲሳይ
አስተያየት ይፃፉ (0 አስተያየት)

ሕዳር 30፣ 2012/ ወጣቶች የመብት ጥያቄዎቻቸውን ሲያነሱ የሌሎችንም መብት ማክበር እንደሚገባቸው ማሰብ አለባቸው ተባለ

ወጣቶች የመብት ጥያቄዎቻቸውን ሲያነሱ የሌሎችንም መብት ማክበር እንደሚገባቸው ማሰብ አለባቸው ተባለ፡፡ዓለም አቀፉ የሰብአዊ መብቶች ቀን እየተከበረ ነው፡፡


ሕይወት ፍሬስብሃት
አስተያየት ይፃፉ (0 አስተያየት)

ሕዳር 30፣ 2012/ በሕዳሴው ግድብ ዙሪያ የአባይ ተፋሰስ ሐገራት ትናንት በአሜሪካ አድርገውት የነበረውን የሁለተኛ ዙር ውይይት አስመልክቶ ኢትዮጵያ፣ ግብፅ፣ ሱዳን፣ አሜሪካ እና የዓለም ባንክ በጋር ያወጡት መግለጫ

የኢትዮጵያ፣ ሱዳን እና ግብፅ የውጭ ጉዳይ ሚኒስትሮች የአሜሪካ እና የዓለም ባንክን የታዛቢነት ሚና እንደሚያደንቁ የሚጠቅሰው የጋራ መግለጫው፣ በቴክኒካዊ ጉዳዮች ላይ በሐገራቱ የውሃ ኃብት ሚኒስትሮች መካከል በአዲስ አበባ እና ካይሮ በተደረጉ ውይይቶች የተገኙ ውጤቶችን ተመልክተዋል ይላል፡፡የቀጣይ ሁለት ቴክኒካዊ ውይይቶች ስትራቴጂያዊ አቅጣጫ፣ የታላቁ የኢትዮጵያ ሕዳሴ ግድብ አሞላል፣ ትግበራ፣ ድርቅ ሊባሉ የሚችሉ ሁኔታዎች ገለፃ እና ድርቅ ሲከሰትም ሊወሰዱ ስለሚገባቸው የማስተካከያ እርምጃዎችን የሚተነትን ቴክኒካዊ መመሪያ ማዘጋጀት ላይ እንዲያተኩር ሚኒስትሮቹ ተስማምተዋል፡፡

ለድርቅ ሁኔታዎች ምላሽ መስጠት የሚያስችል ሕግ እና መመሪያ ማዘጋጀቱ ለሦስቱም ሐገራት ጥቅም እንዳለው ሚኒስትሮቹ ተገንዝበዋል ይላል የጋራ መግለጫው፡፡ የሚዘጋጁት መመሪያዎች፣ በአንድ የሆነ ዓመት ባለ ተፈጥሯዊ የውሃ ፍሰት እና ከሕዳሴው ግድብ በሚለቀቀው የውሃ መጠን ላይ በመመርኮዝ ድርቅን መመከት የሚያስችሉ ስልቶችን ያካተቱ ይሆናሉ፡፡በመመሪያዎቹ ላይ በመመርኮዝ የግድቡን አሞላል እና ትግበራ ኢትዮጵያ የምትፈፅም ሲሆን፣ በዓመት ውስጥ ያለውን የዝናብ እና መሰል የውሃ አፈሳሰስ ሁኔታዎች ከግምት ውሰጥ በማስገባት ሦስቱ ሐገራት በጋር ሊያስተካክሉት ይችላሉ፡፡ በቀጣይ በአዲስ አበባ እና በካርቱም የሚካሄዱትን የቴክኒካዊ ምክክር ውጤቶችን ገምግመው የመጨረሻ የስምምነት ነጥቦች ላይ ለመድረስ የሐገራቱ የውጭ ጉዳይ ሚኒስትሮች ጥር 4፣ 2012 በዋሽንግተን ዲ ሲ ይገናኛሉ ተብሎ ይጠበቃል፡፡
አስተያየት ይፃፉ (0 አስተያየት)

