ሐምሌ 29፣2016 - በወላይታ ዞን በተከሰተ የመሬት መንሸራተት አደጋ የ11 ሰዎች ሕይወት አለፈ፡፡

በደቡብ ኢትዮጵያ ክልል በወላይታ ዞን ዛሬ ረፋድ 5 ሠዓት አካባቢ በተከሰተ የመሬት ናዳ፤ አደጋ የ11 ሰዎች ሕይወት ማለፉን የደቡብ ሬዲዮና ቴሌቪዥን ድርጅት ዘግቧል፡፡

በተከሰተው አደጋ እስካሁን በተደረገ ፍለጋ የ11 ሰዎች አስከሬን መገኘቱንና የሟቾች ቁጥር ሊያሻቅብ እንደሚችል የካዎ ኮይሻ ወረዳ አስተዳዳሪ አቶ ሕዝቅኤል ጎቶሮ ለደቡብ ሬዲዮና ቴሌቪዥን ድርጅት ተናግረዋል፡፡

#በሌላ_በኩል በቀሪ የክረምት ወራቶች ተደጋጋሚ የሆነ የመሬት መንሸራተት ሊኖር እንደሚችል የኢትዮጵያ ሜቲዮሮሎጂ ኤጀንሲ አስጠንቅቋል፡፡

የኤጀንሲው ዋና ዳይሬክተር አቶ ፈጠነ ተሾመ ዛሬ ከሰዓት በኋላ በሰጡት መግለጫ በቀሪ የክረምቱ ቀናት ክረምቱ ከፍተኛ መጠን ያለው ዝናብ ስለሚኖር፤ ለጎርፍ ተጋላጭ በሆኑ አካባቢዎች የቅድመ ጥንቃቄ ሥራዎች እንዲከወኑ አሳስበዋል፡፡

በመጪው ነሐሴና መስከረም ወራቶች ከፍተኛ መጠን ያለው ዝናብ ስለሚኖር የመሬት መንሸራተት፣ የውሃ መተኛት፣ ጎርፍ፣ የወንዝና የግድቦች ሙላት፣ የሰብል በሽታ፣ የአፈር መሸርሸር እንደሚኖር ተነግሯል፡፡

በደሴ ከተማ፣ አባይ ተፋሰስ አካባቢ፣ በወላይታ ኮይሻ አካባቢና ሌሎችም ቦታዎች ላይ የመሬት መንሸራተት ሊከሰረት እንደሚችል ትንበያው አመላክቷል።

#የመሬት_መንሸራተት #ወላይታ_ዞን

ትዕግስት ዘሪሁን / ምንታምር ፀጋው