ሐምሌ 24፣2016 - ብሔራዊ ባንክ፤ ወርቅ ለሚያቀርቡ አምራቾች እና አቅራቢዎች ክፍያ የሚፈጸመው፤ በየዕለቱ በማወጣው የውጭ ምንዛሬ ተመን ተሰልቶ ነው አለ

የኢትዮጵያ ብሔራዊ ባንክ፤ ወርቅ ለሚያቀርቡ አምራቾች እና አቅራቢዎች ክፍያ የሚፈጸመው፤ በየዕለቱ በማወጣው የውጭ ምንዛሬ ተመን ተሰልቶ ነው አለ፡፡

ባንኩ በወርቅ መግዣ ላይ አዲሱን አሰራር ተግባራዊ ያደረገው፤ የውጭ ምንዛሬ ተመን በገበያ የሚመራ መደረጉን ተከትሎ ነው።

እ.ኤ.አ ከ ሐምሌ 22 ቀን 2016 ዓ.ም. ጀምሮ ለማንኛዉም ወርቅ አቅራቢ ክፍያ የሚፈጸመዉ፤ የእለቱን ዓለም ዓቀፍ የወርቅ ዋጋ በእለቱ ብሔራዊ ባንክ በሚያወጣዉ የዉጭ ምንዛሪ ተመን ተባዝቶ ይሆናል ብሏል ማዕከላዊ ባንኩ፡፡

#ወርቅ አምራቾችና አቅራቢዎች የእለቱን የዉጭ ምንዛሪ ተመን ከብሔራዊ ባንክ ድረ-ገጽ ላይ እንደሚያገኙ ባንኩ ተናግሯል፡፡

ለሚያቀርቡት ወርቅ ክፍያዉን ወርቁን ከሸጡበት የኢትዮጵያ ንግድ ባንክ ቅርንጫፍ በእለቱ ማግኘት ይችላሉ ተብሏል፡፡