ሕዳር 30፣ 2012/ በአሁኑ ወቅት አሉ የተባሉ የሰብአዊ መብት ጥሰቶችን በፍርድ ቤት ጭምር ሊሞግትባቸው እየተሰናዳ መሆኑን የሰብአዊ መብቶች ድርጅት ህብረት ተናገረ

በኢትዮጵያ አሁን ያለው የሰብአዊ መብት አያያዝ ሁለት መልክ አለው ያሉት የሰብአዊ መብቶች ድርጅት ህብረት ዳይሬክተር አቶ መስዑድ ገበየሁ ናቸው፡፡በአንድ በኩል ለሰብአዊ መብቶች መከበርና መጠበቅ ወሳኝ የሆኑ ተቋማትን እንደገና የማደራጀት እንዲሁም ህጎችን የማሻሻል ስራ መከወኑን አስታውሰው በሌላ በኩል ደግሞ የደቦ ፍርድና ህግን አለማክበር ፈተና ሆኗል ብለዋል፡፡በሰብአዊ መብት ላይ የሚሰሩ መንግስታዊ ያልሆኑ ተቋማት በገንዘብና በሰው ሀይል እጥረት ተዳክመው 90 በመቶ ተዘግተው እንደነበር አቶ መስዑድ አስታውሰዋል፡፡

ህጉ ተሻሽሎ የተሻለ ለመስራት መንቀሳቀስ የጀመርነው ከ9 ወር ወዲህ ነው ያሉት አቶ መስኡድ በዚህ አጭር ጊዜ አቅማችን ባይደረጅም የሰብአዊ መብት ጥሰት በተፈፀመባቸው አካባቢዎች ተገኝተን ማስረጃዎችን በማሰባሰብ መግለጫ መስጠትና የሚመለከታቸው የመንግስት ተቋማት ሀላፊነታቸውን እንዲወጡ ግፊት የማድረግ ሥራ እየሰራን ነው ብለዋል፡፡ከዚህ ባለፈ የመብት ጥሰቶች በደረሱባቸው ቦታዎች ተገኝተን አስፈላጊ መረጃዎችን በመሰብሰብ ጉዳዩን ፍርድ ቤት በማድረስ የሚመለከታቸውን ተጠያቂ ለማድረግ በሰብአዊ መብት ላይ የሚሰሩ ድርጅቶች ህብረት ዝግጅት እያደረገ መሆኑን ነግረውናል፡፡

አቶ መስኡድ ይህንን ያሉን 71ኛው ዓለም አቀፍ የሰብአዊ መብት ቀን በኢንተርኮንትኔንታል ሆቴል ሲከበር አግኝተናቸው ባነጋገርናቸው ወቅት ነው፡፡የኢትዮጵያ ሰብአዊ መብት ኮሚሽን ከተለያዩ አምስት መንግስታዊ ካልሆኑ በጉዳዩ ላይ ከሚሰሩ ድርጅቶች ጋር ዕለቱን አስመልክቶ በኢትዮጵያ ስላለው የሰብአዊ መብት አያያዝ እየመከረ ነው፡፡

ትዕግስት ዘሪሁን
አስተያየት ይፃፉ (0 አስተያየት)

ሕዳር 29፣ 2012/ በተፈናቃይ መጠለያ ጣቢያዎች በሚገኙ ሴቶች እና ህፃናት ላይ የሚደርሰው ፆታዊ ጥቃት አስፈላጊው ትኩረት እየተሰጠው አይደለም ተባለ

በተፈናቃይ መጠለያ ጣቢያዎች በሚገኙ ሴቶች እና ህፃናት ላይ የሚደርሰው ፆታዊ ጥቃት አስፈላጊው ትኩረት እየተሰጠው አይደለም ተባለ፡፡


ማህሌት ታደለ
አስተያየት ይፃፉ (0 አስተያየት)

ሕዳር 30፣ 2012/ ለመሆኑ እየበዙ ላሉት ባንኮችና የኢንሹራንስ ድርጅቶች አሁን ላይ ምን ምቹ ሁኔታ አለ?

የሀገራችን የግል ባንኮች ቁጥር ከጊዜ ወደ ጊዜ እየጨመረ ነው፡፡በምስረታ ሂደት ያሉትን ትተን በስራ ላይ የሚገኙትን ብቻ እንኳን ብናይ አስራ ስምንት ደርሰዋል፡፡የኢንሹራንስ ድርጅቶችም እንዲሁ እየበዙ ነው፡፡ለመሆኑ በዚህ መልኩ እየበዙ ላሉት ባንኮችና የኢንሹራንስ ድርጅቶች አሁን ላይ ምን ምቹ ሁኔታ አለ? እንደ ፈተናስ ሊታይ የሚችሉ ነገሮች ምንድናቸው? ንጋቱ ረጋሣ ባለሞያዎችን ጠይቋል…

አስተያየት ይፃፉ (0 አስተያየት)

ሕዳር 30፣ 2012/ በኢትዮጵያ ወቅታዊ የሰብአዊ መብት አያያዝ ችግሮች እንዴት መስተካከል እንዳለባቸው ዛሬ የኢትዮጵያ የሰብአዊ መብት ኮሚሽን ጉዳዩ ከሚመለከታቸው ጋር ይመክረበታል ተባለ

በየአመቱ ዲሴምበር 10 ተከብሮ የሚውለውን ዓለም አቀፍ የሰብአዊ መብት ቀንን ምክንያት በማድረግ ምክክሩ እንደሚካሄድ ሰምተናል፡፡ኮሚሽነሩ ዶ/ር ዳንኤል በቀለ ለሸገር እንደተናገሩት፣ ኮሚሽኑ ከኢትዮጵያ ሲቪል ማህበረሰብ ድርጅቶች ጋር በመተባበር በሚያዘጋጀው ምክክር ወቅታዊው የሰብአዊ መብት አያያዝን በተመለከተ በምሁራን ለውይይት መነሻ የሚሆን ጥናት ይቀርባል፡፡ችግሮቹም ተነቅሰው ከተዘረዘሩ በኋላ የመፍትሄ ሀሰብ ይቀርባል ተብሎ ይጠበቃል ብለውናል፡፡

በኢትዮጵያ የሰብአዊ መብት አያያዝ እንዲሻሻል የተጉ ኢትዮጵያውያንም እውቅና እንደሚሰጣቸው ሰምተናል፡፡በየአመቱ ዲሴምበር 10 ተከብሮ የሚውለው ዓለም አቀፍ የሰብአዊ መብት ቀን መነሻው በተባበሩት መንግስታት ድርጅት አማካኝነት ዓለም አቀፍ የሰብአዊ መብቶች መግለጫ ሰነድ የፀደቀበት እለት ነው፡፡የዘንድሮው የዓለም የሰብአዊ መብት ቀን ለ71ኛ ጊዜ የሚከበር ነው፡፡

ትዕግስት ዘሪሁን
አስተያየት ይፃፉ (0 አስተያየት)

ሕዳር 29፣ 2012/ የተከላው ስራ ተጠናቅቆ የሙከራ ስራ የጀመረው የሐዋሳ ዘመናዊ የመድሃኒት ማቃጠያ ማሽን እስካሁን የኤሌክትሪክ ሀይል አላገኘም ተባለ

የተከላው ስራ ተጠናቅቆ የሙከራ ስራ የጀመረው የሐዋሳ ዘመናዊ የመድሃኒት ማቃጠያ ማሽን እስካሁን የኤሌክትሪክ ሀይል አላገኘም ተባለ፡፡ ይህም ለተጨማሪ ወጭ እየዳረገው ነው ተብሏል፡፡


ትዕግስት ዘሪሁን
አስተያየት ይፃፉ (0 አስተያየት)
Sheger 102.1 AudioNow Numbers